“Ichki ishlar organlari tomonidan giyohvandlik vositalari, ularning analoglari, psixotrop moddalar va prekursorlar saqlanadigan obyekt hamda xonalarning texnik mustahkamligi va qoʻriqlash-yongʻinga qarshi signalizatsiya moslamalari bilan jihozlanganligi holati ustidan nazoratni amalga oshirish tartibi toʻgʻrisidagi nizomni tasdiqlash haqida”gi buyruqqa oʻzgartirishlar kiritish toʻgʻrisida (2041-4-son)

20.05.2020

Oʻzbekiston Respublikasi Ichki ishlar vazirining

buyrugʻi

[Oʻzbekiston Respublikasi Adliya vazirligi tomonidan 2020-yil 20-mayda roʻyxatdan oʻtkazildi, roʻyxat raqami 2041-4]

Oʻzbekiston Respublikasi Vazirlar Mahkamasining 2020-yil 14-fevraldagi 85-son “Giyohvandlik vositalari, ularning analoglari, psixotrop moddalar va prekursorlarning muomalasi sohasidagi nizomlarni tasdiqlash toʻgʻrisida”gi qaroriga muvofiq buyuraman:

1. Oʻzbekiston Respublikasi ichki ishlar vazirining 2009-yil 4-oktabrdagi 75-son “Ichki ishlar organlari tomonidan giyohvandlik vositalari, ularning analoglari, psixotrop moddalar va prekursorlar saqlanadigan obyekt hamda xonalarning texnik mustahkamligi va qoʻriqlash-yongʻinga qarshi signalizatsiya moslamalari bilan jihozlanganligi holati ustidan nazoratni amalga oshirish tartibi toʻgʻrisidagi nizomni tasdiqlash haqida”gi buyrugʻiga (roʻyxat raqami 2041, 2009-yil 16-noyabr) (Oʻzbekiston Respublikasi qonun hujjatlari toʻplami, 2009-y., 47-son, 508-modda) ilovaga muvofiq oʻzgartirishlar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

Vazir P.R. BOBOJONOV

Toshkent sh.,

2020-yil 20-aprel,

147-son

Oʻzbekiston Respublikasi ichki ishlar vazirining 2020-yil 20-apreldagi 147-son buyrugʻiga ILOVA

“Ichki ishlar organlari tomonidan giyohvandlik vositalari, ularning analoglari, psixotrop moddalar va prekursorlar saqlanadigan obyekt hamda xonalarning texnik mustahkamligi va qoʻriqlash-yongʻinga qarshi signalizatsiya moslamalari bilan jihozlanganligi holati ustidan nazoratni amalga oshirish tartibi toʻgʻrisidagi nizomni tasdiqlash haqida”gi buyruqqa kiritilayotgan oʻzgartirishlar

1. Buyruqda:

nomi va 1-banddagi “va qoʻriqlash-yongʻinga qarshi signalizatsiya moslamalari” degan soʻzlar “, qoʻriqlash va yongʻindan darak beruvchi signalizatsiya vositalari hamda videokuzatuv tizimlari” degan soʻzlar bilan almashtirilsin;

2-band oʻz kuchini yoʻqotgan deb topilsin.

2. Nizomda:

nomidagi “va qoʻriqlash-yongʻinga qarshi signalizatsiya moslamalari” degan soʻzlar “, qoʻriqlash va yongʻindan darak beruvchi signalizatsiya vositalari hamda videokuzatuv tizimlari” degan soʻzlar bilan almashtirilsin;

muqaddimadagi “hamda qoʻriqlash-yongʻinga qarshi signalizatsiya moslamalarining” degan soʻzlar “, qoʻriqlash va yongʻindan darak beruvchi signalizatsiya vositalari hamda videokuzatuv tizimlarining” degan soʻzlar bilan almashtirilsin;

11-banddagi “Giyohvandlik vositalari, psixotrop moddalar va prekursorlarni saqlash boʻyicha texnik talablari toʻgʻrisidagi nizomda (roʻyxat raqami 1048, 2001-yil 11-iyul) oʻrnatilgan” degan soʻzlar “Oʻzbekiston Respublikasi Vazirlar Mahkamasining 2020-yil 14-fevraldagi 85-son qarori bilan tasdiqlangan Obyektlar (xonalar)ning giyohvandlik vositalarini, ularning analoglarini, psixotrop moddalar va prekursorlarni saqlash boʻyicha texnik talablarga muvofiqligi toʻgʻrisida xulosalar berish tartibi haqidagi nizomda belgilangan” degan soʻzlar bilan almashtirilsin;

2-ilova mazkur oʻzgartirishlarning ilovasiga muvofiq tahrirda bayon etilsin.

“Ichki ishlar organlari tomonidan giyohvandlik vositalari, ularning analoglari, psixotrop moddalar va prekursorlar saqlanadigan obyekt hamda xonalarning texnik mustahkamligi va qoʻriqlash-yongʻinga qarshi signalizatsiya moslamalari bilan jihozlanganligi holati ustidan nazoratni amalga oshirish tartibi toʻgʻrisidagi nizomni tasdiqlash haqida”gi buyruqqa kiritilayotgan oʻzgartirishlarga ILOVA

“Ichki ishlar organlari tomonidan giyohvandlik vositalari, ularning analoglari, psixotrop moddalar va prekursorlar saqlanadigan obyekt hamda xonalarning texnik mustahkamligi, qoʻriqlash va yongʻindan darak beruvchi signalizatsiya vositalari hamda videokuzatuv tizimlari bilan jihozlanganligi holati ustidan nazoratni amalga oshirish tartibi toʻgʻrisida nizomga 2-ILOVA

Giyohvandlik vositalari, ularning analoglari, psixotrop moddalar va prekursorlar saqlanadigan obyekt va xonalarni tekshirish

DALOLATNOMASI

(Qonun hujjatlari maʼlumotlari milliy bazasi, 20.05.2020-y., 09/20/2041-4/0629-son)