Oʻzbekiston Respublikasi Prezidentining Oʻzbekiston Respublikasi Oliy Majlisiga Murojaatnomalaridan kelib chiqadigan, tegishli yilga moʻljallangan Davlat dasturi bajarilishining borishi yuzasidan Vazirlar Mahkamasining hisobotini Oliy Majlisga taqdim etish tartibi toʻgʻrisidagi nizomni tasdiqlash haqida (290-son)

18.05.2020

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Mamlakatni ijtimoiy-iqtisodiy rivojlantirishning strategik vazifalari amalga oshirilishi samaradorligi uchun Oʻzbekiston Respublikasi Vazirlar Mahkamasining masʼuliyatini oshirishga doir birinchi navbatdagi chora-tadbirlar toʻgʻrisida” 2019-yil 28-yanvardagi PF-5644-son Farmoni hamda Oʻzbekiston Respublikasi Vazirlar Mahkamasining yaqin muddatga va uzoq istiqbolga moʻljallangan Harakatlar dasturi ijrosini taʼminlash maqsadida Vazirlar Mahkamasi qaror qiladi:

1. Vazirlar Mahkamasining Davlat dasturi bajarilishining borishi toʻgʻrisidagi hisobotini Oliy Majlisga taqdim etish tartibi, shuningdek, mazkur hisobotni koʻrib chiqish yakunlari boʻyicha qabul qilingan Qonunchilik palatasi va Senat qarorlari ijrosi ustidan nazoratni amalga oshirish tartibini nazarda tutuvchi Oʻzbekiston Respublikasi Prezidentining Oʻzbekiston Respublikasi Oliy Majlisiga Murojaatnomalaridan kelib chiqadigan, tegishli yilga moʻljallangan Davlat dasturi bajarilishining borishi yuzasidan Vazirlar Mahkamasining hisobotini Oliy Majlisga taqdim etish tartibi toʻgʻrisidagi nizom ilovaga muvofiq tasdiqlansin.

2. Vazirliklar va idoralar rahbarlariga Davlat dasturi bajarilishining borishi yuzasidan Vazirlar Mahkamasining hisobotini shakllantirish uchun zarur maʼlumotlarning oʻz vaqtida va sifatli tayyorlanishi hamda taqdim etilishi uchun shaxsiy masʼuliyat yuklansin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari va Bosh vazir maslahatchilari, Oʻzbekiston Respublikasi Vazirlar Mahkamasi apparati boshqaruvchisi hamda Vazirlar Mahkamasining Oʻzbekiston Respublikasi Oliy Majlisidagi vakolatli vakili zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2020-yil 18-may,

290-son

Vazirlar Mahkamasining 2020-yil 18-maydagi 290-son qaroriga ILOVA

Oʻzbekiston Respublikasi Prezidentining Oʻzbekiston Respublikasi Oliy Majlisiga Murojaatnomalaridan kelib chiqadigan, tegishli yilga moʻljallangan davlat dasturi bajarilishining borishi yuzasidan Vazirlar Mahkamasining hisobotini Oliy Majlisga taqdim etish tartibi toʻgʻrisida

NIZOM

1-bob. Umumiy qoidalar

1. Ushbu Nizom Oʻzbekiston Respublikasi Vazirlar Mahkamasining (keyingi oʻrinlarda — Vazirlar Mahkamasi/Hukumat) Oʻzbekiston Respublikasi Prezidentining Oʻzbekiston Respublikasi Oliy Majlisiga Murojaatnomalaridan kelib chiqadigan, tegishli yilga moʻljallangan davlat dasturi (keyingi oʻrinlarda — Davlat dasturi) bajarilishining borishi toʻgʻrisidagi hisobotini Oliy Majlisga taqdim etish tartibini belgilaydi.

2. Vazirlar Mahkamasining Davlat dasturi bajarilishining borishi toʻgʻrisidagi hisobotini (keyingi oʻrinlarda — hisobot) tayyorlash va koʻrib chiqish uchun Oʻzbekiston Respublikasi Oliy Majlisiga (keyingi oʻrinlarda — Oliy Majlis) taqdim etish boʻyicha tashkiliy-texnik, axborot-tahliliy va boshqa chora-tadbirlarni amalga oshirish Vazirlar Mahkamasi apparati tomonidan taʼminlanadi.

3. Hisobotni Oliy Majlis palatalarida koʻrib chiqish va muhokama qilishda Qonunchilik palatasining qoʻmitalari, siyosiy partiyalar fraksiyalari, Senatning qoʻmitalari hamda Qonunchilik palatasi va Senat bilan oʻzaro munosabatlarni tashkil etish Vazirlar Mahkamasining Oʻzbekiston Respublikasi Oliy Majlisidagi vakolatli vakili (keyingi oʻrinlarda — Vakolatli vakil) tomonidan taʼminlanadi.

4. Hisobotni Oliy Majlisga taqdim etish tartibi mazkur Nizomga ilovaga muvofiq sxema boʻyicha amalga oshiriladi.

2-bob. Hisobotni Oliy Majlisga taqdim etishda vazirliklar, idoralar hamda Vazirlar Mahkamasi tarkibiy boʻlinmalarining asosiy vazifalari

5. Davlat dasturida masʼul ijrochi sifatida belgilangan vazirliklar va idoralar:

Davlat dasturida belgilangan vazifalar va tadbirlarning bajarilishini nazoratga oladi, ularni oʻz vaqtida samarali bajarish boʻyicha tezkor chora-tadbirlarni amalga oshiradi;

Davlat dasturida yuklangan vazifalarning bajarilishi holati yuzasidan ushbu idora boʻyicha maʼlumotlarni umumlashtirib, belgilangan tartibda masʼul vazirlikka taqdim etib borishga masʼul xodimni buyruq asosida belgilaydi;

Davlat dasturida nazarda tutilgan normativ-huquqiy hujjatlar loyihalarini ishlab chiqish maqsadida tegishli ishchi guruhlarni tuzadi;

normativ-huquqiy hujjatlar loyihalarini ishlab chiqish maqsadida asosiy ijrochilarning soʻroviga binoan tegishli ishchi guruhiga kiritish uchun malakali xodimlarni ajratadi hamda asosiy ijrochi ixtiyoriga yuboradi.

6. Oʻzbekiston Respublikasi Prezidentining Davlat dasturini tasdiqlash toʻgʻrisidagi Farmonida uning amalga oshirilishining tizimli monitoringini olib borish vazifasi yuklatilgan masʼul vazirlik va (yoki) idora (keyingi oʻrinlarda — masʼul vazirlik):

davlat va xoʻjalik boshqaruvi organlari, mahalliy ijro etuvchi hokimiyat organlari hamda boshqa tashkilotlar tomonidan taqdim etilgan maʼlumotlarni oʻz vaqtida qabul qilib oladi, ularni umumlashtirib, tahlil qiladi;

hisobotni tayyorlashda foydalanish uchun manfaatdor vazirlik va idoralar bilan birgalikda respublikani ijtimoiy-iqtisodiy rivojlantirish yakunlarini tahlil qiladi;

Davlat dasturida belgilangan vazifalar va tadbirlarni bajarishda, shu jumladan, normativ-huquqiy hujjatlar loyihalarini sifatli va oʻz vaqtida ishlab chiqishda kamchilikka yoʻl qoʻygan, shuningdek, maʼlumotlarni taqdim etmagan yoki sifatsiz taqdim etgan davlat va xoʻjalik boshqaruvi organlari, mahalliy ijro etuvchi hokimiyat organlari va boshqa tashkilotlar rahbarlari, masʼul xodimlariga nisbatan tegishli taʼsir choralarini koʻrish toʻgʻrisida Vazirlar Mahkamasiga takliflar kiritadi.

7. Vazirlar Mahkamasida har yili Davlat dasturi qabul qilinganidan soʻng Vazirlar Mahkamasi Rayosati majlisi bayoni bilan:

Davlat dasturining har bir bandi Vazirlar Mahkamasining tegishli tarkibiy boʻlinmalariga biriktiriladi;

Davlat dasturi bajarilishining borishini nazorat qilish uchun Vazirlar Mahkamasi apparatining masʼul tarkibiy boʻlinmasi (boʻlinmalari) (keyingi oʻrinlarda — masʼul tarkibiy boʻlinma) belgilanadi;

Oʻzbekiston Respublikasi Prezidentining Harakatlar strategiyasini tegishli yilda amalga oshirishga oid davlat dasturini tasdiqlash toʻgʻrisidagi Farmoni ijrosini amalga oshirish boʻyicha Vazirlar Mahkamasining muvofiqlashtiruvchi ishchi guruhi tarkibi tasdiqlanadi;

Davlat dasturi ijrosini Vazirlar Mahkamasida tahlil qilish boʻyicha idoralararo monitoring-tahlil guruhi tarkibi tasdiqlanadi;

Oʻzbekiston Respublikasi Prezidentining Harakatlar strategiyasini tegishli yilda amalga oshirishga oid davlat dasturini tasdiqlash toʻgʻrisidagi Farmoni ijrosini amalga oshirish boʻyicha nazorat rejasi tasdiqlanadi.

8. Vazirlar Mahkamasining muvofiqlashtiruvchi ishchi guruhi faoliyatiga qoida tariqasida Bosh vazir oʻrinbosari yoki Bosh vazir maslahatchisi rahbarlik qiladi.

Vazirlar Mahkamasining muvofiqlashtiruvchi ishchi guruhi:

Davlat dasturining bajarilishini nazoratga olgan holda ularning oʻz vaqtida, toʻliq va sifatli bajarilishini taʼminlash boʻyicha barcha zarur va tezkor choralarni koʻradi;

Davlat dasturi ijrosi toʻgʻrisida hamda uning har bir bandi ijrosi yuzasidan vujudga kelayotgan muammoli masalalar hal etilishi boʻyicha aniq takliflarni oʻz ichiga olgan maʼlumot tayyorlab, Vazirlar Mahkamasining Rayosati majlislari muhokamasiga kiritib boradi;

Vazirlar Mahkamasining Davlat dasturi amalga oshirilishi toʻgʻrisidagi hisobotlarini Oʻzbekiston Respublikasi Oliy Majlisi Qonunchilik palatasi va Senatida koʻrib chiqishga tayyorgarlik koʻradi;

Davlat dasturi ijrosi toʻgʻrisida umumlashtirilgan maʼlumotlarni Oʻzbekiston Respublikasi Prezidenti Administratsiyasiga oʻz vaqtida kiritilishini taʼminlaydi.

9. Davlat dasturi ijrosini Vazirlar Mahkamasida tahlil qilish boʻyicha idoralararo monitoring-tahlil guruhi ishini tashkil qilish va muvofiqlashtirish masʼul tarkibiy boʻlinma tomonidan amalga oshiriladi.

Davlat dasturi ijrosini Vazirlar Mahkamasida tahlil qilish boʻyicha idoralararo monitoring-tahlil guruhi:

Davlat dasturining bajarilishi holati toʻgʻrisida masʼul vazirlik tomonidan taqdim etilgan maʼlumotlarni qabul qilib oladi hamda Vazirlar Mahkamasining tegishli tarkibiy boʻlinmalariga taqdim qiladi;

hisobotni tayyorlash va Oliy Majlisga taqdim etish boʻyicha Vazirlar Mahkamasi tarkibiy boʻlinmalari, vazirliklar va idoralarning oʻzaro hamkorlikdagi faoliyatini taʼminlaydi;

hisobotni tayyorlash uchun zarur boʻlgan qoʻshimcha axborot-tahliliy, statistik va boshqa materiallarni vazirliklar va idoralardan soʻrab oladi;

hisobotni tayyorlash boʻyicha ishni samarali tashkil etish yuzasidan zarur choralarni koʻradi;

hisobotni tayyorlash va Oliy Majlisga taqdim etish borasida amalga oshirilayotgan ishlar holati hamda aniqlangan kamchiliklarni bartaraf etish yuzasidan takliflar haqida Vazirlar Mahkamasi apparati boshqaruvchisiga muntazam hisobot berib boradi;

hisobotni hamda Oʻzbekiston Respublikasi Bosh vazirining (keyingi oʻrinlarda — Bosh vazir) hisoboti materiallarini tayyorlaydi.

10. Vazirlar Mahkamasining tarkibiy boʻlinmalari:

Davlat dasturining oʻzlariga biriktirilgan bandlari bajarilishini shaxsiy nazoratga oladi hamda ularning oʻz vaqtida, toʻliq va sifatli bajarilishini taʼminlash boʻyicha barcha zarur va tezkor choralarni koʻradi;

yil davomida Bosh vazir oʻrinbosarlari va Bosh vazir maslahatchilari huzurlarida boʻlib oʻtadigan yigʻilishlarda Davlat dasturining ijrosi alohida masala sifatida koʻrib borilishini tashkil etadi;

Davlat dasturining oʻzlariga biriktirilgan bandlari bajarilishi bilan bogʻliq aniqlangan muammoli masalalarni bartaraf etish boʻyicha aniq maqsadga yoʻnaltirilgan chora-tadbirlarni koʻradi hamda bu haqda tegishli Bosh vazir oʻrinbosarlari va Bosh vazir maslahatchilariga axborot beradi;

Vazirlar Mahkamasi tarkibiga kirmaydigan boshqa davlat organlari va tashkilotlari asosiy ijrochi boʻlgan bandlar boʻyicha hamkorlikdagi ishlarni tashkil qiladi, ularga amaliy yordam koʻrsatadi hamda zarurat boʻlganda oʻzlariga biriktirilgan vazirliklar va idoralar bilan bogʻliq masalalar hal qilinishini taʼminlaydi;

Davlat dasturi ijrosi boʻyicha amalga oshirilgan ishlar haqida maʼlumotlar oʻzlariga biriktirilgan vazirliklar va idoralar tomonidan masʼul vazirlikka oʻz vaqtida va sifatli taqdim etib borilishini tashkil etadi va nazoratga oladi;

Davlat dasturining oʻzlariga biriktirilgan bandlarining bajarilishi holati boʻyicha vazirliklar va idoralar tomonidan taqdim etilgan maʼlumotlarni puxta qayta ishlaydi, tegishli Bosh vazir oʻrinbosarlari va Bosh vazir maslahatchilari bilan kelishadi hamda masʼul tarkibiy boʻlinmaga taqdim etadi.

11. Vazirlar Mahkamasining masʼul tarkibiy boʻlinmasi:

Davlat dasturi bajarilishi holati ustidan monitoringni amalga oshiradi;

Davlat dasturining tegishli bandlari ijrosi yuzasidan Vazirlar Mahkamasining tarkibiy boʻlinmalari tomonidan taqdim etilgan hisobotlarni hamda tahliliy, statistik va boshqa materiallarni umumlashtiradi.

3-bob. Hisobotni Oliy Majlisga taqdim etish tartibi

12. Davlat dasturida masʼul ijrochi sifatida belgilangan vazirliklar va idoralar:

hamijrochi boʻlgan bandlar boʻyicha — har oyning 28 sanasiga qadar asosiy ijrochiga tadbirlarning bajarilishi toʻgʻrisidagi maʼlumotlarni toʻliq taqdim etib boradi;

asosiy ijrochi boʻlgan bandlar boʻyicha — har oyning 30 sanasiga qadar Davlat dasturining ijrosi toʻgʻrisidagi maʼlumotlarni birinchi rahbarlari tomonidan imzolangan holda masʼul vazirlikka asoslovchi hujjatlarni ilova qilgan holda toʻliq va sifatli tarzda taqdim etib boradi.

13. Masʼul vazirlik har oyning 2 sanasiga qadar Davlat dasturi amalga oshirilishi monitoringi olib borilishi natijalari boʻyicha umumlashtirilgan, shu jumladan, hisobot davrida Davlat dasturi ijrosi doirasida amalga oshirilgan asosiy chora-tadbirlar, erishilgan eng muhim koʻrsatkichlar va natijalarni nazarda tutuvchi maʼlumotlarni Vazirlar Mahkamasiga taqdim etadi.

14. Masʼul tarkibiy boʻlinma Davlat dasturini Vazirlar Mahkamasida tahlil qilish boʻyicha idoralararo monitoring-tahlil guruhi bilan birgalikda masʼul vazirlik tomonidan taqdim etilgan maʼlumotlarni qabul qilib oladi, tahlil qiladi hamda har oyning 4 sanasiga qadar tegishli ravishda Vazirlar Mahkamasining tarkibiy boʻlinmalariga taqdim qiladi.

15. Vazirlar Mahkamasining tarkibiy boʻlinmalari har oyning 5 sanasiga qadar maʼlumotlarni koʻrib chiqadi, tahlil qiladi, ulardagi maʼlumotlarning ishonchliligi va haqqoniyligini oʻrganadi, kamchilik va muammolarni bartaraf etish boʻyicha davlat organlari va tashkilotlar bilan hamkorlikda ishlarni tashkil qiladi hamda tegishli Bosh vazir oʻrinbosarlari va Bosh vazir maslahatchilariga taqdim qiladi.

16. Har oyning 6 sanasiga qadar Bosh vazir oʻrinbosarlari va Bosh vazir maslahatchilari taqdim etilgan maʼlumotlarni koʻrib chiqadi, zarurat boʻlganda ularning muhokamasi boʻyicha yigʻilishlar tashkil qiladi, Davlat dasturining ijrosi yuzasidan kamchilikka yoʻl qoʻygan xodimlarga nisbatan tegishli choralar koʻradi hamda mavjud muammolarni hal etish boʻyicha tegishli tarkibiy boʻlinmalarga zarur koʻrsatmalar beradi.

17. Har oyning 6 sanasiga qadar Vazirlar Mahkamasining tarkibiy boʻlinmalari Bosh vazir oʻrinbosarlari va Bosh vazir maslahatchilari koʻrsatmalari va takliflari asosida qayta ishlangan maʼlumotlarni masʼul tarkibiy boʻlinmaga taqdim qiladi.

18. Masʼul tarkibiy boʻlinma Davlat dasturini Vazirlar Mahkamasida tahlil qilish boʻyicha idoralararo monitoring-tahlil guruhi bilan birgalikda:

a) har oyning 7 sanasiga qadar tarkibiy boʻlinmalar tomonidan taqdim etilgan hisobot va tahliliy maʼlumotni puxta qayta ishlaydi hamda umumlashtirilgan yakuniy maʼlumotni hamda hujjatlar toʻplamini Vazirlar Mahkamasi apparati boshqaruvchisining huquqiy ekspertiza masalalari boʻyicha oʻrinbosariga taqdim qiladi;

b) har chorakda, keyingi oyning 7 sanasiga qadar Davlat dasturi bajarilishining borishini koʻrib chiqish toʻgʻrisida Vazirlar Mahkamasi Rayosati majlisi materiallarini (Vazirlar Mahkamasi Rayosati majlisining kun tartibi va majlis bayoni loyihasi hamda hisobot beruvchilar va taklif etilganlar roʻyxati) va Oliy Majlis palatalarida Davlat dasturi bajarilishi toʻgʻrisida Hukumatning har choraklik hisobotlari materiallarini (hisobot loyihasi, Bosh vazirning hisobot materiallari, hisobot muhokamasida qatnashuvchilar roʻyxati, axborot-tahliliy, statistik va boshqa materiallar) tayyorlaydi va Vazirlar Mahkamasi apparati boshqaruvchisining huquqiy ekspertiza masalalari boʻyicha oʻrinbosariga taqdim qiladi.

19. Hisobot loyihasini tayyorlashda quyidagilarga alohida eʼtibor qaratiladi:

Davlat dasturining barcha bandlari ijrosi holatining qisqacha umumiy yigʻma tahlili;

Davlat dasturining yoʻnalishlari boʻyicha hisobot davridagi tadbirlar va ularning ijro etilishi holati boʻyicha maʼlumot;

Davlat dasturida yil davomida amalga oshirilishi belgilangan chora-tadbirlar yuzasidan hisobot davrida bajarilgan ishlar toʻgʻrisidagi tahliliy maʼlumot;

Davlat dasturining ijrosi doirasida hisobot davrida qabul qilingan muhim normativ-huquqiy hujjatlar va ularning ahamiyati;

Davlat dasturining ijrosi doirasida erishilgan eng muhim koʻrsatkichlar (jalb etilgan investitsiya hajmi, yaratilgan ish oʻrinlari, odamlarning turmush sharoitlarini yaxshilash boʻyicha amalga oshirilgan ishlar, bu jarayonda jamoatchilik va fuqarolik jamiyati institutlari ishtiroki va b.);

Davlat dasturining ijrosi doirasida hududlarni kompleks rivojlantirish hamda iqtisodiyot va ijtimoiy sohalarni isloh etish boʻyicha amalga oshirilgan ishlarning tahlili;

Davlat dasturining ijrosi natijadorligini yanada oshirishga qaratilgan takliflar;

Davlat dasturining ijrosiga oid iqtisodiy va ijtimoiy sohalarga oid aniq misollar tahlili va boshqalar.

20. Vazirlar Mahkamasi apparati boshkaruvchisining huquqiy ekspertiza masalalari boʻyicha oʻrinbosari:

a) har oyning 8 sanasiga qadar umumlashtirilgan maʼlumotlarni tahlil qiladi, zarurat boʻlsa qayta ishlash uchun masʼul tarkibiy boʻlinmaga qaytaradi hamda umumlashtirilgan maʼlumotlarni Vazirlar Mahkamasi apparati boshqaruvchisiga taqdim qiladi;

b) har chorakda, keyingi oyning 8 sanasiga qadar Davlat dasturi ijrosini koʻrib chiqish toʻgʻrisida Vazirlar Mahkamasi Rayosati majlisi materiallarini va Oliy Majlis palatalarida Davlat dasturi bajarilishi toʻgʻrisida Hukumatning har choraklik hisobotlari materiallarini tahlil qiladi va Vazirlar Mahkamasi apparati boshqaruvchisiga taqdim qiladi.

21. Vazirlar Mahkamasi apparati boshqaruvchisi:

a) har oyning 10 sanasiga qadar taqdim qilingan umumlashtirilgan maʼlumotlarni koʻrib chiqadi va Bosh vazirga taqdim qiladi;

b) har chorakda, keyingi oyning 10 sanasiga qadar Davlat dasturi ijrosini koʻrib chiqish toʻgʻrisida Vazirlar Mahkamasi Rayosati majlisi materiallarini va Oliy Majlis palatalarida Davlat dasturi bajarilishi toʻgʻrisida Hukumatning har choraklik hisobotlari materiallarini koʻrib chiqadi, Bosh vazirga taqdim qiladi hamda hisobotni Vazirlar Mahkamasining Rayosati majlisida koʻrib chiqish muddatini kelishadi.

22. Masʼul tarkibiy boʻlinma idoralararo monitoring-tahlil guruhi bilan birgalikda:

Davlat dasturi bajarilishining borishi toʻgʻrisidagi hisobotning Vazirlar Mahkamasining Rayosati majlisida koʻrib chiqilishini tashkil etadi;

hisobot loyihasini Vazirlar Mahkamasining Rayosati majlisida koʻrib chiqish uchun hujjatlar toʻplamini tayyorlaydi;

Vazirlar Mahkamasining Rayosati majlisining yakunlari boʻyicha hisobot loyihasi va hujjatlar toʻplami bir kun muddatda bildirilgan eʼtirozlardan kelib chiqib puxta qayta ishlanishini taʼminlaydi.

23. Hisobot puxta qayta ishlanganidan soʻng bir kun muddatda Oʻzbekiston Respublikasi Oliy Majlisining Qonunchilik palatasi (keyingi oʻrinlarda — Qonunchilik palatasi) va Senatiga taqdim etiladi.

24. Vazirlar Mahkamasi apparatining tarkibiy boʻlinmalari Vakolatli vakil hamda Vazirlar Mahkamasi apparati boshqaruvchisining huquqiy ekspertiza masalalari boʻyicha oʻrinbosari bilan birgalikda Oliy Majlis Qonunchilik palatasi va Senati bilan hisobotni muhokama qilishga tayyorgarlik koʻrish masalalari boʻyicha barvaqt ishlashni tashkil etadi.

25. Qonunchilik palatasi va Senat bilan kelishgan holda hisobotni Qonunchilik palatasining qoʻmitalari, siyosiy partiyalar fraksiyalari, Senat qoʻmitalari hamda Oliy Majlis palatalarining yalpi majlislarida muhokama qilish boʻyicha reja-grafik (keyingi oʻrinlarda — reja-grafik) tayyorlanadi.

26. Vakolatli vakil:

hisobotni Oliy Majlis Qonunchilik palatasi va Senati rahbariyatiga taqdim etilishini tashkillashtirish choralarini koʻradi;

hisobotni muhokama qilish kuni va formatini Oliy Majlis Qonunchilik palatasi va Senati rahbariyati bilan kelishishni tashkil etadi;

Oliy Majlis Qonunchilik palatasi va Senati devonlari rahbariyati bilan birgalikda reja-grafikni tayyorlash va tasdiqlashni tashkillashtiradi;

Oliy Majlis Qonunchilik palatasi va Senati devonlari rahbariyati hamda masʼul tarkibiy boʻlinma bilan birgalikda hisobotni Oliy Majlis palatalarida koʻrib chiqish va muhokama qilishda ishtirok etuvchi Hukumat aʼzolari, vazirliklar va idoralar vakillari roʻyxatini shakllantiradi;

hisobotni Oliy Majlis palatalarida koʻrib chiqish va muhokama qilishda Vazirlar Mahkamasi apparati tarkibiy boʻlinmalarining Qonunchilik palatasining qoʻmitalari, siyosiy partiyalar fraksiyalari, Senatning qoʻmitalari hamda Qonunchilik palatasi Devoni va Senat Devoni bilan oʻzaro muvofiqlashgan hamkorligini taʼminlaydi;

Vazirlar Mahkamasi apparati tarkibiy boʻlinmalariga hisobotni Oliy Majlis palatalarida koʻrib chiqish va muhokama qilishda Oliy Majlis palatalari va ularning organlari bilan oʻzaro hamkorlikni taʼminlashga hamda tashkiliy masalalarni hal qilishga yordam koʻrsatadi.

27. Hisobotni Qonunchilik palatasining qoʻmitalari va siyosiy partiya fraksiyalarida, Senatning qoʻmitalarida dastlabki tarzda koʻrib chiqishda, shuningdek, Oliy Majlis palatalarining yalpi majlislarida muhokama qilishda Davlat dasturining tegishli bandlari boʻyicha masʼul vazirlar va davlat qoʻmitalari raislari puxta tayyorgarlik koʻrgan holda oʻz vaqtida va qoida tariqasida shaxsan ishtirok etishlari shart.

28. Zarur hollarda, Vazirlar Mahkamasi apparati boshqaruvchisining topshirigʻiga muvofiq, Hukumat aʼzolarining muhokamalarda oʻz vaqtida va puxta tayyorgarlik koʻrgan holda ishtirok etishini taʼminlash maqsadida Bosh vazirning alohida topshirigʻi tayyorlanishi mumkin.

29. Bosh vazir oʻrinbosarlari va Bosh vazir maslahatchilari hamda masʼul tarkibiy boʻlinma Vazirlar Mahkamasi apparatining tarkibiy boʻlinmalari hamda Vakolatli vakil bilan birgalikda hisobotni Qonunchilik palatasining qoʻmitalarida, siyosiy partiyalar fraksiyalarida, Senatning qoʻmitalarida, Oliy Majlis palatalarining yalpi majlislarida koʻrib chiqishda Davlat dasturining tegishli bandlari boʻyicha masʼul boʻlgan vazirlar va davlat qoʻmitalari raislarining ishtirokini tashkil etadi.

30. Hisobot Qonunchilik palatasi va Senatning yalpi majlisida koʻrib chiqilishida Oliy Majlis palatalari rahbariyati bilan kelishilgan holda qoida tariqasida Bosh vazir, Bosh vazirning oʻrinbosarlari, Bosh vazirning maslahatchilari hamda tegishli Hukumat aʼzolari ishtirok etadilar.

4-bob. Hisobotni koʻrib chiqish yakunlari boʻyicha qabul qilingan Qonunchilik palatasi va Senat qarorlari ijrosi ustidan nazorat qilish

31. Hisobotni muhokama qilish natijalari yuzasidan Vakolatli vakil Vazirlar Mahkamasi Rayosatida axborot beradi.

32. Hisobotni koʻrib chiqish yakunlari boʻyicha Qonunchilik palatasi va Senat qabul qilgan qarorlar ijrosi ustidan nazorat qilish Vazirlar Mahkamasi apparati tomonidan amalga oshiriladi.

33. Bosh vazir oʻrinbosarlari, Bosh vazir maslahatchilari, Vazirlar Mahkamasi apparatining masʼul tarkibiy boʻlinmalari Qonunchilik palatasi va Senat qabul qilgan qarorlar bajarilishining tizimli nazorati va tahlilini taʼminlaydi.

34. Hisobotni koʻrib chiqish yakunlari boʻyicha Qonunchilik palatasi va Senat qabul qilgan qarorlar ijrosini taʼminlash Vazirlar Mahkamasi Rayosati majlisi bayoni bilan masʼul vazirlik va idoralar, Vazirlar Mahkamasi tarkibiy boʻlinmalari hamda bajarish muddatlarini aniq koʻrsatgan holda chora-tadbirlar rejasi (keyingi oʻrinlarda — chora-tadbirlar rejasi) tasdiqlanadi.

35. Masʼul tarkibiy boʻlinma Vazirlar Mahkamasida tahlil qilish boʻyicha idoralararo monitoring-tahlil guruhi bilan birgalikda:

chora-tadbirlar rejasini va uni tasdiqlash boʻyicha Vazirlar Mahkamasi Rayosati majlisi materiallarini tayyorlaydi va tegishli tarkibiy boʻlinmalar, Vakolatli vakil hamda Vazirlar Mahkamasi apparati boshqaruvchisining huquqiy ekspertiza masalalari boʻyicha oʻrinbosari bilan kelishadi;

chora-tadbirlar rejasi va Vazirlar Mahkamasi Rayosati majlisi materiallari boʻyicha Vazirlar Mahkamasi apparati boshqaruvchisiga axborot beradi hamda chora-tadbirlar rejasining Vazirlar Mahkamasi Rayosati majlisida muhokamasini tashkil etadi;

chora-tadbirlar rejasining bajarilishi holatini tizimli tahlil qilib boradi hamda belgilangan muddatlarda bu haqda Qonunchilik palatasi va Senatga axborot kiritib borilishini taʼminlaydi.

36. Vazirlar Mahkamasining tarkibiy boʻlinmalari:

Vazirlar Mahkamasi Rayosati majlisi bayoni bilan tasdiqlangan chora-tadbirlar rejasining bajarilishini hamda belgilangan muddatlarda uning oʻzlariga biriktirilgan bandlari bajarilishi holati toʻgʻrisidagi maʼlumotlarni masʼul tarkibiy boʻlinmaga taqdim etilishini taʼminlaydilar;

zarur hollarda chora-tadbirlar rejasidagi ijrosi kechikayotgan yoki bajarilmagan bandlarning tegishli Bosh vazir oʻrinbosari yoki maslahatchisi huzurida masʼul vazirlik va idoralar rahbarlarini taklif qilgan holda tanqidiy muhokama qilinishini tashkil etadi.

37. Vazirlar Mahkamasi apparatining Nazorat va ijro intizomi boʻlimi tomonidan tizimli asosda Qonunchilik palatasi va Senat qabul qilgan qarorlar bajarilishi jarayonining monitoringi amalga oshiriladi.

5-bob. Yakunlovchi qoidalar

38. Hisobotni Oliy Majlis Qonunchilik palatasi va Senatida muhokama qilish jarayonini ommaviy axborot vositalari orqali keng yoritish Bosh vazirning Matbuot xizmati tomonidan tashkil etiladi.

39. Ushbu Nizom talablarining buzilishida aybdor boʻlgan shaxslar qonun hujjatlarida belgilangan tartibda javob beradilar.

Oʻzbekiston Respublikasi Prezidentining Oʻzbekiston Respublikasi Oliy Majlisiga Murojaatnomasidan kelib chiqadigan, tegishli yilga moʻljallangan davlat dasturi bajarilishining borishi yuzasidan Vazirlar Mahkamasining hisobotini Oliy Majlisga taqdim etish tartibi toʻgʻrisidagi nizomga ILOVA

Oʻzbekiston Respublikasi Prezidentining Oʻzbekiston Respublikasi Oliy Majlisiga Murojaatnomasidan kelib chiqadigan, tegishli yilga moʻljallangan davlat dasturi bajarilishining borishi yuzasidan Vazirlar Mahkamasining hisobotini Oliy Majlisga taqdim etish tartibi

SXEMASI

Bosqichlar Subyektlar Tadbirlar Muddat I. Vazirliklar va idoralarning Davlat dasturi bajarilishining borishi toʻgʻrisidagi hisobotlarini tayyorlash, umumlashtirish va Vazirlar Mahkamasiga kiritish bosqichi 1-bosqich Davlat va xoʻjalik boshqaruvi organlari, mahalliy hokimliklar 1. Davlat dasturida belgilangan vazifalar va tadbirlarning bajarilishini nazoratga oladi, ularni oʻz vaqtida samarali bajarish boʻyicha tezkor chora-tadbirlarni amalga oshiradi. 2. Davlat dasturida yuklatilgan vazifalarning bajarilishi holati yuzasidan ushbu idora boʻyicha maʼlumotlarni umumlashtirib, belgilangan tartibda masʼul vazirlikka taqdim etib borishga masʼul xodimni buyruq asosida belgilaydi. 3. Davlat dasturida nazarda tutilgan normativ-huquqiy hujjatlar loyihalarini ishlab chiqish maqsadida tegishli ishchi guruhlarni tuzadi. 4. Normativ-huquqiy hujjatlar loyihalarini ishlab chiqishga masʼul qilib belgilangan bandlar boʻyicha tegishli ishchi guruhiga kiritish uchun malakali xodimlarni ajratadi hamda asosiy ijrochi ixtiyoriga yuboradi. 5. Davlat dasturi bajarilishining borishi toʻgʻrisidagi maʼlumotlarni shakllantiradi va umumlashtiradi. 6. Hamijrochi boʻlgan bandlar boʻyicha asosiy ijrochiga tadbirlarning bajarilishi toʻgʻrisidagi maʼlumotlarni toʻliq taqdim etib boradi. 7. Asosiy ijrochi boʻlgan bandlar boʻyicha Davlat dasturi bajarilishining borishi toʻgʻrisidagi maʼlumotlarni qogʻoz va elektron shaklda umumlashtirish uchun masʼul vazirlikka taqdim etadi. Doimiy Davlat dasturi qabul qilinganidan soʻng uch kun muddatda Zaruratga qarab Asosiy ijrochilarning soʻroviga binoan Doimiy Har oyning 28 sanasiga qadar Har oyning 30 sanasiga qadar 2-bosqich Masʼul vazirlik 1. Davlat dasturida belgilangan vazifalar va tadbirlarni bajarishda, shu jumladan normativ-huquqiy hujjatlar loyihalar sifatli va oʻz vaqtida ishlab chiqilishida kamchilikka yoʻl qoʻygan, maʼlumotlarni taqdim etmagan yoki sifatsiz taqdim etgan tashkilotlar rahbarlari, masʼul xodimlariga nisbatan tegishli taʼsir choralarini koʻrish toʻgʻrisida Vazirlar Mahkamasiga takliflar kiritib boradi. 2. Davlat va xoʻjalik boshqaruvi organlari, mahalliy davlat hokimiyati organlari hamda boshqa tashkilotlar tomonidan taqdim etilgan maʼlumotlarni oʻz vaqtida qabul qilib oladi, ularni umumlashtirib, tahlil qiladi. 3. Umumlashtirilgan maʼlumotni Vazirlar Mahkamasiga taqdim etadi. Zaruratga qarab Har oyning 2 sanasiga qadar II. Davlat dasturi bajarilishining borishi toʻgʻrisidagi hisobot boʻyicha Vazirlar Mahkamasida ishlash hamda hisobotni Oliy Majlis palatalariga kiritish bosqichi 3-bosqich Vazirlar Mahkamasi Rayosati 1. Davlat dasturining har bir bandi Vazirlar Mahkamasining tegishli tarkibiy boʻlinmalariga biriktiriladi. 2. Davlat dasturi bajarilishining borishini nazorat qilish uchun Vazirlar Mahkamasi apparatining masʼul tarkibiy boʻlinmasi (boʻlinmalari) (keyingi oʻrinlarda — masʼul tarkibiy boʻlinma) belgilanadi. 3. Oʻzbekiston Respublikasi Prezidentining Harakatlar strategiyasini tegishli yilda amalga oshirishga oid davlat dasturini tasdiqlash toʻgʻrisidagi Farmoni ijrosini amalga oshirish boʻyicha Vazirlar Mahkamasining muvofiqlashtiruvchi ishchi guruhi tarkibi tasdiqlanadi. 4. Davlat dasturi ijrosini Vazirlar Mahkamasida tahlil qilish boʻyicha idoralararo monitoring-tahlil guruhi tarkibi tasdiqlanadi. 5. Oʻzbekiston Respublikasi Prezidentining Harakatlar strategiyasini tegishli yilda amalga oshirishga oid davlat dasturini tasdiqlash toʻgʻrisidagi Farmoni ijrosini amalga oshirish boʻyicha nazorat rejasi tasdiqlanadi. Davlat dasturi qabul qilinganidan soʻng 4-bosqich Masʼul tarkibiy boʻlinma, Davlat dasturini Vazirlar Mahkamasida tahlil qilish boʻyicha idoralararo monitoring-tahlil guruhi 1. Davlat dasturi amalga oshirilishining borishi haqidagi maʼlumotni koʻrib chiqadi va tahlil qiladi. 2. Tahlil natijasi boʻyicha maʼlumotni ishonchliligi va haqqoniyligini koʻrib chiqish uchun Vazirlar Mahkamasining tarkibiy boʻlinmalariga taqdim qiladi. 3. Zarur hollarda vazirliklar va idoralardan qoʻshimcha maʼlumotlarni oladi. Har oyning 4 sanasiga qadar 5-bosqich Vazirlar Mahkamasining tarkibiy boʻlinmalari 1. Maʼlumotlarni koʻrib chiqadi, tahlil qiladi, ulardagi maʼlumotlarning ishonchliligi va haqqoniyligini oʻrganadi. 2. Kamchilik va muammolarni bartaraf etish boʻyicha davlat organlari va tashkilotlar bilan hamkorlikda ishlarni tashkil qiladi. 3. Tegishli materiallarni Bosh vazir oʻrinbosarlari va Bosh vazir maslahatchilariga taqdim qiladi va kelishadi. Har oyning 5 sanasiga qadar 6-bosqich Bosh vazir oʻrinbosarlari, Bosh vazir maslahatchilari 1. Taqdim etilgan maʼlumotlarni koʻrib chiqadi, zarurat boʻlganda ularning muhokamasi boʻyicha yigʻilishlar tashkil qiladi. 2. Davlat dasturini ijrosi yuzasidan kamchilikka yoʻl qoʻygan xodimlarga nisbatan tegishli choralar koʻradi. 3. Mavjud muammolarni hal etish boʻyicha tegishli tarkibiy boʻlinmalarga zarur koʻrsatmalar beradi. Har oyning 6 sanasiga qadar 7-bosqich Vazirlar Mahkamasining tarkibiy boʻlinmalari Bosh vazir oʻrinbosarlari va Bosh vazir maslahatchilari koʻrsatmalari va takliflari asosida qayta ishlangan maʼlumotlarni Davlat dasturini masʼul tarkibiy boʻlinmagataqdim qiladi. Har oyning 6 sanasiga qadar 8-bosqich Masʼul tarkibiy boʻlinma, Davlat dasturini Vazirlar Mahkamasida tahlil qilish boʻyicha idoralararo monitoring-tahlil guruhi 1. Tarkibiy boʻlinmalar tomonidan taqdim etilgan hisobot va tahliliy maʼlumotni puxta qayta ishlaydi. 2. Umumlashtirilgan yakuniy maʼlumotni hamda hujjatlar toʻplamini Vazirlar Mahkamasi apparati boshqaruvchisining huquqiy ekspertiza masalalari boʻyicha oʻrinbosariga taqdim qiladi. 3. Davlat dasturi ijrosini koʻrib chiqish toʻgʻrisida Vazirlar Mahkamasi Rayosati majlisi materiallarini (Vazirlar Mahkamasi Rayosati majlisining kun tartibi va majlis bayoni loyihasi hamda hisobot beruvchilar va taklif etilganlar roʻyxati) va Oliy Majlis palatalarida Davlat dasturi bajarilishi toʻgʻrisida Hukumatning har choraklik hisobotlari materiallarini (hisobot loyihasi; Bosh vazirning hisoboti materiallari; hisobot muhokamasida qatnashuvchilar roʻyxati; axborot-tahliliy, statistik va boshqa materiallar) tayyorlaydi va Vazirlar Mahkamasi apparati boshqaruvchisining huquqiy ekspertiza masalalari boʻyicha oʻrinbosariga taqdim qiladi. Har oyning 7 sanasiga qadar Har chorakda, keyingi oyning 7 sanasiga qadar 9-bosqich Vazirlar Mahkamasi apparati boshkaruvchisining huquqiy ekspertiza masalalari boʻyicha oʻrinbosari 1. Umumlashtirilgan maʼlumotlarni tahlil qiladi, zarurat boʻlsa qayta ishlash uchun masʼul tarkibiy boʻlinmaga qaytaradi hamda umumlashtirilgan maʼlumotlarni Vazirlar Mahkamasi apparati boshqaruvchisiga taqdim qiladi. 2. Davlat dasturi ijrosini koʻrib chiqish toʻgʻrisida Vazirlar Mahkamasi Rayosati majlisi materiallarini va Oliy Majlis palatalarida Davlat dasturi bajarilishi toʻgʻrisida Hukumatning har choraklik hisobotlari materiallarini tahlil qiladi va Vazirlar Mahkamasi apparati boshqaruvchisiga taqdim qiladi. Har oyning 8 sanasiga qadar Har chorakda, keyingi oyning 8 sanasiga qadar 10-bosqich Vazirlar Mahkamasi apparati boshqaruvchisi 1. Taqdim qilingan umumlashtirilgan maʼlumotlarni koʻrib chiqadi va Bosh vazirga taqdim qiladi. 2. Davlat dasturi ijrosini koʻrib chiqish toʻgʻrisida Vazirlar Mahkamasi Rayosati majlisi materiallarini va Oliy Majlis palatalarida Davlat dasturi bajarilishi toʻgʻrisida Hukumatning har choraklik hisobotlari materiallarini koʻrib chiqadi, Bosh vazirga taqdim qiladi hamda hisobotni Vazirlar Mahkamasi Rayosati majlisida koʻrib chiqish muddatini kelishadi. Har oyning 10 sanasiga qadar Har chorakda, keyingi oyning 10 sanasiga qadar 11-bosqich Masʼul tarkibiy boʻlinma, idoralararo monitoring-tahlil guruhi 1. Davlat dasturi bajarilishining borishi toʻgʻrisidagi hisobotning Vazirlar Mahkamasi Rayosati majlisida koʻrib chiqilishini tashkil etadi. 2. Vazirlar Mahkamasi Rayosati majlisining yakunlari boʻyicha hisobot loyihasi va hujjatlar toʻplami bildirilgan eʼtirozlardan kelib chiqib puxta qayta ishlanishini taʼminlaydi. Har chorakda, keyingi oyning 15 sanasiga qadar Bir kun muddatda 12-bosqich Masʼul tarkibiy boʻlinma, Vakolatli vakil, Umumiy boʻlim Puxta qayta ishlangan hisobotni Oʻzbekiston Respublikasi Oliy Majlisining Qonunchilik palatasi (keyingi oʻrinlarda — Qonunchilik palatasi) va Senatiga taqdim etadi. Bir kun muddatda III. Vazirlar Mahkamasining Davlat dasturi bajarilishining borishi toʻgʻrisidagi hisobotini Oliy Majlis palatalarida himoya qilish bosqichi 13-bosqich Tarkibiy boʻlinmalar, Vakolatli vakil, Vazirlar Mahkamasi apparati boshqaruvchisining huquqiy ekspertiza masalalari boʻyicha oʻrinbosari 1. Oliy Majlis Qonunchilik palatasi va Senati bilan hisobotni muhokama qilishga tayyorgarlik koʻrish masalalari boʻyicha barvaqt ishlashni tashkil etadi. 2. Qonunchilik palatasi va Senat bilan kelishgan holda hisobotni Qonunchilik palatasining qoʻmitalari, siyosiy partiyalar fraksiyalari, Senat qoʻmitalari hamda Oliy Majlis palatalarining yalpi majlislarida muhokama qilish boʻyicha reja-grafik tayyorlanadi. Hisobot Oliy Majlis palatalariga taqdim etilganidan soʻng 14-bosqich Vakolatli vakil 1. Hisobotni Oliy Majlis palatalari rahbariyatiga taqdim etilishini tashkillashtirish choralarini koʻradi. 2. Hisobotni muhokama qilish kuni va formatini Oliy Majlis palatalari rahbariyati bilan kelishishni tashkil etadi. 3. Oliy Majlis palatalari devonlari rahbariyati bilan birgalikda reja-grafikni tayyorlash va tasdiqlashni tashkillashtiradi. 4. Oliy Majlis palatalari devonlari rahbariyati hamda masʼul tarkibiy boʻlinma bilan birgalikda hisobotni Oliy Majlis palatalarida koʻrib chiqish va muhokama qilishda ishtirok etuvchi Hukumat aʼzolari, vazirliklar va idoralar vakillari roʻyxatini shakllantiradi. 5. Hisobotni Oliy Majlis palatalarida koʻrib chiqish va muhokama qilishda Vazirlar Mahkamasi apparati tarkibiy boʻlinmalarining Oliy Majlis palatalari organlari bilan oʻzaro muvofiqlashgan hamkorligini taʼminlaydi. Muntazam ravishda 15-bosqich Bosh vazir oʻrinbosarlari, Bosh vazir maslahatchilari, masʼul tarkibiy boʻlinma, Vazirlar Mahkamasi apparatining tarkibiy boʻlinmalari, Vakolatli vakil Hisobotni Qonunchilik palatasining qoʻmitalarida, siyosiy partiyalar fraksiyalarida, Senatning qoʻmitalarida, Oliy Majlis palatalarining yalpi majlislarida koʻrib chiqishda Davlat dasturining tegishli bandlari boʻyicha masʼul boʻlgan vazirlar va davlat qoʻmitalari raislarining ishtirokini tashkil etadi. Reja-grafikka asosan 16-bosqich Davlat dasturining tegishli bandlari boʻyicha masʼul vazirlar, davlat qoʻmitalari raislari Hisobotni Qonunchilik palatasining qoʻmitalari va siyosiy partiyalar fraksiyalarida, Senatning qoʻmitalarida dastlabki tarzda koʻrib chiqishda, shuningdek, Oliy Majlis palatalarining yalpi majlislarida puxta tayyorgarlik koʻrgan holda oʻz vaqtida va qoida tariqasida shaxsan ishtirok etadilar. Reja-grafikka asosan 17-bosqich Bosh vazir, Bosh vazir oʻrinbosarlari, Bosh vazir maslahatchilari, Hukumat aʼzolari Hisobotni Qonunchilik palatasi va Senatning yalpi majlisida taqdim etadi. Reja-grafikka asosan IV. Vazirlar Mahkamasining Davlat dasturi bajarilishining borishi toʻgʻrisidagi hisobotini koʻrib chiqish yakunlari boʻyicha Qonunchilik palatasi va Senat tomonidan qabul qilingan qarorlar ijrosini taʼminlash bosqichi 18-bosqich Vakolatli vakil Hisobotni muhokama qilish natijalari yuzasidan Vazirlar Mahkamasi Rayosatida axborot beradi. Hisobot Oliy Majlis palatalarida muhokama qilingandan soʻng 19-bosqich Masʼul tarkibiy boʻlinma, idoralararo monitoring-tahlil guruhi 1. Chora-tadbirlar rejasini va uni tasdiqlash boʻyicha Vazirlar Mahkamasi Rayosati majlisi materiallarini tayyorlaydi va tegishli tarkibiy boʻlinmalar, Vakolatli vakil hamda Vazirlar Mahkamasi apparati boshqaruvchisining huquqiy ekspertiza masalalari boʻyicha oʻrinbosari bilan kelishadi. 2. Chora-tadbirlar rejasi va Vazirlar Mahkamasi Rayosati majlisi materiallari boʻyicha Vazirlar Mahkamasi apparati boshqaruvchisiga axborot beradi hamda chora-tadbirlar rejasining Vazirlar Mahkamasi Rayosati majlisida muhokamasini tashkil etadi. 3. Chora-tadbirlar rejasining bajarilishi holatini tizimli tahlil qilib boradi hamda bu haqda Qonunchilik palatasi va Senatga axborot kiritib borilishini taʼminlaydi. Belgilangan muddatlarda 20-bosqich Vazirlar Mahkamasi tarkibiy boʻlinmalari 1. Hisobotni koʻrib chiqish yakunlari boʻyicha Qonunchilik palatasi va Senat qabul qilgan qarorlar ijrosi ustidan nazoratni amalga oshiradi. 2. Vazirlar Mahkamasi Rayosati majlisi bayoni bilan tasdiqlangan chora-tadbirlar rejasining bajarilishini hamda belgilangan muddatlarda uning oʻzlariga biriktirilgan bandlari bajarilishi holati toʻgʻrisidagi maʼlumotlarni masʼul tarkibiy boʻlinmaga taqdim etilishini taʼminlaydi. 2. Qonunchilik palatasi va Senat qabul qilgan qarorlar bajarilishining tizimli tahlilini hamda Bosh vazir oʻrinbosarlari, Bosh vazir maslahatchilari huzurida muhokama qilishni taʼminlaydi. Belgilangan muddatlarda Zarur hollarda 21-bosqich Nazorat va ijro intizomi boʻlimi Qonunchilik palatasi va Senat qabul qilgan qarorlar bajarilishi jarayoni monitoringini olib boradi. Tizimli asosda