Tugatilayotgan korxonaning mol-mulki va majburiyatlarini inventarizatsiya qilishni tashkil etish va qiymatini aniqlash boʻyicha yoʻriqnomaga oʻzgartirishlar kiritish haqida (887-7-son)
24.01.2020
Oʻzbekiston Respublikasi Davlat aktivlarini boshqarish agentligi direktorining
buyrugʻi
[Oʻzbekiston Respublikasi Adliya vazirligi tomonidan 2020-yil 24-yanvarda roʻyxatdan oʻtkazildi, roʻyxat raqami 887-7]
Oʻzbekiston Respublikasi Prezidentining 2019-yil 14-yanvardagi PQ-4112-son “Oʻzbekiston Respublikasi Davlat aktivlarini boshqarish agentligi faoliyatini tashkil etish toʻgʻrisida”gi va 2019-yil 5-fevraldagi PQ-4160-son “Jahon banki va Xalqaro moliya korporatsiyasining “Biznes yuritish” yillik hisobotida Oʻzbekiston Respublikasining reytingini yaxshilashga doir qoʻshimcha chora-tadbirlar toʻgʻrisida”gi qarorlariga muvofiq buyuraman:
1. Oʻzbekiston Respublikasi Makroiqtisodiyot va statistika vazirligi huzuridagi Iqtisodiy nochor korxonalar qoʻmitasi tomonidan 1999-yil 29-dekabrda 17-son bilan tasdiqlangan Tugatilayotgan korxonaning mol-mulki va majburiyatlarini inventarizatsiya qilishni tashkil etish va qiymatini aniqlash boʻyicha yoʻriqnomaga (roʻyxat raqami 887, 2000-yil 3-fevral) (Oʻzbekiston Respublikasi vazirliklari, davlat qoʻmitalari va idoralarining meʼyoriy hujjatlari axborotnomasi, 2000-y., 3-son) ilovaga muvofiq oʻzgartirishlar kiritilsin.
2. Mazkur buyruq rasmiy eʼlon qilingan kundan eʼtiboran kuchga kiradi.
Direktor S. BEKENOV
Toshkent sh.,
2019-yil 30-dekabr,
01/11-14/63-son
Davlat aktivlarini boshqarish agentligi direktorining 2019-yil 30-dekabrdagi 01/11-14/63-son buyrugʻigaILOVA
Tugatilayotgan korxonaning mol-mulki va majburiyatlarini inventarizatsiya qilishni tashkil etish va qiymatini aniqlash boʻyicha yoʻriqnomaga kiritilayotgan oʻzgartirishlar
1. 1.6-banddagi “Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi (bundan buyon matnda Qoʻmita deb yuritiladi)” degan soʻzlar “Oʻzbekiston Respublikasi Davlat aktivlarini boshqarish agentligi” degan soʻzlar bilan almashtirilsin.
2. 2.9-bandning beshinchi xatboshisidan “hamda tugatilayotgan korxonaning muhri bilan tasdiqlanishi (muhrlar mavjud boʻlgan taqdirda)” degan soʻzlar chiqarib tashlansin.
3. 8-ilovadan “M.Oʻ.” qisqartmasi chiqarib tashlansin.