“Amudaryo” va “Sirdaryo” havzalari suv xoʻjaligi birlashmalari xodimlarining mehnatiga haq toʻlash shartlari tizimini takomillashtirish chora-tadbirlari toʻgʻrisida (154-son)

13.03.2020

Oʻzbekiston Respublikasi Vazirlar Mahkamasining

qarori

“Amudaryo” va “Sirdaryo” havzalari suv xoʻjaligi birlashmalari xodimlarining mehnatiga haq toʻlash shartlarining huquqiy asoslarini mustahkamlash va ularni moddiy ragʻbatlantirish maqsadida Vazirlar Mahkamasi qaror qiladi:

1. Quyidagilar:

Qozogʻiston Respublikasi, Qirgʻiziston Respublikasi, Oʻzbekiston Respublikasi, Tojikiston Respublikasi va Turkmaniston (keyingi oʻrinlarda tomonlar deb ataladi) oʻrtasidagi “Davlatlararo suv manbalarining suv resurslaridan birgalikda foydalanishni boshqarish va ularni muhofaza qilish sohasidagi hamkorlik haqida” 1992-yil 18-fevraldagi (Olma-Ota shahri) Bitimga asosan “Amudaryo” va “Sirdaryo” havzalari suv xoʻjaligi birlashmalari (keyingi oʻrinlarda “Amudaryo” HSXB va “Sirdaryo” HSXB deb ataladi) Markaziy Osiyo davlatlararo muvofiqlashtiruvchi suv xoʻjaligi komissiyasining ijro etuvchi va idoralararo nazorat organlari hisoblanishi;

“Amudaryo” HSXB va “Sirdaryo” HSXB budjet tashkilotlari ekanligi, ularning xizmat koʻrsatish xarajatlari, xodimlari mehnatiga haq toʻlash va ularni ragʻbatlantirish hamda tomonlar hududida joylashgan gidrotexnika inshootlari, gidropostlar va kanallarning ekspluatatsiya xarajatlari ular joylashgan manzildan kelib chiqqan holda, tomonlarning Davlat budjeti mablagʻlari hisobiga qoplanishi belgilanganligi maʼlumot uchun qabul qilinsin.

2. Oʻzbekiston Respublikasi Bandlik va mehnat munosabatlari vazirligi, Suv xoʻjaligi vazirligi va Moliya vazirligining:

“Amudaryo” havzasi suv xoʻjaligi birlashmasi markaziy apparati xodimlari mehnatiga haq toʻlashning Yagona tarif setkasi boʻyicha razryadlarini 1-ilovaga muvofiq;

“Sirdaryo” havzasi suv xoʻjaligi birlashmasi markaziy apparati xodimlari mehnatiga haq toʻlashning Yagona tarif setkasi boʻyicha razryadlarini 2-ilovaga muvofiq belgilash toʻgʻrisidagi takliflariga rozilik berilsin.

3. Oʻzbekiston Respublikasi Moliya vazirligi har yili Davlat budjeti parametrlarida:

“Amudaryo” HSXB va “Sirdaryo” HSXBning saqlash xarajatlari, shu jumladan ularning xodimlarini ikki oylik lavozim maoshi miqdorida ragʻbatlantirish va bir oylik lavozim maoshi miqdorida moddiy yordam koʻrsatishni;

“Amudaryo” HSXB va “Sirdaryo” HSXBning markaziy apparati boshqaruv xodimlarining lavozim maoshlariga 20 foiz miqdorida ustama haq belgilanishini inobatga olsin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha oʻrinbosari Oʻ.I. Barnoyev hamda Oʻzbekiston Respublikasi suv xoʻjaligi vaziri Sh.R. Xamrayev zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2020-yil 13-mart,

154-son

Vazirlar Mahkamasining 2020-yil 13-martdagi 154-son qaroriga 1-ILOVA

“Amudaryo” havzasi suv xoʻjaligi birlashmasi markaziy apparati xodimlari mehnatiga haq toʻlashning Yagona tarif setkasi boʻyicha

RAZRYADLARI

T/r Lavozim nomi Yagona tarif setkasi boʻyicha razryad I. Boshqaruv xodimlari 1. 2. 3. 4. 5. 6. 7. 8. Birlashma boshligʻi Birlashma boshligʻining oʻrinbosari Boshqarma boshligʻi Boshqarma boshligʻining oʻrinbosari Bosh mutaxassis Yetakchi mutaxassis I toifali mutaxassis Yetakchi buxgalter 17 16 13 12 11 10 9 9 II. Yordamchi xodimlar (xizmat koʻrsatuvchi va texnik xodimlar) 1. 2. 3. 4. Xoʻjalik mudiri Birlashma boshligʻi kotibasi II toifali mashinistka Xizmat xonalar farroshi 7 5 4 1

Izoh. Markaziy apparat boshqaruv xodimlari lavozim maoshlarining miqdori, tasdiqlangan mehnatga haq toʻlash boʻyicha Yagona tarif setkasi tarif koeffitsiyentlariga oshiruvchi 2,0 miqdoridagi koeffitsiyent qoʻllash bilan hisoblanadi.

Shtat tarkibidagi xodimlarga davlat boshqaruvi organlari uchun belgilangan ragʻbatlantirish va moddiy yordam koʻrsatish shartlari va tartibi qoʻllaniladi.

Vazirlar Mahkamasining 2020-yil 13-martdagi 154-son qaroriga 2-ILOVA

“Sirdaryo” havzasi suv xoʻjaligi birlashmasi markaziy apparati xodimlari mehnatiga haq toʻlashning Yagona tarif setkasi boʻyicha

RAZRYADLARI

T/r Lavozim nomi Yagona tarif setkasi boʻyicha razryad I. Boshqaruv xodimlari 1. 2. 3. 4. 5. 6. 7. 8. 9. 10. 11. 12. Birlashma boshligʻi Bosh injener Birlashma boshligʻining oʻrinbosari Bosh buxgalter Boshqarma boshligʻi Boshqarma boshligʻining oʻrinbosari Bosh buxgalter oʻrinbosari Yetakchi injener Yetakchi buxgalter Bosh yuriskonsult I toifali injener II toifalibuxgalter-kassir 17 16 16 15 13 12 12 10 9 10 9 7 II. Yordamchi xodimlar (xizmat koʻrsatuvchi va texnik xodimlar) 1. 2. 3. 4. 5. 6. 7. 8. 9. Birlashma boshligʻi kotibasi Kompyuter boʻyicha texnik Ombor mudiri Nusxa koʻchirish va koʻpaytirish mashinalari operatori Haydovchi Haydovchi Hududni tozalovchi farrosh Qorovul Xizmat xonalari farroshi 5 6 5 3 3 2 2 1 1 III. Injener-texnik xodimlar 1. 2. 3. 4. 5. I toifali injener II toifali injener Injener-gidrotexnik Texnik-gidrotexnik II toifali texnik-telefonchi 9 8 7 5 4

Izoh. Markaziy apparat boshqaruv xodimlari lavozim maoshlarining miqdori, tasdiqlangan mehnatga haq toʻlash boʻyicha Yagona tarif setkasi tarif koeffitsiyentlariga oshiruvchi 2,0 miqdoridagi koeffitsiyent qoʻllash bilan hisoblanadi.

Shtat tarkibidagi xodimlarga davlat boshqaruvi organlari uchun belgilangan ragʻbatlantirish va moddiy yordam koʻrsatish shartlari va tartibi qoʻllaniladi.