Isteʼmolchilar huquqlarini himoya qilishning huquqiy va institutsional tizimini tubdan takomillashtirish chora-tadbirlari toʻgʻrisida (PF-5817-son)

11.09.2019

Oʻzbekiston Respublikasi Prezidentining

Farmoni

Isteʼmolchilar huquqlarini himoya qilish sohasida yagona davlat siyosatini amalga oshirish, shuningdek, Oʻzbekiston Respublikasi Prezidentining 2019-yil 24-yanvardagi “Oʻzbekiston Respublikasi Monopoliyaga qarshi kurashish qoʻmitasi faoliyatini tashkil etish toʻgʻrisida”gi PQ-4126-son qarorini samarali amalga oshirish maqsadida:

2. Quyidagilar:

2019-2020-yillarda isteʼmolchilar huquqlarini himoya qilish va reklama bozorini tartibga solish sohasida amalga oshiriladigan chora-tadbirlar dasturi 2-ilovaga muvofiq tasdiqlansin.

4. Oʻzbekiston Respublikasi Raqobatni rivojlantirish va isteʼmolchilar huquqlarini himoya qilish qoʻmitasiga (keyingi oʻrinlarda — Qoʻmita) quyidagi huquqlar berilsin:

a) chakana savdo va xizmat koʻrsatish shoxobchalarida tovarlar va xizmatlarning nazorat xaridini oʻtkazish, ularni isteʼmolchilar huquqlarini himoya qilish toʻgʻrisidagi qonun hujjatlariga mosligi jihatidan ekspertizadan (testdan) oʻtkazilishini tashkil qilish;

b) isteʼmolchilardan ariza va shikoyatlar tushgan hollarda isteʼmolchilar huquqlariga rioya qilinishini oʻrganish;

v) isteʼmolchilar huquqlarini himoya qilish va reklama toʻgʻrisidagi qonun hujjatlari buzilishi holatlari mavjud boʻlganda, tadbirkorlik subyektlarida (moliyaviy-xoʻjalik faoliyatiga aralashmagan holda) tekshirishlar oʻtkazish;

g) isteʼmolchilarga tovarlarni (ishlarni, xizmatlarni) yaroqlilik muddati, saqlash va xizmat koʻrsatish muddatini buzgan holda realizatsiya qilish holati aniqlanganda:

oʻz vakolatlari doirasida isteʼmolchilar huquqlarini himoya qilish va reklama toʻgʻrisidagi qonun hujjatlari buzilishi holatlarini bartaraf etish yuzasidan davlat organlariga, mulkchilik shaklidan qatʼi nazar tashkilot, muassasa va korxonalarga, shuningdek, yakka tartibdagi tadbirkorlarga bajarilishi majburiy boʻlgan koʻrsatmalar kiritish;

isteʼmolchilar huquqlarini himoya qilish va reklama toʻgʻrisidagi qonun hujjatlari buzilishi alomatlari aniqlanganda materiallarni vakolatli organlarga, shuningdek, tegishli faoliyatni amalga oshirish uchun berilgan litsenziyaning (ruxsat beruvchi hujjatlarning) amal qilishini toʻxtatib turish, tugatish (bekor qilish) toʻgʻrisidagi masalasini hal etish uchun tegishli organlar va tashkilotlarga yuborish;

isteʼmolchilarning nomuayyan doirasi huquqlarini va manfaatlarini himoya qilish, shuningdek, isteʼmolchilar huquqlarini buzgan shaxslarga nisbatan huquqiy taʼsir koʻrsatish choralarini qoʻllash uchun sudlarga arizalar bilan murojaat qilish;

d) davriy bosma nashrlar, kitob mahsulotlari nazorat nusxalari, tele va radiodasturlar efirlarida joylashtirilgan hujjatli materiallar, reklamani tayyorlash, joylashtirish va tarqatishga oid materiallarni bepul olish.

5. Belgilansinki:

isteʼmolchilar huquqlarini himoya qilish va reklama bozorini tartibga solish haqida Qoʻmita vakolatlari doirasida qabul qilingan qarorlar vazirliklar, idoralar, mahalliy ijro etuvchi hokimiyat organlari, mansabdor shaxslar, shuningdek, fuqarolar hamda mulkchilik shakli va idoraviy mansubligidan qatʼi nazar xoʻjalik yurituvchi subyektlar tomonidan ijro etish uchun majburiydir;

vazirliklar, idoralar, mahalliy ijro etuvchi hokimiyat organlari, mansabdor shaxslar, shuningdek, mulkchilik shakli va idoraviy mansubligidan qatʼi nazar xoʻjalik yurituvchi subyektlar Qoʻmitaning talabiga binoan unga yuklatilgan vazifalarni amalga oshirish uchun zarur maʼlumotlarni taqdim etishlari shart.

7. Oʻzbekiston Respublikasi Monopoliyaga qarshi kurashish qoʻmitasi va Agentlik:

a) Oʻzbekiston Respublikasi Adliya vazirligi, Sogʻliqni saqlash vazirligi va “Oʻzstandart” agentligi bilan birgalikda 2020-yil 1-fevralga qadar “Isteʼmolchilarning huquqlarini himoya qilish toʻgʻrisida”gi Oʻzbekiston Respublikasi Qonuniga oʻzgartirish va qoʻshimchalar kiritish toʻgʻrisida”gi Qonun loyihasini Vazirlar Mahkamasiga kiritsin, unda nodavlat notijorat tashkilotlari huquqlarini, isteʼmolchilar huquqlarining buzilishi holatlari aniqlanganda Agentlikning ushbu tashkilotlar bilan hamkorligini, tovarlar (ishlar, xizmatlar) mustaqil ekspertizasini oʻtkazish mexanizmini nazarda tutsin;

b) Oʻzbekiston Respublikasi Adliya vazirligi va boshqa manfaatdor idoralar bilan birgalikda ikki oy muddatda:

qonun hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin;

oʻzlari qabul qilgan normativ-huquqiy hujjatlarning ushbu Farmonga muvofiqlashtirilishini taʼminlasin.

8. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining maslahatchisi R.A. Gʻulomov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2019-yil 11-sentabr,

PF-5817-son

Oʻzbekiston Respublikasi Prezidentining 2019-yil 11-sentabrdagi PF-5817-son Farmoniga 2-ILOVA

2019-2020-yillarda isteʼmolchilar huquqlarini himoya qilish va reklama bozorini tartibga solish sohasida amalga oshiriladigan

ChORA-TADBIRLAR DASTURI

T/r Chora-tadbirlar nomlanishi Ijro muddati Ijrosi ustidan nazoratni tashkil qilish ijro uchun masʼul nazorat uchun masʼul I. Isteʼmolchilar huquqlarini himoya qilish tizimining normativ-huquqiy bazasini takomillashtirish 1. “Isteʼmolchilarning huquqlarini himoya qilish toʻgʻrisida”gi Oʻzbekiston Respublikasi Qonuniga oʻzgartish va qoʻshimchalar kiritish haqida”gi Oʻzbekiston Respublikasi Qonuni loyihasini ishlab chiqish. 2020-yil 1-fevral Monopoliyaga qarshi kurashish qoʻmitasi (N. Sharipov) E. Gʻaniyev 2. “Reklama toʻgʻrisida”gi Oʻzbekiston Respublikasi Qonuni loyihasining yangi tahririni ishlab chiqish. 2019-yil 1-dekabr Monopoliyaga qarshi kurashish qoʻmitasi (N. Sharipov) E. Gʻaniyev 3. Qonun hujjatlariga isteʼmolchilar huquqlarini himoya qilish va reklama toʻgʻrisidagi qonun hujjatlarini buzganlik, axborot bermaganlik yoki bila turib notoʻgʻri axborot berganlik, Agentlik koʻrsatmalarini bajarmaganlik, shuningdek, uning xodimlari faoliyatiga aralashganlik hamda ularga yuklatilgan vazifa va funksiyalarni bajarishiga toʻsqinlik qilish maqsadida har qanday shaklda taʼsir oʻtkazganlik uchun javobgarliklarni kuchaytirish, yuridik shaxslarga jarimalar qoʻllashni nazarda tutuvchi oʻzgartirishlar va qoʻshimchalar kiritish haqida takliflarni tayyorlash va Oʻzbekiston Respublikasi Vazirlar Mahkamasiga kiritish. 2020-yil 1-yanvar Monopoliyaga qarshi kurashish qoʻmitasi (N. Sharipov), Bosh prokuratura (S. Saidkarimov), Adliya vazirligi (R. Davletov) E. Gʻaniyev 4. Oʻzbekiston Respublikasi Monopoliyaga qarshi kurashish qoʻmitasi huzuridagi Isteʼmolchilar huquqlarini himoya qilish agentligi toʻgʻrisidagi nizom loyihasini ishlab chiqish va Vazirlar Mahkamasiga kiritish. 2019-yil 1-noyabr Monopoliyaga qarshi kurashish qoʻmitasi (N. Sharipov), Moliya vazirligi (T. Ishmetov) E. Gʻaniyev 5. Isteʼmolchilarning huquqlarini himoya qilish agentligi tomonidan chakana savdo shoxobchalarida xalq isteʼmoli tovarlarining nazorat xaridini amalga oshirish va ularni isteʼmolchilarning huquqlarini himoya qilish toʻgʻrisidagi qonun hujjatlari va belgilangan standartlarga muvofiqligi yuzasidan ekspertizadan (testdan) oʻtkazishni tashkil etish tartibini ishlab chiqish. 2020-yil 1-fevral Monopoliyaga qarshi kurashish qoʻmitasi (N. Sharipov), Sogʻliqni saqlash vazirligi (A. Shadmanov), Sanitariya-epidemiologiya nazorati davlat inspeksiyasi (N. Atabekov), “Oʻzstandart” agentligi (D. Sattarov), Davlat soliq qoʻmitasi (B. Musayev), Savdo-sanoat palatasi (A. Ikramov) E. Gʻaniyev 6. Qonun hujjatlarining isteʼmolchilarga taʼsirini baholash tizimini va tegishli metodologiyasini ishlab chiqish hamda joriy qilish. 2020-yil 1-aprel Monopoliyaga qarshi kurashish qoʻmitasi (N. Sharipov), Adliya vazirligi (R. Davletov) E. Gʻaniyev II. Isteʼmolchilarning huquqlarini himoya qilish toʻgʻrisidagi qonunchiligiga rioya etilishi boʻyicha davlat nazoratini amalga oshirish, tovarlar (ishlar, xizmatlar) xavfsizligi va sifatini nazorat qilish sohasida davlat organlari bilan oʻzaro hamkorlik 7. Isteʼmolchilar huquqlarini himoya qilish darajasining holati qoniqarliligi yuzasidan ijtimoiy soʻrovnomalar oʻtkazish jadvalini tuzish (yoʻnalishlar boʻyicha). Jadvalga muvofiq fuqarolar oʻrtasida ijtimoiy soʻrovnomalar oʻtkazish, ularni tahlil qilish va Vazirlar Mahkamasiga taklif kiritish. 2019-yil 1-dekabr har chorakda, 2020-yil 1-yanvardan boshlab Monopoliyaga qarshi kurashish qoʻmitasi (N. Sharipov) E. Gʻaniyev 8. Isteʼmolchilar huquqlari buzilishi bilan bogʻliq huquqni qoʻllash amaliyoti, suddan tashqari va sudgacha hal qilingan isteʼmolchilar ishtirokidagi nizolarni hal qilishning qoʻllaniladigan mexanizmlari, isteʼmolchilar huquqlarini himoya qilish sohasida qabul qilingan meʼyoriy-huquqiy hujjatlarni muhokama qilishda ekspertlar jamiyati va jamoatchilik birlashmalarini jalb qilish boʻyicha monitoring oʻtkazish. monitoring — doimiy har chorakda — Vazirlar Mahkamasiga axborot kiritish Monopoliyaga qarshi kurashish qoʻmitasi (N. Sharipov), Savdo-sanoat palatasi (A. Ikramov) E. Gʻaniyev 9. Ayrim isteʼmolchilar, ularning guruhi va isteʼmolchilarning nomuayyan doiralari huquqlarini himoya qilish boʻyicha sud amaliyotini umumlashtirgan hamda isteʼmolchilar huquqlarini himoya qilish sohasini tartibga solishda eng yaxshi xalqaro amaliyotlarni tahlil qilgan holda isteʼmolchilar huquqlarini himoya qilish milliy tizimining institutsional, tashkiliy va huquqiy asoslarini rivojlantirish va takomillashtirishga yoʻnaltirilgan takliflar kiritish. har chorakda 2020-yil 1-yanvardan boshlab Monopoliyaga qarshi kurashish qoʻmitasi (N. Sharipov), Oliy sud (X. Yodgorov), Tashqi ishlar vazirligi (A. Komilov) E. Gʻaniyev 10. Isteʼmolchilarning huquqlarini himoya qilish toʻgʻrisidagi qonunchiligiga muvofiqligi nuqtai nazaridan tovarlar (ishlar, xizmatlar) ustidan laboratoriya tadqiqotlarini, ekspertiza (testlar) oʻtkazish sohasida Isteʼmolchilarning huquqlarini himoya qilish agentligi bilan masʼul davlat tashkilotlar oʻrtasida hamkorlikni yoʻlga qoʻyish tartibini ishlab chiqish. 2019-yil 1-dekabr Monopoliyaga qarshi kurashish qoʻmitasi (N. Sharipov), Sogʻliqni saqlash vazirligi (A. Shadmanov), Sanitariya-epidemiologiya nazorati davlat inspeksiyasi (N. Atabekov), “Oʻzstandart” agentligi (D. Sattarov), Veterinariya va chorvachilikni rivojlantirish davlat qoʻmitasi (B. Norqobilov), Davlat ekologiya qoʻmitasi (B. Qoʻchqorov) E. Gʻaniyev 11. Isteʼmolchilarning huquqlarini himoya qilish toʻgʻrisidagi qonunchilikka muvofiqligi nuqtai nazaridan tovarlar (ishlar, xizmatlar) ustidan ekspertiza (testlar) oʻtkazish amaliyotini joriy qilish. har chorakda Vazirlar Mahkamasiga axborot kiritish Monopoliyaga qarshi kurashish qoʻmitasi (N. Sharipov), Sogʻliqni saqlash vazirligi (A. Shadmanov), Sanitariya-epidemiologiya nazorati davlat inspeksiyasi (N. Atabekov), “Oʻzstandart” agentligi (D. Sattarov), Veterinariya va chorvachilikni rivojlantirish davlat qoʻmitasi (B. Norqobilov), Davlat ekologiya qoʻmitasi (B. Qoʻchqorov) E. Gʻaniyev 12. Isteʼmolchilarning huquqlarini himoya qilish agentligi vakillarini mutaxassis sifatida isteʼmolchilar huquqlarini himoya qilish masalalari boʻyicha sud muhokamalarida ishtirok etishi amaliyotini tashkil qilish. har chorakda Vazirlar Mahkamasiga axborot kiritish Monopoliyaga qarshi kurashish qoʻmitasi (N. Sharipov), Oliy sud (X. Yodgorov), Adliya vazirligi (R. Davletov) E. Gʻaniyev 13. Isteʼmolchilar nomuayyan doirasining huquqlarini himoya qilish masalalari boʻyicha Isteʼmolchilarning huquqlarini himoya qilish agentligining tashabbusi bilan daʼvo arizalarini yuborish mexanizmini joriy etish. 2020-yil 1-aprel Monopoliyaga qarshi kurashish qoʻmitasi (N. Sharipov), Oliy sud (X. Yodgorov), Adliya vazirligi (R. Davletov) E. Gʻaniyev III. Isteʼmolchilarga ularning qonuniy huquqlari va manfaatlarini himoya qilishda yordam berish, shuningdek, aholining isteʼmol bilimi va savodxonligini oshirishga qaratilgan dasturlarni amalga oshirish 14. Oliy va oʻrta maxsus taʼlim muassasalarida isteʼmolchilar huquqlarini himoya qilish toʻgʻrisidagi qonun hujjatlari va isteʼmolchilik huquqi asoslarini oʻrganish boʻyicha maxsus kurslarni tashkil etish. 2020-yil 1-avgust Monopoliyaga qarshi kurashish qoʻmitasi (N. Sharipov), Oliy va oʻrta maxsus taʼlim vazirligi (I. Majidov) A. Abduxakimov 15. Aholining isteʼmol bilimi va savodxonligini oshirishga qaratilgan quyidagi dasturlarni ishlab chiqish va amalga oshirish: televideniye va radiokanallarda, davriy nashrlarda isteʼmolchilar huquqlarini himoya qilish sohasidagi davlat va jamoat tashkilotlari faoliyatini, ushbu sohadagi muammo va kamchiliklarni hamda ularni bartaraf etish boʻyicha koʻrilayotgan chora-tadbirlar, isteʼmol madaniyati va isteʼmolchilar huquqlarini himoya qilish anʼanalarini keng targʻib qilish va tizimli ravishda yoritib borilishini taʼminlaydigan maxsus dasturlar (ruknlar) tashkil qilish; isteʼmolchilar huquqlari va aholining isteʼmol madaniyatini shakllantirish masalalarini tizimli va tahliliy yoritishga bagʻishlangan teledasturlar chiqishini kengaytirish; isteʼmolchilar huquqlarini himoya qilishning huquqiy masalalari boʻyicha kundalik hayotda koʻp uchraydigan savol va javoblar koʻrinishidagi maxsus qoʻllanmalar (broshyuralar) tayyorlash va ularni aholi oʻrtasida, birinchi navbatda umumiy taʼlim maktablarida bepul tarqatish. 2020-yil 31-dekabr Monopoliyaga qarshi kurashish qoʻmitasi (N. Sharipov), Savdo-sanoat palatasi (A. Ikramov), Oʻzbekiston Milliy teleradiokompaniyasi (A. Xadjayev), Axborot texnologiyalari v� kommunikatsiyalarini rivojlantirish vazirligi (Sh. Sadikov), Xalq taʼlimi vazirligi (Sh. Shermatov), Oʻzbekiston Yoshlar ittifoqi (A. Saʼdullayev) A. Abduxakimov 16. Isteʼmolchilar uchun odatdagi hayotiy vaziyatlarni hal qilish, isteʼmolchilar oʻrtasida nizolarni sudgacha hal etish imkoniyatlari, tovarlarning inson sogʻligʻiga taʼsiri va boshqalar toʻgʻrisida maʼlumot beruvchi, isteʼmolchilar huquqlarini himoya qilish va reklama toʻgʻrisidagi qonun hujjatlari bazasini, shuningdek, qoʻshimcha huquqiy maʼlumotlardan foydalanish imkoniyati mavjud boʻlgan tizimni (elektron platforma, onlayn forum) oʻz ichiga olgan yagona onlayn platforma hamda bepul maslahatlar portali yaratish. 2020-yil 1-mart Monopoliyaga qarshi kurashish qoʻmitasi (N. Sharipov), Axborot texnologiyalari va kommunikatsiyalarini rivojlantirish vazirligi (Sh. Sadikov) A. Abduxakimov IV. Tadbirkorlik va isteʼmol madaniyatini takomillashtirish, reklama sohasida nohalol raqobat va notoʻgʻri reklamaga yoʻl qoʻymaslik 17. Elektron tijorat va ular bilan bogʻliq hisob-kitoblar sohasida bitimlarning xavfsizligini oshirishga qaratilgan tavsiyalar tayyorlash. 2020-yil 1-oktabr Monopoliyaga qarshi kurashish qoʻmitasi (N. Sharipov), Savdo-sanoat palatasi (A. Ikramov), Axborot texnologiyalari va kommunikatsiyalarini rivojlantirish vazirligi (Sh. Sadikov) E. Gʻaniyev 18. Marketing va reklama sohasida xalqaro tadbirlar (koʻrgazma, konferensiya, forum) oʻtkazilishini tashkillashtirish. Xususan, Toshkent va Samarqand shaharlarida “MAKON Marketing Forum 2019”; Toshkent shahrida “ADWEEK IV- marketing va reklama haftaligi”; “II-Toshkent reklama festivali”ni oʻtkazish. 2019-yil oktyabr-noyabr 2020-yil mart-aprel 2020-yilmart-aprel Monopoliyaga qarshi kurashish qoʻmitasi (N. Sharipov), Savdo-sanoat palatasi (A. Ikramov), Toshkent shahar hokimligi (J. Ortiqxoʻjayev), Samarqand viloyat hokimligi (E. Turdimov) E. Gʻaniyev 19. Reklama qonunchiligiga muvofiqlik yuzasidan reklama eskizlari (video, audio va boshqa materiallar) loyihalari boʻyicha xulosalar berish tartibini joriy qilish. 2020-yil 1-fevral Monopoliyaga qarshi kurashish qoʻmitasi (N. Sharipov) E. Gʻaniyev V. Ommaviy axborot vositalari, ishbilarmon jamoatchiligi bilan hamkorlik qilish, shuningdek, isteʼmolchilar huquqlarini himoya qilish sohasida ularning jamoatchilik uchun foydali boʻlgan faoliyatini har tomonlama qoʻllab-quvvatlash 20. Isteʼmolchilar huquqlarini himoya qilish va reklama boʻyicha koʻngillilar harakatini tashkil etish. 2020-yil 1-fevral Monopoliyaga qarshi kurashish qoʻmitasi (N. Sharipov), Oʻzbekiston Yoshlar ittifoqi (A. Saʼdullayev), Oʻzbekiston nodavlat notijorat tashkilotlar milliy assotsiatsiyasi (A. Karimov) A. Abduxakimov 21. Xalqaro isteʼmolchilar huquqlarini himoya qilish kuniga bagʻishlangan “Sifat kuni” marafoni — har yillik tadbirini tashkil qilish. 2020-yil 1-aprel Monopoliyaga qarshi kurashish qoʻmitasi (N. Sharipov), “Oʻzstandart” agentligi (D. Sattarov), Oʻzbekiston Yoshlar ittifoqi (A. Saʼdullayev), Oʻzbekiston nodavlat notijorat tashkilotlar milliy assotsiatsiyasi (A. Karimov) A. Abduxakimov 22. “Tashabbus” koʻrik-tanlovi doirasida Isteʼmolchilar huquqlarini himoya qilish agentligini jalb qilgan holda “Yilning eng yaxshi mahsuloti” nominatsiyasida nomzodlarni tanlash jarayonini takomillashtirish boʻyicha takliflar kiritish. 2020-yil 1-fevral Savdo-sanoat palatasi (A. Ikramov), Monopoliyaga qarshi kurashish qoʻmitasi (N. Sharipov), Sogʻliqni saqlash vazirligi (A. Shadmanov), “Oʻzstandart” agentligi (D. Sattarov) A. Abduxakimov VI. Isteʼmolchilar huquqlarini himoya qilish va reklama bozorini tartibga solish masalalari boʻyicha xalqaro tashkilotlar, vakolatli davlat organlari va xorijiy mamlakatlarning nodavlat tashkilotlari bilan hamkorlik qilish 23. Quyidagi Kelishuvlar boʻyicha davlat ichki tartib-taomillarni bajarish: Isteʼmolchilar huquqlarini himoya qilish sohasida MDH ishtirokchi davlatlarining asosiy hamkorlik yoʻnalishlari haqida; Reklama faoliyatini tartibga solish sohasida MDH ishtirokchi davlatlarining hamkorligi toʻgʻrisida. 2020-yil 1-may Monopoliyaga qarshi kurashish qoʻmitasi (N. Sharipov), Tashqi ishlar vazirligi (A. Komilov) E. Gʻaniyev 24. BMTning Savdo va rivojlanish boʻyicha konferensiyasi (YuNKTAD) faoliyat yoʻnalishlari doirasida Isteʼmolchilar huquqlarini himoya qilish agentligining faol ishtirokini taʼminlash, shu jumladan YuNKTAD ilgʻor xalqaro tajribasining virtual katalogida “Oʻzbekiston” boʻlimini shakllantirish. 2020-yil 31-dekabr Monopoliyaga qarshi kurashish qoʻmitasi (N. Sharipov), Tashqi ishlar vazirligi (A. Komilov) E. Gʻaniyev 25. Isteʼmolchilar huquqlarini sudgacha himoya qilishning xorijiy tajribasini oʻrganish va umumlashtirish orqali nizolarni sudgacha hal qilish uchun onlayn xizmatlar yaratish va ularning tizimli ishlashi boʻyicha takliflar kiritish. 2020-yil 31-dekabr Monopoliyaga qarshi kurashish qoʻmitasi (N. Sharipov), Savdo-sanoat palatasi (A. Ikramov), Tashqi ishlar vazirligi (A. Komilov) E. Gʻaniyev VII. Boshqa tashkiliy masalalar 26. Isteʼmolchilar huquqlarini himoya qilish agentligini telefon aloqasi, shu jumladan hukumat telefon aloqasi bilan taʼminlash. 2019-yil 15-oktabr Axborot texnologiyalari va kommunikatsiyalarini rivojlantirish vazirligi (Sh. Sadikov), Monopoliyaga qarshi kurashish qoʻmitasi (N. Sharipov) A. Aripov 27. Isteʼmolchilar huquqlarini himoya qilish agentligini Toshkent shahri, Labzak koʻchasi, 3-uy manziliga bepul foydalanish huquqi asosida joylashtirish. 2019-yil 15 oktyabr Monopoliyaga qarshi kurashish qoʻmitasi (N. Sharipov), Davlat aktivlarini boshqarish agentligi (A. Xaydarov), Toshkent shahar hokimligi (J. Ortiqxoʻjayev) A. Aripov 28. Oʻzbekiston Respublikasi Davlat budjeti parametrlari doirasida ushbu Farmonni 2019-yilda amalga oshirish boʻyicha Isteʼmolchilar huquqlarini himoya qilish agentligi xarajatlari uchun mablagʻlar ajratish va 2020-yildan boshlab har yili zarur budjet mablagʻlarini nazarda tutish. Isteʼmolchilar huquqlarini himoya qilish agentligiga xizmat avtotransport vositalarini sotib olish uchun zarur mablagʻlarning ajratilishini taʼminlash hamda 3 ta xizmat, shu jumladan 2 ta shaxsiy biriktirilgan xizmat yengil avtomobillarni saqlashga limit belgilash. Isteʼmolchilar huquqlarini himoya qilish Agentligining asoslantirilgan hisob-kitoblariga binoan egallab turgan hududini taʼmirlash, moddiy-texnika bazasini shakllantirish maqsadida mebel, uskunalar va axborot kommunikatsiya texnologiyalarini sotib olish uchun zarur mablagʻlar ajratish. moliyalash-tirish boʻyicha buyurtma (talabnoma) kelib tushganda Moliya vazirligi (T. Ishmetov), Monopoliyaga qarshi kurashish qoʻmitasi (N. Sharipov) D. Qoʻchqorov 29. Monopoliyaga qarshi kurashish qoʻmitasi huzuridagi budjetdan tashqari Raqobatni rivojlantirishga koʻmaklashish jamgʻarmasini shakllantirishga quyidagi qoʻshimcha manbalarni kiritishni nazarda tutuvchi Oʻzbekiston Respublikasi Prezidentining “Oʻzbekiston Respublikasi Monopoliyaga qarshi kurashish qoʻmitasi faoliyatini tashkil etish toʻgʻrisida”gi 2019-yil 24-yanvardagi PQ-4126-son qaroriga qoʻshimchalar kiritilsin: isteʼmolchilar huquqlarini himoya qilish va reklama toʻgʻrisidagi qonunchilikni buzganlik, narxlari tartibga solinishi belgilangan tovarlarning narxlarini (ustama va tariflar) oshirganlik uchun undirilgan asossiz olingan daromadlar summasining 100 foizi; isteʼmolchilar huquqlarini himoya qilish va reklama toʻgʻrisidagi qonunchilikni buzganlik, shuningdek, Agentlik taqdim etgan koʻrsatmalarni bajarmaganlik uchun Agentlik yoki Agentlik kiritgan daʼvolar boʻyicha sud tomonidan xoʻjalik yurituvchi subyektlardan va ularning mansabdor shaxslaridan qonunchilikda belgilangan tartibda undiriladigan jarima mablagʻlarining 100 foizi; tashqi reklamani joylashtirish huquqi uchun tushadigan oylik yigʻim mablagʻlarining 45 foizi; “E-IJRO AUKSION” savdo maydonchasida yer uchastkalari va davlat mulki boʻlgan obyektlarda tashqi reklama obyektlarini (konstruksiyalarini) joylashtirish huquqini realizatsiya qilish boʻyicha elektron savdolar oʻtkazish natijasida tushadigan yigʻim summasining 40 foizi; Oʻzbekiston Respublikasi Davlat aktivlarini boshqarish agentligi huzuridagi budjetdan tashqari Davlat aktivlarini boshqarish, transformatsiya va xususiylashtirish jamgʻarmasiga tushadigan davlat aktivlarini sotish summasining 4 foizi. 2019-yil 15-oktabr Monopoliyaga qarshi kurashish qoʻmitasi (N. Sharipov), Moliya vazirligi (T. Ishmetov) D. Qoʻchqorov