Jismoniy tarbiya-sogʻlomlashtirish va sport inshooti pasportini berish boʻyicha davlat xizmati koʻrsatishning maʼmuriy reglamentini tasdiqlash toʻgʻrisida (164-son)

17.03.2020

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Davlat xizmatlari koʻrsatish milliy tizimini yanada kompleks rivojlantirish choralari haqida” 2019-yil 15-fevraldagi PQ-4193-son qarori ijrosini taʼminlash, shuningdek, jismoniy tarbiya va sport sohasida davlat xizmatlari koʻrsatish tizimini takomillashtirish maqsadida Vazirlar Mahkamasi qaror qiladi:

1. Quyidagilarni nazarda tutuvchi Jismoniy tarbiya-sogʻlomlashtirish va sport inshooti pasportini berish boʻyicha davlat xizmati koʻrsatishning maʼmuriy reglamenti ilovaga muvofiq tasdiqlansin va 2020-yil 20-martdan boshlab amalga kiritilsin:

birinchi — yuridik shaxslarga davlat xizmatlari markazlari va Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) orqali jismoniy tarbiya-sogʻlomlashtirish va sport inshooti pasportini berish boʻyicha davlat xizmatini koʻrsatish tartibini belgilash;

ikkinchi — jismoniy tarbiya-sogʻlomlashtirish va sport inshootlari pasportlarini rasmiylashtirish va berish ishlarini amalga oshirish;

uchinchi — jismoniy tarbiya-sogʻlomlashtirish va sport inshootlarini ularning texnik va ekspluatatsiya koʻrsatkichlari hamda jihozlanganligidan kelib chiqqan holda, toifalarga tasniflashning asosiy talablari va meʼyorlarini tasdiqlash;

toʻrtinchi — jismoniy tarbiya-sogʻlomlashtirish va sport inshooti toifasini tasdiqlash va pasportini berishni rad etish asoslarini belgilash.

2. Oʻzbekiston Respublikasi Jismoniy tarbiya va sport vazirligi bir oy muddatda:

davlat xizmatini koʻrsatish uchun zarur hujjatlar va boshqa hujjatlarning namunaviy shakllari, blankalari ishlab chiqilishini hamda Oʻzbekiston Respublikasi Adliya vazirligi huzuridagi Davlat xizmatlari agentligi bilan kelishgan holda tasdiqlanishini;

Oʻzbekiston Respublikasi Prezidenti huzuridagi Loyiha boshqaruvi milliy agentligi qoshidagi “Elektron hukumat va raqamli iqtisodiyot loyihalarini boshqarish markazi” davlat unitar korxonasi bilan birgalikda Qoraqalpogʻiston Respublikasi Jismoniy tarbiya va sport vazirligi, viloyatlar va Toshkent shahar jismoniy tarbiya va sport boshqarmalarining YIDXP orqali yuborilgan murojaatlarni koʻrib chiqish va qayta ishlash uchun axborot tizimiga ulanishini taʼminlasin.

3. Oʻzbekiston Respublikasi Prezidenti huzuridagi Loyiha boshqaruvi milliy agentligi qoshidagi “Elektron hukumat va raqamli iqtisodiyot loyihalarini boshqarish markazi” davlat unitar korxonasi “Uzinfocom” davlat axborot tizimlarini yaratish va qoʻllab-quvvatlash boʻyicha yagona integrator” MChJ bilan birgalikda ikki oy muddatda:

jismoniy tarbiya-sogʻlomlashtirish va sport inshooti pasportini berish boʻyicha davlat xizmatini koʻrsatish YIDXP orqali joriy etilishini taʼminlasin;

YIDXPda davlat xizmati koʻrsatilishining har bir bosqichida murojaatlarning koʻrib chiqilishini kuzatib borish tartibini joriy etsin.

4. Oʻzbekiston Respublikasi Adliya vazirligi huzuridagi Davlat xizmatlari agentligi:

davlat organlari va boshqa tashkilotlar tomonidan davlat xizmatlari koʻrsatilishining belgilangan tartibiga rioya etilishi boʻyicha ularning faoliyati yuzasidan, jumladan, YIDXP orqali doimiy nazorat oʻrnatsin;

ushbu qaror bilan tasdiqlangan davlat xizmatini koʻrsatish boʻyicha maʼmuriy reglamentning talablarini buzganlik uchun davlat organlari va boshqa tashkilotlar mansabdor shaxslariga nisbatan belgilangan tartibda maʼmuriy jazolar qoʻllasin.

5. Oʻzbekiston Respublikasi Jismoniy tarbiya va sport vazirligi boshqa manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — Oʻzbekiston Respublikasi Turizmni rivojlantirish davlat qoʻmitasi raisi A.A. Abduxakimov, Oʻzbekiston Respublikasi adliya vaziri R.Q. Davletov hamda Oʻzbekiston Respublikasi jismoniy tarbiya va sport vaziri D.X. Nabiyev zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2020-yil 17-mart,

164-son

Vazirlar Mahkamasining 2020-yil 17-martdagi 164-son qaroriga ILOVA

Jismoniy tarbiya-sogʻlomlashtirish va sport inshooti pasportini berish boʻyicha davlat xizmati koʻrsatishning

MAʼMURIY REGLAMENTI

1-bob. Umumiy qoidalar

1. Mazkur Reglament tadbirkorlik subyektlariga hamda tadbirkorlik subyektlari boʻlmagan yuridik shaxslarga (keyingi oʻrinlarda — ariza beruvchi) jismoniy tarbiya-sogʻlomlashtirish va sport inshooti pasportini (keyingi oʻrinlarda — sport inshooti pasporti) berish boʻyicha davlat xizmatini koʻrsatish tartibini belgilaydi.

2. Ushbu Reglament respublikada jismoniy tarbiya-sogʻlomlashtirish va sport inshootlaridan (keyingi oʻrinlarda — sport inshootlari) foydalanuvchi barcha yuridik shaxslarga nisbatan tatbiq etiladi.

3. Davlat xizmati tadbirkorlik subyektlari uchun davlat xizmatlari markazlari yoki Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) orqali, tadbirkorlik subyekti boʻmagan yuridik shaxslar uchun esa, Qoraqalpogʻiston Respublikasi Jismoniy tarbiya va sport vazirligi, viloyatlar va Toshkent shahar jismoniy tarbiya va sport boshqarmalari (keyingi oʻrinlarda — hududiy boshqarmalar) orqali Oʻzbekiston Respublikasi Jismoniy tarbiya va sport vazirligining (keyingi oʻrinlarda — vazirlik) “Sertifikatlashtirish va kompyuterlashtirish markazi” davlat korxonasi (keyingi oʻrinlarda — Markaz) tomonidan koʻrsatiladi.

4. Vazirlik, davlat xizmatlari markazlari, Markaz hamda hududiy boshqarmalar oʻrtasidagi axborot almashinuvi faqat elektron raqamli imzodan (keyingi oʻrinlarda — ERI) foydalangan holda, idoralararo elektron hamkorlik vositasida amalga oshiriladi.

5. Jismoniy tarbiya-sogʻlomlashtirish va sport inshooti pasporti mazkur Reglamentga 1-ilovaga muvofiq sxema boʻyicha beriladi.

6. Sport inshooti pasporti — sport inshooti tarkibiga kiruvchi bino va inshootlarning texnik va ishlab chiqarish quvvatlari, ishchi va foydali maydonlari, texnik koʻrsatkichlari, oʻtkazuvchanligi, sport inshooti egasi haqidagi, sport inshooti manzili va sport inshootining funksional yoʻnalishiga bogʻliq boʻlgan boshqa maʼlumotlar koʻrsatilgan hujjat hisoblanadi.

Sport inshootlari mazkur Reglamentga 2-ilovaga muvofiq ularning texnik va ekspluatatsiya koʻrsatkichlari hamda jihozlanganligidan kelib chiqqan holda quyidagi toifalarga boʻlinadi:

oliy toifa sport inshootlari — sport inshootining asosiy parametrlari, oʻlchamlari va jihozlanishi respublika va xalqaro miqyosdagi musobaqalarni (Olimpiya va Osiyo oʻyinlari, jahon, Osiyo va Oʻzbekiston chempionatlari, birinchiliklari va kuboklari, xalqaro turnirlar) oʻtkazishni taʼminlashga imkon beradi. Inshoot aholi ishtirokida jismoniy tarbiya va sogʻlomlashtirish ishlarini olib borish uchun moʻljallanmagan;

birinchi toifa sport inshootlari — sport inshootining asosiy parametrlari, oʻlchamlari va jihozlanishi respublika va xalqaro miqyosdagi musobaqalarni (Osiyo va Oʻzbekiston chempionatlari, birinchiliklari va kuboklari, turli xil turnirlar), shuningdek, oʻquv-mashq mashgʻulotlari oʻtkazishni taʼminlash imkonini beradi;

ikkinchi toifa sport inshootlari — sport inshootining asosiy parametrlari, oʻlchamlari va jihozlanishi respublika, viloyat va tuman (shahar) miqyosidagi musobaqalar va turnirlarni (chempionatlar, birinchiliklar va boshqalar) oʻtkazishni, shuningdek, oʻquv-mashq mashgʻulotlari hamda ishtirokida bilan jismoniy tarbiya va sogʻlomlashtirish ishlarini olib borishni taʼminlash imkonini beradi;

uchinchi toifa sport inshootlari — sport inshootining asosiy parametrlari, oʻlchamlari va jihozlanishi ommaviy sport tadbirlarini oʻtkazish, shuningdek, oʻquv-mashq mashgʻulotlari hamda aholi ishtirokida jismoniy tarbiya va sogʻlomlashtirish ishlarini olib borishni taʼminlash imkonini beradi;

toʻrtinchi toifa sport inshootlari — sport inshootining asosiy parametrlari, oʻlchamlari va jihozlanishi oʻquv-mashq mashgʻulotlari hamda aholi ishtirokida jismoniy tarbiya va sogʻlomlashtirish ishlarini olib borishni taʼminlash imkonini beradi;

beshinchi toifa sport inshootlari — sport inshootining asosiy parametrlari, oʻlchamlari va jihozlanishi jismoniy tarbiya va sport vositalari orqali jismoniy-tarbiya va sogʻlomlashtirish hamda sport-koʻngilochar tadbirlar oʻtkazilishi va xizmatlar koʻrsatilishini taʼminlash imkonini beradi.

2-bob. Davlat xizmatini koʻrsatish tartibi

1-§. Murojaatlarni shakllantirish va joʻnatish

7. Sport inshooti pasportini olish uchun ariza beruvchilar davlat xizmatlari markazlariga bevosita murojaat qiladilar yoki davlat xizmatini elektron shaklda olish uchun YIDXPda roʻyxatdan oʻtadilar. Tadbirkorlik subyekti boʻmagan yuridik shaxslar esa, shuningdek, bevosita hududiy boshqarmalar yoki Markazga murojaat qilishlari mumkin.

8. Bevosita murojaat qilinganda, davlat xizmatlari markazi xodimi (hududiy boshqarmalar yoki Markaz xodimi) ariza beruvchining nomidan, YIDXP orqali murojaat qilingan hollarda esa, ariza beruvchi mustaqil ravishda ushbu Reglamentga 3-ilovaga muvofiq elektron shaklda Jismoniy tarbiya-sogʻlomlashtirish va sport inshooti pasportini berish boʻyicha soʻrovnoma toʻldiradi.

Agarda jismoniy tarbiya-sogʻlomlashtirish va sport xizmatlari koʻrsatilishi nazarda tutilgan sport inshooti ariza beruvchi tomonidan ijaraga olingan boʻlsa, soʻrovnomaga amaldagi inshoot ijarasi shartnomasining nusxasi ilova qilinadi.

Ariza beruvchilardan mazkur bandda koʻrsatilmagan maʼlumotlar hamda boshqa hujjatlarni talab qilish qatʼiyan taqiqlanadi.

9. Ariza beruvchi zarur maʼlumotlarni rasmiylashtirib, soʻrovnomaga kiritgandan soʻng uni oʻz ERI bilan tasdiqlaydi.

Oʻzi kelib murojaat etgan taqdirda, soʻrovnomani ERI bilan tasdiqlash imkoniyati boʻlmagan hollarda tegishli imzolar identifikatsiya qilishning boshqa vositalari (daktiloskopiya, elektron imzo va boshqalar) bilan ham tasdiqlanishi mumkin.

10. Davlat xizmatini koʻrsatish uchun bazaviy hisoblash miqdorining bir baravari miqdorida yigʻim undiriladi.

Davlat xizmatini koʻrsatish uchun yigʻim toʻlanganligi axborot kommunikatsiya tizimlari vositasida tasdiqlanadi.

11. Yigʻim summasi quyidagi tartibda taqsimlanadi:

a) davlat xizmatlari markazlariga oʻzi kelib murojaat etganda:

20 foizi — Oʻzbekiston Respublikasi Adliya vazirligi huzuridagi Davlat xizmatlari agentligi budjetdan tashqari jamgʻarmasining shaxsiy hisobraqamiga;

qolgan mablagʻlar — Markaz hisobraqamiga oʻtkaziladi;

b) YIDXP orqali murojaat etilganda:

10 foizi — Oʻzbekiston Respublikasi Adliya vazirligi huzuridagi Davlat xizmatlari agentligi budjetdan tashqari jamgʻarmasining shaxsiy hisobraqamiga;

10 foizi — Oʻzbekiston Respublikasi Prezidenti huzuridagi Loyiha boshqaruvi milliy agentligi qoshidagi “Elektron hukumat va raqamli iqtisodiyot loyihalarini boshqarish markazi” davlat unitar korxonasining hisobraqamiga;

qolgan mablagʻlar — Markaz hisobraqamiga oʻtkaziladi.

12. Ariza beruvchilar tomonidan soʻrovnomada ishonchsiz yoki notoʻgʻri maʼlumotlarning koʻrsatilishi, shuningdek, davlat xizmatini koʻrsatish uchun yigʻimlar toʻlanmaganligi davlat xizmatini koʻrsatishni rad qilish uchun asos boʻladi.

13. Ariza beruvchi davlat xizmatidan foydalanishdan uning istalgan bosqichida voz kechish huquqiga ega.

Arizachi davlat xizmatidan foydalanishdan voz kechgan taqdirda, soʻrovnoma koʻrilmasdan qoldiriladi. Bunda toʻlangan yigʻim summasi qaytarilmaydi.

14. Bevosita murojaat qilinganda, davlat xizmatlari markazlari soʻrovnoma toʻldirilgan paytdan boshlab oʻn daqiqa ichida uni tegishli hududiy boshqarmaga yoki Markazga (oliy va birinchi toifali sport inshootlari uchun) yuboradilar.

15. YIDXP orqali murojaat qilinganda, soʻrovnoma toʻgʻridan toʻgʻri hududiy boshqarmaga yoki Markazga (oliy va birinchi toifali sport inshootlari uchun) yuboriladi.

2-§. Sport inshooti pasportini rasmiylashtirish

16. Davlat xizmatlari markazlari yoki YIDXP orqali soʻrovnoma hududiy boshqarmalarga yuborilgach, avtomatik ravishda quyida koʻrsatilgan maʼlumotlarni olish haqida tegishli davlat organlariga hududiy boshqarmalar tomonidan soʻrovlar yuboriladi:

tuman (shahar) sanitariya-epidemiologiya boʻlimlariga — ariza beruvchining inshootlari, bino va xonalarini tegishli sanitariya normalari, qoidalari va gigiyena normativlariga javob berishi haqida xulosa uchun;

Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasining tuman (shahar)dagi yer tuzish va koʻchmas mulk kadastri davlat korxonasining tegishli tuman (shahar)dagi filiallariga — obyekt boʻyicha egalik huquqi haqidagi maʼlumot uchun.

Mazkur bandning ikkinchi va uchinchi xatboshilarida koʻrsatilgan maʼlumotlar tegishli davlat organlari tomonidan hududiy boshqarmalarga besh ish kuni davomida taqdim etiladi.

17. Hududiy boshqarma soʻrov kelib tushgandan soʻng yetti ish kuni davomida ariza beruvchi bilan birgalikda sport inshootini koʻzdan kechiradi va inshootning asosiy va yordamchi bino va inshootlarini oʻlchaydi, fotosuratga oladi hamda mazkur Reglamentga 4-ilovadagi shaklga muvofiq sport inshooti pasporti blankasini toʻldiradi.

Oliy va birinchi toifa berilishi nazarda tutilgan sport inshootlarini koʻzdan kechirish va inshootning asosiy va yordamchi bino hamda inshootlarini oʻlchash, fotosuratga olish va sport inshooti pasporti blankasini toʻldirish Markaz vakili ishtirokida amalga oshirilishi shart.

Sport inshooti pasportining toʻldirilgan blankasi sport inshooti egasining imzosi, hududiy boshqarma vakilining imzosi, oliy va birinchi toifadagi sport inshootlari uchun esa qoʻshimcha Markaz vakilining imzosi bilan tasdiqlanadi.

Sport inshooti blankasida koʻrsatilgan maʼlumotlar inshootning toifasini belgilashga asos hisoblanadi.

18. Hududiy boshqarma sport inshooti pasporti blankasi toʻldirilganidan soʻng uch ish kuni davomida toʻldirilgan sport inshooti pasporti blankasini, hududiy boshqarmaning tavsiyanomasini hamda mazkur Reglamentning 16-bandida koʻrsatilgan maʼlumotlarni jamlab, Markazga yuboradi.

19. Markaz besh ish kuni davomida:

hududiy boshqarma tomonidan taqdim qilingan sport inshooti hujjatlari jamlamasini koʻrib chiqadi;

sport inshooti toifasini tasdiqlash yoki rad etish boʻyicha taklif tayyorlaydi hamda hujjatlar jamlamasini ilova qilgan holda, tayyorlangan taklifni vazirlikka kiritadi.

20. Vazirlik hujjatlar jamlamasi va tegishli takliflarni olgandan soʻng uch ish kuni davomida sport inshooti toifasini tasdiqlash yoki rad etish toʻgʻrisida buyruq chiqaradi va Markazga yuboradi.

21. Markaz vazirlikning sport inshooti toifasini tasdiqlash haqidagi buyrugʻi tasdiqlanganidan soʻng bir ish kuni davomida ariza beruvchiga tasdiqlangan toifadan kelib chiqqan holda, mazkur Reglamentga 5-ilovaga muvofiq miqdorlarda sport inshooti pasportini rasmiylashtirish uchun pul toʻlovini amalga oshirish haqida shartnomani yuboradi. Sport inshooti pasportini rasmiylashtirish va berish uchun yigʻim toʻliqligicha Markaz hisobraqamiga oʻtkaziladi.

22. Ariza beruvchi tomonidan shartnomaga muvofiq toʻlov amalga oshirilganidan soʻng bir ish kuni davomida davlat xizmatlari markazlariga, hududuy boshqarmalariga, Markazga (bevosita murojaat qilinganida) yoki YIDXP orqali ariza beruvchiga (elektron shaklda murojaat qilingan hollarda) mazkur Reglamentga 4-ilovaga muvofiq shaklda rasmiylashtirilgan sport inshooti pasportini yuboradi hamda tegishli maʼlumotlarni Sport inshootlari davlat reyestriga kiritadi.

23. Sport inshooti toifasidan kelib chiqqan holda, Sport inshooti pasporti quyidagi muddatlarga beriladi:

oliy va birinchi toifadagi sport inshootlari uchun — 4 yil;

ikkinchi, uchinchi va toʻrtinchi toifadagi sport inshootlari uchun — 3 yil;

beshinchi toifadagi sport inshootlari uchun — 2 yilgacha (sport inshootini ijaraga olish haqidagi shartnomada koʻrsatilgan muddatdan kelib chiqqan holda).

Sport inshooti pasportining amal qilish muddati tugaganda, yangi pasport mazkur Reglamentga muvofiq beriladi.

24. Davlat xizmatlari markazi rasmiylashtirilgan sport inshooti pasporti qabul qilinganidan soʻng bir soat davomida uni ariza beruvchiga taqdim qiladi.

25. Sport inshooti toifasini tasdiqlash va pasportini berishni rad etishga quyidagilar asos boʻladi:

taqdim qilingan hujjatlardagi maʼlumotlar notoʻgʻriligi yoki sport inshooti haqidagi tegishli hujjatlar qalbakilashtirilganligi aniqlanishi;

sport inshootining bino, inshoot va xonalari belgilangan sanitariya normalari, qoidalari va gigiyena normativlariga javob bermasligi;

halqaro sport federatsiyalari tomonidan belgilangan meʼyorlar va talablarga jismoniy tarbiya-sogʻlomlashtirish va sport inshootlarining mos emasligi.

Boshqa asoslarga koʻra, sport inshooti pasportini berishni rad etish qatʼiyan taqiqlanadi.

Ariza beruvchi sport inshooti pasportini berish rad etilgan kundan boshlab oʻn besh kun mobaynida davlat xizmati koʻrsatish uchun yigʻimni toʻlamasdan qayta murojaat qilish huquqiga ega.

Rad etish asoslari bartaraf etilib, qayta murojaat qilingan taqdirda, hujjatlar hududiy boshqarma yoki Markaz tomonidan ikki ish kunidan koʻp boʻlmagan muddatda koʻrib chiqiladi.

Sport inshooti pasportini qayta berish haqidagi ariza koʻrib chiqilganida, oldin koʻrsatilmagan asoslarga muvofiq sport inshooti pasportini berishni rad etishga yoʻl qoʻyilmaydi. Avval koʻrsatilgan kamchiliklarni bartaraf etish jarayonida arizachi tomonidan yoʻl qoʻyilgan kamchiliklar bundan mustasno.

3-bob. Yakunlovchi qoidalar

26. Jismoniy tarbiya-sogʻlomlashtirish va sport inshootlaridan sport inshooti pasportisiz foydalanish qatʼiyan taqiqlanadi.

27. Davlat xizmatlari markazlari, hududiy boshqarmalar, Markaz va vazirlik oʻz faoliyatini amalga oshirishi natijasida arizachi haqida oʻzlariga maʼlum boʻlgan maʼlumotlarning oshkor etilmasligini taʼminlashga majburdirlar.

28. Oʻzbekiston Respublikasi Adliya vazirligi huzuridagi Davlat xizmatlari agentligi, uning hududiy boshqarmalari va davlat xizmatlari markazlari davlat organlari va boshqa tashkilotlarning ushbu Reglament talablarining bajarilishi boʻyicha faoliyatini, shu jumladan YIDXP orqali doimiy nazorat va monitoring qilib boradilar.

29. Davlat organlari va boshqa tashkilotlar xodimlarining xatti-harakatlari yuzasidan ariza beruvchi tomonidan qonun hujjatlarida belgilangan tartibda shikoyat qilinishi mumkin.

30. Mazkur Reglament talablari buzilishida aybdor boʻlgan shaxslar qonun hujjatlarida belgilangan tartibda javob beradilar.

Jismoniy tarbiya-sogʻlomlashtirish va sport inshooti pasportini berish boʻyicha davlat xizmati koʻrsatishning maʼmuriy reglamentiga 1-ILOVA

Jismoniy tarbiya-sogʻlomlashtirish va sport inshooti pasportini berish

SXEMASI

Bosqichlar Subyektlar Tadbirlar Bajarish muddati 1-bosqich Ariza beruvchi Davlat xizmatlari markazlariga, hududiy boshqarmalarga, “Sertifikatlashtirish va kompyuterlashtirish markazi” davlat korxonasi (keyingi oʻrinlarda — Markaz)ga oʻzi kelgan holda murojaat qiladi yoki elektron tarzda davlat xizmatlaridan foydalanish uchun Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP)da roʻyxatdan oʻtadi. Xohishiga koʻra 2-bosqich 1) Davlat xizmatlari markazi, hududiy boshqarmalar, Markaz 2) YIDXP Soʻrovnoma va unga ilova qilingan hujjatlarni Qoraqalpogʻiston Respublikasi Jismoniy tarbiya va sport vazirligi, viloyatlar va Toshkent shahar jismoniy tarbiya va sport boshqarmalariga (keyingi oʻrinlarda — hududiy boshqarmalar) yoki Markazga yuboradi. 1) 10 daqiqa ichida 2) Avtomatik tarzda 3-bosqich Hududiy boshqarmalar, Markaz Davlat organiga soʻrovlar yuboradi. Avtomatik tarzda 4-bosqich Davlat organi (tuman (shahar) sanitariya-epidemiologiya boʻlimlari; tuman (shahar)dagiyer tuzish va koʻchmas mulk kadastri davlat korxonasining tegishli tuman (shahar)dagi filiallari) Sport inshooti boʻyicha tegishli xulosalar va maʼlumotlarni hududiy boshqarmalarga yoki Markazga taqdim qiladi. 5 ish kuni davomida 5-bosqich Hududiy boshqarma 1. Ariza beruvchi bilan birgalikda sport inshootini koʻzdan kechiradi va inshootning asosiy va yordamchi bino va inshootlarini oʻlchaydi, fotosuratga oladi va sport inshooti pasporti blankasini toʻldiradi. Davlat organlariga yuborilgan soʻrovlar boʻyicha javoblarni jamlaydi. 2. Hujjatlarni toʻplab Markazga joʻnatadi. 1) Soʻrov kelib tushgandan soʻng 7 ish kuni davomida; 2) 3ish kuni davomida. 6-bosqich 1) Markaz 2) Jismoniy tarbiya va sport vazirligi 1. Sport inshooti toifasini tasdiqlash yoki rad etish boʻyicha taklif tayyorlaydi va hujjatlar jamlamasini ilova qilgan holda tayyorlangan taklifni vazirlikka kiritadi. 2. Hujjatlar jamlamasi va tegishli takliflarni olgandan soʻng sport inshooti toifasini tasdiqlash yoki rad etish boʻyicha buyruq chiqaradi va Markazga yuboradi. 1) 5 ish kuni davomida; 2) 3 ish kuni davomida. 7-bosqich Markaz Ariza beruvchiga tasdiqlangan toifadan kelib chiqqan holda, sport inshooti pasportini rasmiylashtirish uchun pul toʻlovini amalga oshirish haqida shartnomani yuboradi 1 ish kuni davomida 8-bosqich Markaz Shartnomaga muvofiq toʻlov amalga oshirilganidan soʻng davlat xizmatlari markazlariga (bevosita murojaat qilinganida) yoki YIDXP orqali arizachiga (elektron shaklda murojaat qilingan hollarda) sport inshooti pasportini yuboradi hamda tegishli maʼlumotlarni Sport inshootlari davlat reyestriga kiritadi. Ariza beruvchi tomonidan toʻlov amalga oshirilganidan soʻng 1 ish kuni davomida 9-bosqich Davlat xizmatlari markazi Davlat xizmatlari markazi rasmiylashtirilgan sport inshooti pasporti qabul qilinganidan soʻng uni arizachiga taqdim qiladi. 1 soat ichida

Jismoniy tarbiya-sogʻlomlashtirish va sport inshooti pasportini berish boʻyicha davlat xizmati koʻrsatishning maʼmuriy reglamentiga 2-ILOVA

Sport inshootlarini toifalarga tasniflashning asosiy talablari va meʼyorlari

Inshoot turi Asosiy koʻrsatkichlar Sport inshootining toifasi Izoh Oliy 1 2 3 4 5 1 2 3 4 5 6 7 8 9 Sport yadrosi Yengil atletika yoʻlka oʻlchami, m 400 400 333 ≤250 200 200 - Yugurish yoʻlkalarining soni (kam boʻlmagan) 6 6 6 2 2 2 - Futbol maydonining oʻyin oʻlchamlari, m 104×69 (105×68) 104×69 (105×68) 90×60 90×60 - (90×60) - - Uloqtirish sektori toʻliq toʻliq toʻliq - - - toʻliq — toʻliq tarkib Sakrash sektori toʻliq toʻliq toʻliq - - - - Qoplamasi sint. sint. sint. ixtiyoriy ixtiyoriy ixtiyoriy - Futbol maydonining qoplamasi chim chim chim - - - - Sport arenasi Yugurish yoʻlkalarining soni (kam boʻlmagan) 8 8 6 2 2 2 - Sektorlar soni (kam boʻlmagan) 2 2 2 2 2 2 - Yoʻlkalar qoplamasi sint. sint. sint. ixtiyoriy ixtiyoriy ixtiyoriy - Maydon qoplamasi chim chim chim ixtiyoriy ixtiyoriy ixtiyoriy - Sport zali Oʻlchamlari (kam boʻlmagan), m 42×24×12 42×24×15 42×24×12 42×24×15 30×15×8 42×24×12 30×15×8 18×9×5 - (18×9×5) - Otish joylari Tir oʻlchamlari, m 300, 100, 50, 25, 10 300, 100, 50, 25, 10 100, 50, 25, 10 50, 25, 10 - - 10 m pnevmatik otish tiri Mexanik uskunalar borligi + + (+) - - - - Otish oʻrinlarining soni 8 — 10 8 6 4 2 — 4 2 — 4 Ov oʻq otish stendi Aylana transheyali stendlar soni 4 va 8 4 va 8 2 va 4 2 va 4 - - - Oʻquv-mashq bazalari Sportchilar uchun joylar soni - - 300 200 — 300 100 — 200 - - Stadion Sport arenasi Tribunalardagi joylar soni ≤40000 15000 — 40000 5000 — 15000 3000 — 5000 1000 — 3000 500 — 5000 - Ippodrom Avtomotodrom Axborot panellarining oʻlchamlari, m 40 — 50 30 — 40 20 — 30 10-20 5 — 10 2 — 5 - Televizion panel + + (+) - - - - Elektron tablo + + (+) (+) - (+) - Mexanik tablo (+) (+) + + (+) (+) - Yopiq VIP-joylar + + - - - - - Matbuot markazi + + + (+) - - - Konferens-zal + + + (+) - - - Televizion markaz + + + (+) - - Sharhlovchilar uchun joylar 30 — 50 20 — 40 1-2 1 - - - Klub-muzey + - - - - - - Restoran-kafe + + + (+) - - - Sport saroyi Sport maydonchalarining soni ≤4 2 — 4 1-2 1 1 1 - Velodrom Manej Tribunalardagi joylar soni ≤15000 10000 — 15000 5000 — 10000 1000 — 5000 500 — 1000 0 — 500 - Ochiq sport maydonchasi Axborot panellarining oʻlchamlari, m 20 — 30 10 — 20 5 — 10 2 — 5 1 — 5 (1-2) - Televizion panel + (+) (+) - - - - Yopilgan konkida uchish yoʻlkasi Elektron tablo + + (+) (+) - (+) - Mexanik tablo (+) (+) + + (+) (+) - Matbuot markazi + + + (+) - - - Konferens-zal + + + (+) - - - Televizion markaz + + + (+) - - Sharhlovchilar uchun joylar 20 — 30 10 — 20 1-2 1 - - - Klub-muzey + - - - - - - Restoran-kafe + + + (+) - - - Suzish havzasi 50×21 va 50×25 m oʻlchamli havzalar soni ≤ 2 2 1 1 0-1 0-1 - 25×11 va 25×8,5 m oʻlchamli havzalar soni - - 2-3 1-2 1-2 1 - Tribunalardagi joylar soni ≤ 5000 1000 — 5000 500 — 1000 100 — 500 0 — 100 - - Tramplinlar majmuasining mavjudligi + + (+) - - - - Axborot panellarining oʻlchamlari, m 10 — 20 10 — 20 5 — 10 2 — 5 1 — 5 - - Televizion panel + (+) (+) - - - - Elektron tablo + + (+) (+) - - - Mexanik tablo (+) (+) + + (+) - - Yopiq VIP-joylar + + - - - - - Matbuot markazi + + + (+) - - - Konferens-zal + + + (+) - - - Televizion markaz + + + (+) - - Sharxlovchilar uchun joylar 20 — 30 10 — 20 1-2 1 - - - Klub-muzey + - - - - - - Restoran-kafe + + + (+) - - - Eshkak eshish bazasi Qayiqlar soni ≤ 100 75 — 100 50 — 75 25 — 50 25 — 50 0 — 25 - Yaxt-klub Tribunalardagi joylar soni ≤ 5000 1000 — 5000 500 — 1000 100 — 500 0 — 100 - - Suv-motor bazasi Axborot panellarining oʻlchamlari, m 10 — 20 10 — 20 5 — 10 2 — 5 1 — 5 - - Televizion panel + (+) (+) - - - - Elektron tablo + + (+) (+) - - - Mexanik tablo (+) (+) + + (+) - - Yopiq VIP-joylar + + - - - - - Matbuot markazi + + + (+) - - - Konferens-zal + + + (+) - - - Televizion markaz + + + (+) - - Sharhlovchilar uchun joylar 20 — 30 10 — 20 1-2 1 - - - Klub-muzey + - - - - - - Restoran-kafe + + + (+) - - - Changʻi trassasi Tribunalardagi joylar soni ≤ 5000 1000 — 5000 500 — 1000 100 — 500 0 — 100 - - Togʻ-changʻi trassasi Axborot panellarining oʻlchamlari, m 10 — 20 10 — 20 5 — 10 2 — 5 1 — 5 - - Changʻi bazasi Televizion panel + (+) (+) - - - - Elektron tablo + + (+) (+) - - - Mexanik tablo (+) (+) + + (+) - - Yopiq VIP-joylar + + - - - - - Matbuot markazi + + + (+) - - - Konferens-zal + + + (+) - - - Televizion markaz + + + (+) - - Sharhlovchilar uchun joylar 20 — 30 10 — 20 1-2 1 - - - Klub-muzey + - - - - - - Restoran-kafe + + + (+) - - -

Izoh. “+” sport inshootida maʼlum bir kursatkichning mavjudligini, “–” — uni yoʻqligini, “(+)” — mavjudligi tavsiya qilinadi.

Jismoniy tarbiya-sogʻlomlashtirish va sport inshooti pasportini berish boʻyicha davlat xizmati koʻrsatishning maʼmuriy reglamentiga 3-ILOVA

Jismoniy tarbiya-sogʻlomlashtirish va sport inshooti pasportini berish boʻyicha davlat xizmati koʻrsatishning maʼmuriy reglamentiga 4-ILOVA

Umumiy maʼlumotlar 1. Egasi 2. Manzili 3. Telefon Faks Internet manzili (URL) Elektron pochta (e-mail) 4. Ishga tushirilgan sana 5. Balansdagi narxi, mln. soʼm 6. Umumiy maydoni, m2 7. Perimetri, m 8. Toʻsilgan chegara perimetri, m 9. Chegara toʻsinlari materiali 10. Sport inshooti 11. Issiqlik taʼminoti Umumiy quvvati, GKal 12. Konditsionerlarning soni Umumiy quvvati, KVatt 13. Ventilyatsiya Ventilyatorlarning soni Umumiy quvvati, KVatt 14. Suv taʼminoti 15. Kanalizatsiya 16. Radio aloqa tarmogʻi Radio nuqtalar soni Radio tarmogʻi quvvati, KVatt 17. Telefon tarmogʻi Raqamlar soni 18. Internet tarmogʻi Maʼlumotlar uzatish tezligi, Kbit/s 19. Elektr taʼminoti Umumiy quvvati, KVat 20. Qoʻshimcha injener-texnik qurilmalar va ularning umumiy koʼrsatkichlari

YORDAMCHI INSHOOTLAR VA BINOLAR T/r Nomi va qoʻllanilishi Soni Umumiy maydoni, m2 Qoʻshimcha maʼlumotlar I. Sportchilarga hizmat koʻrsatish inshootlari 1. Foye 2. Garderob 3. Kiyinib-yechinish xonasi 4. Metodik xona 5. Oshxona 6. Dush-hammom 7. Hojatxona (Sanitariya uzeli) 8. Dam olish xonasi II. Injener-texnik xizmati inshootlari 9. Suv taʼminoti boʻlimi 10. Suv tozalash uskunalari boʻlimi 11. Issiqlik taʼminoti boʻlimi 12. Energiya taʼminoti boʻlimi 13. Aloqa uskunalari boʻlimi 14. Radiofikatsiya uskunalari xonasi 15. Maʼlumot va qayd qilish uskunalari boʻlimi 16. Sovitish uskunalari boʻlimi 17. Lift koʼtargichlari mexanik boʻlimi 18. Xavfsizlik tizimi uskunalari boʻlimi III. Xoʻjalik inshootlari 19. Jihozlar saqlash xonasi 20. Omborxona 21. Garaj 22. Ustaxona IV. Maʼmuriy inshootlar 23. Direktsiya xonalari 24. Trenerlar xonalari 25. Injener-texnik xodimlar xonalari 26. Qoʻriqlash xizmati xonalari V. Tibbiyot inshootlari 27. Tibbiyot markazi 28. Tibbiyot punkti 29. Tibbiyot xonasi VI. Ommaviy axborot vositalari vakillari uchun moʻljallangan xonalar 30. Matbuot markazi 31. Konferens-zal 32. Televizion markaz 33. Sharhlovchi xonasi VII. Hakamlar xonalari 34. Hakamlar xonalari VIII. Xavfsizlik xizmatlari vakillari uchun moʻljallangan inshootlar 35. Oʻt ochiruvchilar posti 36. Ichki ishlar organi punkti

TOMOSHABINLARGA MOʻLJALLANGAN INSHOOTLAR T/r Nomi va konstruktiv jihatlari Oʻlchov koʻrsatkichi Soni Qoʻshimcha maʼlumotlar 1. Tribuna Sektor Qator Joy 2. VIP uchun joylar Joy 3. Nogironlar uchun joylar Joy 4. Balkon Joy 5. Garderob Joy 6. Nojatxonalar Erkaklar uchun Ayollar uchun 7. Oshxona Joy 8. Kinoteatr (Kinozal) Joy 9. Tibbiyot punkti (markazi) Joy 10. Avtomobillar toʻxtash joyi Avtomobil 11. Kirish-chiqish joylari (darvozalar) Soni

TEXNIK TASNIF 1. Inshootning asosiy konstruktiv qismlarining materiallari 2. Inshootning qoʻshimcha konstruktiv qismlarining materiallari RIVOJLANTIRILAYOTGAN SPORT TURLARI

Jismoniy tarbiya-sogʻlomlashtirish va sport inshooti pasportini berish boʻyicha davlat xizmati koʻrsatishning maʼmuriy reglamentiga 5-ILOVA

Jismoniy tarbiya-sogʻlomlashtirish va sport inshootlari pasportini rasmiylashtirish va berish uchun

YIGʻIMLAR MIQDORI

Inshoot toifasi Yigʻim miqdori (bazaviyhisoblashmiqdori karraligida) Oliy 36 Birinchi 30 Ikkinchi 15 Uchinchi 12 Toʻrtinchi 6 (2*) Beshinchi 12

* Oʻzbekiston Respublikasi Jismoniy tarbiya va sport vazirligi, Xalq taʼlimi vazirligi, Oliy va oʻrta maxsus taʼlim vazirligi hamda respublika oliy taʼlim muassasalarining sport inshootlari uchun.