Oʻzbekiston Respublikasi Prezidentining 2019-yil 7-martdagi “Oʻzbekkoʻmir” aksiyadorlik jamiyatini boshqarish samaradorligini oshirish chora-tadbirlari toʻgʻrisida”gi PQ-4234-son qaroriga oʻzgartirishlar va qoʻshimcha kiritish toʻgʻrisida (PQ-4497-son)

24.10.2019

Oʻzbekiston Respublikasi Prezidentining

qarori

“Oʻzbekkoʻmir” aksiyadorlik jamiyatining boshqaruv tizimi samaradorligini oshirish, shuningdek, koʻmir qazib olishni yanada koʻpaytirish maqsadida:

1. Oʻzbekiston Respublikasi Prezidentining 2019-yil 7-martdagi “Oʻzbekkoʻmir” aksiyadorlik jamiyatini boshqarish samaradorligini oshirish chora-tadbirlari toʻgʻrisida”gi PQ-4234-son qarorida:

1 — 5-bandlar hamda 1-ilova oʻz kuchini yoʻqotgan deb hisoblansin;

6-banddagi “ProgressGorTex” MChJ (Rossiya Federatsiyasi)” soʻzlari “ishonchli boshqaruvchi” soʻzlari bilan almashtirilsin;

10-bandning “v” kichik bandi ikkinchi xatboshisi “bojxona rasmiylashtiruvi” soʻzlaridan oldin “qoʻshilgan qiymat soligʻi va” soʻzlari bilan toʻldirilsin.

2. Mazkur qarorning ijrosini nazorat qilish Oʻzbekiston Respublikasi Prezidenti maslahatchisi R.A. Gulyamov, Oʻzbekiston Respublikasi Bosh vazirining birinchi oʻrinbosari A.J. Ramatov va Oʻzbekiston Respublikasi energetika vaziri A.S. Sultanov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2019-yil 24-oktabr,

PQ-4497-son