Oʻzbekiston Respublikasi va Belarus Respublikasi oʻrtasida ikki tomonlama hamkorlikni yanada kengaytirish va mustahkamlash chora-tadbirlari toʻgʻrisida (PQ-4416-son)

03.08.2019

Oʻzbekiston Respublikasi Prezidentining

Qarori

Uzbekiston Respublikasi Prezidentining 2019-yil 31-iyul — 1-avgust kunlari Belarus Respublikasiga qilgan birinchi rasmiy tashrifi Uzbekiston-Belarus tarixida doʻstlik va sheriklik munosabatlarining yangi sahifasini ochdi, ikki mamlakat oʻrtasidagi koʻp qirrali xamkorlikni kengaytirishga kuchli turtki berdi.

Ochiq, doʻstona va konstruktiv muhitda oʻtgan oliy darajadagi samarali muzokaralar Oʻzbekiston Respublikasi va Belarus Respublikasi oʻrtasidagi har tomonlama hamkorlikni rivojlantirishga boʻlgan ikki tomonlama intilishlarni tasdikladi, oʻzaro manfaatli hamqorlikning sifat jihatidan yangi bosqichga oʻtishi va uning anik amaliy mazmun bilan boyishini taʼminladi.

Siyosiy, savdo-iqtisodiy, innovatsion, madaniy-gumanitar va boshka sohalarda oʻzaro hamkorlikni kengaytirish masalalari muxokama qilindi va qoʻshma qarorlar qabul kilindi.

Uzbekiston Respublikasi Prezidenti Sh.M. Mirziyoyev va Belarus Respublikasi Prezidenti A.G. Lukashenko tomonidan Qoʻshma bayonot, xukumatlararo va idoralararo 12 ta qujjat, shuningdek, ikki mamlakat hududlari oʻrtasida 13 ta bitim imzolandi.

Rasmiy tashrif doirasida II Hududlararo hamkorlik forumi. shuningdek, “Oʻzbekistonda ishlab chiqarilgan” milliy koʻrgazmasi samarali oʻtkazildi. ularning natijasida kariyb 300 mln AQSH dollariga teng shartnomalar va bitimlar imzolandi.

Uzbekiston Respublikasi xamda Belarus Respublikasi oʻrtasida siyosiy, savdo-iktisodiy, innovatsion. madaniy-gumanitar va boshka sohalarda hamkorlikni yanada kengaytirish boʻyicha imzolangan bitimlar va erishilgan kelishuvlarni soʻzsiz va sifatlm amalga oshirishni taʼminlash maqsadida:

1. Quyidagilar:

Oʻzbekiston Respublikasi Prezidentining Belarus Respublikasiga kilgan rasmiy tashrifi davomida imzolangan ikki tomonlama hujjatlarni amalga oshirish boʻymcha amaliy chora-tadbirlar rejasi (“Ioʻl xaritasi”) 1-ilovaga* muvofiq;

Oʻzbekiston Respublikasi xamda Belarus Respublikasiga oʻrtasida siyosiy, savdo-iqtisodiy, innovatsion, madaniy-gumanitar va boshqa sohalarda hamkorlikni yanada kengaytirish boʻyicha amaliy chora-tadbirlar rejasi (“Yoʻl xaritasi”) 2-ilovaga* muvofiq;

Oʻzbekiston Respublikasi Prezidentining Belarus Respublikasiga qilgan rasmiy tashrifi davomida imzolangan kooperatsiya loyihalari va savdo shartnomalarini amalga oshirish boʻyicha amaliy chora-tadbirlar rejasi (“Yoʻl xaritasi”) 3-ilovaga* muvofiq;

Oʻzbekiston Respublikasi Prezidentining Belarus Respublikasiga qilgan rasmiy tashrifi davomida imzolangan ikki tomonlama bitimlar va erishilgan kelishuvlarning oʻz vaqtida va soʻzsiz amalga oshirilishini monitoring hamda nazorat qilishni taʼminlash mexanizmi 4-ilovaga* muvofik gasdiqlansin.

* 1 — 4-ilovalar rus tilidani matnda berilgan.

2. Oʻzbekiston Respublikasi Vazirlar Maxkamasi bir xafta muddatda mazkur qarorning 3-ilovasiga kiritilgan kooperatsiya loyihalari va savdo shartnomalarini amalga oshirishning tarmoq jadvallarini tasdiqlasin.

3. Oʻzbekiston Respublikasi Prezidentining 2018-yil 30-oktabrdagi PF-5565-son Farmoni bilan tashkil ztilgan Oliy darajadagi tashriflar davomida imzolangan hujjatlar ijrosini taʼminlash masalalari boʻyicha respublika muvofiklashtiruvchi guruxi:

imzolangan hujjatlarning soʻzsiz va sifatli bajarilishi, shu jumladan Belarus Respublikasiga oliy darajadagi tashrif davomida erishilgan kelishuvlar xamda alohida hujjatlarning kuchga kirishi boʻyicha mamlakat ichki tartib-taomillarini oʻz vaktida amalga oshirish ustidan doimiy va tizimli monitoring hamda nazoratni tashkil qilish;

mazkur karor bilan tasdiqlangan amaliy chora-tadbirlar rejalari (“yoʻl xaritalari”)ning soʻzsiz ijro etilishi boʻyicha masʼul ijrochilar — vazirliklar, idoralar, mahalliy davlat hokimiyati organlari va boshka tashkilotlar rahbarlari tomonidan koʻrilayotgan amaliy choralar toʻgʻrisidagi xisobotlarni xar oyda eshitish;

siyosiy, savdo-iktisodiy, innovatsion, madaniy-gumanitar va boshqa sohalarda hamkorlikni yanada kengaygirish boʻyicha imzolangan ikki tomonlama bitimlar va erishilgan kelishuvlarni amalga oshirish, shuningdek, ushbu masalalar boʻyicha belarus tomoni, avvalo Hukumatlararo qoʻshma komissiya doirasida muntazam va samarali hamkorlikni tashkil qilish;

zarur xollarda Belarus Respublikasiga vazirliklar, idoralar va kompaniyalar vakillarini muzokaralar oʻtkazish, ikki tomonlama hamkorlikning barcha yoʻnalishlari boʻyicha joriy masalalarni tezkorlik bilan hal etish va tezlashtirish uchun xizmat safariga yuborishni taʼminlasin.

4. Masʼul ijrochilar — vazirliklar, idoralar, mahalliy davlat hokimiyati organlari va boshqa tashkilotlar:

tarmoq jadvallarini va mazkur qaror bilan tasdiqlangan amaliy chora-tadbirlar rejalarini oʻz vaqtida va sifatli bajarish hamda ularning ijrosi toʻgʻrisidagi maʼlumotlarni “ijro.gov.uz” tizimiga doimiy kiritib borishni;

har oyda hisobot oyidan keyingi oyning 3 sanasiga qadar tarmoq jadvallari va mazkur qaror bilan tasdiqlangan amaliy chora-tadbirlar rejalari ijrosi boʻyicha maʼlumotlarni tegishlicha Tashqi ishlar vazirligiga — 1 va 2-ilovalarga muvofiq, Investitsiyalar va tashqi savdo vazirligiga — 3-ilovaga muvofiq taqdim etishni taʼminlasin.

Tashqi ishlar vazirligi, Investitsiyalar va tashqi savdo vazirligi har oyda hisobot oyidan keyingi oyning 5 sanasiga qadar Oʻzbekiston Respublikasi Vazirlar Mahkamasi va Hisob palatasiga tarmoq jadvallari va mazkur qaror bilan tasdiqlangan amaliy chora-tadbirlar rejalarining ijrosi boʻyicha umumlashtirilgan maʼlumotlarni kiritsin.

Vazirlar Mahkamasi va Hisob palatasi har oyda hisobot oyidan keyingi oyning 10 sanasiga qadar Oʻzbekiston Respublikasi Prezidenti Administratsiyasiga va Oʻzbekiston Respublikasi Prezidenti huzuridagi Xavfsizlik kengashi apparatiga mazkur qaror hamda tasdiqlangan amaliy chora-tadbirlar rejalari ijrosining tanqidiy tahlilini taqdim etsin.

5. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov, Oʻzbekiston Respublikasi Prezidenti huzuridagi Xavfsizlik kengashi kotibi B. V. Maxmudov va Oliy Majlis Senati raisining birinchi oʻrinbosari S.S. Safoyev zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2019-yil 3-avgust,

PQ-4416-son