Oʻzbekiston Respublikasi Prezidenti apparati nazorat inspeksiyasi va uning joylardagi organlari moddiy bazasini mustahkamlash masalalari toʻgʻrisida (426-son)

09.11.1995

Oʻzbekiston Respublikasi Vazirlar Mahkamasining

qarori

Oʻzbekiston Respublikasi nazorat inspeksiyalari faoliyatini takomillashtirish hamda ularning moddiy bazasini mustahkamlash maqsadida Vazirlar Mahkamasi qaror qiladi:

1. Qoraqalpogʻiston Respublikasi Joʻqorgʻi Kengesi Raisi huzuridagi, viloyatlar, tumanlar va shaharlar hokimliklari apparati nazorat inspeksiyalarining tuzilmasi ilovaga muvofiq tasdiqlansin.

2. Belgilab qoʻyilsinki:

Qoraqalpogʻiston Respublikasi Joʻqorgʻi Kengesi Raisi huzuridagi, viloyatlar, tumanlar va shaharlar hokimliklari apparati nazorat inspeksiyalarini mablagʻ bilan taʼminlash Qoraqalpogʻiston Respublikasi budjeti va tegishli mahalliy budjetlar hisobiga amalga oshiriladi;

Qoraqalpogʻiston Respublikasi Joʻqorgʻi Kengesi Raisi huzuridagi viloyatlar, tumanlar va shaharlar hokimliklari apparati nazorat inspeksiyalari xodimlari mehnatga haq toʻlash, moddiy-maishiy taʼminot hamda tibbiy xizmat koʻrsatish shart-sharoitlari boʻyicha Qoraqalpogʻiston Respublikasi Joʻqorgʻi Kengesi, viloyatlar, tumanlar va shaharlar hokimliklari boʻlimlari xodimlarining tegishli toifalariga tenglashtiriladilar.

3. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Qoraqalpogʻiston Respublikasi budjeti va mahalliy budjetlar doirasida Qoraqalpogʻiston Respublikasi Joʻqorgʻi Kengesi Raisi huzuridagi, viloyatlar, Toshkent shahar, tumanlar va shaharlar hokimliklari apparatlari nazorat inspeksiyalarini yengil avtotransport bilan taʼminlasinlar.

4. Oʻzbekiston Respublikasi Vazirlar Mahkamasining “Oʻzbekiston Respublikasi Prezidentining “Respublikada davlat nazorati tizimini takomillashtirishga oid baʼzi tadbirlar toʻgʻrisida” 1994-yil 16-fevraldagi Farmonini bajarish boʻyicha chora-tadbirlar haqida” 1994-yil 1-martdagi 106-son qarori oʻz kuchini yoʻqotgan deb hisoblansin.

5. Mazkur qarorning bajarilishini nazorat qilish Bosh vazirning oʻrinbosari B.S. Hamidov, Oʻzbekiston Respublikasi Prezidentining Davlat maslahatchisi — Oʻzbekiston Respublikasi Prezidenti apparati Nazorat inspeksiyasi rahbari S.M. Mirsafoyev zimmasiga yuklansin.

Vazirlar Mahkamasining Raisi I. KARIMOV

Toshkent sh.,

1995-yil 9-noyabr,

426-son

Vazirlar Mahkamasining 1995-yil 9-noyabrdagi 426-son qaroriga ILOVA

Qoraqalpogʻiston Respublikasi Joʻqorgʻi Kengesi Raisi huzuridagi, viloyatlar, tumanlar, shaharlar hokimliklari apparati nazorat inspeksiyalarining

TUZILMASI