Oʻzbekiston Respublikasi Ichki ishlar vazirligi huzuridagi tovar-moddiy boyliklarni olib ketishni nazorat qiluvchi davlat inspeksiyasi bosh boshqarmasining maxsus jamfarmasini tuzish toʻgʻrisida (351-son)

27.07.1992

Oʻzbekiston Respublikasi Prezidenti huzuridagi Vazirlar Mahkamasining

qarori

Tovar-moddiy boyliklarni olib ketishni nazorat qiluvchi Davlat inspeksiyasi bosh boshqarmasining moddiy-texnika negizini rivojlantirish va xizmat xodimlariga moddiy yordam koʻrsatish maqsadida Vazirlar Mahkamasi qaror qiladi:

1. Oʻzbekiston Respublikasi Ichki ishlar vazirligining tovar moddiy boyliklarni olib ketishni nazorat qiluvchi Davlat inspeksiyasi bosh boshqarmasining maxsus jamgʻarmasini tuzish va uning maxsus hisobiga asosli va toʻgʻri musodara qilingan tovar-moddiy boyliklar summasining 15 foizini (ular toʻliq sotilgan va budjetga tegishli toʻlovlar oʻtkazilgan taqdirda) koʻchirish toʻgʻrisidagi taklifi qabul qilinsin.

2. Oʻzbekiston Respublikasi Ichki ishlar vazirligi Oʻzbekiston Respublikasi Moliya vazirligi va Oʻzbekiston Respublikasi Vazirlar Mahkamasi huzuridagi Davlat soliq bosh boshqarmasi bilan birgalikda koʻrsatilgan jamgʻarmani tuzish va undan foydalanish tartibi toʻgʻrisidagi Nizomni 10 kun muddat ichida ishlab chiqsin va tasdiqlasin.

Vazirlar Mahkamasining Raisi I. KARIMOV

Toshkent sh.,

1992-yil 27-iyul,

351-son