“2020-yil uchun davlat statistika hisoboti shakllarini tasdiqlash toʻgʻrisida”gi qarorga oʻzgartirishlar kiritish haqida (3193-1-son)

15.05.2020

Oʻzbekiston Respublikasi Davlat statistika qoʻmitasining

Qarori

[Oʻzbekiston Respublikasi Adliya vazirligi tomonidan 2020-yil 15-mayda roʻyxatdan oʻtkazildi, roʻyxat raqami 3193-1]

Oʻzbekiston Respublikasining “Davlat statistikasi toʻgʻrisida”gi, “Maxsus iqtisodiy zonalar toʻgʻrisida”gi qonunlari, Oʻzbekiston Respublikasi Vazirlar Mahkamasining 2020-yil 10-martdagi 136-son “2020-2021-yillarda ichki va tashqi bozorlarda xaridorgir mahsulotlarni ishlab chiqarishni mahalliylashtirish dasturi toʻgʻrisida”gi qarori ijrosini taʼminlash va qurilish xizmatlari importi tarkibini baholash bilan bogʻliq statistik koʻrsatkichlarni yanada takomillashtirish maqsadida Oʻzbekiston Respublikasi Davlat statistika qoʻmitasi qaror qiladi:

1. Oʻzbekiston Respublikasi Davlat statistika qoʻmitasining 2019-yil 2-oktabrdagi 10-mb-son “2020-yil uchun davlat statistika hisoboti shakllarini tasdiqlash toʻgʻrisida”gi qaroriga (roʻyxat raqami 3193, 2019-yil 4-noyabr) (Qonun hujjatlari maʼlumotlari milliy bazasi, 04.11.2019-y., 10/19/3193/3993-son) ilovaga muvofiq oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

3. Oʻzgartirishlarning 3-bandi 2020-yil 19-maydan kuchga kiradi.

Rais B. BEGALOV

Toshkent sh.,

2020-yil 24-aprel,

3-mb-son

Oʻzbekiston Respublikasi Davlat statistika qoʻmitasining 2020-yil 24-apreldagi 3-mb-son qaroriga ILOVA

“2020-yil uchun davlat statistika hisoboti shakllarini tasdiqlash toʻgʻrisida”gi qarorga kiritilayotgan oʻzgartirishlar

1. Qarorning 20-ilovasi mazkur oʻzgartirishlarning 1-ilovasiga muvofiq tahrirda bayon etilsin.

2. Qarorning 109-ilovasi III boʻlimi quyidagi tahrirda bayon etilsin:

3. Qarorning 109/4-ilovasi mazkur oʻzgartirishlarning 2-ilovasiga muvofiq tahrirda bayon etilsin.