Xorazm avtomobil ishlab chiqarish birlashmasida koʻp yuk koʻtaradigan yuk avtomobillari ishlab chiqarish va sotish toʻgʻrisida (213-son)

05.06.1995

Oʻzbekiston Respublikasi Vazirlar Mahkamasining

qarori

[Koʻchirma]

Xalqaro yuk tashishlarning oʻsib borayotgan hajmini taʼminlash va milliy avtomobil parkini rivojlantirish maqsadida Vazirlar Mahkamasi qaror qiladi:

1. “Oʻzavtosanoat” uyushmasining Xorazm avtomobil ishlab chiqarish birlashmasida ishlab chiqarilgan “Mersedes-Bens” avtopoyezdlarining 300 tasini sotish, shu jumladan:

keyinchalik tashkilotlarga taqsimlagan holda Samarqand, Andijon, Namangan, Fargʻona viloyatlari hokimliklariga 25 tadan;

“Oʻzavtotrans” korporatsiyasiga — 100 ta;

“Oʻzavtosanoat” uyushmasiga — 50 ta;

“Oʻzmevasabzavotuzumsanoat” uyushmasiga — 50 tasini sotish haqidagi taklifiga rozilik berilsin.

2. Xorazm avtomobil ishlab chiqarish birlashmasi 600 ta yuk avtomobilini sotishdan olgan foydadan, ishlab chiqarishni rivojlantirishga va kreditlarni qaytarishga yoʻnaltiriladigan qismi boʻyicha, soliq toʻlashdan ozod qilinsin.

Xorazm avtomobil ishlab chiqarish birlashmasiga Yagona yoʻl jamgʻarmasiga mablagʻni sotilgan mahsulot hajmidan belgilangan miqdorda ajratishga ruxsat berilsin.

4. Oʻzbekiston Respublikasi Moliya vazirligi Hukumatning qarorlari bilan Respublika valyuta jamgʻarmasidan Xorazm avtomobil ishlab chiqarish birlashmasiga ajratilgan 33310,2 ming Germaniya markasi (foizlarni hisobga olgan holda) miqdoridagi kreditni qaytarishni 2 yilga kechiktirsin. Kreditni qaytarish Libor + 0 stavkasi boʻyicha foizlar toʻlangan holda 1996-yil 1-oktabrdan boshlab 5 yil davomida teng ulushlarda amalga oshirilsin.

5. “Oʻzavtosanoat” uyushmasi:

uch oy muddatda Tashqi iqtisodiy aloqalar vazirligi bilan birgalikda Xorazm avtomobil ishlab chiqarish birlashmasining ishlab chiqarish maydonlarida sedel tyagachlar va ularga yarim pritseplar ishlab chiqaradigan Oʻzbekiston — Germaniya qoʻshma korxonalari tashkil etish;

bir oy muddatda yuk avtomobillariga texnik xizmat koʻrsatadigan mintaqaviy markazlar ochish toʻgʻrisidagi takliflarni tayyorlasin va kiritsin.

6. Oʻzbekiston Respublikasi Tashqi iqtisodiy aloqalar vazirligi Xorazm avtomobil ishlab chiqarish birlashmasining avtopoyezdlaridan foydalanuvchi viloyatlar avtokorxonalariga xalqaro yuk tashish jarayonini tashkil etishda va xalqaro tashkilotlarda tegishlicha roʻyxatdan oʻtishda koʻmaklashsin.

7. Mazkur qarorning bajarilishini nazorat qilish Bosh vazirning oʻrinbosari Y.F. Paygin zimmasiga yuklansin.

Vazirlar Mahkamasining Raisi I. KARIMOV

Toshkent sh.,

1995-yil 5-iyun,

213-son