Davlat xizmatlari koʻrsatish milliy tizimini jadal rivojlantirish boʻyicha qoʻshimcha chora-tadbirlar toʻgʻrisida (PF-5930-son)
31.01.2020
Oʻzbekiston Respublikasi Prezidentining
Farmoni
Mamlakatimizda soʻnggi yillarda aholiga davlat xizmatlari koʻrsatish tizimi izchil va tizimli isloh qilinmoqda hamda takomillashtirilmoqda. Har bir tumanda (shaharda) Davlat xizmatlari markazlari tashkil etildi va 2019-yil davomida ular tomonidan 13 mln.ga yaqin xizmatlar koʻrsatildi.
Bugungi kunda ayrim hududlarda koʻrsatilayotgan davlat xizmatlari soni 130 taga yetdi, mijozlar soni esa kuniga 300 dan 1,5 minggacha odamni tashkil etmoqda.
Shu bilan birga, davlat xizmatlaridan foydalanish uchun murojaat etuvchi aholi va tadbirkorlik subyektlarining soni doimiy ravishda oʻsib borishi mazkur sohani takomillashtirish boʻyicha qoʻshimcha choralar koʻrilishini talab etmoqda.
Aholiga qulay shart-sharoitlar yaratish hamda davlat xizmatlari koʻrsatish tizimiga zamonaviy axborot-kommunikatsiya texnologiyalarini joriy etish davom ettirilishini taʼminlash maqsadida:
2. Oʻzbekiston Respublikasi Prezidenti huzuridagi Loyiha boshqaruvi milliy agentligi va Oʻzbekiston Respublikasi Adliya vazirligining Tadbirkorlik subyektlarini davlat roʻyxatidan oʻtkazish va hisobga qoʻyishning avtomatlashtirilgan tizimini Agentlikka oʻtkazish toʻgʻrisidagi taklifi maʼqullansin.
3. Adliya vazirligiga Tadbirkorlik subyektlarini davlat roʻyxatidan oʻtkazish va hisobga qoʻyishning avtomatlashtirilgan tizimini yuritish va texnik qoʻllab-quvvatlash hamda uni Yuridik shaxslarning markaziy maʼlumotlar bazasi bilan integratsiya qilish va idoralararo elektron hamkorlikni bepul taʼminlash boʻyicha qoʻshimcha vazifalar yuklatilsin.
4. Quyidagilar:
2020-yil 1-apreldan Toshkent shahrida faqat Yagona interaktiv davlat xizmatlari portali hamda davlat va xoʻjalik boshqaruvi organlari, mahalliy davlat hokimiyati organlarining rasmiy veb-saytlari orqali koʻrsatiladigan davlat xizmatlari roʻyxati 1-ilovaga muvofiq;
Davlat xizmatlari koʻrsatishda qoʻllaniladigan elektron maʼlumotlar bazalarini shakllantirish uchun mashinada oʻqiladigan formatda raqamlashtirilishi lozim boʻlgan maʼlumotlar roʻyxati 2-ilovaga muvofiq;
Davlat xizmatlari markazlari orqali koʻrsatiladigan Davlat xizmatlarini koʻrsatishni takomillashtirish boʻyicha “Yoʻl xaritasi” 3-ilovaga muvofiq tasdiqlansin.
5. Mazkur Farmonning 2-ilovasida koʻrsatilgan vazirlik va idoralar rahbarlari zimmasiga elektron maʼlumot bazalarini oʻz vaqtida va sifatli shakllantirish hamda maʼlumotlarni raqamlashtirish yuzasidan shaxsiy javobgarlik yuklansin.
6. Oʻzbekiston Respublikasi Adliya vazirligi, Fuqarolarning oʻzini oʻzi boshqarish organlari faoliyatini muvofiqlashtirish boʻyicha respublika kengashi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining shaharlar, shaharchalar, qishloqlar va ovullardagi mahallalarda (keyingi oʻrinlarda — mahallalar) yuridik shaxs tashkil etmagan holda Davlat xizmatlari markazlari filiallarini (keyingi oʻrinlarda — Filiallar) bosqichma-bosqich tashkil etish toʻgʻrisidagi taklifiga rozilik berilsin.
7. Quyidagilar Filiallarning asosiy vazifalari etib belgilansin:
jismoniy va yuridik shaxslarga keng qamrovli, shu jumladan mobil (sayyor) davlat xizmatlarini koʻrsatish;
fuqarolarning elektron davlat xizmatlaridan foydalanish madaniyatini oshirish, Yagona interaktiv davlat xizmatlari portalidan foydalanishning boshlangʻich koʻnikmalari boʻyicha maslahatlar berish;
tegishli hudud aholisini koʻrsatiladigan davlat xizmatlari haqida muntazam xabardor qilib borish.
8. Fuqarolarning oʻzini oʻzi boshqarish organlari faoliyatini muvofiqlashtirish boʻyicha respublika kengashining Filiallarni mahallalarning fuqarolar yigʻinlari binolarida bepul foydalanish huquqi asosida joylashtirish toʻgʻrisidagi taklifi qabul qilinsin.
9. Belgilansinki:
Filiallar, zarur hollarda, alohida, shu jumladan davlat-xususiy sherikchilik shartlari asosida, shuningdek, adliya organlari va muassasalarining budjetdan tashqari mablagʻlari hisobidan qurilgan binolarda joylashtirilishi mumkin;
Filiallarni tashkil etish, shu jumladan xodimlarning mehnatiga haq toʻlash, ularni moddiy ragʻbatlantirish va ijtimoiy himoya qilish bilan bogʻliq xarajatlar adliya organlari va muassasalarining budjetdan tashqari mablagʻlari hisobidan, Filiallar uchun alohida binolarni mebel, tashkiliy texnika va jihozlar bilan taʼminlash esa mahalliy budjetlar va qonun hujjatlari bilan taqiqlanmagan boshqa mablagʻlar hisobidan qoplanadi.
10. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Adliya vazirligining buyurtmanomalari boʻyicha Filiallarning belgilangan tartibda Internet tarmogʻiga ulanishini taʼminlasin.
13. Sugʻurta kompaniyalariga Davlat xizmatlari markazlari egallab turgan binolarda va hududlarda transport vositalari egalarining fuqarolik javobgarligini majburiy sugʻurta qilish shartnomalarini tuzish hamda majburiy sugʻurta qilish boʻyicha xizmatlar reklamasini joylashtirish huquqi berilsin.
14. Belgilansinki:
tadbirkorlik subyektlarini davlat roʻyxatidan oʻtkazish uchun davlat boji summasining 80 foizi miqdoridagi mablagʻlar hamda Davlat xizmatlari markazlari va Filiallar orqali koʻrsatiladigan davlat xizmati uchun toʻlanadigan davlat bojlari, yigʻimlar (avtotransport vositalari oynalarining tusini oʻzgartirishga (qoraytirish)ga ruxsatnoma berish boʻyicha davlat xizmatlari bundan mustasno) va barcha turdagi toʻlovlar summasining 18 foizi miqdoridagi mablagʻlar Adliya vazirligining Davlat xizmatlarini rivojlantirish jamgʻarmasi shaxsiy hisobvaragʻiga oʻtkaziladi;
Yagona billing tizimi orqali davlat xizmatlari koʻrsatilganligi uchun davlat bojlari va boshqa toʻlovlar summasining Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotni idoralararo loyihalarini moliyalashtirish boʻyicha maxsus hisob raqamiga oʻtkaziladigan 1 foizi miqdoridagi mablagʻlar 0,5 foizga kamaytiriladi;
Xizmatchilarning asosiy lavozimlari va ishchilarning kasblari klassifikatori ishga qabul qilishda taʼlimning minimal darajasi va ishchilarga kasbi boʻyicha malakaviy razryadlarni belgilash qismida davlat xizmatlari markazlarida qoʻllash uchun, istisno tariqasida, tavsiyaviy xaraktyerga ega boʻladi.
15. Oʻzbekiston Respublikasi Prezidenti huzuridagi Loyiha boshqaruvi milliy agentligi:
Agentlik bilan birgalikda 2020-yil 1-mayga qadar talab eng yuqori boʻlgan elektron davlat xizmatlarini koʻrsatish boʻyicha ixtisoslashtirilgan mobil ilovaning toʻliq shakli joriy etilishi va keyinchalik tizimli asosda takomillashtirib borilishini taʼminlasin;
ikki oy muddatda xizmatdan foydalanuvchilar tomonidan elektron raqamli imzodan foydalanmasdan identifikatsiyalashning muqobil mexanizmlarini joriy qilgan holda Internet tarmogʻi orqali davlat xizmatlaridan foydalanish imkoniyatini joriy etish toʻgʻrisida Oʻzbekiston Respublikasi Vazirlar Mahkamasiga taklif kiritsin.
16. Oʻzbekiston Respublikasi Prezidentining ayrim hujjatlariga 4-ilovaga muvofiq oʻzgartirishlar kiritilsin.
17. Oʻzbekiston Respublikasi Adliya vazirligi manfaatdor vazirlik va idoralar bilan birgalikda:
2020-yil 1-aprelga qadar Davlat xizmatlari markazlari orqali koʻrsatiladigan barcha davlat xizmatlarini tahlil qilsin va davlat xizmatlarini koʻrsatishdagi idoralararo va ichki idoraviy tartib-taomillarni soddalashtirish boʻyicha choralarni koʻrsin;
Davlat xizmatlari markazlari va ularning Filiallari xodimlarini tayyorlash, qayta tayyorlash va ularning malakasini, shu jumladan, psixologiya boʻyicha kurslardan oʻtgan holda oshirish tizimining doimiy asosda takomillashtirilishini taʼminlasin;
2020-yil 1-mayga qadar Filiallarni mahalla yoki bir nechta mahallalarning ehtiyojini, shu jumladan ulardagi aholi soni, Davlat xizmatlari markazlaridan uzoqligini tahlil qilish asosida tashkil etish boʻyicha minimal tashkiliy-texnik talablar, shuningdek, Filiallar tomonidan koʻrsatiladigan davlat xizmatlari roʻyxatini ishlab chiqsin va tasdiqlasin;
2021-yil 1-yanvardan boshlab davlat xizmatlarini aholi gavjum boʻlgan va jamoat joylarida (diniy muassasalar, aeroportlar, vokzallar, metro bekatlari, savdo-koʻngilochar komplekslar) oʻrnatiladigan interaktiv infokiosklar orqali oʻziga oʻzi xizmat qilish tamoyili asosida koʻrsatish tartibini joriy etsin;
2021-yil 1-yanvarga qadar davlat xizmatlari koʻrsatishning minimal talablari va standartlarini nazarda tutuvchi normativ-huquqiy hujjatlar loyihalarini ishlab chiqsin va belgilangan tartibda Oʻzbekiston Respublikasi Vazirlar Mahkamasiga kiritsin;
ikki oy muddatda qonun hujjatlariga mazkur Farmondan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
18. Mazkur Farmon ijrosini nazorat qilishning quyidagi tartibi oʻrnatilsin:
Oʻzbekiston Respublikasi Prezidenti maslahatchisining oʻrinbosari U.Sh. Tashxodjayev — mazkur Farmonning sifatli, toʻliq va oʻz vaqtida ijro etilishi, masʼul vazirlik va idoralarning faoliyatini samarali tashkil etish va muvofiqlashtirish, ular rahbarlarining koʻrilgan choralar haqidagi har oylik hisobotlarini eshitish, aniqlangan muammo va kamchiliklarni tezkor bartaraf etishni taʼminlasin;
Oʻzbekiston Respublikasi adliya vaziri R.K. Davletov va Oʻzbekiston Respublikasi axborot texnologiyalari va kommunikatsiyalarini rivojlantirish vaziri Sh.M. Sadikov — Davlat xizmatlari markazlari orqali koʻrsatiladigan davlat xizmatlarini koʻrsatishni takomillashtirish boʻyicha “Yoʻl xaritasi”ning ijrosi boʻyicha barcha zarur choralar koʻrilishi, mazkur Farmonning oʻz vaqtida ijro etilishida masʼul tashkilotlarga har tomonlama uslubiy va amaliy yordam berilishini taʼminlasin, shuningdek, har chorakda Oʻzbekiston Respublikasi Prezidenti Administratsiyasiga uning amalga oshirilishi jarayoni toʻgʻrisida batafsil maʼlumot taqdim etsin;
Oʻzbekiston Respublikasi adliya vaziri R.K. Davletov — mahallalarning ehtiyojini, aholi soni va markazlardan uzoqligini inobatga olgan holda ularda filiallar tashkil etilishi va keyinchalik faoliyat yuritishi, ularning yuqori malakali kadrlar bilan toʻldirilishi, Tadbirkorlik subyektlarini davlat roʻyxatidan oʻtkazish va hisobga qoʻyishning avtomatlashtirilgan tizimi uzluksiz ishlashi va doimiy takomillashtirib borilishi, Vazirlik tizimi uchun kadrlarni tayyorlash, qayta tayyorlash va malakasini oshirishning zamonaviy standartlari joriy etilishini taʼminlasin.
masʼul vazirlik va idoralar rahbarlari — idoraviy axborot tizimlari oʻz vaqtida va sifatli ishlab chiqilishi, ularning davlat xizmatlari koʻrsatish tizimi bilan integratsiya qilinishi, shuningdek, davlat xizmatlari koʻrsatilishi uchun maʼlumotlar raqamlashtirilishini taʼminlasin;
Qoraqalpogʻiston Respublikasi Vazirlar Kengashi raisi, viloyatlar va Toshkent shahar hokimlari — axborot tizimlari oʻz vaqtida va sifatli ishlab chiqilishi, ularning davlat xizmatlarini koʻrsatish tizimi bilan integratsiya qilinishini taʼminlasin, shuningdek, filiallarni tashkil etish va ularning samarali faoliyat yuritishida yordam koʻrsatsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 31-yanvar,
PF-5930-son
Oʻzbekiston Respublikasi Prezidentining 2020-yil 31-yanvardagi PF-5930-son Farmoniga 1-ILOVA
2020-yil 1-apreldan Toshkent shahrida faqat Yagona interaktiv davlat xizmatlari portali hamda davlat va xoʻjalik boshqaruvi organlari, mahalliy davlat hokimiyati organlarining rasmiy veb-saytlari orqali koʻrsatiladigan davlat xizmatlari
ROʻYXATI
T/r Davlat xizmatining nomlanishi 1. Oʻzbekiston Respublikasining Qizil kitobiga kiritilmagan yovvoyi oʻsimliklar va ularning qismlarini olib kirish va olib chiqishga ruxsatnoma 2. Oʻzbekiston Respublikasining Qizil kitobiga kiritilmagan yovvoyi hayvonlar, ularning qismlari, hayot faoliyati mahsulotlari, zoologiya kolleksiyalari, trofeylar, tulumlarni olib kirish va olib chiqishga ruxsatnoma 3. Oʻzbekiston Respublikasining Qizil kitobiga kiritilmagan yovvoyi hayvonlarni saqlash va koʻpaytirish boʻyicha pitomnikni, shuningdek, zoologik kolleksiyalarni hisobga qoʻyish toʻgʻrisidagi guvohnoma 4. Tadbirkorlik subyektlari yagona davlat reyestridan tadbirkorlik subyektining oʻzi toʻgʻrisida koʻchirma 5. Tadbirkorlik subyektlari yagona davlat reyestridan koʻchirma, maxfiy axborot bundan mustasno 6. Tadbirkorlik subyektlari yagona davlat reyestridan soʻralayotgan axborot va (yoki) hujjat mavjud emasligi toʻgʻrisida maʼlumotnoma berish 7. Tadbirkorlik subyektlari yagona davlat reyestridan tadbirkorlik subyektlari roʻyxatini elektron shaklda berish, olish imkoniyati qonun hujjatlari bilan cheklangan maʼlumotlar bundan mustasno 8. Manzil-maʼlumot axborotlarini taqdim etish 10. Yakka tartibdagi tadbirkorning roʻyxatdan oʻtkazilganlik toʻgʻrisidagi guvohnomasini toʻxtatib turish
Oʻzbekiston Respublikasi Prezidentining 2020-yil 31-yanvardagi PF-5930-son Farmoniga 2-ILOVA
Davlat xizmatlari koʻrsatishda qoʻllaniladigan elektron maʼlumotlar bazalarini shakllantirish uchun mashinada oʻqiladigan formatda raqamlashtirilishi lozim boʻlgan maʼlumotlar
ROʻYXATI
T/r Masʼul vazirlik va idoralar Davlat xizmatining nomlanishi Raqamlashtirilishi lozim boʻlgan hujjatlar soni Ijro muddati Moliyalashtirish manbalari 1. Oʻzbekiston Respublikasi Bandlik va mehnat munosabatlari vazirligi Ishchining bandligini tasdiqlovchi hujjatlar (mehnat daftarchasi) 5200 000 2021-yil Bandlik va mehnat munosabatlari vazirligining budjetdan tashqari mablagʻlari 2. Oʻzbekiston Respublikasi Xalq taʼlimi vazirligi Maktab bitiruvchilarining shahodatnomalari reyestri 3000 000 2023-yil Xalq taʼlimi vazirligining budjetdan tashqari mablagʻlari yoki grantlar 3. Oʻzbekiston Respublikasi Oliy va oʻrta maxsus taʼlim vazirligi Kollej va litseylar bitiruvchilarining shahodatnomalari reyestri 5901 400 2022-yil Oliy va oʻrta maxsus taʼlim vazirligining budjetdan tashqari mablagʻlari 4. Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi Kadastr ishi 5600000 2021-yil Grant mablagʻlari 5. Oʻzbekiston Respublikasi Oliy va oʻrta maxsus taʼlim vazirligi Oliy taʼlim muassasalari bitiruvchilarining diplomlari haqida maʼlumotnoma 1316 983 2022-yil Oliy va oʻrta maxsus taʼlim vazirligining budjetdan tashqari mablagʻlari yoki grantlar 6. Oʻzbekiston Respublikasi Sogʻliqni saqlash vazirligi Nogironlikni tasdiqlovchi maʼlumotnoma, shu jumladan 16 yoshgacha boʻlgan bolalar uchun ularning nogironligini tasdiqlovchi tibbiy xulosa 135 915 2023-yil Sogʻliqni saqlash vazirligining budjetdan tashqari mablagʻlari 7. Oʻzbekiston Respublikasi Davlat aktivlarini boshqarish agentligi Alohida uy (uyning bir qismi) yoki kvartirani, shu jumladan idoralarga qarashli uy-joy fondiga tegishli boʻlgan uyni (uyning bir qismini) yoki kvartirani xususiylashtirgan fuqarolarga mulk huquqini beruvchi davlat orderi 589670 2022-yil Davlat aktivlarini boshqarish agentligining budjetdan tashqari mablagʻlari
Izoh. Mazkur roʻyxatda koʻrsatilgan hujjatlar bazasi 2020-yil 1-maydan boshlab majburiy tartibda elektron shaklda ham yuritiladi.
Oʻzbekiston Respublikasi Prezidentining 2020-yil 31-yanvardagi PF-5930-son Farmoniga 3-ILOVA
Davlat xizmatlari markazlari orqali koʻrsatiladigan davlat xizmatlarini koʻrsatishni takomillashtirish boʻyicha
“YOʻL XARITASI”
T/r Davlat xizmati turi Mavjud kamchiliklar Chora-tadbir nomi Moliyalashtirish manbalari Amalga oshirish muddati I. Oʻzbekiston Respublikasi Ichki ishlar vazirligi 1. Sudlanganlik haqida maʼlumotnoma berish. 1. Davlat organlari tomonidan sudlanganlik haqida maʼlumotnomaning talab qilinishi fuqarolarga qoʻshimcha ovoragarchilik va noqulayliklar yaratmoqda. 1. Fuqarolardan sudlanganlik �aqida maʼlumotnomani talab qiluvchi davlat organlari uchun mijoz oynasi (qismi)ni yaratishni inobatga olgan holda axborot tizimini takomillashtirish. Fuqarodan rozilik olgan holda davlat organlari tomonidan idoralararo, shu jumladan elektron hamkorlik hisobiga fuqarodan sudlanganlik haqida maʼlumotnomani talab qilish tartibini bekor qilish. Budjetdan tashqari mablagʻlar, grant va qonun hujjatlari bilan taqiqlanmagan boshqa mablagʻlar 2020-yil 1-sentabrga qadar 2. Raqamlashtirilgan maʼlumotlarda nomuvofiqliklar mavjudligi davlat xizmatlari koʻrsatish muddatlari choʻzilishiga olib keladi. 2. Axborot tizimida maʼlumotlar nomuvofiqligini aniqlash va bartaraf etish. 2021-yil 1-yanvarga qadar 3. Raqamlashtirish yakunlanmaganligi davlat xizmatini avtomatlashtirilgan tartibda koʻrsatishga toʻsqinlik qilmoqda. 3. Maʼlumotlarning raqamlashtirilishini yakunlash. 2021-yil 1-yanvarga qadar — 35 foiz; 2022-yil 1-yanvarga qadar — 70 foiz; 2023-yil 1-yanvarga qadar — 100 foiz 4. Advokat himoyasidagi shaxsning sudlanganlik toʻgʻrisidagi maʼlumotnomasini olish imkoni boʻlmaganligi uning faoliyatiga salbiy taʼsir koʻrsatmoqda. 4. Advokat tomonidan order taqdim etilganida unga oʻz himoyasidagi shaxsning sudlanganlik toʻgʻrisidagi maʼlumotnomasini taqdim etish, shuningdek, MDH davlatlari fuqarolarida jismoniy shaxsning shaxsiy identifikatsiya raqami boʻlganida ularga sudlanganlik toʻgʻrisidagi maʼlumotnomani berishni nazarda tutuvchi qoʻshimchalarni Maʼmuriy reglamentga kiritish. — 2020-yil 1-mayga qadar 2. Manzil-maʼlumot axborotlarini taqdim etish. 1. Davlat organlari tomonidan manzil-maʼlumot axborotlarining talab qilinishi fuqarolarga qoʻshimcha ovoragarchilik va noqulayliklar yaratmoqda. 1. Manzil-maʼlumot axborotlarini taqdim etish axborot tizimini fuqarolardan manzil-maʼlumot axborotlarini talab qiluvchi davlat organlariga tizimga ulanish imkonini berish orqali takomillashtirish hisobiga davlat organlari tomonidan fuqarolardan manzil-maʼlumot axborotlarini talab qilish tartibini bekor qilish. Budjetdan tashqari mablagʻlar, grant va qonun hujjatlari bilan taqiqlanmagan boshqa mablagʻlar 2020-yil 1-sentabrga qadar 2. Raqamlashtirilgan maʼlumotlarda nomuvofiqliklar mavjudligi davlat xizmatlari koʻrsatish muddatlari choʻzilishiga olib keladi. 2. Axborot tizimida maʼlumotlar nomuvofiqligini aniqlash va bartaraf etish. 2021-yil 1-yanvarga qadar 3. Raqamlashtirish yakunlanmaganligi davlat xizmatini avtomatlashtirilgan tartibda koʻrsatishga toʻsqinlik qilmoqda. 3. Maʼlumotlarning raqamlashtirilishini yakunlash. 2021-yil 1-yanvarga qadar — 35 foiz; 2022-yil 1-yanvarga qadar — 70 foiz; 2023-yil 1-yanvarga qadar — 100 foiz 3. Milliy haydovchilik guvohnomasini yangi namunadagi guvohnomaga almashtirish. Milliy haydovchilik guvohnomasini Davlat xizmatlari markazlari orqali almashtirishning soddalashtirilgan tartibi 2020-yil 31-dekabrga qadar davom etadi. 2021-yil 1-yanvardan boshlab qoʻshimcha hujjatlar talab qilinuvchi (imtihon varagʻi, tibbiy maʼlumotnoma va boshqalar) yangi tartib amalga kiritilib, fuqarolarning ushbu xizmatdan foydalanishi qiyinlashadi. Qonun hujjatlariga eski milliy haydovchilik guvohnomasini yangi namunadagi guvohnomaga eski namunadagi milliy haydovchilik guvohnomasi va shaxsni tasdiqlovchi hujjatdan boshqa qoʻshimcha hujjatlar talab qilishga yoʻl qoʻymagan holda almashtirishning amaldagi tartibi saqlab qolinishini nazarda tutuvchi oʻzgartirish kiritish. Budjetdan tashqari mablagʻlar, grant va qonun hujjatlari bilan taqiqlanmagan boshqa mablagʻlar 2020-yil 1-mayga qadar II. Oʻzbekiston Respublikasi Maktabgacha taʼlim vazirligi 4. Bolalarni davlat maktabgacha taʼlim muassasalariga qabul qilish. 1. Maʼlumotlarni tekshirish mexanizmi avvaldan mavjud boʻlmaganligi tufayli axborot tizimida saqlanayotgan arizalarda xatolar mavjudligi bolalarni davlat maktabgacha taʼlim muassasalariga qabul qilishda navbatlar buzilishiga olib kelmoqda. 1. Davlat maktabgacha taʼlim muassasalariga qabul qilish boʻyicha arizalarni xatlovdan oʻtkazish. Budjetdan tashqari mablagʻlar, grant va qonun hujjatlari bilan taqiqlanmagan boshqa mablagʻlar 2020-yil 1-avgustga qadar 2. Maktabgacha taʼlim muassasalari haqidagi maʼlumotlarga oʻzgartirish kiritish imkoniyati mavjudligi navbatlar shakllanishida aralash�vlarga olib kelishi mumkin. 2. Axborot tizimiga kiritilgan maʼlumotlarni himoyalash va mustahkamlash uchun “blokcheyn” texnologiyalarini joriy etish. 2020-yil 1-sentabrga qadar 5. 3. Alohida toifadagi shaxslarga qonun hujjatlarida nazarda tutilgan imtiyozlar fuqarolarning maktabgacha taʼlimdan foydalanish imkoniyatida teng huquqlilikni cheklamoqda. 3. Qonun hujjatlariga davlat maktabgacha taʼlim muassasalariga qabul qilishdagi imtiyozlarning sezilarli qisqartirilishini nazarda tutuvchi oʻzgartirishlar kiritish. — 2020-yil 1-iyulga qadar III. Oʻzbekiston Respublikasi Qurilish vazirligi 6. 1. Bino va inshootning tashqi koʻrinishini oʻzgartirishni kelishish. 2. Obyektni qayta ixtisoslashtirish va rekonstruksiya qilish uchun ruxsatnoma berish. 3. Qurilish-montaj ishlari boshlanganligi haqida xabar berish. 4. Turar joyni noturar joy toifasiga oʻtkazishga ruxsatnoma berish. 5. Loyiha-smeta hujjatlarini kelishish hamda obyektning zilzilaga bardoshliligi va yongʻin xavfsizligi boʻyicha ekspertizadan oʻtkazish. 6. Yakka tartibda uy-joy qurishga (rekonstruksiya qilishga) ruxsatnoma berish. 7. Arxitektura-shaharsozlik hujjatlarini ishlab chiqish faoliyatini litsenziyalash. 8. Qurilishda ekspertiza tashkilotlari akkreditatsiyasi. 9. Arxitektura-rejalashtirish topshirigʻini ishlab chiqish. 1. Davlat xizmatlari koʻrsatish uchun masʼul xodimlarning moddiy-texnik taʼminoti yetarli darajada amalga oshirilmayapti va bu holat davlat xizmatlari taqdim etilishiga salbiy taʼsir koʻrsatmoqda. 1. Davlat xizmatlari koʻrsatish uchun masʼul xodimlarni lozim darajadagi moddiy-texnik baza bilan taʼminlash. Budjetdan tashqari mablagʻlar, grant va qonun hujjatlari bilan taqiqlanmagan boshqa mablagʻlar 2021-yil 1-yanvarga qadar 2. Axborot tizimi mavjud boʻlmaganligi sababli integratsiya qilinmagan. 2. Axborot tizimini ishlab chiqish va davlat xizmatlari koʻrsatish tizimi bilan integratsiya qilish. 2021-yil 1-yanvarga qadar 3. Mavjud maʼlumotlar raqamlashtirilmagan. 3. Mavjud maʼlumotlarni raqamlashtirish. 2020-yil 1-sentabrga qadar — 50 foiz; 2021-yil 1-aprelga qadar — 100 foiz 4. Viloyat miqyosidagi hududiy qurilish boshqarmalarining ish yuklamasi koʻpligi bino va inshoot tashqi koʻrinishini oʻzgartirishni kelishishda davlat xizmatlari koʻrsatish jarayonining choʻzilib ketishiga asosiy sabab boʻlmoqda. 4. Bino va inshoot tashqi koʻrinishini oʻzgartirishni kelishish vakolatini hududiy boshqarmalardan tuman qurilish boʻlimlariga berish. Budjetdan tashqari mablagʻlar, grant va qonun hujjatlari bilan taqiqlanmagan boshqa mablagʻlar 2021-yil 1-yanvarga qadar IV. Oʻzbekiston Respublikasi Sogʻliqni saqlash vazirligi 7. 1. Tibbiy faoliyatni litsenziyalash. 2. Farmatsevtika faoliyatini litsenziyalash. 3. Dori vositalari va tibbiy buyumlarni chakana realizatsiya qilishni litsenziyalash Axborot tizimi mavjud boʻlmaganligi sababli integratsiya qilinmagan. Axborot tizimini ishlab chiqish va davlat xizmatlari koʻrsatish tizimi bilan integratsiya qilish. Budjetdan tashqari mablagʻlar, grant va qonun hujjatlari bilan taqiqlanmagan boshqa mablagʻlar 2020-yil 1-sentabrga qadar V. Oʻzbekiston Respublikasi Xalq taʼlimi vazirligi 8. Oʻrta maxsus va oʻrta taʼlim toʻgʻrisidagi hujjat nostrifikatsiyasi. Axborot tizimi mavjud boʻlmaganligi sababli integratsiya qilinmagan. Axborot tizimini ishlab chiqish va davlat xizmatlari koʻrsatish tizimi bilan integratsiya qilish. Budjetdan tashqari mablagʻlar, grant va qonun hujjatlari bilan taqiqlanmagan boshqa mablagʻlar 2020-yil 1-sentabrga qadar 9. Nodavlat taʼlim muassasalarining chet tillarni oʻrgatish faoliyatini litsenziyalash. Taʼlimni litsenziyalash sohasida xizmatlar koʻrsatish Xalq taʼlimi vazirligi faoliyati ixtisosligiga mos kelmaydi. Nodavlat taʼlim muassasalarining chet tillarni oʻrgatish faoliyatini litsenziyalash boʻyicha vakolatni Vazirlar Mahkamasi huzuridagi Taʼlim sifatini nazorat qilish davlat inspeksiyasiga oʻtkazish. — 2020-yil 1-martga qadar VI. Oʻzbekiston Respublikasi Bandlik va mehnat munosabatlari vazirligi 10. 1. Haq toʻlanadigan jamoat ishlariga jalb qilish uchun ariza. 2. Fuqaroni ishsiz sifatida roʻyxatga olish. 3. Ishsizlik nafaqasini tayinlash. Xizmat oʻziga xosligi sabab masʼul organ xodimi bilan bevosita muloqot talab etilmoqda, bu esa ushbu xizmatni “yagona darcha” tamoyili boʻyicha koʻrsatishga imkon bermayapti. Xizmatni Davlat xizmatlari markazlari orqali koʻrsatish tartibini bekor qilish va axborot tizimini ishlab chiqish. Budjetdan tashqari mablagʻlar, grant va qonun hujjatlari bilan taqiqlanmagan boshqa mablagʻlar 2020-yil 1-mayga qadar VII. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi 11. 1. Oʻz tarmogʻini yaratish huquqisiz maʼlumotlarni uzatish tarmoqlari orqali provayder xizmatlari koʻrsatishga litsenziya. 2. Telekommunikatsiya tarmoqlarini loyihalashtirishga litsenziya. Axborot tizimi mavjud boʻlmaganligi sababli integratsiya qilinmagan. Axborot tizimini ishlab chiqish va davlat xizmatlari koʻrsatish tizimi bilan integratsiya qilish. Budjetdan tashqari mabl�gʻlar, grant va qonun hujjatlari bilan taqiqlanmagan boshqa mablagʻlar 2020-yil 1-sentabrga qadar VIII. Oʻzbekiston Respublikasi Jismoniy tarbiya va sport vazirligi 12. Sport inshooti pasportini berish. 1. Maʼmuriy reglament qabul qilinishi zarur. 1. Maʼmuriy reglament tasdiqlanishi uchun tegishli choralar koʻrish. — 2020-yil 1-aprelga qadar 2. Normativ-huquqiy hujjat qabul qilinmaganligi sababli mavjud axborot tizimlari integratsiya qilinmagan. 2. Axborot tizimlari integratsiyasini yakunlash. — 2020-yil 1-iyunga qadar IX. Oʻzbekiston Respublikasi Madaniyat vazirligi 13. Moddiy madaniy merosning koʻchmas mulk obyektlarini asrashga doir faoliyatni litsenziyalash. Axborot tizimini integratsiya qilish ishlari yakunlanmagan. Integratsiya ishlarini toʻliq yakunlash. Budjetdan tashqari mablagʻlar, grant va qonun hujjatlari bilan taqiqlanmagan boshqa mablagʻlar 2020-yil 1-fevralga qadar X. Oʻzbekiston Respublikasi Adliya vazirligi 14. Tugʻilganlik haqidagi tibbiy maʼlumotnoma, bolani davlat maktabgacha taʼlim muassasasiga qabul qilish, yashash joyi boʻyicha roʻyxatga olish, poliklinikaga hisobga qoʻyish. Aholiga qulaylik yaratish maqsadida oʻzaro bogʻliq davlat xizmatlarini kompleks tarzda koʻrsatish zarur. Toshkent shahri va respublikaning boshqa viloyatlarida bola tugʻilishi bilan bogʻliq kompozit davlat xizmatlarini bosqichma-bosqich joriy etish. Budjetdan tashqari mablagʻlar, grant va qonun hujjatlari bilan taqiqlanmagan boshqa mablagʻlar 2020-yil 1-iyuldan boshlab XI. Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi 15. Fuqarolarning nomida turar joy mavjud yoki yoʻqligi haqida maʼlumotnoma. 1. Maʼlumotnomani berish muddatlari normativ-huquqiy hujjat bilan aniq belgilanmagan. 1. Qonun hujjatlariga fuqarolarning nomida turar joy mavjud yoki yoʻqligi haqida maʼlumotnomani berish muddatlarini belgilash va ushbu davlat xizmatini Davlat xizmatlari markazlari va Yagona interaktiv davlat xizmatlari portali orqali koʻrsatish tartibini nazarda tutuvchi oʻzgartirishlar kiritish. — 2020-yil 1-iyulga qadar 2. Davlat organlari tomonidan fuqarolardan nomida turar joy mavjud yoki yoʻqligi haqida maʼlumotnomaning talab qilinishi ularga noqulayliklar tugʻdirmoqda. Shuningdek, xizmatning narxi ham norozilik keltirib chiqarmoqda, chunki avval mazkur xizmat bepul boʻlgan. 2. Davlat organlari tomonidan fuqarolardan nomida turar joy mavjud yoki yoʻqligi haqida maʼlumotnoma talab qilinishini idoralararo elektron hamkorlikni yoʻlga qoʻyish hisobiga bekor qilish. — 16. Qurilishi tugallangan obyektlarni foydalanishga qabul qilish. Bugungi kunda, obyektlarni foydalanishga qabul qilish dalolatnomasi va koʻchmas mulk davlat roʻyxatidan oʻtkazilganligi toʻgʻrisidagi reyestrdan koʻchirma bir vaqtda taqdim etilmoqda. Bunda, fuqarolar kadastr pasportini olish uchun Davlat xizmatlari markazlariga alohida murojaat qilishmoqda, holbuki, mazkur hujjatni yuqorida qayd etilgan hujjatlar bilan bir vaqtda olish imkoni ham mavjud. Kadastr pasporti, obyektni foydalanishga qabul qilish dalolatnomasi, koʻchmas mulk davlat roʻyxatidan oʻtkazilganligi toʻgʻrisidagi reyestrdan koʻchirmani Davlat xizmatlari markazlari va Yagona interaktiv davlat xizmatlari portaliga murojaat qilish orqali bir vaqtda olishni nazarda tutuvchi normativ-huquqiy hujjat loyihasini ishlab chiqish va Hukumatga kiritish. Budjetdan tashqari mablagʻlar, grant va qonun hujjatlari bilan taqiqlanmagan boshqa mablagʻlar 2020-yil 1-iyulga qadar 17. Koʻchmas mulkka boʻlgan huquqlarni davlat roʻyxatidan oʻtkazish. Toʻlov undirish mexanizmi qonun hujjatlari bilan tartibga solinmagan. Qonun hujjatlariga toʻlovlarni Yagona billing tizimi orqali undirish mexanizmini aniqlashtirishni nazarda tutuvchi oʻzgartirishlar kiritish. Budjetdan tashqari mablagʻlar, grant va qonun hujjatlari bilan taqiqlanmagan boshqa mablagʻlar 2020-yil 1-iyulga qadar 18. Ipotekani davlat roʻyxatidan oʻtkazish. Tijorat banklari va kadastr organlari oʻrtasida aloqa lozim darajada yoʻlga qoʻyilmagan. Qonun hujjatlariga ipotekani davlat roʻyxatidan oʻtkazishning tijorat banklari va notarial idoralar oʻrtasida idoralararo aloqa oʻrnatish hisobiga soddalashtirilgan tartibini joriy etilishini nazarda tutuvchi oʻzgartirishlar kiritish — 19. 1. Bino yoki inshoot (turar joy) ijara shartnomasini davlat roʻyxatidan oʻtkazish. 2. Bino yoki inshoot (noturar joy) ijara shartnomasini davlat roʻyxatidan oʻtkazish. 1. Axborot tizimini takomillashtirish va davlat xizmatlari koʻrsatish tizimi bilan integratsiya qilish talab etiladi. 1. Axborot tizimini takomillashtirish va davlat xizmatlari koʻrsatish tizimi bilan integratsiya qilish. Budjetdan tashqari mablagʻlar, grant va qonun hujjatlari bilan taqiqlanmagan boshqa mablagʻlar 2020-yil 1-sentabrga qadar 2. Tizimda texnik kamchiliklar boʻlganligi sababli yuridik shaxslarda davlat xizmati koʻrsatilganligi uchun toʻlovni amalga oshirish imkoni yoʻq. 2. Axborot tizimini Yagona billing tizimiga integratsiya qilishni inobatga olgan holda takomillashtirish. 20. Oʻzganing yer uchastkasidan cheklangan tarzda foydalanish huquqi (servitut) toʻgʻrisidagi kelishuvni davlat roʻyxatidan oʻtkazish. Axborot tizimini takomillashtirish hamda davlat xizmatlari koʻrsatish tizimi bilan integratsiya qilish lozim. Axborot tizimini takomillashtirish va davlat xizmatlari koʻrsatish tizimi bilan integratsiya qilish. Budjetdan tashqari mablagʻlar, grant va qonun hujjatlari bilan taqiqlanmagan boshqa mablagʻlar 2020-yil 1-sentabrga qadar 21. Fuqarolarga turar joy maydoni boʻyicha maʼlumo�noma berish. Davlat organlari tomonidan fuqarolardan turar joy maydoni boʻyicha maʼlumotnomaning talab etilishi ularga noqulaylik yaratmoqda. Davlat organlari tomonidan fuqarolardan turar joy maydoni boʻyicha maʼlumotnoma talab qilinishi tartibini idoralararo, shu jumladan elektron hamkorlikni yoʻlga qoʻyish hisobiga bekor qilish. — 2020-yil 1-iyulga qadar 22. Kadastr ishini tayyorlash va koʻchmas mulk obyektlariga kadastr pasportini rasmiylashtirish. 1. Mazkur xizmatni koʻrsatish tartibi qonun hujjatlariga kiritilgan soʻnggi oʻzgartirishlar bilan muvofiqlashtirilmagan. 1. Kadastr pasportini tayyorlashning maʼmuriy reglamentini ishlab chiqish va Hukumatga kiritish, bunda ushbu davlat xizmatini Davlat xizmatlari markazlari va Yagona interaktiv davlat xizmatlari portali orqali koʻrsatish tartibi, shuningdek, qonun hujjatlaridagi soʻnggi oʻzgartirishla�ni inobatga olish. Budjetdan tashqari mablagʻlar, grant va qonun hujjatlari bilan taqiqlanmagan boshqa mablagʻlar 2020-yil 1-iyulga qadar 2. Tizimda texnik kamchiliklar boʻlganligi sababli yuridik shaxslarda davlat xizmati koʻrsatilganligi uchun toʻlovni amalga oshirish imkoni yoʻq. 2. Axborot tizimini Yagona billing tizimiga integratsiya qilishni inobatga olgan holda takomillashtirish. 2020-yil 1-sentabrga qadar XII. Oʻzbekiston Respublikasi Ekologiya va atrof muhitni muhofaza qilish davlat qoʻmitasi 23. Suvdan maxsus foydalanish yoki suvni maxsus isteʼmol qilish uchun ruxsatnoma berish. 1. Axborot tizimi mavjud boʻlmaganligi sababli integratsiya qilinmagan. 1. Axborot tizimini ishlab chiqish va davlat xizmatlari koʻrsatish tizimi bilan integratsiya qilish. Budjetdan tashqari mablagʻlar, grant va qonun hujjatlari bilan taqiqlanmagan boshqa mablagʻlar 2020-yil 1-sentabrga qadar 24. 2. Mavjud maʼlumotlar raqamlashtirilmagan. 2. Mavjud maʼlumotlarni raqamlashtirish. 2020-yil 1-iyulga qadar — 50 foiz; 2021-yil 1-yanvarga qadar — 100 foiz; 25. Oʻsimlik dunyosi obyektlaridan maxsus foydalanishga ruxsatnoma. Axborot tizimi mavjud boʻlmaganligi sababli integratsiya qilinmagan. Axborot tizimini ishlab chiqish va davlat xizmatlari koʻrsatish tizimi bilan integratsiya qilish. Budjetdan tashqari mablagʻlar, grant va qonun hujjatlari bilan taqiqlanmagan boshqa mablagʻlar 2020-yil 1-sentabrga qadar 26. 1. Qizil kitobga kiritilmagan yovvoyi oʻsimliklarni olib kirish va olib chiqishga ruxsatnoma. 2. Qizil kitobga kiritilmagan yovvoyi hayvonlar hamda ularning zoologiya kolleksiyalari, oʻljalar, tulumlarni olib kirish va olib chiqishga ruxsatnoma. 3. Qizil kitobga kiritilmagan yovvoyi hayvonlar saqlanadigan va urchitiladigan pitomniklarni hamda zoologiya kolleksiyalarini hisobga qoʻyish. 4. Ozonni buzuvchi moddalarni olib kirish va olib chiqishga ruxsatnoma berish. Axborot tizimi mavjud boʻlmaganligi sababli integratsiya qilinmagan. Axborot tizimini ishlab chiqish va davlat xizmatlari koʻrsatish tizimi bilan integratsiya qilish. Budjetdan tashqari mablagʻlar, grant va qonun hujjatlari bilan taqiqlanmagan boshqa mablagʻlar 2020-yil 1-sentabrga qadar XIII. Oʻzbekiston Respublikasi Davlat geologiya va mineral resurslar qoʻmitasi 27. Yer osti suvlariga quduqlarni burgʻulash uchun ruxsatnoma. Axborot tizimi mavjud boʻlmaganligi sababli integratsiya qilinmagan. Axborot tizimini ishlab chiqish va davlat xizmatlari koʻrsatish tizimi bilan integratsiya qilish. Budjetdan tashqari mablagʻlar, grant va qonun hujjatlari bilan taqiqlanmagan boshqa mablagʻlar 2020-yil 1-sentabrga qadar XIV. Oʻzbekiston Respublikasi Veterinariya va chorvachilikni rivojlantirish davlat qoʻmitasi 28. Veterinariya faoliyatini litsenziyalash. 1. Davlat xizmatlari markazlarida ushbu xizmat vaqtinchalik reglament asosida koʻrsatilmoqda. 1. Maʼmuriy reglamentni ishlab chiqish va Hukumatga kiritish. Budjetdan tashqari mablagʻlar, grant va qonun hujjatlari bilan taqiqlanmagan boshqa mablagʻlar 2020-yil 1-aprelga qadar 2. Axborot tizimi mavjud boʻlmaganligi sababli integratsiya qilinmagan. 2. Axborot tizimini ishlab chiqish va davlat xizmatlari koʻrsatish tizimi bilan integratsiya qilish. 2020-yil 1-sentabrga qadar XV. Oʻzbekiston Respublikasi Turizmni rivojlantirish davlat qoʻmitasi 29. Turizm faoliyatini litsenziyalash. 1. Xizmat vaqtinchalik reglament asosida koʻrsatilmoqda. 1. Maʼmuriy reglamentni ishlab chiqish va Hukumatga kiritish. Budjetdan tashqari mablagʻlar, grant va qonun hujjatlari bilan taqiqlanmagan boshqa mablagʻlar 2020-yil 1-aprelga qadar 2. Axborot tizimi mavjud boʻlmaganligi sababli integratsiya qilinmagan. 2. Axborot tizimini ishlab chiqish va davlat xizmatlari koʻrsatish tizimi bilan integratsiya qilish. 2020-yil 1-sentabrga qadar XVI. Vazirlar Mahkamasi huzuridagi Taʼlim sifatini nazorat qilish davlat inspeksiyasi 30. 1. Avtomototransport vositalari haydovchilarini tayyorlash, qayta tayyorlash va ularni malakasini oshirish boʻyicha nodavlat taʼlim xizmatlari koʻrsatish faoliyatini litsenziyalash. 2. Oʻrta maxsus, kasb-hunar, oliy taʼlim toʻgʻrisidagi hujjat nostrifikatsiyasi. 3. Nodavlat taʼlim xizmatlari koʻrsatish faoliyatini litsenziyalash. 1. Axborot tizimi mavjud boʻlmaganligi sababli integratsiya qilinmagan. 1. Nodavlat taʼlim muassasalarining chet tillarni oʻrgatish faoliyatini litsenziyalashni ham inobatga oluvchi axborot tizimini ishlab chiqish va davlat xizmatlari koʻrsatish tizimi bilan integratsiya qilish. Budjetdan tashqari mabla�lar, grant va qonun hujjatlari bilan taqiqlanmagan boshqa mablagʻlar 2020-yil 1-oktabrga qadar 31. 2. Mavjud maʼlumotlar raqamlashtirilmagan. 2. Mavjud maʼlumotlarni raqamlashtirish. 2020-yil 1-sentabrga qadar — 50 foiz; 2021-yil 1-aprelga qadar — 100 foiz 32. 3. Taʼlim toʻgʻrisidagi hujjatlar tan olinishi uchun yigʻimlar miqdorlari tabaqalashtirilmagan. 3. Xorijiy taʼlim muassasalarida olingan oʻrta maxsus taʼlim toʻgʻrisidagi hujjatlarni tan olishda undiriladigan yigʻim miqdorini kamaytirish. 2020-yil 1-iyunga qadar 33. 4. Taʼlim xizmatlarining ayrim turlarini litsenziyalash mexanizmlarini qayta koʻrib chiqish lozim. 4. Normativ-huquqiy hujjatlarni nodavlat taʼlim xizmatlarining ayrim turlarini litsenziyalash mexanizmlarini tartibga solish jihatidan qayta koʻrib chiqish. Budjetdan tashqari mablagʻlar, grant va qonun hujjatlari bilan taqiqlanmagan boshqa mablagʻlar 2020-yil 1-oktabrga qadar XVII. Bandlik va mehnat munosabatlari vazirligi huzuridagi Tashqi mehnat migratsiyasi agentligi 34. Oʻzbekiston Respublikasiga xorijdan ishchi kuchini jalb qilish uchun ruxsatnomalar berish (uzaytirish). 1. Axborot tizimi mavjud boʻlmaganligi sababli integratsiya qilinmagan. 1. Axborot tizimini ishlab chiqish va davlat xizmatlari koʻrsatish tizimi bilan integratsiya qilish. Budjetdan tashqari mablagʻlar, grant va qonun hujjatlari bilan taqiqlanmagan boshqa mablagʻlar 2020-yil 1-sentabrga qadar 2. Mavjud maʼlumotlar raqamlashtirilmagan. 2. Mavjud maʼlumotlarni raqamlashtirish. 2020-yil 1-sentabrga qadar — 50 foiz; 2021-yil 1-aprelga qadar — 100 foiz 35. Chet el fuqarolariga Oʻzbekiston Respublikasi hududida ishlash huquqini beradigan tasdiqnomalarni berish (uzaytirish). Axborot tizimi mavjud boʻlmaganligi sababli integratsiya qilinmagan. Axborot tizimini ishlab chiqish va davlat xizmatlari koʻrsatish tizimi bilan integratsiya qilish. Budjetdan tashqari mablagʻlar, grant va qonun hujjatlari bilan taqiqlanmagan boshqa mablagʻlar 2020-yil 1-sentabrga qadar XVIII. Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasi 36. 1. Farzand tugʻilganda bir marotabalik nafaqa. 2. Dafn marosimi uchun nafaqa. 3. Fuqaro pensiya oluvchilar roʻyxatida mavjudligi haqida maʼlumotnoma. 4. Pensiya miqdori toʻgʻrisida maʼlumotnoma. Maʼmuriy reglamentlar qabul qilinishi zarur. Belgilangan tartibda maʼmuriy reglamentlarni qabul qilish choralarini koʻrish. — 2020-yil 1-aprelga qadar XIX. Oʻzbekiston Respublikasi Moliya vazirligi huzuridagi Davlat asillik darajasini belgilash palatasi 37. 1. Qimmatbaho metallar va qimmatbaho toshlar bilan ishlashga roʻyxatdan oʻtkazish guvohnomasi. 2. Zargarlik buyumlari, qimmatbaho metallar va qimmatbaho toshlardan yasalgan boshqa buyumlar bilan savdo qilishga roʻyxatdan oʻtkazish guvohnomasi. 3. Qimmatbaho metallar va qimmatbaho toshlardan zargarlik va boshqa buyumlar ishlab chiqarish uchun litsenziya. Axborot tizimi mavjud boʻlmaganligi sababli integratsiya qilinmagan. Axborot tizimini ishlab chiqish va davlat xizmatlari koʻrsatish tizimi bilan integratsiya qilish. Budjetdan tashqari mablagʻlar, grant va qonun hujjatlari bilan taqiqlanmagan boshqa mablagʻlar 2020-yil 1-sentabrga qadar XX. Mahalliy davlat hokimiyati organlari 38. Oʻrmon fondiga kirmaydigan daraxt va butalarni kesishga ruxsatnoma berish. Axborot tizimi mavjud boʻlmaganligi sababli integratsiya qilinmagan. Axborot tizimini ishlab chiqish va davlat xizmatlari koʻrsatish tizimi bilan integratsiya qilish. Budjetdan tashqari mablagʻlar, grant va qonun hujjatlari bilan taqiqlanmagan boshqa mablagʻlar 2021-yil 1-yanvarga qadar XXI. Hududiy elektr tarmoqlari korxonalari 39. 1. Elektr taʼminoti tizimiga texnik shartlarni olish. 2. 20 kVt dan yuqori boʻlgan elektr taʼminoti tizimiga texnik shartlarni olish. 3. Elektr taʼminoti loyihasini kelishish. 4. Elektr qurilmalarini ishga tushirish uchun dalolatnoma berish. 5. Elektr taʼminoti shartnomasini tuzish. 6. Elektr hisoblagichini oʻrnatish. 7. Elektr hisoblagichini yechish. 8. Elektr hisoblagichini qiyoslash. 1. Kadrlar qoʻnimsizligi tufayli davlat xizmati koʻrsatish uchun masʼul etib biriktirilgan xodimlar haqidagi maʼlumot oʻz vaqtida yangilanmayapti. 1. Davlat xizmatlarini koʻrsatish uchun xodimlarni masʼul qilib biriktirish. Budjetdan tashqari mablagʻlar, grant va qonun hujjatlari bilan taqiqlanmagan boshqa mablagʻlar 2020-yil 1-martga qadar 40. 2. Xodimlar masʼuliyatsizligi va elektron tizimda ishlash koʻnikmasiga ega emasligi sababli ijro muddatlari buzilmoqda. 2. Masʼul xodimlar uchun elektron axborot tizimlari bilan ishlash koʻnikmalarini oshirish boʻyicha oʻquv kurslarini tashkil etish. Xodimning shaxsiy javobgarligini oshirish. Doimiy ravishda 41. 3. Axborot tizimi mavjud boʻlmaganligi sababli integratsiya qilinmagan. 3. Axborot tizimini ishlab chiqish va davlat xizmatlari koʻrsatish tizimi bilan integratsiya qilish. 2020-yil 1-sentabrga qadar 42. 4. Elektr tizimlarining eng yaqin tarmoqlari toʻgʻrisida maʼlumotlarning yoʻqligi tadbirkorlik subyektlarining noroziligiga sabab boʻladi. 4. Yagona interaktiv davlat xizmatlari portalida transformator nuqtalarining manzillari haqida maʼlumotlarni joylashtirish. 2020-yil 1-sentabrga qadar XXII. Hududiy gaz taʼminoti korxonasi 43. 1. Gaz tarmoqlariga ulanish uchun texnik shartlarni olish. 2. Gaz taʼminoti shartnomasini tuzish. 3. Gaz taʼminoti loyihasini kelishish. 4. Gaz hisoblagich uskunasini plombalash. 5. Gaz hisoblagichini oʻrnatish. 6. Gaz hisoblagichini yechish. 7. Gaz hisoblagichini qiyoslash 1. Davlat xizmatlari koʻrsatishga masʼul xodimlar uchun yetarli moddiy-texnik baza mavjud emas. 1. Davlat xizmatlari koʻrsatishga masʼul xodimlarni yetarli moddiy-texnik baza bilan taʼminlash. Budjetdan tashqari mablagʻlar, grant va qonun hujjatlari bilan taqiqlanmagan boshqa mablagʻlar 2020-yil 1-martga qadar 44. 2. Axborot tizimi mavjud boʻlmaganligi sababli integratsiya qilinmagan. 2. Axborot tizimini ishlab chiqish va davlat xizmatlari koʻrsatish tizimi bilan integratsiya qilish. 2020-yil 1-sentabrga qadar 45. 3. Amaldagi maʼmuriy reglamentda nazarda tutilgan mablagʻlarni taqsimlash tartibi taʼminotchi korxonalar tomonidan sifatli xizmat koʻrsatishga toʻsqinlik qilmoqda. 3. Qonun hujjatlariga taʼminotchi korxonalarga yoʻnaltiriladigan mablagʻlar miqdorini, shu jumladan metrologik xizmatga yoʻnaltiriladigan mablagʻlarni qisqartirish hisobiga oshirish maqsadida ushbu xizmatni taqdim etish uchun undiriladigan mablagʻlar taqsimlanishini nazarda tutuvchi oʻzgartirishlar kirit�sh. — 2020-yil 1-aprelga qadar XXIII. Issiqlik taʼminoti korxonasi 46. 1. Issiq suv hisoblagichini oʻrnatish. 2. Issiq suv hisoblagichini yechish. 3. Issiq suv hisoblagichini qiyoslash. 4. Issiqlik tizimiga texnik shartlarni olish. 5. Issiqlik tizimini ishga tushirishga ruxsatnoma. 6. Issiqlik tizimini plombalash va shartnoma tuzish. 1. Davlat xizmatlari koʻrsatishga masʼul xodimlar uchun yetarli moddiy-texnik baza mavjud emas. 1. Davlat xizmatlari koʻrsatishga masʼul xodimlarni yetarli moddiy-texnik baza bilan taʼminlash. Budjetdan tashqari mablagʻlar, grant va qonun hujjatlari bilan taqiqlanmagan boshqa mablagʻlar 2020-yil 1-oktabrga qadar 2. Axborot tizimi mavjud boʻlmaganligi sababli integratsiya qilinmagan. 2. Axborot tizimini ishlab chiqish va davlat xizmatlari koʻrsatish tizimi bilan integratsiya qilish. 2020-yil 1-sentabrga qadar 3. Amaldagi maʼmuriy reglamentda nazarda tutilgan mablagʻlarni taqsimlash tartibi taʼminotchi korxonalar tomonidan sifatli xizmat koʻrsatishga toʻsqinlik qilmoqda. 3. Qonun hujjatlariga ushbu xizmatni taqdim etish uchun undiriladigan mablagʻlarning barcha xarajatlar qoplanishini hisobga olgan holda taqsimlanishini nazarda tutuvchi oʻzgartirishlar kiritish. — 2020-yil 1-aprelga qadar XXIV. Suv taʼminoti korxonalari 47. 1. Suv taʼminoti va suv chiqarish tizimiga texnik shartlarni olish. 2. Suv taʼminoti va suv chiqarish tizimi loyihasini kelishish. 3. Ichimlik suv hisoblagichini plombalash va shartnomani tuzish. 4. Ichimlik suv hisoblagichini oʻrnatish. 5. Ichimlik suv hisoblagichini yechish. 6. Ichimlik suv hisoblagichini qiyoslash. 1. Davlat xizmatlari koʻrsatishga masʼul xodimlar uchun yetarli moddiy-texnik baza mavjud emas. 1. Davlat xizmatlari koʻrsatishga masʼul xodimlarni yetarli moddiy-texnik baza bilan taʼminlash. Budjetdan tashqari mablagʻlar, grant va qonun hujjatlari bilan taqiqlanmagan boshqa mablagʻlar 2020-yil 1-oktabrga qadar 48. 2. Axborot tizimi mavjud boʻlmaganligi sababli integratsiya qilinmagan. 2. Axborot tizimini ishlab chiqish va davlat xizmatlari koʻrsatish tizimi bilan integratsiya qilish 2020-yil 1-sentabrga qadar 49. 3. Amaldagi maʼmuriy reglamentda nazarda tutilgan mablagʻlarni taqsimlash tartibi taʼminotchi korxonalar tomonidan sifatli xizmat koʻrsatishga toʻsqinlik qilmoqda. 3. Qonun hujjatlariga taʼminotchi korxonalarga yoʻnaltiriladigan mablagʻlar miqdorini, shu jumladan metrologik xizmatga yoʻnaltiriladigan mablagʻlarni qisqartirish hisobiga oshirish maqsadida ushbu xizmatni taqdim etish uchun undiriladigan mablagʻlar taqsimlanishini nazarda tutuvchi oʻzgartirishlar kiritish. 2020-yil 1-aprelga qadar
Oʻzbekiston Respublikasi Prezidentining 2020-yil 31-yanvardagi PF-5930-son Farmoniga 4-ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirishlar
1. Oʻzbekiston Respublikasi Prezidentining 2015-yil 15-maydagi “Xususiy mulk, kichik biznes va xususiy tadbirkorlikni ishonchli himoya qilishni taʼminlash, ularni jadal rivojlantirish yoʻlidagi toʻsiqlarni bartaraf etish chora-tadbirlari toʻgʻrisida”gi PF-4725-son Farmonining 8-bandi quyidagi tahrirda bayon etilsin:
“8. Belgilansinki:
tadbirkorlik subyektlarini davlat roʻyxatidan oʻtkazish uchun davlat boji sifatida olinadigan barcha mablagʻlar hamda Davlat xizmatlari markazlari va ularning filiallari orqali koʻrsatiladigan davlat xizmatlari uchun toʻlanadigan davlat bojlari, yigʻimlar va barcha turdagi toʻlovlar summasining 20 foizi miqdoridagi mablagʻlar;
ariza beruvchilarning Oʻzbekiston Respublikasi Yagona interaktiv davlat xizmatlari portali orqali mustaqil ravishda yoʻnaltirilgan murojaatlariga asosan koʻrsatiladigan davlat xizmatlari uchun toʻlanadigan davlat bojlari, yigʻimlar va barcha turdagi toʻlovlar summasining 10 foizi miqdoridagi mablagʻlar Oʻzbekiston Respublikasi Adliya vazirligi huzuridagi Davlat xizmatlari agentligining budjetdan tashqari jamgʻarmasi shaxsiy hisobvaragʻiga oʻtkaziladi”.
2. Oʻzbekiston Respublikasi Prezidentining 2017-yil 1-fevraldagi “Tadbirkorlik subyektlariga davlat xizmatlarini koʻrsatish mexanizmlarini takomillashtirishga doir qoʻshimcha chora-tadbirlar toʻgʻrisida”gi PQ-2750-son qarorining 11-bandi oʻz kuchini yoʻqotgan deb topilsin.
3. Oʻzbekiston Respublikasi Prezidentining 2017-yil 29-avgustdagi “Axborot-kommunikatsiya texnologiyalari sohasida loyiha boshqaruvi tizimini yanada takomillashtirish chora-tadbirlari toʻgʻrisida”gi PQ-3245-son qarorining 13-bandida:
a) toʻrtinchi xatboshi chiqarib tashlansin;
b) beshinchi xatboshi toʻrtinchi xatboshi deb hisoblansin.
5. Oʻzbekiston Respublikasi Prezidentining 2019-yil 21-maydagi “Elektron hukumat” tizimi doirasida axborot-kommunikatsiya texnologiyalari sohasidagi loyihalarni ishlab chiqish va amalga oshirish sifatini yaxshilash chora-tadbirlari toʻgʻrisida”gi PQ-4328-son qarorida:
a) 3-bandning toʻrtinchi xatboshisi quyidagi tahrirda bayon etilsin:
“ariza beruvchilarning YIDXP orqali mustaqil ravishda yoʻnaltirilgan murojaatlariga asosan koʻrsatiladigan davlat xizmatlari uchun toʻlanadigan davlat bojlari, yigʻimlar va barcha turdagi toʻlovlar summasining 10 foizi miqdoridagi mablagʻlar, shuningdek, YIDXP orqali koʻrsatiladigan davlat xizmatlaridan tashqari, Yagona billing tizimi orqali davlat xizmatlari koʻrsatilganligi uchun toʻlangan davlat bojlari va boshqa toʻlovlar summasining 0,5 foizi miqdoridagi mablagʻlar Markazning vakolatli bankdagi maxsus hisob raqamiga oʻtkaziladi;”;