Sirdaryo viloyatining Sardoba, Oqoltin va Mirzaobod tumanlarida aholi uy-joylarini qurish va taʼmirlash, ijtimoiy va ishlab chiqarish infratuzilmalari bilan taʼminlash chora-tadbirlari toʻgʻrisida (294-son)

19.05.2020

Oʻzbekiston Respublikasi Vazirlar Mahkamasining

qarori

Sirdaryo viloyati Sardoba tumani hududidagi “Sardoba suv ombori” toʻgʻonida yuz bergan favqulodda hodisa oqibatlarini bartaraf etish, avariya-tiklash, aholi punktlari, ijtimoiy va ishlab chiqarish infratuzilma obyektlarida qurilish-taʼmirlash ishlarini olib borish, zarar koʻrgan aholiga har tomonlama tezkor amaliy yordam koʻrsatish maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining “Sirdaryo viloyatida joylashgan “Sardoba suv ombori” toʻgʻonida yuzaga kelgan favqulodda hodisa oqibatlarini bartaraf etish boʻyicha kechiktirib boʻlmaydigan chora-tadbirlar toʻgʻrisida” 2020-yil 1-maydagi F-5569-son farmoyishiga hamda Oʻzbekiston Respublikasi Prezidenti Sh.M. Mirziyoyevning joriy yil 15-may kuni Sirdaryo viloyatiga tashrifi davomida berilgan topshiriqlariga muvofiq quyidagilar:

uy-joyi buzilgan yoki yashab boʻlmaydigan holatga kelgan oilalar uchun 2020-2021-yillar davomida koʻp kvartirali uy-joylar (keyingi oʻrinlarda — koʻp kvartirali uy-joylar) qurish hamda favqulodda hodisa oqibatida uy-joyiga ziyon yetib, unda yashash imkoniyati boʻlgan oilalarning uy-joyini rekonstruksiya qilish va taʼmirlash nazarda tutilganligi;

koʻp kvartirali uy-joylar, ijtimoiy soha obyektlari, muhandislik-transport kommunikatsiya tarmoqlarini qurish, rekonstruksiya qilish va taʼmirlash ishlari, shuningdek, suv toshqini oqibatida izdan chiqqan irrigatsiya va melioratsiya obyektlarini tiklash uchun Oʻzbekiston Respublikasi Davlat budjeti va xalqaro moliya institutlari mablagʻlari hisobidan qoʻshimcha 1,5 trln soʻm miqdorida mablagʻ ajratilganligi maʼlumot uchun qabul qilinsin.

2. Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi, Moliya vazirligi, Sirdaryo viloyati hokimligi tomonidan manfaatdor vazirliklar va idoralar bilan birgalikda ishlab chiqilgan Sirdaryo viloyati “Sardoba suv ombori” toʻgʻonidan suv toshishi natijasida zarar koʻrgan Sardoba, Oqoltin va Mirzaobod tumanlaridagi quyidagi uy-joylar, ijtimoiy va ishlab chiqarish infratuzilmasi obyektlarini qurish, rekonstruksiya qilish va taʼmirlashning manzilli dasturlari:

Uy-joyi buzilgan yoki yashab boʻlmaydigan holatga kelgan oilalar uchun 2020-2021-yillar davomida koʻp kvartirali uy-joylar qurish parametrlari 1-ilovaga muvofiq;

Umumtaʼlim maktablarini qurish, rekonstruksiya qilish, mukammal taʼmirlash va jihozlash manzilli dasturi 2-ilovaga muvofiq;

Maktabgacha taʼlim muassasalarini qurish, rekonstruksiya qilish va mukammal taʼmirlash manzilli dasturi 3-ilovaga muvofiq;

Tibbiyot muassasalarini qurish, rekonstruksiya qilish va mukammal taʼmirlash manzilli dasturi 4-ilovaga muvofiq;

Avtomobil yoʻllari, koʻpriklar hamda yoʻl oʻtkazgichlarini qurish, rekonstruksiya qilish va taʼmirlash manzilli dasturi 5-ilovaga muvofiq;

Ichimlik suvi taʼminoti va oqova suv tizimlari obyektlarini qurish va rekonstruksiya qilish manzilli dasturi 6-ilovaga muvofiq tasdiqlansin.

3. Uy-joy, ijtimoiy va ishlab chiqarish infratuzilmasi obyektlarini qurish, rekonstruksiya qilish va taʼmirlash ishlari boʻyicha quyidagilar:

koʻp kvartirali uy-joylar, umumtaʼlim maktablari va tibbiyot muassasalari boʻyicha — Sirdaryo viloyati hokimligi huzuridagi “Yagona buyurtmachi xizmati” injiniring kompaniyasi;

maktabgacha taʼlim muassasalari boʻyicha — Oʻzbekiston Respublikasi Maktabgacha taʼlim vazirligi huzuridagi “Infratuzilmani rivojlantirish injiniring kompaniyasi” DUK;

umumiy foydalanishdagi avtomobil yoʻllari, koʻpriklar hamda yoʻl oʻtkazgichlari boʻyicha — Avtomobil yoʻllari qoʻmitasining Sirdaryo viloyati hududiy yoʻllardan foydalanish boshqarmasi;

qishloq aholi punkti, shahar tipidagi posyolka koʻchalari, xoʻjaliklararo qishloq avtomobil yoʻllari boʻyicha — Sirdaryo viloyati hududiy yoʻllardan foydalanish boshqarmasi huzuridagi “Mintaqaviy yoʻllarga buyurtmachi xizmati” DUK;

irrigatsiya va melioratsiya obyektlari boʻyicha — Suv xoʻjaligi vazirligi huzuridagi irrigatsiya va melioratsiya ishlari boʻyicha ekspluatatsiya tashkilotlari;

ichimlik suvi taʼminoti va oqova suv tizimlari obyektlarini qurish va rekonstruksiya qilish boʻyicha — Uy-joy kommunal xizmat koʻrsatish vazirligining “Suv taʼminoti va oqova suv obyektlari qurilishi boʻyicha injiniring kompaniyasi” DUK;

favqulodda hodisa oqibatida talofat koʻrgan uy-joylarni rekonstruksiya qilish va taʼmirlash boʻyicha — Qoraqalpogʻiston Respublikasi Vazirlar Kengashi, viloyatlar va Toshkent shahar hokimligi huzuridagi “Yagona buyurtmachi xizmati” injiniring kompaniyalari buyurtmachilar etib belgilansin.

4. Uy-joyi buzilgan yoki yashab boʻlmaydigan holatga kelgan oilalar uchun uy-joylar qurish, uy-joyiga ziyon yetgan oilalarning uy-joylarini taʼmirlash, ijtimoiy va ishlab chiqarish infratuzilmasi obyektlarini qurish, rekonstruksiya qilish va taʼmirlash ishlarini zudlik bilan boshlanishi zaruriyatini inobatga olgan holda, istisno tariqasida:

bosh pudrat va loyiha tashkilotlari buyurtmachilar tomonidan, tender (tanlov) oʻtkazmasdan hamda maxsus axborot portaliga eʼlon joylashtirmasdan, eng maqbul takliflar tanlash (yetarlicha mashina va mexanizmlar bilan taʼminlangan, soha boʻyicha zaruriy quruvchi-muxandislarga va obyektlar qurilishida tajribaga ega boʻlgan, moliyaviy barqaror tashkilotlar orasidan) orqali aniqlash hamda aniqlangan pudrat va loyiha tashkilotlari toʻgʻrisidagi maʼlumotlar buyurtmachilar tomonidan uch kundan kechiktirmasdan davlat xaridlarining maxsus axborot portaliga joylashtirishga (1-ilovada belgilangan bosh pudratchi va loyiha tashkilotlari bundan mustasno);

qurilish-montaj ishlarini 2020-yil 1-avgustga qadar loyiha-smeta hujjatlarini ishlab chiqish bilan bir vaqtda amalga oshirishga;

tasdiqlangan manzilli roʻyxatlarga muvofiq, bir martada 30 foiz miqdorida boʻnak (avans) mablagʻlarini ajratgan holda, belgilangan tartibda moliyalashtirishni ochishga ruxsat berilsin.

5. Sirdaryo viloyati hokimligi, Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi, Qurilish vazirligi va Moliya vazirligining budjet tizimi budjetlari hisobiga avvalgi yillarda foydalanishga topshirilgan, biroq Sirdaryo viloyati “Sardoba suv ombori” toʻgʻonidan suv toshishi natijasida zarar koʻrgan obyektlarning kafolat muddati tugagandan soʻng toʻlab berilishi lozim boʻlgan 5 foizlik mablagʻlarni, shu jumladan kafolat muddati tugamagan obyektlarning foydalanishga qabul qilish komissiyasining topshirish dalolatnomalari asosida, istisno tariqasida, moliyalashtirish toʻgʻrisidagi taklifiga rozilik berilsin.

6. Belgilansinki:

aholiga koʻp kvartirali uy-joylar, ijtimoiy va ishlab chiqarish infratuzilma obyektlarini qurish, rekonstruksiya qilish va taʼmirlash boʻyicha mazkur qaror bilan tasdiqlangan manzilli dasturlarga muvofiq zarur boʻladigan mablagʻlar Oʻzbekiston Respublikasining respublika budjeti mablagʻlari va uning qoʻshimcha manbalari hamda Oʻzbekiston Respublikasi Davlat budjetini qoʻllab-quvvatlash uchun xalqaro moliya institutlaridan ajratilgan mablagʻlar hisobidan yoʻnaltiriladi;

umumtaʼlim maktablari, maktabgacha taʼlim muassasalari va tibbiyot muassasalarini qurish, taʼlim va tibbiyot muassasalarining mavjud mebel va inventarlari, oʻquv-laboratoriya jihozlarini inventarizatsiyadan oʻtkazib, zarur mebel va inventarlari hamda oʻquv-laboratoriya jihozlari boʻyicha tasdiqlangan jihozlash meʼyorlarni inobatga olgan holda ishlab chiqilgan loyiha-smeta hujjatlariga asosan foydalanishga tayyor holda topshirish shartlarida amalga oshiriladi.

Bunda, umumtaʼlim maktablarini Oʻzbekiston Respublikasi Xalq taʼlimi vazirligi, Sogʻliqni saqlash vazirligi va “Oʻzstandart” agentligi tomonidan 2020-yilda umumtaʼlim maktablari uchun xarid qilinadigan jihozlarga qoʻyilgan yangi tahrirdagi texnik talablar asosida jihozlanadi;

Sirdaryo viloyatida joylashgan “Sardoba suv ombori” toʻgʻonida yuzaga kelgan favqulodda hodisa oqibatida zarar yetkazilgan elektr energiyasi tarmoqlari, tabiiy gaz quvurlari va aloqa tarmoqlarini tiklash, yangidan qurish, shuningdek, koʻp kvartirali uylar qurilishi belgilangan hududlarga zarur boʻlgan tashqi muhandislik tarmoqlarini yetkazib berish ishlari — tegishlicha “Hududiy elektr tarmoqlari” AJ, “Hududgaztaʼminot” AJ, “Oʻztransgaz” AJ va “Oʻzbektelekom” AK mablagʻlari hisobidan amalga oshiriladi.

Bunda xizmat koʻrsatuvchi tijorat banklari zaruratga qarab mahalliy va xorijiy valyutada kredit mablagʻlarini ajratish choralarini koʻrsin.

7. Oʻzbekiston Respublikasi Moliya vazirligi buyurtmachilarning asoslangan hisob-kitoblariga muvofiq va haqiqiy bajarilgan ishlar hajmidan kelib chiqib:

ijtimoiy soha va boshqa obyektlarini qurish, rekonstruksiya qilish, mukammal taʼmirlash va jihozlash maqsadlari uchun Oʻzbekiston Respublikasi Davlat budjetidan markazlashgan investitsiyalar orqali;

umumiy foydalanishdagi avtomobil yoʻllari, koʻpriklar hamda yoʻl oʻtkazgichlarini qurish, rekonstruksiya qilish, mukammal va joriy taʼmirlash, shuningdek, ichki xoʻjaliklararo avtomobil yoʻllarini va shahar koʻchalarini qurish, rekonstruksiya qilish, mukammal va joriy taʼmirlash maqsadlari uchun Oʻzbekiston Respublikasi Moliya vazirligi huzuridagi va Sirdaryo viloyati moliya bosh boshqarmasi huzuridagi Avtomobil yoʻllarini rivojlantirish maqsadli jamgʻarmalari orqali;

ichimlik suvi taʼminoti va oqova suv tizimlari obyektlarini qurish, rekonstruksiya qilish va mukammal taʼmirlash ishlari uchun Oʻzbekiston Respublikasi Davlat budjetidan Oʻzbekiston Respublikasi Moliya vazirligi huzuridagi Suv taʼminoti va kanalizatsiya tizimlarini rivojlantirish jamgʻarmasi orqali;

uy-joyi buzilgan yoki yashab boʻlmaydigan holatga kelgan oilalar uchun koʻp kvartirali uy-joylar qurish, irrigatsiya va melioratsiya tadbirlari uchun Sirdaryo viloyati mahalliy budjeti parametrlariga budjetlararo transfertlarni koʻpaytirish orqali zarur mablagʻlar ajratilishini taʼminlasin.

Shuningdek, favqulodda hodisa oqibatida uy-joyiga ziyon yetib, unda yashash imkoniyati boʻlgan oilalarning uy-joyini rekonstruksiya qilish va taʼmirlash ishlari uchun Oʻzbekiston Respublikasi Markaziy bankining 2019 moliya yili yakunlari boʻyicha sof daromadidan kelib tushgan mablagʻlari hisobidan Oʻzbekiston “Mahalla” xayriya jamoat fondiga 70,0 mlrd soʻm miqdorida mablagʻ ajratsin.

8. Oʻzbekiston Respublikasi Qurilish vazirligi va Sirdaryo viloyati hokimligi quriladigan koʻp kvartirali uy-joylarning loyiha-smeta hujjatlarini ishlab chiqishda mahalliy, arzon va sifatli, zamonaviy energiya tejamkor qurilish materiallari va texnologiyalaridan foydalanishni choralarini koʻrsin.

9. Oʻzbekiston Respublikasi Prezidentining 2020-yil 9-yanvardagi PQ-4563-son qarori bilan tasdiqlangan 2020-yilda ishlab chiqiladigan istiqbolli investitsiya loyihalari roʻyxatida nazarda tutilgan A-373 “Guliston — Boʻka — Angren — Qoʻqon — Andijon” umumiy foydalanishdagi avtomobil yoʻlining 0 — 37 km qismini sementobeton qoplama orqali rekonstruksiya qilish obyektini moliyalashtirish manbasi etib xalqaro moliya institutlari mablagʻlari belgilanganligi maʼlumot uchun qabul qilinsin.

Oʻzbekiston Respublikasi Transport vazirligi huzuridagi Avtomobil yoʻllari qoʻmitasi mazkur obyektning texnik-iqtisodiy asoslarini ishlab chiqish uchun zarur boʻlgan mablagʻlarni 2020-yilda Oʻzbekiston Respublikasining 2020-yil ijtimoiy va ishlab chiqarish infratuzilmasini rivojlantirish dasturi doirasida kelgusi yillar loyiha-smeta hujjatlarini ishlab chiqish uchun koʻzda tutilgan mablagʻlar doirasida yoʻnaltirilishini taʼminlasin.

Oʻzbekiston Respublikasi Investitsiyalar va tashqi savdo vazirligiga Transport vazirligi huzuridagi Avtomobil yoʻllari qoʻmitasi bilan birgalikda A-373 “Guliston — Boʻka — Angren — Qoʻqon — Andijon” umumiy foydalanishdagi avtomobil yoʻlining 0 — 37 km qismini sementobeton qoplama orqali rekonstruksiya qilish obyekti boʻyicha xalqaro moliya institutlari mablagʻlarini jalb qilish choralarini koʻrish vazifasi yuklansin.

10. Oʻzbekiston Respublikasi Qurilish vazirligi koʻp kvartirali uy-joylar, ijtimoiy va ishlab chiqarish infratuzilmasi obyektlarida bajarilayotgan qurilish-montaj ishlari va loyiha yechimlarining sifati, shuningdek, shaharsozlik normalari hamda qoidalariga rioya etilishi ustidan davlat qurilish nazorati amalga oshirilishini taʼminlasin.

11. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov va Sirdaryo viloyati hokimi Gʻ.Gʻ. Mirzayev zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2020-yil 19-may,

294-son

Vazirlar Mahkamasining 2020-yil 19-maydagi 294-son qaroriga 1-ILOVA

Uy-joyi buzilgan yoki yashab boʻlmaydigan holatga kelgan oilalar uchun 2020-2021-yillar davomida koʻp kvartirali uy-joylar qurish

PARAMETRLARI

mln. soʻm T/r Hududlar nomi Uylar soni Xonadonlar soni Umumiy qiymati Bosh loyihachi Bosh pudratchi Jami 66 2640 950 400,0 shundan: 1. Sardoba tumani Doʻstlik MFY 37 1480 532 800,0 “Gold step invest” MChJ “Gold step invest” MChJ 2. Mirzaobod tumani Xaqiqat MFY 20 800 288 000,0 “Prime Tower Group” MChJ “Whitecity Construction” MChJ 3. Mirzaobod tumani Navbaxor MFY 9 360 129 600,0 “Ciller flex” MChJ “UNIVER PRO STILE” MChJ

Izoh. Koʻp kvartirali uy-joylarning qurilish osti maydonidagi yaroqsiz holatga kelgan uy-joylarni buzish va qurilish chiqindilarini olib chiqish bilan bogʻliq bosh pudrat tashkilotlarining harajatlari belgilangan tartibda mahalliy hokimlik maxsus hisob raqamiga jamlangan homiylik mablagʻlari hisobidan qoplanadi.

Vazirlar Mahkamasining 2020-yil 19-maydagi 294-son qaroriga 2-ILOVA

Umumtaʼlim maktablarini qurish, rekonstruksiya qilish, mukammal taʼmirlash va jihozlash

MANZILLI DASTURI

mln. soʻm T/r Obyektlar nomi Bajarilish muddati Jami quvvati (oʻquv oʻrni) shundan: 2020-yilda ajratilgan limit shundan: yangi qurilish va qoʻshimcha bino qurish (oʻquv oʻrni) mavjud binoni mukammal taʼmirlash (oʻquv oʻrni) jihozlash uchun ajratilgan limit 18. Jami 900 6 305 54 164,0 5 464,1 shundan: I. Umumtaʼlim maktablar 54 164,0 5 464,1 shundan: 1. Yangi qurilish 660 660 0 16 500,0 716,2 Oqoltin tumani Doʻstlik MFY da yangi maktab qurish 2020-yil 660 660 16 500,0 716,2 3. Rekonstruksiya qilish 1 044 240 624 11 600,0 831,0 1. Oqoltin tumani Axillik MFY 18-son maktab 2020-yil 180 1 320,0 148,0 2. Sardoba tumani Doʻstlik MFY 22-son maktab 2020-yil 240 1 400,0 227,4 3. Oqoltin tumani Shodlik MFY 17-son maktab 2020-yil 624 240 624 4 800,0 455,6 13. Mukammal taʼmirlash 5 681 5 681 26 064,0 3 916,9 1. Mirzaobod tumani Navbaxor MFY 28-son maktab 2020-yil 320 320 1 740,0 379,5 2. Mirzaobod tumani Navbaxor MFY 17-son maktab 2020-yil 624 624 3 398,4 506,2 3. Mirzaobod tumani Xaqiqat MFY 29-son maktab 2020-yil 424 424 2 001,6 488,0 4. Mirzaobod tumani Xaqiqat MFY 30-son maktab 2020-yil 200 200 1 020,0 293,7 5. Oqoltin tumani Shodlik MFY 13-son maktab filiali 2020-yil 180 180 1 260,0 102,2 6. Oqoltin tumani Shodlik MFY 6-son maktab 2020-yil 180 180 900,0 296,6 7. Oqoltin tumani Sirgʻali MFY 17-son maktab filiali 2020-yil 40 40 180,0 20,6 8. Oqoltin tumani Ittifoq MFY 17-son maktab filiali 2020-yil 40 40 180,0 20,6 9. Oqoltin tumani Saxovat MFY 14-son maktab 2020-yil 320 320 1 824,0 253,0 10. Sardoba tumani Qoʻrgʻontepa MFY 16-son maktab 2020-yil 624 624 4 500,0 487,7 11. Sardoba tumani Qoʻrgʻontepa MFY 20-son maktab 2020-yil 250 250 1 980,0 131,8 12. Sardoba tumani Doʻstlik MFY 1-son maktab 2020-yil 824 824 4 560,0 536,8 13. Sardoba tumani Yurtdosh MFY 13-son maktab 2020-yil 350 350 2 520,0 400,2 II. Kasb-hunar kollejlari 435 435 4 080,0 0,0 shundan: 0,0 1. Rekonstruksiya qilish 435 435 4 080,0 0,0 1. Sardoba tumani Doʻstlik MFY T. Malik kasb-hunar kolleji 2020-yil 435 435 4 080,0

Vazirlar Mahkamasining 2020-yil 19-maydagi 294-son qaroriga 3-ILOVA

Maktabgacha taʼlim muassasalarini qurish, rekonstruksiya qilish va mukammal taʼmirlash

MANZILLI DASTURI

mln. soʻm T/r Obyektlar nomi Bajarilish muddati Jami quvvati (oʻrin) shundan: 2020-yilda ajratilgan limit yangi qurilish va qoʻshimcha bino qurish (oʻrin) mavjud binoni mukammal taʼmirlash (oʻrin) 10. Jami 1 420 275 1 145 19 950,0 shundan: 1. Yangi qurilish 275 275 12 000,0 1. Sardoba tumani Doʻstlik MFY yangi MTM kurish 2020-yil 275 275 12 000,0 9. Mukammal taʼmirlash 1 145 1 145 7 950,0 1. Mirzaobod tumani Navbaxor MFY 11-sonli MTM* 2020-yil 90 90 2. Mirzaobod tumani Xaqiqat MFY 19-sonli MTM 2020-yil 160 160 1 200,0 3. Mirzaobod tumani Xaqiqat MFY Yangi avlod yulduzari DXSh asosidagi NMMT 2020-yil 100 100 500,0 4. Oqoltin tumani Saxovat MFY 1-sonli MTM 2020-yil 150 150 200,0 5. Oqoltin tumani Saxovat MFY 5-sonli MTM 2020-yil 100 100 200,0 6. Oqoltin tumani Shodlik MFY 7-sonli MTM 2020-yil 125 125 650,0 7. Sardoba tumani Yurtdosh MFY 4-sonli MTM 2020-yil 140 140 800,0 8. Sardoba tumani Qoʻrgʻontepa MFY 5-sonli MTM 2020-yil 140 140 1 200,0 9. Sardoba tumani Doʻstlik MFY 10-sonli MTM 2020-yil 140 140 3 200,0

* Mirzaobod tumani Navbaxor MFY 1-sonli MTM 2020-yil Inqirozga qarshi kurashish jamgarmasi mablagʻlari xisobidan kuzda tutilgan.

Vazirlar Mahkamasining 2020-yil 19-maydagi 294-son qaroriga 4-ILOVA

Tibbiyot muassasalarini qurish, rekonstruksiya qilish va mukammal taʼmirlash

MANZILLI DASTURI

mln. soʻm T/r Obyektlar nomi Bajarilish muddati Loyiha quvvati 2020-yilda ajratilgan limit 8. Jami 550,0 9 920,0 shundan: 1. Yangi qurilish 100 3 500,0 1. Sardoba tumani Doʻstlik MFY 22-sonli QOP 2020-yil 100 3 500,0 3. Rekonstruksiya qilish 175 2 700,0 1. Mirzaobod tumani Xaqiqat MFY Chinobod QVP 2020-yil 50 1 020,0 2. Sardoba tumani Otayurt MFY Sh. Rashidov QVP 2020-yil 75 840,0 3. Sardoba tumani Qoʻrgʻontepa MFY Gʻ. Gʻulom QVP 2020-yil 50 840,0 5. Mukammal taʼmirlash 275,0 3 720,0 1. Mirzaobod tumani Navbaxor MFY Gulsiton QOP 2020-yil 100 1 440,0 2. Oqoltin tumani Saxovat MFY Musomuxammedov QOP 2020-yil 50 600,0 3. Oqoltin tumani Shodlik MFY Uch tom QOP 2020-yil 50 840,0 4. Oqoltin tumani Shodlik MFY Toyirov QOP 2020-yil 75 840,0

Vazirlar Mahkamasining 2020-yil 19-maydagi 294-son qaroriga 5-ILOVA

Avtomobil yoʻllari, koʻpriklar hamda yoʻl oʻtkazgichlarini qurish, rekonstruksiya qilish va taʼmirlash

MANZILLI DASTURI

mln.soʻm T/r Obyektlar nomi Bajarilish muddati Oʻlchov birligi Loyiha quvvati Dastlabki qiymat Jami km 185,2 390 700,0 pm 653,4 shundan: I. Umumiy foydalanishdagi avtomobil yoʻllari va sunʼiy inshootlarida tabiiy ofat oqibatlarini bartaraf qilish km 84,0 207 700,0 pm 653,4 101 000,0 shundan: 1. A-373 “M-39 avtoyoʻli — Guliston — Boʻka — Angren — Qoʻqon va Andijon orqali — Oʻsh” avtomobil yoʻlining 5 — 15 km, 15 — 26 km qismi 2020-yil km 21,0 131 200,0 2. A-373 “M-39 avtoyoʻli — Guliston — Boʻka — Angren — Qoʻqon va Andijon orqali — Oʻsh” avtomobil yoʻlining 7,9 km qismidagi koʻprik 2020-yil pm 46,0 12 000,0 3. A-373 “M-39 avtoyoʻli — Guliston — Boʻka — Angren — Qoʻqon va Andijon orqali — Oʻsh” avtomobil yoʻlining 9,6 km qismidagi koʻprik 2020-yil pm 24,0 3 300,0 4. A-373 “M-39 avtoyoʻli — Guliston — Boʻka — Angren — Qoʻqon va Andijon orqali — Oʻsh” avtomobil yoʻlining 12,1 km qismidagi koʻprik 2020-yil pm 24,0 3 300,0 5. A-373 “M-39 avtoyoʻli — Guliston — Boʻka — Angren — Qoʻqon va Andijon orqali — Oʻsh” avtomobil yoʻlining 15,6 km qismidagi koʻprik 2020-yil pm 72,0 11 000,0 6. A-373 “M-39 avtoyoʻli — Guliston — Boʻka — Angren — Qoʻqon va Andijon orqali — Oʻsh” avtomobil yoʻlining 19,9 km qismidagi koʻprik 2020-yil pm 38,0 5 000,0 7. A-373 “M-39 avtoyoʻli — Guliston — Boʻka — Angren — Qoʻqon va Andijon orqali — Oʻsh” avtomobil yoʻlining 22,1 km qismidagi koʻprik 2020-yil pm 37,0 5 000,0 8. A-373 “M-39 avtoyoʻli-Guliston — Boʻka — Angren — Qoʻqon va Andijon orqali — Oʻsh” avtomobil yoʻlining 23,4 km qismidagi koʻprik 2020-yil pm 36,0 5 000,0 9. A-373 “M-39 avtoyoʻli — Guliston — Boʻka — Angren — Qoʻqon va Andijon orqali — Oʻsh” avtomobil yoʻlining 24,8 km qismidagi koʻprik 2020-yil pm 38,0 5 500,0 10. A-373 “M-39 avtoyoʻli — Guliston — Boʻka — Angren — Qoʻqon va Andijon orqali — Oʻsh” avtomobil yoʻlining 25,7 km qismidagi koʻprik 2020-yil pm 18,0 4 000,0 11. M-39 “Toshkent — Termiz” avtomobil yoʻlining 925 km qismidagi koʻprik 2020-yil pm 24,0 3 300,0 12. 4R-18 A “A373-avtomobil yoʻlidan — Guliston shahriga shahobcha” avtomobil yoʻlining 0-1 km qismi 2020-yil km 1,0 2 000,0 13. 4R-31 “Yangiyer sh. — Doʻstlik q.” avtomobil yoʻlining 26 — 35 km, 35 — 40 km qismi 2020-yil km 14,0 16 500,0 14. 4R-31 “Yangiyer sh. — Doʻstlik q.” avtomobil yoʻlining 25,6 km qismidagi koʻprik 2020-yil pm 30,0 5 000,0 15. 4R-31 “Yangiyer sh. — Doʻstlik q.” avtomobil yoʻlining 27,5 km qismidagi koʻprik 2020-yil pm 30,0 5 000,0 16. 4R-31 “Yangiyer sh. — Doʻstlik q.” avtomobil yoʻlining 37,9 km qismidagi koʻprik 2020-yil pm 18,0 2 500,0 17. 4R-31 “Yangiyer sh. — Doʻstlik q.” avtomobil yoʻlining 38,8 km qismidagi koʻprik 2020-yil pm 18,0 2 500,0 18. 4R-31 “Yangiyer sh. — Doʻstlik q.” avtomobil yoʻlining 41,0 km qismidagi koʻprik 2020-yil pm 18,6 2 600,0 19. 4R-31 “Yangiyer sh. — Doʻstlik q.” avtomobil yoʻlining 44,8 km qismidagi koʻprik 2020-yil pm 18,6 3 000,0 20. 4R-199 “4R33 avtoyoʻli — Paxtaobod q. — 4R32 avtoyoʻli (59 km)” avtomobil yoʻlining 0 — 10 km qismi 2021-yil km 10,0 11 000,0 21. 4R-33 “Dashtobod sh. — Nayman q. — A373 avtoyoʻli” avtomobil yoʻlining 28 — 34 km qismi 2021-yil km 6,0 11 000,0 22. 4R-33 “Dashtobod sh. — Nayman q. — A373 avtoyoʻli” avtomobil yoʻlining 28 km qismidagi koʻprik 2021-yil pm 50,0 3 500,0 23. 4R-199 “4R33 avtoyoʻli — Paxtaobod q. — 4R32 avtoyoʻli (59 km)” avtomobil yoʻlining 1,2 km qismidagi koʻprik 2021-yil pm 31,0 5 000,0 24. 4R-199 “4R33 avtoyoʻli — Paxtaobod q. — 4R32 avtoyoʻli (59 km)” avtomobil yoʻlining 3,7 km qismidagi koʻprik 2021-yil pm 23,2 4 000,0 25. 4R-199 “4R33 avtoyoʻli — Paxtaobod q. — 4R32 avtoyoʻli (59 km)” avtomobil yoʻlining 7,9 km qismidagi koʻprik 2021-yil pm 29,0 5 000,0 26. 4K-668 b “4R199 avtoyoʻlidan — T. Malik FXXU markaziga shaxobcha” avtomobil yoʻlining 0 — 3 km qismi 2021-yil km 3,0 3 900,0 27. 4K-668 a “4R199 avtoyoʻlidan — T. Malik FXXU markaziga shaxobcha” avtomobil yoʻlining 0-1 km qismi 2021-yil km 1,0 1 200,0 28. 4R-33 “Dashtobod sh. — Nayman q. — A373 avtoyoʻli” avtomobil yoʻlining 34 — 46 km qismi 2021-yil km 12,0 14 000,0 29. 4K-665 “Sardoba q. — Nayman q.” avtomobil yoʻlining 0 — 10 km qismi 2021-yil km 10,0 13 000,0 30. 4N-653 “Sardoba q. — Musamuxamedov DFXBU” avtomobil yoʻlining 3 — 9 km qismi 2021-yil km 6,0 3 900,0 31. 4K-665 “Sardoba q. — Nayman q.” avtomobil yoʻlining 9,7 km qismidagi koʻprik 2021-yil pm 30,0 5 500,0 II. Tumanlarning ichki yoʻllarini qurish va joriy taʼmirlash 101,2 82 000,0 1. Tumanlarning ichki yoʻllarini qurish va joriy taʼmirlash 2020-2021-yillar km 101,2 82 000,0

Vazirlar Mahkamasining 2020-yil 19-maydagi 294-son qaroriga 6-ILOVA

Ichimlik suvi taʼminoti va oqova suv tizimlari obyektlarini qurish va rekonstruksiya qilish

MANZILLI DASTURI

mln.soʻm T/r Obyektlar nomi Bajarilish muddati Oʻlchov birligi Loyiha quvvati 2020-yilda ajratilgan limit Jami km 121,5 129 719,5 inshoot 18 shundan: I. Ichimlik suv tizimi boʻyicha km 106,5 65 545,2 inshoot 14 Rekonstruksiya qilish Cardoba tumani 1. Qoʻrgʻontepa MFY suv tarmoqlarini rekonstruksiya qilish 2020-yil km 20,0 4 919,9 inshoot 1 2. Yurtdosh MFY suv tarmoqlarini rekonstruksiya qilish 2020-yil km 7,0 1 940,0 inshoot 5 3. Doʻstlik MFY suv tarmoqlarini rekonstruksiya qilish 2020-yil km 10,0 2 285,0 inshoot 1 4. 2-suv koʻtarish nasosidan Yurtdosh MFYgacha boʻlgan magistral suv tarmogʻini rekonstruksiya qilish 2020-yil km 10,2 19 896,5 Oqoltin tumani 5. Shodlik MFY suv tarmoqlarini rekonstruksiya qilish 2020-yil km 7,0 2 500,0 inshoot 1 6. Sadvin MFY suv tarmoqlarini rekonstruksiya qilish 2020-yil km 13,0 7 900,0 inshoot 1 7. Nixol MFY suv tarmoqlarini rekonstruksiya qilish 2020-yil km 6,1 5 218,1 inshoot 1 8. Saxovat MFY suv tarmoqlarini rekonstruksiya qilish 2020-yil km 3,0 1 940,7 9. Uchtom MFY suv tarmoqlarini rekonstruksiya qilish 2020-yil km 11,7 5 000,0 inshoot 1 Mirzaobod tumani 10. Navbahor MFY suv tarmoqlarini rekonstruksiya qilish 2020-yil km 8,2 300,0 inshoot 1 11. Yangiovul MFY suv tarmoqlarini rekonstruksiya qilish 2020-yil km 3,3 1 645,0 inshoot 1 12. Baliqchi MFY suv tarmoqlarini rekonstruksiya qilish 2020-yil km 7,0 12 000,0 inshoot 1 II. Ichimlik suv va oqova suv tizimi boʻyicha km 15,0 64 174,3 inshoot 4 Yangi qurilish inshoot 3 62 186,6 14. Sardoba tumani Qoʻrgʻontepa MFYda qurilayotgan koʻp kvartirali uylar uchun oqova suv inshootini qurish 2020-yil km 8 28 440,0 inshoot 1 15. Oqoltin tumani Shodlik MFYda qurilayotgan koʻp kvartirali uylar uchun oqova suv inshootini qurish 2020-yil km 3 19 536,3 inshoot 1 16. Mirzaobod tumani Navbaxor MFYda qurilayotgan koʻp kvartirali uylar uchun oqova suv inshootini qurish 2020-yil km 4 14 210,2 inshoot 1 Rekonstruksiya qilish inshoot 1 1 987,7 17. Oqoltin tumani Saxovat MFY oqova suv tarmoqlarini rekonstruksiya qilish 2020-yil inshoot 1 1 987,7