2019/2020 oʻquv yilida Oʻzbekiston Respublikasi Bank-moliya akademiyasi magistraturasiga qabul toʻgʻrisida (667-son)

13.08.2019

Oʻzbekiston Respublikasi Vazirlar Mahkamasining

qarori

Oʻzbekiston Respublikasining moliya, bank va soliq tizimlari hamda iqtisodiyotning real sektori ayrim tarmoqlari va korxonalarida investitsiya faoliyati uchun yuqori malakali magistrlar tayyorlash maqsadida Vazirlar Mahkamasi qaror qiladi:

1. Quyidagilar:

Oʻzbekiston Respublikasi Bank-moliya akademiyasi magistraturasi boʻyicha 2019/2020 oʻquv yiliga qabul kvotalari 1-ilovaga muvofiq;

“Investitsiyalarni boshqarish (real sektor)” magistratura mutaxassisligi boʻyicha maqsadli qabul kvotalarining iqtisodiyot real sektori boʻyicha taqsimlanishi 2-ilovaga muvofiq tasdiqlansin.

2. Oʻzbekiston Respublikasi Bank-moliya akademiyasi magistraturasi qabul komissiyasiga oʻqishga kirish jarayonida magistratura mutaxassisliklari boʻyicha abituriyentlar toʻplagan ballarning reyting baholanishini hisobga olgan holda ushbu Akademiyaning qabul koʻrsatkichlariga belgilangan umumiy kvotalar doirasida oʻzgartirishlar kiritish huquqi berilsin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2019-yil 13-avgust,

667-son

Vazirlar Mahkamasining 2019-yil 13-avgustdagi 667-son qaroriga 1-ILOVA

Oʻzbekiston Respublikasi Bank-moliya akademiyasi magistraturasi boʻyicha 2019/2020 oʻquv yiliga

QABUL KVOTALARI

T/r. Shifr Mutaxassislik nomi Jami shu jumladan grant kontrakt 1. 5A233703 Iqtisodiyotni monetar tartibga solish 10 7 3 2. 5A233704 Tijorat banklarini boshqarish 35 10 25 3. 5A233705 Bank hisobi, auditi va nazorati 12 5 7 4. 5A230603 Investitsiyalarni boshqarish (bank sektori) 26 6 20 5. 5A230603 Investitsiyalarni boshqarish (real sektor) 14 4 10 6. 5A230601 Davlat moliyasini boshqarish 33 18 15 7. 5A233701 Davlat moliyaviy nazorati va auditi 10 3 7 8. 5A233706 Sugʻurta kompaniyalarini boshqarish 10 - 10 9. 5A233707 Pensiya fondlarini boshqarish 15 10 5 10. 5A233702 Korporativ moliyani boshqarish 10 2 8 11. 5A230801 Soliqlar va soliqqa tortish 25 10* 15 Jami: 200 75 125

Izoh. “Davlat moliyasini boshqarish” magistratura mutaxassisligi boʻyicha davlat granti asosida 2 (ikkita) oʻrin Oʻzbekiston Respublikasi Mudofaa vazirligi uchun, 1 (bitta) oʻrin Oʻzbekiston Respublikasi Favqulodda vaziyatlar vazirligi uchun maqsadli ravishda ajratilgan.

* Oʻzbekiston Respublikasi Davlat soliq qoʻmitasining budjetdan tashqari mablagʻlari hisobidan moliyalashtiriladi.

Vazirlar Mahkamasining 2019-yil 13-avgustdagi 667-son qaroriga 2-ILOVA

“Investitsiyalarni boshqarish (real sektor)” mutaxassisligi boʻyicha maqsadli qabul kvotalarning iqtisodiyot real sektori boʻyicha taqsimlanishi

T/r. Vazirlik, idora va korxonalarning nomi Jami shu jumladan: grant kontrakt 1. Oʻzbekiston Respublikasi Investitsiyalar va tashqi savdo vazirligi 1 1 - 2. Oʻzbekiston Respublikasi Suv xoʻjaligi vazirligi 2 1 1 3. Oʻzbekiston Respublikasi Innovatsion rivojlanish vazirligi 1 1 - 4. Oʻzbekiston Respublikasi Oʻrmon xoʻjaligi davlat qoʻmitasi 1 1 5. “Oʻzagroservis” AJ 1 - 1 6. “Oʻzbekiston temir yoʻllari” AJ 3 - 3 7. “Oʻzbekneftgaz” AJ 1 - 1 8. “Oʻzdonmahsulot” AK 1 - 1 9. “Navoiy KMK” DK 2 - 2 10. “Qishloq qurilish bank” ATB 1 - 1 Jami: 14 4 10