2020-2021-yillarda Oʻzbekiston Respublikasida muzeylar faoliyatini takomillashtirish dasturini tasdiqlash toʻgʻrisida (1019-son)

19.12.2019

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Oʻzbekiston Respublikasida madaniyat va sanʼat sohasini innovatsion rivojlantirish toʻgʻrisida” 2018-yil 26-avgustdagi PQ-3920-son qarori ijrosini taʼminlash, shuningdek, muzeylarni rivojlantirishning innovatsion va amaliy mexanizmini ishlab chiqish, koʻrsatilayotgan xizmatlar sifatini oshirish, infratuzilmani yaxshilash, sanʼat va badiiy ijodni rivojlantirish uchun zarur shart-sharoitlar yaratish, jahon madaniyati maydonida mamlakatning nufuzini mustahkamlash maqsadida Vazirlar Mahkamasi qaror qiladi:

1. Oʻzbekiston Respublikasi Madaniyat vazirligi, Madaniyat vazirligi huzuridagi Madaniyat va sanʼatni rivojlantirish jamgʻarmasi (keyingi oʻrinlarda Jamgʻarma deb ataladi), Innovatsion rivojlanish vazirligi, Moliya vazirligi, Iqtisodiyot va sanoat vazirligi tomonidan ishlab chiqilgan quyidagilarni nazarda tutuvchi 2020-2021-yillarda Oʻzbekiston Respublikasida muzeylar faoliyatini takomillashtirish dasturi (keyingi oʻrinlarda Dastur deb ataladi) 1-ilovaga muvofiq tasdiqlansin:

Oʻzbekiston muzeylarini renovatsiya qilish;

Oʻzbekiston Davlat sanʼat muzeyi faoliyatini takomillashtirish;

Toshkent shahar, Sayilgoh koʻchasi, 1-uy manzilida joylashgan sobiq knyaz Romanov qarorgohini rekonstruksiya qilish va faoliyatini taʼminlash.

2. 2020 — 2021-yillarda Oʻzbekiston Respublikasida muzeylar faoliyatini takomillashtirish dasturini amalga oshirish boʻyicha ishchi guruh tarkibi (keyingi oʻrinlarda ishchi guruh deb ataladi) 2-ilovaga muvofiq tasdiqlansin.

3. Quyidagilar Dasturni moliyalashtirish manbalari etib belgilansin:

Oʻzbekiston Respublikasining 2020 — 2022-yillarga moʻljallangan Investitsiya dasturi doirasida ajratiladigan mablagʻlar;

xalqaro tashkilotlarning grantlari;

Jamgʻarmaning mablagʻlari;

yuridik va jismoniy shaxslarning homiylik xayriyalari;

qonun hujjatlari bilan taqiqlanmagan boshqa manbalar.

4. Ishchi guruhga:

Oʻzbekiston Respublikasi Vazirlar Mahkamasi bilan kelishgan holda Dasturga oʻzgartirishlar kiritish;

renovatsiya qilinadigan muzeylarning nizomlarini tasdiqlash, Oʻzbekiston Respublikasi Moliya vazirligi bilan kelishgan holda ularning tashkiliy tuzilmasi va shtatlar jadvaliga xodimlarning belgilangan umumiy cheklangan soni va mehnatga haq toʻlash fondi doirasida oʻzgartirishlar kiritish haqida Oʻzbekiston Respublikasi madaniyat vaziriga takliflar kiritish;

renovatsiya qilinadigan muzeylar faoliyatiga oid qarorlar qabul qilish huquqi berilsin.

5. Belgilansinki, Jamgʻarma Dasturni amalga oshirish, shu jumladan, manfaatdor vazirliklar va idoralar faoliyatini muvofiqlashtirish uchun masʼul hisoblanadi.

Jamgʻarma Dasturni amalga oshirish doirasida tovarlar, ishlar va xizmatlar xarid qilinishi uchun buyurtmachi etib belgilansin.

6. Oʻzbekiston Respublikasi Madaniyat vazirligi oʻn kun muddatda Oʻzbekiston Davlat sanʼat muzeyi (keyingi oʻrinlarda Muzey deb ataladi) binosini rekonstruksiya qilish ishlari vaqtincha toʻxtatilishini, amalga oshirilgan ishlar xatlovdan oʻtkazilishini hamda natijalari Jamgʻarmaga topshirilishini taʼminlasin.

7. Oʻzbekiston Respublikasi Iqtisodiyot va sanoat vazirligi Moliya vazirligi hamda Jamgʻarma bilan birgalikda Dastur doirasida Muzey faoliyatini takomillashtirish va uning binosini rekonstruksiya qilish xarajatlari Oʻzbekiston Respublikasining 2020 — 2022-yillarga moʻljallangan Investitsiya dasturiga kiritilishini taʼminlasin.

8. Toshkent shahar hokimligining:

ikki oy muddatda Muzey hududiga tutash hamda Shahrisabz, T. Shevchenko va Yakka Chinor koʻchalari kesishmasida joylashgan yer uchastkasini Muzeyga belgilangan tartibda ajratish;

Oʻzbekiston Respublikasi Davlat aktivlarini boshqarish agentligi bilan birgalikda Toshkent shahar, Sayilgoh koʻchasi, 1-uy manzilida joylashgan sobiq knyaz Romanov qarorgohini Oʻzbekiston Respublikasi Madaniyat vazirligiga operativ boshqaruv huquqi asosida tekin berish toʻgʻrisidagi taklifiga rozilik berilsin.

9. Oʻzbekiston Respublikasi Tashqi ishlar vazirligi Jamgʻarmaning buyurtmanomalari boʻyicha:

Dasturni amalga oshirish maqsadlari uchun zarur boʻlgan xorijiy xizmat koʻrsatuvchilar va mutaxassislar jalb etilishiga koʻmaklashsin;

Dasturni amalga oshirish doirasida jalb etiladigan xorijiy mutaxassislarga kirish vizalarini konsullik yigʻimlari va amaldagi xarajatlarni qoplash hisobiga yigʻimlar undirilmasdan rasmiylashtirilishini belgilangan tartibda taʼminlasin.

10. Oʻzbekiston Respublikasi Madaniyat vazirligi Muzey qurilishi va uni rekonstruksiya qilish davrida Muzey kolleksiyasi muzey kolleksiyalari xavfsizligi va saqlanishi boʻyicha zamonaviy talablarga javob beradigan binolarga olib chiqilishi va vaqtincha saqlanishini taʼminlasin.

11. Oʻzbekiston Respublikasi Madaniyat vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

12. Mazkur qarorning bajarilishini nazorat qilish Oʻzbekiston Respublikasi madaniyat vaziri B.S. Sayfullayev zimmasiga hamda Vazirlar Mahkamasining Yoshlar siyosati, madaniyat, maʼnaviyat, ommaviy axborot vositalari, ijodiy va jamoat tashkilotlari masalalari kotibiyatiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2019-yil 19-dekabr,

1019-son

Vazirlar Mahkamasining 2019-yil 19-dekabrdagi 1019-son qaroriga 1-ILOVA

2020-2021-yillarda Oʻzbekiston Respublikasida muzeylar faoliyatini takomillashtirish

DASTURI

T/r Tadbirlar Amalga oshirish mexanizmi Bajarish muddatlari Masʼul ijrochilar I.Oʻzbekiston muzeylarining renovatsiyasi Koʻrsatilayotgan xizmatlar sifatini oshirish uchun muzeylarning maʼmuriy tuzilmasini takomillashtirish 1. I. Savitskiy nomidagi Qoraqalpogʻiston Respublikasi davlat sanʼat muzeyi, Oybek uy-muzeyi, Oʻzbekiston amaliy sanʼati muzeyining (keyingi oʻrinlarda muzeylar deb ataladi) rahbarlik lavozimlariga xalqaro mutaxassislarni jalb etgan holda ochiq tanlovlar oʻtkazish. Ishchi guruh bayonnomasi 2020-2021-yillar Madaniyat vazirligi huzuridagi Madaniyat va sanʼatni rivojlantirish jamgʻarmasi, Madaniyat vazirligi, Tashqi ishlar vazirligi, manfaatdor vazirliklar va idoralar 2. Muzeylarda quyidagilarni nazarda tutuvchi Dasturni ishlab chiqish va tasdiqlash: muzeylarga ishga qabul qilishda nomzodlarni tanlovdan oʻtkazish tartibi; asosiy sifat koʻrsatkichlari asosida har chorakda muzeylar xodimlari faoliyatni baholash; tashrif buyuruvchilarga yoʻnaltirilgan biznes-jarayonlar; aktivlar va xodimlarni boshqarishning samarali modeli. Ishchi guruh bayonnomasi 2020-yil I chorak Madaniyat vazirligi huzuridagi madaniyat va sanʼatni rivojlantirish jamgʻarmasi, Madaniyat vazirligi, manfaatdor vazirliklar va idoralar Muzeylarning joriy holatini tahlil qilish 3. Yetakchi xorijiy mutaxassislarni jalb etgan holda muzeylar kolleksiyalari va muzeylar infratuzilmasini tahlil qilish, shu jumladan, xatlovdan oʻtkazish va moliyaviy auditni amalga oshirish. Tashkiliy tadbirlar 2020-yil I chorak Madaniyat vazirligi huzuridagi Madaniyat va sanʼatni rivojlantirish jamgʻarmasi, Madaniyat vazirligi 4. Muzeylar infratuzilmasi sifati darajasini oshirish, shu jumladan, imkoniyati cheklangan shaxslarning muzeylarga kirishi uchun zarur shart-sharoitlar yaratish boʻyicha tavsiyalarni oʻz ichiga olgan hisobot tuzish. Tashkiliy tadbirlar 2020-yil I chorak Madaniyat vazirligi huzuridagi madaniyat va sanʼatni rivojlantirish jamgʻarmasi, Madaniyat vazirligi 5. Xorijiy mutaxassislarni jalb etgan holda muzeylarni rivojlantirish boʻyicha yillik marketing rejasini tasdiqlash. Ishchi guruh bayonnomasi 2020-yil II chorak Madaniyat vazirligi huzuridagi madaniyat va sanʼatni rivojlantirish jamgʻarmasi, Madaniyat vazirligi, manfaatdor vazirlik va idoralar 6. Tashrif buyuruvchilarning ehtiyojlarini muntazamlik asosida tahlil qilish jarayonlarini joriy etish. Tashkiliy tadbirlar Doimo Madaniyat vazirligi huzuridagi madaniyat va sanʼatni rivojlantirish jamgʻarmasi, Madaniyat vazirligi Kolleksiyalarni boshqarish, eksponatlarni saqlash va konservatsiya qilish tizimini takomillashtirish 7. Muzeylar kolleksiyalarining elektron katalogini yuritish tizimini joriy qilish (tegishli shartnomalar tuzish). Tashkiliy tadbirlar 2020-yil I chorak Madaniyat vazirligi huzuridagi madaniyat va sanʼatni rivojlantirish jamgʻarmasi, Madaniyat vazirligi 8. Muzeylar kolleksiyalarini boshqarish siyosatini ishlab chiqish va tasdiqlash. Ishchi guruh bayonnomasi 2020-yil II chorak Madaniyat vazirligi huzuridagi madaniyat va sanʼatni rivojlantirish jamgʻarmasi, Madaniyat vazirligi, manfaatdor vazirlik va idoralar 9. Muzeylar kolleksiyalarini saqlash va konservatsiya qilish siyosatini ishlab chiqish va tasdiqlash. Ishchi guruh bayonnomasi 2020-yil II chorak Madaniyat vazirligi huzuridagi madaniyat va sanʼatni rivojlantirish jamgʻarmasi, Madaniyat vazirligi, manfaatdor vazirlik va idoralar 10. Muzeylar restavratsiyasi ishlarining reja-jadvalini tasdiqlash. Ishchi guruh bayonnomasi 2020-yil II chorak Madaniyat vazirligi huzuridagi madaniyat va sanʼatni rivojlantirish jamgʻarmasi, Madaniyat vazirligi Infratuzilmani takomillashtirish orqali koʻrsatiladigan xizmatlar interaktivligini oshirish 11. “Google Arts & Culture” axborot portaliga muzeylar kolleksiyalarining raqamlashtirilgan tasvirlarini kiritish. Tashkiliy tadbirlar 2020-yil II chorak Madaniyat vazirligi huzuridagi madaniyat va sanʼatni rivojlantirish jamgʻarmasi 12. Koʻp tilli audio-gidlar oʻrnatish. Tashkiliy tadbirlar 2020-yil III chorak Madaniyat vazirligi 13. Xalqaro tajribaga ega mutaxassislarni jalb etgan holda smart-texnologiyalarni joriy etish asosida ekspozitsiyalarni ishlab chiqish (tegishli shartnomalar tuzish). Tashkiliy tadbirlar Doimiy asosda Madaniyat vazirligi huzuridagi madaniyat va sanʼatni rivojlantirish jamgʻarmasi, Madaniyat vazirligi, manfaatdor vazirlik va idoralar Rekonstruksiya qilish, taʼmirlash va moddiy-texnik jihozlash 14. Rekonstruksiya va taʼmirlash ishlari, zarur uskunalarni xarid qilish boʻyicha reja-jadvalni ishlab chiqish va tasdiqlash. Ishchi guruh bayonnomasi 2020-yil II chorak Madaniyat vazirligi huzuridagi madaniyat va sanʼatni rivojlantirish jamgʻarmasi, Madaniyat vazirligi Aholining muzey eksponatlari bilan tanishishi uchun infratuzilmani yaratish 15. Imkoniyati cheklangan shaxslar, keksa yoshdagi tashrif buyuruvchilar, maktab yoshidagi bolalar va ularga hamrohlik qiluvchi shaxslarning muzeylarga kirishi va ularga xizmat koʻrsatishning inklyuziv usullari dasturini ishlab chiq�sh va tasdiqlash. Ishchi guruh bayonnomasi 2020-yil I chorak Madaniyat vazirligi huzuridagi madaniyat va sanʼatni rivojlantirish jamgʻarmasi, Madaniyat vazirligi, manfaatdor vazirlik va idoralar 16. Muzeylarda inklyuzivlik dasturini amalga oshirish. Ishchi guruh bayonnomasi 2021-yil I chorak Madaniyat vazirligi huzuridagi madaniyat va sanʼatni rivojlantirish jamgʻarmasi, Madaniyat vazirligi Oʻzini oʻzi taʼminlash tamoyiliga asoslangan muzeylarni moliyalashtirish modelini joriy qilish 17. Doimiylik asosida muzey ishiga tadbirkorlik faoliyatini joriy etish, shu jumladan, muzeylarda mavzuga oid va umumiy esdalik buyumlari, ish yuritish va bosma mahsulotlarni ishlab chiqarish va sotuvini tashkil etish, maʼruzalar, mahorat darslari koʻrinishida taʼlim-axborot tadbirlarini oʻtkazish, ovqatlanish shoxobchalarini tashkil etish qilish boʻyicha tadbirlar rejasini tasdiqlash. Ishchi guruh bayonnomasi 2020-yil I chorak Madaniyat vazirligi huzuridagi madaniyat va sanʼatni rivojlantirish jamgʻarmasi, Madaniyat vazirligi, Moliya vazirligi Muzeylar huzurida akademik tadqiqotlarni rivojlantirish 18. Akademik tadqiqotlarning yoʻnalishi va mavzularini tasdiqlash. Ishchi guruh bayonnomasi 2020-yil I chorak Madaniyat vazirligi huzuridagi madaniyat va sanʼatni rivojlantirish jamgʻarmasi, Madaniyat vazirligi, Fanlar akademiyasi, manfaatdor vazirlik va idoralar 19. Muzeylarda akademik tadqiqotlar boʻyicha, shu jumladan mahalliy va xorijiy tadqiqotchilarni jalb qilgan holda grant dasturlarini ishlab chiqish va tasdiqlash. Ishchi guruh bayonnomasi 2020-yil II chorak Madaniyat vazirligi huzuridagi madaniyat va sanʼatni rivojlantirish jamgʻarmasi, Madaniyat vazirligi 20. Madaniyat vazirligi huzuridagi Madaniyat va sanʼatni rivojlantirish jamgʻarmasi huzuridagi Restavratsiya ilmiy-tadqiqot markazida restavratsiya faoliyati boʻyicha kurslarni joriy qilish. Vazirlar Mahkamasiningqarori 2020-yil IVchorak Madaniyat vazirligi huzuridagi madaniyat va sanʼatni rivojlantirish jamgʻarmasi, Madaniyat vazirligi, Fanlar akademiyasi, manfaatdor vazirlik va idoralar II. Oʻzbekiston Davlat sanʼat muzeyi faoliyatini takomillashtirish 21. Oʻzbekiston Davlat sanʼat muzeyi binosining rekonstruksiya loyihasini amalga oshirish uchun zarur xarajatlarni 2020 — 2022-yillarga moʻljallangan Oʻzbekiston Respublikasi Investitsiya dasturiga kiritish. Tashkiliy tadbirlar 2019-yil dekabr Iqtisodiyot va sanoat vazirligi, Madaniyat vazirligi huzuridagi Madaniyat va sanʼatni rivojlantirish jamgʻarmasi, Moliya vazirligi 22. Smitson institutining (AQSh) tavsiyalari asosida xorijiy mutaxassislarni jalb qilgan holda Oʻzbekiston Davlat sanʼat muzeyi kolleksiyalarini, maʼmuriy-xoʻjalik boshqaruvini, texnik sharoitlarni va infratuzilmani tahlil qilish. Xorijiy mutaxassislar bilan shartnomalar tuzish, yakuniy xulosani va tavsiyalarni taqdim qilgan holda tadqiqot ishlarini oʻtkazish. Tashkiliy tadbirlar 2020-yil I chorak Madaniyat vazirligi huzuridagi Madaniyat va sanʼatni rivojlantirish jamgʻarmasi 23. Jahonga mashhur arxitektor Tadao Andoning “Tadao Ando Architect & Associates” arxitektorlik byurosini (Yaponiya) jalb qilgan holda Oʻzbekiston Davlat sanʼat muzeyi binosining arxitektura dizaynini ishlab chiqish. Shartnomalar tuzish, homiylik xayriyalarini va grantlarni jalb qilish, dizayn konsepsiyasini ishlab chiqish va tasdiqlash. Tashkiliy tadbirlar 2020-yil II chorak Madaniyat vazirligi huzuridagi Madaniyat va sanʼatni rivojlantirish jamgʻarmasi 24. Oʻzbekiston Davlat sanʼat muzeyini rekonstruksiya qilishni moliyalashtirishning boshqa manbalarini aniqlash. Binoni rekonstruksiya qilishning umumiy qiymatini koʻrib chiqish uchun Moliya vazirligiga kiritish, homiylik xayriyalarini jalb qilish. Tashkiliy tadbirlar 2020-yil II chorak Madaniyat vazirligi huzuridagi Madaniyat va sanʼatni rivojlantirish jamgʻarmasi, Iqtisodiyot va sanoat vazirligi, Moliya vazirligi 25. Oʻzbek�ston Davlat sanʼat muzeyi binosini rekonstruksiya qilish uchun loyiha-smeta hujjatlarini ishlab chiqish va tasdiqlash. Loyiha-smeta hujjatlarini ishlab chiqish boʻyicha shartnomalar tuzish, binoni rekonstruksiya qilish maqsadida ilmiy-texnik hujjatlarni ishlab chiqish boʻyicha shartnomalarni tuzish, loyiha-smeta hujjatlarini ishlab chiqish va belgilangan tartibda tasdiqlash. Tashkiliy tadbirlar 2020-yil II chorak Madaniyat vazirligi huzuridagi Madaniyat va sanʼatni rivojlantirish jamgʻarmasi, Iqtisodiyot va sanoat vazirligi, Qurilish vazirligi 26. Rekonstruksiya qilish davrida Oʻzbekiston Davlat sanʼat muzeyi madaniy aktivlarini koʻchirish va saqlanishini taʼminlash. Aktivlarni xatlovdan oʻtkazish, ularni saqlash joylarini aniqlash va aktivlarni koʻchirib oʻtkazish boʻyicha texnik talablarga muvofiqlashtirish. Tashkiliy tadbirlar 2020-yil III chorak Madaniyat vazirligi 27. Oʻzbekiston Davlat sanʼat muzeyi madaniy aktivlarini restavratsiya qilish. Madaniy aktivlarni restavratsiya qilish uchun yetakchi xorijiy restavratorlar bilan shartnomalar tuzish masalasini oʻrganish. Tashkiliy tadbirlar 2020-yil IVchorak Madaniyat vazirligi huzuridagi Madaniyat va sanʼatni rivojlantirish jamgʻarmasi 28. Oʻzbekiston Davlat sanʼat muzeyi binosini rekonstruksiya qilish. Maslahat va boshqa xizmatlarni xarid qilish, binoni rekonstruksiya qilish uchun pudratchilar bilan shartnomalar tuzish, rekonstruksiya davrida muzey kolleksiyalarini maxsus tanlangan bino/xonaga joylashtirish, bino rekonstruksiyasini amalga oshirish, muzey uchun zarur uskuna va texnik vositalarni sotib olish. Tashkiliy tadbirlar 2020-2021-yillar Madaniyat vazirligi huzuridagi Madaniyat va sanʼatni rivojlantirish jamgʻarmasi 29. Oʻzbekiston Davlat sanʼat muzeyi faoliyatini takomillashtirish. Ishchi guruh bayoni 2020-2021-yillar mobaynida Madaniyat vazirligi huzuridagi Madaniyat va sanʼatni rivojlantirish jamgʻarmasi, Madaniyat vazirligi 30. Xorijiy mutaxassislarni jalb qilgan holda Oʻzbekiston Davlat sanʼat muzeyi kolleksiyalarini reekspozitsiya qilish boʻyicha tegishli ishlarni bajarish. Muzeyning doimiy ekspozitsiyasini yaratish uchun yetakchi xorijiy muzey mutaxassislarini jalb qilish. Tashkiliy tadbirlar 2020-2021-yillar mobaynida Madaniyat vazirligi huzuridagi Madaniyat va sanʼatni rivojlantirish jamgʻarmasi, Madaniyat vazirligi III. Sobiq knyaz Romanov qarorgohini rekonstruksiya qilish va faoliyatini taʼminlash 31. Obyekt binosini taʼmirlashning reja-konsepsiyasini ishlab chiqish. Obyekt binosi dizayni va uni restavratsiya qilish konsepsiyasini ishlab chiqish boʻyicha ishlarni bajarishga qurilish sohasidagi yetakchi xorijiy kontraktlar tuzuvchilar bilan shartnomani imzolash. Tashkiliy tadbirlar 2020-yil I chorak Madaniyat vazirligi huzuridagi madaniyat va sanʼatni rivojlantirish jamgʻarmasi 32. Obyekt binosini restavratsiya qilishning loyiha-smeta hujjatlarini ishlab chiqish. Loyiha-smeta hujjatlarini ishlab chiqish boʻyicha xizmatlar koʻrsatishga shartnoma tuzish, loyiha-smeta hujjatlarini tasdiqlash. Tashkiliy tadbirlar 2020-yil I-II chorak Madaniyat vazirligi huzuridagi madaniyat va sanʼatni rivojlantirish jamgʻarmasi, Iqtisodiyot va sanoat vazirligi, Qurilish vazirligi 33. Xorijiy ekspertlarni, shu jumladan, YUNESKO mutaxassislarini jalb qilgan holda Toshkent shahar, Sayilgoh koʻchasi, 1-uy manzilida joylashgan knyaz Romanov qarorgohi (keyingi oʻrinlarda obyekt deb ataladi) binosini (texnik shartlari va infratuzilmasini) oʻrganish va obyektni maʼmuriy-xoʻjalik boshqarish boʻyicha tavsiyalarni ishlab chiqish. Obyekt kolleksiyasini shakllantirish maqsadida Oʻzbekiston Davlat sanʼat muzeyi fondlarini oʻrganish. Xorijiy mutaxassislar bilan shartnomalar tuzish, yakuniy xulosa va tavsiyalar taqdim etgan holda tadqiqot ishlari olib borish, Oʻzbekiston Davlat sanʼat muzeyi fondlaridan obyekt binosida ekspozitsiya zallarini tashkil etish uchun tadqiqotlar oʻtkazish. Tashkiliy tadbirlar 2020-yil II chorak Madaniyat vazirligi huzuridagi madaniyat va sanʼatni rivojlantirish jamgʻarmasi 34. Obyekt negizida Oʻzbekiston davlat sanʼat muzeyi filialini tashkil etish. Normativ-huquqiy hujjat loyihasi 2020-yil III chorak Madaniyat vazirligi huzuridagi madaniyat va sanʼatni rivojlantirish jamgʻarmasi 35. Moddiy madaniy meros obyektl�rini saqlashni taʼminlash boʻyicha qonun hujjatlari talablariga muvofiq obyekt binosini restavratsiya qilish ishlarini bajarish. Binoni restavratsiya qilish ishlarini bajarishga kontrakt tuzuvchilar bilan shartnomalar tuzish, kolleksiyalarni obyektda joylashtirish, binoni rekonstruksiya qilish ishlarini amalda bajarish. Tashkiliy tadbirlar 2020-2021-yillar mobaynida Madaniyat vazirligi huzuridagi madaniyat va sanʼatni rivojlantirish jamgʻarmasi 36. Obyektni moddiy-texnik jihozlash. Obyektni, shuningdek, ekspozitsiya zallarini jihozlash uchun texnik aktivlarni xarid qilish. Tashkiliy tadbirlar 2020-2021-yillar mobaynida Madaniyat vazirligi huzuridagi madaniyat va sanʼatni rivojlantirish jamgʻarmasi 37. Xorijiy mutaxassislarni jalb etgan holda Oʻzbekiston Davlat sanʼat muzeyi fondlaridan kolleksiyalarni obyekt binosida ekspozitsiyaga qoʻyish ishlarni bajarish. Obyektning doimiy ekspozitsiyasini tashkil qilish uchun yetakchi xorijiy muzey mutaxassislarini jalb etish. Ishchi guruh bayonnomasi 2020-2021-yillar mobaynida Madaniyat vazirligi huzuridagi madaniyat va sanʼatni rivojlantirish jamgʻarmasi

* Dasturning ushbu seksiyasida nazarda tutilgan tadbirlar Oʻzbekiston Respublikasi Madaniyat vazirligi huzuridagi Madaniyat va sanʼatni rivojlantirish jamgʻarmasi mablagʻlari hisobiga moliyalashtiriladi, 2020 — 2022-yillarga moʻljallangan Oʻzbekiston Respublikasi Investitsiya dasturi doirasida olingan Oʻzbekiston Respublikasi Davlat budjeti mablagʻlari va xalqaro tashkilotlarining grantlari bundan mustasno.

** Dasturning ushbu seksiyasida nazarda tutilgan tadbirlar Oʻzbekiston Respublikasi Madaniyat vazirligi huzuridagi Madaniyat va sanʼatni rivojlantirish jamgʻarmasining budjet boʻlmagan manbalaridan va xorijiy tashkilotlarning grantlaridan shakllantirilgan mablagʻlar hisobiga moliyalashtiriladi.

Vazirlar Mahkamasining 2019-yil 19-dekabrdagi 1019-son qaroriga 2-ILOVA

2020-2021-yillarda Oʻzbekiston Respublikasida muzeylar faoliyatini takomillashtirish dasturini amalga oshirish boʻyicha ishchi guruh

TARKIBI

1. B. Sayfullayev — Oʻzbekiston Respublikasi madaniyat vaziri, ishchi guruh rahbari 2. A. Vial — Luvr muzeyining diplomatik maslahatchisi, xalqaro munosabatlar boʻyicha Luvr muzeyi prezidentining yordamchisi (Parij shahri) (kelishuv boʻyicha) 3. Z. Tregulova — Davlat Tretyakov galereyasining direktori (Moskva shahri) (kelishuv boʻyicha) 4. lavozim boʻyicha — Smitson instituti (AQSh) xodimi (kelishuv boʻyicha) 5. M. Yuldasheva — Oʻzbekiston Respublikasi Fanlar akademiyasining Sanʼatshunoslik instituti arxitektura boʻlimi mudiri 6. G. Umerova — Oʻzbekiston Respublikasi Madaniyat vazirligi huzuridagi Madaniyat va sanʼatni rivojlantirish jamgʻarmasi ijrochi direktorining oʻrinbosari