Shahrisabz shahridagi “Halovat” va “Tong yulduzi” koʻchalarini va u yerda istiqomat qiluvchi aholini toʻligʻicha “Choshtepa” mahalla fuqarolar yigʻiniga oʻtkazish toʻgʻrisida (V-22/1-son)

07.10.2019

Xalq deputatlari Shahrisabz shahar kengashi

Qarori

Shahrisabz shahar, “Choshtepa” mahalla fuqarolar yigʻinining 2019-yil 18-apreldagi № 04/06-sonli talabnomasi muhokamasidan kelib chiqib, “Mahalliy davlat hokimiyati toʻgʻrisida”gi Qonunining 24-moddasiga asosan xalq deputatlari shahar Kengashi qaror qiladi:

1. Shahrisabz shahridagi “Halovat” va “Tong yulduzi” koʻchalari va u yerda istiqomat qiluvchi aholi fuqarolarning talabi asosida toʻligʻicha “Choshtepa” mahalla fuqarolar yigʻini tarkibiga oʻtkazilsin.

2. “Choshtepa” mahalla fuqarolar yigʻini tomonidan “Halovat” va “Tong yulduzi” koʻchalaridagi xonadonlar toʻliq xatlovdan oʻtkazilsin va ushbu maʼlumotlar Shahrisabz shahar statistika boʻlimi va mutasaddi tashkilotlarga taqdim etilsin.

3. Mazkur qaror ijrosini nazorat qilish shahar hokimining birinchi oʻrinbosari Sh. Boʻriyev zimmasiga yuklatilsin.

4. Ushbu qaror rasman eʼlon qilingan kundan boshlab kuchga kiradi.

Kengash raisi T. KARIMOV

Shahrizabz sh.,

2019-yil 7-oktabr,

V-22/1-son