Tijorat banklari tomonidan norezidentlarning Oʻzbekiston Respublikasi milliy valyutasidagi hisobvaraqlarini yuritish tartibiga oʻzgartirishlar va qoʻshimchalar kiritish toʻgʻrisida (510-6-son)

23.08.2019

Oʻzbekiston Respublikasi Markaziy banki Boshqaruvining

Qarori

[Oʻzbekiston Respublikasi Adliya vazirligi tomonidan 2019-yil 23-avgustda roʻyxatdan oʻtkazildi, roʻyxat raqami 510-6]

Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi va “Valyutani tartibga solish toʻgʻrisida”gi qonunlariga muvofiq, Oʻzbekiston Respublikasi Markaziy banki Boshqaruvi qaror qiladi:

1. Oʻzbekiston Respublikasi Markaziy banki Boshqaruvi tomonidan 1998-yil 5-sentabrda 231-son bilan tasdiqlangan Tijorat banklari tomonidan norezidentlarning Oʻzbekiston Respublikasi milliy valyutasidagi hisobvaraqlarini yuritish tartibiga (roʻyxat raqami 510, 1998-yil 22-oktabr) ilovaga muvofiq oʻzgartirishlar va qoʻshimcha kiritilsin.

2. Ushbu qaror rasmiy eʼlon qilingan kundan eʼtiboran kuchga kiradi.

Rais M. NURMURATOV

Toshkent sh.,

2019-yil 20-iyul,

16/6-son

Oʻzbekiston Respublikasi Markaziy banki Boshqaruvining 2019-yil 20-iyuldagi 16/6-son qaroriga ILOVA

Tijorat banklari tomonidan norezidentlarning Oʻzbekiston Respublikasi milliy valyutasidagi hisobvaraqlarini yuritish tartibiga kiritilayotgan oʻzgartirishlar va qoʻshimcha

1. 2.1-band quyidagi mazmundagi xatboshi bilan toʻldirilsin:

“qonun hujjatlarida belgilangan boshqa hollarda.”.

2. 4.1-bandning birinchi xatboshisi quyidagi tahrirda bayon etilsin:

“4.1. Bank faoliyati bilan shugʻullanish yoki xorijiy valyutada operatsiyalarni oʻtkazish uchun tegishli litsenziyaga ega boʻlgan xorijiy banklar Oʻzbekiston Respublikasining tijorat banklarida “loro” korrespondentlik hisobvaraqlarini ochishlari mumkin.”.

3. 4.3-bandning toʻrtinchi xatboshisi quyidagi tahrirda bayon etilsin:

“qonun hujjatlarida nazarda tutilgan boshqa joriy xalqaro operatsiyalardan olingan, shuningdek, norezidentlarning qimmatli qogʻozlarni sotishdan tushgan mablagʻlari.”.