Suv resurslarini boshqarish tizimini yanada takomillashtirish chora-tadbirlari toʻgʻrisida (PQ-4486-son)

09.10.2019

Oʻzbekiston Respublikasi Prezidentining

Qarori

Soʻnggi yillarda mamlakatimizda amalga oshirilayotgan keng qamrovli institutsional islohotlar doirasida suv xoʻjaligi sohasida davlat boshqaruvi samaradorligini oshirish, suv resurslarini boshqarish tamoyillari va tizimini takomillashtirish borasida chora-tadbirlar amalga oshirildi.

Sugʻoriladigan yerlarning meliorativ holatini yaxshilash, suv resurslaridan foydalanish samaradorligini oshirish, ularning hisobini yuritish tizimini takomillashtirish, shuningdek, suv xoʻjaligi tashkilotlarining moddiy-texnik bazasini mustahkamlash boʻyicha ishlar izchil amalga oshirilmoqda.

Shu bilan birga, qishloq xoʻjaligini isloh qilish hamda qishloq xoʻjaligi ishlab chiqarishini diversifikatsiyalash boʻyicha amalga oshirilayotgan chora-tadbirlar mazkur sohada boshqaruvning zamonaviy usullarini joriy etish asosida suv xoʻjaligi infratuzilmasini yanada yaxshilashni talab etmoqda.

Suv resurslarini boshqarish va suv xoʻjaligi obyektlaridan foydalanish tizimini yanada takomillashtirish, irrigatsiya va melioratsiya loyihalarini amalga oshirish samaradorligini taʼminlash, suv xoʻjaligini boshqarish sohasida bozor tamoyillari va mexanizmlarini joriy etish, shuningdek, ushbu sohada ilm-fanni rivojlantirish maqsadida:

2. Oʻzbekiston Respublikasi Suv xoʻjaligi vazirligi, Iqtisodiyot va sanoat vazirligi, Moliya vazirligi, Investitsiyalar va tashqi savdo vazirligi, Davlat aktivlarini boshqarish agentligining:

Oʻzbekiston Respublikasi Suv xoʻjaligi vazirligi huzuridagi “Oʻzsuvqurilishtaʼminot” respublika birlashmasi (keyingi oʻrinlarda — “Oʻzsuvqurilishtaʼminot” respublika birlashmasi) negizida “Oʻzsuvqurilish” aksiyadorlik jamiyatini (keyingi oʻrinlarda — “Oʻzsuvqurilish” AJ) tashkil etish, shuningdek, 1-ilovaga muvofiq “Oʻzsuvqurilishtaʼminot” respublika birlashmasi tarkibiga kiruvchi davlat unitar korxonalarini masʼuliyati cheklangan jamiyatlarga aylantirish;

Suv xoʻjaligi vazirligi tizimidagi budjet tashkilotlarining shtatlar sonini 2019-yil 1-noyabrdan 10 foizga, 2020-yil 1-yanvardan qoʻshimcha ravishda 10 foizga, shu jumladan boshqaruv xodimlari sonini mazkur qarorga muvofiq 83 birlikka bosqichma-bosqich maqbullashtirish toʻgʻrisidagi takliflariga rozilik berilsin.

3. Belgilansinki:

“Oʻzsuvqurilish” AJ “Oʻzsuvqurilishtaʼminot” respublika birlashmasining shartnomalari, huquqlari va majburiyatlari boʻyicha huquqiy voris hisoblanadi;

tashkil etilayotgan masʼuliyati cheklangan jamiyatlar oʻzgartirilayotgan tegishli davlat unitar korxonalarining shartnomalari, huquqlari va majburiyatlari boʻyicha huquqiy voris hisoblanadi;

tashkil etilayotgan masʼuliyati cheklangan jamiyatlar ustav kapitali 1-ilovada koʻrsatilgan oʻzgartirilayotgan davlat unitar korxonalarining mol-mulklarini qoldiq qiymatida oʻtkazish hisobiga shakllantiriladi;

“Oʻzsuvqurilish” AJ ustav kapitali qayta tashkil etilayotgan “Oʻzsuvqurilishtaʼminot” respublika birlashmasining mol-mulklarini qoldiq qiymatida, shuningdek, tashkil etilayotgan masʼuliyati cheklangan jamiyatlardagi davlat ulushini oʻtkazish hisobiga shakllantiriladi;

“Oʻzsuvqurilish” AJ ustav kapitalidagi aksiyalar davlat paketi boʻyicha aksiyador funksiyalarini Oʻzbekiston Respublikasi Davlat aktivlarini boshqarish agentligi amalga oshiradi;

qayta tashkil etilayotgan “Oʻzsuvqurilishtaʼminot” respublika birlashmasining Oʻzbekiston Respublikasi Davlat budjeti hisobidan moliyalashtiriladigan boshqaruv xodimlari shtatlar soni Suv xoʻjaligi vazirligi tizimida saqlanib qolinadi.

5. Quyidagilar:

b) Oʻzbekiston Respublikasi Suv xoʻjaligi vazirligi tomonidan manfaatdor vazirlik va idoralar bilan birgalikda ishlab chiqilgan Suv resurslarini boshqarish tizimining samaradorligini oshirish boʻyicha “Yoʻl xaritasi” 3-ilovaga muvofiq tasdiqlansin.

Masʼul vazirlik va idoralar rahbarlariga ushbu kichik bandda nazarda tutilgan “Yoʻl xaritasi”ga kiritilgan tadbirlarni oʻz vaqtida, toʻliq va sifatli amalga oshirish yuzasidan shaxsiy javobgarlik yuklansin.

7. Oʻzbekiston Respublikasi Oliy va oʻrta maxsus taʼlim vazirligi, Suv xoʻjaligi vazirligi, Uy-joy kommunal xizmat koʻrsatish vazirligi, Ekologiya va atrof-muhitni muhofaza qilish davlat qoʻmitasi, shuningdek, ishlab chiqarish va foydalanish tashkilotlarining:

4-ilovaga muvofiq ishlab chiqarish va foydalanish tashkilotlari negizida “Toshkent irrigatsiya va qishloq xoʻjaligini mexanizatsiyalash muhandislari instituti” milliy tadqiqot universiteti (keyingi oʻrinlarda — Universitet) sohaga oid kafedralarining ixtisoslashtirilgan sinflarini joylashtirish;

ilmiy va professor-oʻqituvchilar tarkibidan, loyiha institutlari vakillaridan, shu jumladan chet el mutaxassislaridan iborat boʻlgan, shuningdek, suv xoʻjaligida loyihalashtirishning zamonaviy usullari va standartlariga amaliyotda oʻqitish uchun iqtidorli talabalarni jalb qilgan holda Universitet huzurida ixtisoslashtirilgan loyiha guruhini tashkil etish toʻgʻrisidagi takliflari maʼqullansin.

Quyidagilar maʼlumot uchun qabul qilinsin:

a) Universitet sohaga oid kafedralarining tegishli ishlab chiqarish va foydalanish tashkilotlari negizida joylashtirilayotgan ixtisoslashtirilgan sinflarida talabalarning amaliy va laboratoriya mashgʻulotlarini, shuningdek, oʻquv-ishlab chiqarish amaliyotini oʻtashi “ishlab chiqarishda bir kunlik mashgʻulot” tamoyili boʻyicha amalga oshiriladi;

b) Universitet huzuridagi ixtisoslashtirilgan loyiha guruhining asosiy vazifalari quyidagilar hisoblanadi:

suv xoʻjaligi va aholi punktlari suv taʼminoti obyektlari qurilishi, rekonstruksiya va modernizatsiya qilinishini loyihalashtirish;

suv xoʻjaligi va suv taʼminoti sohasidagi loyiha-qidiruv ishlarini va loyihalar amalga oshirilishini ilmiy-texnik jihatdan kuzatib borish;

suv xoʻjaligi obyektlaridan foydalanishning ishonchliligi va xavfsizligini, shuningdek, suv xoʻjaligi obyektlarining atrof-muhitga taʼsirini baholash va ularni hisoblash asoslarini ishlab chiqish.

8. 2020-yil 1-yanvardan:

xalqaro moliya institutlari va xorijiy hukumat moliya tashkilotlari mablagʻlarini jalb qilgan holda suv xoʻjaligi obyektlarini qurish va rekonstruksiya qilish boʻyicha yangidan amalga oshiriladigan loyihalarga kadrlarni tayyorlash va oʻqitish boʻyicha maxsus komponent kiritish;

ilmiy va ilmiy-texnik faoliyatni qoʻllab-quvvatlash maqsadida suv xoʻjaligi obyektlarini qurish va rekonstruksiya qilish boʻyicha loyiha-qidiruv ishlari qiymatining hisob-kitobiga loyiha-qidiruv ishlari umumiy qiymatining 10 foizigacha miqdorda qoʻshimcha mablagʻlar kiritish amaliyotga majburiy joriy etilsin.

Belgilansinki:

ushbu bandning uchinchi xatboshisida nazarda tutilgan mablagʻlarning 50 foizi loyiha-qidiruv ishlarini ilmiy-texnik jihatdan kuzatishni moliyalashtirishga yoʻnaltiriladi, ularga faqat mahalliy taʼlim va ilmiy-tadqiqot muassasalari, shuningdek, alohida olimlar belgilangan tartibda jalb qilinadi;

ushbu bandning uchinchi xatboshisida nazarda tutilgan mablagʻlarning qolgan 50 foizi Oʻzbekiston Respublikasi Suv xoʻjaligi vazirligi huzuridagi Suv xoʻjaligini rivojlantirish jamgʻarmasiga oʻtkaziladi. Bunda mazkur mablagʻlar faqat suv xoʻjaligi sohasidagi dolzarb muammolar boʻyicha ilmiy-tadqiqot va tajriba-konstruktorlik ishlanmalarini moliyalashtirish maqsadida respublika taʼlim va ilmiy-tadqiqot muassasalariga grantlar ajratish uchun sarflanadi.

9. 2019-yil 1-noyabrdan boshlab shunday tartib oʻrnatilsinki, unga muvofiq suv xoʻjaligi tashkilotlari rahbarlari har chorakda tegishli tuman xalq deputatlari Kengashiga suv resurslarini boshqarish, suv xoʻjaligi obyektlarining texnik holatini yaxshilash, shuningdek, ushbu tumanda suv tejovchi sugʻorish texnologiyalarini joriy etish holati toʻgʻrisida hisobot kiritadi.

Viloyatlar va tumanlar xalq deputatlari Kengashlariga xalq deputatlari kengashi va uning doimiy komissiyalari ish rejalarini ishlab chiqishda ijro etuvchi hokimiyat organlari, korxonalar, muassasalar va tashkilotlar rahbarlarining suv xoʻjaligi sohasidagi ishlar holati toʻgʻrisidagi axborotini bir yilda kamida ikki marta eshitishni nazarda tutish tavsiya etilsin.

10. Oʻzbekiston Respublikasi Vazirlar Mahkamasi:

bir oy muddatda suv isteʼmolchilari uyushmalari faoliyatini rivojlantirishni, shu jumladan boshqaruv tizimini takomillashtirish, suv isteʼmolchilari uyushmalarining moliyaviy barqarorligini va ular tomonidan koʻrsatilayotgan xizmatlar uchun yigʻimlar toʻliq tushishini taʼminlash, shuningdek, suv isteʼmolchilari uyushmalari joylashuvini va ular tomonidan xizmat koʻrsatilayotgan hududlar chegaralarini qayta koʻrib chiqishni nazarda tutuvchi Hukumat qarori qabul qilishini;

ikki oy muddatda 5-ilovada koʻrsatilgan investitsiya loyihalari boʻyicha loyihalarni amalga oshirish guruhlari, shuningdek, huquqlar, majburiyatlar va shartnomalar Loyihalarni amalga oshirish agentligiga oʻtkazilishini;

Oʻzbekiston Respublikasi nomidan xalqaro moliya institutlari va xorijiy hukumat moliya tashkilotlari manziliga Loyihalarni amalga oshirish agentligi suv xoʻjaligi sohasidagi investitsiya loyihalarini amalga oshirish boʻyicha ijrochi agentlik etib belgilanganligi toʻgʻrisidagi xabarnomalar yuborilishini taʼminlasin.

11. Oʻzbekiston Respublikasi Suv xoʻjaligi vazirligi:

a) bir oy muddatda Oʻzbekiston Respublikasi Suv xoʻjaligi vazirligi huzuridagi Suv xoʻjaligi sohasidagi loyihalarni amalga oshirish agentligi faoliyatini tashkil etish toʻgʻrisidagi Hukumat qarori loyihasini Vazirlar Mahkamasiga kiritsin, unda:

Loyihalarni amalga oshirish agentligini saqlash Oʻzbekiston Respublikasi Davlat budjeti va Oʻzbekiston Respublikasi Suv xoʻjaligi vazirligi huzuridagi Suv xoʻjaligini rivojlantirish jamgʻarmasi mablagʻlari hisobidan amalga oshirilishi;

Loyihalarni amalga oshirish agentligiga oʻtkazilayotgan loyihalarni amalga oshirish guruhlari belgilangan tartibda faoliyati 5-ilovada koʻrsatilgan investitsiya loyihalari doirasida xalqaro moliya institutlari va xorijiy hukumat moliya tashkilotlari mablagʻlari hisobidan moliyalashtiriladigan yuridik shaxslarga oʻzgartirilishi nazarda tutilsin;

b) Investitsiyalar va tashqi savdo vazirligi, Moliya vazirligi, Iqtisodiy taraqqiyot va kambagʻallikni qisqartirish vazirligi bilan birgalikda:

6-ilovaga muvofiq suv xoʻjaligi obyektlarini qurish va modernizatsiya qilish boʻyicha ustuvor investitsiya loyihalarining texnik-iqtisodiy asoslarini ishlab chiqish choralarini koʻrsin;

koʻrsatilgan loyihalarning texnik-iqtisodiy asoslari ishlab chiqilishiga qarab, ularni amalga oshirish uchun xalqaro moliya institutlari va xorijiy hukumat moliya tashkilotlari mablagʻlarini jalb qilish yuzasidan Vazirlar Mahkamasiga takliflar kiritib borsin.

12. Oʻzbekiston Respublikasi Bandlik va mehnat munosabatlari vazirligi Suv xoʻjaligi vazirligi bilan birgalikda mazkur qarorga muvofiq Suv xoʻjaligi vazirligi tizimining shtatlar soni maqbullashtirilishi natijasida ishdan boʻshatiladigan xodimlarni ish bilan taʼminlash va ijtimoiy muhofaza qilish boʻyicha choralar koʻrsin.

14. Oʻzbekiston Respublikasi Suv xoʻjaligi vazirligi manfaatdor vazirlik va idoralar bilan birgalikda ikki oy muddatda qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

15. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining maslahatchisi R.A. Gʻulomov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2019-yil 9-oktabr,

PQ-4486-son

Oʻzbekiston Respublikasi Prezidentining 2019-yil 9-oktabrdagi PQ-4486-son qaroriga 1-ILOVA

Masʼuliyati cheklangan jamiyatlarga oʻzgartiriladigan Oʻzbekiston Respublikasi Suv xoʻjaligi vazirligi huzuridagi “Oʻzsuvqurilishtaʼminot” respublika birlashmasi tarkibiga kiruvchi davlat unitar korxonalari

ROʻYXATI

T/r Tashkilot nomi Joylashgan joyi 1. “Andijondavsuvmaxsuspudrat” DUK Andijon shahri 2. “Jalaquduqdavsuvmaxsuspudrat” DUK Jalaquduq tumani 3. “Ulugʻnordavsuvmaxsuspudrat” DUK Ulugʻnor tumani 4. “Mingbuloqdavsuvmaxsuspudrat” DUK Mingbuloq tumani 5. “Namangandavsuvmaxsuspudrat” DUK Namangan shahri 6. “Norindavsuvmaxsuspudrat” DUK Norin tumani 7. “Popdavsuvmaxsuspudrat” DUK Pop tumani 8. “Bogʻdoddavsuvmaxsuspudrat” DUK Bogʻdod tumani 9. “Dangʻaradavsuvmaxsuspudrat” DUK Dangʻara tumani 10. “Yozyovonmaxsussuvqurilish” DUK Yozyovon shahri 11. “Fargʻonadavsuvmaxsuspudrat” DUK Fargʻona shahri 12. “Yaypandavsuvmaxsuspudrat” DUK Beshariq tumani 13. “Boʻkadavsuvmaxsuspudrat” DUK Boʻka tumani 14. “Oʻzmaxsussuvqurilish” DUK Bektemir tumani 15. “Yuqorichirchiqdavsuvmaxsuspudrat” DUK Yuqorichirchiq tumani 16. “Yangiyoʻldavsuvmaxsuspudrat” DUK Yangiyoʻl tumani 17. “Oqoltindavsuvmaxsuspudrat” DUK Oqoltin tumani 18. “Boyovutdavsuvmaxsuspudrat” DUK Boyovut tumani 19. “Gulistondavsuvmaxsuspudrat” DUK Guliston shahri 20. “Jizzaxdavsuvmaxsuspudrat” DUK Jizzax shahri 21. “Mirzachoʻldavsuvmaxsuspudrat” DUK Mirzachoʻl tumani 22. “Paxtakordavsuvmaxsuspudrat” DUK Paxtakor tumani 23. “Uchtepadavsuvmaxsuspudrat” DUK Sharof Rashidov tumani 24. “Oqdaryodavsuvmaxsuspudrat” DUK Oqdaryo tumani 25. “Bulungʻurdavsuvmaxsuspudrat” DUK Bulungʻur tumani 26. “Zarafshonmaxsussuvqurilish” DUK Samarqand shahri 27. “Narpaydavsuvmaxsuspudrat” DUK Narpay tumani 28. “Samarqanddavsuvmaxsuspudrat” DUK Samarqand shahri 29. “Karmanadavsuvmaxsuspudrat” DUK Karmana tumani 30. “Navoiydavsuvmaxsuspudrat” DUK Navoiy shahri 31. “Qiziriqdavsuvmaxsuspudrat” DUK Qiziriq tumani 32. “Termezdavsuvmaxsuspudrat” DUK Termiz shahri 33. “Uzundavsuvmaxsuspudrat” DUK Uzun tumani 34. “Sheroboddavsuvmaxsuspudrat” DUK Sherobod tumani 35. “Kosondavsuvmaxsuspudrat” DUK Koson tumani 36. “Kasbidavsuvmaxsuspudrat” DUK Kasbi tumani 37. “Nishondavsuvmaxsuspudrat” DUK Nishon tumani 38. “Yakkabogʻdavsuvmaxsuspudrat” DUK Yakkabogʻ tumani 39. “Buxorodavsuvmaxsuspudrat” DUK Buxoro shahri 40. “Qorakoʻldavsuvmaxsuspudrat” DUK Qoraqoʻl tumani 41. “Romitandavsuvmaxsuspudrat” DUK Romitan tumani 42. “Shofirkondavsuvmaxsuspudrat” DUK Shofirkon tumani 43. “Amudaryodavsuvmaxsuspudrat” DUK Amudaryo tumani 44. “Kegeylidavsuvmaxsuspudrat” DUK Kegeyli tumani 45. “Xoʻjaylidavsuvmaxsuspudrat” DUK Xoʻjayli tumani 46. “Ellikqalʼadavsuvmaxsuspudrat” DUK Ellikqalʼa tumani 47. “Bogʻotdavsuvmaxsuspudrat” DUK Bogʻot tumani 48. “Qoʻshkoʻpirdavsuvmaxsuspudrat” DUK Qoʻshkoʻpir tumani 49. “Urganchdavsuvmaxsuspudrat” DUK Urganch shahri 50. “Xazoraspdavsuvmaxsuspudrat” DUK Xazorasp tumani 51. “Yangibozordavsuvmaxsuspudrat” DUK Yangibozor tumani 52. “Obod maskan” DUK Toshkent shahri 53. “Maxsus yirik nasos taʼmir” DUK Nishon tumani 54. “Maxsus elektr sozlash” DUK Nishon tumani 55. “Surxonnasostaʼmir” DUK Termiz tumani 56. “Shirmonbuloq tosh koni” DUK Buloqboshi tumani

Oʻzbekiston Respublikasi Prezidentining 2019-yil 9-oktabrdagi PQ-4486-son qaroriga 3-ILOVA

Suv resurslarini boshqarish tizimining samaradorligini oshirish boʻyicha

“Yoʻl xaritasi”

T/r Tadbirlarning nomlanishi Ijro muddati Masʼullar ijro uchun nazorat uchun I. Normativ-huquqiy bazani takomillashtirish 1. Suv resurslarini boshqarish sohasida xalqaro ekspertlar va mutaxassislarni jalb qilgan holda 2020 ― 2030-yillarda suv xoʻjaligini rivojlantirish konsepsiyasi loyihasini ishlab chiqish va Vazirlar Mahkamasiga kiritish. Amalga oshirish shakli: Oʻzbekiston Respublikasi Prezidenti qarori loyihasi 2020-yil 1-aprel Suv xoʻjaligi vazirligi (Sh. Xamrayev), Qishloq xoʻjaligi vazirligi (J. Xodjayev), Davlat geologiya qoʻmitasi (B. Islamov), Davlat ekologiya qoʻmitasi (B. Qoʻchqorov), manfaatdor vazirliklar va idoralar Vazirlar Mahkamasi (A. Vaxobov) 2. “Suv va suvdan foydalanish toʻgʻrisida”gi Oʻzbekiston Respublikasi Qonuniga oʻzgartish va qoʻshimchalar kiritish toʻgʻrisida”gi Oʻzbekiston Respublikasi qonuni loyihasini ishlab chiqish va Vazirlar Mahkamasiga kiritish, unda shu jumladan quyidagilarni nazarda tutish: suv isteʼmolchilari uyushmalarining huquqiy maqomini mustahkamlash, shuningdek, ularning faoliyatini tubdan rivojlantirishni; suv isteʼmolchilari uyushmalarining suv resurslarini boshqarish sohasidagi rolini oshirish va vakolatlarini kengaytirishni; suv isteʼmolchilari uyushmalarining davlat va xoʻjalik boshqaruvi organlari, shuningdek, suv isteʼmolchilari bilan oʻzaro hamkorlik qilishining samarali mexanizmlarini joriy etishni. Amalga oshirish shakli: Oʻzbekiston Respublikasi qonuni loyihasi 2020-yil 1-iyul Suv xoʻjaligi vazirligi (Sh. Xamrayev), Qishloq xoʻjaligi vazirligi (J. Xodjayev), manfaatdor vazirliklar va idoralar Vazirlar Mahkamasi (A. Vaxobov) 3. Suv isteʼmolchilari uyushmalarida buxgalteriya hisobini yuritish va buxgalteriya ishini tashkil etish tartibi toʻgʻrisidagi namunaviy yoʻriqnomani ishlab chiqish va tasdiqlash. Amalga oshirish shakli: idoraviy normativ-huquqiy hujjat 2020-yil 1-yanvar Moliya vazirligi (T. Ishmetov), Suv xoʻjaligi vazirligi (Sh. Xamrayev) Vazirlar Mahkamasi (A. Vaxobov) 4. Suvdan foydalanish va suvni isteʼmol qilish tartibini, shu jumladan iqtisodiyot tarmoqlarida suv resurslaridan foydalanish talablarini takomillashtirish, unda quyidagilarni nazarda tutish: suvdan oqilona va samarali foydalanishni taʼminlashni; suv isteʼmolchilarining (suvdan foydalanuvchilarning) suv resurslaridan oqilona foydalanishdagi javobgarligini oshirishni; suv xoʻjaligi tashkilotlarining suvni yetkazib berish va uni suv isteʼmolchilari (suvdan foydalanuvchilar) oʻrtasida taqsimlash bilan bogʻliq boʻlgan xizmati uchun samarali toʻlov tizimini joriy etishni. Amalga oshirish shakli: Vazirlar Mahkamasi qarori loyihasi 2020-yil 1-fevral Suv xoʻjaligi vazirligi (Sh. Xamrayev), Qishloq xoʻjaligi vazirligi (J. Xodjayev), Davlat geologiya qoʻmitasi (B. Islamov), Agrosanoat majmui ustidan nazorat qilish inspeksiyasi (M. Esanov) Vazirlar Mahkamasi (A. Vaxobov) 5. Qonun hujjatlariga Vazirlar Mahkamasi huzuridagi Agrosanoat majmui ustidan nazorat qilish inspeksiyasining irrigatsiya obyektlari va gidrotexnik inshootlarni qurish hamda rekonstruksiya qilishda belgilangan standartlarga rioya etilishi, shuningdek, ajratilgan budjet mablagʻlari maqsadli va oqilona sarflanishi ustidan nazorat qilish vakolatini nazorat qiluvchi organlar tomonidan oʻtkaziladigan tekshirish va monitoringlar doirasida amalga oshirilishini nazarda tutuvchi oʻzgarishlar kiritish. Amalga oshirish shakli: normativ-huquqiy hujjatlarga oʻzgartirish va qoʻshimchalar 2019-yil 1-dekabr Agrosanoat majmui ustidan nazorat qilish inspeksiyasi (M. Esanov), Suv xoʻjaligi vazirligi (Sh. Xamrayev) Vazirlar Mahkamasi (A. Vaxobov) 6. Suv xoʻjaligi vazirligi tizimidagi budjet tashkilotlariga tovarlar (ishlar, xizmatlar)ni ishlab chiqarish va sotish boʻyicha jami xarajatlarning oʻrni toʻldirilgandan keyin Budjet tashkilotini rivojlantirish jamgʻarmasining qolgan mablagʻlarini (homiylik yordami, begʻaraz yordam miqdori bundan mustasno): 50 foizdan kam boʻlmagan miqdorda — moddiy-texnik bazani mustahkamlashga; 50 foizdan koʻp boʻlmagan miqdorda — xodimlarni ijtimoiy himoya qilish va moddiy ragʻbatlantirish tadbirlariga sarflashga ruxsat berish. Amalga oshirish shakli: normativ-huquqiy hujjatlarga oʻzgartirish va qoʻshimchalar 2019-yil 1-dekabr Suv xoʻjaligi vazirligi (Sh. Xamrayev), Moliya vazirligi (T. Ishmetov) Vazirlar Mahkamasi (J. Qoʻchqorov) II. Suv xoʻjaligini boshqarish tizimini takomillashtirish 7. Isteʼmol qilinayotgan resurslarning nooqilona yoʻqotilishlarini bartaraf etish hisobiga energiya isteʼmolini qisqartirish maqsadida nasos stansiyalarini energetika tekshiruvidan (energiya auditi) oʻtkazish choralarini koʻrish, shu jumladan: 2020-2021-yillarda nasos stansiyalarini energiya auditidan oʻtkazish reja-jadvalini ishlab chiqish; nasos stansiyalarini energiya auditidan oʻtkazish boʻyicha texnik talablarni ishlab chiqish; energiya auditi sohasida ixtisoslashgan tashkilotlarni belgilangan tartibda jalb qilish; har bir nasos stansiyasi energiya auditi natijalariga koʻra, aniq choralar va ularni moliyalashtirish manbalarini koʻrsatgan holda, energiya tejashga doir tashkiliy va texnik qarorlar boʻyicha takliflar tayyorlash. Amalga oshirish shakli: tashkiliy tadbirlar va kelgusida amaliy chora-tadbirlar rejasini ishlab chiqish 2019 ― 2021-yillar 2019-yil 1-dekabr; 2020-yil 1-yanvar; 2020-yil 1-fevral; har bir nasos stansiyasi energiya auditidan soʻng 15 kun ichida Suv xoʻjaligi vazirligi (Sh. Xamrayev), energetika vazirligi (J. Mirzamaxmudov), Iqtisodiyot va sanoat vazirligi (B. Xoʻjayev), Moliya vazirligi (T. Ishmetov) Vazirlar Mahkamasi (A. Vaxobov, A. Sultonov, J. Qoʻchqorov) 8. Bugungi kun holatini va zamonaviy texnologiyalar joriy etilishi jarayonlarini inobatga olgan holda Nasos stansiyalaridan texnik jihatdan foydalanish qoidalarini ishlab chiqish va tasdiqlash, unda shu jumladan: nasos stansiyalari jihozlariga texnik xizmat koʻrsatish va ularni taʼmirlash; turlari, koʻtarilishi (oʻtkazilishi) va suv hajmidan kelib chiqib nasos stansiyalari agregatlarining elektr energiyasi isteʼmoli meʼyorlarini nazarda tutish. Amalga oshirish shakli: idoraviy normativ-huquqiy hujjat 2020-yil 1-fevral Suv xoʻjaligi vazirligi (Sh. Xamrayev), Energetika vazirligi (J. Mirzamaxmudov) Vazirlar Mahkamasi (A. Vaxobov) 9. Nasos stansiyalarining va irrigatsiya tizimlari agregatlarining elektr dvigatellariga chastotali boshqarish vositalarini oʻrnatish imkoniyatlari va samaradorligini oʻrganish hamda tegishli takliflarni, shu jumladan chastotali boshqarish vositalarini mahalliy darajada ishlab chiqarishni yoʻlga qoʻyish boʻyicha takliflarni ishlab chiqish. Amalga oshirish shakli: takliflarni oʻz ichiga olgan tahliliy maʼlumot 2020-yil 1-mart Suv xoʻjaligi vazirligi (Sh. Xamrayev), Energetika vazirligi (J. Mirzamaxmudov) Vazirlar Mahkamasi (A. Vaxobov) 10. Nasos stansiyalarida energiya tejovchi (reaktiv quvvat kompensatsiyasi, chastotali oʻzgartirgichlar orqali boshqarish, dvigatelni bir tekis ishga tushirish, yorugʻlikdiod lampalarini oʻrnatish va h.k.) qurilmalarni joriy etish boʻyicha kompleks chora-tadbirlarni amalga oshirish. Amalga oshirish shakli: amaliy chora-tadbirlar rejasi ishlab chiqish: 2020-yil 1-yanvar amalga oshirish: 2020 ― 2022-yillar Suv xoʻjaligi vazirligi (Sh. Xamrayev), Energetika vazirligi (J. Mirzamaxmudov), Iqtisodiyot va sanoat vazirligi (B. Xoʻjayev) Vazirlar Mahkamasi (A. Vaxobov) 11. Suv xoʻjaligi tashkilotlari dispetcherlik xizmatlari faoliyatini takomillashtirish va ularning moddiy-texnik bazasini yaxshilash boʻyicha amaliy chora-tadbirlarni amalga oshirish. Amalga oshirish shakli: amaliy chora-tadbirlar rejasi ishlab chiqish: 2019-yil 1-dekabr amalga oshirish: 2020-2021-yillar Suv xoʻjaligi vazirligi (Sh. Xamrayev), Iqtisodiyot va sanoat vazirligi (B. Xoʻjayev), Moliya vazirligi (T. Ishmetov) Vazirlar Mahkamasi (A. Vaxobov) 12. Suv xoʻjaligi tashkilotlarining irrigatsiya tizimlaridagi suv olish va suv toʻsish inshootlari, shuningdek, gidropostlarning texnik holatini yaxshilash boʻyicha amaliy chora-tadbirlarni amalga oshirish. Amalga oshirish shakli: amaliy chora-tadbirlar rejasi ishlab chiqish: 2019-yil 20-dekabr amalga oshirish: 2020-2021-yillar Suv xoʻjaligi vazirligi (Sh. Xamrayev), Iqtisodiyot va sanoat vazirligi (B. Xoʻjayev), Moliya vazirligi (T. Ishmetov) Vazirlar Mahkamasi (A. Vaxobov) 13. Xususiy sektorga davlat-xususiy sheriklik shartlari asosida boshqarish uchun beriladigan nasos stansiyalari, shuningdek, strategik va muhim ahamiyatga ega boʻlmagan irrigatsiya obyektlarining roʻyxatini shakllantirish hamda ushbu sohada davlat-xususiy sheriklik loyihalarini amalga oshirishning asosiy shartlarini ishlab chiqish. Amalga oshirish shakli: davlat-xususiy sheriklik loyihalarini amalga oshirish boʻyicha obyektlar roʻyxati va takliflarni oʻz ichiga olgan tahliliy maʼlumotnoma 2020-yil 1-yanvar Suv xoʻjaligi vazirligi (Sh. Xamrayev), Iqtisodiyot va sanoat vazirligi (B. Xoʻjayev), Davlat-xususiy sheriklikni rivojlantirish agentligi (Gʻ. Xoljigitov) Vazirlar Mahkamasi (A. Vaxobov, J. Qoʻchqorov) 14. Salohiyatli investorlar va ilmiy-tadqiqot institutlari bilan zamonaviy sugʻorish lotoklari va boshqa gidrotexnika inshootlarini, shu jumladan kompozit va boshqa muqobil materiallardan foydalangan holda ishlab chiqarishni tashkil etish masalasini oʻrganish. Amalga oshirish shakli: tashkiliy tadbirlar 2019-2020-yillar Suv xoʻjaligi vazirligi (Sh. Xamrayev), Investitsiyalar va tashqi savdo vazirligi (S. Umurzoqov), Fanlar akademiyasi (B. Yuldashev) Vazirlar Mahkamasi (A. Vaxobov) III. Suv xoʻjaligi sohasiga zamonaviy axborot-kommunikatsiya texnologiyalarini joriy etish 15. Nasos stansiyalarida elektr energiyasini nazorat qilish va hisobga olishning avtomatlashtirilgan tizimiga mos keluvchi oʻlchov asboblarini oʻrnatish jadvalini ishlab chiqish va amalga oshirish. Amalga oshirish shakli: reja-jadval ishlab chiqish: 2020-yil 1-yanvar amalga oshirish: 2020-yil davomida Energetika vazirligi (J. Mirzamaxmudov), Suv xoʻjaligi vazirligi (Sh. Xamrayev) Vazirlar Mahkamasi (A. Sultonov, A. Vaxobov) 16. Xalqaro va xorijiy tashkilotlarning grant mablagʻlarini jalb qilish, ular hisobiga 2019-2020-yillarda kamida 150 ta suv xoʻjaligi inshooti va gidrouzellarini real vaqt rejimida suvni nazorat qiluvchi va oʻlchovchi, shu jumladan suv xoʻjaligi obyektlarida suvdan foydalanish boʻyicha axborot yigʻadigan zamonaviy avtomatlashtirilgan tizimlar bilan jihozlash. Amalga oshirish shakli: tashkiliy chora-tadbirlar 2019-2020-yillar, shu jumladan: 2019-yilda kamida 60 ta obyekt; 2020-yilda kamida 90 ta obyekt Suv xoʻjaligi vazirligi (Sh. Xamrayev), Investitsiyalar va tashqi savdo vazirligi (S. Umurzoqov), Axborot texnologiyalari va kommunikatsiyalarini rivojlantirish vazirligi (Sh. Sodiqov) Vazirlar Mahkamasi (A. Vaxobov, E. Gʻaniyev ) 17. Toshkent viloyati Zangiota tumanidagi “Bogʻi-Boʻston” nasos stansiyasi misolida elektr energiyasini nazorat qilish va hisobga olishning avtomatlashtirilgan tizimiga ega boʻlgan suvni nazorat qilish va hisobga olishning avtomatlashtirilgan tizimini joriy etish hamda ularni integratsiyalash boʻyicha tajriba-sinov loyihasini amalga oshirish, kelgusida ijobiy tajribani respublikaning boshqa nasos stansiyalariga tatbiq etish boʻyicha takliflar ishlab chiqish. Amalga oshirish shakli: tashkiliy chora-tadbirlar 2020-yil 1-aprel Suv xoʻjaligi vazirligi (Sh. Xamrayev), Energetika vazirligi (J. Mirzamaxmudov), Axborot texnologiyalari va kommunikatsiyalarini rivojlantirish vazirligi (Sh. Sodiqov) Vazirlar Mahkamasi (A. Vaxobov, A. Sultonov) 18. Yerosti suvlari darajasi va minerallanishi, shuningdek, sugʻoriladigan yerlarning shoʻrlanish dinamikasini real vaqt rejimida monitoring qilishni taʼminlaydigan avtomatlashtirilgan tizimlar (GAT-texnologiyalari)ni joriy etgan holda, kamida 2 000 ta suv omborlaridagi pyezometr va kuzatuv quduqlarini rekonstruksiya qilish. Amalga oshirish shakli: tashkiliy tadbirlar 2020-yil davomida Suv xoʻjaligi vazirligi (Sh. Xamrayev), Moliya vazirligi (T. Ishmetov), Investitsiyalar va tashqi savdo vazirligi (S. Umurzoqov) Vazirlar Mahkamasi (A. Vaxobov) IV. Suv xoʻjaligi sohasida ilmiy-tadqiqot faoliyatini takomillashtirish 19. Suv xoʻjaligi sohasidagi loyiha-qidiruv ishlarini ilmiy-texnik jihatdan kuzatishni tashkil etish hamda moliyalashtirish tartibi toʻgʻrisidagi nizom loyihasiniishlab chiqish va Vazirlar Mahkamasiga kiritish. Amalga oshirish shakli: Vazirlar Mahkamasi qarori loyihasi 2020-yil 1-yanvar Suv xoʻjaligi vazirligi (Sh. Xamrayev), Qurilish vazirligi (B. Zokirov), Moliya vazirligi (T. Ishmetov) Vazirlar Mahkamasi (A. Ramatov) 20. Suv resurslaridan oqilona va samarali foydalanish, suv xoʻjaligi obyektlari (suv olish inshootlari, suv omborlari, nasos stansiyalari hamda irrigatsiya va drenaj kanallari)ning ishonchli va xavfsiz ishlashini taʼminlashga, shuningdek, suvni hisobga olish vositalarini yaratish va takomillashtirishga doir ilmiy asoslantirilgan tavsiyalarni ishlab chiqish. Amalga oshirish shakli: yoʻriqnomalar va tavsiyalar 2020 ― 2022-yillar Suv xoʻjaligi vazirligi (Sh. Xamrayev), Innovatsiya vazirligi (I. Abdurahmonov), Irrigatsiya va suv muammolari ITI Vazirlar Mahkamasi (A. Vaxobov) 21. Tashqi muhitning agressiv taʼsiriga uchragan beton va temir-beton kanallari hamda boshqa gidrotexnika inshootlaridan foydalanish mustahkamligini oshirish boʻyicha ilmiy asoslantirilgan tavsiyalarni ishlab chiqish. Amalga oshirish shakli: yoʻriqnomalar va tavsiyalar 2020 ― 2022-yillar Suv xoʻjaligi vazirligi (Sh. Xamrayev), Innovatsiya vazirligi (I. Abdurahmonov), Irrigatsiya va suv muammolari ITI Vazirlar Mahkamasi (A. Vaxobov) 22. Suv resurslaridan kompleks foydalanish, shu jumladan irrigatsiya, gidroenergetika va iqtisodiyotning boshqa tarmoqlarini suv resurslari bilan taʼminlash muammolarini hal qilishning ilmiy asoslarini ishlab chiqish. Amalga oshirish shakli: yoʻriqnomalar va tavsiyalar 2020 ― 2022-yillar Suv xoʻjaligi vazirligi (Sh. Xamrayev), Innovatsiya vazirligi (I. Abdurahmonov), Irrigatsiya va suv muammolari ITI Vazirlar Mahkamasi (A. Vaxobov) 23. Suv resurslarini muhofaza qilishning ekologik talablarini, ularning holatini baholash mezonlarini, yer usti va yer osti suvlari rejimi hamda sifatini samarali boshqarish, hududda ekologik muvozanatni tiklash va saqlash usullarini ishlab chiqish. Amalga oshirish shakli: yoʻriqnomalar va tavsiyalar 2020 ― 2022-yillar Suv xoʻjaligi vazirligi (Sh. Xamrayev), Innovatsiya vazirligi (I. Abdurahmonov), Davlat ekologiya qoʻmitasi (B. Qoʻchqorov), Irrigatsiya va suv muammolari ITI Vazirlar Mahkamasi (A. Vaxobov) 24. Xorazm, Qashqadaryo, Navoiy, Sirdaryo va Fargʻona viloyatlarida irrigatsiya va suv muammolari ilmiy-tadqiqot institutining tajriba-eksperimental uchastkalari negizida: qishloq xoʻjaligi ekinlarining suv isteʼmolini maqbullashtirish va sugʻorish texnika hamda texnologiyalarini takomillashtirish; shoʻrlangan yerlar ikkilamchi shoʻrlanishining oldini olish va ularni tiklash, suv tejovchi sugʻorish texnologiyalarini ilmiy asoslantirilgan holda tanlash boʻyicha kompleks meliorativ chora-tadbirlarni ishlab chiqish yuzasidan ilmiy-tadqiqot va tajriba-konstruktorlik ishlarini amalga oshirish uchun agro-meliorativ hududiy komplekslarni tashkil etish. Amalga oshirish shakli: tashkiliy tadbirlar 2020 ― 2021-yillar Suv xoʻjaligi vazirligi (Sh. Xamrayev), Innovatsiya vazirligi (I. Abdurahmonov), Investitsiyalar va tashqi savdo vazirligi (S. Umurzoqov), Irrigatsiya va suv muammolari ITI Vazirlar Mahkamasi (A. Vaxobov) V. Kadrlarni tayyorlash, qayta tayyorlash va ularning malakasini oshirish tizimini takomillashtirish 25. Suv va suv resurslarini rejalashtirish, taqsimlash hamda ulardan foydalanish, shuningdek, suv isteʼmolchilari uyushmasini boshqarish va uning faoliyatini tashkillashtirish (buxgalteriya hisobini yuritish, ish yuritish va boshqalar) boʻyicha quyi tuzilmalar, shu jumladan suv isteʼmolchilari uyushmalari xodimlari uchun amaliy oʻquv kurslarni tashkil etish. Amalga oshirish tartibi: reja-jadval ishlab chiqish: har yili 1-yanvarga qadar amalga oshirish: alohida jadval boʻyicha Suv xoʻjaligi vazirligi (Sh. Xamrayev), Qishloq xoʻjaligi vazirligi (J. Xodjayev), Moliya vazirligi (T. Ishmetov) Oliy va oʻrta maxsus taʼlim vazirligi (I. Majidov) Vazirlar Mahkamasi (A. Vaxobov) 26. Suv tejovchi sugʻorish texnologiyalaridan foydalanishga, shu jumladan tomchilatib, yomgʻirlatib va boshqa turdagi sugʻorish tizimlarini qurish, ishlatish va ularga texnik xizmat koʻrsatishga oʻqitish boʻyicha oʻquv dasturlari, modullar va materiallarni ishlab chiqish, ularni 2020/2021 oʻquv yilidan boshlab sohaga oid oliy taʼlim muassasalari va kollejlar oʻquv jarayoniga joriy etish. Amalga oshirish tartibi: oʻquv dasturlari, modullar va materiallar 2020-yil 1-iyun Suv xoʻjaligi vazirligi (Sh. Xamrayev), Oliy va oʻrta maxsus taʼlim vazirligi (I. Majidov) Vazirlar Mahkamasi (A. Abduhakimov) 27. Suv xoʻjaligi mutaxassislarini tayyorlash, qayta tayyorlash va ularning professional darajasini oshirish boʻyicha amaliy seminarlar, treninglar va oʻquv kurslarini tashkil qilish, shuningdek, ularning ishlab chiqarish amaliyotini chet elda oʻtkazishi uchun xalqaro dasturlar va jamgʻarmalarning grantlarini jalb qilish boʻyicha chora-tadbirlarni amalga oshirish. Amalga oshirish shakli: tashkiliy tadbirlar 2020-yil 1-iyul Suv xoʻjaligi vazirligi (Sh. Xamrayev), Investitsiyalar va tashqi savdo vazirligi (S. Umurzoqov), “El-yurt umidi” jamgʻarmasi (A. Bekmuradov) Vazirlar Mahkamasi (A. Vaxobov, E. Gʻaniyev ) 28. Meliorativ mashinalar va mexanizmlar operatorlarini (“ekskavator mashinisti”, “buldozer mashinisti” va boshqalar) tayyorlash hamda oʻqitish tizimini takomillashtirish, shu jumladan: Suv xoʻjaligi vazirligi huzuridagi taʼlim muassasalari (kollejlar) negizida doimiy ravishda faoliyat koʻrsatuvchi ixtisoslashtirilgan kurslarni tashkil etish; tegishli mutaxassisliklar boʻyicha meliorativ mashinalar va mexanizmlar operatorlarini tayyorlash oʻquv dasturlarini ishlab chiqish; taʼlim muassasalari (kollejlar)ning moddiy-texnik bazasini mustahkamlash uchun xalqaro dasturlar va jamgʻarmalar grantlari hamda texnik koʻmak mablagʻlarini jalb qilish boʻyicha choralar koʻrish. Amalga oshirish shakli: tashkiliy tadbirlar, oʻquv dasturlari 2020-yil 1-avgust Suv xoʻjaligi vazirligi (Sh. Xamrayev), Oliy va oʻrta maxsus taʼlim vazirligi (I. Majidov), Investitsiyalar va tashqi savdo vazirligi (S. Umurzoqov) Vazirlar Mahkamasi (A. Vaxobov, A. Abduhakimov)

Oʻzbekiston Respublikasi Prezidentining 2019-yil 9-oktabrdagi PQ-4486-son qaroriga 4-ILOVA

Toshkent irrigatsiya va qishloq xoʻjaligini mexanizatsiyalash muhandislari instituti sohaga oid kafedralarining ishlab chiqarish va foydalanish tashkilotlari negizida joylashtiriladigan ixtisoslashtirilgan sinflari

ROʻYXATI

T/r Kafedra nomi Tashkilot nomi Vazirlik va idora 1. Nasoslar, nasos stansiyalari va suv energiyasidan foydalanish Chirchiq-Ohangaron irrigatsiya tizimlari havza boshqarmasi huzuridagi nasos stansiyalari va energetika boshqarmasi Suv xoʻjaligi vazirligi 2. “Chirchiq GESlar kaskadi” UK “Oʻzbekgidroenergo” AJ 3. Gidrotexnika inshootlari “Davsuvxoʻjaliknazorat” davlat inspeksiyasi Vazirlar Mahkamasi 4. “OʻzGIP” MCHJ “OʻzGIP” MCHJ 5. Ekologiya va suv resurslarini boshqarish Axborot-tahlil va resurs markazi Suv xoʻjaligi vazirligi 6. Uy-joy kommunal xizmat koʻrsatish vazirligi Uy-joy kommunal xizmat koʻrsatish vazirligi 7. Atrof-muhitni muhofaza qilish sohasida ixtisoslashtirilgan tahliliy nazorat markazi Davlat ekologiya qoʻmitasi 8. “OʻzGIP” MCHJ “OʻzGIP” MCHJ 9. Irrigatsiya va melioratsiya Irrigatsiya va suv muammolari ilmiy-tadqiqot instituti Suv xoʻjaligi vazirligi 10. “Oʻzsuvloyiha” AJ “Oʻzsuvloyiha” AJ 11. “OʻzGIP” MCHJ “OʻzGIP” MCHJ 12. Gidromelioratsiya tizimlaridan foydalanish Chirchiq-Ohangaron irrigatsiya tizimlari havza boshqarmasi huzuridagi “Boʻzsuv” irrigatsiya tizimi boshqarmasi Suv xoʻjaligi vazirligi 13. Chirchiq-Ohangaron irrigatsiya tizimlari havza boshqarmasi huzuridagi “Parkent-Qorasuv” irrigatsiya tizimi boshqarmasi 14. Gidrologiya va gidrogeologiya Chirchiq-Ohangaron irrigatsiya tizimlari havza boshqarmasi huzuridagi “Boʻzsuv” irrigatsiya tizimi boshqarmasi Suv xoʻjaligi vazirligi 15. Chirchiq-Ohangaron irrigatsiya tizimlari havza boshqarmasi huzuridagi “Parkent-Qorasuv” irrigatsiya tizimi boshqarmasi 16. Chirchiq-Ohangaron irrigatsiya tizimlari havza boshqarmasi huzuridagi meliorativ ekspeditsiya 17. “Gidrogeologiya va muhandislik geologiyasi instituti” DK Davlat geologiya qoʻmitasi 18. Gidravlika va gidroinformatika Irrigatsiya va suv muammolari ilmiy-tadqiqot instituti Suv xoʻjaligi vazirligi 19. “Gidroproyekt” AJ “Oʻzbekgidroenergo” AJ 20. Gidromelioratsiya ishlarini mexanizatsiyalash “Oʻzmaxsussuvqurilish” MCHJ “Oʻzsuvqurilish” AJ 21. Hayot faoliyati xavfsizligi “Agregat zavodi” AJ “Oʻzagrotexsanoatxolding” AJ 22. Elektr energiyasi taʼminoti (suv xoʻjaligida) (Buxoro tabiiy resurslarni boshqarish instituti) Amu-Buxoro irrigatsiya tizimlari havza boshqarmasi huzuridagi nasos stansiyalari va energetika boshqarmasi Suv xoʻjaligi vazirligi 23. “Oʻzmaxsussuvqurilish” MCHJ “Oʻzsuvqurilish” AJ 24. “Buxoro hududiy elektr tarmoqlari korxonasi” AJ “Hududiy elektr tarmoqlari” AJ 25. Suv xoʻjaligi va melioratsiya (TIQXMMI Buxoro filiali) Amu-Buxoro irrigatsiya tizimlari havza boshqarmasi huzuridagi nasos stansiyalari va energetika boshqarmasi Suv xoʻjaligi vazirligi 26. Amu-Buxoro irrigatsiya tizimlari havza boshqarmasi huzuridagi meliorativ ekspeditsiya 27. Amu-Buxoro mashina kanalidan foydalanish boshqarmasi 28. Amu-Buxoro mashina kanali Olot tuman boshqarmasi 29. Amu-Buxoro mashina kanali Qiziltepa tuman boshqarmasi 30. Yerdan foydalanish va yer kadastri (TIQXMMI Buxoro filiali) Kadastr agentligining Buxoro viloyati boshqarmasi Kadastr agentligi 31. “Oʻzdaverloyiha” davlat ilmiy-loyiha instituti hududiy boʻlinmasi Qishloq xoʻjaligi vazirligi 32. Davlat kadastrlari palatasining Buxoro viloyati hududiy boshqarmasi Kadastr agentligi 33. Umumiy texnika fanlari kafedralari (TIQXMMI Qarshi filiali) Amu-Qashqadaryo irrigatsiya tizimlari havza boshqarmasi va uning boʻlinmalari Suv xoʻjaligi vazirligi 34. Qarshi magistral kanalidan foydalanish boshqarmasi 35. Kadastr agentligining Qashqadaryo viloyati boshqarmasi Kadastr agentligi

Izoh: “Toshkent irrigatsiya va qishloq xoʻjaligini mexanizatsiyalash muhandislari instituti” milliy tadqiqot universiteti sohaga oid kafedralarining ixtisoslashtirilgan sinflari oʻzaro kelishuvga koʻra boshqa ishlab chiqarish va foydalanish tashkilotlari negizida ham tashkil etilishi mumkin.

Oʻzbekiston Respublikasi Prezidentining 2019-yil 9-oktabrdagi PQ-4486-son qaroriga 5-ILOVA

Oʻzbekiston Respublikasi Suv xoʻjaligi vazirligiga yuritish uchun topshiriladigan suv xoʻjaligi sohasidagi investitsiya loyihalari

roʻyxati

T/r Loyiha nomi Qiymati Amalga oshirish muddati Amalga oshirish uchun asos 1. Islom taraqqiyot banki ishtirokida “Xorazm viloyatining Toshsaqa tizimidagi magistral sugʻorish kanallarini tiklash” 145,5 mln AQSH doll., shundan: xorijiy kreditlar — 90,4 mln doll.; Oʻzbekiston Respublikasi Hukumatining hissasi — 55,1 mln doll. 2013 ― 2019-yillar (2021-yil 1-iyungacha uzaytirilgan) Oʻzbekiston Respublikasi Prezidentining 2012-yil 6-noyabrdagi “Xorazm viloyatining Toshsaqa tizimidagi magistral sugʻorish kanallarini tiklash” loyihasini Islom taraqqiyot banki ishtirokida amalga oshirish chora-tadbirlari toʻgʻrisida”gi PQ-1849-son qarori; Oʻzbekiston Respublikasi Vazirlar Mahkamasining 2016-yil 26-avgustdagi “Xorazm viloyatining Toshsaqa tizimidagi magistral sugʻorish kanallarini tiklash” investitsiya loyihasini Islom taraqqiyot banki ishtirokida amalga oshirishga doir qoʻshimcha chora-tadbirlar toʻgʻrisida”gi 282-son qarori. 2. Fransiya Respublikasi hukumati ishtirokida “Navoiy viloyatidagi “Navoiy” va “Uchkara” nasos stansiyalarini rekonstruksiya qilish” hamda Osiyo taraqqiyot banki va Yaponiya xalqaro hamkorlik agentligi ishtirokida “Amu-Buxoro irrigatsiya tizimini tiklash” 406,3 mln AQSH doll., shundan: xorijiy kreditlar — 325,7 mln doll.; Oʻzbekiston Respublikasi Hukumatining hissasi — 80,6 mln doll. 2014 ― 2020-yillar Oʻzbekiston Respublikasi Prezidentining 2013-yil 23-avgustdagi “Navoiy viloyatidagi “Navoiy” va “Uchkara” nasos stansiyalarini rekonstruksiya qilish” loyihasini Fransiya Respublikasi hukumati ishtirokida amalga oshirish chora-tadbirlari toʻgʻrisida”gi PQ-2029-son qarori; Oʻzbekiston Respublikasi Prezidentining 2014-yil 28-martdagi “Amu-Buxoro irrigatsiya tizimini tiklash” loyihasini Osiyo taraqqiyot banki ishtirokida amalga oshirish chora-tadbirlari toʻgʻrisida”gi PQ-2156-son qarori; Oʻzbekiston Respublikasi Prezidentining 2015-yil 25-avgustdagi “Amu-Buxoro irrigatsiya tizimini tiklash” loyihasini amalga oshirishga oid qoʻshimcha chora-tadbirlar toʻgʻrisida”gi PQ-2396-sonli qarori. 3. Jahon banki ishtirokida “Janubiy Qoraqalpogʻistonda suv resurslarini boshqarishni yaxshilash” 376,7 mln AQSH doll., shundan: xorijiy kreditlar — 214,9 mln doll.; Oʻzbekiston Respublikasi Hukumatining hissasi — 161,8 mln doll. 2015 ― 2021-yillar Oʻzbekiston Respublikasi Prezidentining 2015-yil 24-martdagi “Janubiy Qoraqalpogʻistonda suv resurslarini boshqarishni yaxshilash” loyihasini Jahon banki ishtirokida amalga oshirish chora-tadbirlari toʻgʻrisida”gi PQ-2324-son qarori. 4. Islom taraqqiyot banki ishtirokida “Surxondaryo viloyatida suv resurslarini boshqarishni yaxshilash (Xazarbogʻ — Oqkapchigay kanallar tizimini rekonstruksiya qilish)” 122,7 mln AQSH doll., shundan: xorijiy kreditlar — 89,6 mln doll.; Oʻzbekiston Respublikasi Hukumatining hissasi — 33,2 mln doll. 2015 ― 2019-yillar (2020-yil 1-sentabrgacha uzaytirilgan) Oʻzbekiston Respublikasi Prezidentining 2015-yil 7-apreldagi “Surxondaryo viloyatida suv resurslarini boshqarishni yaxshilash (Xazarbogʻ — Oqkapchigay kanali tizimini rekonstruksiya qilish)” loyihasini Islom taraqqiyot banki ishtirokida amalga oshirish chora-tadbirlari toʻgʻrisida”gi PQ-2332-son qarori. 5. Saudiya taraqqiyot jamgʻarmasi va Oʻzbekiston Respublikasi Tiklanish va taraqqiyot jamgʻarmasi kredit mablagʻlari hisobidan “Qarshi nasos stansiyalari kaskadini kapital-qayta tiklash. 3-faza” 105,3 mln AQSH doll., shundan: xorijiy kreditlar — 43,2 mln doll.; Oʻzbekiston Respublikasi Hukumatining hissasi — 22,1 mln doll.; OʻTTJ — 40,0 mln doll. 2017 ― 2019-yillar (2023-yil 31-dekabrgacha uzaytirilgan) Oʻzbekiston Respublikasi Prezidentining 2017-yil 19-maydagi “Qarshi nasos stansiyalari kaskadini kapital-qayta tiklash. 3-faza” loyihasini amalga oshirish boʻyicha birinchi navbatdagi chora-tadbirlar toʻgʻrisida”gi PQ-2977-son qarori. 6. Jahon banki ishtirokida “Fargʻona vodiysida suv resurslarini boshqarish. 2-faza” 228,2 mln AQSH doll., shundan: xorijiy kreditlar — 144,9 mln doll.; Oʻzbekiston Respublikasi Hukumatining hissasi — 83,3 mln doll. 2017 ― 2024-yillar Oʻzbekiston Respublikasi Prezidentining 2017-yil 16-sentabrdagi “Fargʻona vodiysida suv resurslarini boshqarish. 2-faza” loyihasini Jahon banki ishtirokida amalga oshirish chora-tadbirlari toʻgʻrisida”gi PQ-3282-son qarori.

Umumiy qiymati 1 384,7 mln AQSH doll. boʻlgan jami 6 ta loyiha, shundan xorijiy kreditlar — 908,6 mln doll., Oʻzbekiston Respublikasi Hukumatining hissasi — 436,1 mln doll., Oʻzbekiston Respublikasi Tiklanish va taraqqiyot jamgʻarmasi — 40,0 mln doll.

Oʻzbekiston Respublikasi Prezidentining 2019-yil 9-oktabrdagi PQ-4486-son qaroriga 6-ILOVA

Suv xoʻjaligi obyektlarini qurish va modernizatsiya qilish boʻyicha ustuvor investitsiya loyihalarining

ROʻYXATI

1. Toshkent viloyati Parkent tumanida Qizilsoy sel suv omborini qurish 2. Toshkent viloyati Ohangaron tumanida Toshtepa suv omborini qurish 3. Toshkent viloyati Parkent tumanida Parkentsoy suv omborini qurish 4. Surxondaryo viloyati Sariosiyo tumanida Obizarang sel suv omborini qurish 5. Qashqadaryo viloyati Kitob tumanida Ayoqchi suv omborini qurish 6. Navoiy viloyati Xatirchi tumanida Maydonsoy suv omborini qurish 7. Namangan viloyati Kosonsoy tumanida Isporon suv omborini qurish 8. Namangan viloyati Pop tumanida Chorkesar suv omborini qurish 9. Namangan viloyati Yangiqoʻrgʻon tumanida Zarkent suv omborini qurish 10. Medami pastligidan Orol dengizigacha Amudaryo oʻngqirgʻoq kollektorini qurish 11. Orol dengizi havzasi sektorida suv resurslarini iqlimga moslashgan holda boshqarish, shu jumladan “Kegeyli” (Qoraqalpogʻiston), “Shoxrud” va “Jondor” (Buxoro), “Narpay” va “Mirza” (Samarqand), “Zang” va “Bobotogʻ” (Surxondaryo), “R-8” (Xorazm) magistral kanallarini modernizatsiya qilish 12. 235 ta nasos stansiyasini modernizatsiya va rekonstruksiya qilish 13. 299 ta nasos stansiyasini modernizatsiya qilish