Qimmatli qogʻozlar egalarining reyestri toʻgʻrisidagi nizomga oʻzgartirishlar kiritish toʻgʻrisida (1911-6-son)

05.08.2019

Oʻzbekiston Respublikasi Kapital bozorini rivojlantirish agentligi direktorining

buyrugʻi

[Oʻzbekiston Respublikasi Adliya vazirligi tomonidan 2019-yil 5-avgustda roʻyxatdan oʻtkazildi, roʻyxat raqami 1911-6]

Oʻzbekiston Respublikasi Prezidentining 2019-yil 5-fevraldagi PQ-4160-son “Jahon banki va Xalqaro moliya korporatsiyasining “Biznes yuritish” yillik hisobotida Oʻzbekiston Respublikasining reytingini yaxshilashga doir qoʻshimcha chora-tadbirlar toʻgʻrisida”gi qaroriga muvofiq buyuraman:

1. Oʻzbekiston Respublikasi Davlat mulki qoʻmitasi huzuridagi Qimmatli qogʻozlar bozori faoliyatini muvofiqlashtirish va nazorat qilish markazi bosh direktorining 2009-yil 30-yanvardagi 2009-05-sonli buyrugʻi (roʻyxat raqami 1911, 2009-yil 25-fevral) (Oʻzbekiston Respublikasi qonun hujjatlari toʻplami, 2009-y., 9-son, 100-modda) bilan tasdiqlangan Qimmatli qogʻozlar egalarining reyestri toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

Direktor A. NAZIROV

Toshkent sh.,

2019-yil 26-iyul,

2019-48-son

Oʻzbekiston Respublikasi Kapital bozorini rivojlantirish agentligi direktorining 2019-yil 26-iyuldagi 2019-48-son buyrugʻiga ILOVA

Qimmatli qogʻozlar egalarining reyestri toʻgʻrisidagi nizomga kiritilayotgan oʻzgartirishlar

1. 18-banddagi “tashkilotning asosiy muhri” degan soʻzlar “tashkilot rahbarining imzosi” degan soʻzlar bilan almashtirilsin.

2. 201-bandning beshinchi xatboshisidan “va uning muhri bilan tasdiqlangan” degan soʻzlar chiqarib tashlansin.