Davlat yongʻin nazorati organlari faoliyatini tashkil etish va amalga oshirish tartibi toʻgʻrisidagi yoʻriqnomaga oʻzgartirishlar kiritish haqida (3097-1-son)
22.08.2019
Oʻzbekiston Respublikasi Favqulodda vaziyatlar vazirining
buyrugʻi
[Oʻzbekiston Respublikasi Adliya vazirligi tomonidan 2019-yil 22-avgustda roʻyxatdan oʻtkazildi, roʻyxat raqami 3097-1]
Oʻzbekiston Respublikasi Prezidentining 2019-yil 10-apreldagi PF-5706-son “Oʻzbekiston Respublikasida favqulodda vaziyatlarning oldini olish va bartaraf etish hamda yongʻin xavfsizligini taʼminlashning sifat jihatidan yangi tizimini joriy etish toʻgʻrisida”gi Farmoni, 2019-yil 10-apreldagi PQ-4276-son “Favqulodda vaziyatlar tuzilmalarining faoliyatini yanada takomillashtirish boʻyicha tashkiliy chora-tadbirlar toʻgʻrisida”gi qarori va Oʻzbekiston Respublikasi Vazirlar Mahkamasining 2013-yil 4-oktabrdagi 272-son “Davlat yongʻin nazorati toʻgʻrisidagi nizomni tasdiqlash haqida”gi qaroriga muvofiq buyuraman:
1. Oʻzbekiston Respublikasi ichki ishlar vazirining 2018-yil 28-oktabrdagi 228-son buyrugʻi (roʻyxat raqami 3097-son, 2018-yil 11-dekabr) (Oʻzbekiston Respublikasi qonun hujjatlari toʻplami, 2018-y., 50-son, 958-modda) bilan tasdiqlangan Davlat yongʻin nazorati organlari faoliyatini tashkil etish va amalga oshirish tartibi toʻgʻrisidagi yoʻriqnomaga ilovaga muvofiq oʻzgartirishlar kiritilsin.
2. Mazkur buyruq rasmiy eʼlon qilingan kundan eʼtiboran kuchga kiradi.
Vazir v.b. T. XUDAYBERGENOV
Toshkent sh.,
2019-yil 16-iyul,
349-son
Oʻzbekiston Respublikasi favqulodda vaziyatlar vazirining 2019-yil 16-iyuldagi 349-son buyrugʻiga ILOVA
Davlat yongʻin nazorati organlari faoliyatini tashkil etish va amalga oshirish tartibi toʻgʻrisidagi yoʻriqnomaga kiritilayotgan oʻzgartirishlar
1. 3-band quyidagi tahrirda bayon etilsin:
“3. DYON organlarining tizimi quyidagilardan iborat:
markaziy DYON organi — Favqulodda vaziyatlar vazirligi (bundan buyon matnda FVV deb yuritiladi);
hududiy DYON organi — Qoraqalpogʻiston Respublikasi, viloyatlar va Toshkent shahar favqulodda vaziyatlar boshqarmalari hamda FVVga bevosita boʻysunuvchi yongʻin xavfsizligi markazlari;
mahalliy DYON organi — tuman (shahar) favqulodda vaziyatlar boʻlimlari;
obyektdagi DYON organi — oʻta muhim davlat ahamiyatiga molik yoki yongʻin va portlash xavfi yuqori boʻlgan obyektlardagi yongʻin xavfsizligini taʼminlash boʻlimlari.”.
2. 7-band quyidagi tahrirda bayon etilsin:
“7. Yongʻin xavfsizligi sohasidagi normativ-huquqiy hujjatlar loyihalari, texnik reglamentlar, standartlar, qoidalar va boshqa hujjatlarni ishlab chiqish FVVning tegishli boshqarmalari va bevosita boʻysunuvchi boʻlinmalari (boshqarma, institut, markaz) tomonidan amalga oshiriladi.”.
3. 9-banddagi “YOXBB” qisqartmasi “FVV” qisqartmasi bilan almashtirilsin.
4. 39-band quyidagi tahrirda bayon etilsin:
“39. Yongʻin xavfsizligi talablariga mos kelmaydigan mahsulotlarni ishlab chiqarish va sotish boʻyicha aniqlangan holatlar haqida “Oʻzstandart” agentligi qoshidagi Texnik jihatdan tartibga solish, standartlashtirish, sertifikatlashtirish va metrologiya sohasidagi qonunchilik talablariga rioya qilinishini taʼminlash departamentiga xabar qilinadi.”.
5. 41-banddagi “Yongʻin xavfsizligi” degan soʻzlar “Favqulodda vaziyatlar” degan soʻzlar bilan almashtirilsin.
6. 47-bandning birinchi xatboshisi quyidagi tahrirda bayon qilinsin:
“47. Meʼyoriy-texnik ishlar — FVVning markaziy, hududiy va mahalliy DYON organlari tegishli boʻlinmalarining mutaxassislari tomonidan quyidagi asosiy yoʻnalishlarda amalga oshiriladi:”.
7. 48-band quyidagi tahrirda bayon etilsin:
“48. Hududiy va mahalliy DYON organlari yongʻin xavfsizligi talablaridan asosli ravishda chetga chiqilgan yoki bunday talablar mavjud boʻlmagan holatlarni koʻrib chiqishda hamda qurilish meʼyorlari va qoidalarini qayta yoki yangidan ishlab chiqishda ishtirok etmaydi.”.
8. 54-banddagi “YOXBB meʼyoriy-texnik boʻlimi yoki YOXBBning texnik kengashi” degan soʻzlar “FVVning Davlat yongʻin nazoratini tashkil etish bosh boshqarmasi” degan soʻzlar bilan almashtirilsin.
9. 64-bandning ikkinchi xatboshisidan “(boʻlinmasi, guruhi)” degan soʻzlar chiqarib tashlansin.
10. 73-banddagi “YOXBB”, “DYOXX” va “YOXBB” degan qisqartmalar tegishlicha “FVV”, “DYON” va “FVV” degan qisqartmalar bilan almashtirilsin.
11. 108-banddagi “DYOXXning” degan soʻz “DYON organlarining” degan soʻzlar bilan almashtirilsin.
12. 128-banddagi “Qoraqalpogʻiston Respublikasi IIV, Toshkent shahar IIBB va viloyatlar IIB YOXBlari tomonidan shahar va tuman YOXBlarga” degan soʻzlar “hududiy DYON organlari tomonidan mahalliy DYON organlariga” degan soʻzlar bilan almashtirilsin.
13. 135-bandning ikkinchi xatboshisidagi “DYOXX harbiylashtirilgan va kasbiy” degan soʻzlar “FVV yongʻin-qutqaruv” degan soʻzlar bilan almashtirilsin.
14. 151-banddagi “prokuratura organlarining maxsus elektron axborot tizimiga kiritiladi va oʻrnatilgan tartibda” degan soʻzlar “Tekshiruvlarni elektron roʻyxatga olish yagona tizimiga kiritiladi va belgilangan tartibda” degan soʻzlar bilan alshmashtirilsin.
15. 158-bandning ikkinchi jumlasi chiqarib tashlansin.
16. 165-bandning ikkinchi xatboshisidagi “IIV” qisqartmasi “FVV” qisqartmasi bilan almashtirilsin.
17. Davlat yongʻin nazorati organlari faoliyatini tashkil etish va amalga oshirish tartibi toʻgʻrisidagi yoʻriqnomaning 2 — 10, 24, 30 — 32-ilovalaridagi “Ichki ishlar vazirligi” degan soʻzlar “Favqulodda vaziyatlar vazirligi” degan soʻzlar bilan almashtirilsin.
18. 19-ilovadagi “IIV, IIB HYOXQ xodimlari ___, obyektlarni qoʻriqlaydigan IIV, IIB HYOXQ xodimlari ___, aholi yashash joylarini qoʻriqlaydigan IIB KYOXQ xodimlari ___, obyektlarni qoʻriqlaydigan IIB KYOXQ”, “HYOXQ, KYOXQ” va “YOX Bosh boshqarma” degan soʻzlar tegishlicha “FVV Yongʻin-qutqaruv qismlarining xodimlari ___, obyektlarni qoʻriqlaydigan FVV Yongʻin-qutqaruv qismlarining”, “Yongʻin-qutqaruv qismi” va “Davlat yongʻin nazoratini tashkil etish bosh boshqarmasi” degan soʻzlar bilan almashtirilsin.
19. Mazkur oʻzgartirishlar Oʻzbekiston Respublikasi Qurilish vazirligi, “Oʻzstandart” agentligi va Oʻzbekiston savdo-sanoat palatasi bilan kelishilgan.
Oʻzbekiston Respublikasi Qurilish vazirining birinchi oʻrinbosari B. ZAKIROV
2019-yil 9-iyul
“Oʻzstandart” agentligi Bosh direktori D. SATTAROV
2019-yil 9-iyul
Oʻzbekiston Savdo-sanoat palatasi raisi A. IKRAMOV
2019-yil 10-iyul