“Qimmatli qogʻozlar emissiyasi va emissiyaviy qimmatli qogʻozlar chiqarilishlarini davlat roʻyxatidan oʻtkazish qoidalarini tasdiqlash toʻgʻrisida”gi buyruqqa oʻzgartirishlar kiritish toʻgʻrisida (2000-7-son)

29.05.2020

Oʻzbekiston Respublikasi Kapital bozorini rivojlantirish agentligi direktorining

buyrugʻi

[Oʻzbekiston Respublikasi Adliya vazirligi tomonidan 2020-yil 29-mayda roʻyxatdan oʻtkazildi, roʻyxat raqami 2000-7]

Oʻzbekiston Respublikasi Prezidentining 2019-yil 14-yanvardagi PF-5630-son “Davlat aktivlarini boshqarish, monopoliyaga qarshi kurashishni tartibga solish tizimini va kapital bozorini tubdan takomillashtirish chora-tadbirlari toʻgʻrisida”gi Farmoni, Oʻzbekiston Respublikasi Prezidentining 2019-yil 20-noyabrdagi PQ-4525-son “Mamlakatda biznes muhitini yanada yaxshilash va tadbirkorlikni qoʻllab-quvvatlash tizimini takomillashtirish chora-tadbirlari toʻgʻrisida”gi qarori va Oʻzbekiston Respublikasi Vazirlar Mahkamasining 2019-yil 7-avgustdagi 650-son “Oʻzbekiston Respublikasi Kapital bozorini rivojlantirish agentligi va Oʻzbekiston Respublikasi Kapital bozorini rivojlantirish agentligi huzuridagi Kapital bozorini rivojlantirishga koʻmaklashish jamgʻarmasi toʻgʻrisidagi nizomlarni tasdiqlash haqida”gi qaroriga muvofiq buyuraman:

1. Oʻzbekiston Respublikasi Davlat mulki qoʻmitasi huzuridagi Qimmatli qogʻozlar bozori faoliyatini muvofiqlashtirish va nazorat qilish markazi bosh direktorining 2009-yil 16-iyuldagi 2009-40-sonli “Qimmatli qogʻozlar emissiyasi va emissiyaviy qimmatli qogʻozlar chiqarilishlarini davlat roʻyxatidan oʻtkazish qoidalarini tasdiqlash toʻgʻrisida”gi buyrugʻiga (roʻyxat raqami 2000, 2009-yil 30-avgust) (Oʻzbekiston Respublikasi qonun hujjatlari toʻplami, 2009-y., 36-son, 394-modda) ilovaga muvofiq oʻzgartirishlar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

Direktor A. NAZIROV

Toshkent sh.,

2020-yil 7-may,

2020-08-son

Oʻzbekiston Respublikasi Kapital bozorini rivojlantirish agentligi direktorining 2020-yil 7-maydagi 2020-08-son buyrugʻiga ILOVA

Qimmatli qogʻozlar emissiyasi va emissiyaviy qimmatli qogʻozlar chiqarilishlarini davlat roʻyxatidan oʻtkazish qoidalari kiritilayotgan oʻzgartirishlar

1. Buyruqning muqaddimasi quyidagi tahrirda bayon etilsin:

“Oʻzbekiston Respublikasining “Qimmatli qogʻozlar bozori toʻgʻrisida”gi Qonuni va Oʻzbekiston Respublikasi Vazirlar Mahkamasining 2019-yil 7-avgustdagi 650-son “Oʻzbekiston Respublikasi Kapital bozorini rivojlantirish agentligi va Oʻzbekiston Respublikasi Kapital bozorini rivojlantirish agentligi huzuridagi Kapital bozorini rivojlantirishga koʻmaklashish jamgʻarmasi toʻgʻrisidagi nizomlarni tasdiqlash haqida”gi qaroriga muvofiq buyuraman:”.

2. Qoidalarda:

a) 1-bandning toʻqqizinchi xatboshisidagi “Oʻzbekiston Respublikasi Davlat raqobat qoʻmitasi huzuridagi Qimmatli qogʻozlar bozori faoliyatini muvofiqlashtirish va rivojlantirish markazi va uning hududiy organlari” degan soʻzlar “Oʻzbekiston Respublikasi Kapital bozorini rivojlantirish agentligi va uning hududiy boshqarmalari” degan soʻzlar bilan almashtirilsin;

b) 35-banddagi “Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi (bundan buyon matnda Davlat raqobat qoʻmitasi deb yuritiladi) yoki uning hududiy organi” degan soʻzlar “Oʻzbekiston Respublikasi Davlat aktivlarini boshqarish agentligi (bundan buyon matnda Davlat aktivlarini boshqarish agentligi deb yuritiladi) yoki uning hududiy boshqarmasi” degan soʻzlar bilan almashtirilsin;

v) 451-bandning ikkinchi xatboshisidan “va asosiy muhri” degan soʻzlar chiqarib tashlansin;

g) 47-banddagi “emitentning rahbari va bosh hisobchisining imzolari bilan tasdiqlangan, emitentning asosiy muhri bosilgan hujjat nusxasi taqdim etiladi” degan soʻzlar “emitentning rahbari va bosh hisobchisining imzolari bilan tasdiqlangan hujjat nusxasi taqdim etiladi” degan soʻzlar bilan almashtirilsin;

d) 57-bandning “b” kichik bandidagi “organlarida” degan soʻz “boshqarmalarida” degan soʻz bilan almashtirilsin;

e) 58-bandning uchinchi xatboshisidagi “organlariga” degan soʻz “boshqarmalariga” degan soʻz bilan almashtirilsin;

j) 60-bandning “d” kichik bandi quyidagi tahrirda bayon etilsin:

“d) Davlat aktivlarini boshqarish agentligi direktori yoki uning hududiy boshqarmasi boshligʻining davlat korxonasini qayta tuzish toʻgʻrisidagi buyrugʻi;”;

z) 61-banddagi “Davlat raqobat qoʻmitasi yoki uning hududiy organi” degan soʻzlar “Davlat aktivlarini boshqarish agentligi yoki uning hududiy boshqarmasi” degan soʻzlar bilan almashtirilsin;

i) 69-band quyidagi tahrirda bayon etilsin:

“69. Emissiyaviy qimmatli qogʻozlar chiqarilishini davlat roʻyxatidan oʻtkazish boʻyicha hujjatlarni koʻrib chiqish uchun emitent roʻyxatdan oʻtkazuvchi organga bazaviy hisoblash miqdorining besh barobari miqdorida yigʻim toʻlaydi.”;

k) 81-bandning ikkinchi xatboshisidan ikkinchi jumla chiqarib tashlansin;

l) 1-ilovada:

“Muhr” degan soʻz chiqarib tashlansin;

“TASDIQLANGAN” (emitentning nomi) (jamiyat kuzatuv kengashi raisining yoki boshqa vakolatli shaxsning F.I.O. va imzosi) ______-son (sana) M.Oʻ.” degan soʻzlar “TASDIQLANGAN” (emitentning nomi) (jamiyat kuzatuv kengashi raisining yoki boshqa vakolatli shaxsning F.I.O. va imzosi) ______-son (sana)” degan soʻzlar bilan almashtirilsin;

“TASDIQLANGAN” (baholovchi tashkilot nomi) (rahbarning lavozimi, F.I.O., imzo) (sana) M.Oʻ.” degan soʻzlar “TASDIQLANGAN” (baholovchi tashkilot nomi) (rahbarning lavozimi, F.I.O., imzo) (sana)” degan soʻzlar bilan almashtirilsin;

m) 1a-ilovada:

“Muhr” degan soʻz chiqarib tashlansin;

“TASDIQLANGAN” (emitentning nomi) (jamiyat kuzatuv kengashi raisining yoki boshqa vakolatli shaxsning F.I.O. va imzosi) ______-son (sana) M.Oʻ.” degan soʻzlar “TASDIQLANGAN” (emitentning nomi) (jamiyat kuzatuv kengashi raisining yoki boshqa vakolatli shaxsning F.I.O. va imzosi) ______-son (sana)” degan soʻzlar bilan almashtirilsin;

“TASDIQLANGAN” (ushbu chiqarilish boʻyicha taʼminot bergan shaxsning nomi) (rahbarning lavozimi, F.I.O., imzo) “___” ______ 20___ y. (sana) M.Oʻ.” degan soʻzlar “TASDIQLANGAN” (ushbu chiqarilish boʻyicha taʼminot bergan shaxsning nomi) (rahbarning lavozimi, F.I.O., imzo) “___” ______ 20___ y. (sana)” degan soʻzlar bilan almashtirilsin;

“TASDIQLANGAN” (baholovchi tashkilot nomi) (rahbarning lavozimi, F.I.O., imzo) “___” ______ 20___ y. M.Oʻ.” degan soʻzlar “TASDIQLANGAN” (baholovchi tashkilot nomi) (rahbarning lavozimi, F.I.O., imzo) “___” ______ 20___ y. (sana)” degan soʻzlar bilan almashtirilsin;

n) 2-ilovada:

“M.Oʻ.” qisqartmasi va “Muhr” degan soʻz chiqarib tashlansin;

39-band quyidagi tahrirda bayon etilsin:

“39. Mazkur emissiya risolasida koʻrsatilgan barcha hujjatlar uning tarkibiy qismidir va ular biriktirilgan, raqamlangan va tikilgan boʻlishi lozim.”;

o) 2a-ilovada:

“Muhr” degan soʻz chiqarib tashlansin;

“TASDIQLANGAN” (Davlat raqobat qoʻmitasi yoki uning hududiy organi) (tasdiqlovchi organ vakolatli shaxsining lavozimi, F.I.O., imzo) ____________ 20__y. M.Oʻ.” degan soʻzlar “TASDIQLANGAN” (Davlat aktivlarini boshqarish agentligi yoki uning hududiy boshqarmasi) (tasdiqlovchi organ vakolatli shaxsining lavozimi, F.I.O., imzo) ____________ 20__y. M.Oʻ.” degan soʻzlar bilan almashtirilsin;

“(Davlat raqobat qoʻmitasi yoki uning hududiy organi buyrugʻining)” degan soʻzlar “(Davlat aktivlarini boshqarish agentligi direktori yoki uning hududiy boshqarmasi boshligʻining buyrugʻi)” degan soʻzlar bilan almashtirilsin;

6-band quyidagi tahrirda bayon etilsin:

“6. Davlat aktivlarini boshqarish agentligi direktori yoki uning hududiy boshqarmasi boshligʻining buyrugʻiga muvofiq ustav kapitalining ulushlar boʻyicha taqsimlanishi.”;

33-bandning “k” kichik bandi quyidagi tahrirda bayon etilsin:

“k) Davlat aktivlarini boshqarish agentligi direktori yoki uning hududiy boshqarmasi boshligʻining korxonani xususiylashtirish toʻgʻrisidagi buyrugʻining raqami va sanasi;”;

40-band quyidagi tahrirda bayon etilsin:

“40. Mazkur emissiya risolasida koʻrsatilgan barcha hujjatlar uning tarkibiy qismidir va ular biriktirilgan, raqamlangan va tikilgan boʻlishi lozim.”;

p) 2b-ilovada:

“M.Oʻ.” qisqartmasi va “Muhr” degan soʻz chiqarib tashlansin;

29-banddagi “eng kam ish haqi summasidan — 1000 barobardan” degan soʻzlar “bazaviy hisoblash miqdorining 1000 baravari miqdoridan” degan soʻzlar bilan almashtirilsin;

48-band quyidagi tahrirda bayon etilsin:

“48. Mazkur emissiya risolasida koʻrsatilgan barcha hujjatlar uning tarkibiy qismidir va ular biriktirilgan, raqamlangan va tikilgan boʻlishi lozim.”;

r) 2v-ilovada:

“M.Oʻ.” qiskartmasi va “Muhr” degan soʻz chiqarib tashlansin;

22-band quyidagi tahrirda bayon etilsin:

“22. Soliq va yigʻimlarni toʻlash boʻyicha muddati oʻtkazib yuborilgan qarzlar miqdori, ming soʻmda:

Soliq va yigʻimlar turlari Qarz summasi 1 2 ”;

24-banddagi “eng kam ish haqi summasidan — 1000 barobardan” degan soʻzlar “bazaviy hisoblash miqdorining 1000 baravari miqdoridan” degan soʻzlar bilan almashtirilsin;

36-banddan “va fondning muhri bilan tasdiqlangan” degan soʻzlar chiqarib tashlansin;

s) 3, 6, 7 va 8-ilovalardan “Muhr” degan soʻz chiqarib tashlansin;

t) 9-ilovada:

“ROʻYXATDAN OʻTKAZILGAN” (roʻyxatdan oʻtkazuvchi organning nomi) (roʻyxatdan oʻtkazuvchi organ vakolatli shaxsining lavozimi, F.I.O., imzo) (sana) _______-son M.J.” degan soʻzlar “ROʻYXATDAN OʻTKAZILGAN” (roʻyxatdan oʻtkazuvchi organning nomi) (roʻyxatdan oʻtkazuvchi organ vakolatli shaxsining lavozimi, F.I.O., imzo) (sana) _______-son M.Oʻ.” degan soʻzlar bilan almashtirilsin;

“M.J.” qisqartmasi va “Muhr” degan soʻz chiqarib tashlansin;

u) 10-ilovadan “M.J.” qisqartmasi va “Muhr” degan soʻz chiqarib tashlansin.