Davlat soliq qoʻmitasining bosh bojxona boshqarmasi toʻgʻrisidagi nizomga qoʻshimchalar kiritish toʻgʻrisida (319-son)

16.09.1996

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Vazirlar Mahkamasining 1996-yil 11-martdagi 88-son qarori qabul qilinganligi munosabati bilan Vazirlar Mahkamasi qaror qiladi:

Oʻzbekiston Respublikasi Vazirlar Mahkamasining “Oʻzbekiston Respublikasi Davlat soliq qoʻmitasini tashkil etish va uning faoliyati masalalari toʻgʻrisida” 1994-yil 4-martdagi 114-son qarori bilan tasdiqlangan Davlat soliq qoʻmitasining Bosh bojxona boshqarmasi toʻgʻrisidagi Nizomning 7-bandi quyidagi mazmundagi “t” kichik bandi bilan toʻldirilsin:

“t) bojxona deklaratsiyalar va bitishuvlar pasporti asosidagi eksport-import kontraktlari toʻgʻrisidagi maʼlumotlarni Oʻzbekiston Respublikasi Davlat soliq qoʻmitasi Valyuta va eksport-import operatsiyalarini nazorat qilish Bosh boshqarmasiga oʻz vaqtida va toʻliq berish”

Oʻzbekiston Respublikasining Bosh vaziri Oʻ. SULTONOV

Toshkent sh.,

1996-yil 16-sentabr,

319-son