Elektron kooperatsiya birjasi portali orqali xaridlarni amalga oshirish uchun buyurtmachilar va yetkazib beruvchilarning avans mablagʻlari (zakalat va operatorning vositachilik yigʻimi) miqdorini belgilash haqida (3206-son)

23.12.2019

Oʻzbekiston Respublikasi Iqtisodiyot va sanoat vazirining

buyrugʻi

[Oʻzbekiston Respublikasi Adliya vazirligi tomonidan 2019-yil 23-dekabrda roʻyxatdan oʻtkazildi, roʻyxat raqami 3206]

Oʻzbekiston Respublikasining “Davlat xaridlari toʻgʻrisida”gi Qonuni, Oʻzbekiston Respublikasi Prezidentining 2019-yil 1-maydagi PQ-4302-son “Sanoat kooperatsiyasini yanada rivojlantirish va talab yuqori boʻlgan mahsulotlar ishlab chiqarishni kengaytirish chora-tadbirlari toʻgʻrisida”gi qarori va Oʻzbekiston Respublikasi Vazirlar Mahkamasining 2019-yil 30-sentabrdagi 833-son “Sanoat yarmarkalari va elektron kooperatsiya birjasi faoliyatini tashkil etish chora-tadbirlari toʻgʻrisida”gi qaroriga muvofiq buyuraman:

1. Elektron kooperatsiya birjasi portali orqali xaridlarni amalga oshirishda avans mablagʻlari miqdori:

buyurtmachilar (budjet buyurtmachilari bundan mustasno) va yetkazib beruvchilarning zakalat mablagʻi — savdoga qoʻyilgan lot summasining 1 foizida;

operatorning vositachilik yigʻimi — shartnoma summasining 0,10 foizi miqdorida belgilansin.

2. Mazkur buyruq Oʻzbekiston Respublikasi Moliya vazirligi bilan kelishilgan.

3. Mazkur buyruq rasmiy eʼlon qilingan kundan eʼtiboran kuchga kiradi.

Vazir B. XODJAYEV

Toshkent sh.,

2019-yil 29-noyabr,

17-son

Kelishilgan:

Moliya vaziri D. Kuchkarov

2019-yil 29-noyabr