Tijorat banklarida kassa ishini tashkil etish, naqd pul va boshqa qimmatliklarni inkassatsiya qilishga doir yoʻriqnomaga oʻzgartirishlar kiritish haqida (3028-3-son)
07.09.2019
Oʻzbekiston Respublikasi Markaziy banki boshqaruvining
Qarori
[Oʻzbekiston Respublikasi Adliya vazirligi tomonidan 2019-yil 7-sentabrda roʻyxatdan oʻtkazildi, roʻyxat raqami 3028-3]
Oʻzbekiston Respublikasi Vazirlar Mahkamasining 2019-yil 3-iyuldagi 555-son “Oʻzbekiston Respublikasi Milliy gvardiyasi qoʻriqlash xizmatining faoliyatini tashkil etish toʻgʻrisida”gi qaroriga muvofiq Oʻzbekiston Respublikasi Markaziy banki Boshqaruvi qaror qiladi:
1. Oʻzbekiston Respublikasi Markaziy banki Boshqaruvining 2018-yil 28-apreldagi 16/21-son qarori (roʻyxat raqami 3028, 2018-yil 29-iyun) (Qonun hujjatlari maʼlumotlari milliy bazasi, 02.07.2018-y., 10/18/3028/1418-son) bilan tasdiqlangan Tijorat banklarida kassa ishini tashkil etish, naqd pul va boshqa qimmatliklarni inkassatsiya qilishga doir yoʻriqnomaga ilovaga muvofiq oʻzgartirishlar kiritilsin.
2. Mazkur qaror rasmiy eʼlon qilingan kundan eʼtiboran kuchga kiradi.
Markaziy bank raisi M.NURMURATOV
Toshkent sh.,
2019-yil 24-avgust,
21/9-son
Oʻzbekiston Respublikasi Markaziy banki Boshqaruvining 2019-yil 24-avgustdagi 21/9-son qaroriga ILOVA
Tijorat banklarida kassa ishini tashkil etish, naqd pul va boshqa qimmatliklarni inkassatsiya qilishga doir yoʻriqnomaga kiritilayotgan oʻzgartirishlar
1. 79-bandning ikkinchi xatboshisidagi “ichki ishlar organining” degan soʻzlar “Oʻzbekiston Respublikasi Milliy gvardiyasining” degan soʻzlar bilan almashtirilsin.
2. 81-bandning uchinchi xatboshisidagi “eng kam ish haqining” degan soʻzlar “bazaviy hisoblash miqdorining” degan soʻzlar bilan almashtirilsin.
3. 159-bandning ikkinchi xatboshisidagi “ichki ishlar organlari” degan soʻzlar “Oʻzbekiston Respublikasi Milliy gvardiyasi” degan soʻzlar bilan almashtirilsin.
4. 170-bandning birinchi xatboshisidagi, 176-bandning ikkinchi xatboshisidagi va 340-bandning birinchi xatboshisidagi “ichki ishlar organi” degan soʻzlar “Oʻzbekiston Respublikasi Milliy gvardiyasi” degan soʻzlar bilan almashtirilsin.