“Binokor-M” va “Shoxjaxon-qurilish” masʼuliyati cheklangan jamiyatlari tomonidan olib kelinadigan ogʻir yuk tashishga moʻljallangan transport vositalari va tirkamalar roʻyxatini tasdiqlash toʻgʻrisida (808-son)

25.09.2019

Oʻzbekiston Respublikasi Vazirlar Mahkamasining

qarori

Jizzax viloyatining tumanlari markazlarida “Obod qishloq” va “Obod mahalla” dasturi doirasida olib borilayotgan qurilish ishlarini yanada jadallashtirish maqsadida Vazirlar Mahkamasi qaror qiladi:

1. Quyidagilar:

“Binokor-M” masʼuliyati cheklangan jamiyati tomonidan “Shaanxi heavy duty automobile import and export Co., Ltd” (Xitoy) kompaniyasi bilan;

“Shoxjaxon-qurilish” masʼuliyati cheklangan jamiyati tomonidan “Shaanxi heavy duty automobile import and export Co., Ltd” (Xitoy) va “Asia motors Co., Ltd” (Xitoy) kompaniyalari bilan umumiy qiymati 3 078,0 ming AQSh dollari miqdorida ogʻir yuk tashishga moʻljallangan transport vositalari va tirkamalarni (keyingi oʻrinlarda transport vositalari deb ataladi) xarid qilish boʻyicha shartnomalar tuzilganligi;

mazkur transport vositalaridan Jizzax viloyatining tumanlari markazlarida “Obod qishloq” va “Obod mahalla” dasturi doirasida olib borilayotgan qurilish ishlarida qurilish mahsulotlarini transport xizmatlarini bepul koʻrsatish sharti bilan yetkazib berish uchun foydalanilishi maʼlumot uchun qabul qilinsin.

2. “Binokor-M” va “Shoxjaxon-qurilish” masʼuliyati cheklangan jamiyatlari tomonidan 2020-yil 1-yanvarga qadar olib kelinadigan, ilovaga muvofiq tasdiqlangan transport vositalari, istisno tariqasida, “bojxona ombori” bojxona rejimida saqlash muddatidan qatʼi nazar, bojxona toʻlovlaridan (bojxona rasmiylashtiruvi yigʻimlari bundan mustasno) ozod qilinsin.

3. Jizzax viloyati hokimligi ushbu qarorga muvofiq “Binokor-M” va “Shoxjaxon-qurilish” masʼuliyati cheklangan jamiyatlari tomonidan olib kelinadigan transport vositalaridan Jizzax viloyatida “Obod qishloq” va “Obod mahalla” dasturi doirasida olib borilayotgan qurilish ishlarida qurilish mahsulotlarini yetkazib berish uchun transport xizmatlarini bepul koʻrsatgan holda foydalanilishi yuzasidan qatʼiy nazorat oʻrnatsin.

Belgilansinki, ushbu qarorga muvofiq bojxona imtiyozlari qoʻllaniladigan transport vositalari, Jizzax viloyatida “Obod qishloq” va “Obod mahalla” dasturi doirasida olib borilayotgan qurilish ishlarida qurilish mahsulotlarini yetkazib berish uchun transport xizmatlari bepul koʻrsatilmaganda, bojxona imtiyozlari berilishi tufayli toʻlanmagan bojxona toʻlovlari summasi qonun hujjatlarida nazarda tutilgan tartibda moliyaviy sanksiyalar qoʻllanilgan holda Oʻzbekiston Respublikasi Davlat budjetiga undiriladi.

4. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — transport vaziri A.J. Ramatov va Jizzax viloyati hokimi E.A. Saliyev zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2019-yil 25-sentabr,

808-son

Vazirlar Mahkamasining 2019-yil 25-sentabrdagi 808-son qaroriga ILOVA

“Binokor-M” va “Shoxjaxon-qurilish” masʼuliyati cheklangan jamiyatlari tomonidan 2020-yil 1-yanvarga qadar olib kelinadigan va bojxona toʻlovlaridan (bojxona rasmiylashtiruvi yigʻimlari bundan mustasno) ozod etiladigan ogʻir yuk tashishga moʻljallangan transport vositalari va tirkamalar

ROʻYXATI

T/r Texnikaning nomi Oʻlchov birligi Miqdori TIF TN kodi I. “Binokor-M” MChJ va “Shaanxi heavy duty automobile import and export Co., Ltd” (Xitoy) oʻrtasida 2019-yil 27-fevralda tuzilgan UZ2019-002-son import shartnomaga muvofiq 1. Samosval (6x4) gazli model: CNG SX3256DR464T, yuk koʻtarish quvvati: 25000 kg, dvigatel modeli: WP12 N G350E40 CNG Yevro 4, nominal quvvati: kVt (l.s): 257/380, KPP modeli: 10JSD180, shina: 12,00R20 metallokord, 11 ta, kuzov hajmi (uzunlik x kenglik x balandlik) mm: 5400 x 2300 x 1500, yangi, 2019-yilda ishlab chiqarilgan. dona 20 8704239109 2. Yarimtirkama-samosval, model: YCN9401Z oʻlchami: (m) (D*Sh*V) 6,0*2,5*1,5, shina: 12.00R20, yuk koʻtarish quvvati: 20 000 kg, yangi, 2019-yilda ishlab chiqarilgan. dona 20 8716395009 II. “Shoxjaxon-qurilish” MChJ va “Asiamotors Co., Ltd” (Xitoy) oʻrtasida 2019-yil 27-fevralda tuzilgan 2019YD-EXP524UZ-son import shartnomaga muvofiq 1. Yarimtirkama-sement tashuvchi, model: ZJV9401GFLDY hajmi: 45 kub, oʻqlar soni: 3 ta, shinalar soni: 12 ta, kompressor: 12 kub, yangi, 2019-yilda ishlab chiqarilgan. dona 2 8716310000 III. “Shoxjaxon-qurilish” MChJ va “Shaanxi heavy duty automobile import and export Co., Ltd” (Xitoy) oʻrtasida 2019-yil 27-fevralda tuzilgan UZ2019-001-son import shartnomaga muvofiq 1. Samosval (6x4) gazli model: CNG SX3256DR464T, yuk koʻtarish quvvati: 25000 kg, dvigatel modeli: WP12NG350E40 CNG Yevro 4, nominal quvvati: kVt (l.s): 257/380, KPP modeli: 10JSD180, shina: 12.00R20 metallokord, 11 ta, kuzov hajmi (uzunlik x kenglik x balandlik) mm: 5400 x 2300 x 1500, yangi, 2019-yilda ishlab chiqarilgan. dona 20 8704239109 2. Yarimtirkama-samosval, model: YCN9401Z oʻlchami: (m) (D*Sh*V) 6,0*2,5*1,5, shina: 12.00R20, yuk koʻtarish quvvati: 20 000 kg, yangi, 2019-yilda ishlab chiqarilgan. dona 20 8716395009 3. Yarimtirkama, model: ZJV9400DY oʻlchami: (mm) (D*Sh*V) 13000*2500*2900, shinalar soni 12 ta, yuk koʻtarish quvvati: 40 000 kg, yangi, 2019-yilda ishlab chiqarilgan. dona 4 8716393001

Izoh. Tovarlarning yakuniy TIF TN kodlari bojxona rasmiylashtiruvi davomida aniqlashtiriladi.