Limonchilik tarmogʻini yanada rivojlantirishga doir qoʻshimcha chora-tadbirlar toʻgʻrisida (PQ-4610-son)

19.02.2020

Oʻzbekiston Respublikasi Prezidentining

Qarori

Soʻnggi yillarda respublikada limonchilik tarmogʻini boshqarish tizimini isloh qilish, limonzorlar maydonini kengaytirish hisobiga mahsulot ishlab chiqarish va eksport hajmini koʻpaytirish borasida izchil choralar amalga oshirilmoqda.

Jumladan, respublikada 2018-2019-yillarda 46 mln AQSH dollari miqdoridagi xorijiy kredit liniyalari jalb qilinib, 730 gektar maydonda zamonaviy limonzorlar barpo etildi, limon yetishtiriladigan issiqxonalar umumiy maydoni 1 221 gektarga yetkazildi.

Shu bilan birga, innovatsion texnologiyalar asosida yangi, serhosil va jahon bozorida raqobatbardosh boʻlgan limon navlarini yaratishga yetarli eʼtibor berilmayotganligi, sifatli axborot-konsalting xizmatlarini koʻrsatish talab darajasida yoʻlga qoʻyilmaganligi, kooperatsiya munosabatlari toʻliq shakllanmaganligi oqibatida sohadagi mavjud imkoniyatlardan samarali foydalanilmayapti.

Respublikada limonchilik tarmogʻini yanada rivojlantirish, ilmiy-tadqiqotlar koʻlamini kengaytirish, ilgʻor va zamonaviy resurs tejovchi texnologiyalarni qoʻllash asosida yuqori sifatli sanoatbop va eksportbop limon yetishtirish hajmini oshirish, davlat tomonidan qoʻllab-quvvatlash mexanizmlarini keng joriy etish maqsadida:

1. Oʻzbekiston Respublikasi Qishloq xoʻjaligi vazirligi va “Limon yetishtiruvchilar va eksport qiluvchilar” uyushmasining:

“Limon yetishtiruvchilar va eksport qiluvchilar” uyushmasi nomini “Sitrus, subtropik va tropik oʻsimlik yetishtiruvchilar va eksport qiluvchilar” uyushmasi (keyingi oʻrinlarda — Uyushma) deb oʻzgartirish;

tajriba tariqasida Akademik M. Mirzayev nomidagi bogʻdorchilik, uzumchilik va vinochilik ilmiy-tadqiqot instituti huzurida Uyushma ishtirokida davlat-xususiy sheriklik shartlari asosida masʼuliyati cheklangan jamiyati shaklidagi Sitrus, subtropik va tropik oʻsimliklar ilmiy — amaliy markazini (keyingi oʻrinlarda — Markaz) tashkil etish toʻgʻrisidagi takliflari maʼqullansin.

Markazning asosiy vazifalari quyidagilar ekanligi maʼlumot uchun qabul qilinsin:

kooperatsiya shartlari asosida sitrus, subtropik va tropik oʻsimliklar plantatsiyalarini tashkil etish boʻyicha tavsiyalarni ishlab chiqish hamda mahsulot yetishtiruvchilarga yetkazish;

sertifikatlangan va kafolatlangan limon koʻchatlarini yetishtirish boʻyicha maxsus koʻchatxonalarni tashkil etish hamda limon koʻchatlarini yetishtiruvchi xoʻjaliklar bilan oʻzaro hamkorlikni yoʻlga qoʻyish;

mavjud issiqxonalarni modernizatsiya qilish hamda serhosil, eksportbop limon navlari kolleksiyasini va koʻrgazmali limon plantatsiyalarini yaratish;

sitrus, subtropik va tropik oʻsimliklar, eksport va import mahsulotlarini sertifikatlash;

sitrus, subtropik va tropik oʻsimliklar, shuningdek, manzarali oʻsimliklar, gullar va koʻkalamzorlashtirish ekinlari koʻchatlarini yetkazib berish;

mahsulot ishlab chiqaruvchilarni mineral oʻgʻitlar va kimyoviy moddalar bilan taʼminlash;

sitrus, subtropik va tropik oʻsimliklarni qayta ishlash, yangi innovatsion texnologiyalarni joriy qilish va xizmat koʻrsatish;

sohani rivojlantirish boʻyicha xorijiy texnologiyalar, fan va ishlab chiqarishdagi yutuqlar, yangiliklarga oid rolik va maxsus koʻrsatuvlar tayyorlash.

Markaz faoliyati bank kreditlari, tashabbuskorlar mablagʻlari, xizmat koʻrsatishdan tushadigan mablagʻlar, xalqaro moliya institutlari mablagʻlari, homiylik xayriyalari va qonun hujjatlarida taqiqlanmagan boshqa manbalar hisobidan moliyalashtiriladi.

2. Oʻzbekiston Respublikasi Qishloq xoʻjaligi vazirligi Uyushma bilan birgalikda ikki oy muddatda:

Markazga Akademik M. Mirzayev nomidagi bogʻdorchilik, uzumchilik va vinochilik ilmiy-tadqiqot instituti hududidan bino va issiqxona uchun 12 gektar yer maydoni ajratilishini;

Uyushma, Akademik M. Mirzayev nomidagi bogʻdorchilik, uzumchilik va vinochilik ilmiy-tadqiqot instituti hamda xususiy sherik oʻrtasida uch tomonlama shartnoma tuzilishini taʼminlasin.

3. Oʻzbekiston Respublikasi Qishloq xoʻjaligi vazirligi, Iqtisodiyot va sanoat vazirligi, Moliya vazirligi, Bogʻdorchilik va issiqxona xoʻjaligini rivojlantirish agentligi, Uyushmaning 2020-yil 1-martdan boshlab limonzorlarni barpo etishning quyidagi tartibini joriy etish toʻgʻrisidagi taklifi maʼqullansin:

a) Oʻzbekiston Respublikasi Qishloq xoʻjaligi vazirligi huzuridagi Bogʻdorchilik va issiqxona xoʻjaliklarini rivojlantirish agentligi:

yangi barpo etiladigan limonzorlar uchun standartlarni (koʻchat navi va sifati, ekish sxemasi, issiqxonaga qoʻyiladigan talablar, resurs tejovchi texnologiyalar hamda boshqalar) belgilaydi;

limonchilik tarmogʻini rivojlantirishda ilgʻor xorijiy tajriba va resurs tejovchi innovatsion texnologiyalar joriy etilishini tashkil qiladi;

limonzorlarni tashkil etish xarajatlarini moliyalashtirish uchun xalqaro moliya institutlarining imtiyozli resurslari va grant mablagʻlarini jalb etish choralarini koʻradi;

qayta ishlash korxonalari va eksport qiluvchi tashkilotlar ishtirokida tashkil etiladigan kooperatsiyalar (klasterlar) rahbarlari va limon yetishtiruvchilar uchun oʻquv-seminarlarni tashkil qiladi;

sertifikatlangan va kafolatlangan limon koʻchatlarini yetishtirish boʻyicha maxsus koʻchatxonalarni tashkil etadi hamda limon koʻchatlarini yetishtiruvchi xoʻjaliklar faoliyatini muvofiqlashtiradi;

b) Qoraqalpogʻiston Respublikasi Vazirlar Kengashi, viloyatlar va tumanlar hokimliklari:

kooperatsiya (klaster) asosida ishlaydigan qayta ishlash korxonalari va eksport qiluvchi tashkilotlar roʻyxatini shakllantiradi hamda ularga limon yetishtiruvchilarni biriktiradi;

limonzorlar uchun talab qilingan yer maydonlarining qisqa muddatlarda ajratilishini va belgilangan standartlar asosida barpo qilinishini taʼminlaydi;

hosildorlikni oshirish va mahsulot ishlab chiqarishni koʻpaytirish, belgilangan agrotexnik tadbirlarni oʻz muddatida amalga oshirish boʻyicha chora-tadbirlarni belgilaydi;

v) qayta ishlash korxonalari va eksport qiluvchi tashkilotlar ishtirokida tashkil etiladigan kooperatsiyalar (klasterlar):

limon yetishtiruvchilar bilan oʻzaro hamkorlik asosida kooperatsiya faoliyatini yoʻlga qoʻyish, yetishtirilgan mahsulotni saralash, qayta ishlash, saqlash, qadoqlash va eksport qilish boʻyicha samarali ish yuritish tizimini joriy qiladi;

limonzorlarni barpo etadi va ularni lizing shartlari asosida uzoq muddatga tadbirkorlik subyektlariga beradi, agrotexnik tadbirlarni amalga oshirish uchun mutaxassis ajratadi, ilmiy asoslangan agronomik tavsiyalar berib boradi;

limon yetishtiruvchilar talabi asosida ularni limon koʻchatlari, mineral oʻgʻitlar, yonilgʻi-moylash mahsulotlari va boshqa moddiy-texnika resurslari bilan taʼminlaydi;

soha olimlari va koʻp yillik tajribaga ega boʻlgan mutaxassislarni jalb qilib, limon yetishtiruvchilarning malakasini oshirib boradi;

g) mahsulot yetishtiruvchilar:

kooperatsiya talablari asosida limon koʻchatlarining toʻliq ekilishini, agrotexnik tadbirlarning oʻz vaqtida bajarilishini taʼminlaydi;

limonzorlarni barpo etish boʻyicha xarajatlarning kelishilgan qismi boʻyicha dastlabki toʻlovlarni amalga oshiradi;

tuzilgan shartnomalarga muvofiq yetishtirilgan mahsulotlarning belgilangan vaqtda va sifatda yetkazib berilishini taʼminlaydi.

4. Quyidagilar:

2020-yilda Qoraqalpogʻiston Respublikasi va viloyatlarda ishga tushadigan limonchilik yoʻnalishidagi loyihalarning manzilli roʻyxati 1-ilovaga muvofiq;

2021-2022-yillarda “Turonbank” ATB tomonidan moliyalashtirish hisobiga tashkil etiladigan limonzorlar maydonlarining prognoz koʻrsatkichlari 1a-ilovaga muvofiq;

limon yetishtirishga ixtisoslashtiriladigan hududlar roʻyxati 2-ilovaga muvofiq tasdiqlansin.

5. Belgilansinki:

a) limonzorlar paxta va gʻalladan boʻshagan hamda foydalanishga kiritiladigan yer maydonlarida resurs tejovchi texnologiyalarni qoʻllagan holda barpo etiladi;

yangi limonzorlar “Har bir oila — tadbirkor” dasturi doirasida ajratiladigan, Agrosanoatni rivojlantirish va qoʻllab-quvvatlash davlat maqsadli jamgʻarmasi, Bandlikka koʻmaklashish davlat jamgʻarmasi, Fermer, dehqon xoʻjaliklari va tomorqa yer egalarini qoʻllab-quvvatlash jamgʻarmasi, xalqaro moliya institutlari mablagʻlari hisobidan barpo etiladi;

b) 2020-yil 1-martdan boshlab kooperatsiyalarga birlashgan limon yetishtiruvchi fermer va dehqon xoʻjaliklari, qishloq xoʻjaligi korxonalari, jismoniy shaxslar va tadbirkorlik subyektlariga:

yangi limonzorlarni barpo etish va koʻchatlarni xarid qilish bilan bogʻliq boʻlgan xarajatlarning har bir sotixi uchun 300 ming soʻmdan oshmaydigan miqdori Agrosanoatni rivojlantirish va qoʻllab-quvvatlash davlat maqsadli jamgʻarma mablagʻlari hisobidan qoplab beriladi.

6. Maʼlumot uchun qabul qilinsinki, kooperatsiyalarga birlashgan limon yetishtiruvchi fermer va dehqon xoʻjaliklari, qishloq xoʻjaligi korxonalari va tadbirkorlik subyektlariga Oʻzbekiston Respublikasi Prezidentining 2019-yil 11-dekabrdagi “Meva-sabzavotchilik va uzumchilik tarmogʻini yanada rivojlantirish, sohada qoʻshilgan qiymat zanjirini yaratishga doir qoʻshimcha chora-tadbirlar toʻgʻrisida qoʻshimcha chora-tadbirlar toʻgʻrisida”gi PQ-4549-son qarorida nazarda tutilgan imtiyozlar tatbiq etiladi.

7. Oʻzbekiston Respublikasi Qishloq xoʻjaligi vazirligi, Investitsiyalar, sanoat va savdo vazirligi:

tijorat banklari bilan birgalikda limonchilik sohasidagi loyihalarni moliyalashtirish uchun xalqaro moliya institutlarining kamida 100 mln AQSH dollari miqdoridagi mablagʻlari jalb etilishini;

“Turonbank” aksiyadorlik tijorat banki bilan birgalikda xalqaro moliya institutlarining 100 mln AQSH dollari miqdoridagi xorijiy kredit liniyalarini limonchilik sohasidagi loyihalarni moliyalashtirish uchun yoʻnaltirilishini taʼminlasin.

Moliya vazirligi hamda Oʻzbekiston Tiklanish va taraqqiyot jamgʻarmasi “Turonbank” ATBga Oʻzbekiston Tiklanish va taraqqiyot jamgʻarmasidan ajratilgan 357,8 mlrd soʻm ekvivalentidagi qoldiq mablagʻlarni jamgʻarmaning bank ustav kapitalidagi ulushini oshirish uchun yoʻnaltirilishini taʼminlasin.

8. Oʻzbekiston Respublikasi Innovatsion rivojlanish vazirligi va Qishloq xoʻjaligi vazirligi bir oy muddatda limonchilik boʻyicha 2020 — 2024-yillarga moʻljallangan fundamental va amaliy tadqiqotlar hamda innovatsion ilmiy-texnik loyihalarni shakllantirsin hamda ularning grant tanlovlari asosida amalga oshirilishini taʼminlasin.

Bunda, limon koʻchatlarining issiqxona va ochiq maydonda parvarish qilinadigan yangi navlarini yaratish, onalik koʻchatzorlarni tashkil etish, zararkunanda hamda kasalliklarga qarshi kurashish, innovatsion texnologiyalarni joriy qilishga alohida eʼtibor qaratilsin.

9. Oʻzbekiston Respublikasi Qishloq xoʻjaligi vazirligi hamda Akademik M. Mirzayev nomidagi bogʻdorchilik, uzumchilik va vinochilik ilmiy-tadqiqot institutiga:

bir oy muddatda limonchilikni rivojlantirish boʻyicha ilgʻor xorijiy tajribani oʻrgangan holda resurs tejovchi texnologiyalarga asoslangan limonzorlarni barpo etish va parvarishlash, mahsulot yetishtirish, saqlash hamda qayta ishlash boʻyicha tavsiyalarni ishlab chiqish va joylarga yetkazish;

ikki oy muddatda limon ekish, parvarishlash, yetishtirish, hosilni yigʻishtirib olish, qayta ishlash, saqlash, saralash va eksport qilish masalalari boʻyicha fermer hamda dehqon xoʻjaliklari, tomorqa yer egalari va tadbirkorlik subyektlari uchun joylarda oʻquv-seminarlarini oʻtkazish;

yetakchi xorijiy institutlar bilan limonchilikni rivojlantirish va ilgʻor innovatsion texnologiyalarni keng joriy qilish boʻyicha ilmiy-amaliy hamkorlikni yoʻlga qoʻyish, ilmiy xodimlar va mutaxassislarning malakasini oshirish hamda tajriba almashish ishlarini tashkil etish vazifalari yuklatilsin.

10. Oʻzbekiston Respublikasi Qishloq xoʻjaligi vazirligi Toshkent davlat agrar universiteti huzurida davlat-xususiy sheriklik shartlari asosida sitrus, subtropik va tropik oʻsimliklarni yetishtirish boʻyicha kichik innovatsion korxona tashkil etish choralarini koʻrsin.

Bunda, korxonaning asosiy vazifasi “fan-taʼlim-ishlab chiqarish”ning uzviy integratsiyasini taʼminlash, dars mashgʻulotlarini ishlab chiqarish bilan bogʻliq holda amalga oshirish va talabalarda amaliy koʻnikmalarni shakllantirish ekanligiga eʼtibor qaratilsin.

11. Qishloq xoʻjaligi vazirligi Toshkent davlat agrar universiteti bilan birgalikda universitetning 3-bosqich talabalari orasidan saralab olingan talabalar uchun sitrus, subtropik va tropik oʻsimliklarni yetishtirish texnologiyalari boʻyicha zaruriy bilim va malakaga ega boʻlgan mutaxassislar tayyorlovchi maxsus guruhlarni tashkil etsin.

Bunda, oʻquv auditoriyalarini jihozlash, zamonaviy texnologiya vositalari bilan taʼminlash Uzum yetishtiruvchilar va vino tayyorlovchilarni qoʻllab-quvvatlash jamgʻarmasi, Bogʻdorchilik va issiqxona xoʻjaligini rivojlantirish jamgʻarmasi, homiylik mablagʻlari hamda xalqaro moliya institutlari grantlari hisobidan amalga oshiriladi.

12. “Oʻzstandart” agentligiga xalqaro darajada tan olingan standartlar talablariga mos mahsulot yetishtirishni koʻpaytirish, sitrus, subtropik va tropik oʻsimliklar, jumladan limon mahsulotlarini ushbu standartlar talablari asosida sertifikatlash ishlarini jadallashtirish yuklatilsin.

13. Oʻzbekiston milliy teleradiokompaniyasiga sitrus, subtropik va tropik oʻsimliklar boʻyicha ilgʻor texnologiyalar, fan va ishlab chiqarishdagi yutuqlarga oid maxsus koʻrsatuvlarni muntazam namoyish etib borish yuklatilsin.

14. Oʻzbekiston Respublikasi Qishloq xoʻjaligi vazirligi huzuridagi Bogʻdorchilik va issiqxona xoʻjaliklarini rivojlantirish agentligi:

Qoraqalpogʻiston Respublikasi Vazirlar Kengashi va viloyatlar hokimliklari, Uyushma bilan birgalikda ikki oy muddatda 2020-yilda qoʻshimcha 2,5 ming gektar yer maydonida amalga oshiriladigan limonchilik yoʻnalishidagi loyihalarning manzilli roʻyxatini shakllantirsin;

zarur hollarda, Uyushma taklifiga asosan mazkur qarorning 1 va 2-ilovalariga oʻzgartirish va qoʻshimchalar kiritsin.

15. Oʻzbekiston Respublikasi Qishloq xoʻjaligi vazirligi Adliya vazirligi bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

16. Mazkur qaror ijrosi quyidagi tartibda amalga oshirilsin:

Oʻzbekiston Respublikasi Bosh vazirining maslahatchisi A.D. Vaxabov, qishloq xoʻjaligi vazirining birinchi oʻrinbosari Sh.J. Teshayev — ushbu qaror ijrosining tashkil etilishini, 2020-yilda amalga oshiriladigan limonchilik yoʻnalishidagi loyihalarning tarmoq jadvallari ishlab chiqilishi va ishga tushirilishi, limonzorlar uchun ajratiladigan subsidiyalarning maqsadli yoʻnaltirilishini taʼminlasin;

Oʻzbekiston Respublikasi qishloq xoʻjaligi vaziri J.A. Xodjayev, Bogʻdorchilik va issiqxona xoʻjaligini rivojlantirish agentligi direktori N.E. Najimov — davlat-xususiy sheriklik shartlari asosida Sitrus, subtropik va tropik oʻsimliklar ilmiy-amaliy markazi faoliyatini tashkil etish, sohada kooperatsiya munosabatlarini shakllantirish hamda ilmiy-tadqiqotlar koʻlamini kengaytirish choralarini koʻrsin;

Oʻzbekiston Respublikasi investitsiyalar va tashqi savdo vazirining oʻrinbosari F.J. Rahimov, qishloq xoʻjaligi vaziri J.A. Xodjayev — xalqaro moliya institutlari mablagʻlari jalb etilishi, tashqi bozorlar konyunkturasi boʻyicha marketing tadqiqotlari oʻtkazilishi va limon eksporti geografiyasi kengaytirilishini taʼminlasin;

Qoraqalpogʻiston Respublikasi Vazirlar Kengashi raisi, viloyatlar va tumanlar hokimlari — limonzorlar barpo etish uchun yer maydonlarini ajratish, kooperatsiya munosabatlarini shakllantirish asosida ishlab chiqarish hajmini koʻpaytirish, qoʻshilgan qiymat zanjirini yaratish hamda eksport salohiyatini oshirish choralarini koʻrsin;

Qoraqalpogʻiston Respublikasi Vazirlar Kengashi raisi, viloyatlar va tumanlar hokimlarining qishloq xoʻjaligi boʻyicha oʻrinbosarlari — limonzorlar barpo etish va hududlarni limonchilikka ixtisoslashtirish choralarini koʻrsin, “Sitrus, subtropik va tropik oʻsimlik yetishtiruvchilar va eksport qiluvchilar” uyushmasi faoliyatiga koʻmaklashsin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2020-yil 19-fevral,

PQ-4610-son

Oʻzbekiston Respublikasi Prezidentining 2020-yil 19-fevraldagi PQ-4610-son qaroriga 1-ILOVA

2020-yilda Qoraqalpogʻiston Respublikasi va viloyatlarda ishga tushadigan limonchilik yoʻnalishidagi loyihalarning

MANZILLI ROʻYXATI

T/r Loyiha tashabbuskorlari Loyihaning qisqacha tavsifi (ga) Loyihaning umumiy qiymati Moliyalashtirish manbasi Yaratiladigan ish joyi Loyihani ishga tushirish muddati Xizmat koʻrsatuvchi bank ming AQSH doll. mln soʻm oʻz mablagʻi (mln soʻm) bank krediti (mln soʻm) xorijiy investitsiya (ming AQSH doll.) 83 Jami 2 495 11 050 5 672 134 1 697 292 3 971 407 11 050 26 667 Qoraqalpogʻiston Respublikasi Nukus tumani 1. “Davkar limon agro” MCHJ 12 3 000 2 000 2 000 3 000 50 2020-yil noyabr Turonbank 2. YTT “Qudekov Jadiger Saparbaevich” 1 270 50 50 270 10 2020-yil avgust Turonbank Taxiatosh tumani 3. “Ilham Agro Teplitsa” MCHJ 3 8 900 250 8 700 15 2020-yil iyun Turonbank Shumanay tumani 4. “Yetti Xazina Olami” MCHJ 2 400 1 300 1 300 400 45 2020-yil sentabr Turonbank Ellikqalʼa tumani 5. “Umidbek Odilbek” MCHJ 2 500 400 400 500 5 2020-yil oktabr Turonbank Jami 20 4 170 12 650 4 000 8 700 4 170 125 Andijon viloyati Andijon tumani 1. “Xayrixon Qoʻldosh” F/X 1 500 150 350 8 2020-yil III chorak Agrobank Asaka tumani 2. “Risalotxon Limonariya Bogʻlari” MCHJ 1 180 130 50 8 2020-yil III chorak Milliy bank Buloqboshi tumani 3. “Usmonbodlik Jasurbek” MCHJ 1 650 650 10 2020-yil II chorak Milliy bank Xoʻjaobod tumani 4. “Shoirabonu Yogʻdusi” MCHJ 1 750 200 550 5 2020-yil II chorak Agrobank 5. “Bek Cluster” MCHJ 100 230 400 69 120 161 280 1 200 2020-yil dekabr Tijorat banklari Jami 104 0 232 480 70 250 162 230 0 1 231 Buxoro viloyati Vobkent tumani 1. “Rahor Garder” MCHJ 1 500 150 350 10 2020-yil II chorak Turonbank 2. “Bek Cluster” MCHJ 100 230 400 69 120 161 280 1 200 2020-yil dekabr Tijorat banklari Jami 101 0 230 900 69 270 161 630 0 1 210 Qashqadaryo viloyati Muborak tumani 1. “Muborak Yaguar” MCHJ 1 1 600 475 1 200 5 2020-yil aprel Turonbank 2. “Qodir Orzu Omad” MCHJ 2 5 800 1 000 4 800 7 2020-yil dekabr Turonbank Qarshi tumani 3. “Sapar Bobo Nabirasi Javoxir” MCHJ 5 16 600 4 200 12 400 15 2020-yil aprel Turonbank 4. “Demetr Agro Park” MCHJ 100 230 400 69 120 161 280 1 100 2020-yil dekabr Tijorat banklari 5. “Limo Laym” MCHJ 1 1 200 380 855 6 2020-yil aprel Turonbank Mirishkor tumani 6. “Boʻri Devonbegi” MCHJ 2 5 100 1 300 4 7 2020-yil aprel Turonbank 7. “Jeynov Mebel Gold” MCHJ 1 1 300 427 950 6 2020-yil aprel Turonbank 8. “Bek Cluster” MCHJ 100 230 400 69 120 161 280 1 200 2020-yil dekabr Turonbank 9. “Sardor Eksport Servis” MCHJ 2 3 800 1 400 2 400 7 2020-yil dekabr Turonbank Dexqonobod tumani 10. “Oydin Oxunovna” XK 1 1 700 522 1 200 6 2020-yil aprel Turonbank Shahrisabz tumani 11. “Yangi Hayot Chorva Invest” MCHJ 1 4 000 1 100 2 900 7 2020-yil dekabr Turonbank 12. “Kesh Global Story Servis” MCHJ 1 4 000 1 100 2 900 5 2020-yil dekabr Turonbank 13. “Kesh Aziz Shifo” MCHJ 1 3 000 1 100 1 900 4 2020-yil dekabr Turonbank 14. “Bek Cluster” MCHJ 100 230 400 69 120 161 280 1 200 2020-yil dekabr Tijorat banklari Jami 317 0 739 300 220 364 515 349 0 3 575 Navoiy viloyati Karmana tumani 1. “Jaloyir Limoni” oilaviy korxonasi 1 400 200 200 2 2020-yil oktabr Turonbank Navbahor tumani 2. “Davr” MCHJ 1 2 900 900 2 000 80 2020-yil dekabr Turonbank Uchquduq tumani 3. YTT “Boʻriyeva Maxfuza” 1 500 500 10 2020-yil sentabr Milliy bank 4. “Bek Cluster” MCHJ 100 230 400 69 120 161 280 1 200 2020-yil dekabr Tijorat banklari Jami 103 0 234 200 70 720 163 480 0 1 292 Namangan viloyati Norin tumani 1. “Asqarali Ota Boʻstoni” FX 1 550 250 300 7 2020-yil III chorak Agrobank Pop tumani 2. “Root Steam” MCHJ 5 1 500 4 700 4 700 1 500 50 2020-yil IV chorak Turonbank Yangiqoʻrgʻon tumani 3. “Oxunova Xurinsa Joʻrabekovna” F/X 1 300 200 100 3 2020-yil III chorak Agrobank 4. “Vodiy Agro Kompleks” F/X 2 6 000 1 500 4 500 10 2020-yil IV chorak Turonbank 5. “Bek Cluster” MCHJ 100 230 400 69 120 161 280 1 200 2020-yil dekabr Tijorat banklari Jami 108 1 500 241 950 75 770 166 180 1 500 1 270 Samarqand viloyati Urgut tumani 1. “Obloqul Boymatov qoʻrgʻoni” F/X 1 750 225 525 4 2020-yil noyabr Agrobank Kattaqoʻrgʻon tumani 2. “Azizlar” MCHJ 1 600 300 300 6 2020-yil dekabr Turonbank 3. “Jonkel Bogiyeram Mevalari” F/X 1 600 300 300 6 2020-yil dekabr Turonbank 4. YTT “Normatov Sherzod” 1 600 300 300 6 2020-yil dekabr Turonbank 5. YTT “Xayitov Zoxid” 1 600 300 300 6 2020-yil dekabr Turonbank 6. YTT “Shakarov Nuriddin Abduxakimovich” 1 600 300 300 6 2020-yil dekabr Turonbank 7. “Nusxas XAX” F/X 1 600 300 300 6 2020-yil dekabr Turonbank 8. “Innavatsion Investor 7777” MCHJ 1 600 300 300 6 2020-yil dekabr Turonbank 9. “Mashxurbek Mad” F/X 1 600 300 300 6 2020-yil dekabr Turonbank Samarqand tumani 10. “Samejon Agro Fayz Hosil” F/X 1 750 300 450 4 2020-yil noyabr Milliy bank 11. YTT “Abbosov Maʼruf” 1 750 300 450 4 2020-yil noyabr Agrobank 12. “Bek Cluster” MCHJ 200 460 800 138 240 322 560 2 400 2020-yil dekabr Turonbank Jami 211 0 467 850 141 465 326 385 0 2 460 Surxondaryo viloyati Sariosiyo tumani 1. “Jasur Ulugʻbek Farovon Fayz” F/X 1 1 000 200 800 8 2020-yil oktabr Tijorat banklari Shoʻrchi tumani 2. “Muxamad Golden Uzumi” MCHJ 1 1 000 250 750 5 2020-yil iyun Tijorat banklari Qumqoʻrgʻon tumani 3. “Ayon Oyjamoli” F/X 1 1 000 250 750 4 2020-yil avgust Tijorat banklari 4. “Xamrox Fayz bogʻlari” FX 1 1 000 250 750 4 2020-yil sentabr Tijorat banklari 5. “Surxon Limonchilik Agrosanoat” MCHJ 10 10 000 2 500 7 500 40 2020-yil sentabr Tijorat banklari 6. “Ermuminovlar Uzumzori” F/X 2 2 000 500 1 500 8 2020-yil sentabr Tijorat banklari 7. “Demetr Agro Park” MCHJ 100 230 400 69 120 161 280 1 100 2020-yil dekabr Tijorat banklari 8. “Nihol Navbaxor” XK 1 1 000 250 750 4 2020-yil iyul Tijorat banklari 9. “Bek Cluster” MCHJ 200 460 800 138 240 322 560 2 400 2020-yil dekabr Tijorat banklari Jami 317 0 708 200 211 560 496 640 0 3 573 Sirdaryo viloyati Mirzaobod tumani 1. “Bunyodbek Universal Xamkor” XK 5 1 500 12 000 12 000 1 500 40 2020-yil dekabr Turonbank 2. “Voxidjon Universal Xamkor” XK 5 1 500 5 900 5 900 1 500 40 2020-yil dekabr Turonbank 3. “Ulugʻobod Ixlos Baraka” XK 5 1 500 5 400 5 400 1 500 40 2020-yil dekabr Turonbank 4. “Bek Cluster” MCHJ 100 230 400 69 120 161 280 1 200 2020-yil dekabr Tijorat banklari Sayxunobod tumani 5. “Sayxunobod Limonchilk Clusteri” MCHJ 140 300 000 50 000 250 000 800 2020-yil dekabr Asakabank 6. “Bek Cluster” MCHJ 100 230 400 69 120 161 280 1 200 2020-yil dekabr Tijorat banklari Xovos tumani 7. “Bek Cluster” MCHJ 100 230 400 69 120 161 280 1 200 2020-yil dekabr Tijorat banklari Sirdaryo tumani 8. “Bek Cluster” MCHJ 100 230 400 69 120 161 280 1 200 2020-yil dekabr Tijorat banklari Sardoba tumani 9. “Bek Cluster” MCHJ 100 230 400 69 120 161 280 1 200 2020-yil dekabr Tijorat banklari Guliston tumani 10. “Bek Cluster” MCHJ 100 230 400 69 120 161 280 1 200 2020-yil dekabr Tijorat banklari 11. “Bek Cluster” MCHJ 100 230 400 69 120 161 280 1 200 2020-yil dekabr Tijorat banklari Boyovut tumani 12. “Bek Cluster” MCHJ 100 230 400 69 120 161 280 2020-yil dekabr Tijorat banklari Jami 955 4 500 2 166 500 626 260 1 540 240 4 500 9 320 Toshkent viloyati Yuqorichirchiq tumani 1. “Sim Agro Group” MCHJ 10 27 000 27 000 37 2020-yil III chorak Sanoatqurilishbank Yangiyoʻl tumani 2. “Saxiy Bogʻ Nematlari” MCHJ 2 5 700 100 5 600 15 2020-yil III chorak Qishloqqurilishbank Zangiota tumani 3. “Sherpulat Oʻgʻillari” MCHJ 2 5 700 5 700 20 2020-yil III chorak Agrobank Qibray tumani 4. “Qibray limonchilik klasteri” MCHJ (“Bek Cluster”) 33 95 000 30 000 65 000 60 2020-yil IV chorak Agrobank 5. “Nikitchenko” F/X 1 2 304 691 1 613 4 2020-yil IV chorak Savdogar bank 6. “Bek Cluster” MCHJ 100 230 400 69 120 161 280 1 200 2020-yil dekabr Tijorat banklari Jami 147 0 366 104 126 911 239 193 0 1 336 Fargʻona viloyati Toshloq tumani 1. “Bogʻbon Sarkor” F/X 2 880 2 000 2 000 880 15 2020-yil iyul Turonbank 2. “Bek Cluster” MCHJ 100 230 400 69 120 161 280 1 200 2020-yil dekabr Tijorat banklari Jami 102 880 232 400 71 120 161 280 880 1 215 Xorazm viloyati Urganch tumani 1. “Agro Savdo Urganch” MCHJ 2 7 600 1 900 5 700 10 2020-yil I chorak Turonbank 2. “Fayz Baraka Xorazm” MCHJ 1 4 100 1 000 3 100 5 2020-yil I chorak Turonbank 3. “Zilola Zufar” MCHJ 1 3 300 830 2 500 6 2020-yil I chorak Turonbank Xazorasp tumani 4. “Xazorasp Varm Xous” MCHJ 1 3 800 1 000 2 800 5 2020-yil II chorak Turonbank 5. “Surojiddin Fruit Gardens” MCHJ 1 4 700 1 100 3 600 7 2020-yil II chorak Turonbank 6. “Xazorasp Agro Grin”MCHJ 1 3 500 1 000 2 500 5 2020-yil III chorak Turonbank Xonqa tumani 7. “Muzaffarbek Xursandbek Davlatbek” MCHJ 2 5 900 1 100 4 800 11 2020-yil I chorak Turonbank 8. “Qoraqosh Savdo Invest” XK 1 3 900 802 3 100 5 2020-yil II chorak Turonbank 9. “Axmadjon Axrorjon Mustafo” F/X 1 2 800 870 2 000 6 2020-yil III chorak Turonbank Jami 11 0 39 600 9 602 30 100 0 60

Oʻzbekiston Respublikasi Prezidentining 2020-yil 19-fevraldagi PQ-4610-son qaroriga 1a-ILOVA

2021-2022-yillarda “Turonbank” ATB tomonidan moliyalashtirish hisobiga tashkil etiladigan limonzorlar maydonlarining

PROGNOZ KOʻRSATKICHLARI

T/r Hududlar nomi Tashkil etiladigan limonzorlar gektar Limon hosili tonna Yaratiladigan doimiy ish oʻrinlari Mavsumiy ish oʻrinlari Talab etiladigan limon koʻchatlari dona JAMI: 2 031 120 000 12 186 14 217 2 234 100 1. Andijon viloyati 26 1 500 156 182 28 600 2. Buxoro viloyati 20,5 1 200 123 144 22 550 3. Qashqadaryo viloyati 5,5 300 33 39 6 050 4. Namangan viloyati 862,5 50 800 5 175 6 038 948 750 5. Surxondaryo viloyati 1 000 59 300 6 000 7 000 1 100 000 6. Fargʻona viloyati 100 5 900 600 700 110 000 7. Xorazm viloyati 2,5 150 15 18 2 750 8. Toshkent viloyati 14 850 84 98 15 400

Oʻzbekiston Respublikasi Prezidentining 2020-yil 19-fevraldagi PQ-4610-son qaroriga 2-ILOVA

Limon yetishtirishga ixtisoslashtiriladigan hududlar

ROʻYXATI

T/r Hududlar nomi Ixtisoslashtirish davriga qadar (2017 — 2019 yy.) Ixtisoslashtirish natijasiga koʻra (2020-y.) Limonzor maydoni, ga Mahsulot hajmi, tn Eksport hajmi, tn Yangi tashkil etiladi, ga Umumiy limonzor maydoni, ga Mahsulot hajmi, tn Eksport hajmi, tn Oʻsish surʼati, foizda Andijon viloyati boʻyicha 1. Andijon tumani 6,5 47,7 19,1 3,5 10 250 100 524 2. Asaka tumani 5,3 52,3 20,9 6,7 12 300 120 574 Jami 11,8 100 40 10,2 22 550 220 550 Buxoro viloyati boʻyicha 1. Peshku tumani 6 36 14,4 44 50 500 200 1389 Jami 6 36 14,4 44 50 500 200 1389 Jizzax viloyati boʻyicha 1. Forish tumani 5,2 125 50 14,8 20 400 160 320 2. Gʻallaorol tumani 5,5 100 40 14,5 20 400 160 400 3. Zomin tumani 1,5 80 32 14,5 16 320 128 400 4. Zarbdor tumani 3,3 90 36 12,7 16 320 128 356 Jami 15,5 395 158 56,5 72 1 440 576 365 Qashqadaryo viloyati boʻyicha 1. Chiroqchi tumani 17,2 813 325,2 16,8 34 952 380,8 117 2. Gʻuzor tumani 16,2 717 286,8 50 66 1 848 739,2 258 3. Qamashi tumani 12,7 628 251,2 17,3 30 840 336 134 4. Qarshi tumani 34 1 700 680 53 87 2 436 974,4 143 5. Kitob tumani 24,4 1 290 516 15,6 40 2 200 880 171 6. Shahrisabz tumani 16 652 260,8 34 50 1 400 560 215 7. Yakkabogʻ tumani 15,9 470 188 14 30 840 336 179 Jami 136,4 6 270 2 508 200,7 337 10 516 4206,4 168 Samarqand viloyati boʻyicha 1. Bulungʻur tumani 15 26 10,4 10 25 650 260 2500 2. Jomboy tumani 22 29 11,6 4 25 650 260 2241 3. Samarqand tumani 2 12 4,8 19 20 520 208 4333 4. Urgut tumani 12 32 12,8 13 25 650 260 2031 Jami 51 99 39,6 46 95 2 470 988 2495 Sirdaryo viloyati boʻyicha 1. Xovos tumani 9,3 605 242 100 109,3 2 405 961,84 398 2. Mirzaobod tumani 12,1 625 250 100 112,1 2 466 986,48 395 3. Sayhunobod tumani 12,5 875 350 100 112,5 2 475 990 283 Jami 33,9 2 105 842 300 333,9 7 346 2938,32 349 Surxondaryo viloyati boʻyicha 1. Boysun tumani 12 600 240 16 28 812 324,8 135 2. Denov tumani 17,2 930 372 22,8 40 1 160 464 125 3. Jarqoʻrgʻon tumani 10 65,5 26,2 40 50 1 450 580 2214 4. Qumqoʻrgʻon tumani 32,8 1 966,1 986,4 17,2 50 2 000 800 102 5. Oltinsoy tumani 12 786 314,4 18 30 870 348 111 6. Sariosiyo tumani 13,5 885 354 26,5 40 1 160 464 131 7. Termiz tumani 11 721 288,4 100 111 3 219 1287,6 446 8. Uzun tumani 18,5 1 000 400 6,5 25 1 000 400 100 Jami 127 6 953,6 2 981,4 247 374 11 671 4668,4 168 Navoiy viloyati boʻyicha 1. Xatirchi tumani 6,2 10 4 19,8 26 572 228,8 5720 2. Nurota tumani 2,3 16 6,4 17,7 20 440 176 2750 Jami 8,5 26 10,4 37,5 46 1 012 404,8 3892 Namangan viloyati boʻyicha 1. Chortoq tumani 7,1 85 34 12 19 494 197,6 581 2. Pop tumani 7,5 82,5 33 18,5 26 676 270,4 819 3. Toʻraqoʻrgʻon tumani 19,2 165 66 10,8 30 780 312 473 4. Yangiqoʻrgʻon tumani 7 115,5 46,2 13 20 520 208 450 Jami 40,8 448 179,2 54,3 95 2 470 988 551 Toshkent viloyati boʻyicha 1. Bekobod tumani 3,9 16,6 6,6 22 25,9 699 279,72 4211 2. Boʻstonliq tumani 4 32 12,8 6 10 270 108 844 3. Qibray tumani 10,9 34 13,6 200 211 3 697 1478,8 10874 Jami 18,8 82,6 33 228 246,9 4 666 1866,5 5649 Fargʻona viloyati boʻyicha 1. Bagʻdod tumani 18,3 53,2 21,3 11,7 30 780 312 1466 2. Quva tumani 2,6 234 93,6 17,4 20 520 208 222 3. Rishton tumani 11,3 597 452,8 10,7 22 1 210 484 74 4. Soʻx tumani - - - 15 15 390 156 - Jami 32,2 884,2 567,7 54,8 87 2 262 904,8 118 Respublika boʻyicha jami 481,9 17399,4 7 373,7 1 279 1 758,8 44 903,1 17 961,2 258