Davlat maktabgacha taʼlim tizimi xodimlari mehnatiga haq toʻlash tartibini yanada takomillashtirish chora-tadbirlari toʻgʻrisida (135-son)
09.03.2020
Oʻzbekiston Respublikasi Vazirlar Mahkamasining
qarori
Maktabgacha taʼlim tizimi xodimlari mehnatiga haq toʻlash tartibini takomillashtirish, kelgusida maktabgacha taʼlimni boshqarish samaradorligini yanada oshirish maqsadida Vazirlar Mahkamasi qaror qiladi:
2. Oʻzbekiston Respublikasi Hukumatining ilovaga muvofiq ayrim qarorlariga oʻzgartirishlar kiritilsin.
3. Oʻzbekiston Respublikasi Maktabgacha taʼlim vazirligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
4. Mazkur qarorning bajarilishini nazorat qilish Oʻzbekiston Respublikasi Vazirlar Mahkamasining Taʼlim va sogʻliqni saqlash masalalari boʻyicha kotibiyati va Oʻzbekiston Respublikasi maktabgacha taʼlim vaziri A.V. Shin zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 9-mart,
135-son
Vazirlar Mahkamasining 2020-yil 9-martdagi 135-son qaroriga ILOVA
Oʻzbekiston Respublikasi Vazirlar Mahkamasining ayrim qarorlariga kiritilayotgan oʻzgartirishlar
1. Vazirlar Mahkamasining 2018-yil 5-yanvardagi 10-son qarori (Oʻzbekiston Respublikasi QHT, 1-son, 10-modda) bilan tasdiqlangan Davlat maktabgacha taʼlim tizimi xodimlari mehnatiga haq toʻlash va ularni moddiy ragʻbatlantirish tartibi toʻgʻrisida nizomda:
a) 12-band quyidagi tahrirda bayon qilinsin:
“12. Davlat maktabgacha taʼlim tashkilotida pedagog xodimlar uchun haftalik ish yuklamasining quyidagi miqdorlari belgilanadi:
til boʻyicha oʻqituvchi — 18 soat;
oʻqituvchi-logoped, oʻqituvchi-defektolog — 24 soat;
koʻp tarmoqli ixtisoslashtirilgan maktabgacha taʼlim tashkilotlarining tarbiyachisi, tarbiyachi-metodisti — 25 soat;
tarbiyachi, tarbiyachi-metodist — 36 soat;
koʻp tarmoqli ixtisoslashtirilgan maktabgacha taʼlim tashkilotlarining yordamchi tarbiyachisi — 36 soat;
jismoniy tarbiya yoʻriqchisi — 30 soat;
musiqa xodimi, xoreograf — 24 soat”;
b) ilovaning matni quyidagi tahrirda bayon qilinsin:
“Davlat maktabgacha taʼlim tizimi xodimlari mehnatiga haq toʻlashning bazaviy tarif stavkalari MIQDORLARI
I. Davlat maktabgacha taʼlim tizimi pedagog xodimlari:
T/r Lavozim nomi Bazaviy tarif stavkasi miqdori (soʻm) oliy malaka toifali birinchi malaka toifali ikkinchi malaka toifali oliy maʼlumotli oʻrta maxsus (kasb-hunar) maʼlumotli 1. Qoraqalpogʻiston Respublikasi Maktabgacha taʼlim vazirligi, Toshkent shahar maktabgacha taʼlim bosh boshqarmasi, viloyatlar maktabgacha taʼlim boshqarmalari metodistlari, inspektor-metodistlari 1 905 340 1 796 024 1 681 867 1 570 548 x 2. Tuman (shahar) maktabgacha taʼlim boʻlimlarining metodistlari 1 754 102 1 590 760 1 489 903 1 391 628 x 3. Oliy maʼlumotli: tayyorgarlik (5 yoshdan 6-7 yoshgacha) guruhi tarbiyachilari, til oʻqituvchilari, oʻqituvchi-defektolog, oʻqituvchi-logoped, psixologlar 2 095 874 1 975 627 1 850 054 1 727 603 x 4. Maktabgacha taʼlim tashkiloti oʻqituvchisi (3-banddagidan tashqari) 1 620 021 1 510 347 1 403 920 x 1 203 660 5. Tarbiyachi-metodist, tarbiyachi (oliy maʼlumotli tayyorgarlik (5 yoshdan 6-7 yoshgacha) guruhi tarbiyachilaridan tashqari) 1 510 347 1 403 920 1 301 738 1 203 660 1 111 444 6. Musiqa xodimi, xoreograf, barcha ixtisosliklar yoʻriqchilari 1 329 081 1 222 677 1 120 510 1 023 015 930 302 7. Oliy yoki oʻrta maxsus, kasb-hunar pedagogik maʼlumotli tarbiyachi yordamchisi 1 014 333 8. Oliy, oʻrta maxsus, kasb-hunar nopedagogik maʼlumotli va umumiy oʻrta maʼlumotli tarbiyachi yordamchisi 845 278
II. Tuman (shahar) maktabgacha taʼlim boʻlimlari xodimlari:
T/r Lavozim nomi Bazaviy tarif stavkalari miqdorlari (soʻm) I guruh II guruh III guruh 1. Mudir 2 327 553 2 188 680 2 051 955 2. Mudir oʻrinbosari, shuʼba mudiri 1 919 166 1 788 525 1 660 748 3. Kadrlar boʻyicha mutaxassis, jismoniy va yuridik shaxslarning murojaatlari bilan ishlash boʻyicha mutaxassis, axborot-kommunikatsiya texnologiyalari boʻyicha mutaxassis 1 107 135 1 022 197 1 022 197
Tuman (shahar) maktabgacha taʼlim boʻlimlarining guruhlari maktabgacha taʼlim tashkilotlari sonidan kelib chiqib, quyidagicha aniqlanadi:
41 va undan ortiq maktabgacha taʼlim tashkilotlari boʻlganda — I guruh;
21 — 40 maktabgacha taʼlim tashkilotlari boʻlganda — II guruh;
20 tagacha maktabgacha taʼlim tashkilotlari boʻlganda — III guruh.
III. Davlat maktabgacha taʼlim tashkiloti mudiri:
T/r Lavozim nomi Bazaviy tarif stavkalari miqdorlari (soʻm) I guruh II guruh 1. Mudir 1 782 700 1 661 382
Izoh. Budjet tashkilotlari xodimlarining ish haqi miqdorlari Oʻzbekiston Respublikasi Prezidenti farmonlariga muvofiq oshirilganda, maktabgacha taʼlim xodimlari mehnatiga haq toʻlashning bazaviy tarif stavkalari miqdorlari Oʻzbekiston Respublikasi Maktabgacha taʼlim vazirining buyrugʻi asosida tegishli miqdorlarda oshiriladi”.
2. Vazirlar Mahkamasining “Davlat maktabgacha taʼlim tizimi xodimlari mehnatiga haq toʻlash va ularni moddiy ragʻbatlantirish tartibi toʻgʻrisidagi nizomga oʻzgartirishlar kiritish toʻgʻrisida” 2018-yil 6-martdagi 180-son qarori ilovasining 2-bandi oʻz kuchini yoʻqotgan deb hisoblansin.