Oʻzbekiston Respublikasida kosmik faoliyatni rivojlantirish toʻgʻrisida (PF-5806-son)

30.08.2019

Oʻzbekiston Respublikasi Prezidentining

Farmoni

Mamlakatda amalga oshirilayotgan mavjud ilmiy-texnologik yoʻnalishlarni kengaytirish va talab yuqori boʻlgan yangi yoʻnalishlarni yaratishga qaratilgan faol investitsiya siyosati, shuningdek, aholining turmush darajasi va sifatini yaxshilash boʻyicha amalga oshirilayotgan dasturiy chora-tadbirlar innovatsiyalar, nano-texnologiyalar, atom energetikasi, kosmik sanoat kabi hali foydalanilmagan yuqori ilmiy hajmdor, texnologik va keng koʻlamli faoliyat yoʻnalishlaridan foydalanishni talab etadi.

Oʻzbekiston Respublikasida mashinasozlik sohasida kosmik tadqiqotlar va texnologiyalarni rivojlantirish uchun zarur boʻlgan muhim ilmiy-texnik, sinov-ishlab chiqarish, tajriba-izlanish salohiyati, yetarli intellektual va kasbga doir resurslar, muayyan bazaviy kosmik infratuzilma mavjud.

Shu bilan birga, mamlakatda qishloq va suv xoʻjaligi, ekologiya, telekommunikatsiya, geologiya-qidiruv, kartografiya, meteorologiya, seysmologiya va shaharsozlik sohalarining samaradorligini oshirish imkoniga ega boʻlgan erni masofadan turib zondlash, yoʻldosh aloqa, navigatsiya tizimlari kabi kosmik tadqiqotlar va texnologiyalar sohasida faoliyat deyarli amalga oshirilmayapti.

Mamlakatning yanada barqaror rivojlanishi, jumladan iqtisodiyotning turli sohalarida innovatsion kosmik texnologiyalardan foydalanish orqali mavjud ilmiy-texnik salohiyatni samarali amalga oshirish, shuningdek, Oʻzbekiston Respublikasi xavfsizligini taʼminlash maqsadida:

1. Oʻzbekiston Respublikasi Vazirlar Mahkamasi huzurida Kosmik tadqiqotlar va texnologiyalar agentligi (keyingi oʻrinlarda — “Oʻzbekkosmos” agentligi) tashkil etilsin.

3. Quyidagilar “Oʻzbekkosmos” agentligining asosiy vazifalari etib belgilansin:

kosmik tadqiqotlar va texnologiyalar sohasida yagona davlat siyosati va strategik yoʻnalishlarni ishlab chiqish va amalga oshirish;

Oʻzbekiston Respublikasida kosmik tarmoqni rivojlantirishning davlat dasturlarini ishlab chiqish va amalga oshirish;

kosmik faoliyat, kosmik tadqiqotlar va texnologiyalar sohasida qonun hujjatlarini takomillashtirish boʻyicha takliflar tayyorlash, shu jumladan normativ-huquqiy hujjatlar loyihalarini ishlab chiqish;

kosmik faoliyat sohasining lozim darajada rivojlanishi, sohaga tegishli va u bilan bogʻliq ishlar, xizmat koʻrsatishning bajarilishini taʼminlash maqsadida kosmik faoliyat sohasidagi qonun hujjatlariga rioya etilishi ustidan davlat nazoratini amalga oshirish;

kosmik tarmoq infratuzilmasi, kosmik tadqiqotlar va texnologiyalar, ilmiy-izlanish, tajriba-konstruktorlik va innovatsion ishlarni rivojlantirish boʻyicha kompleks chora-tadbirlarni ishlab chiqish va amalga oshirish;

kosmik faoliyatning barcha yoʻnalishlari boʻyicha kadrlarni, jumladan yetakchi xorijiy oliy taʼlim muassasalarida tayyorlash, qayta tayyorlash va malakasini oshirishni tashkil etish;

stratosfera va boshqa uchuvchisiz uchish apparatlari, shuningdek erni masofadan turib zondlash va yoʻldoshli aloqa kosmik apparatlarini qoʻllagan holda davlat organlariga masalalarni hal etish samaradorligini oshirishda koʻmaklashish;

kosmik tadqiqotlar va texnologiyalar sohasida xalqaro hamkorlikni amalga oshirish;

xorijiy investitsiyalar va ilgʻor texnologiyalarni kosmik faoliyat sohasiga, shu jumladan davlat-xususiy sheriklik shartlari asosida jalb qilish maqsadida manfaatdor vazirliklar va idoralar bilan birgalikda xalqaro moliya institutlari, donor-mamlakatlar, kompaniyalar va banklar bilan hamkorlikni rivojlantirish;

kosmik va yoʻldosh texnologiyalarni joriy etish boʻyicha loyihalarni amalga oshirish uchun mahalliy tijorat tuzilmalari, ishlab chiqaruvchilar va moliya resurslarining keng jalb etilishini taʼminlash;

kosmik faoliyatning ayrim yoʻnalishlari tijoratlashtirilishini ragʻbatlantirish.

5. 2019-2020-yillarda Oʻzbekiston Respublikasida kosmik tarmoqni rivojlantirish boʻyicha “Yoʻl xaritasi” ilovaga muvofiq tasdiqlansin.

6. Vazirlar Mahkamasi bir hafta muddatda Oʻzbekiston Respublikasi Vazirlar Mahkamasi huzuridagi Kosmik tadqiqotlar va texnologiyalar agentligi faoliyatini tashkil etish boʻyicha Hukumat qarorini qabul qilsin.

7. “Oʻzbekkosmos” agentligi manfaatdor vazirlik va idoralar bilan birgalikda:

2019-yil 1-noyabrga qadar Oʻzbekiston Respublikasining “Kosmik faoliyat toʻgʻrisida”gi Qonuni loyihasini ishlab chiqsin va belgilangan tartibda Oʻzbekiston Respublikasi Oliy Majlisi Qonunchilik palatasiga kiritsin.

2020-yil 1-iyulga qadar 2020 — 2030-yillar davomida Oʻzbekiston Respublikasida kosmik tarmoqni rivojlantirish davlat dasturi (keyingi oʻrinlarda — Dastur) loyihasini ishlab chiqsin va tasdiqlash uchun Oʻzbekiston Respublikasi Vazirlar Mahkamasiga kiritsin.

Dastur loyihasini ishlab chiqishda quyidagi masalalarni hal etishga alohida eʼtibor qaratilsin:

Oʻzbekiston Respublikasida kosmik tarmoqni rivojlantirishning ustuvor yoʻnalishlarini amalga oshirish boʻyicha yaxlit koʻrishni ishlab chiqish va strategik vazifalarni samarali hal qilish;

sanoat va ekologik xavfsizlikning yuqori darajasini taʼminlovchi zamonaviy ilgʻor texnologiyalarni qoʻllagan holda kosmik tarmoq va tegishli infratuzilma obyektlarini qurish;

oliy taʼlim muassasalarida hamda oʻquv markazlarida kosmik tadqiqotlar va texnologiyalar sohasi mutaxassislarini tayyorlashni tashkil etish.

8. “Oʻzbekkosmos” agentligi Oʻzbekiston Respublikasi Moliya vazirligi, Iqtisodiyot va sanoat vazirligi, boshqa manfaatdor vazirlik va idoralar bilan birgalikda kosmik faoliyatni rivojlantirish uchun imtiyozli kreditlar va grantlarni jalb qilish maqsadida Dastur doirasidagi loyiha takliflari pasportini Oʻzbekiston Respublikasi Investitsiyalar va tashqi savdo vazirligiga kelgusida xalqaro moliya institutlari va boshqa xorijiy donorlar bilan koʻrib chiqish uchun taqdim etsin.

9. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi boshqa manfaatdor vazirlik va idoralar bilan birgalikda ikki oy muddatda qonun hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisidagi takliflarni Oʻzbekiston Respublikasi Vazirlar Mahkamasiga kiritsin.

10. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2019-yil 30-avgust,

PF-5806-son

Oʻzbekiston Respublikasi Prezidentining 2019-yil 30-avgustdagi PF-5806-son Farmoniga ILOVA

2019-2020-yillarda Oʻzbekiston Respublikasida kosmik tarmoqni rivojlantirish boʻyicha

“YOʻL XARITASI”

T/r Chora-tadbirlar nomi Amalga oshirish mexanizmi Ijro muddatlari Ijro ustidan nazoratni tashkil etish ijro uchun masʼullar nazorat uchun Vazirlar Mahkamasidagi masʼullar I. Kosmik tadqiqotlar va texnologiyalar sohasida qonunchilik bazasini shakllantirish 1. “Oʻzbekiston Respublikasi Vazirlar Mahkamasi huzuridagi Kosmik tadqiqotlar va texnologiyalar agentligi faoliyatini tashkil etish chora-tadbirlari toʻgʻrisida”gi Oʻzbekiston Respublikasi Vazirlar Mahkamasi qarori loyihasini ishlab chiqish va kiritish. Oʻzbekiston Respublikasi Vazirlar Mahkamasining qarori loyihasi 2019-yil 10-sentabr Axborot texnologiyalari va kommunikatsiyalarini rivojlantirish vazirligi (Sodiqov), “Oʻzbekkosmos” agentligi, Moliya vazirligi (Ishmetov), Adliya vazirligi (Davletov) S. Abdullayev, I. Umarov 2. Oʻzbekiston Respublikasining “Kosmik faoliyat toʻgʻrisida”gi Qonuni loyihasini ishlab chiqish va kiritish. Oʻzbekiston Respublikasi qonuni loyihasi 2019-yil 1-noyabr “Oʻzbekkosmos” agentligi, Axborot texnologiyalari va kommunikatsiyalarini rivojlantirish vazirligi (Sodiqov), Fanlar akademiyasi (Yuldashev), Mudofaa vazirligi (Qurbonov), Innovatsion rivojlanish vazirligi (Abdurahmonov), Adliya vazirligi (Davletov), manfaatdor vazirlik va idoralar S. Abdullayev, I. Umarov 3. 2020 — 2030-yillarda Oʻzbekiston Respublikasi kosmik tarmogʻini rivojlantirish konsepsiyasini ishlab chiqish va kiritish. Oʻzbekiston Respublikasi Vazirlar Mahkamasining qarori loyihasi 2019-yil 1-dekabr “Oʻzbekkosmos” agentligi, Axborot texnologiyalari va kommunikatsiyalarini rivojlantirish vazirligi (Sodiqov), Fanlar akademiyasi (Yuldashev), Mudofaa vazirligi (Qurbonov), Innovatsion rivojlanish vazirligi (Abdurahmonov), “Davyergeodezkadastr” qoʻmitasi (Abdullayev), Davlat geologiya va mineral resurslar qoʻmitasi (Islomov), Favqulodda vaziyatlar vazirligi (Qoʻldoshev), manfaatdor vazirlik va idoralar S. Abdullayev, I. Umarov 4. “Yerni masofadan turib zondlash toʻgʻrisida” va “Kosmik faoliyatning alohida turlarini litsenziyalash toʻgʻrisida”gi nizomlarning loyihalarini ishlab chiqish va kiritish. Oʻzbekiston Respublikasi Vazirlar Mahkamasining qarori loyihasi 2020-yil 1-fevral Oʻzbekkosmos” agentligi, Axborot texnologiyalari va kommunikatsiyalarini rivojlantirish vazirligi (Sodiqov), Fanlar akademiyasi (Yuldashev), Mudofaa vazirligi (Qurbonov), Innovatsion rivojlanish vazirligi (Abdurahmonov), “Davyergeodezkadastr” qoʻmitasi (Abdullayev), Davlat geologiya va mineral resurslar qoʻmitasi (Islomov), Adliya vazirligi (Davletov), manfaatdor vazirlik va idoralar S. Abdullayev, I. Umarov 5. 2020 — 2030-yillarga moʻljallangan Oʻzbekiston Respublikasida kosmik tarmoqni rivojlantirish davlat dasturini ishlab chiqish va kiritish. Oʻzbekiston Respublikasi Vazirlar Mahkamasining qarori loyihasi 2020-yil 1-iyul “Oʻzbekkosmos” agentligi, Axborot texnologiyalari va kommunikatsiyalarini rivojlantirish vazirligi (Sodiqov), Fanlar akademiyasi (Yuldashev), Mudofaa vazirligi (Qurbonov), Innovatsion rivojlanish vazirligi (Abdurahmonov), “Davyergeodezkadastr” qoʻmitasi (Abdullayev), Davlat geologiya va mineral resurslar qoʻmitasi (Islomov), Favqulodda vaziyatlar vazirligi (Qoʻldoshev), manfaatdor vazirlik va idoralar S. Abdullayev, I. Umarov II. Yer usti kosmik infratuzilmasini rivojlantirish 6. “Nevich” yigʻish-sinov kompleksi (Toshkent viloyati, Parkent tumani, Nevich qishlogʻi) va boshqa obyektlarni “Oʻzbekkosmos” agentligi tasarrufiga oʻtkazish masalasini ishlab chiqish. Oʻzbekiston Respublikasi Vazirlar Mahkamasining qarori loyihasi 2019-yil 1-oktabr “Oʻzbekkosmos” agentligi, Axborot texnologiyalari va kommunikatsiyalarini rivojlantirish vazirligi (Sodiqov), Fanlar akademiyasi (Yuldashev), Mudofaa vazirligi (Qurbonov), Davlat aktivlarini boshqarish agentligi (Haydarov), manfaatdor vazirlik va idoralar S. Abdullayev, I. Umarov 7. Xorijiy kosmik apparatlardan erni masofadan turib zondlash maʼlumotlarini toʻgʻridan-toʻgʻri qabul qilish stansiyasini xarid qilish masalasini ishlab chiqish. Tahliliy maʼlumotnoma 2020-yil 1-yanvar “Oʻzbekkosmos” agentligi, Investitsiyalar va tashqi savdo vazirligi (Umurzoqov), Iqtisodiyot va sanoat vazirligi (Xodjayev), Moliya vazirligi (Ishmetov), Davlat bojxona qoʻmitasi (Azimov) S. Abdullayev, I. Umarov 8. Antennani montaj qilish uchun “Nevich” obyektida maydoncha va beton ustunlarni tayyorlash, xizmat koʻrsatuvchi xodimlar, operatorlar va dasturchilar uchun bino qurish. Tashkiliy chora-tadbirlar 2020-yil 1-may “Oʻzbekkosmos” agentligi, Axborot texnologiyalari va kommunikatsiyalarini rivojlantirish vazirligi (Sodiqov), Qurilish vazirligi (Zokirov), Moliya vazirligi (Ishmetov) S. Abdullayev, Sh. Abidov 9. Vazirlik va idoralarning geoaxborot materiallariga boʻlgan ehtiyojlarini qondirish uchun erni masofadan turib zondlash stansiyasining maʼlumotlari bazasida Toshkent shahrida “Oʻzbekkosmos” agentligi tizimida Geoaxborot texnologiyalari davlat markazini yaratish. Tashkiliy chora-tadbirlar 2020-yil 1-avgust “Oʻzbekkosmos” agentligi, Adliya vazirligi (Davletov), Axborot texnologiyalari va kommunikatsiyalarin� rivojlantirish vazirligi (Sodiqov), Moliya vazirligi (Ishmetov) S. Abdullayev, I. Umarov 10. Vazirlik va idoralarning talabnomalariga muvofiq ularni kerakli kosmik tasvirlar bilan taʼminlash. Tashkiliy chora-tadbirlar 2020-yil 1-sentabr “Oʻzbekkosmos” agentligi S. Abdullayev, I. Umarov 11. Mamlakat kosmik tarmogʻida mahsulotlar ishlab chiqarish va isteʼmolchilarga, shu jumladan davlat tuzilmalariga xizmatlar koʻrsatish uchun ishlab chiqarish quvvatlarini yaratish. Tashkiliy chora-tadbirlar 2020 — 2030-yillarga moʻljallangan Oʻzbekiston Respublikasida kosmik tarmoqni rivojlantirish davlat dasturi doirasida “Oʻzbekkosmos” agentligi, Innovatsion rivojlanish vazirligi (Abdurahmonov), Iqtisodiyot va sanoat vazirligi (Xodjayev), manfaatdor vazirlik va idoralar S. Abdullayev, I. Umarov 12. Quyidagilardan tashkil topgan ishlab chiqarish klasterini yaratish: shu jumladan elektr energiyasi yetkazib berilmaydigan, borish qiyin boʻlgan hududlarda, shuningdek, fermerlar va boshqa isteʼmolchilar uchun oʻrnatiladigan ixcham VSAT stansiyalarining elektr taʼminoti uchun zarur boʻlgan, 5 dan 1 000 kVt gacha quvvatga ega mini fotoelektrik stansiyalarni tayyorlash boʻyicha sex; kompozit materiallar (ugleplastik, shisha �lastik materiallar va ulardan yasalgan buyumlar)ni ishlab chiqarish sexi; yoʻldoshli navigatsiya asboblari va yer ustida foydalanish qurilmalarini ishlab chiqarish va yigʻish sexi. Tashkiliy chora-tadbirlar 2020-yil 1-may “Oʻzbekkosmos” agentligi, Investitsiyalar va tashqi savdo vazirligi (Umurzoqov), Axborot texnologiyalari va kommunikatsiyalarini rivojlantirish vazirligi (Sodiqov), Iqtisodiyot va sanoat vazirligi (Xodjayev), Moliya vazirligi (Ishmetov) S. Abdullayev, I. Umarov 13. Kosmik faoliyatni tijoratlashtirish va tarmoqqa investitsiyalarni jalb etish masalalarini ishlab chiqish. Tahliliy maʼlumotnoma 2020-yil 1-dekabr “Oʻzbekkosmos” agentligi, Investitsiyalar va tashqi savdo vazi?li?i (Umurzoqov), Axborot texnologiyalari va kommunikatsiyalarini rivojlantirish vazirligi (Sodiqov), Iqtisodiyot va sanoat vazirligi (Xodjayev), Moliya vazirligi (Ishmetov) S. Abdullayev, I. Umarov 14. Mahalliy tijorat tuzilmalari va ishlab chiqaruvchilarni kosmik va yoʻldoshli texnologiyalarni joriy etish boʻyicha loyihalarni amalga oshirishga keng jalb etish masalasini ishlab chiqish. Tashkiliy chora-tadbirlar 2020-yil 1-dekabr “Oʻzbekkosmos” agentligi, Iqtisodiyot va sanoat vazirligi (Xodjayev), Axborot texnologiyalari va kommunikatsiyalarini rivojlantirish vazirligi (Sodiqov), Innovatsion rivojlanish vazirligi (Abdurahmonov), Savdo-sanoat palatasi (Ikramov) S. Abdullayev, I. Umarov 15. Yerni masofadan turib zondlash va kosmik aloqa milliy yoʻldoshli komplekslarni yaratish masalasini ishlab chiqish. Tahliliy maʼlumotnoma 2020-yil 1-dekabr “Oʻzbekkosmos” agentligi, Axborot texnologiyalari va kommunikatsiyalarini rivojlantirish vazirligi (Sodiqov), manfaatdor vazirlik va idoralar S. Abdullayev, I. Umarov 16. Telekommunikatsiyalar, erni masofadan turib zondlash, mudofaa va xavfsizlikni taʼminlashning alohida masalalarini hal etish uchun xorijiy hamkorlar bilan birgalikda stratosfera uchish apparatlari (dirijabllar va uchuvchisiz uchish apparatlari)dan foydalanish imkoniyati boʻyicha masalani ishlab chiqish. Tahliliy maʼlumotnoma 2020-yil 1-dekabr “Oʻzbekkosmos” agentligi, Investitsiyalar va tashqi savdo vazirligi (Umurzoqov), Axborot texnologiyalari va kommunikatsiyalarini rivojlantirish vazirligi (Sodiqov), Iqtisodiyot va sanoat vazirligi (Xodjayev), Moliya vazirligi (Ishmetov), manfaatdor vazirlik va idoralar S. Abdullayev, I. Umarov III. Kosmik tarmoqni rivojlantirish uchun kadrlarni tayyorlash tizimini tashkil etish 17. Islom Karimov nomidagi Toshkent davlat texnika universiteti, Muhammad al-Xorazmiy nomidagi Toshkent axborot texnologiyalari universiteti, Toshkent shahridagi Inxa universiteti, Toshkent shahridagi Turin politexnika universitetlarida malakali kadrlarni tayyorlashni tashkil etish. Tahliliy maʼlumotnoma 2019-yil 1-dekabr Oliy va oʻrta maxsus taʼlim vazirligi (Majidov), “Oʻzbekkosmos” agentligi, Axborot texnologiyalari va kommunikatsiyalarini rivojlantirish vazirligi (Sodiqov) K. Rizayev, S. Abdullayev, I. Umarov 18. Xorijiy oliy taʼlim muassasalari, oʻquv markazlari hamda Rossiya Federatsiyasi, Koreya va Fransiyaning ishlab chiqarish korxonalarida kadrlarni tayyorlash, tajriba oʻtashlari masalasini ishlab chiqish. Tahliliy maʼlumotnoma 2019-yil 1-dekabr “Oʻzbekkosmos” agentligi, Oliy va oʻrta maxsus taʼlim vazirligi (Majidov), Tashqi ishlar vazirligi (Kamilov), Axborot texnologiyalari va kommunikatsiyalarini rivojlantirish vazirligi (Sodiqov), Fanlar akademiyasi (Yuldashev), Innovatsion rivojlanish vazirligi (Abdurahmonov) S. Abdullayev, I. Umarov IV. Xalqaro hamkorlik 19. Xalqaro kosmik faoliyatni tartibga soluvchi BMT konvensiyalari va boshqa xalqaro huquqiy hujjatlarni ratifikatsiya qilish masalasini koʻrib chiqish. Oʻzbekiston Respublikasi Prezidenti qarorining loyihasi 2020-yil 1-yanvar “Oʻzbekkosmos” agentligi, Tashqi ishlar vazirligi (Kamilov), Axborot texnologiyalari va kommunikatsiyalarini rivojlantirish vazirligi (Sodiqov), Adliya vazirligi (Davletov) S. Abdullayev, I. Umarov 20. Oʻzbekiston Respublikasi Hukum�ti bilan Rossiya Federatsiyasi Hukumati oʻrtasida kosmik fazoni tadqiq etish va undan tinch maqsadlarda foydalanish yuzasidan hamkorlik toʻgʻrisida bitimni tuzish tartib-tamoyillarini yakunlash. Tashkiliy chora-tadbirlar 2019-yil 1-oktabr “Oʻzbekkosmos” agentligi, Tashqi ishlar vazirligi (Kamilov), Axborot texnologiyalari va kommunikatsiyalarini rivojlantirish vazirligi (Sodiqov) S. Abdullayev, I. Umarov 21. Oʻzbekiston Respublikasi Hukumati bilan Qozogʻiston Respublikasi Hukumati oʻrtasida kosmik fazoni tadqiq etish va undan tinch maqsadlarda foydalanish yuzasidan hamkorlik toʻgʻrisida bitimni tuzish tartib-tamoyillarini yakunlash. Tashkiliy chora-tadbirlar 2019-yil 1-oktabr “Oʻzbekkosmos” agentligi, Tashqi ishlar vazirligi (Kamilov), Axborot texnologiyalari va kommunikatsiyalarini rivojlantirish vazirligi (Sodiqov) S. Abdullayev, I. Umarov 22. Oʻzbekiston Respublikasi va xorijiy mamlakatlar (Hindiston, Koreya va Fransiya) oʻrtasida kosmik fazoni tadqiq etish va undan tinch maqsadlarda foydalanish yuzasidan hamkorlik toʻgʻrisida amaldagi bitim/memorandumlarni amalga oshirish uchun vakolatli organ etib “Oʻzbekkosmos” agentligini belgilash. Tashkiliy chora-tadbirlar 2019-yil 1-noyabr Tashqi ishlar vazirligi (Kamilov), “Oʻzbekkosmos” agentligi, Axborot texnologiyalari va kommunikatsiyalarini rivojlantirish vazirligi (Sodiqov) S. Abdullayev, I. Umarov V. Kosmik tarmoq yutuqlarini keng yoritish 23. Oʻzbekiston kosmik tarmogʻi va oʻzaro bogʻliq tarmoqlar yutuqlarini yoritish orqali mavzuga oid mavjud telekoʻrsatuvlarni takomillashtirish. Tashkiliy chora-tadbirlar Har chorakda Oʻzbekiston Milliy teleradiokompaniyasi (Xadjayev), “Oʻzbekkosmos” agentligi, Fanlar akademiyasi (Yuldashev), “Davyergeodezkadastr” qoʻmitasi (Abdullayev), Davlat geologiya va mineral resurslar qoʻmitasi (Islomov), Favqulodda vaziyatlar vazirligi (Qoʻldoshev), manfaatdor vazirlik va idoralar A. Joʻraboyev, S. Abdullayev, I. Umarov 24. Kosmik tarmoq yutuqlari va xorijiy mamlakatlarning turli sohalarida kosmik texnologiyalarning qoʻllanishini namoyish etuvchi mavzuga oid ruknlarni tayyorlash. Tashkiliy chora-tadbirlar Har chorakda Axborot va ommaviy kommunikatsiyalar agentligi (Allamjonov), “Oʻzbekkosmos” agentligi A. Joʻrabayev, S. Abdullayev, I. Umarov