Oʻzbekiston Respublikasi Prezidentining ayrim hujjatlarini oʻz kuchini yoʻqotgan deb hisoblash toʻgʻrisida (PF-5868-son)

08.11.2019

Oʻzbekiston Respublikasi Prezidentining

Farmoni

Foydalanilmayotgan obyektlarni aniqlash va xoʻjalik faoliyatiga jalb etishning yangi tartibi belgilanganligi munosabati bilan:

1. Oʻzbekiston Respublikasi Prezidentining ayrim hujjatlari ilovaga muvofiq oʻz kuchini yoʻqotgan deb hisoblansin.

2. Ushbu Farmon 2019-yil 13-noyabrdan kuchga kiradi.

3. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2019-yil 8-noyabr,

PF-5868-son

Oʻzbekiston Respublikasi Prezidentining 2019-yil 8-noyabrdagi PF-5868-son Farmoniga ILOVA

Oʻzbekiston Respublikasi Prezidentining oʻz kuchini yoʻqotgan deb eʼtirof etilayotgan hujjatlari

ROʻYXATI

1. Oʻzbekiston Respublikasi Prezidentining 2017-yil 6-iyuldagi PF-5111-son “Oʻzbekiston Respublikasi Prezidentining ayrim hujjatlariga oʻzgartirishlar va qoʻshimcha kiritish, shuningdek, baʼzi hujjatlarini oʻz kuchini yoʻqotgan deb hisoblash toʻgʻrisida”gi Farmoniga 1-ilovaning 23-bandi.

2. Oʻzbekiston Respublikasi Prezidentining 2017-yil 16-oktabrdagi PF-5204-son “Oʻzbekiston Respublikasi Prezidentining ayrim hujjatlariga oʻzgartishlar kiritish toʻgʻrisida”gi Farmoniga ilovaning 43 va 47-bandlari.

3. Oʻzbekiston Respublikasi Prezidentining 2018-yil 18-iyuldagi PF-5483-son “Oʻzbekiston Respublikasi Prezidentining ayrim hujjatlariga oʻzgartish va qoʻshimchalar kiritish, shuningdek ayrim hujjatlarini oʻz kuchini yoʻqotgan deb topish toʻgʻrisida”gi Farmoniga 1-ilovaning 21-bandi.

4. Oʻzbekiston Respublikasi Prezidentining 2017-yil 23-fevraldagi PQ-2796-son “Tadbirkorlarning ishlab chiqarish maydonlaridan foydalanishlarini yanada ragʻbatlantirish chora-tadbirlari toʻgʻrisida”gi qarori.

5. Oʻzbekiston Respublikasi Prezidentining 2017-yil 18-apreldagi PQ-2895-son “Xususiylashtirilgan korxonalar bilan ishlash samaradorligini oshirish chora-tadbirlari toʻgʻrisida”gi qarori.

6. Oʻzbekiston Respublikasi Prezidentining 2018-yil 19-fevraldagi PQ-3541-son “Mulkdorlar tomonidan foydalanilmayotgan ishlab chiqarish maydonlaridan oqilona, maqsadli va samarali foydalanishi yuzasidan nazoratni kuchaytirishga oid qoʻshimcha chora-tadbirlar toʻgʻrisida”gi qarori.

7. Oʻzbekiston Respublikasi Prezidentining 2018-yil 4-sentabrdagi PQ-3928-son “Ishlab chiqarish maydonlaridan foydalanish samaradorligini oshirishga doir qoʻshimcha chora-tadbirlar toʻgʻrisida”gi qarori.

8. Oʻzbekiston Respublikasi Prezidentining 2018-yil 18-dekabrdagi PQ-4064-son “Oʻzbekiston Respublikasi Prezidentining “Ishlab chiqarish maydonlaridan foydalanish samaradorligini oshirishga doir qoʻshimcha chora- tadbirlar toʻgʻrisida”gi 2018-yil 4-sentabrdagi PQ-3928-son qaroriga oʻzgartirish va qoʻshimchalar kiritish toʻgʻrisida”gi qarori.