Oʻzbekiston Respublikasi Vazirlar Mahkamasining 2020-yil 27-martdagi 166-F-son farmoyishi (166-F-son)

27.03.2020

Oʻzbekiston Respublikasi Vazirlar Mahkamasining

farmoyishi

Toshkent shahar Ichki ishlar bosh boshqarmasi faoliyatini samarali tashkil etish hamda moddiy-texnika bazasini mustahkamlash maqsadida:

1. Oʻzbekiston Respublikasi Ichki ishlar vazirligi va Toshkent shahar hokimligining Toshkent shahrida jamoat tartibini saqlash va jinoyatchilikning oldini olishda ichki ishlar organlari faoliyati samaradorligini yanada oshirish maqsadida Toshkent shahar Ichki ishlar bosh boshqarmasini bosqichma-bosqich avtotransport vositalari bilan taʼminlash toʻgʻrisidagi takliflari maʼqullansin.

2. 2020 — 2022-yillarda Toshkent shahar Ichki ishlar bosh boshqarmasini zamonaviy avtotransport vositalari bilan taʼminlash dasturi ilovaga muvofiq tasdiqlansin.

3. Toshkent shahar Ichki ishlar bosh boshqarmasi tegishli muddatini oʻtab boʻlgan avtotransport vositalari qonun hujjatlariga muvofiq sotilishi va tushgan mablagʻlar belgilangan tartibda taqsimlanishini taʼminlasin.

4. Mazkur farmoyishning bajarilishini nazorat qilish Oʻzbekiston Respublikasi ichki ishlar vaziri P.R. Bobojonov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2020-yil 27-mart,

166-F-son

Vazirlar Mahkamasining 2020-yil 27-martdagi 166-F-son farmoyishiga ILOVA

2020 — 2022-yillarda Toshkent shahar Ichki ishlar bosh boshqarmasini avtotransport vositalari bilan taʼminlash

DASTURI

T/r Transport vositasining rusumi Jami Shundan yillar boʻyicha xarid qilinadigan transport vositasi Moliyalashtirish manbai 2020 yil (soni) 2021 yil (soni) 2022-yil (soni) 1-chorak 2-chorak 3-chorak 4-chorak 1-chorak 2-chorak 3-chorak 4-chorak 1-chorak 2-chorak 3-chorak 4-chorak 1. Tez tibbiy yordam mashinasi (HUNDAI) 3 3 Ichki ishlar vazirligining budjetdan tashqari mablagʻlari 2. Treker 18 18 Toshkent shahrining mahalliy budjeti mablagʻlari 3. Lasyetti 8 2 2 2 2 Ichki ishlar vazirligining budjetdan tashqari mablagʻlari 4. Neksiya-3 258 25 25 25 23 20 20 20 20 20 20 20 20 Ichki ishlar vazirligining budjetdan tashqari mablagʻlari 5. Spark 200 20 15 15 15 15 15 20 20 10 20 15 20 Ichki ishlar vazirligining budjetdan tashqari mablagʻlari 6. Damas 36 4 5 5 4 5 4 4 5 Ichki ishlar vazirligining budjetdan tashqari mablagʻlari Hammasi 523 52 45 65 42 42 39 46 45 32 40 35 40

Izoh. Oʻzbekiston Respublikasi Ichki ishlar vazirligi, zaruratga koʻra, avtotransport vositalarining soniga va rusumiga oʻzgartirish kiritish huquqiga ega.