Aholining ichimlik suvi bilan taʼminlanganlik darajasini oshirish va uning sifatini yaxshilash uchun Oʻzbekiston Respublikasining suv resurslarini boshqarishni takomillashtirish chora-tadbirlari toʻgʻrisida (PF-5883-son)

26.11.2019

Oʻzbekiston Respublikasi Prezidentining

Farmoni

Soʻnggi yillarda mamlakatimizda suvdan oqilona foydalanish, uning sifati va xavfsizligini taʼminlash, shuningdek, suv isteʼmolini hisobga olishning zamonaviy innovatsion tizimlarini joriy etish boʻyicha kompleks chora-tadbirlar koʻrilgan holda suvdan foydalanish, shu jumladan suv taʼminoti va suv chiqarish sohasida izchil islohotlar amalga oshirilmoqda.

Suvdan foydalanishni samarali tartibga solishni taʼminlash uchun suv resurslarini boshqarish boʻyicha yangi tuzilmalar yaratilgan, suv taʼminoti va suv chiqarish sohasiga xususiy sektorni jalb qilish boʻyicha faol ishlar olib borilmoqda.

Biroq, global iqlim oʻzgarishi tufayli respublikada quruq fasllarning davomiyligi oshib bormoqda, togʻlarda qor zaxiralari maydoni kamaymoqda, kamsuvlik takrorlanishi tobora koʻpaymoqda, bu esa oʻz navbatida suv tanqisligi kelib chiqish xavfining oshishiga olib keladi.

Shu bilan birga, mamlakat suv balansini boshqarishda vakolatli davlat organlarining faoliyatini muvofiqlashtirish zarur darajada olib borilmayapti, shuningdek, suv resurslari sifati va xavfsizligi monitoringini amalga oshirishning samarali tizimi yaratilmagan.

Suvdan oqilona foydalanishni taʼminlash, aholi va iqtisodiyot tarmoqlarining xavfsiz va sifatli suv resurslariga boʻlgan ehtiyojlarini qanoatlantirish, suv balansini boshqarishning samarali tizimini yaratish maqsadida, shuningdek, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasi vazifalariga muvofiq:

1. Oʻzbekiston Respublikasi Uy-joy kommunal xizmat koʻrsatish vazirligi (keyingi oʻrinlarda — Vazirlik) tomonidan yetakchi xorijiy ekspertlarni jalb qilgan holda, quyidagilarni nazarda tutuvchi Oʻzbekiston Respublikasining suv taʼminoti va suv chiqarish tizimini rivojlantirish strategiyasi konsepsiyasi ishlab chiqilayotgani maʼlumot uchun qabul qilinsin:

respublikaning Yagona davlat suv fondi suvlarini hisobga olish, monitoring qilish, xavfsizligi va sifatini taʼminlashning yagona markazlashtirilgan tizimini yaratish;

respublika suv taʼminoti korxonalari negizida suv taʼminoti va suv chiqarish tizimlari obyektlarini ekspluatatsiya qilishda yagona operator funksiyasini bajarishni amalga oshiradigan alohida korporativ tuzilmani tashkil etish;

respublikaning suv resurslarini boshqarish tizimini avtomatlashtirishni va ushbu sohadagi barcha biznes jarayonlarini raqamli formatga oʻtkazishni taʼminlaydigan “Raqamli suv taʼminoti korxonasi” tizimini joriy etish;

soha korxonalarini modernizatsiya qilish va texnik qayta jihozlashni amalga oshirish maqsadida investitsiyalarni, shu jumladan davlat-xususiy sheriklik shartlari asosida jalb etish;

zamonaviy talab va standartlarni hisobga olgan holda soha mutaxassislarini tayyorlash, qayta tayyorlash va malakasini oshirish tizimini tubdan takomillashtirish.

2. Oʻzbekiston Respublikasi Suv xoʻjaligi vazirligi (keyingi oʻrinlarda — Suv xoʻjaligi vazirligi) Yagona davlat suv fondi suvlarini hisobga olish, monitoring qilish, xavfsizligi va sifatini taʼminlashni muvofiqlashtirish sohasida vakolatli davlat organi etib belgilansin va uning zimmasiga quyidagi qoʻshimcha vazifalar yuklansin:

suv balansining yagona axborot tizimini yaratgan holda Yagona davlat suv fondi suvlarining miqdoriy va sifat koʻrsatkichlari toʻgʻrisida vakolatli organlar va tashkilotlarning maʼlumotlarini toʻplash, umumlashtirish va tizimlashtirish;

suvni hisobga olishning holati, uning xavfsizligi va sifatini taʼminlash toʻgʻrisida vakolatli organlar va tashkilotlar tomonidan taqdim etilayotgan maʼlumotlarning ishonchliligi monitoringini oʻtkazish, zarur boʻlganda aniqlangan kamchiliklarni bartaraf etish choralarini ishlab chiqish;

Yagona davlat suv fondi suvlarini hisobga olish, monitoring qilish, xavfsizligi va sifatini taʼminlash boʻyicha vakolatli organlar va tashkilotlar faoliyatini muvofiqlashtirish;

suvdan foydalanish sohasida zamonaviy innovatsion texnologiyalarni, shu jumladan suvning miqdori va sifatini hisobga olishning avtomatlashtirilgan tizimini joriy etishni muvofiqlashtirish, ularning respublika suv balansining yagona axborot tizimiga integratsiyalashuvini taʼminlash.

3. Vazirlikning markaziy apparati tarkibiga ichimlik suvlarini hisobga olish, monitoring qilish, xavfsizligi va sifatini hamda strategik zaxiralari yaratilishini taʼminlash, shuningdek, suv taʼminoti va suv chiqarish tizimiga zamonaviy texnologiyalarni joriy etishni tashkil qilish va muvofiqlashtirishga masʼul boʻlgan vazirning birinchi oʻrinbosari lavozimi kiritilsin.

5. Vazirlik, Oʻzbekiston Respublikasi Iqtisodiyot va sanoat vazirligi, Moliya vazirligi, Davlat aktivlarini boshqarish agentligining:

Oʻzbekiston Respublikasi Vazirlar Mahkamasi huzuridagi Ichimlik suvidan foydalanishni nazorat qilish davlat inspeksiyasini Oʻzbekiston Respublikasi Uy-joy kommunal xizmat koʻrsatish vazirligi huzuridagi Ichimlik suvidan foydalanishni nazorat qilish inspeksiyasi sifatida qayta tashkil etib, amaldagi vazifa va funksiyalarini, shuningdek, moliyalashtirish tartibini saqlab qolgan holda Vazirlik tarkibiga oʻtkazish;

“Oʻzsuvtaʼminot” aksiyadorlik jamiyatini tashkil etish va uning ustav kapitalini mazkur Farmonning 1-ilovasida koʻrsatilgan Vazirlikning davlat unitar korxonalari ustav kapitalidagi davlat aktivlari va ulushlarini topshirish hisobiga shakllantirish, shuningdek, ushbu korxonalarni masʼuliyati cheklangan jamiyatlar sifatida qayta tuzish;

2020-yil 1-yanvardan Oʻzbekiston Respublikasi Bosh prokuraturasi huzuridagi Majburiy ijro byurosining koʻrsatilayotgan suv taʼminoti va suv chiqarish xizmatlari uchun toʻlovlarning toʻliqligi va oʻz vaqtida amalga oshirilishini taʼminlash, isteʼmolchilarning qarzdorligini kamaytirish boʻyicha funksiyalarini “Oʻzsuvtaʼminot” AJ va uning tarkibiga kiruvchi tashkilotlarga oʻtkazish toʻgʻrisidagi takliflariga rozilik berilsin.

6. Shunday tartib oʻrnatilsinki, unga muvofiq:

Suv xoʻjaligi vazirligi tomonidan Yagona davlat suv fondining barcha suvlar turlariga nisbatan miqdoriy va sifat koʻrsatkichlari toʻgʻrisidagi maʼlumotlarni aks ettiruvchi respublika suv balansining yagona axborot tizimi yuritiladi;

Togʻ-kon sanoati va geologiya vazirligi, Ekologiya, atrof-muhitni muhofaza qilish va iqlim oʻzgarishi vazirligi, Iqtisodiyot va moliya vazirligi huzuridagi Kadastr agentligi va “Oʻzsuvtaʼminot” AJ Yagona davlat suv fondining barcha suvlar turlariga nisbatan miqdoriy va sifat koʻrsatkichlari toʻgʻrisidagi hisob maʼlumotlarini tizimli ravishda Suv xoʻjaligi vazirligiga taqdim etib boradi;

Suv xoʻjaligi vazirligi suvni hisobga olishning toʻgʻriligini, uning xavfsizligi va sifatini tasdiqlangan va yangilangan maʼlumotlarni yagona maʼlumotlar bazasiga kiritgan holda monitoring qiladi, shuningdek, aniqlangan kamchiliklarni bartaraf etish choralarini ishlab chiqadi hamda ularni suvdan foydalanishni tartibga solish sohasidagi vakolatli organlar va tashkilotlarga joʻnatadi;

Suv xoʻjaligi vazirligi tizimli ravishda Oʻzbekiston Respublikasi Prezidenti Administratsiyasiga va Vazirlar Mahkamasiga suvni hisobga olish holati, uning xavfsizligi va sifatini taʼminlash, shuningdek, respublikaning yagona suv balansini shakllantirish toʻgʻrisidagi hisobotni aniq takliflar bilan taqdim etib boradi.

7. Oʻzbekiston Respublikasi Vazirlar Mahkamasi ikki oy muddatda Oʻzbekiston Respublikasi Uy-joy kommunal xizmat koʻrsatish vazirligi huzuridagi Ichimlik suvidan foydalanishni nazorat qilish inspeksiyasi toʻgʻrisidagi nizom va respublika aholisini suv taʼminoti va suv chiqarish xizmatlari bilan taʼminlash tizimini yanada takomillashtirish boʻyicha “Yoʻl xaritasi”ni tasdiqlasin.

8. Moliya vazirligi Vazirlik bilan birgalikda bir oy muddatda suv taʼminoti korxonalarining xalqaro moliya institutlari oldidagi qarzdorligini xatlovdan oʻtkazsin va Oʻzbekiston Respublikasi Davlat budjetiga moliyaviy yukni kamaytirgan holda uni qoplash toʻgʻrisida Vazirlar Mahkamasiga takliflar kiritsin.

9. Oʻzbekiston Respublikasi Investitsiyalar va tashqi savdo vazirligi Vazirlik bilan birgalikda bir oy muddatda kelgusi yillarda xalqaro moliya institutlarining kredit mablagʻlari hisobidan amalga oshiriladigan suv taʼminoti va suv chiqarish tizimini yaxshilash boʻyicha loyihalar roʻyxatini shakllantirish, shuningdek, past rentabelli loyihalar va taqdim etilayotgan xizmatlardan kredit qoplanishi 50 foizdan kam boʻlgan loyihalarning amalga oshirilishiga yoʻl qoʻymagan holda ular boʻyicha texnik-iqtisodiy asoslarni ishlab chiqishni taʼminlasin.

10. Vazirlik Oʻzbekiston Respublikasi Investitsiyalar va tashqi savdo vazirligi, Moliya vazirligi huzuridagi Davlat-xususiy sheriklikni rivojlantirish agentligi, Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda bir oy muddatda xorijiy maslahatchilarni jalb etgan holda Qoraqalpogʻiston Respublikasi va viloyatlar suv taʼminoti va suv chiqarish tizimlarini modernizatsiya qilish va boshqarish boʻyicha davlat-xususiy sheriklik shartlari asosida loyihalarni amalga oshirish choralarini koʻrsin.

11. Oʻzbekiston Respublikasi Prezidenti huzuridagi Loyiha boshqaruvi milliy agentligi, Axborot texnologiyalari va kommunikatsiyalarini rivojlantirish vazirligi boshqa manfaatdor idoralar bilan birgalikda uch oy muddatda suvdan foydalanishning strategik yoʻnalishlari, yagona yondashuv, avtomatlashtirish mexanizmlari va bosqichlarini ishlab chiqish va uning barcha jarayonlarini raqamli formatga oʻtkazishni taʼminlasin.

12. Oʻzbekiston Respublikasi Prezidentining ayrim hujjatlariga 2-ilovaga muvofiq qoʻshimcha va oʻzgartirishlar kiritilsin.

13. Vazirlik manfaatdor idoralar bilan birgalikda bir oy muddatda:

Oʻzbekiston Respublikasi Prezidentining respublika suv taʼminoti tizimini yanada takomillashtirish toʻgʻrisidagi qarori loyihasini;

qonun hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisidagi takliflarni Vazirlar Mahkamasiga kiritsin.

14. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti maslahatchisi R.A. Gulyamov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2019-yil 26-noyabr,

PF-5883-son

Oʻzbekiston Respublikasi Prezidentining 2019-yil 26-noyabrdagi PF-5883-son Farmoniga 1-ILOVA

Oʻzbekiston Respublikasi Uy-joy kommunal xizmat koʻrsatish vazirligining masʼuliyati cheklangan jamiyatlar sifatida qayta tuziladigan, davlat aktivlari va ulushlari “Oʻzsuvtaʼminot” AJ ustav kapitalini shakllantirish uchun topshiriladigan davlat unitar korxonalari

ROʻYXATI

T/r Korxonalar nomi Davlat ulushi (%) 1. “Tuyamoʻyin — Nukus” mintaqalararo suv quvurlaridan foydalanish boshqarmasi” DUK 100 2. “Tuyamoʻyin — Urganch” mintaqalararo suv quvurlaridan foydalanish boshqarmasi” DUK 100 3. “Damxoʻja” mintaqalararo suv quvurlaridan foydalanish boshqarmasi” DUK 100 4. “Toshkent viloyati Chimyon — Chorvoq rekreatsion zonasi mintaqalararo suv quvurlaridan foydalanish boshqarmasi” DUK 100 5. Andijon viloyati “Suvoqova” DUK 100 6. Buxoro viloyati “Suvoqova” DUK 100 7. Jizzax viloyati “Suvoqova” DUK 100 8. Qashqadaryo viloyati “Suvoqova” DUK 100 9. Navoiy viloyati “Suvoqova” DUK 100 10. Namangan viloyati “Suvoqova” DUK 100 11. Samarqand viloyati “Suvoqova” DUK 100 12. Surxondaryo viloyati “Suvoqova” DUK 100 13. Sirdaryo viloyati “Suvoqova” DUK 100 14. Fargʻona viloyati “Suvoqova” DUK 100 15. Toshkent viloyati “Suvoqova” DUK 100 16. Toshkent shahar “Suvsoz” DUK 100

Oʻzbekiston Respublikasi Prezidentining 2019-yil 26-noyabrdagi PF-5883-son Farmoniga 2-ILOVA

Oʻzbekiston Respublikasi Prezidentining ayrim hujjatlariga kiritilayotgan qoʻshimcha va oʻzgartirishlar

1. Oʻzbekiston Respublikasi Prezidentining 2017-yil 18-apreldagi “Uy-joy kommunal xizmat koʻrsatish tizimini boshqarishni yanada takomillashtirish chora-tadbirlari toʻgʻrisida”gi PF-5017-son Farmonining 2-bandi:

quyidagi mazmundagi uchinchi xatboshi bilan toʻldirilsin:

“Yagona davlat suv fondi suvlarini hisobga olish, monitoring qilish, xavfsizlik va sifatini taʼminlash, shuningdek, yagona suv balansini shakllantirishni muvofiqlashtirish”;

uchinchi — oʻninchi xatboshilar tegishincha toʻrtinchi — oʻn birinchi xatboshilari deb hisoblansin;

quyidagi mazmundagi yettinchi xatboshi bilan toʻldirilsin:

“hududlarni obodonlashtirish sohasi muammolarini oʻrganish va metodologik taʼminlash”;

yettinchi — oʻn birinchi xatboshilar tegishincha sakkizinchi — oʻn ikkinchi xatboshilar deb hisoblansin.

2. Oʻzbekiston Respublikasi Prezidentining 2017-yil 18-apreldagi “Oʻzbekiston Respublikasi Vazirlar Mahkamasi huzurida Ichimlik suvidan foydalanishni nazorat qilish davlat inspeksiyasini tashkil etish toʻgʻrisida”gi PF-5018-son Farmonining 3 va 4-bandlari oʻz kuchini yoʻqotgan deb hisoblansin.

3. Oʻzbekiston Respublikasi Prezidentining 2017-yil 29-maydagi “Elektr energiyasi va tabiiy gaz yetkazib berish hamda isteʼmol qilish sohasida toʻlov intizomini yanada mustahkamlash, shuningdek, ijro ishi yuritish tizimini tubdan takomillashtirish chora-tadbirlari toʻgʻrisida”gi PF-5059-son Farmonida:

a) 2-bandida:

uchinchi xatboshidagi “, vodoprovod va kanalizatsiya tarmoqlariga, suv quvurlariga” soʻzlari “tarmoqlariga” soʻzi bilan almashtirilsin;

toʻrtinchi — yettinchi xatboshilardan “va suv” soʻzlari chiqarib tashlansin;

sakkizinchi xatboshidagi “hamda suv taʼminoti va suv chiqarish xizmati” soʻzlari chiqarib tashlansin;

b) 6-bandida:

oltinchi xatboshi chiqarib tashlansin;

yettinchi — oʻn yettinchi xatboshilar tegishincha oltinchi — oʻn oltinchi xatboshilar deb hisoblansin.

4. Oʻzbekiston Respublikasi Prezidentining 2017-yil 16-noyabrdagi “Suv taʼminoti va suv chiqarish xizmati koʻrsatish sohasida toʻlov intizomini tubdan takomillashtirish chora-tadbirlari toʻgʻrisida”gi PF-5241-son Farmonida:

1 — 3-bandlar oʻz kuchini yoʻqotgan deb hisoblansin;

8-bandda “Vazirlar Mahkamasi huzuridagi Ichimlik suvidan foydalanishni nazorat qilish davlat inspeksiyasi” soʻzlari “Uy-joy kommunal xizmat koʻrsatish vazirligi huzuridagi Ichimlik suvidan foydalanishni nazorat qilish inspeksiyasi” soʻzlari bilan almashtirilsin.

6. Oʻzbekiston Respublikasi Prezidentining 2017-yil 18-apreldagi “Oʻzbekiston Respublikasi Uy-joy kommunal xizmat koʻrsatish vazirligi faoliyatini tashkil etish toʻgʻrisida”gi PQ-2900-son qarorida:

b) 7-bandda:

ikkinchi xatboshi “inspeksiyasi” soʻzidan keyin “va Ichimlik suvidan foydalanishni nazorat qilish inspeksiyasi” soʻzlari bilan toʻldirilsin;

toʻrtinchi — sakkizinchi xatboshilar quyidagi mazmundagi toʻrtinchi — toʻqqizinchi xatboshilar bilan almashtirilsin:

“Oʻzbekiston Respublikasi hududida atrof-muhitni ifloslantirganlik va chiqindilarni joylashtirganligi uchun oqova suvga taalluqli qismi boʻyicha kompensatsiya toʻlovlarining 74 foizi;

xalqaro donorlarning grantlari, xayriya mablagʻlari;

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan hududiy moliya organlari bilan kelishilgan holda belgilanadigan ichimlik suv taʼminoti va oqova suv xizmatlari tariflariga maxsus ustama haq summasi;

Jamgʻarmaning vaqtincha boʻsh mablagʻlarini joylashtirishdan olinadigan daromadlar va qonun hujjatlarida taqiqlanmagan boshqa tushumlar.

Belgilansinki, ichimlik suv taʼminoti va oqova suv xizmatlari tariflariga maxsus ustama haq summasi maqsadli tushum hisoblanadi, barcha turdagi soliqlar va boshqa majburiy toʻlovlarni hisoblashda soliq solinadigan bazaga kiritilmaydi, shuningdek, suv taʼminoti va oqova suv tashkilotlarining moliyaviy natijalari toʻgʻrisidagi hisobotda aks ettirilmaydi.

Oʻzbekiston Respublikasi Uy-joy kommunal xizmat koʻrsatish vazirligi Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda xizmat koʻrsatuvchi banklarda suv taʼminoti tashkilotlariga ichimlik suv taʼminoti va oqova suv xizmatlari tariflariga maxsus ustama haq mablagʻlarini jamlash uchun maxsus hisobvaraq ochilishini taʼminlasin va mablagʻlarni Oʻzbekiston Respublikasi Uy-joy kommunal xizmat koʻrsatish vazirligining Uy-joy kommunal xizmat koʻrsatishni rivojlantirish jamgʻarmasiga yoʻnaltirilsin”;

d) 2-ilova quyidagi tahrirda bayon etilsin:

“Oʻzbekiston Respublikasi Uy-joy kommunal xizmat koʻrsatish vazirligi markaziy apparatining TUZILMASI

Yigʻma axborot-tahlil boshqarmasi 1 Vazirlik hayʼati Vazir Yordamchi Axborot-tahlil boʻlimi 2 Vazirning birinchi oʻrinbosari Vazir oʻrinbosari Vazir oʻrinbosari Vazir oʻrinbosari UJKX va hududlarni obodonlashtirish sohalarining metodologik bazasini takomillashtirish boshqarmasi 4 Yagona suv balansini shakllantirish va monitoring qilish bosh boshqarmasi 8 Investitsiya dasturlarini shakllantirish va iqtisodiy tahlil bosh boshqarmasi 13 Koʻp xonadonli uylarni boshqarish organlarini muvofiqlashtirish va rivojlantirish boshqarmasi 13 Issiqlik taʼminoti tizimlarini kompleks rivojlantirish boshqarmasi 9 Kanselyariya 3 Yagona davlat suv fondi suvlarining xavfsizligi va sifatini taʼminlash boshqarmasi 8 Issiqlik taʼminoti tizimlarini saqlash va ekspluatatsiya qilish boshqarmasi 8 “Kommunxizmat” agentligi Koʻp xonadonli uy-joy fondidan foydalanishni nazorat qilish inspeksiyasi Jismoniy va yuridik shaxslarning murojaatlari bilan ishlash boʻlimi 2 “Koʻp xonadonli uylar, issiqlik taʼminoti obyektlari qurilishi boʻyicha injiniring kompaniyasi” DUK Suv taʼminoti va suv chiqarish tizimiga zamonaviy texnologiyalarni joriy etish boshqarmasi 5 “Kommunaloʻquv” oʻquv-metodika markazi” DUK Matbuot xizmati 3 “Suv taʼminoti va kanalizatsiya obyektlari qurilishi boʻyicha injiniring kompaniyasi” DUK Yuridik boʻlim 2 Kadrlar boshqarmasi 4 Ichimlik suvdan foydalanishni nazorat qilish inspeksiyasi “Oʻzbekkommunalloyiha-qurilish” DUK Buxgalteriya 4 “Oʻzsuvtaʼminot” AJ Birinchi boʻlim 2 Ishlar boshqarmasi 1 Avtomobil va maxsus texnikadan foydalanish, AKT va dispetcherlashtirish boshqarmasi 8 UJKX fondini rivojlantirish boʻlimi 2

Oʻzbekiston Respublikasi Uy-joy kommunal xizmat koʻrsatish vazirligi markaziy apparati boshqaruv xodimlarining cheklangan soni — 108 nafar.”;

e) 3-ilova quyidagi tahrirda bayon etilsin:

“Qoraqalpogʻiston Respublikasi Uy-joy kommunal xizmat koʻrsatish vazirligi TUZILMASI

Vazir Vazir oʻrinbosari Suv taʼminoti va kanalizatsiya tizimlarini prognozlashtirish va rivojlantirish boshqarmasi 2 �atbuot xizmati 1 Buxgalter 1 UJMSh va professional boshqaruv kompaniyalari, binolarning bevosita mulkdorlari faoliyatini muvofiqlashtirish va rivojlantirish boʻlimi 2 Issiqlik taʼminoti tizimlarini rivojlantirish boʻlimi 2 Moliya-iqtisodiyot boʻlimi 2 Avtomobil va maxsus texnikadan foydalanish boʻlimi 2 Kadrlar boʻyicha bosh mutaxassis 1 “TTX” DUKni muvofiqlashtirish va rivojlantirish boʻyicha bosh mutaxassis 1 Bosh yuriskonsult 1 Tuman (shahar) uy-joy kommunal xizmat koʻrsatish boʻlimlari “YaHKM” DUKni muvofiqlashtirish va rivojlantirish boʻlimi 2 Jismoniy va yuridik shaxslarning murojaatlari bilan ishlash boʻyicha mutaxassis 1 Issiqlik taʼminoti davlat tashkilotlari “Taʼmirlash-tiklash xizmati” DUK Umumiy boʻlim 1 “Yagona hisob-kitob markazi” DUK Mehnat muhofazasi, texnika xavfsizligi, safarbarlik, fuqaro himoyasi va favqulodda vaziyatlar boʻyicha mutaxassis 1 UJMSh va professional boshqaruv kompaniyalari, binolarning bevosita mulkdorlari AKT, avtomatlashtirish va dispetcherlashtirish boʻlimi 2

Boshqaruv xodimlarining cheklangan soni — 24 nafar.”;

j) 4-ilova quyidagi tahrirda bayon etilsin:

“Viloyatlar uy-joy kommunal xizmat koʻrsatish boshqarmalarining namunaviy TUZILMASI

Boshqarma boshligʻi Boshqarma boshligʻining oʻrinbosari Suv taʼminoti va kanalizatsiya tizimlarini prognozlashtirish va rivojlantirish boshqarmasi 1 — 3 Matbuot xizmati 1 Buxgalter 1 UJMSh va professional boshqaruv kompaniyalari, binolarning bevosita mulkdorlari faoliyatini muvofiqlashtirish va rivojlantirish boʻlimi 3 Issiqlik taʼminoti tizimlarini rivojlantirish boʻlimi 2–3 Kadrlar boʻyicha bosh mutaxassis 1 Avtomobil va maxsus texnikadan foydalanish va dispetcherlashtirish boʻlimi 2 Bosh yuriskonsult 1 “TTX” DUKni muvofiqlashtirish va rivojlantirish boʻyicha bosh mutaxassis 1 Jismoniy va yuridik shaxslarning murojaatlari bilan ishlash boʻyicha mutaxassis 1 Tuman (shahar) uy-joy kommunal xizmat koʻrsatish boʻlimlari “YaHKM” DUKni muvofiqlashtirish va rivojlantirish boʻlimi 2-3 Issiqlik taʼminoti davlat tashkilotlari Umumiy boʻlim 1 “Taʼmirlash-tiklash xizmati” DUK “Yagona hisob-kitob markazi” DUK UJMSh va professional boshqaruv kompaniyalari, binolarning bevosita mulkdorlari

Boshqaruv xodimlarining cheklangan soni — 19 — 23 nafar.

Boshqaruv xodimlarining umumiy cheklangan soni — 240 nafar, shu jumladan:

Toshkent va Fargʻona viloyatlarida — 23 nafardan;

Buxoro, Jizzax, Qashqadaryo va Samarqand viloyatlarida — 20 nafardan;

Andijon, Navoiy, Namangan, Sirdaryo, Surxondaryo va Xorazm viloyatlarida — 19 nafardan.”

z) 8-ilovada:

4-band quyidagi tahrirda bayon etilsin:

“4. Jamgʻarma mablagʻlari quyidagi manbalar hisobidan shakllantiriladi:

Oʻzbekiston Respublikasi Uy-joy kommunal xizmat koʻrsatish vazirligi huzuridagi Koʻp xonadonli uy-joy fondidan foydalanishni nazorat qilish inspeksiyasi va Ichimlik suvdan foydalanishni nazorat qilish inspeksiyasi tomonidan solinadigan jarimalardan tushadigan mablagʻlar;

uy-joy kommunal xoʻjaligini rivojlantirishga jalb etiladigan kreditlar, shu jumladan xalqaro moliya institutlari va Oʻzbekiston Respublikasi tijorat banklarining imtiyozli kreditlari;

kanalizatsiya chiqindilari qismida Oʻzbekiston Respublikasi hududida atrof muhitni ifloslantirganlik va chiqindilar joylashtirilganligi uchun kompensatsiya toʻlovlarining 74 foizi;

xalqaro donorlarning grantlari, xayriya mablagʻlari;

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan hududiy moliya organlari bilan kelishilgan holda belgilangan ichimlik suv taʼminoti va oqova suv xizmatlari tariflariga maxsus ustama haq summasi;

Jamgʻarmaning vaqtincha boʻsh mablagʻlarini joylashtirishdan olinadigan daromadlar va qonunchilikda taqiqlanmagan boshqa tushumlar.”;

5-band quyidagi tahrirda bayon etilsin:

“5. Koʻrsatilgan xizmatlar uchun isteʼmolchilar bilan hisob-kitoblarni amalga oshirishda tariflar bilan bir vaqtda ichimlik suv taʼminoti va kanalizatsiya xizmatlari uchun isteʼmolchilardan undiriladigan tariflarga maxsus ustama haq (keyingi oʻrinlarda — maxsus ustama haq) hududiy moliya organlari bilan kelishilgan holda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan belgilanadi.

Maxsus ustama haq maqsadli tushum hisoblanadi, barcha soliq turlarini va boshqa majburiy toʻlovlarni hisoblashda soliqqa tortiladigan bazaga kiritilmaydi, shuningdek, suv taʼminoti va kanalizatsiya tashkilotlarining moliyaviy natijalari toʻgʻrisidagi hisobotda aks ettirilmaydi.”

7. Oʻzbekiston Respublikasi Prezidentining 2017-yil 20-apreldagi “2017 — 2021-yillarda ichimlik suvi taʼminoti va kanalizatsiya tizimlarini kompleks rivojlantirish hamda modernizatsiya qilish dasturi toʻgʻrisida”gi PQ-2910-son qarorida:

a) 8-bandning birinchi xatboshi va 10-banddagi “Sof ichimlik suvi” soʻzlari “Suv taʼminoti va kanalizatsiya tizimlarini rivojlantirish” soʻzlari bilan almashtirilsin;

b) 8-ilovaning rus tilidagi matnida:

sarlavhadagi, 1 va 9-bandlardagi hamda 10-bandning birinchi xatboshidagi “Chistaya pityevaya voda” soʻzlari “Razvitiya sistem vodosnabjeniya i kanalizatsii” soʻzlari bilan almashtirilsin;

16-banddagi “otkrivayemie Ministerstvom finansov” soʻzlari “otkrivayemie v informatsionnoy sisteme Ministerstva finansov” soʻzlari bilan almashtirilsin.

8. Oʻzbekiston Respublikasi Prezidentining 2017-yil 30-maydagi “Oʻzbekiston Respublikasi Bosh prokuraturasi huzuridagi Majburiy ijro byurosi faoliyatini tashkil etish toʻgʻrisida”gi PQ-3016-son qarorida:

a) 1 va 2-ilovalardagi “suv taʼminoti, suv chiqarish va” hamda “va suv” soʻzlari chiqarib tashlansin;

b) 3-ilovadan “suv” soʻzi chiqarib tashlansin;

v) 4-ilovada:

9-bandda:

uchinchi xatboshidagi “, vodoprovod va kanalizatsiya tarmoqlariga, suv quvurlariga” soʻzlari “tarmoqlariga” soʻzlari bilan almashtirilsin;

toʻrtinchi xatboshidagi “suv” soʻzi chiqarib tashlansin;

beshinchi, oltinchi va yettinchi xatboshilardagi “va suv” soʻzlari chiqarib tashlansin;

sakkizinchi xatboshidan “hamda suv taʼminoti va suv chiqarish xizmati” soʻzlari chiqarib tashlansin;

10-bandning “b”, “v”, “g”, “d”, “e” va “j” kichik bandlari quyidagi tahrirda bayon etilsin:

“b) elektr, gaz uzatish va gaz taqsimlash tarmoqlariga noqonuniy ulanish, talon-toroj holatlarini aniqlash, bartaraf etish va oldini olish sohasida:

elektr, gaz uzatish va gaz taqsimlash tarmoqlariga noqonuniy ulanish, talon-toroj qilish, energiya resurslarini noqonuniy isteʼmol qilishning boshqa holatlarini, shuningdek, ularni sodir etishga imkon beruvchi sabab va shart-sharoitlarni aniqlash, bartaraf etish va oldini olish choralarini koʻradi;

elektr, gaz uzatish va gaz taqsimlash tarmoqlariga noqonuniy ulanish, talon-toroj qilish hamda energiya resurslarini noqonuniy isteʼmol qilishning boshqa holatlarini aniqlash, bartaraf etish va oldini olish maqsadida tezkor-qidiruv faoliyatni amalga oshiradi;

bevosita isteʼmolchilar tomonidan foydalanilgan hamda tegishli hududlar chegarasidagi tarmoqlarga yetkazib berilgan energiya resurslari hajmi oʻrtasidagi tafovutlarni aniqlash, bartaraf etish va oldini olish choralarini koʻradi;

elektr, gaz uzatish va gaz taqsimlash tarmoqlariga noqonuniy ulanish, talon-toroj qilish holatlarini aniqlash, bartaraf etish va oldini olishda ichki ishlar organlari, boshqa huquqni muhofaza qiluvchi va nazorat idoralari bilan hamkorlik qiladi;

v) energiya resurslari uchun toʻlovlar, qattiq maishiy chiqindilarni toʻplash va olib chiqish uchun majburiy toʻlovlarning oʻz vaqtida va toʻliq undirilishini, isteʼmolchilarning qarzdorligini kamaytirishni taʼminlash sohasida:

isteʼmolchilar, isteʼmol qilingan energiya resurslari, ular uchun amalga oshirilgan toʻlovlar, yuzaga kelgan qarzdorlik, shuningdek, qattiq maishiy chiqindilarni toʻplash va olib chiqish uchun aholi tomonidan amalga oshirilgan majburiy toʻlovlar hisobini shakllantirish va yuritishda qatnashadi;

isteʼmolchilar, elektr va gaz tarmoqlariga ulanish nuqtalari toʻgʻrisida, shuningdek, isteʼmol qilingan energiya resurslari hajmlarini aniqlashda elektr va gaz taʼminoti hamda boshqa tashkilotlar bilan maʼlumotlar almashinuvini amalga oshiradi;

energiya resurslari uchun toʻlovlarni, shuningdek, qattiq maishiy chiqindilarni toʻplash va olib chiqish uchun aholidan majburiy toʻlovlarning toʻliq va oʻz vaqtida undirilishini tashkil qiladi;

isteʼmolchi — yuridik shaxslar va yakka tartibdagi tadbirkorlarning qarzdorligi soʻzsiz undirilishini amalga oshiradi, elektr va gaz taʼminoti korxonalari manfaatida qarzdorlikni undirish boʻyicha talabnoma-daʼvo ishlarini olib boradi;

ijro hujjatlari asosida energiya resurslari uchun qarzdorliklar, shuningdek, qattiq maishiy chiqindilarni toʻplash va olib chiqish uchun majburiy toʻlovlar boʻyicha qarzdorlikni majburiy undirishni amalga oshiradi;

g) energiya resurslari isteʼmolini nazorat qilish va hisobga olishning zamonaviy avtomatlashtirilgan tizimlari, shuningdek, muqobil energiya manbalarining joriy etilishi ustidan monitoring oʻtkazish sohasida:

energiya resurslari isteʼmolini nazorat qilish va hisobga olishning zamonaviy avtomatlashtirilgan tizimlarini, shuningdek, muqobil energiya manbalarini joriy qilish boʻyicha loyiha va dasturlarning oʻz muddatida, toʻliq va sifatli amalga oshirilishi ustidan monitoring olib boradi;

vazirliklar, idoralar va boshqa tashkilotlardan energiya resurslari isteʼmolini nazorat qilish va hisobga olishning zamonaviy avtomatlashtirilgan tizimlarini, shuningdek, muqobil energiya manbalarini joriy qilish bilan bogʻliq maʼlumotlarni talab qilib oladi;

energiya resurslari isteʼmolini nazorat qilish va hisobga olishning zamonaviy avtomatlashtirilgan tizimlarini, shuningdek, muqobil energiya manbalarini joriy qilish boʻyicha loyiha va dasturlarning ijrosini oʻz vaqtida hamda sifatli taʼminlamagan mansabdor shaxslarga nisbatan tegishli choralar koʻradi;

d) energiya resurslarini sotish va isteʼmoli hisobini yuritishda ishtirok etish sohasida:

energiya resurslarini taqsimlash, sotish va isteʼmol qilish hajmlarini, shu jumladan, nazorat qilish va hisobga olishning avtomatlashtirilgan tizimlari orqali monitoring qiladi;

belgilangan muddatlarda isteʼmolchilarning hisobga olish uskunalari koʻrsatkichlarini oladi, ularning shaxsiy varaqlariga maʼlumotlarni kiritadi, energiya resurslarini isteʼmol qilishning oylik hajmlarini aniqlaydi (elektr energiyasini nazorat qilish va hisobga olishning avtomatlashtirilgan tizimiga ulangan isteʼmolchilar bundan mustasno);

isteʼmol qilingan energiya resurslari uchun toʻlovlarning har bir isteʼmolchiga toʻliq va oʻz vaqtida hisoblanishini oʻrganadi;

energiya resurslarini taqsimlash va sotishning belgilangan tartibini buzgan shaxslarni javobgarlikka tortish boʻyicha oʻz vakolatlari doirasida choralarni koʻradi;

e) energiya resurslarini ehtiyot qilish va ulardan oqilona foydalanish, shuningdek, qattiq maishiy chiqindilar bilan bogʻliq ishlarni amalga oshirish boʻyicha isteʼmolchilarning masʼuliyati va huquqiy madaniyatini oshirish choralarini koʻrish sohasida:

energiya resurslari uchun toʻlovlarning, shuningdek, qattiq maishiy chiqindilarni toʻplash va olib chiqish uchun majburiy toʻlovlarning oʻz vaqtida va toʻliq amalga oshirilishi, sud hujjatlari va boshqa organlar hujjatlari soʻzsiz va ixtiyoriy ijro etilishi yuzasidan isteʼmolchilarning madaniyatini yuksaltirish boʻyicha kompleks chora-tadbirlar koʻradi;

ommaviy axborot vositalari va keng jamoatchilik bilan hamkorlik qiladi, ularni oʻz faoliyati natijalari toʻgʻrisida xabardor qiladi, ushbu maqsadlarda seminarlar, brifinglar, press-konferensiyalar, davra suhbatlari va boshqa tadbirlar oʻtkazadi;

j) kompleks tahlil oʻtkazish, tizimli muammolarni aniqlash, energiya resurslari uchun toʻlovlar hisob-kitob qilinishini, qattiq maishiy chiqindilarni toʻplash va olib chiqish uchun aholidan kelib tushadigan majburiy toʻlovlarning toʻlanishini taʼminlash, majburiy ijro tizimini takomillashtirish boʻyicha takliflar ishlab chiqish sohasida:

sud hujjatlari va boshqa organlar hujjatlarini ijro etish, energiya resurslari uchun toʻlovlar hisob-kitob qilinishini, qattiq maishiy chiqindilarni toʻplash va olib chiqish uchun aholidan majburiy toʻlovlarni undirishni taʼminlash sohasida huquqni qoʻllash amaliyotini tahlil qiladi va umumlashtiradi, shuningdek, uni takomillashtirish boʻyicha takliflar kiritadi;

Byuro faoliyatining natijalari, ijro ishi yuritish va energiya resurslari uchun toʻlovlarning, shuningdek, qattiq maishiy chiqindilarni toʻplash va olib chiqish uchun majburiy toʻlovlarning undirilishi haqida statistik maʼlumotlar bazasini shakllantiradi hamda ularning haqqoniyligini taʼminlaydi;

energiya resurslaridan foydalanish, qattiq maishiy chiqindilar sohasida shartnoma-toʻlov intizomini mustahkamlash, shuningdek, ijro ishi yuritish tizimini takomillashtirishga qaratilgan normativ-huquqiy hujjatlar loyihalarini ishlab chiqadi va ularni tayyorlashda ishtirok etadi;

samarali ish uslublarini ishlab chiqadi va amaliyotga joriy qiladi, xodimlarning kasb mahoratini oshirish choralarini koʻradi;

Byuro faoliyatiga zamonaviy axborot-kommunikatsiya texnologiyalarini joriy qiladi va axborot xavfsizligini taʼminlaydi”;

11-bandning “b” kichik bandi va 12-band quyidagi tahrirda bayon etilsin:

“b) energiya resurslari uchun toʻlovlar, shuningdek, qattiq maishiy chiqindilarni toʻplash va olib chiqish uchun majburiy toʻlovlarning toʻliq va oʻz vaqtida undirilishini taʼminlash sohasida:

energiya resurslari yetkazib berilishi va isteʼmolini hisobga olishning toʻliqligi hamda haqqoniyligi, hisob-kitoblarning oʻz vaqtida amalga oshirilishi yuzasidan, shu jumladan xoʻjalik yurituvchi subyektlarda Nazorat qiluvchi organlar faoliyatini muvofiqlashtiruvchi Respublika kengashi bilan kelishmagan holda tekshirishlar oʻtkazish;

energiya resurslari uchun toʻlovlarning oʻz vaqtida va toʻliqligini nazorat qilish va monitoringini amalga oshirish, shuningdek, qattiq maishiy chiqindilarni toʻplash va olib chiqish uchun majburiy toʻlovlarni toʻlovchi jismoniy shaxslarning hamda ular tomonidan kiritilgan toʻlovlarning hisobi toʻgʻri olib borishini nazorat qilish uchun zarur boʻlgan maʼlumotlarni vazirliklar, idoralar, boshqa tashkilotlar va fuqarolardan talab qilib olish;

jismoniy va yuridik shaxslarga energiya resurslari boʻyicha qarzdorlik, shuningdek, qattiq maishiy chiqindilarni toʻplash va olib chiqish uchun majburiy toʻlovlar boʻyicha qarzdorlikni bartaraf etish haqida bajarilishi majburiy boʻlgan talabnomalar yuborish;

energiya resurslari uchun hisob-kitoblar oʻz vaqtida amalga oshirilmagan, Byuro talabnomalari ijro etilmagan hollarda, shuningdek, elektr, gaz uzatish va gaz taqsimlash tarmoqlariga noqonuniy ulanish, talon-toroj holatlari aniqlanganda, isteʼmolchilarni elektr hamda gaz tarmoqlaridan uzish;

elektr energiyasi uchun toʻlovlar oʻz vaqtida amalga oshirilmagan hamda Byuroning talabnomalari ijro etilmagan hollarda alohida isteʼmolchilarni 6 — 10 kV va undan yuqori kuchlanishli elektr energiya tarmoqlaridan uzish haqida elektr taʼminot korxonalariga talabnomalar berish;

energiya resurslaridan foydalanish qoidalarini buzish holatlari bartaraf etilgan hamda toʻlovlar toʻliq amalga oshirilganda, ilgari elektr va gaz tarmoqlaridan uzib qoʻyilgan isteʼmolchilarni qayta ulash (alohida isteʼmolchilarni ulash haqida talabnomalar yuborish);

elektr va gaz tarmoqlariga qayta ulab berilganligi uchun qonun hujjatlarida belgilangan tartibda toʻlov undirish;

energiya resurslari isteʼmolini hisobga olish uskunalarini plombalashda ishtirok etish;

vazirliklar, idoralar, boshqa tashkilotlar, shu jumladan, fuqarolarning oʻzini oʻzi boshqarish organlariga energiya resurslarini yetkazib berish hamda isteʼmol qilish, qattiq maishiy chiqindilarni toʻplash va olib chiqish boʻyicha xizmat koʻrsatish sohasidagi huquqbuzarliklar sodir etilishiga imkon berayotgan sabab va shart-sharoitlarni bartaraf etish, shuningdek, energiya resurslari uchun toʻlovlar hamda qattiq maishiy chiqindilarni toʻplash va olib chiqish uchun majburiy toʻlovlar boʻyicha hisob-kitoblarni muntazam ravishda amalga oshirmayotgan isteʼmolchilarga nisbatan jamoat taʼsir choralarini koʻrish haqida taqdimnomalar kiritish;

yetkazib berilgan energiya resurslari uchun qarzdorlikni isteʼmolchilar — yuridik shaxslar va yakka tartibdagi tadbirkorlarning bank hisobraqamlaridan soʻzsiz undirish haqida bajarilishi majburiy boʻlgan inkasso topshiriqnomalari qoʻyish;

yetkazib berilgan energiya resurslari, shuningdek, qattiq maishiy chiqindilarni toʻplash va olib chiqish uchun majburiy toʻlovlar boʻyicha eng kam oylik ish haqining ikki baravaridan koʻp boʻlmagan miqdordagi qarzdorlikni xodim — isteʼmolchilarning ish haqidan ushlab qolish haqida ish beruvchilarga bajarilishi majburiy boʻlgan talabnomalar yuborish;

yetkazib berilgan energiya resurslari uchun toʻlovlar hamda qattiq maishiy chiqindilarni toʻplash va olib chiqib ketish uchun majburiy toʻlovlar uchun har oyda eng kam ish haqining ikki baravaridan koʻp boʻlmagan miqdordagi qarzdorlikni isteʼmolchilarning plastik kartalariga xizmat koʻrsatiladigan bank hisobraqamlaridan nizosiz tartibda hisobdan chiqarish;

maʼmuriy huquqbuzarliklar toʻgʻrisidagi ishlarni yuritish, Byuro vakolatiga taalluqli ishlarni koʻrib chiqish va maʼmuriy jazo qoʻllash;

Byuro vakolatiga taalluqli ishlar boʻyicha tergovga qadar tekshiruv va surishtiruv oʻtkazish hamda tezkor-qidiruv faoliyatini amalga oshirish, shuningdek, huquqbuzarlik oqibatida yetkazilgan mulkiy zararni undirish boʻyicha sudlarga daʼvo arizalari kiritish;

davlat organlariga va boshqa tashkilotlarga, shuningdek, mansabdor shaxslar va fuqarolarga oʻziga taalluqli vakolatlar doirasida bajarilishi majburiy boʻlgan koʻrsatmalar berish.

Byuro qonun hujjatlariga muvofiq boshqa huquqlarga ham ega boʻlishi mumkin.

12. Byuro quyidagilar uchun javobgardir:

sud hujjatlari va boshqa organlar hujjatlarning oʻz vaqtida va toʻliq ijro etilishini taʼminlash;

energiya resurslari uchun toʻlovlar, shuningdek, qattiq maishiy chiqindilarni toʻplash va olib chiqish uchun majburiy toʻlovlarning oʻz vaqtida va toʻliq undirilishini, isteʼmolchilarning qarzdorligi kamaytirilishini taʼminlash;

energiya resurslaridan noqonuniy foydalanish holatlarini, shuningdek, bevosita isteʼmolchilar tomonidan foydalanilgan va tegishli hududlar chegarasidagi tarmoqlarga yetkazib berilgan energiya resurslari hajmi oʻrtasidagi tafovutlarni aniqlash, bartaraf etish va oldini olish;

energiya resurslari hajmi oʻrtasidagi aniqlangan tafovutlarni bartaraf qilish mexanizmi boʻyicha takliflar kiritish hamda aybdor shaxslarni javobgarlikka tortish choralarini koʻrish;

yuklatilgan boshqa vazifalarni samarali bajarish.”;

21-bandning oltinchi xatboshi quyidagi tahrirda bayon etilsin:

“Byuroning boshqa xodimlari faoliyatni mehnat shartnomalariga asosan, prokuratura organlariga qabul qilishda qoʻyiladigan talablar hisobga olingan holda amalga oshiradi. Byuroning tuman (shahar) boʻlimlari energiya resurslari va maishiy chiqindilar boʻyicha qarzdorlikni undirish va nazorat qilish guruhlari (shuʼbalari)ning davlat inspektorlari, qoida tariqasida, olti oy muddatga tuziladigan mehnat shartnomalariga asosan ishga qabul qilinadi. Ushbu xodimlar bilan mehnat munosabatlarini davom ettirishning asosiy sharti — biriktirilgan hududda energiya resurslari uchun qarzdorlik, shuningdek, qattiq maishiy chiqindilar toʻplash va olib chiqish uchun majburiy toʻlovlardan qarzdorlikning 80 foizdan kam boʻlmagan miqdorda undirilishini taʼminlash hisoblanadi.”.