Oʻzbekiston Respublikasi Ichki ishlar vazirligining jazoni ijro etish muassasalarida uzoq muddatli uchrashuvlarga xonalar taqdim etganlik uchun tariflarga oʻzgartirish kiritish toʻgʻrisida (2964-1-son)

25.05.2020

Oʻzbekiston Respublikasi Ichki ishlar vazirligi Oʻzbekiston Respublikasi Moliya vazirligining

qarori

[Oʻzbekiston Respublikasi Adliya vazirligi tomonidan 2020-yil 25-mayda roʻyxatdan oʻtkazildi, roʻyxat raqami 2964-1]

Oʻzbekiston Respublikasi Prezidentining 2019-yil 21-maydagi PF-5723-son “Mehnatga haq toʻlash, pensiyalar va boshqa toʻlovlar miqdorlarini aniqlash tartibini takomillashtirish toʻgʻrisida”gi Farmoniga muvofiq Oʻzbekiston Respublikasi Ichki ishlar vazirligi va Moliya vazirligi qaror qiladi:

1. Oʻzbekiston Respublikasi Ichki ishlar vazirligi va Moliya vazirligining 2017-yil 29-dekabrdagi 72 va 190-son qarori (ruyxat raqami 2964, 2018-yil 17-yanvar) (Oʻzbekiston Respublikasi qonun hujjatlari toʻplami, 2018-y., 3-son, 57-modda) bilan tasdiqlangan Oʻzbekiston Respublikasi Ichki ishlar vazirligining jazoni ijro etish muassasalarida uzoq muddatli uchrashuvlarga xonalar taqdim etganlik uchun tariflarning 1,2,3-pozitsiyalaridagi “eng kam ish haqining” degan soʻzlar “bazaviy hisoblash miqdorining” degan soʻzlar bilan almashtirilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Ichki ishlar vaziri P. BOBOJONOV

Toshkent sh.,

2020-yil 05-may,

32qq-son

Moliya vaziri T. IShMETOV

Toshkent sh.,

2020-yil 05-may,

15-son