Alkogol mahsulotlari uchun eng kam ulgurji-sotish va chakana narxlarni qayta koʻrib chiqish toʻgʻrisida (3188-son)

29.10.2019

Oʻzbekiston Respublikasi Moliya vazirligi Oʻzbekiston Respublikasi Davlat soliq qoʻmitasining

Qarori

[Oʻzbekiston Respublikasi Adliya vazirligi tomonidan 2019-yil 29-oktabrda roʻyxatdan oʻtkazildi, roʻyxat raqami 3188]

Oʻzbekiston Respublikasi Vazirlar Mahkamasining 2009-yil 23-dekabrdagi 327-son “Alkogolli mahsulotlar uchun eng kam ulgurji-sotish va chakana narxlarni joriy etish toʻgʻrisida”gi qaroriga muvofiq Oʻzbekiston Respublikasi Moliya vazirligi va Davlat soliq qoʻmitasi qaror qiladi:

1. Alkogol mahsulotlari uchun eng kam ulgurji-sotish va chakana narxlar qayta koʻrib chiqilib, ular ilovaga muvofiq miqdorlarda belgilansin.

2. Oʻzbekiston Respublikasi Moliya vazirligi va Davlat soliq qoʻmitasining 2018-yil 24-dekabrdagi 158, 2018-85-son “Alkogolli mahsulotlar uchun eng kam ulgurji-sotish va chakana narxlarni qayta koʻrib chiqish toʻgʻrisida”gi qarori (roʻyxat raqami 3107, 2018-yil 28-dekabr) (Oʻzbekiston Respublikasi qonun hujjatlari toʻplami, 2018-y., 52-son, 1009-modda) oʻz kuchini yoʻqotgan deb hisoblansin.

3. Mazkur qaror 2019-yil 1-noyabrdan kuchga kiradi.

Moliya vaziri D. KUChKAROV

Toshkent sh.,

2019-yil 25-oktabr,

106-son

Davlat soliq qoʻmitasi raisi B. MUSAYEV

Toshkent sh.,

2019-yil 25-oktabr,

2019-59-son

Oʻzbekiston Respublikasi Moliya vazirligi va Davlat soliq qoʻmitasining 2019-yil 25-oktabrdagi 106, 2019-59-son qaroriga ILOVA

Alkogol mahsulotlari* uchun eng kam ulgurji-sotish va chakana narxlar

Sotilayotgan tovarning nomi Ishlab chiqaruvchi korxonalarning eng kam ulgurji-sotish narxi Eng kam chakana narx Vino, 1 litr tayyor mahsulot uchun soʻm hisobida 9 400 11 200 Konyak, 1 litr tayyor mahsulot uchun soʻm hisobida 33 000 39 000 Aroq va boshqa alkogolli mahsulotlar, 1 litr tayyor mahsulot uchun soʻm hisobida 24 000 28 500

*Pivodan tashqari