Oʻzbekiston Respublikasi aholisiga narkologik yordam koʻrsatish tizimini takomillashtirish chora-tadbirlari toʻgʻrisida (842-son)

03.10.2019

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Jamoat xavfsizligini taʼminlash samaradorligini oshirish boʻyicha qoʻshimcha chora-tadbirlar toʻgʻrisida” 2018-yil 24-dekabrdagi PQ-4075-son qaroriga muvofiq, shuningdek, narkologik kasalliklarning oldini olish, ularga tashhis qoʻyish va ularni davolashni yanada takomillashtirish, narkologiya xizmatining moddiy-texnik bazasini va kadrlar salohiyatini mustahkamlash, narkologiya muassasalari faoliyati samaradorligini oshirish maqsadida Vazirlar Mahkamasi qaror qiladi:

1. Quyidagilar aholiga narkologik yordam koʻrsatish tizimini takomillashtirishning asosiy yoʻnalishlari etib belgilansin:

narkologiya xizmatini boshqarishning samarali vertikal integratsiyalashgan tashkiliy tuzilmasini tashkil etish;

narkologiya xizmatining normativ-huquqiy bazasini takomillashtirish;

bino va inshoatlarni qurish, rekonstruksiya qilish hamda kapital taʼmirlash, narkologiya muassasalarini tibbiyot asbob-uskunalari va inventar bilan jihozlash (qoʻshimcha jihozlash) orqali narkologiya xizmatining moddiy-texnik bazasini mustahkamlash;

narkologiya xizmatini malakali kadrlar bilan taʼminlash, shu jumladan narkolog-shifokorlarni tayyorlash, qayta tayyorlash va ularning malakasini oshirish, profilaktika qilish, tashhis qoʻyish va davolashning zamonaviy metodikalari hamda texnologiyalarini joriy etish, ushbu yoʻnalishda ilmiy tadqiqotlar olib borish.

2. Oʻzbekiston Respublikasi Sogʻliqni saqlash vazirligi, Iqtisodiyot va sanoat vazirligi, Innovatsion sogʻliqni saqlash milliy palatasining Oʻzbekiston Respublikasi Sogʻliqni saqlash vazirligi Respublika narkologiya markazi negizida Respublika ixtisoslashtirilgan narkologiya ilmiy-amaliy tibbiyot markazini tashkil etish toʻgʻrisidagi taklifiga rozilik berilsin.

3. Quyidagilar Respublika ixtisoslashtirilgan ruhiy salomatlik ilmiy-amaliy tibbiyot markazining (keyingi oʻrinlarda Markaz deb ataladi) asosiy vazifalari va faoliyatining yoʻnalishlari etib belgilansin:

narkologik kasalliklarning oldini olish, ularga tashhis qoʻyish va ularni davolashni tashkil etish tizimini takomillashtirish, narkologiya xizmati muassasalarining faoliyatiga tashkiliy-uslubiy rahbarlik qilish;

narkologik kasalliklarning oldini olish, ularga tashhis qoʻyish va ularni davolashning, psixoaktiv moddalarga qaram boʻlib qolgan shaxslarni reabilitatsiya qilishning zamonaviy metodikalari va texnologiyalarini ishlab chiqish hamda joriy etishga qaratilgan ilmiy-tadqiqot faoliyatini amalga oshirish;

ushbu sohada faoliyat olib borayotgan xalqaro tashkilotlar, yetakchi xorijiy markazlar bilan hamkorlikni rivojlantirish;

birgalikda ilmiy-tadqiqot va taʼlim loyihalarini bajarish, shifokor kadrlarni tayyorlash va qayta tayyorlash, birgalikda ilmiy tadqiqotlarni amalga oshirish uchun chet ellik professorlarni ilmiy faoliyatga, shuningdek, xalqaro grantlarni jalb qilish;

joriy narkologik vaziyatga eʼtibor qaratish boʻyicha oʻz vaqtida munosib choralar koʻrish uchun takliflar ishlab chiqish maqsadida sherik tashkilotlar, shu jumladan xorijiy yirik tashkilotlar bilan xamkorlikda narkologik kasalliklar tarqalishini, psixoaktiv moddalar isteʼmol qilish modellari oʻzgarishini baholashga qaratilgan davriy tadqiqotlar oʻtkazish.

4. Belgilab qoʻyilsinki:

Markaz Oʻzbekiston Respublikasi Sogʻliqni saqlash vazirligi Respublika narkologiya markazining huquqiy vorisi hisoblanadi;

Qoraqalpogʻiston Respublikasi Respublika narkologiya dispanseri, viloyatlar va Toshkent shahar narkologiya dispanserlari Markazning tashkiliy-uslubiy hududiy boʻlinmalari hisoblanadi;

Oʻzbekiston Respublikasi Davlat budjeti mablagʻlari, budjetdan tashqari mablagʻlar, faoliyat ixtisosligi boʻyicha ishlarni bajarish va xizmatlar koʻrsatishdan tushadigan daromadlar, shuningdek, qonunchilikda taqiqlanmagan boshqa manbalar narkologiya muassasalari faoliyatini moliyalashtirish manbalari hisoblanadi.

5. Quyidagilar:

2019 — 2022-yillarda Oʻzbekiston Respublikasi narkologiya xizmatini yanada rivojlantirish chora-tadbirlari dasturi 1-ilovaga muvofiq;

2020 — 2022-yillarda narkologiya xizmati muassasalarining bino va inshoatlarini qurish, rekonstruksiya qilish va kapital taʼmirlashning asosiy parametrlari 2-ilovaga muvofiq;

2020 — 2022-yillarda narkologiya muassasalarini zamonaviy tibbiyot uskunalari bilan jihozlashning (qoʻshimcha jihozlashning) asosiy parametrlari 3-ilovaga muvofiq;

narkologik bemorlarni majburiy davolash uchun narkologiya dispanserlari oʻrinlar fondining quvvati 4-ilovaga muvofiq tasdiqlansin.

6. Shunday tartib oʻrnatilsinki, unga muvofiq jamoat joylarida mast holatda boʻlgan shaxslar, agar ularga tibbiy yordam koʻrsatish zarur boʻlgan holatlarda (alkogoldan ogʻir zaharlanish holatlari bundan mustasno), Qoraqalpogʻiston Respublikasi Respublika narkologiya dispanseri, viloyatlar va Toshkent shahar narkologiya dispanserlari huzuridagi tibbiy yordam koʻrsatish punktlariga olib kelinishi kerak.

Oʻzbekiston Respublikasi Sogʻliqni saqlash vazirligi Toshkent shahar narkologiya dispanseri qoshida mast holatda boʻlgan shaxslarga tibbiy yordam koʻrsatish punktini bir oy muddatda tashkil etsin.

7. Belgilab qoʻyilsinki, narkologiya muassasalari binolari va inshoatlarini qurish, rekonstruksiya qilish va kapital taʼmirlash, shuningdek, ularni tibbiyot uskunalari, ixtisoslashgan mebel va inventar bilan jihozlash har yili Oʻzbekiston Respublikasi Davlat budjetida nazarda tutiladigan mablagʻlar, shuningdek, xorijiy davlatlar, xalqaro moliya institutlarining imtiyozli kreditlari (qarzlari) va grantlari hamda qonunchilikda taqiqlanmagan boshqa manbalar doirasida amalga oshiriladi.

8. Oʻzbekiston Respublikasi Sogʻliqni saqlash vazirligi:

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda Oʻzbekiston Respublikasining Davlat budjeti va Oʻzbekiston Respublikasining 2020 — 2022-yillarga moʻljallangan investitsiya dasturini shakllantirishda Oʻzbekiston Respublikasi Iqtisodiyot va sanoat vazirligi, Investitsiyalar va tashqi savdo vazirligi hamda Moliya vazirligiga narkologiya muassasalarining binolari va inshoatlarini qurish, rekonstruksiya qilish hamda kapital taʼmirlash, shuningdek, ularni tibbiyot uskunalari bilan jihozlashga oid asoslantirilgan hisob-kitoblar hamda manzilli roʻyxatlari har yili 1-iyulgacha boʻlgan muddatda taqdim etilishini taʼminlasin;

ushbu qarorda belgilangan vazifalar va yoʻnalishlarni hisobga olgan holda, “Sogʻliqni saqlash” tarmogʻi boʻyicha har yili nazarda tutiladigan budjet mablagʻlari doirasida Markazning yangilangan tashkiliy-shtat tuzilmasini hamda taʼsis hujjatlarini bir oy muddatda tasdiqlasin;

manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

9. Oʻzbekiston Respublikasi Hukumatining 5-ilovaga muvofiq ayrim qarorlari oʻz kuchini yoʻqotgan deb hisoblansin.

10. Ushbu qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari A.A. Abduxakimov va Oʻzbekiston Respublikasi sogʻliqni saqlash vaziri A.K. Shodmonov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2019-yil 3-oktabr,

842-son

Vazirlar Mahkamasining 2019-yil 3-oktabrdagi 842-son qaroriga1-ILOVA

2019 — 2022-yillarda Oʻzbekiston Respublikasi narkologiya xizmatini yanada rivojlantirish

chora-tadbirlari dasturi

T/r Tadbirlar nomi Amalga oshirish mexanizmi Amalga oshirish muddatlari Summa‎ Moliyalashtirish manbalari ‎ Masʼul ijrochilar I. Normativ-huquqiy bazani takomillashtirish 1. Narkologiya xizmatining zamonaviy tuzilmasi, vazifalari va ehtiyojlariga muvofiq narkologiya muassasalarining yangi shtat normativlarini tasdiqlash. Tashkiliy tadbirlar 2020-yil 1-yanvar — Ijrochilar mablagʻlari Sogʻliqni saqlash vazirligi, Moliya vazirligi, Bandlik va mehnat munosabatlari vazirligi 2. Alkogolga qaram boʻlgan shaxslar uchun cheklov oʻrnatilgan kasbiy faoliyat turlari roʻyxatini tasdiqlash. Vazirlar Mahkamasining qarori loyihasi 2020-yil 1-fevral — Ijrochilar mablagʻlari Sogʻliqni saqlash vazirligi, Bandlik va mehnat munosabatlari vazirligi, ‎Iqtisodiyot va sanoat vazirligi, Oʻzbekiston Kasaba uyushmalari Federatsiyasi kengashi 3. “Huquqbuzarliklar profilaktikasi toʻgʻrisida”gi Oʻzbekiston Respublikasi Qonuni asosida ichki ishlar organlarida narkologik bemorlarni majburiy davolash va profilaktik kuzatishni taʼminlash boʻyicha axborot almashish va ichki ishlar organlari bilan hamkorlik qilish uchun normativ-huquqiy baza yaratish. Sogʻliqni saqlash vaziri va ichki ishlar vazirining qoʻshma buyrugʻi 2020-yil 1-fevral — Ijrochilar mablagʻlari Sogʻliqni saqlash vazirligi, IIV 4. Majburiy davolash uchun ixtisoslashgan davolash-profilaktika muassasalarida alkogolizmga, giyohvandlik yoki toksikomaniyaga yoʻliqqan shaxslarga ixtisoslashgan narkologik yordam koʻrsatish tartibi toʻgʻrisidagi nizomni tasdiqlash. Sogʻliqni saqlash vazirining buyrugʻi 2020-yil 1-fevral — Ijrochilar mablagʻlari Sogʻliqni saqlash vazirligi 5. BMTning Giyohvand moddalar va jinoyat boʻyicha boshqarmasi / Jahon sogʻliqni saqlash tashkiloti tomonidan taklif etilgan Xalqaro standartlar asosida giyohvandlikka qaramlikni davolash boʻyicha xizmatlar uchun milliy sifat standartlarini ishlab chiqish hamda tasdiqlash. sogʻliqni saqlash vazirining buyrugʻi 2020-yil 1-mart — Ijrochilar mablagʻlari Sogʻliqni saqlash vazirligi 6. Ilgʻor xorijiy texnologiyalarni hisobga olgan holda, narkologik bemorlarga tashhis qoʻyish, ularni davolash va tibbiy-ijtimoiy reabilitatsiya qilish standartlarini ishlab chiqish hamda tasdiqlash. Sogʻliqni saqlash vazirining buyrugʻi 2020-yil 1-may — Ijrochilar mablagʻlari Sogʻliqni saqlash vazirligi II. Narkologik kasalliklarning oldini olish, ularga erta tashhis qoʻyish, ularni davolash hamda narkologik bemorlarni tibbiy-ijtimoiy reabilitatsiya qilish chora-tadbirlarini takomillashtirish 7. Psixoaktiv moddalarni notibbiy maqsadda isteʼmol qilish “xavf guruhi”ni erta aniqlash va profilaktik ishlarning samarali usullarini joriy etish, narkologiya muassasalarining sogʻliqni saqlashning birlamchi boʻgʻini muassasalari, taʼlim muassasalari, huquqni muhofaza qilish organlari, mahalla faollari bilan oʻquv seminarlarini oʻtkazish orqali hamkorlik qilish mexanizmini takomillashtirish. Chora-tadbirlar dasturi 2020-yil 1-may — Ijrochilar mablagʻlari Sogʻliqni saqlash vazirligi, IIV, Xalq taʼlimi vazirligi, Oliy va oʻrta maxsus taʼlim vazirligi, “Mahalla” fondi, Oʻzbekiston yoshlar ittifoqi 8. Zamonaviy axborot texnologiyalarini joriy etish, aholini psixoaktiv moddalarning yangi turlari tarqalganidan va ularni isteʼmol qilishning salbiy oqibatlaridan keng xabardor qilish. Tashkiliy tadbirlar 2019 — 2021-yillar — Ijrochilar mablagʻlari Sogʻliqni saqlash vazirligi, Xalq taʼlimi vazirligi, Oliy va oʻrta maxsus taʼlim vazirligi, MTRK, “Mahalla” fondi, Oʻzbekiston yoshlar ittifoqi, Oʻzbekiston Xotin-qizlar qoʻmitasi‎ 9. Psixoaktiv moddalarga qaram boʻlgan va ogʻir ruhiy va somatik asoratlarni boshidan oʻtkazayotgan bemorlar uchun intensiv terapiya palatalarini tashkil etish orqali shoshilinch narkologik yordam tizimini rivojlantirish. Tashkiliy tadbirlar 2019 — 2021-yillar — Ijrochilar mablagʻlari Sogʻliqni saqlash vazirligi 10. Yoshi katta narkologik bemorlarni, shuningdek ogʻir kasalliklarga chalingan narkologik bemorlarni somatik kasalliklarga chalingan narkologik bemorlarni majburiy davolash uchun maxsus boʻlimlar tashkil etish orqali majburiy davolash tizimini rivojlantirish. Tashkiliy tadbirlar 2020-yil 1-mart — Budjetdan ajratilgan mablagʻlar doirasida Sogʻliqni saqlash vazirligi 11. Narkologik bemorlarni davolash va tibbiy-ijtimoiy reabilitatsiya qilishning yuqori texnologik usullarini joriy etish. Tashkiliy tadbirlar 2019 — 2021-yillar — Ijrochilar mablagʻlari Sogʻliqni saqlash vazirligi 12. Narkologik bemorlarga ijtimoiy-ruhiy yordam koʻrsatish tizimini rivojlantirish. Tashkiliy tadbirlar 2019 — 2022-yillar — Budjetdan ajratilgan mablagʻlar doirasida Sogʻliqni saqlash vazirligi, Moliya vazirligi, Bandlik va mehnat munosabatlari vazirligi ‎ III. Narkologiya xizmatining yuqori malakali kadrlar bilan taʼminlanganligini yaxshilash, narkologiya sohasida ilmiy tadqiqotlar olib borish 13. Tibbiyot oliy taʼlim muassasalari va Toshkent vrachlar malakasini oshirish instituti kafedralari bazasida birlamchi ixtisoslik sikllarida magistraturada, klinik ordinaturada narkologiya, tibbiy psixologiya va psixoterapiya sohasida mutaxassislar tayyorlash. Tashkiliy tadbirlar Doimiy ravishda — Muassasalarning budjetdan ajratilgan mablagʻlari va budjetdan tashqari mablagʻlari doirasida‎ Sogʻliqni saqlash vazirligi 14. Toshkent shahar narkologiya dispanseri bazasida hududiy narkologiya muassasalarining ijtimoiy xodimlarini oʻqitish. Tashkiliy tadbirlar 2019 — 2021-yillar — Budjetdan ajratilgan mablagʻlar doirasida Sogʻliqni saqlash vazirligi 15. Narkologik kasalliklarning oldini olish, ularga tashhis qoʻyish va ularni davolashning ustuvor yoʻnalishlari boʻyicha narkologiya sohasida fundamental, amaliy va innovatsion ilmiy tadqiqotlar olib borish. Chora-tadbirlar dasturi ‎ 2019 — 2021-yillar — Budjetdan ajratilgan mablagʻlar doirasida, xalqaro tashkilotlar mablagʻlari hisobidan‎ Sogʻliqni sa�lash vazirligi IV. Narkologiya muassasalarining moddiy-texnik bazasini mustahkamlash 16. Narkologiya muassasalari binolarida taʼmirlash-qurilish ishlarini olib borish va ularni rekonstruksiya qilish. ‎ Tashkiliy tadbirlar 2020 — 2022-yillar 147 mlrd. soʻm Oʻzbekiston Respublikasi Davlat budjeti mablagʻlari Sogʻliqni saqlash vazirligi, Iqtisodiyot va sanoat vazirligi, Moliya vazirligi, Qoraqalpogʻiston Respublikasi Vazirlar Kengashi, ‎viloyatlar va Toshkent shahar hokimliklari 17. Narkologiya muassasalarini zamonaviy tibbiyot uskunalari bilan jihozlash (qoʻshimcha jihozlash). ‎ Tashkiliy tadbirlar 2020 — 2021-yillar 1,5 mln. AQSh dollari Oʻzbekiston Respublikasi Davlat budjeti mablagʻlari Sogʻliqni saqlash vazirligi, Iqtisodiyot va sanoat vazirligi, Moliya vazirligi, Qoraqalpogʻiston Respublikasi Vazirlar Kengashi, ‎viloyatlar va Toshkent shahar hokimliklari V. Xalqaro hamkorlikni kengaytirish 18. Xorijiy mamlakatlarning yetakchi klinikalarida “Narkologiya”, “Tibbiy psixologiya va psixoterapiya” mutaxassisliklari boʻyicha malaka oshirish kurslarida shifokorlarni oʻqitish. ‎ Tashkiliy tadbirlar 2019 — 2021-yillar Ijrochilar mablagʻlari, homiylar mablagʻlari Sogʻliqni saqlash vazirligi 19. Xalqaro tashkilotlar va yetakchi ilmiy markazlar bilan hamkorlikni mustahkamlash hamda psixoaktiv moddalarga qaramlik muammolari boʻyicha birgalikda ilmiy tadqiqotlar oʻtkazish. Tashkiliy tadbirlar 2020 — 2021-yillar Ijrochilar mablagʻlari ‎ Sogʻliqni saqlash vazirligi 20. Narkologiya muassasalari xodimlari uchun zamonaviy davolash-reabilitatsiya texnologiyalarini joriy etish boʻyicha xalqaro tashkilotlar koʻmagida treninglar tashkil etish. Tashkiliy tadbirlar 2019 — 2021-yillar Ijrochilar mablagʻlari, partnerov Sogʻliqni saqlash vazirligi

Vazirlar Mahkamasining 2019-yil 3-oktabrdagi 842-son qaroriga2-ILOVA

2020 — 2022-yillarda narkologiya xizmati muassasalarining binolari va inshoatlarini qurish, rekonstruksiya qilish va kapital taʼmirlashning

ASOSIY PARAMETRLARI

T/r Obyekt nomi (quvvati) Qiymati (mlrd soʻm) Foydalanishga topshirish muddati Masʼul ijrochilar I. Qurilish obyektlari 1. Samarqand viloyati narkologiya dispanserining statsionarini qurish (ixtiyoriy davolash uchun 140 ta oʻringa moʻljallangan statsionar va majburiy davolash uchun 100 ta oʻringa moʻljallangan statsionar). 12,0 2020 — 2022-yillarga tasdiqlanadigan Oʻzbekiston Respublikasi Investitsiya dasturi mablagʻlari doirasida Sogʻliqni saqlash vazirligi, Samarqand viloyati hokimligi 2. Toshkent shahar narkologiya dispanserining yangi korpusini qurish (ixtiyoriy davolash uchun 30 ta oʻringa moʻljallangan statsionar, sutkada 70 ta ekspertiza oʻtkazishga moʻljallangan ekspert boʻlimi). 12,0 2020 — 2022-yillarga tasdiqlanadigan Oʻzbekiston Respublikasi Investitsiya dasturi mablagʻlari doirasida Sogʻliqni saqlash vazirligi, Toshkent shahar hokimligi 3. Majburiy davolash u�un Toshkent shahar narkologiya kasalxonasining yangi binosini qurish (90 ta oʻringa moʻljallangan statsionar). 10,0 Oʻzbekiston Respublikasining 2020 — 2022-yillarga moʻljallangan tasdiqlanadigan investitsiya dasturi mablagʻlari doirasida Sogʻliqni saqlash vazirligi, Toshkent shahar hokimligi 4. Surxondaryo viloyati narkologiya dispanserining yangi korpusini qurish (100 ta oʻringa moʻljallangan statsionar, sutkada 30 ta tashrifga moʻljallangan ambulatoriya). 13,0 (2019-yil — 7,0) 2020 — 2022-yillarga tasdiqlanadigan Oʻzbekiston Respublikasi Investitsiya dasturi mablagʻlari doirasida Sogʻliqni saqlash vazirligi, Surxondaryo viloyati hokimligi 5. Shargun shahrida Surxondaryo viloyati narkologiya dispanserining majburiy davolash uchun yangi korpusini qurish, unga majburiy davolash uchun mustaqil shifoxona maqomini berish (100 ta oʻringa moʻljallangan statsionar). 8,5 2020 — 2022-yillarga tasdiqlanadigan Oʻzbekiston Respublikasi Investitsiya dasturi mablagʻlari doirasida Sogʻliqni saqlash vazirligi, Surxondaryo viloyati hokimligi 6. Jizzax viloyati narkologiya dispanserining alohida korpusini qurish (40 ta tashrifga moʻljallangan dispanser boʻlimi). 4,0 2020 — 2022-yillarga tasdiqlanadigan Oʻzbekist�n Respublikasi Investitsiya dasturi mablagʻlari doirasida Sogʻliqni saqlash vazirligi, Jizzax viloyati hokimligi 7. Namangan viloyati narkologiya dispanserining yangi alohida korpusini qurish (majburiy davolash uchun 60 ta oʻringa moʻljallangan statsionar (50 ta mavjud + 10 ta qoʻshimcha oʻrin)). 4,52 2020 — 2022-yillarga tasdiqlanadigan Oʻzbekiston Respublikasi Investitsiya dasturi mablagʻlari doirasida Sogʻliqni saqlash vazirligi, Namangan viloyati hokimligi 8. Xorazm viloyati narkologiya dispanserining yangi binosini qurish (ixtiyoriy davolash uchun 40 ta oʻringa moʻljallangan statsionar va majburiy davolash uchun 50 ta oʻringa moʻljallangan statsionar, sutkada 75 ta tashrifga moʻljallangan ambulatoriya). 15,0 2020 — 2022-yillarga tasdiqlanadigan Oʻzbekiston Respublikasi Investitsiya dasturi mablagʻlari doirasida Sogʻliqni saqlash vazirligi, Xorazm viloyati hokimligi Jami: 8 ta obyekt (710 oʻrin). 79,02 II. Rekonstruksiya qilish obyektlari 9. Andijon viloyatining narkologiya dispanserini tashkil etish boʻyicha rekonstruksiya qilish uchun bino ajratish (ixtiyoriy davolash uchun 80 ta oʻringa moʻljallangan statsionar va majburiy davolash uchun 40 ta oʻringa moʻljallangan statsionar, sutkada 50 ta tashrifga moʻljallangan ambulatoriya). 20,0 2020 — 2022-yillarga tasdiqlanadigan Oʻzbekiston Respublikasi Investitsiya dasturi mablagʻlari doirasida Sogʻliqni saqlash vazirligi, Andijon viloyati hokimligi 10. Taxiatosh shahridagi Respublika narkologiya dispanserini (QR) rekonstruksiya qilish (100 ta oʻringa moʻljallangan statsionar va sutkada 75 ta tashrifga moʻljallangan ambulatoriya). 10,0 2020 — 2022 �illarga tasdiqlanadigan Oʻzbekiston Respublikasi Investitsiya dasturi mablagʻlari doirasida Sogʻliqni saqlash vazirligi, Qoraqalpogʻiston Respublikasi Vazirlar Kengashi 11. Toshkent viloyati narkologiya dispanserini (Angren shahri) Nurafshon shahriga koʻchirish, buning uchun tegishli bino ajratish va uni rekonstruksiya qilish (ixtiyoriy davolash uchun 30 ta oʻringa moʻljallangan statsionar va majburiy davolash uchun 50 ta oʻrin, sutkada 30 ta tashrifga moʻljallangan ambulatoriya). 14,0 2020 — 2022-yillarga tasdiqlanadigan Oʻzbekiston Respublikasi Investitsiya dasturi mablagʻlari doirasida Sogʻliqni saqlash vazirligi, Toshkent viloyati hokimligi Jami: 3 ta obyekt (300 oʻrin). 44,0 III. Kapital taʼmirlash obyektlari 12. Respublika ixtisoslashtirilgan narkologiya ilmiy-amaliy tibbiyot markazi (90 ta oʻringa moʻljallangan statsionar va 6 oʻrinli reanimatsiya boʻlimi). 14,0 2020 — 2022-yillarga tasdiqlanadigan Oʻzbekiston Respublikasi Investitsiya dasturi mablagʻlari doirasida Sogʻliqni saqlash vazirligi 13. Qashqadaryo viloyati narkologiya dispanseri (ixtiyoriy davolash uchun 110 ta oʻringa moʻljallangan statsionar va majburiy davolash uchun 40 ta oʻrin, sutkada 72 ta tashrifga moʻljallangan ambulatoriya). 9,0 2020 — 2022-yillarga tasdiqlanadigan Oʻzbekiston Respublikasi Investitsiya dasturi mablagʻlari doirasida Sogʻliqni saqlash vazirligi, Qashqadaryo viloyati hokimligi 14. Toshkent shahar narkologiya dispanseri (60 ta oʻringa moʻljallangan (ambulatoriya va statsionar boʻlim hamda 6 oʻrinli reanimatsiya bloki, toʻsiq oʻrnatish, isitish tizimini taʼmirlash). 0,7 2020 — 2022-yillarga tasdiqlanadigan Oʻzbekiston Respublikasi Investitsiya dastur� mablagʻlari doirasida Sogʻliqni saqlash vazirligi, Toshkent shahar hokimligi Jami kapital taʼmirlash: 3 ta obyekt (312 ta oʻrin). 23,7

Izohlar:

1. Ushbu qurilish, rekonstruksiya qilish va kapital taʼmirlash obyektlaridagi ishlar 2020 — 2022-yillarga tasdiqlanadigan Investitsiya dasturi mablagʻlari doirasida amalga oshiriladi.

2. Ishlar narxi boshlangʻich narxdir, qurilish, rekonstruksiya qilish va kapital taʼmirlashning yakuniy narxi loyiha-smeta hujjatlarini ishlab chiqish ekspertizadan oʻtkazish hamda tender savdolari yakunlari boʻyicha aniqlanadi.

Vazirlar Mahkamasining 2019-yil 3-oktabrdagi 842-son qaroriga3-ILOVA

2020 — 2022-yillarda narkologiya muassasalarini zamonaviy tibbiyot uskunalari bilan jihozlashning (qoʻshimcha jihozlashning)

ASOSIY PARAMETRLARI

T/r Hududlar 1 2 3 4 5 6 7 8 9 10 11 12 13 14 15 17 18 19 20 Bakterial filtrli jarrohlik elektrtortgichi Kardiosinxronlangan defibrillyator Elektrokardiograf Karavot oldidagi stolcha va tumbaga ega funksional karavot Qonning klinik analizatori Qonning biokiyoviy analizatori Chiqarilgan nafasda alkogolni aniqlaydigan qurilma Ultratovushli diagnostik tibbiy apparat (skaner) Rentgen apparati “Amplipuls” apparati Ultrayuqori chastotali terapiya uchun apparat Elektruyqu uchun apparat Galvanizatsiya va dorili elektroforez uchun apparat Mahalliy darsonvalizatsiya apparati Magnitoterapiya uchun apparat Gemodinamikaning asosiy koʻrsatkichlarini oʻrganish uchun apparatura Oʻpkani sunʼiy ventilatsiya qilish uchun apparat Distillyator Dasturiy taʼminotga va printyerga ega shaxsiy kompyuter 1. Qoraqalpogʻiston Respublikasi 1 1 1 2 - 1 1 1 1 1 - 1 1 1 1 - - 1 10 2. Andijon viloyati 1 1 2 2 1 1 2 1 1 1 1 1 1 1 1 - - 1 8 3. Buxoro viloyati - 1 1 - - - 1 1 1 1 1 1 1 1 1 - - 1 3 4. Jizzax viloyati 1 1 1 - 1 1 1 - 1 1 1 1 - 1 1 - - 1 7 5. Qashqadaryo viloyati 1 1 1 - 1 1 1 1 1 1 - 1 - 1 - - 1 2 6. Navoiy viloyati 1 1 1 2 1 1 1 1 1 1 1 1 1 1 1 - - 1 4 7. Namangan viloyati - 1 1 - 1 - 1 - 1 1 - - - - 1 - - - 3 8. Samarqand viloyati - - 1 2 2 - 1 - 1 1 1 1 1 1 1 - - - 4 9. Surxondaryo viloyati 1 1 2 2 2 - 1 1 1 1 - 1 - 1 1 - - 1 3 10. Sirdaryo viloyati 1 - 1 2 1 1 1 1 1 1 1 1 1 1 1 - - 1 5 11. Toshkent viloyati 1 1 1 2 1 1 2 1 1 1 1 1 1 1 1 - - - 6 12. Fargʻona viloyati 1 2 2 2 2 1 4 1 2 2 1 2 1 1 1 - - 2 12 13. Xorazm viloyati - 1 1 - - 1 2 1 1 1 - 1 - 1 1 - - 1 6 14. Majburiy davolash uchun Toshkent shahar narkologiya shifoxonasi - - 1 - 1 1 - - - - 1 1 1 1 1 - - - 4 15. Toshkent shahar narkologiya dispanseri - - 1 6 - 1 1 1 1 1 1 1 1 1 1 1 1 1 10 16. Respublika narkologiya markazi - 1 - 6 1 - 1 1 1 1 1 1 1 1 1 1 1 1 4 JAMI: 3 13 18 28 15 11 21 12 16 16 11 16 11 14 15 2 2 13 91 Birlik narxi ming AQSh dollarida 4,0 6,0 4,0 5,0 15,0 4,0 5,0 18,0 16,0 1,07 3,125 0,7 1,9 0,3 7,5 18,0 20,0 0,8 0,5 JAMI: qiymat AQSh dollarida 36,0 78,0 72,0 140,0 225,0 44,0 105,0 216,0 259,2 17,12 34.4 11,2 20,9 4,2 112,5 36,0 40,0 10,4 45,5 Asbob-uskunalarning umumiy qiymati 1 507, 42 ming AQSh dollarini tashkil etadi

Izoh. Tibbiyot uskunalari bilan jihozlash (qoʻshimcha jihozlash) parametrlari narkologiya muassasalarida mavjud zamonaviy tibbiyot uskunalarini hisobga olgan holda hisoblab chiqilgan.

Vazirlar Mahkamasining 2019-yil 3-oktabrdagi 842-son qaroriga4-ILOVA

Narkologik bemorlarni majburiy davolash uchun narkologiya dispanserlari oʻrinlar fondining quvvati

T/r Hududlar Majburiy davolash uchun narkologik oʻrinlarning zarur soni Oʻrinlarning mavjud soni Qoʻshimcha tashkil etish talab etiladigan oʻrinlar* Amalga oshirish muddatlari 1. Qoraqalpogʻiston Respublikasi 90 70 20 2019 — 2022-yillar 2. Andijon viloyati 60 40 20 2019 — 2022-yillar 3. Buxoro viloyati 92 72 20 2019 — 2022-yillar 4. Jizzax viloyati 40 30 10 2019 — 2022-yillar 5. Qashqadaryo viloyati 100 40 60 2019 — 2022-yillar 6. Navoiy viloyati 50 50 - 2019 — 2022-yillar 7. Namangan viloyati 50 50 - 2019 — 2022-yillar 8. Samarqand viloyati 100 100 - 2019 — 2022-yillar 9. Surxondaryo viloyati 100 100 - 2019 — 2022-yillar 10. Sirdaryo viloyati 30 15 15 2019 — 2022-yillar 11. Toshkent viloyati 65 50 15 2019 — 2022-yillar 12. Fargʻona viloyati 160 80 80 2019 — 2022-yillar 13. Xorazm viloyati 80 50 30 2019 — 2022-yillar 14. Toshkent shahri 90 60 30 2019 — 2022-yillar Jami: 1107 807 300

* Sogʻliqni saqlash muassasalarida mavjud boʻlgan umumiy oʻrinlar fondi doirasida shakllantiriladi.

Vazirlar Mahkamasining 2019-yil 3-oktabrdagi 842-son qaroriga5-ILOVA

Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan ayrim qarorlari

ROʻYXATI

1. Vazirlar Mahkamasining “Surunkali alkogolizm va giyohvandlik kasaliga chalingan bemorlarni davolash uchun ixtisoslashtirilgan davolash-profilaktika muassasalari tarmogʻini kengaytirish toʻgʻrisida” 1999-yil 24-avgustdagi 401-son qarori.

2. Vazirlar Mahkamasining “Dori vositalari va farmatsevtika faoliyati toʻgʻrisida”gi Oʻzbekiston Respublikasi Qonuniga oʻzgartish va qoʻshimchalar kiritish haqida” 2016-yil 4-yanvardagi OʻRQ-399-son Oʻzbekiston Respublikasi Qonunini amalga oshirish chora-tadbirlari toʻgʻrisida” 2017-yil 6-apreldagi 185-son qaroriga 4-ilovaning 3-bandi (Oʻzbekiston Respublikasi QT, 2017-yil, № 4-son, 40-modda).