Toshkent shahrining Yakkasaroy tumani, Jizzax va Margʻilon shaharlarida Oʻzbekiston Respublikasining “Koʻp kvartirali uylarni boshqarish toʻgʻrisida”gi Qonuni normalarini aprobatsiya qilish yuzasidan huquqiy eksperiment oʻtkazish toʻgʻrisida (64-son)

07.02.2020

Oʻzbekiston Respublikasi Vazirlar Mahkamasining

qarori

Oʻzbekiston Respublikasining “Koʻp kvartirali uylarni boshqarish toʻgʻrisida”gi Qonuni ijrosini taʼminlash maqsadida Vazirlar Maxkamasi qaror qiladi:

1. Oʻzbekiston Respublikasining “Koʻp kvartirali uylarni boshqarish toʻgʻrisida”gi Qonuniga (keyingi oʻrinlarda Qonun deb ataladi) muvofiq 2020-yil 1-mayga qadar Toshkent shahrining Yakkasaroy tumani, Jizzax va Margʻilon shaharlarida koʻp kvartirali uylarni boshqarishda Qonun normalarini aprobatsiya qilish yuzasidan huquqiy eksperiment (keyingi oʻrinlarda huquqiy eksperiment deb ataladi) oʻtkazilishi belgilanganligi maʼlumot uchun qabul qilinsin.

2. Quyidagilar:

Toshkent shahrining Yakkasaroy tumani, Jizzax va Margʻilon shaharlarida Oʻzbekiston Respublikasining “Koʻp kvartirali uylarni boshqarish toʻgʻrisida”gi Qonuni normalarini aprobatsiya qilish yuzasidan huquqiy eksperiment oʻtkazish tartibi toʻgʻrisidagi vaqtinchalik nizom 1-ilovaga muvofiq;

Toshkent shahrining Yakkasaroy tumani, Jizzax va Margʻilon shaharlarida Oʻzbekiston Respublikasining “Koʻp kvartirali uylarni boshqarish toʻgʻrisida”gi Qonuni normalarini aprobatsiya qilish yuzasidan huquqiy eksperiment oʻtkazish boʻyicha Respublika ishchi guruhi va hududiy ishchi guruhlar tarkibi 2, 2a, 2b, 2v-ilovalarga muvofiq tasdiqlansin.

3. Quyidagilar huquqiy eksperimentning asosiy vazifalari etib belgilansin:

Qonun normalarini hamda koʻp kvartirali uylarni boshqarishda qonuniylik va ixtiyoriylikni taʼminlashga qaratilgan boshqarishning tartib-taomillari samaradorligini aniqlash;

Qonunning normalarini takomillashtirish va uni samarali qoʻllash mexanizmlarini joriy etish boʻyicha takliflar ishlab chiqish;

koʻp kvartirali uylarni boshqarishning ochiqligi va shaffofligini taʼminlashga qaratilgan koʻp kvartirali uylardan va koʻp kvartirali uylarga tutash yer uchastkalaridan foydalanish hamda ularni saqlash boʻyicha tizimli ishlarni samarali tashkil etish;

koʻp kvartirali uylarni boshqarish usullarining sifati va samaradorligini oshirishga qaratilgan koʻp kvartirali uylarni boshqarish organlari rahbarlarining professional faoliyatining turli mexanizmlarini amalda sinab koʻrish;

koʻp kvartirali uylarni boshqarishda ishbilarmonlik muhitini yaxshilash va aholini biznes bilan shugʻullanishga jalb qilish;

koʻp kvartirali uylarni boshqarishda fuqarolarning huquq va qonuniy manfaatlarini himoya qilish.

4. Quyidagilar:

a) Respublika ishchi guruhining asosiy vazifalari etib belgilansin:

hududiy ishchi guruhlar faoliyatini muvofiqlashtirish hamda huquqiy eksperiment samarali oʻtkazilishini taʼminlash;

hududiy ishchi guruhlarga yuklangan vazifalarning bajarilishi yuzasidan natijalarni tanqidiy muhokama qilib borish va mavjud muammolarni bartaraf etish choralarini koʻrish;

2020-yil 15-mayga qadar huquqiy eksperiment natijasi yuzasidan Qonun normalarini respublikaning boshqa hududlarida qoʻllash yoki Qonun normalarini yanada takomillashtirish toʻgʻrisidagi takliflarni Vazirlar Mahkamasiga kiritish;

b) hududiy ishchi guruhning asosiy vazifalari etib belgilansin:

Qonun normalarini amalga oshirishga qaratilgan amaliy choralar koʻrilishini hamda qoʻllanilayotgan huquqiy mexanizmlarning joriy holatini tahlil qilish;

koʻp kvartirali uylarning joylashuvi xaritasini ishlab chiqish, har bir koʻp kvartirali uyni pasportlashtirish, koʻp kvartirali uylarning tutash hududlarini belgilash choralarini koʻrish;

koʻp kvartirali uylardagi turar joylar va yashash uchun moʻljallanmagan joylarning mulkdorlari (keyingi oʻrinlarda joylarning mulkdorlari deb ataladi) tomonidan tashkil etilgan umumiy yigʻilishlarda uy-joylar mulkdorlari shirkati (keyingi oʻrinlarda shirkat deb ataladi) faoliyatini davom ettirish yoki boshqa boshqaruv usulini tanlash, vakant boʻlib turgan shirkatlarga boshqaruv raislarini saylash boʻyicha tegishli maslahatlar berish;

koʻp kvartirali uylarni mukammal va joriy taʼmirlash, shuningdek, avariya-tiklash ishlarini bajarish boʻyicha koʻp kvartirali uylarni boshqarish organlarining avariya-tiklash xizmati tashkilotlari bilan oʻzaro munosabatlarini yanada yaxshilash;

koʻp kvartirali uylarni boshqarish organlarining moddiy-texnika bazasini shakllantirishga qaratilgan ishlarni tizimli ravishda tashkil etish;

koʻp kvartirali uylarni boshqarish organlarining huquq va qonuniy manfaatlarini himoya qilishda amaliy yordam koʻrsatish;

koʻp kvartirali uylarni boshqarish organlarining rahbar va xodimlari malakasini oshirish va qayta tayyorlashni tashkil qilish.

5. Oʻzbekiston Respublikasi Uy-joy kommunal xizmat koʻrsatish vazirligi Toshkent shahar, Jizzax va Fargʻona viloyatlari hokimliklari bilan birgalikda Toshkent shahrining Yakkasaroy tumani, Jizzax va Margʻilon shaharlarida:

ikki hafta muddatda shirkatlar bilan birgalikda fuqarolarning oʻzini oʻzi boshqarish organlari ishtirokida koʻp kvartirali uylarni boshqarish sohasini isloh qilish, koʻp kvartirali uylarni boshqarish organlari faoliyatini tashkil etish maqsadida joylarning mulkdorlari bilan yigʻilishlar oʻtkazilishini tashkil etsin;

boshqaruvchi tashkilotlarni tashkil etishda, ularning moddiy-texnika bazasini mustahkamlashda (qaytarish asosida mablagʻlar ajratish) amaliy yordam koʻrsatsin hamda ularning faoliyatini tahlil qilish va eng yaxshi tajribani ommalashtirish choralarini koʻrsin;

koʻp kvartirali uylarni boshqarish faoliyati masalalari boʻyicha tuman (shahar) uy-joy-kommunal xizmat koʻrsatish boʻlimlarida aholi uchun maslahat punktlari tashkil etilishini taʼminlasin.

6. Toshkent shahar, Jizzax va Fargʻona viloyatlari hokimliklari bir oy muddatda koʻp kvartirali uylarga tutash yer uchastkasi boʻyicha joylarning mulkdorlariga ulardan doimiy foydalanish huquqi asosida zarur hujjatlar berilishini, shuningdek, koʻp kvartirali uylarni boshqarish organlariga faoliyat yuritishi uchun zarur bino va inshootlar ajratilishini taʼminlasin.

7. Oʻzbekiston Respublikasi Uy-joy kommunal xizmat koʻrsatish vazirligi huquqiy eksperiment oʻtkazish davrida Qonun bilan belgilangan boshqarish usuli orqali koʻp kvartirali uylarni boshqarishdagi mavjud muammolarni bartaraf etish va ularning salbiy oqibatlari toʻgʻrisidagi tahliliy natijalar har oy yakuniga koʻra keyingi oyning beshinchi kuniga qadar Vazirlar Mahkamasiga taqdim etilishini taʼminlasin.

8. Oʻzbekiston Respublikasi Uy-joy kommunal xizmat koʻrsatish vazirligining huquqiy eksperiment oʻtkazish davrida “Eng yaxshi boshqaruvchi” tanlovlarini tashkil etish, ularning natijalarini hamda eng yaxshi boshqaruvchining ish tajribasini ommaviy axborot vositalarida keng yoritish toʻgʻrisidagi taklifi maʼqullansin.

9. Belgilab koʻyilsinki, ushbu qaror bilan tasdiqlangan qoidalarni qoʻllash toʻgʻrisidagi tushuntirishlar Oʻzbekiston Respublikasi Uy-joy kommunal xizmat koʻrsatish vazirligi tomonidan beriladi.

10. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov, Oʻzbekiston Respublikasi uy-joy kommunal xizmat koʻrsatish vaziri M.X. Saliyev, Toshkent shahar hokimi J.A. Artikxodjayev, Jizzax viloyati hokimi E.A. Saliyev va Fargʻona viloyati hokimi Sh.M. Ganiyev zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2020-yil 7-fevral,

64-son

Vazirlar Mahkamasining 2020-yil 7-fevraldagi 64-son qaroriga 1-ILOVA

Toshkent shahrining Yakkasaroy tumani, Jizzax va Margʻilon shaharlarida Oʻzbekiston Respublikasining “Koʻp kvartirali uylarni boshqarish toʻgʻrisida”gi Qonuni normalarini aprobatsiya qilish yuzasidan huquqiy eksperiment oʻtkazish tartibi toʻgʻrisida

VAQTINChALIK NIZOM

1-bob. Umumiy qoidalar

1. Mazkur Vaqtinchalik nizom Toshkent shahrining Yakkasaroy tumani, Jizzax va Margʻilon shaharlarida Oʻzbekiston Respublikasining “Koʻp kvartirali uylarni boshqarish toʻgʻrisida”gi Qonuni normalarini aprobatsiya qilish yuzasidan huquqiy eksperiment (keyingi oʻrinlarda huquqiy eksperiment deb ataladi) oʻtkazish tartibini belgilaydi.

2. Huquqiy eksperiment davrida Oʻzbekiston Respublikasining “Koʻp kvartirali uylarni boshqarish toʻgʻrisida”gi Qonuni normalarida belgilangan tartib-taomillarning muddatlari ushbu Vaqtinchalik nizomda qisqartirilgan.

3. Mazkur Vaqtinchalik nizomning amal qilishi koʻp kvartirali uyning mulkdori bitta yuridik yoki jismoniy shaxs boʻlganda tatbiq etilmaydi.

2-bob. Koʻp kvartirali uylarni boshqarish usullari

4. Koʻp kvartirali uyni boshqarish usuli koʻp kvartirali uylardagi turar joylar va yashash uchun moʻljallanmagan joylarning mulkdorlari (keyingi oʻrinlarda joylarning mulkdorlari deb ataladi)ning umumiy yigʻilishida belgilanadi.

5. Koʻp kvartirali uyni boshqarish:

bevosita joylarning mulkdorlari tomonidan;

yuridik shaxs boʻlgan boshqaruvchi tashkilot tomonidan yoki jismoniy shaxs (yakka tartibdagi tadbirkor) boʻlgan boshqaruvchi (keyingi oʻrinlarda boshqaruvchi tashkilot yoki boshqaruvchi deb ataladi) tomonidan shartnoma asosida;

bitta yoki zich joylashgan bir nechta koʻp kvartirali uyda turar joylarning va yashash uchun moʻljallanmagan joylarning mulkdorlarini birlashtiruvchi uy-joy mulkdorlari shirkati boʻlgan notijorat tashkilot (keyingi oʻrinlarda shirkat deb ataladi) tomonidan amalga oshirilishi mumkin.

6. Joylarning mulkdorlari umumiy yigʻilishi koʻp kvartirali uyning yuqori boshqaruv organi hisoblanadi.

7. Har yilgi umumiy yigʻilish kalendar yil tugaganidan keyin oʻttiz kundan kechiktirmay chaqiriladi.

8. Navbatdan tashqari umumiy yigʻilish koʻp kvartirali uyni boshqarish organining tashabbusi bilan yoki joylarning mulkdorlarini kamida oʻn foizining tashabbusi bilan chaqirilishi mumkin.

9. Joylarning mulkdorlari umumiy yigʻilishi oʻtkaziladigan joy, sana, vaqt va uning kun tartibi toʻgʻrisida xabardor qilish yigʻilish tashabbuskorlari tomonidan umumiy yigʻilish oʻtkazilishidan kamida oʻn kun oldin amalga oshiriladi.

10. Joylarning mulkdorlarini umumiy yigʻilishni oʻtkazish toʻgʻrisida xabardor qilish tegishli eʼlonni uylarning har bir kirish yoʻlagiga ilib qoʻyish yoki eʼlonni mulkdorlarga imzo qoʻydirib topshirish orqali amalga oshiriladi.

11. Joylarning mulkdorlari boʻlgan yuridik shaxslarni xabardor qilish tegishli xabarni buyurtma xat bilan yuridik manzilga yuborish, elektron xabar qilish yoki xabarni vakolatli vakilga imzo qoʻydirib topshirish orqali amalga oshiriladi.

12. Koʻp kvartirali uylarni boshqarish fuqarolar uchun qulay va xavfsiz yashash sharoitlarini taʼminlashi kerak.

13. Koʻp kvartirali uy bevosita joylarning mulkdorlari tomonidan boshqarilganda umumiy mol-mulkni saqlash, undan foydalanish va uni taʼmirlash boʻyicha uy-joy-kommunal sohasidagi tashkilotlar bilan xizmatlar koʻrsatishga doir shartnoma joylarning mulkdorlari umumiy yigʻilishining qarori asosida koʻp kvartirali uy kengashining raisi tomonidan tuziladi. Bunda uchinchi shaxslar bilan munosabatlarda koʻp kvartirali uyning mulkdorlari nomidan joylarning mulkdorlari umumiy yigʻilishi vakolat bergan bir yoki bir necha joy mulkdori ishtirok etishga haqli.

14. Joylarning mulkdorlari koʻp kvartirali uy foydalanishga qabul qilingan kundan eʼtiboran bir oy muddatda umumiy yigʻilishda koʻp kvartirali uyni boshqarish usuli toʻgʻrisida qaror qabul qilishi shart. Bunday qaror qabul qilinguniga qadar mulkdorlar umumiy mol-mulkni saqlash bilan bogʻliq majburiyatlar yuzasidan solidar javob beradi.

3-bob. Koʻp kvartirali uyni boshqarish uchun tanlov oʻtkazish tartibi

15. Ushbu Vaqtinchalik nizomning 14-bandida koʻrsatilgan muddat mobaynida joylarning mulkdorlari tomonidan koʻp kvartirali uyni boshqarish usuli toʻgʻrisidagi masala hal etilmagan boʻlsa yoki koʻp kvartirali uyni boshqarish usulini tanlash toʻgʻrisida qabul qilingan qaror amalga oshirilmagan boʻlsa, Oʻzbekiston Respublikasi Uy-joy-kommunal xizmat koʻrsatish vazirligining hududiy boʻlinmasi (keyingi oʻrinlarda vakolatli davlat organi deb ataladi) koʻp kvartirali uyni boshqarish uchun boshqaruvchi tashkilotni yoki boshqaruvchini tanlash boʻyicha bir oylik muddatda ochiq tanlov oʻtkazadi.

16. Koʻp kvartirali uyni boshqarish uchun ochiq tanlov ushbu Vaqtinchalik nizomga ilovada keltirilgan sxemaga muvofiq amalga oshiriladi.

17. Vakolatli davlat organi boshqaruvchi tashkilotni yoki boshqaruvchini tanlash boʻyicha ochiq tanlov oʻtkazish toʻgʻrisidagi axborotni ikki kun muddatda Oʻzbekiston Respublikasi Uy-joy kommunal xizmat koʻrsatish vazirligining rasmiy veb-saytiga joylashtiradi.

18. Umumiy mol-mulkni boshqarish, unga xizmat koʻrsatish va uni taʼmirlash uchun tanlov asosida yuridik hamda jismoniy shaxslar bilan shartnoma tuzish umumiy yigʻilish qarori asosida amalga oshiriladi.

19. Koʻp kvartirali uyni boshqarish uchun ochiq tanlov quyidagi prinsiplarga asoslanadi:

tanlovda ishtirok etish uchun teng sharoitlar yaratish;

halol raqobat;

tanlov oʻtkazish toʻgʻrisidagi axborotni olish erkinligi.

20. Vakolatli davlat organi tanlov toʻgʻrisida eʼlon qilingan kundan boshlab besh kundan kechiktirmay tanlov komissiyasini tuzish toʻgʻrisida qaror qabul qiladi, uning tarkibi va ish tartibini belgilaydi.

21. Tanlov komissiyasi tarkibi kamida yetti kishidan iborat boʻlishi kerak.

Tanlov komissiyasi tarkibiga mahalliy davlat hokimiyati organlari, fuqarolarning oʻzini oʻzi boshqarish organlari, vakolatli davlat organi vakillari va joylarning mulkdorlari kiritiladi.

22. Tanlov komissiyasi, agar unda komissiya aʼzolarining kamida uchdan ikki qismi (kvorum) ishtirok etgan taqdirda vakolatli hisoblanadi.

23. Tanlov komissiyasini oʻtkazish uchun kvorum shakllanmagan taqdirda, yangi majlis oʻtkaziladigan sana eʼlon qilinadi.

Tanlov komissiyasining qarori u qabul qilingan kunda bayonnoma bilan rasmiylashtiriladi va komissiya aʼzolari tomonidan imzolanadi.

24. Vakolatli davlat organi tomonidan tasdiqlanadigan tanlov hujjatlari quyidagilarni oʻz ichiga oladi:

koʻp kvartirali uyning kadastr pasporti;

koʻp kvartirali uy umumiy mulkining holati toʻgʻrisidagi dalolatnoma;

koʻp kvartirali uyni boshqarish shartnomasining loyihasi.

25. Talabgor tanlovda ishtirok etish uchun Oʻzbekiston Respublikasi Uy-joy kommunal xizmat koʻrsatish vazirligining rasmiy veb-saytiga axborot joylashtirilgandan keyin vakolatli davlat organiga oʻn besh kun muddatda elektron yoki qogʻoz shaklida buyurtma beradi.

Buyurtma quyidagi maʼlumotlarni oʻz ichiga oladi:

yuridik shaxsning nomi, tashkiliy-huquqiy shakli, pochta manzili va joylashgan joyi;

yakka tartibdagi tadbirkorning yashash joyi, shaxsini tasdiqlovchi hujjat;

telefon raqami;

bank rekvizitlari.

26. Buyurtma tanlov oʻtkazish toʻgʻrisidagi eʼlonda koʻrsatilgan manzil boʻyicha elektron tarzda yoki talabgorning hoxishiga koʻra qogʻoz shaklida taqdim etiladi.

27. Tanlovda qatnashish uchun tushgan har bir elektron va qogʻoz shaklidagi buyurtma roʻyxatga olinadi va talabgorning talabi bilan buyurtmani olganlik toʻgʻrisida tilxat beriladi.

28. Agar tanlovda ishtirok etish uchun birorta ham buyurtma tushmasa, tanlov komissiyasi buyurtma berishning tugagan muddatidan boshlab besh kun mobaynida umumiy tartibda qayta ochiq tanlov oʻtkazish toʻgʻrisida eʼlon beradi.

29. Tanlov komissiyasi besh kun muddatda talabgorlar tomonidan berilgan takliflarni baholash uchun navbatma-navbat koʻrib chiqadi va natijalar asosida gʻolibni aniqlaydi.

Takliflarni koʻrib chiqish bayonnoma bilan rasmiylashtiriladi.

30. Takliflarni koʻrib chiqish bayonnomasida quyidagi axborot boʻlishi kerak:

talabgorlar takliflari koʻrib chiqilgan joy va sana;

hozir boʻlgan tanlov komissiyasi aʼzolarining va talabgor yoki uning vakillari tarkibi haqida;

talabgorlarning takliflarini rad etishning aniq sabablari haqida;

tanlov gʻolibi toʻgʻrisida qabul qilingan qaror haqida;

tanlov gʻolibining nomi (yuridik shaxs uchun), familiyasi, ismi, otasining ismi (yakka tartibdagi tadbikor uchun), yashash joyi (pochta manzili).

31. Takliflarni koʻrib chiqish va baholash bayonnomasi tanlov komissiyasida ishtirok etgan aʼzolar tomonidan imzolanadi hamda undan olingan koʻchirma u imzolangan kundan eʼtiboran ikki kun ichida vakolatli davlat organi tomonidan Oʻzbekiston Respublikasi Uy-joy kommunal xizmat koʻrsatish vazirligining rasmiy veb-saytiga joylashtiriladi.

32. Talabgor takliflarni koʻrib chiqish va baholash bayonnomasi eʼlon qilinganidan soʻng vakolatli organga tanlov natijalari boʻyicha tushuntirishlarni taqdim etish toʻgʻrisida soʻrov yuborishga haqli. Vakolatli davlat organi bunday soʻrov tushgan sanadan eʼtiboran uch kun ichida talabgorga tegishli tushuntirishlarni taqdim etishi shart.

33. Boshkaruv tashkilotini yoki boshqaruvchini tanlash boʻyicha ochiq tanlovni oʻtkazish xarajatlari vakolatli davlat organi mablagʻlari hisobiga amalga oshiriladi.

34. Koʻp kvartirali uylarni boshqarish shartnomasi besh kun mobaynida tanlov gʻolibi boʻlgan boshqaruvchi tashkilot yoki boshqaruvchi bilan tuziladi.

35. Koʻp kvartirali uylarni boshqarish shartnomasi kamida bir yil va koʻpi bilan besh yilgacha boʻlgan muddatga tuziladi.

36. Koʻp kvartirali uyni boshqarish shartnomasi boʻyicha boshqaruvchi tashkilot yoki boshqaruvchi joylarning mulkdorlari topshirigʻiga koʻra umumiy mol-mulkni boshqarish, lozim darajada saqlash, undan foydalanish va uni taʼmirlash boʻyicha kelishilgan muddat ichida haq evaziga xizmatlar koʻrsatish va (yoki) ishlarni bajarish, koʻp kvartirali uyni boshqarish maqsadiga erishishga qaratilgan boshqa faoliyatni amalga oshirish majburiyatini oʻz zimmasiga oladi.

4-bob. Koʻp kvartirali uylarni saqlash uchun zarur boʻlgan xizmatlar va ishlarning minimal roʻyxatini shakllantirish

37. Koʻp kvartirali uylarni talab darajasida saqlash uchun zarur xizmatlar va ishlarning minimal roʻyxati boshqaruvchi tashkilot, boshqaruvchi va shirkat tomonidan shakllantiriladi.

38. Har bir koʻp kvartirali uyga taalluqli xizmatlar va ishlar roʻyxati quyidagilarni inobatga olgan holda belgilanadi:

koʻp kvartirali uyning tuzilmaviy elementlari;

isteʼmolchilarga ichki muhandislik tizimlari orqali kerak boʻladigan kommunal xizmatlar taʼminlanishi mumkin boʻlgan ichki muhandislik tizimlarining mavjudligi va tarkibi;

koʻp kvartirali uyga xizmat koʻrsatish va ekspluatatsiya qilish uchun moʻljallangan, ushbu uyni koʻkalamzorlashtirish va obodonlashtirish elementlari va koʻp kvartirali uyga tutash yer uchastkasining mavjudligi;

koʻp kvartirali uy joylashuvida geodezik va tabiiy iqlim sharoiti.

39. Xizmatlar va ishlar roʻyxatida nazarda tutilgan xizmatlarning taqdim etilishini va ishlarning bajarilishini taʼminlash uchun koʻp kvartirali uyni boshqaruvchi tashkilotlar, boshqaruvchi va shirkat quyidagi majburiyatlarni amalga oshiradi:

avariya-tiklash xizmatini taʼminlash;

belgilangan tartibda koʻp kvartirali uyning texnik hujjatlarini saqlash va olib borish;

koʻp kvartirali uyni saqlash va taʼmirlash uchun rejalashtirilgan joriy va mukammal taʼmirlash boʻyicha takliflarni amalga oshirish hamda ularni vakolatli organ eʼtiboriga yetkazish;

turar joy binolarini saqlash va taʼmirlashga moʻljallangan toʻlovlarni yigʻish boʻyicha ishlarni tashkil etish.

5-bob. Koʻp kvartirali uylarni boshqarish organining faoliyati toʻgʻrisidagi maʼlumotlarni oshkor qilish tartibi

40. Koʻp kvartirali uyni boshqarish boshqaruvchi tashkilot va boshqaruvchi tomonidan boshqarilganda, ular tomonidan quyidagi maʼlumotlar oshkor qilinishi kerak:

a) boshkaruvchi tashkilot va boshqaruvchining maʼmuriy binosida kirishi mumkin boʻlgan joylardagi stendlarga yoki boshqa texnik vositalarga:

boshqaruvchi tashkilot nomi va boshqaruvchining familiyasi, ismi, otasining ismi, joylashgan joyi (pochta manzili), telefon raqamlari va elektron pochta manzili;

boshqaruvchi tashkilot va boshqaruvchining ish tartibi.

Oʻzgarishlar yuz berganda, ushbu maʼlumotlar oʻzgartirilgan kundan boshlab ikki ish kuni ichida oshkor kilinishi kerak;

b) koʻp kvartirali uyning barcha kirish joylarida yoki koʻp kvartirali uy joylashgan yer uchastkasida joylashgan eʼlonlar taxtasida:

mazkur bandning “a” kichik bandida nazarda tutilgan maʼlumotlardan tashqari boshqaruvchi tashkilot mansabdor shaxslari va boshqaruvchining Uy-joy kommunal xizmat koʻrsatish vazirligi tomonidan attestatsiyadan oʻtkazilganligi hamda ularga koʻp kvartirali uylarni boshqarish uchun malaka sertifikati berilganligi toʻgʻrisidagi maʼlumotlar;

qilinadigan ishlar, asbob-uskunalarni tekshirish, taʼmirlash ishlari, joylarning mulkdorlariga va foydalanuvchilarga noqulaylik tugʻdirishi mumkin boʻlgan boshqa tadbirlar haqida xabar berish yoki bunday tadbirlarni oʻtkazish vaqti toʻgʻrisidagi maʼlumotlar.

Oʻzgarishlar yuz berganda, ushbu maʼlumotlar oʻzgartirilgan kundan boshlab ikki ish kuni ichida oshkor kilinishi kerak.

41. Agar koʻp kvartirali uyni boshqarish shirkat tomonidan amalga oshirilsa, ular quyidagi maʼlumotlarni oshkor qilishlari kerak:

a) koʻp qavatli uyning barcha kirish joylarida yoki koʻp kavatli uy joylashgan yer uchastkasida joylashgan eʼlonlar taxtasida:

shirkatning nomi, joylashgan joyi (pochta manzili), telefon raqamlari, elektron pochta manzili va ish tartibi;

boshqaruv raislari Uy-joy kommunal xizmat koʻrsatish vazirligi tomonidan attestatsiyadan oʻtkazilganligi hamda ularga koʻp kvartirali uylarni boshqarish uchun malaka sertifikati berilganligi toʻgʻrisidagi maʼlumotlar;

qilinadigan ishlar, asbob-uskunalarni tekshirish, taʼmirlash ishlari, joylarning mulkdorlariga va foydalanuvchilarga noqulaylik tugʻdirishi mumkin boʻlgan boshqa tadbirlar haqida xabar berish yoki bunday tadbirlarni oʻtkazish vaqti toʻgʻrisidagi maʼlumotlar.

Oʻzgarishlar yuz berganda, ushbu maʼlumotlar oʻzgartirilgan kundan boshlab ikki ish kuni ichida oshkor kilinishi kerak.

42. Boshqaruvchi tashkilot, boshqaruvchi va shirkat joylarning mulkdorlari va ijarachilarga oshkor qilinadigan axborotlarning saqlanishini taʼminlaydilar, oʻz ahamiyatini yoʻqotgan axborotlar bundan mustasno.

43. Boshqaruvchi tashkilot, boshqaruvchi va shirkat joylarning mulkdorlari va ijarachilar tomonidan ushbu Vaqtinchalik nizomning 40 va 41-bandlarida nazarda tutilgan axborotlar boʻyicha soʻrov tushganida besh ish kuni mobaynida taqdim etilishini taʼminlaydi.

6-bob. Avariya-tiklash xizmatini amalga oshirish tartibi

44. Boshqaruvchi tashkilot, boshqaruvchi va shirkat koʻp kvartirali uylarda avariya-tiklash xizmati faoliyatini bevosita yoki avariya-tiklash xizmati faoliyatini amalga oshiruvchi tashkilot (keyingi oʻrinlarda avariya-tiklash xizmati deb ataladi) bilan shartnoma tuzish orqali tashkil etadi.

45. Avariya-tiklash xizmati koʻp kvartirali uylardagi umumiy foydalanishdagi muhandislik tizimlarining ishlarini har kuni (joriy) nazorat qiladi.

46. Joylarning mulkdorlari va ijarachilarning uy ichidagi muhandislik tizimlarining shikastlanganligi toʻgʻrisidagi arizalarini roʻyxatga oladi va ularning bartaraf etilishini amalga oshiradi.

Favqulodda vaziyatlar yoki ularning yuzaga kelishi xavfi paydo boʻlgan taqdirda fuqarolarning xavfsizligini taʼminlash uchun belgilangan tartibda tezkor choralar koʻradi.

47. Avariya-tiklash xizmatining faoliyati mehnat toʻgʻrisidagi qonunchilik hujjatlariga muvofiq smenalar boʻyicha amalga oshiriladi.

Muhandislik asbob-uskunalari ishini uzluksiz nazorat qilish natijasida olingan maʼlumotlar avariya-tiklash xizmati tomonidan tegishli jurnallarda, shu jumladan, elektron hujjatlar shaklida aks ettiriladi.

48. Avariya-tiklash xizmati kuyidagilarni taʼminlaydi:

koʻp kvartirali uylarda suv chiqarish va chiqindi suv oʻtkazgichlarning ichki muhandislik tizimidagi toʻsiqlarni darxol bartaraf etish;

sovuq va issiq suv taʼminoti, suv chiqarish va ichki isitish va elektr taʼminoti tizimlarining ichki muhandislik tizimlaridagi avariya oqibatida vujudga kelgan kamchiliklarni bartaraf etish.

49. Joylarning mulkdorlari va ijarachilar boshqaruvchi tashkilotga, boshqaruvchiga va shirkatga avariya-tiklash xizmatini amalga oshirish uchun bino uchun texnik hujjatlar toʻplamini taqdim etadilar.

50. Avariya-tiklash xizmati joylarning mulkdorlari va ijarachilarning arizalarini qabul qiladi va kamchiliklarni bartaraf etish yuzasidan tegishli choralarni amalga oshiradi.

51. Arizalar avariya-tiklash xizmatiga, shu jumladan, telefon aloqasi orqali, koʻp kvartirali uylar va lift kabinalarining kirish joylarida oʻrnatiladigan muzokara qurilmalari yoki boshqa aloqa vositalari orqali amalga oshirilishi mumkin.

52. Arizalarni roʻyxatga olish koʻp kvartirali uylarda yoki bunday arizalarni avtomatlashtirilgan hisobga olish tizimida (agar mavjud boʻlsa) joylarning mulkdorlari va ijarachilarning arizalari jurnalida amalga oshiriladi.

53. Avariya-tiklash xizmati jurnallari saqlanishi hamda joylarning mulkdorlari va ijarachilarning talabi bilan tanishtirilishi taʼminlanishi shart.

7-bob. Koʻp kvartirali uyga texnik hujjatlarni va bunday koʻp kvartirali uyni boshkarish bilan bogʻlik boshka hujjatlarni, texnik vositalar va uskunalarni topshirish tartibi

54. Koʻp kvartirali uyni boshqarish shartnomasining amal qilish muddati tugaganligi yoki bunday shartnoma muddatidan oldin bekor qilinganligi munosabati bilan koʻp kvartirali uyning umumiy mol-mulki bilan bogʻliq texnik va boshqa hujjatlar, texnik vositalar va uskunalar joylarning mulkdorlari tomonidan tanlangan boshqaruvchi tashkilotga, boshqaruvchiga, shirkatga yoki joylarning mulkdorlari yigʻilishi qarorida koʻrsatilgan boshqa shaxslarga topshirish-qabul qilish dalolatnomasi orqali topshirilishi mumkin.

55. Mahalliy davlat hokimiyati organlari yoki joylarning mulkdorlari koʻp kvartirali uyning texnik hujjatlari va koʻp kvartirali uyni boshqarish bilan bogʻliq boshqa hujjatlarni shartnoma tuzilgan kundan boshlab oʻn kundan kechiktirmay boshqaruvchi tashkilot yoki boshqaruvchiga taqdim etadi.

56. Koʻp kvartirali uyning umumiy mol-mulki tarkibiga quyidagilar kiradi:

koʻp kvartirali uydagi umumiy joylar, tayanch va toʻsiq konstruksiyalar;

kvartiralar oraligʻidagi ihotalangan (oʻrama) pillapoyalar, zinapoyalar, liftlar, liftning shaxtalari hamda boshqa shaxtalar;

dahlizlar, texnik qavatlar, yertoʻlalar, cherdaklar va tomlar;

uy ichidagi muhandislik tarmoqlari va kommunikatsiyalari;

koʻp kvartirali uylarning tashqarisida yoki ichida joylashgan hamda bittadan ortiq joyga xizmat koʻrsatadigan mexanik, elektr, sanitariya-texnika uskunalari va qurilmalari hamda boshqa uskuna va qurilmalar.

57. Mazkur Vaqtinchalik nizomning 55-bandida nazarda tutilgan hujjatlar topshirilishi vaqtida dolzarb holatda boʻlishi hamda joylarning mulkdorlari umumiy mulkining tarkibi va holati toʻgʻrisidagi maʼlumotlarni oʻz ichiga olishi kerak.

58. Agar koʻp kvartirali uylarni boshqarish usuli oʻzgarishi munosabati bilan bir yoki bir necha hujjatlar yoʻqolgan taqdirda ularni tiklash choralari bir oy muddatda amalga oshiriladi.

59. Koʻp kvartirali uydagi texnik hujjatlarni va ushbu uylarni boshqarish bilan bogʻliq boshqa hujjatlarni topshirish qabul kilish dalolatnomasiga muvofiq amalga oshiriladi.

Dalolatnomada tuzilish sanasi, joyi va topshirilayotgan hujjatlar roʻyxati xaqidagi maʼlumot boʻlishi kerak.

60. Koʻp kvartirali uylar uchun texnik hujjatlar va boshqarish bilan bogʻliq boshqa hujjatlar hamda texnik vositalarni qabul qilishda mavjud kelishmovchiliklar topshirish va qabul qilish dalolatnomasida aks ettiriladi.

Dalolatnomaning nusxasi vakolatli davlat organiga topshirish va qabul qilish dalolatnomasi tomonlar tomonidan imzolangan kundan boshlab uch kun mobaynida yuborilishi kerak.

8-bob. Koʻp kvartirali uyni boshqarishda joylarning mulkdorlari va ijarachilar bilan boshqaruvchi tashkilot, boshqaruvchi va shirkatning oʻzaro hamkorligini tashkil etish tartibi

61. Boshqaruvchi tashkilot, boshqaruvchi va shirkat koʻp kvartirali uydagi joylarning mulkdorlari va ijarachilar bilan shaxsiy murojaat qilish imkoniyatini yaratish orqali oʻzaro hamkorlikni taʼminlashi shart.

Boshqaruvchi tashkilot, boshqaruvchi va shirkat oʻzi tomonidan boshqariladigan koʻp kvartirali uylardagi joylarning mulkdorlari murojaatlarini hamda koʻp kvartirali uylarni boshqarish bilan bogʻliq muammolarni tezkorlik bilan hal etishi kerak.

62. Boshqaruvchi tashkilot, boshqaruvchi va shirkat bir oyda kamida bir marta joylarning mulkdorlari va ijarachilarni qabul qilishi kerak.

Joylarning mulkdorlari va ijarachilarni qabul qilish boshqaruvchi tashkilot, boshqaruvchi va shirkat rahbari yoxud boshqa masʼul xodimlar tomonidan amalga oshiriladi.

Qabul natijasi shaxsiy qabul jurnalida kayd etiladi.

9-bob. Yakunlovchi qoidalar

63. Ushbu Vaqtinchalik nizom talablari buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladi.

64. Ushbu Vaqtinchalik nizom faqat Toshkent shahrining Yakkasaroy tumani, Jizzax va Margʻilon shaharlarida 2020-yil 1-maygacha amal qiladi.

Toshkent shahrining Yakkasaroy tumani, Jizzax va Margʻilon shaharlarida Oʻzbekiston Respublikasining “Koʻp kvartirali uylarni boshqarish toʻgʻrisida”gi Qonuni normalarini aprobatsiya qilish yuzasidan huquqiy eksperiment oʻtkazish tartibi toʻgʻrisidagi Vaqtinchalik nizomga ILOVA

Koʻp kvartirali uyni boshqarish uchun ochiq tanlov oʻtkazish

SXEMASI

Bosqichlar Masʼullar Tadbirlar Bajarish muddatlari 1-bosqich Uy-joy kommunal xizmat koʻrsatish vazirligining hududiy boʻlinmasi Koʻp kvartirali uyni boshqarish uchun boshqaruvchi tashkilotni yoki boshqaruvchini tanlash boʻyicha ochiq tanlov oʻtkazish. bir oy 2-bosqich Uy-joy kommunal xizmat koʻrsatish vazirligining hududiy boʻlinmasi Boshqaruvchi tashkilot yoki boshqaruvchini tanlash boʻyicha ochiq tanlov oʻtkazish toʻgʻrisidagi axborotni Oʻzbekiston Respublikasi Uy-joy kommunal xizmat koʻrsatish vazirligining rasmiy veb-saytiga joylashtirish. ikki kun 3-bosqich Uy-joy kommunal xizmat koʻrsatish vazirligining hududiy boʻlinmasi Ochiq tanlov oʻtkazish toʻgʻrisidagi axborot Oʻzbekiston Respublikasi Uy-joy kommunal xizmat koʻrsatish vazirligining rasmiy veb-saytiga joylashtirilgan kundan boshlab tanlov komissiyasini tuzish toʻgʻrisida qaror qabul qilish, uning tarkibi va ish tartibini belgilash. besh kun 4-bosqich Jismoniy va yuridik shaxslar Ochiq tanlovda ishtirok etish uchun Oʻzbekiston Respublikasi Uy-joy kommunal xizmat koʻrsatish vazirligining rasmiy veb-saytiga axborot joylashtirilgandan keyin vakolatli organga elektron yoki qogʻoz shaklida buyurtma berish. oʻn besh kun 5-bosqich Uy-joy kommunal xizmat koʻrsatish vazirligining hududiy boʻlinmasi Tanlovda ishtirok etish uchun buyurtma tushmagan taqdirda qayta ochiq tanlov oʻtkazish. besh kun 6-bosqich Uy-joy kommunal xizmat koʻrsatish vazirligining hududiy boʻlinmasi Takliflarni koʻrib chiqish va baholash natijalari asosida gʻolibni aniqlash va bayonnomani rasmiylashtirish. besh kun 7-bosqich Uy-joy kommunal xizmat koʻrsatish vazirligining hududiy boʻlinmasi Takliflarni koʻrib chiqish va baholash bayonnomasidan koʻchirmani Oʻzbekiston Respublikasi Uy-joy kommunal xizmat koʻrsatish vazirligining rasmiy veb-saytiga joylashtirish. ikki kun 8-bosqich Koʻp kvartirali uylardagi joy mulkdorlari Tanlov gʻolibi boʻlgan boshqaruvchi tashkilot yoki boshqaruvchi bilan koʻp kvartirali uylarni boshqarish toʻgʻrisidagi shartnomani tuzish. besh kun 9-bosqich Mahalliy davlat hokimiyati organlari yoki koʻp kvartirali uylardagi joy mulkdorlari Koʻp kvartirali uyning texnik hujjatlari va koʻp kvartirali uyni boshqarish bilan bogʻliq boshqa hujjatlarni boshqaruvchi tashkilotga yoki boshqaruvchiga taqdim etish. oʻn kun

Vazirlar Mahkamasining 2020-yil 7-fevraldagi 64-son qaroriga 2-ILOVA

Toshkent shahrining Yakkasaroy tumani, Jizzax va Margʻilon shaharlarida Oʻzbekiston Respublikasining “Koʻp kvartirali uylarni boshqarish toʻgʻrisida”gi Qonuni normalarini aprobatsiya qilish yuzasidan huquqiy eksperiment oʻtkazish boʻyicha

RESPUBLIKA IShChI GURUH TARKIBI

A. Ramatov — Oʻzbekiston Respublikasi Bosh vazirining birinchi oʻrinbosari, Respublika ishchi guruhi rahbari M. Saliyev — Oʻzbekiston Respublikasi uy-joy kommunal xizmat koʻrsatish vaziri, Respublika ishchi guruhi rahbari oʻrinbosari Sh. Abidov — Vazirlar Mahkamasining Hududlarni kompleks rivojlantirish, kommunikatsiyalar, qurilish va uy-joy kommunal xoʻjaligi masalalari kotibiyati mudiri V. Muratkabilov — Oliy Majlis Qonunchilik palatasi Sanoat, qurilish va savdo masal�lari qoʻmitasi raisi (kelishuv asosida) N. Tilavoldiyev — Oliy Majlis Qonunchilik palatasi Sanoat, qurilish va savdo masalalari qoʻmitasi raisining oʻrinbosari (kelishuv asosida) Sh. Choʻlliyev — Oliy Majlis Senati Sud-huquq masalalari va korrupsiyaga qarshi kurashish qoʻmitasi raisining oʻrinbosari (kelishuv asosida) R. Siddiqov — Oliy Majlis Senati Agrar, suv xoʻjaligi masalalari va ekologiya qoʻmitasi raisining oʻrinbosari (kelishuv asosida) Sh. Sagdullayev — Oliy Majlis Senati Fan, taʼlim va sogʻliqni saqlash masalalari qoʻmitasi aʼzosi (kelishuv asosida) I. Sultonov — Oliy Majlis Senati Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qoʻmitasi aʼzosi (kelishuv asosida) X. Meliyev — Oʻzbekiston Respublikasi adliya vazirining oʻrinbosari Sh. Xabibullayev — Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi raisi oʻrinbosari N. Nazirov — Oʻzbekiston Respublikasi uy-joy kommunal xizmat koʻrsatish vaziri oʻrinbosari R. Mamatov — Fuqarolarning oʻzini oʻzi boshqarish organlari faoliyatini muvofiqlashtirish Respublika kengashi raisining birinchi oʻrinbosari R. Ortiqova — Uy-joy fondini professional boshqaruvchi va unga xizmat koʻrsatuvchi tashkilotlar uyushmasi ijrochi direktori

Vazirlar Mahkamasining 2020-yil 7-fevraldagi 64-son qaroriga 2a-ILOVA

Toshkent shahrining Yakkasaroy tumani, Jizzax va Margʻilon shaharlarida Oʻzbekiston Respublikasining “Koʻp kvartirali uylarni boshqarish toʻgʻrisida”gi Qonuni normalarini aprobatsiya qilish yuzasidan huquqiy eksperiment oʻtkazish boʻyicha

HUDUDIY IShChI GURUH TARKIBI

(Toshkent shahri Yakkasaroy tumani)

N. Nazirov — Oʻzbekiston Respublikasi uy-joy kommunal xizmat koʻrsatish vaziri oʻrinbosari, hududiy ishchi guruh rahbari D. Xidoyatov — Toshkent shahar hokimining arxitektura, kapital qurilish va kommunikatsiyalarni rivojlantirish masalalari boʻyicha birinchi oʻrinbosari B. Raxmankulov — Toshkent shahar hokimining oʻrinbosari — uy-joy kommunal xizmat koʻrsatish bosh boshqarmasi boshligʻi V. Muratkabilov — Oliy Majlis Qonunchilik palatasi Sanoat, qurilish va savdo masalalari qoʻmitasi raisi (kelishuv asosida) Sh. Sagdullayev — Oliy Majlis Senati Fan, taʼlim va sogʻliqni saqlash masalalari qoʻmitasi aʼzosi (kelishuv asosida) R. Mamatov — Fuqarolarning oʻzini oʻzi boshqarish organlari faoliyatini muvofiqlashtirish Respublika kengashi raisining birinchi oʻrinbosari M. Nazarov — Xalq deputatlari Toshkent shahar Kengashi deputati (kelishuv asosida) Sh. Radjabov — Toshkent shahar koʻp xonadonli uy-joy fondidan foydalanishni nazorat qilish inspeksiyasi boshligʻi A. Sayfutdinov — Yakkasaroy tumani hokimi Sh. Yusupov — Yakkasaroy tumani prokurori oʻrinbosari F. Xaydarov — Yakkasaroy tumani ichki ishlar boʻlimi boshligʻi A. Rasulov — Yakkasaroy tumani davlat soliq inspeksiyasi boshligʻi A. Jabborov — Fuqarolarning oʻzini oʻzi boshqarish organlari faoliyatini muvofiqlashtirish boʻyicha Yakkasaroy tumani kengashi raisining birinchi oʻrinbosari D. Kamilov — Xalq deputatlari Yakkasaroy tumani Kengashi deputati (kelishuv asosida) A. Shamsikulov — Yakkasaroy tumani adliya boʻlimi boshligʻi X. Rashitxoʻjayev — Yakkasaroy tumani yer resurslari va davlat kadastri boʻlimi rahbari Sh. Raxmatov — Yakkasaroy tumani uy-joy kommunal xizmat koʻrsatish boʻlimi boshligʻi E. Zasipkin — “Bobur uyim kommunal servis” uy-joy mulkdorlari shirkati rahbari V. Kiryushin — “Kuch birlikda” uy-joy mulkdorlari shirkati rahbari Sh. Sarisakov — “Boshliq” boshqaruv servis kompaniyasi rahbari A. Dadaboyev — “Yakkasaroy birinchi” boshqaruv servis kompaniyasi rahbari

Vazirlar Mahkamasining 2020-yil 7-fevraldagi 64-son qaroriga 2b-ILOVA

Toshkent shahrining Yakkasaroy tumani, Jizzax va Margʻilon shaharlarida Oʻzbekiston Respublikasining “Koʻp kvartirali uylarni boshqarish toʻgʻrisida”gi Qonuni normalarini aprobatsiya qilish yuzasidan huquqiy eksperiment oʻtkazish boʻyicha

HUDUDIY IShChI GURUH TARKIBI

(Jizzax viloyati Jizzax shahri)

M. Saliyev — Oʻzbekiston Respublikasi uy-joy kommunal xizmat koʻrsatish vaziri, hududiy ishchi guruh rahbari A. Raxmonkulov — Jizzax viloyati hokimining oʻrinbosari Sh. Choʻlliyev — Oliy Majlis Senati Sud-huquq masalalari va korrupsiyaga qarshi kurashish qoʻmitasi raisining oʻrinbosari (kelishuv asosida) R. Siddiqov — Oliy Majlis Senati Agrar, suv xoʻjaligi masalalari va ekologiya qoʻmitasi raisining oʻrinbosari (kelishuv asosida) M. Ruzmetov — Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi raisi oʻrinbosari R. Ortiqova — Uy-joy fondini professional boshqaruvchi va unga xizmat koʻrsatuvchi tashkilotlar uyushmasi ijrochi direktori Sh. Umarov — Xalq deputatlari Jizzax viloyat Kengashi deputati (kelishuv asosida) M. Bobobekov — Jizzax viloyati uy-joy kommunal xizmat koʻrsatish boshqarmasi boshli�i A. Pardayev — Jizzax viloyati koʻp xonadonli uy-joy fondidan foydalanishni nazorat qilish inspeksiyasi boshligʻi A. Shukurov — Jizzax shahar hokimi B. Xolboyev — Jizzax shahar prokurori oʻrinbosari A. Muratov — Jizzax shahar ichki ishlar boʻlimi boshligʻi J. Axbut�ev — Jizzax shahar davlat soliq inspeksiyasi boshligʻi T. Toʻraqulov — Fuqarolarning oʻzini oʻzi boshqarish organlari faoliyatini muvofiqlashtirish boʻyicha Jizzax shahar kengashi raisining birinchi oʻrinbosari A. Suyarov — Xalq deputatlari Jizzax shahar Kengashi deputati (kelishuv asosida) A. Shoyjigitov — Jizzax shahar adliya boʻlimi boshligʻi B. Normatov — Jizzax shahar yer resurslari va davlat kadastri boʻlimi rahbari B. Gʻoyibnazarov — Jizzax shahar uy-joy kommunal xizmat koʻrsatish boʻlimi boshligʻi T. Boʻronova — “Yevro Aziya” uy-joy mulkdorlari shirkati rahbari

Vazirlar Mahkamasining 2020-yil 7-fevraldagi 64-son qaroriga 2v-ILOVA

Toshkent shahrining Yakkasaroy tumani, Jizzax va Margʻilon shaharlarida Oʻzbekiston Respublikasining “Koʻp kvartirali uylarni boshqarish toʻgʻrisida”gi Qonuni normalarini aprobatsiya qilish yuzasidan huquqiy eksperiment oʻtkazish boʻyicha

HUDUDIY IShChI GURUH TARKIBI

(Fargʻona viloyati Margʻilon shahri)

A. Erdonov — Oʻzbekiston Respublikasi Uy-joy kommunal xizmat koʻrsatish vazirligi huzuridagi Koʻp xonadonli uy-joy fondidan foydalanishni nazorat qilish inspeksiyasi boshligʻi, hududiy ishchi guruh rahbari D. Xodjiaxmedov — Fargʻona viloyati hokimining oʻrinbosari N. Tilavoldiyev — Oliy Majlis Qonunchilik palatasi Sanoat, qurilish va savdo masalalari qoʻmitasi raisining oʻrinbosari (kelishuv asosida) I. Sultonov — Oliy Majlis Senati Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qoʻmitasi aʼzosi (kelishuv asosida) X. Meliyev — Oʻzbekiston Respublikasi adliya vazirining oʻrinbosari Sh. Ermatov — Xalq deputatlari Fargʻona viloyat Kengashi deputati (kelishuv asosida) R. Raximjonov — Fargʻona viloyati uy-joy kommunal xizmat koʻrsatish boshqarmasi boshligʻi M. Joʻrayev — Fargʻona viloyati koʻp xonadonli uy-joy fondidanfoydalanishni nazorat qilish inspeksiyasi boshligʻi M. Ubaydullayev — Margʻilon shahar hokimi D. Karimov — Margʻilon shahar prokurori oʻrinbosari B. Najmiddinov — Margʻilon shahar ichki ishlar boʻlimi boshligʻi U. Yusupov — Margʻilon shahar davlat soliq inspeksiyasi boshligʻi Q. Mahsudov — Fuqarolarning oʻzini oʻzi boshqarish organlari faoliyatini muvofiqlashtirish boʻyicha Margʻilon shahar kengashi raisining birinchi oʻrinbosari O. Axmadshoyev — Xalq deputatlari Margʻilon shahar Kengashi deputati (kelishuv asosida) A. Madaliyev — Margʻilon shahar adliya boʻlimi boshligʻi U. Abdualiyev — Margʻilon shahar yer resurslari va davlat kadastri boʻlimi rahbari B. Bozorov — Margʻilon shahar uy-joy kommunal xizmat koʻrsatish boʻlimi boshligʻi M. Yunusova — “Uy-joy mehnat servis” uy-joy mulkdorlari shirkati rahbari N. Soliyeva — “Doʻstlik” uy-joy mulkdorlari shirkati rahbari