Hunarmandchilikni yanada rivojlantirish va hunarmandlarni qoʻllab-quvvatlash boʻyicha qoʻshimcha chora-tadbirlar toʻgʻrisida (PQ-4539-son)

28.11.2019

Oʻzbekiston Respublikasi Prezidentining

Qarori

Mamlakatimizda milliy hunarmandchilik, xalq badiiy va amaliy sanʼatini rivojlantirish, bu orqali xalqimizning boy madaniy merosi va tarixiy anʼanalarini toʻliq saqlab qolish, band boʻlmagan aholini, ayniqsa yoshlar, ayollar va kam taʼminlangan oilalarni hunarmandchilikka keng jalb etish orqali ularning ish bilan bandligini taʼminlash maqsadida:

1. Oʻzbekiston Respublikasi Savdo-sanoat palatasi, “Hunarmand” uyushmasi, Madaniyat vazirligi, Turizmni rivojlantirish davlat qoʻmitasining respublika hududlarini hunarmandchilik faoliyatining asosiy yoʻnalishlari boʻyicha ixtisoslashtirish va ularga hunarmandchilik mahsulotlarini chet el bozorlarida namoyish etish va sotish uchun koʻmaklashish maqsadida Oʻzbekiston Respublikasining xorijdagi diplomatik vakolatxonalarini biriktirish toʻgʻrisidagi takliflari 1-ilovaga muvofiq maʼqullansin.

Belgilab qoʻyilsinki, Oʻzbekiston Respublikasining xorijdagi diplomatik vakolatxonalari “Hunarmand” uyushmasi, Savdo-sanoat palatasi hamda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari murojaatiga asosan oʻziga biriktirilgan hududlardan boshqa hududlarda faoliyat yurituvchi hunarmandlar mahsulotlarini chet elda namoyish etish va sotishda ham har tomonlama amaliy yordam koʻrsatadi.

2. Oʻzbekiston Respublikasi Tashqi ishlar vazirligi (Neʼmatov) Investitsiyalar va tashqi savdo vazirligi (Qudratov), Savdo-sanoat palatasi (Ikramov), “Hunarmand” uyushmasi (Abdullayev) bilan birgalikda respublikaning xorijdagi diplomatik vakolatxonalari orqali mazkur vakolatxonalar joylashgan va boshqa yirik shaharlarda hunarmandlarga oʻz mahsulotlarini namoyish etish va sotish uchun milliy hunarmandchilik va xalq amaliy sanʼati mahsulotlarini keng targʻib qilish, yangi bozorlarni oʻzlashtirishga koʻmaklashuvchi “savdo uylari” va milliy hunarmandchilik mahsulotlari doʻkonlarini tashkil etish choralarini koʻrsin.

3. Oʻzbekiston Respublikasi Madaniyat vazirligi, Badiiy akademiyasi, Turizmni rivojlantirish davlat qoʻmitasi, Savdo-sanoat palatasi va “Hunarmand” uyushmasining:

“Xalq amaliy sanʼati ustalarining milliy katalogi”ni (keyingi oʻrinlarda — Milliy katalog) joriy etish;

“Turizm sohasida faoliyat yuritayotgan hunarmandlar reyestri”ni (keyingi oʻrinlarda — Reyestr) yuritish;

Xalq amaliy sanʼati ustalarining milliy katalogiga kiritiladigan nomzodlarni tanlash boʻyicha kengashni (keyingi oʻrinlarda — Kengash) tuzish toʻgʻrisidagi takliflariga rozilik berilsin.

4. Belgilansinki:

a) Milliy katalogga quyidagi hunarmandlar Kengash qarori asosida kiritiladi:

nufuzli xalqaro koʻrgazma, koʻrik-tanlov kabi tadbirlarda gʻolib yoki laureat sifatida eʼtirof etilganlar;

tegishli sohada sanʼat va fan arbobi hamda akademiklarning tavsiyasiga egalar;

“Oʻzbekiston Respublikasi xalq ustasi” faxriy unvoniga egalar;

b) Reyestrga Turizmni rivojlantirish davlat qoʻmitasi tomonidan “Hunarmand” uyushmasining quyidagi aʼzolari kiritiladi:

turistik marshrutdagi manzil boʻyicha oʻz ustaxonasida yoki ijara asosida faoliyat yurituvchilar;

oʻzi ishlab chiqargan mahsulotlarni galereyalar, hunarmandchilik mahsulotlari doʻkonlari, mahalliy va xorijiy savdo uylariga shartnoma asosida namoyish va sotish uchun qoʻyayotganlar;

Milliy katalogga kiritilganlar;

“Hunarmand” uyushmasining Badiiy kengashi tomonidan tavsiya etilganlar.

5. Oʻzbekiston Respublikasi Savdo-sanoat palatasi, Madaniyat vazirligi, Badiiy akademiyasi va “Hunarmand” uyushmasi:

ikki hafta muddatda “Hunarmand” uyushmasi raisi rahbarligida Oʻzbekiston Respublikasi Madaniyat vazirligi, Badiiy akademiyasi rahbarlari va masʼul xodimlaridan iborat boʻlgan Kengash tarkibini tasdiqlasin;

bir oy muddatda hunarmandlarni Xalq amaliy sanʼati ustalarining milliy katalogiga kiritish tartibi toʻgʻrisidagi nizomni ishlab chiqib, tasdiqlasin.

“Hunarmand” uyushmasi 2020-yil 1-yanvardan boshlab Milliy katalogni ochiq va umum foydalaniladigan veb-sayt koʻrinishida ishga tushirish choralarini koʻrsin va doimiy ravishda yangilab borsin.

6. Oʻzbekiston Respublikasi Turizmni rivojlantirish davlat qoʻmitasi “Hunarmand” uyushmasi bilan birgalikda:

bir oy muddatda turizm sohasida faoliyat yuritayotgan hunarmandlar reyestrini tuzish va yuritish tartibi toʻgʻrisidagi nizomni ishlab chiqib, tasdiqlasin;

2020-yil 1-yanvarga qadar Reyestrning shakllantirilishini taʼminlasin;

2020-yil 1-martdan boshlab Reyestrni onlayn tarzda real vaqt rejimida yangilanuvchi ochiq va umum foydalaniladigan veb-sayt koʻrinishida ishga tushirish choralarini koʻrsin va doimiy ravishda yangilab borsin.

7. 2020-yil 1-yanvardan boshlab:

2023-yil 1-yanvarga qadar Milliy katalog va Reyestrga kiritilgan hunarmandlar uchun kalendar yili davomida hunarmandchilik mahsulotlarini (ishlar, xizmatlar) sotishdan tushgan tushumi 100 mln soʻmdan oshgan, biroq 1 mlrd soʻmdan koʻp boʻlmagan miqdori uchun yakka tartibdagi tadbirkorlar tomonidan yagona soliq toʻlov stavkasi 2 foiz miqdorida toʻlanadi;

hunarmandchilik faoliyatining asosiy yoʻnalishlari boʻyicha yangidan davlat roʻyxatidan oʻtishda toʻlanadigan davlat boji yakka tartibdagi tadbirkorlik faoliyatini amalga oshirish uchun amalda belgilangan davlat boji miqdorining 50 foizi miqdorida oʻrnatilsin;

Milliy katalogga kiritilgan hunarmandlarga shogirdlar soni boʻyicha cheklovlar bekor qilinsin;

koʻrgazma zallari, galereyalar, pavilyonlar, bozor va yarmarka rastalarida namoyish qilish va sotish uchun joylar ajratilishida Milliy katalogga kiritilgan hunarmandlar uchun ustuvorlik qoʻllanilsin.

8. Oʻzbekiston Respublikasi Prezidentining 2017-yil 17-noyabrdagi “Hunarmandchilikni yanada rivojlantirish va hunarmandlarni har tomonlama qoʻllab-quvvatlash chora-tadbirlari toʻgʻrisida”gi PF-5242-son Farmoni bilan qishloq joylarda roʻyxatdan oʻtgan va faoliyatini amalga oshirayotgan hunarmandlar oʻz faoliyatining dastlabki ikki yili mobaynida Moliya vazirligi huzuridagi budjetdan tashqari Pensiya jamgʻarmasiga belgilangan yagona ijtimoiy toʻlovning 50 foizini toʻlash tartibi oʻrnatilganligi maʼlumot uchun qabul qilinsin.

Mazkur tartib 2020-yil 1-yanvardan boshlab shaharlarda roʻyxatdan oʻtgan va aynan xalq amaliy sanʼati mahsulotlari ishlab chiqarish faoliyati bilan shugʻullanuvchi “Hunarmand” uyushmasi aʼzolariga tatbiq etilsin.

Bunda, xalq badiiy hunarmandchiligi va amaliy sanʼati bilan bogʻliq bilimlar va koʻnikmalar, anʼanaviy asbob-anjomlardan foydalangan holda, asosan qoʻl mehnati usulida yaratilgan va qoida tariqasida milliy naqshlar bilan bezatilgan buyum va asarlar xalq amaliy sanʼati mahsulotlari hisoblanishi belgilab qoʻyilsin.

9. Oʻzbekiston Respublikasi Prezidentining 2019-yil 24-oktabrdagi “Oilaviy tadbirkorlikni rivojlantirish davlat dasturlari doirasida amalga oshirilayotgan loyihalarni kreditlash tartibini takomillashtirishning qoʻshimcha chora-tadbirlari toʻgʻrisida”gi PQ-4498-son qaroriga muvofiq 2020-yil davomida hunarmandchilikni rivojlantirish dasturi uchun 589,3 mlrd soʻm miqdorida (shundan, 470 mlrd soʻm (50 mln AQSH dollari) Oʻzbekiston Respublikasi Tiklanish va taraqqiyot jamgʻarmasi hisobidan) kreditlar ajratilishi maʼlumot uchun qabul qilinsin.

Oʻzbekiston Respublikasi Tiklanish va taraqqiyot jamgʻarmasi mablagʻlarni yuqoridagi qarorning 2-bandi toʻrtinchi xatboshisida belgilangan shartlarda ajratsin.

AT Xalq banki”, “Mikrokreditbank” ATB va “Agrobank” ATB ushbu manbalar hisobidan “Hunarmand” uyushmasi aʼzolariga ishlab chiqarish ehtiyojlari uchun asbob-uskuna, ehtiyot qismlar va xomashyo materiallarini xarid qilish, hunarmandchilikni rivojlantirish markazlari, “usta-shogird” maktablarini tashkil etish, uy-muzeylar va ustaxonalar qurish yoki shu maqsadlarda bino va inshootlar sotib olish uchun 36 oygacha muddatga hamda aylanma mablagʻlarini toʻldirish uchun 18 oygacha muddatga, 2022-yil 1-yanvarga qadar Oʻzbekiston Respublikasi Markaziy bankining asosiy stavkasidan oshmagan holda, 2022-yil 1-yanvardan boshlab, yillik 14 foiz stavkada 300 million soʻmgacha boʻlgan miqdorda kreditlar ajratsin.

10. “Hunarmand” uyushmasi Oʻzbekiston Respublikasi Madaniyat vazirligi, Xalq taʼlimi vazirligi hamda Bandlik va mehnat munosabatlari vazirligi bilan birgalikda 2020/2021 oʻquv yilidan boshlab hunarmandchilikka ixtisoslashgan hududlarda hunarmandchilik va xalq amaliy sanʼati yoʻnalishlari boʻyicha bolalar musiqa va sanʼat maktablari, “Barkamol avlod” bolalar markazlari hamda Bandlik va mehnat munosabatlari vazirligi tizimidagi kasb-hunarga oʻqitish markazlarida oʻquv kurslarini tashkil etsin.

Oʻzbekiston Respublikasi Oliy va oʻrta maxsus taʼlim vazirligi “Hunarmand” uyushmasi hamda Bandlik va mehnat munosabatlari vazirligi bilan birgalikda 2020-yil 1-mayga qadar hunarmandchilik yoʻnalishida kasb-hunar taʼlimi muassasalarida kadrlar tayyorlashning namunaviy oʻquv reja va dasturlarini tasdiqlasin.

11. Oʻzbekiston Respublikasi Iqtisodiyot va sanoat vazirligi, Oʻrmon xoʻjaligi davlat qoʻmitasi, Savdo-sanoat palatasi, “Hunarmand” uyushmasi ikki oy muddatda hunarmandlarni mahsulot ishlab chiqarish uchun xomashyo (shu jumladan mis, qora metall, ipak va yogʻoch) bilan taʼminlashning qulay tizimini joriy etish hamda qayta tiklanadigan xomashyo (tutzorlar, qattiq turdagi daraxtlar) bazasini yaratish boʻyicha Vazirlar Mahkamasiga takliflar kiritsin.

12. Oʻzbekiston Respublikasi Savdo-sanoat palatasi Investitsiyalar va tashqi savdo vazirligi, Oʻzbekiston Respublikasi Prezidenti huzuridagi Loyiha boshqaruvi milliy agentligi, Axborot texnologiyalari va kommunikatsiyalarini rivojlantirish vazirligi bilan birgalikda Milliy katalogga kiritilgan hunarmandlarga marketing sohasida doimiy amaliy yordam koʻrsatsin va ularning mahsulotlari elektron tijorat (E-commerce) yoʻnalishida keng qoʻllaniladigan Internet jahon axborot tarmogʻi veb-saytlari orqali sotilishida zarur tashkiliy ishlarni yoʻlga qoʻyish choralarini koʻrsin.

13. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:

ikki oy muddatda yirik savdo majmualari va dehqon bozorlari hududlarida alohida “hunarmandlar rastalari”ni tashkil etsin;

“Hunarmand” uyushmasiga aʼzo boʻlgan hunarmandlarni doimiy ravishda “hunarmandlar rastalari”ga joylashtirib borsin;

2020-yil yakuniga qadar tashabbuskorlarni jalb qilgan holda Qoraqalpogʻiston Respublikasi, viloyatlar va Toshkent shahrining 2-ilovaga muvofiq tuman va shaharlarida milliy hunarmandchilikning barcha yoʻnalishlarini oʻzida mujassam etadigan zamonaviy “hunarmandlar bozori”ni tashkil etsin;

hunarmandlarni ijtimoiy qoʻllab-quvvatlash maqsadida “Suzuk ota” majmuasi misolida ixtisoslashtirilgan hunarmandchilik majmualarini tashkil etish choralarini koʻrsin;

2020-yil yakuniga qadar Oʻzbekiston Badiiy akademiyasi, Oʻzbekiston Respublikasi Madaniyat vazirligi, Davlat aktivlarini boshqarish agentligi va “Hunarmand” uyushmasi bilan birgalikda Qoraqalpogʻiston Respublikasi va viloyatlar markazlarida hamda Toshkent shahrida xalq amaliy sanʼati va hunarmandchilik mahsulotlari koʻrgazma zallari va galereyalarini tashkil etsin.

14. Oʻzbekiston Respublikasi Savdo-sanoat palatasi “Hunarmand” uyushmasi, Investitsiyalar va tashqi savdo vazirligi hamda Tashqi ishlar vazirligi bilan birgalikda ikki oy muddatda “World craft council” xalqaro hunarmandchilik kengashi tomonidan tashkil etiladigan tadbirlarda “Hunarmand” uyushmasining doimiy ishtirokini taʼminlash hamda ushbu xalqaro tashkilot bilan hunarmandchilikni rivojlantirish borasidagi tadbirlar uchun xalqaro tashkilotlarning texnik koʻmagini jalb qilishga qaratilgan aniq tadbirlarni ishlab chiqsin.

Oʻzbekiston Respublikasi Savdo-sanoat palatasi va “Hunarmand” uyushmasi hunarmandchilikni qoʻllab-quvvatlash borasidagi xalqaro tajribani muntazam oʻrganib borish va umumlashtirish, shu asosda ilgʻor xorijiy tajribalarni Oʻzbekiston Respublikasida joriy etishga qaratilgan ishlarni tizimli yoʻlga qoʻyish choralarini koʻrsin.

15. “Uzbekistan airways” AJ va “Oʻzbekiston temir yoʻllari” AJga hunarmandchilik sohasidagi nufuzli xalqaro festival va koʻrgazmalarda qatnashadigan Milliy katalogga kiritilgan hunarmandlar uchun yoʻl chiptalariga imtiyozlar qoʻllash tavsiya etilsin.

Bunda, xorijiy davlatlarda anʼanaviy tarzda oʻtkaziladigan hunarmandchilik sohasidagi nufuzli xalqaro festival va koʻrgazmalarning roʻyxati Oʻzbekiston Respublikasi Vazirlar Mahkamasi tomonidan tasdiqlanadi.

Oʻzbekiston Respublikasi Tashqi ishlar vazirligi xorijdagi diplomatik vakolatxonalari orqali xorijiy davlatlarda anʼanaviy tarzda oʻtkaziladigan hunarmandchilik sohasidagi nufuzli xalqaro festival va koʻrgazmalarda hunarmandlar ishtirok etishlari uchun zaruriy tashkiliy koʻmak koʻrsatilishini taʼminlasin.

16. Hunarmandchilik sohasini yanada rivojlantirish boʻyicha “Yoʻl xaritasi” (keyingi oʻrinlarda — “Yoʻl xaritasi”) 3-ilovaga muvofiq tasdiqlansin.

“Yoʻl xaritasi”da nazarda tutilgan chora-tadbirlarning oʻz vaqtida, toʻliq va sifatli amalga oshirilishi yuzasidan masʼul vazirlik va idoralar rahbarlariga shaxsiy javobgarlik yuklansin.

Oʻzbekiston Respublikasi Savdo-sanoat palatasi “Hunarmand” uyushmasi bilan birgalikda “Yoʻl xaritasi”da nazarda tutilgan chora-tadbirlarning bajarilishi boʻyicha maʼlumotlarni har oyda Vazirlar Mahkamasiga kiritib borsin.

Oʻzbekiston Respublikasi Iqtisodiyot va sanoat vazirligi respublikada hunarmandchilik sohasining rivojlanishini baholash uchun tegishli indikatorlarni Davlat statistika qoʻmitasi, Savdo-sanoat palatasi va “Hunarmand” uyushmasi bilan birgalikda ikki oy muddatda ishlab chiqsin va ularning 2020-yildan boshlab har chorakda ommaviy axborot vositalarida chop etib borilishini taʼminlasin.

17. Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari bir oy muddatda:

mazkur qarorda belgilangan chora-tadbirlar hamda tuman va shaharlarning hunarmandchilik yoʻnalishlari boʻyicha ixtisoslashuvidan kelib chiqqan holda Qoraqalpogʻiston Respublikasi, viloyatlar va Toshkent shahrida 2020-2021-yillarda hunarmandchilikni rivojlantirish strategiyalarini ishlab chiqsin;

ishlab chiqilgan strategiyalar boʻyicha Oʻzbekiston Respublikasi Vazirlar Mahkamasida taqdimot oʻtkazsin va tegishli tartibda tasdiqlasin.

18. Oʻzbekiston Respublikasi Madaniyat vazirligi Davlat bojxona qoʻmitasi, Fanlar akademiyasi, Badiiy akademiyasi, Savdo-sanoat palatasi, “Hunarmand” uyushmasi hamda boshqa manfaatdor vazirlik va idoralar bilan birgalikda bir oy muddatda anʼanaviy xalq badiiy hunarmandchiligi buyumlari turlarini qayta koʻrib chiqqan holda madaniy boyliklarga taalluqli ashyolar toifasi tarkibiga oʻzgartirishlar kiritish yuzasidan Vazirlar Mahkamasiga taklif kiritsin.

19. Oʻzbekiston milliy teleradiokompaniyasi:

“Hunarmand” uyushmasi bilan birgalikda ommaviy axborot vositalarida hunarmandchilik va xalq amaliy sanʼati tarixi hamda bugungi rivojini keng targʻib qilib borish maqsadida “Maʼnaviyat va maʼrifat” telekanalida muntazam namoyish etiladigan hunarmandchilikka oid telekoʻrsatuvlarni tashkil etsin;

Oʻzbekiston elektron ommaviy axborot vositalari milliy assotsiatsiyasi va “Hunarmand” uyushmasi bilan birgalikda mazkur qarorning mazmun-mohiyati ommaviy axborot vositalarida keng yoritilishini taʼminlasin.

20. Oʻzbekiston Respublikasi Savdo-sanoat palatasi boshqa manfaatdor vazirlik va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar kiritish toʻgʻrisida Vazirlar Mahkamasiga takliflar kiritsin.

21. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining maslahatchisi R.A. Gulyamov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2019-yil 28-noyabr,

PQ-4539-son

Oʻzbekiston Respublikasi Prezidentining 2019-yil 28-noyabrdagi PQ-4539-son qaroriga 1-ILOVA

Respublika hududlarini hunarmandchilik yoʻnalishlari boʻyicha ixtisoslashtirish va ularga Oʻzbekiston Respublikasining xorijdagi diplomatik vakolatxonalarini biriktirish

ROʻYXATI

T/r Hudud nomi Biriktirilgan diplomatik vakolatxonalar Tuman (shahar) nomi Ixtisoslashuv yoʻnalishi 1. Qoraqalpogʻiston Respublikasi 1. Oʻzbekiston Respublikasining Yaponiyadagi Elchixonasi 2. Oʻzbekiston Respublikasining Germaniya Federativ Respublikasidagi Elchixonasi 3. Oʻzbekiston Respublikasining Quvayt Davlatidagi Elchixonasi Xoʻjayli tumani Metalldan yasalgan buyumlar Chimboy tumani Yogʻochdan tayyorlangan xalq hunarmandchiligi mahsulotlari 2. Andijon viloyati 1. Oʻzbekiston Respublikasining Germaniya Federativ Respublikasidagi Elchixonasi 2. Oʻzbekiston Respublikasining Hindiston Respublikasidagi Elchixonasi 3. Oʻzbekiston Respublikasining Qirgʻiziston Respublikasidagi Elchixonasi Andijon shahri Oʻyinchoqlar Paxtaobod tumani Milliy poyabzal tayyorlash Shahrixon tumani Metalldan yasalgan buyumlar 3. Buxoro viloyati 1. Oʻzbekiston Respublikasining Xitoy Xalq Respublikasidagi Elchixonasi 2. Oʻzbekiston Respublikasining Isroil Davlatidagi Elchixonasi 3. Oʻzbekiston Respublikasining Indoneziya Respublikasidagi Elchixonasi Buxoro shahri Kandakorlik, misgarlik buyumlari Gʻijduvon tumani Kashtachilik Romitan tumani Metalldan yasalgan buyumlar 4. Jizzax viloyati 1. Oʻzbekiston Respublikasining Rossiya Federatsiyasidagi Elchixonasi 2. Oʻzbekiston Respublikasining Fransiya Respublikasidagi Elchixonasi 3. Oʻzbekiston Respublikasining Belarus Respublikasidagi Elchixonasi Sh. Rashidov tumani Milliy liboslar tayyorlash Gʻallaorol tumani Yogʻochdan tayyorlangan xalq hunarmandchiligi mahsulotlari Baxmal tumani Qoʻlda gilam toʻqish 5. Qashqadaryo viloyati 1. Oʻzbekiston Respublikasining Buyuk Britaniya va Shimoliy Irlandiya Birlashgan Qirolligidagi Elchixonasi 2. Oʻzbekiston Respublikasining Polsha Respublikasidagi Elchixonasi 3. Oʻzbekiston Respublikasining Eron Islom Respublikasidagi Elchixonasi Shahrisabz shahri Kashtachilik Kasbi tumani Chinni, fayans va sopol buyumlari Chiroqchi tumani Qoʻlda gilam toʻqish 6. Navoiy viloyat 1. Oʻzbekiston Respublikasining Amerika Qoʻshma Shtatlaridagi Elchixonasi 2. Oʻzbekiston Respublikasining Birlashgan Arab Amirliklaridagi Elchixonasi 3. Oʻzbekiston Respublikasining Ukrainadagi Elchixonasi Nurota tumani Kashtachilik Uchquduq tumani Qoʻlda gilam toʻqish 7. Namangan viloyati 1. Oʻzbekiston Respublikasining Belgiya Qirolligidagi Elchixonasi 2. Oʻzbekiston Respublikasining Misr Arab Respublikasidagi Elchixonasi 3. Oʻzbekiston Respublikasining Ozarbayjon Respublikasidagi Elchixonasi Namangan shahri Qoʻlda gazlamalar toʻqish, milliy poyabzal tikish Chust tumani Bosh kiyimlar tayyorlash Kosonsoy tumani Milliy liboslar tayyorlash 8. Samarqand viloyati 1. Oʻzbekiston Respublikasining Turkiya Respublikasidagi Elchixonasi 2. Oʻzbekiston Respublikasining Xitoy Xalq Respublikasidagi Elchixonasi 3. Oʻzbekiston Respublikasining Ispaniya Qirolligidagi Elchixonasi 4. Oʻzbekiston Respublikasining Gretsiya Respublikasidagi bosh konsulligi Samarqand shahri Miniatura, rang tasvir, naqqoshlik va boʻyoqli naqshlar Kattaqoʻrgʻon shahri Zardoʻzlik buyumlari Ishtixon tumani Yogʻochdan tayyorlangan xalq hunarmandchiligi mahsulotlari Urgut tumani Milliy liboslar tayyorlash 9. Surxondaryo viloyati 1. Oʻzbekiston Respublikasining Yaponiyadagi Elchixonasi 2. Oʻzbekiston Respublikasining Avstriya Respublikasidagi Elchixonasi 3. Oʻzbekiston Respublikasining Afgʻoniston Islom Respublikasidagi Elchixonasi 4. Oʻzbekiston Respublikasining Tojikiston Respublikasidagi Elchixonasi Termiz shahri Qoʻlda gilam toʻqish Boysun tumani Kashtachilik 10. Sirdaryo viloyati 1. Oʻzbekiston Respublikasining Xitoy Xalq Respublikasidagi Elchixonasi 2. Oʻzbekiston Respublikasining Italiya Respublikasidagi Elchixonasi 3. Oʻzbekiston Respublikasining Qozogʻiston Respublikasidagi Elchixonasi Guliston shahri Metalldan yasalgan buyumlar 11. Toshkent viloyati 1. Oʻzbekiston Respublikasining Turkiya Respublikasidagi Elchixonasi 2. Oʻzbekiston Respublikasining Rossiya Federatsiyasidagi Elchixonasi 3. Oʻzbekiston Respublikasining Pokiston Islom Respublikasidagi Elchixonasi 4. Oʻzbekiston Respublikasining Qozogʻiston Respublikasidagi Elchixonasi Angren shahri Qimmatbaho metalldan yasalgan zargarlik buyumlari Chirchiq shahri Tosh oʻymakorligi Zangiota tumani Oddiy metallardan tayyorlangan milliy uslubdagi taqinchoqlar 12. Fargʻona viloyati 1. Oʻzbekiston Respublikasining Janubiy Koreyadagi elchixonasi 2. Oʻzbekiston Respublikasining Latviya Respublikasidagi Elchixonasi 3. Oʻzbekiston Respublikasining Ummon Sultonligidagi Elchixonasi Qoʻqon shahri Yogʻoch oʻymakorligi Margʻilon shahri Qoʻlda gazlamalar toʻqish, ipak gilam toʻqish Rishton tumani Chinni, fayans va sopol buyumlar 13. Xorazm viloyati 1. Oʻzbekiston Respublikasining Malayziyadagi Elchixonasi 2. Oʻzbekiston Respublikasining Saudiya Arabistoni Qirolligidagi Elchixonasi 3. Oʻzbekiston Respublikasining Turkmanistondagi Elchixonasi Urganch shahri Qoʻlda gilam toʻqish Xiva tumani Yogʻochdan tayyorlangan xalq hunarmandchiligi mahsulotlari 14. Toshkent shahri 1. Oʻzbekiston Respublikasining Amerika Qoʻshma Shtatlaridagi Elchixonasi 2. Oʻzbekiston Respublikasining Janubiy Koreyadagi Elchixonasi 3. Oʻzbekiston Respublikasining Singapurdagi Elchixonasi Shayxontohur tumani Yogʻoch oʻymakorligi Uchtepa tumani Ganch oʻymakorligi Olmazor tumani Milliy poyabzal tayyorlash Chilonzor tumani Gul bosilgan gazlamalar va chokli buyumlar

Oʻzbekiston Respublikasi Prezidentining 2019-yil 28-noyabrdagi PQ-4539-son qaroriga 2-ILOVA

2020-yilda respublika hududlarida “hunarmandlar bozori”ni tashkil etish

CHORA-TADBIRLARI

T/r Hudud Tuman (shahar) Manzili Ijro muddati Masʼul ijrochilar 1. Qoraqalpogʻiston Respublikasi Nukus shahri “Gone qalʼa” MFY 2020-yil 1-iyul Qoraqalpogʻiston Respublikasi Vazirlar Kengashi (Sariyev), Nukus shahar hokimligi (Tureshev), Chimboy tumani hokimligi (Yechanov), Xoʻjayli tumani hokimligi (Yermashov) Chimboy tumani “Tazgara” OFY 2020-yil 1-iyul Xoʻjayli tumani “Samankoʻl” OFY, “Qamish sholi” aholi punkti 2020-yil 30-sentabr 2. Andijon viloyati Qoʻrgʻontepa tumani Mustaqillik koʻchasi 2020-yil 31 dekabr Andijon viloyati hokimligi (Abduraxmanov), Qoʻrgʻontepa tumani hokimligi (Ergashev), Paxtaobod tumani hokimligi (Bozorov), Marhamat tumani hokimligi (Qamchiyev) Paxtaobod tumani “Z. Xabibiy” MFY 2020-yil 1-iyul Marhamat tumani Ipak yoʻli koʻchasi 2020-yil 30-sentabr 3. Buxoro viloyati Buxoro shahri Ibn Sino koʻchasi 2020-yil 31 dekabr Buxoro viloyati hokimligi (Barnoyev), Buxoro shahar hokimligi (Kamalov) 4. Jizzax viloyati Jizzax shahri “Oʻrda” bogʻi 2020-yil 1-iyul Jizzax viloyati hokimligi (Saliyev), Jizzax shahar hokimligi (Shukurov) 5. Qashqadaryo viloyati Qarshi shahar I. Karimov koʻchasi, “Odina” tarixiy-meʼmoriy majmuasi hududi 2020-yil 1-iyul Qashqadaryo viloyati hokimligi (Mirzayev), Qarshi shahar hokimligi (Xolboyev) 6. Navoiy viloyati Navoiy shahar M. Tarobiy koʻchasi 26-uy 2020-yil 31 dekabr Navoiy viloyati hokimligi (Tursunov), Navoiy shahar hokimligi (Bazarov), Uchquduq tuman hokimligi (Hamroyev) Uchquduq tumani A. Temur koʻchasi 9-uy 2020-yil 30-sentabr 7. Namangan viloyati Namangan shahri “Koʻzagarlik” koʻchasi, “Mulla Qirgʻiz” tarixiy meʼmoriy majmuasi 2020-yil 1-iyul Namangan viloyati hokimligi (Bozorov), Namangan shahar hokimligi (Abdurazakov), Chust tumani hokimligi (Oxunov) Chust tumani “Chust dehqon bozori” MCHJ hududi 2020-yil 1-aprel 8. Samarqand viloyati Samarqand shahri “Bibixonim” tarixiy-meʼmoriy majmuasi 2020-yil 30-sentabr Samarqand viloyati hokimligi (Turdimov), Samarqand shahar hokimligi (Oblaqulov) 9. Sirdaryo viloyati Boyovut tumani “Dexqonobod” MFY 2020-yil 31 dekabr Sirdaryo viloyati hokimligi (Mirzayev), Boyovut tuman hokimligi (Madaminov) 10. Surxondaryo viloyati Termiz shahri “Ibn Sino” koʻchasi, “Yashil dunyo” markaziy dehqon bozori 2020-yil 31 dekabr Surxondaryo viloyati hokimligi (Bobolov), Termiz shahar hokimligi (Xudoyberdiyev) 11. Xorazm viloyati Xiva shahri “Ichan Qalʼa” MFY 2020-yil 1-iyul Xorazm viloyati hokimligi (Ermanov), Xiva shahar hokimligi (Jumaniyazov) 12. Fargʻona viloyati Rishton tumani “Toʻqimachi” koʻchasi 2020-yil 30-sentabr Fargʻona viloyati hokimligi (Gʻaniyev), Rishton tumani hokimligi (Soliyev), Buvayda tumani hokimligi (Ibragimov) Buvayda tumani “Yangiqoʻrgʻon” paxta tozalash punkti 2020-yil 1-aprel 13. Toshkent viloyati Toshkent tumani Toshkent xalqa yoʻli boʻyi 2020-yil 1-iyul Toshkent viloyati hokimligi (Xolmatov), Toshkent tumani hokimligi (Sulaymonov) 14. Toshkent shahri Shayxontohur tumani Koʻkaldosh madrasasidan “Islom sivilizatsiyasi markazi”gacha boʻlgan hudud 2020-yil 1-aprel Toshkent shahar hokimligi (Artikxodjayev), Shayxontohur tumani hokimligi (Toʻxtayev)

Izoh: Ushbu ilovada koʻrsatilgan manzillar mahalliy davlat hokimiyati organlari tomonidan bozor tashkil qilish uchun qulay boʻlgan boshqa hudud bilan almashtirilishi mumkin;

YUNESKOning Umumjahon merosi roʻyxatiga kiritilgan hududlarda va ularning qoʻriqlanadigan tegralarida qurilish-montaj va obodonlashtirish ishlari ularning loyihalari YUNESKOning Umumjahon merosi markazi bilan kelishilgandan soʻng amalga oshiriladi.

Oʻzbekiston Respublikasi Prezidentining 2019-yil 28-noyabrdagi PQ-4539-son qaroriga 3-ILOVA

Hunarmandchilik sohasini yanada rivojlantirish boʻyicha

“YOʻL XARITASI”

T/r Amalga oshiriladigan tadbirlar nomi Ijro muddati Amalga oshirish uchun masʼullar: vazirlik va idoralardan Vazirlar Mahkamasidan I. Turizmni rivojlantirishda milliy hunarmandchilikning rolini oshirish 1. “Hunarmand” uyushmasi raisi rahbarligida Oʻzbekiston Respublikasi Madaniyat vazirligi va Badiiy akademiyasi rahbarlari va masʼul xodimlaridan iborat boʻlgan Xalq amaliy sanʼati ustalarining milliy katalogiga kiritiladigan nomzodlarni tashlash boʻyicha Kengash tarkibini tasdiqlash. qaror qabul qilingan kundan ikki hafta muddatda Savdo-sanoat palatasi (A. Ikramov), Madaniyat vazirligi (B. Sayfullayev), Badiiy akademiya (A. Nuridinov), “Hunarmand” uyushmasi (U. Abdullayev) J. Qoʻchqorov, A. Ortiqov, B. Axmedov 2. Hunarmandlarni Xalq amaliy sanʼati ustalarining milliy katalogiga kiritish tartibi toʻgʻrisidagi nizomni tasdiqlash. qaror qabul qilingan kundan bir oy muddatda Savdo-sanoat palatasi (A. Ikramov), Madaniyat vazirligi (B. Sayfullayev), Badiiy akademiya (A. Nuridinov), “Hunarmand” uyushmasi (U. Abdullayev) J. Qoʻchqorov, A. Ortiqov, B. Axmedov 3. Turizm sohasida faoliyat yuritayotgan hunarmandlar reyestrini tuzish va yuritish tartibi toʻgʻrisida nizomni tasdiqlash. qaror qabul qilingan kundan bir oy muddatda Turizmni rivojlantirish davlat qoʻmitasi (A. Akkulov), “Hunarmand” uyushmasi (U. Abdullayev) A. Abduxakimov, K. Rizayev 4. “Turizm sohasida faoliyat yuritayotgan hunarmandlar reyestri”ni shakllantirish. 2020-yil 1-yanvar Turizmni rivojlantirish davlat qoʻmitasi (A. Akkulov), “Hunarmand” uyushmasi (U. Abdullayev) A. Abduxakimov, K. Rizayev 5. “Turizm sohasida faoliyat yuritayotgan hunarmandlar reyestri”ni onlayn tarzda real vaqt rejimida yangilanuvchan ochiq va umum foydalaniladigan veb-sayt koʻrinishida ishga tushirish. 2020-yil 1-mart Turizmni rivojlantirish davlat qoʻmitasi (A. Akkulov), “Hunarmand” uyushmasi (U. Abdullayev) A. Abduxakimov, K. Rizayev II. Hunarmandlarni davlat tomonidan imtiyozlar berish va qulayliklar yaratish orqali qoʻllab-quvvatlash 6. “Xalq amaliy sanʼati ustalarining milliy katalogi”ga va “Turizm sohasida faoliyat yuritayotgan hunarmandlar reyestri”ga kiritilgan hunarmandlar uchun kalend��r yili davomida hunarmandchilik mahsulotlarini (ishlar, xizmatlar) sotishdan olgan tushumi 100 million soʻmdan oshgan, biroq bir milliard soʻmdan koʻp boʻlmagan miqdori uchun yakka tartibdagi tadbirkorlar tomonidan toʻlanadigan yagona soliq toʻlovini 2 foiz stavkada undirib borish. 2020 ― 2022-yillarda Davlat soliq qoʻmitasi (B. Musayev), Moliya vazirligi (T. Ishmetov), “Hunarmand” uyushmasi (U. Abdullayev) J. Qoʻchqorov, A. Ortiqov, B. Axmedov 7. Hunarmandchilik faoliyatining asosiy yoʻnalishlari boʻyicha yangidan davlat roʻyxatidan oʻtishda davlat boji yakka tartibdagi tadbirkorlik faoliyatini amalga oshirish uchun amalda belgilangan davlat bojidan 50 foiz miqdorida undirish. 2020-yil 1-yanvardan boshlab Adliya vazirligi huzuridagi Davlat xizmatlari agentligi (X. Turaxujayev) J. Qoʻchqorov, D. Kalandarov, A. Ortiqov 8. “Xalq amaliy sanʼati ustalarining milliy katalogi”ga kiritilgan hunarmandlarga shogirdlar soni boʻyicha cheklovlarni bekor qilish yuzasidan amaldagi normativ-huquqiy hujjatlarga oʻzgartirishlar kiritish. 2020-yil 1-yanvardan boshlab Savdo-sanoat palatasi (A. Ikramov), “Hunarmand” uyushmasi (U. Abdullayev), Iqtisodiyot va sanoat vazirligi (B. Xoʻjayev), Adliya vazirligi (R. Davletov) J. Qoʻchqorov, A. Ortiqov 9. Koʻrgazma zallari, galereyalar, pavilyonlar, bozor va yarmarka rastalarida namoyish va sotish uchun joylar ajratilishida “Xalq amaliy sanʼati ustalarining milliy katalogi”ga kiritilgan hunarmandlar uchun ustuvorlikni qoʻllash. doimiy Madaniyat vazirligi (B. Sayfullayev), Investitsiyalar va tashqi savdo vazirligi (S. Umurzakov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari A. Ramatov, A. Abduxakimov, E. Ganiyev, B. Axmedov, Sh. Abidov 10. Oʻzbekiston Respublikasi Prezidentining “Hunarmandchilikni yanada rivojlantirish va hunarmandlarni har tomonlama qoʻllab-quvvatlash chora-tadbirlari toʻgʻrisida” 2017-yil 17-noyabrdagi PF-5242-son Farmoni bilan qishloq joylarda roʻyxatdan oʻtgan va faoliyatini amalga oshirayotgan hunarmandlar oʻz faoliyatining dastlabki ikki yili mobaynida Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga belgilangan yagona ijtimoiy toʻlovning 50 foizini toʻlash tartibini shaharlarda roʻyxatdan oʻtgan va aynan xalq amaliy sanʼati mahsulotlari ishlab chiqarish faoliyati bilan shugʻullanuvchi “Hunarmand” uyushmasi aʼzolariga tatbiq etish. 2020-yil 1-yanvardan boshlab Davlat soliq qoʻmitasi (B. Musayev), Moliya vazirligi (T. Ishmetov) J. Qoʻchqorov, A. Ortiqov III. “Usta-shogird” anʼanalari asosida hunar oʻrgatish tizimini takomillashtirish 11. Hunarmandchilikka ixtisoslashgan hududlarda hunarmandchilik va xalq amaliy sanʼati yoʻnalishlari boʻyicha bolalar musiqa va sanʼat maktablari, “Barkamol avlod” bolalar markazlari hamda Oʻzbekiston Respublikasi Bandlik va mehnat munosabatlari vazirligi tizimidagi kasb-hunarga oʻqitish markazlarida oʻquv kurslarini tashkil etish. 2020/2021 oʻquv yilidan boshlab “Hunarmand” uyushmasi (U. Abdullayev), Madaniyat vazirligi (B. Sayfullayev), Xalq taʼlimi vazirligi (Sh. Shermatov), Bandlik va mehnat munosabatlari vazirligi (N. Xusanov) A. Abduxakimov, J. Qoʻchqorov, B. Axmedov, K. Rizayev, A. Ortiqov 12. Hunarmandchilik yoʻnalishida kasb-hunar taʼlimi muassasalarida kadrlar tayyorlashning namunaviy oʻquv rejalari va dasturlarini tasdiqlash. 2020-yil 1-may Oliy va oʻrta maxsus taʼlim vazirligi (I. Majidov), Bandlik va mehnat munosabatlari vazirligi (N. Xusanov), “Hunarmand” uyushmasi (U. Abdullayev) A. Abduxakimov, K. Rizayev 13. “Mehribonlik uylari”da Milliy katalogdagi hunarmandlarni jalb etgan holda “usta-shogird” anʼanasiga asoslangan oʻquv mashgʻulotlarini joriy etish. 2020-yil 1-martdan boshlab Xalq taʼlimi vazirligi (Sh. Shermatov), Bandlik va mehnat munosabatlari vazirligi (N. Xusanov), “Hunarmand” uyushmasi (U. Abdullayev) A. Abduxakimov, K. Rizayev, A. Ortiqov 14. Hunarmandlarni mahsulot ishlab chiqarish uchun xomashyo (shu jumladan mis, qora metall, ipak va yogʻoch) bilan taʼminlashning qulay tizimini joriy etish hamda qayta tiklanadigan xomashyo (tutzorlar, qattiq turdagi daraxtlar) bazasini yaratish yuzasidan Vazirlar Mahkamasiga taklif kiritish. qaror qabul qilingan kundan ikki oy muddatda Iqtisodiyot va sanoat vazirligi (B. Xoʻjayev), Oʻrmon xoʻjaligi davlat qoʻmitasi (N. Bakirov), Savdo-sanoat palatasi (A. Ikramov), “Hunarmand” uyushmasi (U. Abdullayev) J. Qoʻchqorov, A. Ortiqov IV. Mahsulot sotish va yangi bozorlarni oʻzlashtirishda hunarmandlarga qulayliklar yaratish 15. Milliy katalogga kiritilgan hunarmandlar uchun marketing sohasida doimiy amaliy yordam koʻrsatish va ularning mahsulotlari elektron tijorat (E-commerce) yoʻnalishida keng qoʻllaniladigan Internet jahon axborot tarmogʻi veb-saytlari orqali sotishni tashkil etish yuzasidan zarur choralar koʻrish. doimiy Savdo-sanoat palatasi (A. Ikramov), Loyiha boshqaruvi milliy agentligi (D. Li), Axborot texnologiyalari va kommunikatsiyalarini rivojlantirish vazirligi (Sh. Sadikov), Investitsiyalar va tashqi savdo vazirligi (S. Umurzakov) J. Qoʻchqorov, S. Abdullayev, A. Ortiqov 16. Savdo majmualari va dehqon bozorlari hududlarida alohida “hunarmandlar rastalari”ni tashkil etish. qaror qabul qilingan kundan ikki oy muddatda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari A. Ramatov, A. Vaxabov, Sh. Abidov, A. Ravshanov 17. “Hunarmand” uyushmasiga aʼzo boʻlgan hunarmandlarni “hunarmandlar rastalari”ga joylashtirib borish. doimiy Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari A. Ramatov, Sh. Abidov, A. Ortiqov 18. Qoraqalpogʻiston Respublikasi va viloyatlar markazlari hamda Toshkent shahrida xalq amaliy sanʼati va hunarmandchilik mahsulotlari koʻrgazma zallari va galereyalarini tashkil etish. 2020-yil yakuniga qadar Qoraqalpo?iston Respublikasi Vazirlar Kengashi, viloyatlar va Toshkent shahar hokimliklari, Badiiy akademiya (A. Nuridinov), Madaniyat vazirligi (B. Sayfullayev), Davlat aktivlarini boshqarish agentligi (S. Bekenov), “Hunarmand” uyushmasi (U. Abdullayev) A. Ramatov, Sh. Abidov, B. Axmedov, A. Ortiqov 19. Oʻzbekistonning xorijiy davlatlarda milliy hunarmandchilik va xalq amaliy sanʼati mahsulotlarini keng targʻib qilish, yangi bozorlarni oʻzlashtirishga koʻmaklashuvchi “savdo uylari” va milliy hunarmandchilik mahsulotlari doʻkonlarini tashkil etish boʻyicha takliflarni ishlab chiqish va Vazirlar Mahkamasiga kiritish. qaror qabul qilingan kundan ikki oy muddatda Investitsiyalar va tashqi savdo vazirligi (S. Umurzakov), Tashqi ishlar vazirligi (D. Axatov), Savdo-sanoat palatasi (A. Ikramov) “Hunarmand” uyushmasi (U. Abdullayev) E. Ganiyev, D. Turgunov, A. Ortiqov 20. “World craft council” xalqaro hunarmandchilik kengashi tomonidan tashkil etiladigan tadbirlarda “Hunarmand” uyushmasining doimiy qatnashishini taʼminlashga hamda ushbu xalqaro tashkilot bilan hunarmandchilikni rivojlantirish borasidagi tadbirlar uchun xalqaro tashkilotlarning texnik koʻmagini jalb qilishga qaratilgan aniq tadbirlarni ishlab chiqish. qaror qabul qilingan kundan ikki oy muddatda Savdo-sanoat palatasi (A. Ikramov) “Hunarmand” uyushmasi (U. Abdullayev), Investitsiyalar va tashqi savdo vazirligi (S. Umurzakov), Tashqi ishlar vazirligi (D. Axatov) J. Qoʻchqorov, E. Ganiyev, A. Ortiqov, D. Turgunov 21. Hunarmandchilikni qoʻllab-quvvatlash borasidagi xalqaro tajribani muntazam oʻrganib borish va umumlashtirish, shu asosda ilgʻor xorijiy tajribalarni Oʻzbekiston Respublikasida joriy etishga qaratilgan ishlarni tizimli yoʻlga qoʻyish choralarini koʻrish. doimiy Savdo-sanoat palatasi (A. Ikramov) “Hunarmand” uyushmasi (U. Abdullayev) J. Qoʻchqorov, E. Ganiyev, A. Ortiqov, D. Turgunov 22. Xalq amaliy sanʼati va hunarmandchilik mahsulotlari yagona milliy brendini ishlab chiqish va xalqaro miqyosda tanitish yuzasidan kompleks chora-tadbirlar ishlab chiqish. 2020-yil 1-fevral Savdo-sanoat palatasi (A. Ikramov) “Hunarmand” uyushmasi (U. Abdullayev), Turizmni rivojlantirish davlat qoʻmitasi (A. Akkulov), Investitsiyalar va tashqi savdo vazirligi (S. Umurzakov) J. Qoʻchqorov, A. Ortiqov, K. Rizayev, D. Turgunov 23. Nufuzli xalqaro festival va koʻrgazmalarda qatnashadigan Milliy katalogga kiritilgan hunarmandlar uchun xorijdagi diplomatik vakolatxonalari orqali hunarmandlarning koʻrgazma va festivallarda qatnashishlari uchun zaruriy tashkiliy koʻmak koʻrsatish. doimiy Tashqi ishlar vazirligi (D. Axatov), Savdo-sanoat palatasi (A. Ikramov) “Hunarmand” uyushmasi (U. Abdullayev) Sh. Sulaymonov, A. Ortiqov 24. Anʼanaviy xalq badiiy hunarmandchiligi buyumlari turlarini qayta koʻrib chiqqan holda madaniy boyliklarga taalluqli ashyolar toifasi tarkibiga oʻzgartirishlar kiritish yuzasidan takliflar ishlab chiqib, Vazirlar Mahkamasiga kiritish. qaror qabul qilingan kundan bir oy muddatda Madaniyat vazirligi (B. Sayfullayev), Davlat bojxona qoʻmitasi (M. Azimov), Fanlar akademiyasi (B. Yuldashev), Badiiy akademiya (A. Nuridinov), Savdo-sanoat palatasi (A. Ikramov), “Hunarmand” uyushmasi (U. Abdullayev) A. Ab�uxakimov, B. Axmedov, A. Ortiqov V. Milliy hunarmandchilikni aholi oʻrtasida keng targʻib qilish 25. Ommaviy axborot vositalarida hunarmandchilik va xalq amaliy sanʼati tarixi hamda bugungi rivojini keng targʻib etish maqsadida “Maʼnaviyat va maʼrifat” telekanalida hunarmandchilikka oid muntazam namoyish etiladigan telekoʻrsatuvni tashkil etish. doimiy Oʻzbekiston milliy teleradiokompaniyasi (A. Xadjayev), “Hunarmand” uyushmasi (U. Abdullayev) A. Abduxakimov, B. Axmedov, A. Ortiqov 26. Oʻzbekiston elektron ommaviy axborot vositalari milliy assotsiatsiyasi va “Hunarmand” uyushmasi bilan birgalikda mazkur qaror mazmun va mohiyatining ommaviy axborot vositalarida keng yoritilishini taʼminlash. doimiy Oʻzbekiston milliy teleradiokompaniyasi (A. Xadjayev), “Hunarmand” uyushmasi (U. Abdullayev) A. Abduxakimov, B. Axmedov, A. Ortiqov