“Qishloq xoʻjaligi kooperativi (shirkat xoʻjaligi) toʻgʻrisida”gi Oʻzbekiston Respublikasi Qonunini amalga kiritish tartibi haqida (601-I-son)

30.04.1998

Oʻzbekiston Respublikasi Oliy Majlisining

Qarori

Oʻzbekiston Respublikasi Oliy Majlisi qaror qiladi:

1. “Qishloq xoʻjaligi kooperativi (shirkat xoʻjaligi) toʻgʻrisida”gi Oʻzbekiston Respublikasi Qonuni 1998-yil 1-iyuldan amalga kiritilsin. Mazkur Qonunning amalga kiritilishi Oʻzbekiston Respublikasi Prezidentining 1998-yil 18-martdagi Farmoni bilan tasdiqlangan “1998 — 2000-yillardagi davrda qishloq xoʻjaligidagi iqtisodiy islohotlarni chuqurlashtirish dasturi”da nazarda tutilgan muddatlar va tadbirlarga muvofiq ravishda taʼminlansin.

2. Oʻzbekiston Respublikasi Vazirlar Mahkamasi:

hukumat qarorlarini “Qishloq xoʻjaligi kooperativi (shirkat xoʻjaligi) toʻgʻrisida”gi Qonunga muvofiq holga keltirsin;

amaldagi jamoa xoʻjaliklarini qishloq xoʻjaligi kooperativlariga (shirkat xoʻjaliklariga) aylantirish tartibini tasdiqlasin;

vazirliklar va idoralar mazkur Qonunga zid boʻlgan oʻz normativ hujjatlarini qayta koʻrib chiqishlari va bekor qilishlarini taʼminlasin.

Oʻzbekiston Respublikasi Oliy Majlisining Raisi E. XALILOV

Toshkent sh.,

1998-yil 30-aprel,

601-I-son