Oʻzbekiston Respublikasi Vazirlar Mahkamasining 2020-yil 19-maydagi 253-F-son farmoyishi (253-F-son)

19.05.2020

Oʻzbekiston Respublikasi Vazirlar Mahkamasining

farmoyishi

Oʻzbekiston Respublikasi Prezidentining “Ikkinchi jahon urushida qozonilgan gʻalabaning 75 yilligini munosib nishonlash toʻgʻrisida” 2019-yil 23-oktabrdagi PQ-4495-son qarori ijrosini taʼminlash, shuningdek, “Gʻalaba bogʻi” majmuasiga badiiy majmualar yaratilishi munosabati bilan mualliflik gonorarlarini toʻlash maqsadida:

1. Oʻzbekiston Badiiy akademiyasi va Oʻzbekiston Respublikasi Madaniyat vazirligining “Gʻalaba bogʻi” majmuasidagi badiiy majmualar boʻyicha Oʻzbekiston Badiiy akademiyasi tomonidan oʻtkazilgan tanlovlar natijasiga koʻra aniqlangan tashkilotlar (muallif va ijodkorlar)ga mualliflik haqi (ijodiy ishlar boʻyicha gonorarlar)ni toʻlash toʻgʻrisidagi taklifi maʼqullansin.

2. “Gʻalaba bogʻi” majmuasida badiiy yodgorliklar yaratishda mualliflik haqi stavkalari (ijodiy ishlar boʻyicha gonorarlar) miqdorini aniqlash va tasdiqlash boʻyicha baholovchi guruh (keyingi oʻrinlarda — Baholovchi guruh) tarkibi ilovaga muvofiq tasdiqlansin.

Baholovchi guruh aʼzolariga mualliflik haqi stavkalari (ijodiy ishlar boʻyicha gonorarlar)ni har tomonlama tahlil qilgan holda, ularning haqiqiy qiymatini aniqlash yuzasidan shaxsiy masʼuliyat yuklansin.

3. Oʻzbekiston Respublikasi Qurilish vazirligi va Toshkent shahar hokimligi Baholovchi guruh aniqlagan mualliflik haqi stavkalari (ijodiy ishlar boʻyicha gonorarlar) boʻyicha haykaltaroshlarga loyiha doirasida zarur mablagʻlarni bosh pudrat tashkiloti — “Trest 12” AJ tomonidan qoplab berilishini taʼminlasin.

4. Mazkur farmoyishning bajarilishini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov va Oʻzbekiston Respublikasi qurilish vaziri B.I. Zakirov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2020-yil 19-may,

253-F-son

Vazirlar Maxkamasining yil 19-maydagi 253-F son farmoyishiga ILOVA

“Gʻalaba bogʻi” majmuasida badiiy yodgorliklar yaratishda mualliflik haqi stavkalari (ijodiy ishlar boʻyicha gonorarlar) miqdorini aniqlash va tasdiqlash boʻyicha

BAHOLOVChI GURUH TARKIBI

1. A. Nuriddinov — Oʻzbekiston Badiiy akademiyasi raisi, baholovchi guruhi rahbari 2. E. Iskandarov — Oʻzbekiston Respublikasi qurilish vaziri oʻrinbosari 3. K. Akilova — Oʻzbekiston Respublikasi madaniyat vaziri oʻrinbosari, Badiiy ekspertlar kengashi raisi 4. T. Abdusattarov — Oʻzbekiston Respublikasi adliya vaziri oʻrinbosari — Oʻzbekiston Respublikasi Adliya vazirligi huzuridagi Intellektual mulk agentligi direktori 5. N. Sabirov — Oʻzbekiston Respublikasi Moliya vazirligi Davlat moliyaviy nazorati departamenti direktori 6. U. Ibraximov — Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti Hujjatli tekshirishlar boʻlimi boshligʻi 7. S. Oripov — Toshkent shahar hokimligi “Yagona buyurtmachi xizmati” injiniring kompaniyasi direktori 8. M. Allabergenov — Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi huzuridagi “Loyihalar va import kontraktlarni kompleks ekspertiza qilish markazi” DUK direktori 9. F. Tashmuxammedov — Oʻzbekiston Badiiy akademiyasi raisi oʻrinbosari, Badiiy ekspertlar kengashi raisi oʻrinbosari 10. F. Ruzikulov — Oʻzbekiston Respublikasi Madaniyat vazirligining Badiiy ekspertiza boshqarmasi boshligʻi 11. T. Tojixodjayev — Oʻzbekiston Badiiy Akademiyasi huzuridagi Badiiy ekspertiza kengashi raisi

Izoh. Baholovchi guruh ishida ishtirok etish uchun soha yoʻnalishidagi boshqa mutaxassislar ham jalb etilishi mumkin.