Jizzax viloyatining 2019-yilgi asosiy makroiqtisodiy koʻrsatkichlar prognozi va mahalliy budjeti parametrlari hamda 2020-2021-yillarga budjet moʻljallari toʻgʻrisida (11-son)

08.01.2019

Jizzax viloyati hokimining

qarori

Oʻzbekiston Respublikasi Budjet kodeksining (Oʻzbekiston Respublikasi qonun hujjatlari toʻplami, 2013-y., 52-I-son) 28, 99-moddalariga, “Mahalliy davlat hokimiyati toʻgʻrisida”gi Oʻzbekiston Respublikasi Qonunining (Oʻzbekiston Respublikasi Oliy Kengashining Axborotnomasi, 1993-y., 9-son, 320-modda) 25-moddasiga, Oʻzbekiston Respublikasi Oliy Majlisi Qonunchilik palatasining 2018-yil 17-noyabrdagi 2119-III-sonli “Oʻzbekiston Respublikasining 2019-yilgi Davlat budjeti, davlat maqsadli jamgʻarmalarining budjetlari hamda soliq va budjet siyosatining asosiy yoʻnalishlari toʻgʻrisida”gi va Oʻzbekiston Respublikasi Oliy Majlis Senatining 2018-yil 13-dekabrdagi SQ-348-III-sonli “Oʻzbekiston Respublikasining 2019-yilgi Davlat budjeti, davlat maqsadli jamgʻarmalarining budjetlari hamda soliq va budjet siyosatining asosiy yoʻnalishlari toʻgʻrisida”gi qarorlariga, Oʻzbekiston Respublikasi Prezidentining 2018-yil 26-dekabrdagi “Oʻzbekiston Respublikasining 2019-yilgi asosiy makroiqtisodiy koʻrsatkichlari prognozi va Davlat budjeti parametrlari hamda 2020-2021-yillarga budjet moʻljallari toʻgʻrisida”gi PQ-4086-sonli qarori hamda Oʻzbekiston Respublikasi Moliya vazirligining 2018-yil 26-dekabrdagi JK/20-01-32-10/724-sonli xati va Xalq deputatlari Jizzax viloyat kengashining 2018-yil 26-dekabrdagi 247/39-sonli qarori ijrosini taʼminlash maqsadida qaror qilaman:

1. Oʻzbekiston Respublikasi Prezidentining 2018-yil 26-dekabrdagi “Oʻzbekiston Respublikasining 2019-yilgi asosiy makroiqtisodiy koʻrsatkichlari prognozi va Davlat budjeti parametrlari hamda 2020-2021-yillarga budjet moʻljallari toʻgʻrisida”gi PQ-4086-sonli qarori rahbarlik va ijro uchun qabul qilinsin.

2. Oʻzbekiston Respublikasi Prezidentining mazkur qarori bilan:

Oʻzbekiston Respublikasini rivojlantirishning 2019-yilgi asosiy makroiqtisodiy koʻrsatkichlari prognozi hamda 2020-2021-yillarga maqsadli moʻljallari;

Oʻzbekiston Respublikasining 2019-yil uchun konsolidatsiyalashgan budjeti jamlanma parametrlari hamda 2020-2021-yillarga budjet moʻljallari;

Oʻzbekiston Respublikasining 2019-yilgi Davlat budjeti asosiy parametrlari;

Oʻzbekiston Respublikasi Moliya vazirligi huzuridagi budjetdan tashqari pensiya jamgʻarmasining (keyingi oʻrinlarda — Pensiya jamgʻarmasi), Oʻzbekiston Respublikasi Bandlikka koʻmaklashish davlat jamgʻarmasining, Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi xuzuridagi Xususiylashtirilgan korxonalarga koʻmaklashish jamgʻarmasining 2019-yil uchun asosiy parametrlari tasdiqlanganligi;

2019-yil uchun:

yagona soliq toʻlovi stavkalari;

yagona ijtimoiy toʻlov stavkalari;

yakka tartibdagi tadbirkorlar uchun qatʼiy belgilangan soliq stavkalari;

yer qaʼridan foydalanganlik uchun soliq, imzolanadigan bonus va tijoratbop topilma bonusi, ayrim turdagi maxsulotlar boʻyicha qoʻshimcha foyda soligʻi stavkalari;

suv resurslaridan foydalanganlik uchun soliq, jismoniy shaxslarning mol-mulkiga solinadigan soliq, yuridik va jismoniy shaxslardan olinadigan yer soligʻi stavkalari;

kelib tushayotgan mablagʻlarni Oʻzbekiston Respublikasi respublika budjetiga oʻtkazgan holda ichki ishlar organlarida roʻyxatdan oʻtkazishda avtotranspolrt vositalarining egalari (foydalanuvchilari) tomonidan toʻlanadigan avtotransport vositalarini sotib olganlik va (yoki) Oʻzbekiston Respublikasi xududiga vaqtinchalik olib kirganlik uchun yigʻimlar hamda xorijiy davlatlar avtotransport vositalarini Oʻzbekiston Respublikasi xududiga kirishi va tranziti uchun yigʻimlar stavkalari tasdiqlanganligi;

2019-yil 1-yanvardan boshlab:

yagona soliq toʻlovi va yagona ijtimoiy toʻlovning eng kam miqdorlari;

yuk tashish boʻyicha xizmatlar koʻrsatuvchi yuridik shaxslar uchun, soliqqa tortish tizimidan qatʼi nazar, bitta transport vositasiga hisoblanganda ular tomonidan toʻlanayotgan soliqlarning jami miqdori yakka tartibdagi tadbirkorlar ushbu faoliyat turi boʻyicha toʻlayotgan katʼiy belgilangan soliq miqdoridan kam boʻlmasligi toʻgʻrisidagi tartib bekor qilinganligi;

yuridik shaxslardan olinadigan foyda soligʻi yoki obodonlashtirish va ijtimoiy infratuzilmani rivojlantirish soligʻini toʻlashdan toʻliq ozod qilish koʻrinishidagi vaqtinchalik imtiyozga ega boʻlgan yuridik shaxslardan olinadigan foyda soligʻini imtiyozlar amal qilish muddati tugagunga qadar ikki baravar pasaytirilgan stavkada toʻlash tartibi saqlab qolinganligi;

belgilangan stavkadan kelib chiqib hisoblangan va Oʻzbekiston Respublikasi Davlat budjetiga toʻlanadigan jismoniy shaxslardan olinadigan daromad soligʻi summasi fuqarolarning shaxsiy jamgʻarib boriladigan pensiya hisobvaraqalariga oʻtkaziladigan har oylik majburiy badallar summasiga kamaytiriladi. Ushbu badal miqdori jismoniy shaxslardan olinadigan daromad soligʻi solinadigan daromadlaridan 0,1 foiz miqdorida hisoblash tartibi oʻrnatilganligi;

2019-yil 1-yanvardan boshlab yuridik shaxslar xizmat koʻrsatuvchi banklardan ish haqi va unga tenglashtirilgan toʻlovlar uchun pul mablagʻlarini olishda (yoki plastik kartalarga oʻtkazishda) yagona ijtimoiy toʻlov hamda jismoniy shaxslardan olinadigan daromad soligʻini toʻlash boʻyicha toʻlov hujjatlarini taqdim etishi nazarda tutilganligi;

ish beruvchi tashkilotlarga soliq yukining, shu jumladan, yagona ijtimoiy toʻlovning kamaytirilishi natijasida boʻshaydigan mablagʻlar hisobidan xodimlar ish haqi miqdorini oshirish tavsiya etilganligi;

soliq toʻlovchilar 2019-yil 1-aprelga qadar xodimlar soni va (yoki) mehnatga haq toʻlash fondini ihtiyoriy ravishda hisobotlarda rasmiylashtirgan va aks ettirgan taqdirda avvalgi hisobot davrlarida xodimlar sonini yashirganlik uchun javobgarlikdan, ilgari koʻrsatilmagan xodimlar boʻyicha jismoniy shaxslardan olinadigan daromad soligʻi va yagona ijtimoiy toʻlovi summasini qoʻshimcha hisoblashdan ozod etilayotganligi;

2019-yil 1-yanvardan:

kalendar yilida tovarlarni (ishlarni, xizmatlarni) realizatsiya qilishdan olingan tushumi 100 million soʻmdan oshgan, biroq bir milliard soʻmdan oshmagan yakka tartibdagi tadbirkorlar yagona soliq toʻlovini 4 foiz stavkada toʻlash;

kalendar yilida tovarlarni (ishlarni, xizmatlarni) realizatsiya qilishdan olingan tushumi 100 million soʻmdan oshmagan yakka tartibdagi tadbirkorlar uchun qatʼiy belgilangan soliqni hisoblash va toʻlash tartibi saqlab qolinishi;

kalendar yilida tovarlarni (ishlarni, xizmatlarni) realizatsiya qilishdan olingan tushumi bir milliardan soʻmdan oshgan yakka tartibdagi tadbirkorlar soliqlar va boshqa majburiy toʻlovlarni yuridik shaxslar uchun nazarda tutilggan tartibda toʻlash tartibi oʻrnatilganligi maʼlumot uchun qabul qilinsin.

Jizzax viloyatining maxalliy budjetining 2019-yilga moʻljallangan:

davlat daromadlari va maxalliy budjet daromadlari reja koʻrsatkichlari 1-ilovaga muvofiq;

maxalliy budjetdan moliyalashtirilishi belgilangan xarajat koʻrsatkichlari 2-ilovaga muvofiq;

shahar va tumanlar mahalliy budjetlari hamda viloyatning viloyat budjeti daromadlari va xarajatlari xajmlari hamda maqsadli ijtimoiy transfertlar, shuningdek xarajatlarni qoplash boʻyicha daromadlarning yotishmayotgan summasini mahalliy budjetlar oʻrtasida qaytadan taqsimlash hisobiga qoplanadigan daromadlar miqdorlari 3-ilovaga muvofiq;

shahar va tumanlar maxalliy budjetlariga umumdavlat soliqlar tushumlaridan ajratmalar normativlari 4-ilovaga muvofiq;

viloyat, shahar va tumanlar mahalliy budjetlari zaxira jamgʻarmasi miqdorlari 5-ilovaga muvofiq;

viloyat budjeti, shahar va tumanlar byudjtlari aylanma kassa mablagʻlarining yoʻl qoʻyiladigan eng kam miqdorlari 6-ilovaga muvofiq tasdiqlansin.

3. Viloyat moliya bosh boshqarmasi (B. Oʻralov), Davlat soliq boshqarmasi (A. Ishnazarov), iqtisodiyot va xududlarni kompleks rivojlantirish bosh boshqarmasi (Z. Irgashev), markaziy bank bosh boshqarmasi (I. Xaydarov), mutasaddi boshqarma va idoralar Oʻzbekiston Respublikasi Prezidentining mazkur qarori bilan tasdiqlangan soliq va budjet siyosatining asosiy yoʻnalishlari, soliq solish tartibi va belgilangan stavkalarga qatʼiy amal qilinishini taʼminlasinlar.

4. Oʻzbekiston Respublikasi Prezidentining mazkur qaroriga muvofiq, 2019-yil 1-yanvardan boshlab zarur ish stajiga ega boʻlmagan keksa yoshdagi va mehnatga layoqatsiz fuqarolarga beriladigan nafaqa hamda dafn etish marosimi uchun nafaqalarni toʻlash xarajatlarini moliyalashtirish Oʻzbekiston Respublikasi Davlat budjeti mablagʻlari hisobidan amalga oshiriladi.

5. Viloyat moliya boshqarmasi (B. Oʻralov) budjet mablagʻlaridan foydalanish samaradorligini oshirish va birinchi navbatda toʻlovlarni oʻz vaqtida moliyalashtirishni taʼminlash maqsadida budjet mablagʻlarini oluvchilarga budjet mablagʻlarini ajratishni avval ajratilgan mablagʻlarning amalda oʻzlashtirilishiga qarab amalga oshirsin.

6. Viloyat moliya bosh boshqarmasi (B. Oʻralov)ga mahalliy budjetlarga budjetdan maqsadli ijtimoiy transfert va budjet ssudalari (daromadlar va xarajatlar oʻrtasidagi vaqtinchalik kassa tafovutlarini qoplash uchun) ajratishda ularning miqdorlarini xududlar boʻyicha barcha soliqlar va boshqa majburiy toʻlovlarning toʻliq tushishidan, shuningdek mahalliy budjetning birinchi navbatdagi xarajatlarini (ish haqi, ish haqidan ajratmalar, stipendiyalar, ijtimoiy nafaqalar va ularga tenglashtirilgan toʻlovlarni) soʻzsiz moliyalashtirish zarurligidan kelib chiqqan holda aniqlashtirib borish huquqi berilsin.

7. Viloyat moliya bosh boshqarmasi (B. Oʻralov)ga budjet qonunchiligida belgilangan muddatlarda 2018-yilgi budjet parametrlarini barcha shaharlar va tumanlar hokimliklariga hamda tegishli budjet tashkilotlariga yetkazish, shuningdek, umumdavlat soliqlaridan respublika mahalliy budjetlariga 2018-yil uchun ajratmalar miqdorlarini viloyatdagi tegishli muassasalarga va tijorat banklariga yetkazish vazifasi topshirilsin.

8. Viloyat Davlat soliq boshqarmasi (A. Ishnazarov) mahalliy budjetlarga belgilangan soliq va tushumlarni yil davomida muntazam ravishda toʻlaqonli hamda bir maromda undirilishini taʼminlasin hamda shahar va tumanlar boʻyicha mavjud boqimanda qarzlarni keskin kamaytirish borasida aniq chora-tadbirlar ishlab chiqsin va amalga oshirsin.

9. Jizzax viloyati boʻyicha gʻaznachilik boshqarmasi (S. Sodiqov) shahar va tumanlar gʻaznachilik boʻlinmalari bilan birgalikda davlat daromadlaridan respublika budjeti va mahalliy budjetlarga ajratmalarni oʻz vaqtida va toʻgʻri oʻtkazilishini tizimli nazoratga olinishini, budjetdan mablagʻ oluvchilarning xarajatlari toʻlovini oʻrnatilgan tartibda va belgilangan muddatlarda amalga oshirilishini taʼminlab borsin.

10. Viloyat moliya bosh boshqarmasi (B. Oʻralov), Davlat soliq boshqarmasi (A. Ishnazarov), iqtisodiyot va xududlarni kompleks rivojlantirish bosh boshqarmasi (Z. Irgashev) barcha shahar va tumanlar hokimliklari bilan birgalikda, Oʻzbekiston Respublikasi Prezidentining 2017-yil 7-iyundagi PF-5075-sonli Farmoniga koʻra, mahalliy davlat hokimiyati organlarining budjet soxasidagi vakolat va majburiyatlari, mahalliy budjetlarning daromadlari bazasini tubdan mustahkamlash, yuqori turuvchi budjetlar ajratmalariga qaramligini qisqartirish boʻyicha Toshkent shahrida eksperimentdan oʻtgan mexanizmni 2018-yil 1-yanvardan boshlab respublikaning barcha xududlarida qoʻllanilayotganligini inobatga olib, tegishli zarur chora-tadbirlarni amalga oshirsin.

11. Barcha shahar va tumanlar hokimliklariga:

davlat soliq inspeksiyalari, moliya va bank idoralarining barcha imkoniyatlarini budjetning daromadlar qismi prognoz koʻrsatkichlarining barcha manbaalar boʻyicha toʻlaqonli bajarilishini taʼminlashga safarbar qilish;

shahar va tumanlar mahalliy budjetining 2019-yilgi parametrlari bilan tasdiqlangan zaxira jamgʻarmasi mablagʻlaridan qonunchilikda beligilangan tartibda foydalanishini taʼminlash;

mahalliy budjetlarning xarajatlar qismini sifatli ijro etilishi hamda budjet mablagʻlarining maqsadli sarflanishini qattiq nazorat qilish, bunda Oʻzbekiston Respublikasining amaldagi qonunchiligiga hamda Oʻzbekiston Respublikasi Vazirlar Mahkamasining budjet ijrosiga oid qarorlari va farmoyishlari talablariga qatʼiy rioya etilishini taʼminlash vazifalari topshirilsin, shuningdek,

oʻzlarining budjetga oid vakolatlariga kiruvchi daromadlarining toʻliqligini va xarajatlar oʻz vaqtida moliyalashtirilishini taʼminlash yuzasidan shaxsan javobgar boʻlishlari toʻgʻrisida ogoxlantirilsin.

12. Viloyat, shahar va tumanlar hokimliklariga Xalq deputatlari Kengashlari bilan kelishgan holda:

moliya yili mobaynida iqtisodiy, ijtimoiy-madaniy va boshqa soxalardagi qoʻshimcha, koʻzda tutilmagan xarajatlarni oʻz vaqtida va uzluksiz moliyalashtirilishini taʼminlash uchun tegishli budjetlar sarf-xarajatlarining umumiy xajmidan 1 foizi miqdorida hokimliklarning zaxira jamgʻarmalarini shakllantirish;

toʻrtinchi guruh boʻyicha xarajatlar smetasini ijro etish jarayonida xududiy moliya organlari tomonidan maqbullashtirilgan budjet mablagʻlari tegishli ravishda mahalliy budjetlarning zaxira jamgʻarmalarini koʻpaytirishga yoʻnaltirilishi hamda oʻrnatilgan tartibda foydalanilishi belgilanganligi maʼlumot va ijro uchun qabul qilinsin.

Shuningdek, shahar va tumanlar hokimliklari mahalliy budjetlarning parametrlarini tasdiqlash boʻyicha tegishli qarorlar qabul qilishda yuqorida nazarda tutilgan tartib va normativlarni inobatga olsin.

13. 2019-yil 1-mayga qadar Oʻzbekiston Respublikasi Davlat budjeti mablagʻlari hisobidan moliyalashtiriladigan maktabgacha taʼlim muassasalarida bolalar taʼminoti uchun ota-onalar toʻlovini 2018-yil uchun belgilangan miqdorlarda saqlab qolgan holda 2019-yil 1-maydan boshlab Oʻzbekiston Respublikasi Prezidentining PQ-4086-sonli qarorining 32-ilovasida Oʻzbekiston Respublikasi Davlat budjeti mablagʻlari hisobidan moliyalashtiriladigan maktabgacha taʼlim muassasalarida bolalar taʼminoti uchun 2019-yilda ota-onalar toʻlovi miqdorlari belgilanganligini inobatga olinsin.

Viloyat maktabgacha taʼlim boshqarmasi (N. Toshbekov) tegishli davlat organlari va tashkilotlar bilan birgalikda maktabgacha taʼlim muassasalarida bolalar taʼminoti uchun ota-onalar toʻlovlarining oʻz vaqtida toʻlanishi boʻyicha zarur choralar koʻrib borsin.

14. Viloyat moliya bosh boshqarmasi (B. Oʻralov), gʻaznachilik boshqarmasi (S. Sodiqov), markaziy bank bosh boshqarmasi (I. Haydarov) bilan birgalikda 2019-yil yanvar oyida Jizzax viloyat mahalliy budjetining 2018-yildagi ijrosi boʻyicha qonunchilikda oʻrnatilgan tartibda yakuniy operatsiyalarni oʻtkazsinlar va mazkur operatsiyalarni Jizzax viloyati mahalliy budjetining 2018-yildagi ijrosi toʻgʻrisidagi xisobotlarda aks ettirilishini taʼminlasinlar.

15. Oʻzbekiston Respublikasi Prezidentining 2018-yil 26-dekabrdagi “Oʻzbekiston Respublikasining 2019-yilgi asosiy makroiqtisodiy koʻrsatkichlari prognozi va Davlat budjeti parametrlari hamda 2020-2021-yillarga budjet moʻljallari toʻgʻrisida”gi PQ-4086-sonli qarori bilan 20109 yil 1-yanvaridan Oʻzbekiston Respublikasi Prezidentining va Oʻzbekiston Respublikasi Huqumatining ayrim qarorlarining oʻz kuchini yoʻqotganligi, shuningdek ayrim qarorlariga oʻzgartirish va qoʻshimchalar kiritilganligi maʼlumot uchun qabul qilinsin.

16. Viloyat hokimligi axborot xizmati (A. Binokulov), viloyat teleradiokompaniyasi (E. Shermonov), “Jizzax haqiqati”, “Djizakskaya pravda” gazetasi (B. Nazarov) mazkur qarorni rasman eʼlon qilish va mazmun-mohiyaftini keng jamoatchilikka yetkazish hamada viloyat, tuman va shahar hokimliklarining rasmiy veb-saytlariga joylashtirish vazifalari yuklatilsin.

17. Belgilansinki, mazkur qaror rasmiy eʼlon qilingan kundan eʼtiboran kuchga kirsin.

18. Ushbu qarorning bajarilishini nazorat qilishni oʻz zimmamda qoldiraman.

Viloyat hokimi E. SALIYEV

Jizzax sh.,

2019-yil 8-yanvar,

11-son

Viloyat hokimining 2019-yil 8-yanvardagi 11-sonli qaroriga 1-ILOVA

2019 YIL UChUN JIZZAX VILOYATI BOʻYIChA DAVLAT BUDJETI DAROMADLARINING REJA KOʻRSATKIChLARI

Koʻrsatkichlar Miqdori, mln. soʻm 1. Daromadlar — hammasi 1 419 393,0 1. Toʻgʻri soliqlar 522 618,9 1.1. Yuridik shaxslardan olinadigan foyda soligʻi 120 000,0 1.2. Savdo va umumiy ovqatlanish korxonalari uchun yagona soliq toʻlovidan Davlat budjetiga ajratmalar 40 589,7 1.3. Yagona soliq toʻlovidan Davlat budjetiga ajratmalar, shu jumladan kichik korxona va mikrofirmalar boʻyicha 344 100,0 1.4. Jismoniy shaxslardan olinadigan daromad soligʻi 17 929,2 2. Egri soliqlar 615 040,6 2.1. Qoʻshilgan qiymat soligʻi 538 916,6 2.2. Aksiz soligʻi 76 123,9 shu jumladan aroq 7 043,3 benzin, dizel yoqilgʻisi va gaz realizatsiyasidan soliq 69 080,6 3. Resurs toʻlovlari va mol-mulk soligʻi 198 491,4 3.1. Mol-mulk soligʻi 47 167,1 3.2. Yer soligʻi 42 794,2 3.3. Suv resurslaridan foydalanganlik uchun soliq 3 507,2 3.4. Yer qaʼridan foydalanganlik uchun soliq 103 000,0 3.5. Yer qaʼridan foydalanganlik uchun soliq (noruda materiallari) 2 022,9 4. Boshqa daromadlar 83 242,1

1-ilovaning davomi Koʻrsatkichlar Miqdori, mln. soʻm 1. Daromadlar — hammasi 1 106 215,5 1. Toʻgʻri soliqlar 522 618,9 1.1. Yuridik shaxslardan olinadigan foyda soligʻi 120 000,0 1.2. Savdo va umumiy ovqatlanish korxonalari uchun yagona soliq toʻlovidan Davlat budjetiga ajratmalar 40 589,7 1.3. Yagona soliq toʻlovidan Davlat budjetiga ajratmalar, shu jumladan kichik korxona va mikrofirmalar boʻyicha 344 100,0 1.4. Jismoniy shaxslardan olinadigan daromad soligʻi 17 929,2 2. Egri soliqlar 404 863,1 2.1. Qoʻshilgan qiymat soligʻi 328 739,2 2.2. Aksiz soligʻi 76 123,9 shu jumladan aroq 7 043,3 benzin, dizel yoqilgʻisi va gaz realizatsiyasidan soliq 69 080,6 3. Resurs toʻlovlari va mol-mulk soligʻi 95 491,4 3.1. Mol-mulk soligʻi 47 167,1 3.2. Yer soligʻi 42 794,2 3.3. Suv resurslaridan foydalanganlik uchun soliq 3 507,2 3.4. Yer qaʼridan foydalanganlik uchun soliq 3.5. Yer qaʼridan foydalanganlik uchun soliq (noruda materiallari) 2 022,9 4. Boshqa daromadlar 83 242,1

Viloyat hokimining 2019-yil 8-yanvardagi 11-sonli qaroriga 2-ILOVA

Jizzax viloyati mahalliy budjetidan moliyalashtirilishi belgilangan xarajatlarning 2019-yilgi koʻrsatkichlari

Koʻrsatkichlar Miqdori (ming soʻm) Xarajatlar — jami 1 836 819,4 1. Ijtimoiy soxa va aholini ijtimoiy qoʻllab-quvvatlashga xarajatlar jami 1 527 447,1 shu jumladan 1.1. Maorif 954 726,4 maktabgacha taʼlim 120 296,2 umumiy taʼlim 833 427,0 kadrlar tayyorlash 1 003,2 1.2. Sogʻliqni saqlash 411 265,9 ish haqi va yagona ijtimoiy toʻlovlar 341 285,9 1.3. Madaniyat va sport, ommaviy axborot vositalari 35 684,7 madaniyat va ommaviy axborot vositalari 14 868,6 sport 20 816,1 1.4. Fan 2 351,9 1.5. Bolali oilalarga va kam taʼminlangan oilalarga nafaqalar 122 893,2 1.6. Davlat mukofatlarini toʻlash boʻyicha xarajatlar 20,3 1.7. Ijtimoiy koʻnikma markazlari 504,7 2. Iqtisodiy xarajatlar 132 396,5 Shu jumladan 2.1. Qishloq xoʻjaligi vazirligi tashkilotlari 10 730,1 2.2. Obodonlashtirish 51 583,7 2.3. Drenaj ishlari bilan bogʻliq xarajatlar 3 218,5 2.4. Koʻp xonadonli uy-joy fondiga tutash xududlarni obodonlashtirish 2 931,2 2.5. “Toza xudud” Davlat unitar korxonasi 8 314,2 2.6. Suv xoʻjaligi vazirligi tashkilotlari 33 002,5 2.7. Oʻrmon xoʻjaligi tashkilotlari 5 233,1 2.8. Davlat ekologiya qoʻmitasining xududiy boshqarmalari 3 867,6 2.9. Chigirtka va qizil kapalakka qarshi profilaktika chora-tadbirlari 2 684,7 2.10. Uy-joy kommunal xoʻjaligi vazirligining xududiy boʻlinmalarini saqlash xarajatlari 2 715,1 2.11. Veterinariya qoʻmitasi 8 115,8 3. Markazlashtirilgan investitsiyalarni moliyalashtirishga xarajatlar 59 229,1 4. Davlat boshqaruv organlarini saqlash 72 983,1 Shu jumladan 4.1. Davlat boshqaruv idoralari 72 983,1 5. Fuqarolarning oʻzini oʻzi boshqarish organlarini saqlash 23 523,9 6. Zaxira jamgʻarmasi 18 186,3 7. Boshqa xarajatlar 3 053,4 shu jumladan 7.1. Mahalliy budjetdan shakllantiriladigan boshqa muassasalar va tadbirlar 1 663,6 7.2. Qabullar uyini saqlash xarajatlari 1 389,8

Viloyat hokimining 2019-yil 8-yanvardagi 11-sonli qaroriga 3-ILOVA

Viloyat budjeti, Jizzax shahri va tumanlar mahalliy budjetlarining daromadlar va xarajatlar xajmlari, yuqori budjetdan maqsadli ijtimoiy transfertlar hamda xarajatlarni qoplash boʻyicha daromadlaring yetishmayotgan summasini mahalliy budjetlar oʻrtasida qaytadan taqsimlash hisobiga qoplanadigan daromadlar

MIQDORLARI

(ming soʻm) T/r Xududlar nomi Davlat budjeti daromadlari Mahalliy budjet daromadlari Xarajatlar Maqsadli ijtimoiy transfertlar shundan Xarajatlarning yetishmayotgan summasini qoplash boʻyicha mahalliy budjetlar oʻrtasida qaytadan taqsimlanadi gan daromadlar Xalq taʼlimi soxasi muassasalarining ish haqi va YIT uchun maqsadli ijtimoiy transfertlar Maktabgacha taʼlim soxasi muassasalarining ish haqi va YIT uchun maqsadli ijtimoiy transfertlar Tibbiyot soxasi muassasalarining ish haqi va YIT uchun maqsadli ijtimoiy transfertlar Viloyat budjeti 851 584 572 533 717 292 -316 343 936 -299 527 174 -16 816 762 0 -1 523 344 1. Jizzax shahri 565 763 530,0 34 591 731 153 229 434 118 637 703 78 308 673 20 616 037 19 712 993 2. Arnasoy tumani 26 348 810,0 11 401 150 46 884 689 35 483 539 24 526 096 2 589 361 8 368 082 3. Baxmal tumani 46 934 476,0 20 701 280 142 329 236 121 627 956 99 761 700 3 440 720 18 425 536 4. Gʻallaorol tumani 67 276 618,0 29 104 050 174 636 333 145 532 283 108 970 149 6 167 894 30 394 240 5. Sharof Rashidov tumani 112 286 495,0 29 429 463 167 014 691 137 585 228 98 512 126 12 463 623 26 609 479 6. Doʻstlik tumani 97 508 488,0 16 973 540 64 279 064 47 305 524 29 000 650 5 478 571 12 826 303 7. Zomin tumani 71 859 669,0 28 571 121 155 119 322 126 548 200 92 777 449 7 921 944 25 848 807 8. Zarbdor tumani 71 468 268,0 17 248 694 83 972 048 66 723 354 45 913 254 5 663 495 15 146 605 9. Zafarobod tumani 249 620 660,0 12 007 975 49 622 564 37 614 589 24 638 234 3 485 794 9 490 561 10. Mirzachoʻl tumani 20 034 384,0 14 635 380 59 197 143 44 561 763 29 432 304 5 099 111 10 030 348 11. Paxtakor tumani 53 994 894,0 14 845 679 68 546 553 53 700 873 33 764 745 7 248 354 12 687 774 12. Forish tumani 27 037 636,0 17 343 972 100 387 211 83 043 239 63 360 177 2 159 991 17 523 071 13. Yangiobod tumani 9 259 041,0 7 776 870 37 883 831 28 583 617 1 9852 379 1 748 915 6 982 323 1 523 344 Hammasi 1 419 392 969,0 1 106 215 479,0 1 836 819 411,0 730 603 932,0 449 290 762,0 67 267 048,0 214 046 122,0 0,0

Viloyat hokimining 2019-yil 8-yanvardagi 11-sonli qaroriga 4-ILOVA

Jizzax shahri va tumanlar mahalliy budjetlariga umumdavlat va mahalliy soliqlar tushumlaridan 2019-yilda ajratmalar

NORMATIVLARI

foizda T/r Soliqlar va daromadlar turlari Jizzax shahri Arnasoy tumani Baxmal tumani Gʻallaorol tumani Sharof Rashidov tumani Doʻstlik tumani Zomin tumani Zarbdor tumani Zafarobod tumani Mirzachoʻl tumani Paxtakor tumani Forish tumani Yangiobod tumani 1.1. Tuman va shaharlarga biriktirilgan daromadlar 100 100 100 100 100 100 100 100 100 100 100 100 100 1. Tadbirkorlik faoliyatining ayrim turlari boʻyicha qatiy belgilangan soliq 100 100 100 100 100 100 100 100 100 100 100 100 100 2. Jismoniy shaxslarning mol-mulkiga solinadigan soliq 100 100 100 100 100 100 100 100 100 100 100 100 100 3. Jismoniy shaxslardan olinadigan yer soligʻi 100 100 100 100 100 100 100 100 100 100 100 100 100 4. Bozorlardan tushadigan daromadlar 100 100 100 100 100 100 100 100 100 100 100 100 100 5. Suv resurslaridan foydalanganlik uchun soliq 100 100 100 100 100 100 100 100 100 100 100 100 100 6. Yer qaʼridan foydalanganlik uchun soliq (noruda materiallari) 100 100 100 100 100 100 100 100 100 100 100 100 100 7. Yagona yer soligʻi 100 100 100 100 100 100 100 100 100 100 100 100 100 8. Jarimalar 100 100 100 100 100 100 100 100 100 100 100 100 100 9. Mahalliy yigʻimlar (asosan alklgol maxsulotlari savdosi yigʻimi) 100 100 100 100 100 100 100 100 100 100 100 100 100 1.2. Tartibga soluvchi soliqlar a) Viloyat va tumanga tushadigan soliqlar 1. Yagona soliq toʻlovidan davlat budjetiga ajratmalar 23 100 100 100 95 100 100 100 100 100 100 100 100 2. Yuridik shaxslar yer soligʻi 0 100 100 100 49 100 100 0 100 100 100 100 100 3. Yuridik sha�slar mol-mulk soligʻi 0 100 100 100 100 100 100 84 100 100 100 100 100 4. Aksiz soligʻi 0 4.1. Aksiz soligʻi (alkogol maxsulotlari uchun) 0 0 100 0 0 0 0 0 0 0 0 0 0 4.2. Aksiz soligʻi (Benzin, dizel yoqilgʻisi va gaz uchun) 10 100 100 100 0 100 100 100 100 100 100 100 100 b) Respublika va viloyatga tushadigan soliqlar 0 1. Jismoniy shaxslardan olinadigan daromad soligʻi 0 73 10 0 0 10 40 30 0 65 15 68 100 2. Yuridik shaxslardan olinadigan foyda soligʻi 0 94 5 75 0 63 83 62 0 74 0 67 100 3. Qoʻshilgan qiymat soligʻi 0 0 0 0 0 0 0 0 0 0 0 0 4. Davlat boji 0 0 0 0 0 0 0 0 0 0 0 100 5. OʻzR IIV Yoʻl harakati xavfsizligi Bosh boshqarmasi va uning xududiy boʻlinmalari tomonidan undiriladigan yigʻimlar 0 0 0 0 0 0 0 0 0 0 0 0 100 s) Respublikaga tushadigan soliqlar 1. Yer qaʼridan foydalanganlik uchun soliq 0 0 0 0 0 0 0 0 0 0 0 0 0

Viloyat hokimining 2019-yil 8-yanvardagi 11-sonli qaroriga 5-ILOVA

2019-yilda viloyat budjeti, Jizzax shahri va tumanlar mahalliy budjetlarining zaxira jamgʻarmasi

MIQDORLARI

Xududlar nomi Miqdori, ming soʻm Viloyat budjeti 5 284 330 Jizzax shahri 1 517 123 Arnasoy tumani 464 205 Baxmal tumani 1 409 200 Gʻallaorol tumani 1 729 073 Sharof Rashidov tumani 1 653 611 Doʻstlik tumani 636 426 Zomin tumani 1 535 835 Zarbdor tumani 831 406 Zafarobod tumani 491 313 Mirzachoʻl tumani 586 110 Paxtakor tumani 678 679 Forish tumani 993 933 Yangiobod tumani 375 087 Hammasi 18 186 331

Viloyat hokimining 2019-yil 8-yanvardagi 11-sonli qaroriga 6-ILOVA

Viloyat budjeti, Jizzax shahri va tumanlar mahalliy budjetlarining aylanma kassa mablagʻlarining yoʻl qoʻyiladigan eng kam

MIQDORLARI

(ming soʻm) Xududlar nomi Aylanma kassa mablagʻi miqdori Viloyat budjeti 13 107 700 Jizzax shahri 343 600 Arnasoy tumani 161 800 Baxmal tumani 284 600 Gʻallaorol tumani 328 900 Sharof Rashidov tumani 293 300 Doʻstlik tumani 191 900 Zomin tumani 327 600 Zarbdor tumani 198 400 Zafarobod tumani 158 900 Mirzachoʻl tumani 175 800 Paxtakor tumani 184 300 Forish tumani 238 100 Yangiobod tumani 135 100 Hammasi 16 130 000

Yangiobod tumani mahalliy budjetlariga belgilangan aylanma kassa mablagʻlarining yoʻl qoʻyiladigan eng kam miqdorlari respublika budjeti va viloyat mahalliy budjeti hisobidan amalga oshiriladi.

Qolgan shahar va tumanlar mahalliy budjetlarining AKM miqdorlarida kamaygan summa viloyat budjetida koʻpaygan AKMni toʻldirishga yoʻnaltiriladi.