Pillachilik tarmogʻida chuqur qayta ishlashni rivojlantirish boʻyicha qoʻshimcha chora-tadbirlar toʻgʻrisida (PQ-4411-son)

31.07.2019

Oʻzbekiston Respublikasi Prezidentining

Qarori

Soʻnggi yillarda respublikada pillachilik sohasini rivojlantirish, ishlab chiqariladigan mahsulotlarning turlarini kengaytirish, shuningdek, pillachilik tarmogʻi korxonalarining eksport va investitsiya faoliyatini har tomonlama qoʻllab-quvvatlash boʻyicha kompleks chora-tadbirlar amalga oshirilmoqda.

Amalga oshirilayotgan chora-tadbirlar pilla xomashyosi yetishtirish hajmini oshirish, uni qayta ishlash hisobiga eksportbop ipak mahsulotlari ishlab chiqarish hajmini koʻpaytirish, shuningdek, respublikamizning chekka hududlaridagi aholi, ayniqsa ayollar bandligini taʼminlash imkonini berdi.

Shu bilan birga, jahon bozori konyunkturasining tez fursatlar bilan oʻzgarib borayotganligi, isteʼmolchilarning talablari kuchayayotganligi, shuningdek, xorijiy bozorlarda oʻzbek mahsulotlariga boʻlgan talab oshayotganligi pillachilik sohasini rivojlantirish boʻyicha koʻrilayotgan chora-tadbirlarning izchil amalga oshirilishini talab qilmoqda.

Pillachilik tarmogʻida amalga oshirilayotgan islohotlarni yanada chuqurlashtirish, sohani jadal rivojlantirish va diversifikatsiya qilish uchun qulay shart-sharoitlar yaratish, ishlab chiqarishni tashkil etishning klaster usulini keng joriy etish, pillani chuqur qayta ishlashda investitsiyalar hajmini oshirish hamda yuqori qoʻshilgan qiymatli tayyor mahsulotlar ishlab chiqarishni keng yoʻlga qoʻyish maqsadida:

1. Quyidagilar:

pillachilik klasterini tashkil etishda korxonalarning iqtisodiy faoliyat turlari roʻyxati 1-ilovaga muvofiq;

pillachilik klasterlarini tashkil etadigan “Oʻzbekipaksanoat” uyushmasi tarkibidagi korxonalar roʻyxati 2-ilovaga muvofiq;

2019 — 2025-yillarda “Oʻzbekipaksanoat” uyushmasi tarkibidagi korxonalar tomonidan ipak mahsulotlari ishlab chiqarish va eksport qilish boʻyicha prognoz parametrlari 3-ilovaga muvofiq;

2019 — 2021-yillarda pillachilik tarmogʻida chuqur qayta ishlashni tashkil etish asosida amalga oshiriladigan investitsiya loyihalari roʻyxati 4-ilovaga muvofiq;

pillachilik sohasini yanada rivojlantirish boʻyicha amaliy chora-tadbirlar rejasi 5-ilovaga muvofiq maʼqullansin.

2. Belgilab qoʻyilsinki:

2022-yil 1-avgustga qadar pillachilik tarmogʻi korxonalariga (ularning vakolatli vakillariga) 6-ilovaga muvofiq roʻyxat boʻyicha mahsulotlarni AQSH, Xitoy, Hindiston va Turkiyaga eksport qilishda havo va temir yoʻllari transportida tashish xarajatlarining 50 foizigacha miqdorini, Yevropa Ittifoqi davlatlariga eksport qilishda havo va temir yoʻllari transportida tashish xarajatlarining 70 foizigacha miqdorini Oʻzbekiston Respublikasi Davlat budjeti mablagʻlari hisobidan kompensatsiya qilishga subsidiyalar taqdim etiladi;

“Oʻzbekipaksanoat” uyushmasi tarkibiga kiruvchi korxonalar tomonidan pilla yetishtirish boʻyicha tuzilgan shartnoma asosida pilla yetishtiruvchi subyektlarga (ularning roziligi bilan) avans hisobiga keyinchalik tayyorlanadigan pilla uchun toʻlov summasiga oʻtkazgan holda yetkazib berilgan tut ipak qurti urugʻi va pilla yetishtirish uchun zarur boshqa moddiy-texnika resurslari hamda tut koʻchatlari qiymati tovarlarni (ishlarni, xizmatlarni) realizatsiya qilish oboroti deb hisoblanmaydi;

lizing asosida qishloq xoʻjaligi texnikasini xarid qilish, mineral oʻgʻitlar, urugʻlik, oʻsimliklarni kimyoviy himoya qilish vositalari va boshqa material resurslarini yetkazib berish boʻyicha fermer xoʻjaliklari uchun nazarda tutilgan shartlar hamda tartib pillachilik tarmogʻi korxonalariga ham tatbiq etiladi;

2020-yil 1-yanvardan boshlab tut daraxtlarini gʻayriqonuniy ravishda kesganlik, shikastlantirganlik yoki yoʻq qilganlik uchun undirilgan jarimalarning 50 foizi huquqbuzarlik sodir etilgan hududda yangi tut koʻchatlarini ekish uchun maqsadli yoʻnaltiriladi;

Oʻzbekiston Respublikasi Prezidentining 2018-yil 29-noyabrdagi “Mahalliy ishlab chiqaruvchilarning eksport salohiyatini yanada ragʻbatlantirish chora-tadbirlari toʻgʻrisida”gi PF-5587-son Farmoni 1-bandida nazarda tutilgan imtiyozlar 2021-yil 1-yanvarga qadar xom ipak (TIF TN kodi 5002) va ipak momigʻi (TIF TN kodi 5003) mahsulotlariga ham tatbiq etiladi. Bunda, imtiyozlarni qoʻllash natijasida boʻshaydigan mablagʻlar ishlab chiqarishni modernizatsiya qilish, shu jumladan texnologik uskunalar sotib olish uchun maqsadli tarzda yoʻnaltiriladi;

Oʻzbekiston Respublikasi Prezidentining 2018-yil 4-dekabrdagi “Respublikada pillachilik tarmogʻini jadal rivojlantirishni qoʻllab-quvvatlashga doir qoʻshimcha chora-tadbirlar toʻgʻrisida”gi PQ-4047-son qarori 5-bandida nazarda tutilgan kompensatsiya taqdim etish tartibi loyihalar qiymati va sonidan qatʼi nazar pilla yetishtirishni, shu jumladan pilla yetishtiruvchi fermer xoʻjaliklari va kasanachilarga boʻnak berishni, ular bilan yakuniy hisob-kitoblarni amalga oshirishni hamda qurilish va rekonstruksiya ishlarini moliyalashtirish maqsadlari uchun ham tatbiq etiladi va mazkur tartibning amal qilish muddati 2023-yil 1-yanvarga qadar uzaytiriladi.

3. “Oʻzbekipaksanoat” uyushmasi:

hududlarda “Oʻzbekipaksanoat” uyushmasi tarkibiga kiruvchi korxonalar tomonidan tut koʻchatlarining ekilishi, ipak qurti urugʻi va pilla yetishtirish, pillani chuqur qayta ishlash, ipak, ipak momigʻi va ipakdan chuqur qayta ishlangan mahsulotlar eksportini amalga oshirish, investitsiyalarni jalb etish va yangi ish oʻrinlarini yaratish boʻyicha prognoz koʻrsatkichlarining toʻliq bajarilishini muntazam ravishda monitoring qilib borsin;

tut koʻchatlarini ekish, ipak qurtini parvarishlash inshootlarini qurish, pilla yetishtirish va uni chuqur qayta ishlashni tashkil qilish, ipak mahsulotlari eksportini amalga oshirish va yangi ish oʻrinlari yaratish boʻyicha belgilangan koʻrsatkichlarni taʼminlashda sustkashlikka yoʻl qoʻyayotgan “Oʻzbekipaksanoat” uyushmasi tarkibiga kiruvchi korxonalar boʻyicha ularga taqdim etilgan imtiyozlarni qayta koʻrib chiqish yuzasidan Oʻzbekiston Respublikasi Vazirlar Mahkamasiga takliflar kiritib borsin;

tirik pilla yetishtiruvchilardan yetishtirilgan tirik pillani sotib olish (ularning tirik pilla yetishtirish xizmati) narxini 2020-yildan kamida 20 foizga, 2021-yildan yana kamida 10 foizga oshirish choralarini koʻrsin.

4. Qoraqalpogʻiston Respublikasi Vazirlar Kengashi va viloyat hokimliklari 2020-yil 1-yanvarga qadar fermer va dehqon xoʻjaliklariga, qishloq xoʻjaligi hamda paxtachilik-toʻqimachilik klasterlariga yer uchastkalarini ajratish toʻgʻrisidagi qarorlarda hamda yer uchastkalari ijarasi shartnomalari (shu jumladan oldin qabul qilingan qarorlar va tuzilgan shartnomalarda) “Oʻzbekipaksanoat” uyushmasi tarkibidagi korxonalarning mazkur yer uchastkalaridagi qishloq xoʻjaligi ekin maydonlari chetida va yoʻl boʻyida joylashgan tut daraxtlaridan pilla yetishtirish uchun ozuqa sifatida foydalanish huquqi nazarda tutilishini taʼminlasin.

5. Ipakchilik ilmiy-tadqiqot instituti tasarrufida Fargʻona, Samarqand, Xorazm, Qashqadaryo va Surxondaryo viloyatlarida naslli ipak qurti urugʻi yetishtiruvchi muassasalari (keyingi oʻrinlarda — muassasalar) tashkil etilsin.

Belgilansinki, muassasalarning moliyaviy-xoʻjalik faoliyati bilan bogʻliq xarajatlarini moliyalashtirish:

ularning xoʻjalik faoliyatini amalga oshirishdan tushadigan mablagʻlar;

jismoniy va yuridik shaxslarning homiylik xayriyalari;

xalqaro moliya institutlari grantlari;

qonun hujjatlarida taqiqlanmagan boshqa manbalar hisobidan amalga oshiriladi.

6. Fargʻona, Samarqand, Xorazm, Qashqadaryo va Surxondaryo viloyatlari hokimliklari Oʻzbekiston Respublikasi Davlat aktivlarini boshqarish agentligi bilan birgalikda muassasalarga davlatga tegishli boʻsh turgan binolarda ijara haqining “nol” stavkasini belgilagan holda zarur maydonlarni ajratsin.

7. Oʻzbekiston Respublikasi Ekologiya va atrof muhitni muhofaza qilish davlat qoʻmitasi “Oʻzbekipaksanoat” uyushmasi bilan birgalikda:

ikki oy muddatda tut daraxtlarini gʻayriqonuniy ravishda kesganlik, shikastlantirganlik yoki yoʻq qilganlik uchun undirilgan jarimalarning 50 foizi huquqbuzarlik sodir etilgan hududda yangi tut koʻchatlarini ekish uchun maqsadli yoʻnaltirish tartibini ishlab chiqsin va tasdiqlash uchun Vazirlar Mahkamasiga kiritsin;

2019-yil 1-noyabrga qadar qishloq xoʻjaligi ekinlari dalalari chetidagi va yoʻl boʻyidagi tut daraxtlarini xatlovdan oʻtkazib, qatʼiy hisobini yuritish va ularni gʻayriqonuniy ravishda kesish, shikastlantirish yoki yoʻq qilish holatlarining oldini olish choralarini koʻrsin.

8. Oʻzbekiston Respublikasi Innovatsion rivojlanish vazirligi Moliya vazirligi va “Oʻzbekipaksanoat” uyushmasi bilan birgalikda 2019-yil 1-dekabrga qadar davlat budjeti mablagʻlari hisobidan Ipakchilik ilmiy-tadqiqot institutida “Tut ipak qurti ekologiyasi va kimyoviy zaharlanish profilaktikasi” laboratoriyasini tashkil etsin.

9. 2022-yil 1-avgustga qadar “Oʻzbekipaksanoat” uyushmasi tarkibidagi korxonalar tomonidan ipak qurti urugʻlarini, istisno tariqasida, “bojxona hududidan tashqarida qayta ishlash” bojxona rejimiga joylashtirishga ruxsat berilsin hamda olib chiqilishi natijasida tayyorlangan pillalarni respublika hududiga olib kirishda bojxona toʻlovlaridan (bojxona yigʻimlaridan tashqari) ozod etilsin.

10. Oʻzbekiston Respublikasi Investitsiyalar va tashqi savdo vazirligi:

Tashqi ishlar vazirligi, Davlat bojxona qoʻmitasi va “Oʻzbekipaksanoat” uyushmasi bilan birgalikda mahalliy ipak mahsulotlari eksport qilinayotgan xorijiy davlatlarning bojxona tarif stavkalarini tahlil qilib, ularni kamaytirish masalalarini ushbu davlatlar bilan oʻtkaziladigan hukumatlararo komissiyalarning (qoʻmitalar, kengashlar va ishchi guruhlar) kun tartibi va yakuniy bayonnomalari loyihalariga kiritish;

“Oʻzbekipaksanoat” uyushmasi tarkibiga kiruvchi korxonalarga xorijiy davlatlarda koʻrgazma stendlarini tashkil qilish va xalqaro koʻrgazma-yarmarkalarda ishtirok etish boʻyicha xarajatlarini kompensatsiya qilish choralarini koʻrsin.

11. Oʻzbekiston Respublikasi Energetika vazirligi “Hududgaztaʼminot” AJ, “Hududiy elektr tarmoqlari” AJ va “Oʻzbekipaksanoat” uyushmasi bilan birgalikda ikki oy muddatda pillachilik tarmogʻi korxonalarining elektr energiyasi va gaz tarmoqlariga ulanganligi hamda uzluksiz taʼminlanganligi holatini oʻrganib chiqib, mavjud kamchiliklarni bartaraf etish boʻyicha Vazirlar Mahkamasiga taklif kiritsin.

12. Oʻzbekiston Milliy axborot agentligi, Oʻzbekiston Milliy teleradiokompaniyasiga pillachilik tarmogʻida hunarmandchilik va kasanachilik uchun yaratilayotgan shart-sharoitlarni hamda islohotlarni amalga oshirish jarayonlarini ommaviy axborot vositalarida keng yoritish, maqolalar chop etish, teleradiodasturlarni efirga uzatish hamda Internet tarmoqlariga joylashtirish tavsiya etilsin.

13. Oʻzbekiston Respublikasi Prezidentining ayrim hujjatlariga 7-ilovaga muvofiq oʻzgartirishlar kiritilsin.

14. Oʻzbekiston Respublikasi Iqtisodiyot va sanoat vazirligi manfaatdor vazirlik va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisidagi takliflarni Vazirlar Mahkamasiga kiritsin.

15. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining maslahatchisi R.A. Gulyamov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2019-yil 31-iyul,

PQ-4411-son

Oʻzbekiston Respublikasi Prezidentining 2019-yil 31-iyuldagi PQ-4411-son qaroriga 1-ILOVA

Pillachilik klasterini tashkil etishda korxonalarning iqtisodiy faoliyat turlari

Roʻyxati

T/r Faoliyat turi iFUT boʻyicha kodi 1. Tut niholi va koʻchati yetishtirish 01119 2. Ipak qurtini koʻpaytirish 01251 3. Ipak tolalarini tayyorlash va yigirish 17150 4. Ipak gazlama ishlab chiqarish 17240 5. Tut choyi ishlab chiqarish 15860 6. Gilam va gilam mahsulotlari ishlab chiqarish 17510 7. Ipak gazlamadan tayyor kiyimlar ishlab chiqarish 18240

Izoh: Mazkur roʻyxatga, zarurat boʻlganda, “Oʻzbekipaksanoat” uyushmasi tomonidan Oʻzbekiston Respublikasi Vazirlar Mahkamasi bilan kelishilgan holda oʻzgartirishlar kiritilishi mumkin.

Oʻzbekiston Respublikasi Prezidentining 2019-yil 31-iyuldagi PQ-4411-son qaroriga 2-ILOVA

Pillachilik klasterlarini tashkil etadigan “Oʻzbekipaksanoat” uyushmasi tarkibidagi korxonalar

ROʻYXATI

T/r Pillani qayta ishlash korxonalari nomi Biriktirilgan hududlar nomi Qoraqalpogʻiston Respublikasi 1. “Jayhun Silk” masʼuliyati cheklangan jamiyat Amudaryo Qonlikoʻl Nukus Xoʻjayli Shumanay Taxiatosh Kegeyli Chimboy 2. “Bustan silk” masʼuliyati cheklangan jamiyat Ellikqalʼa 3. “Biy Bazar Silk Carpets” masʼuliyati cheklangan jamiyat Toʻrtkoʻl 4. “KKR IPAK CLUSTER” masʼuliyati cheklangan jamiyat Beruniy Andijon viloyati 5. “Andijan silk co” masʼuliyati cheklangan jamiyati qoʻshma korxonasi Paxtaobod Izboskan Andijon Marhamat 6. “Asaka ipagi” masʼuliyati cheklangan jamiyat Asaka 7. “Oltinkoʼl zar ipagi “ masʼuliyati cheklangan jamiyat Oltinkoʻl 8. “Andijon-xanoy ipagi” masʼuliyati cheklangan jamiyat Baliqchi Boʻz Ulugʻnor 9. “Xarir tola” masʼuliyati cheklangan jamiyat Jalaquduq Qoʻrgʻontepa Buloqboshi 10. “Sapfir sanoat” masʼuliyati cheklangan jamiyat Xoʻjaobod Shahrixon Buxoro viloyati 11. “Bukhara brilliant silk” masʼuliyati cheklangan jamiyat Peshku Shofirkon 12. “Romstar” masʼuliyati cheklangan jamiyat shaklidagi Oʻzbekiston-Amerika-Rossiya qoʻshma korxonasi Romitan Jondor 13. “Kumushkent ipagi” masʼuliyati cheklangan jamiyat Vobkent Kogon 14. “Silk Service” masʼuliyati cheklangan jamiyat Buxoro 15. “Olot ipak tolasi” masʼuliyati cheklangan jamiyat Olot 16. “Qorakoʼl ipak cluster” masʼuliyati cheklangan jamiyat Qorakoʻl 17. “Gʼijduvon ipag tola” masʼuliyati cheklangan jamiyat Gʻijduvon Jizzax viloyati 18. “Silk expert processing” masʼuliyati cheklangan jamiyat Forish Doʻstlik Zafarobod Paxtakor 19. “Al Abbos silk” masʼuliyati cheklangan jamiyat Arnasoy Mirzachoʻl 20. “Zomin asl ipak tolasi” xususiy korxonasi Baxmal Zomin Zarbdor Sh. Rashidov Yangiobod 21. “Gʼallaorol silk eksport” masʼuliyati cheklangan jamiyat Gʻallaorol Qashqadaryo viloyati 22. “Radiant silk” masʼuliyati cheklangan jamiyat Gʻuzor Dehqonobod Qamashi Qarshi Mirishkor Muborak Nishon 23. “Shakhrisabz silk production” masʼuliyati cheklangan jamiyat Kitob Shahrisabz 24. “Yakkabogʼ silk production” masʼuliyati cheklangan jamiyat Yakkabogʻ 25. “Chiroqchi-tolasi” masʼuliyati cheklangan jamiyat Chiroqchi 26. “Koson silk” masʼuliyati cheklangan jamiyat Koson 27. “Kasbi silk” masʼuliyati cheklangan jamiyat Kasbi Navoiy viloyati 28. “Al-aziz ipagi” masʼuliyati cheklangan jamiyat Konimex Navbahor 29. “Xatirchi pilla xazinasi” xususiy korxonasi Xatirchi 30. “Ipak qurti urugʻi” masʼuliyati cheklangan jamiyat Karmana 31. “Qiziltepa Pillachilik” masʼuliyati cheklangan jamiyat Qiziltepa 32. “Navoiy silk production 2020” masʼuliyati cheklangan jamiyat Nurota Namangan viloyati 33. “Verigrow ipagi” masʼuliyati cheklangan jamiyat shaklidagi xorijiy korxona Mingbuloq Chust Kosonsoy 34. “Golden silk” shuʼba korxonasi Namangan 35. “Fabrictex” masʼuliyati cheklangan jamiyat Norin Uchqoʻrgʻon 36. “Marjon tola fayz” masʼuliyati cheklangan jamiyat Uychi 37. “Zilol silk” masʼuliyati cheklangan jamiyat Toʻraqoʻrgʻon 38. “Sof ipak invest” masʼuliyati cheklangan jamiyat Chortoq Pop 39. “Silkrow” masʼuliyati cheklangan jamiyat Yangiqoʻrgʻon Samarqand viloyati 40. “Kumush tola” xususiy korxonasi Kattaqoʻrgʻon 41. “Samarkand silk ao” masʼuliyati cheklangan jamiyat Narpay 42. “Elbek t.r.j” masʼuliyati cheklangan jamiyat Pastdargʻom Samarqand Nurobod 43. “Oqdaryo ipagi” masʼuliyati cheklangan jamiyat Oqdaryo 44. “Ziyovuddin silk” masʼuliyati cheklangan jamiyat Paxtachi 45. “Jomboy silk” masʼuliyati cheklangan jamiyat Jomboy Qoʻshrabot 46. “Zar oltin pilla” masʼuliyati cheklangan jamiyat Bulungʻur 47. “Tayloq ipagi” masʼuliyati cheklangan jamiyat Tayloq 48. “Payariq ipagi” masʼuliyati cheklangan jamiyat Payariq 49. “Urgut Silk Fiber Company” masʼuliyati cheklangan jamiyat Urgut 50. “Ishtixon silk” masʼuliyati cheklangan jamiyat Ishtixon Sirdaryo viloyati 51. “Agro global” masʼuliyati cheklangan jamiyat shaklidagi qoʻshma korxona Oqoltin Boyovut Sayxunobod Guliston Sardoba Sirdaryo Mirzaobod Xovos Surxondaryo viloyati 52. “Surxon ipagi” masʼuliyati cheklangan jamiyat Angor Boysun Qiziriq Muzrabot Sherobod Bandixon 53. “Inter silk pro” masʼuliyati cheklangan jamiyat shaklidagi Oʻzbekiston-Xitoy qoʻshma korxonasi Termiz Oltinsoy Shoʻrchi 54. “Sino silk” masʼuliyati cheklangan jamiyat Denov Uzun Sariosiyo 55. “Silk village” masʼuliyati cheklangan jamiyat Jarqoʻrgʻon 56. “Silk town” masʼuliyati cheklangan jamiyat Qumqoʻrgʻon Toshkent viloyati 57. “Ravnaq-silk” masʼuliyati cheklangan jamiyat shaklidagi qoʻshma korxonasi Bekobod 58. “Turan silk” masʼuliyati cheklangan jamiyat Oqqoʻrgʻon 59. “Tashkent Silk Pro” masʼuliyati cheklangan jamiyat Boʻka 60. “Bio Farm Elit” masʼuliyati cheklangan jamiyat Yangiyoʻl 61. “Jinjuz silk co” masʼuliyati cheklangan jamiyat shaklidagi xorijiy korxona Ohangaron Piskent 62. “Oltin pilla 2020” masʼuliyati cheklangan jamiyat Chinoz Oʻrtachirchiq Yuqorichirchiq 63. “Javoxir Silver Silk” masʼuliyati cheklangan jamiyat Boʻstonliq Qibray 64. “TCT Agrocluster” masʼuliyati cheklangan jamiyat Quyichirchiq Fargʻona viloyati 65. “Nurli tong silk” masʼuliyati cheklangan jamiyat Oʻzbekiston Qoʻshtepa Furqat Quvasoy sh. Rishton 66. “Beshariq ipagi” masʼuliyati cheklangan jamiyat Beshariq 67. “Dangʼara ipagi” masʼuliyati cheklangan jamiyat Dangʻara 68. “Silk World Business” masʼuliyati cheklangan jamiyat Bagʻdod 69. “Kapital investkom” masʼuliyati cheklangan jamiyat qoshidagi “Vodil ipak yigiruv” shuʼba korxonasi Oltiariq Fargʻona Fargʻona sh. Quva Buvayda 70. “Toshloq silk” masʼuliyati cheklangan jamiyat Toshloq Yozyovon 71. “Vodiy marjoni” xususiy korxonasi Soʻx 72. “Uchkoʼprik ipagi” masʼuliyati cheklangan jamiyat Uchkoʻprik Xorazm viloyati 73. “Khiva silk fabric” masʼuliyati cheklangan jamiyat Gurlan Qoʻshkoʻpir Xiva Yangibozor 74. “Xorazm pilla xolding” masʼuliyati cheklangan jamiyat Urganch Xonqa Yangiariq Hazorasp Tuproqqalʼa 75. “Bogʼot Silk Co” masʼuliyati cheklangan jamiyat Bogʻot 76. “Shovot pilla” masʼuliyati cheklangan jamiyat Shovot

Izoh: Mazkur roʻyxatga, zarurat boʻlganda, “Oʻzbekipaksanoat” uyushmasi tomonidan Oʻzbekiston Respublikasi Vazirlar Mahkamasi bilan kelishilgan holda oʻzgartirishlar kiritilishi mumkin.

Oʻzbekiston Respublikasi Prezidentining 2019-yil 31-iyuldagi PQ-4411-son qaroriga 3-ILOVA

2019 — 2025-yillarda “Oʻzbekipaksanoat” uyushmasi tarkibidagi korxonalar tomonidan ipak mahsulotlari ishlab chiqarish va eksport qilish boʻyicha

PROGNOZ PARAMETRLARI

T/r Mahsulotlar nomi Oʻlchov birligi 2018-y. (haqiqatda) 2019-y. (prognoz) 2020-y. (prognoz) 2021-y. (prognoz) 2022-y. (prognoz) 2023-y. (prognoz) 2024-y. (prognoz) 2025-y. (prognoz) Oʻsish surʼati %, (2018 — 2025-yillar oraligʻida) I. Xom, yarim tayyor va tayyor mahsulotlarni ishlab chiqarish hajmi ming AQSH doll. ekv. 172472,2 193364,3 247755,8 303980,9 382832,4 551616,1 776902,1 977936,7 5,7 baravar 1. Tirik pilla tonna 18000 19250 21010 22 473 24 047 25 728 27 541 30 007 1,7 baravar 2. Xom ipak tonna 1910 2037 2222,2 2377,8 2544,2 2722,3 3121,7 3180,8 1,7 baravar 3. Ipak momigʻi tonna 511,3 679 740,7 792,6 848,1 907,4 1040,6 1060,3 2,1 baravar 4. Kalavalangan ipak ip tonna 261,3 359,3 653,3 815,6 1 122 1467,9 1833,6 2182 8,4 baravar 5. Ipak mato ming p.m 2933 4033 7333,5 9154,7 12341,8 16146,6 20169,8 24002 8,2 baravar 6. Ipak gilamlari dona 60 90 109 342 885 1 140 1 960 2450 40,8 baravar 7. Tayyor ipakli mahsulot ming dona 60,5 403,3 653,7 935,7 1694,6 4 967,6 6 931 12557,3 207,6 baravar II. Ipak mahsulotlarini eksport hajmi ming AQSH doll. 50737,2 65209,2 73812,3 86670 151886,7 216 490,3 336650,5 515922,1 10,2 baravar

Oʻzbekiston Respublikasi Prezidentining 2019-yil 31-iyuldagi PQ-4411-son qaroriga 4-ILOVA

2019 — 2021-yillarda pillachilik tarmogʻida chuqur qayta ishlashni tashkil etish asosida amalga oshiriladigan investitsiya loyihalari

ROʻYXATI

mln. AQSH dollar T/r Loyihalar va tashabbuskorlar nomi Yillik loyiha quvvati Amalga oshirish muddati Jami loyiha qiymati shu jumladan, moliyalashtirish manbalari boʻyicha oʻz mablagʻlari tijorat banklari kreditlari xorijiy investitsiya Jami (59 loyiha) 151,5 67,4 48,1 36,0 Qoraqalpogʻiston Respublikasi (3 ta loyiha) 6,3 2,9 2,9 0,5 1. “Asia Silk” SHK da ipakli mahsulotlar ishlab chiqarishni tashkil etish Ipak mato — 300 ming p.m. 2020yil 4-chorak 1,3 0,7 0,6 Ipak momigʻi — 18,4tn 2019yil 4-chorak 2. “Bustan silk” MCHJda ipakli mahsulotlar ishlab chiqarishni tashkil etish Xom ipak — 48 tn Ipak momigʻi — 18,4 tn 2019-yil 3-chorak 4,0 2,0 2,0 Eshilgan ipak ipi — 9,2 tn Ipak gilam — 50 kv.metr 2020-yil 2-chorak Ipak mato — 55,2 ming p.m. 2021-yil 3-chorak 3. “Turtkul Silk worm Rro” MCHJda sanoatbop ipak qurti urugʻi ishlab chiqarishni tashkil etish Sanoatbop ipak qurti urugʻi — 20 ming quti 2020-yil 2-chorak 1,0 0,25 0,25 0,5 Andijon viloyati (7 ta loyiha) 12,2 6,4 3,0 2,8 4. “Andijan silk co” MCHJda ipakli mahsulotlar ishlab chiqarishni tashkil etish Ipak mato — 691,2 ming p.m. 2019yil 4-chorak 3,0 2,5 0,5 5. “Royal silk” MCHJda ipakli mahsulotlar ishlab chiqarishni tashkil etish Ipak mato — 150 ming p.m. 2020-yil 4-chorak 0,7 0,7 Ipak momigʻi — 9,2 tn 2020-yil 2-chorak 6. “Andijon-xanoy ipagi” MCHJda ipakli mahsulotlar ishlab chiqarishni tashkil etish Ipak mato — 300 ming p.m. 2020yil 4-chorak 1,4 0,7 0,7 Ipak momigʻi — 27,6tn 2020-yil 1-chorak 7. “Xarir tola” MCHJda ipakli mahsulotlar ishlab chiqarishni tashkil etish Ipak mato — 82,8 ming p.m. 2020yil 4-chorak 0,4 0,4 8. “Sapfir sanoat” MCHJda ipakli mahsulotlar ishlab chiqarishni tashkil etish Ipak mato — 150 ming p.m. 2020yil 4-chorak 0,7 0,4 0,3 Ipak momigʻi — 9,2 tn 2020-yil 2-chorak 9. “JM Silk Production” MCHJda ipakli mahsulotlar ishlab chiqarishni tashkil etish Xom ipak — 48 tn Ipak momigʻi — 18,4 tn 2019-yil 3-chorak 5,0 1,5 1,5 2,0 Eshilgan ipak ipi — 9,2 tn Ipak gilam — 50 kv.metr 2020-yil 2-chorak Ipak mato — 55,2 ming p.m. 2021-yil 3-chorak 10. “RK Silk Corporation” MCHJda ipakli mahsulotlar ishlab chiqarishni tashkil etish Eshilgan ipak ip — 9,2 tn Ipak mato — 165,8 ming p.m. 2019-yil 4-chorak 1,0 0,2 0,5 0,3 Buxoro viloyati (3 ta loyiha) 38,0 10,0 8,0 20,0 11. “Bukhara brilliant silk” MCHJda ipakli mahsulotlar ishlab chiqarishni tashkil etish Ipak mato — 500 ming p.m. 2019-yil 4-chorak 35,0 7,5 7,5 20,0 Ipak matoga rang berish va gul bosish — 150 ming p.m. 2020-yil 3-chorak Ipakli tayyor kiyim-kechak — 600 ming dona 2021-yil 3-chorak 12. “Romstar” MCHJ QKda ipakli mahsulotlar ishlab chiqarishni tashkil etish Ipak mato — 600 ming p.m. 2020yil 4-chorak 2,0 1,5 0,5 13. “Kumushkent ipagi” MCHJda ipakli mahsulotlar ishlab chiqarishni tashkil etish Ipak mato — 225 ming p.m. 2019yil 4-chorak 1,0 1,0 Jizzax viloyati (3 ta loyiha) 5,7 2,9 2,2 0,6 14. “Silk expert processing” MCHJda ipakli mahsulotlar ishlab chiqarishni tashkil etish Ipak momigʻi — 18,4 tn 2020-yil 2-chorak 1,3 0,7 0,6 Ipak mato — 276,5 ming p.m 2021-yil 1-chorak 15. “Zomin Teks Eksport” MCHJda ipakli mahsulotlar ishlab chiqarishni tashkil etish Xom ipak — 48 tn 2019-yil 3-chorak 4,0 2,0 2,0 Eshilgan ipak ipi — 9,2 tn Ipak gilam — 35 kv.metr 2020-yil 3 -chorak Ipak mato — 55,2 ming p.m . 2021-yil 4-chorak 16. “Zomin asl ipak tolasi” MCHJda ipakli mahsulotlar ishlab chiqarishni tashkil etish Ipak mato — 55,2 ming p.m 2021-yil 1-chorak 0,4 0,2 0,2 Qashqadaryo viloyati (3 ta loyiha) 7,7 6,4 1,3 17. “Radiant silk” MCHJ QKda ipakli mahsulotlar ishlab chiqarishni tashkil etish Ipak mato — 165,6 ming p.m. 2019-yil 4-chorak 0,7 0,4 0,3 18. “Shakhrisabz silk production” MCHJ Shaxrisabz tumanida ipakli mahsulotlar ishlab chiqarishni tashkil etish Xom ipak — 48 tn 2019-yil 3-chorak 5,0 5,0 Eshilgan ipak ipi — 9,2 tn 2020-yil 3-chorak Ipak mato — 55,2 ming p.m. Ipak gilam — 35 kv.metr 2021-yil 4-chorak 19. “Shakhrisabz Silk worm Rro” MCHJda sanoatbop ipak qurti urugʻi ishlab chiqarishni tashkil etish Sanoatbop ipak qurti urugʻi — 20 ming quti 2019-yil 4-chorak 2,0 1,0 1,0 Navoiy viloyati (4 ta loyiha) 2,5 1,4 1,1 20. “Al-aziz ipagi” MCHJda ipakli mahsulotlar ishlab chiqarishni tashkil etish Ipak mato — 150 ming p.m. 2020yil 4-chorak 0,7 0,4 0,3 21. “Xatirchi pilla xazinasi” XKda ipakli mahsulotlar ishlab chiqarishni tashkil etish Ipak mato — 300 ming p.m. 2020yil 4-chorak 1,3 0,7 0,6 22. “Qiziltepa pilla xazinasi” MCHJda ipakli mahsulotlar ishlab chiqarishni tashkil etish Ipak mato — 55,2 ming p.m. 2020yil 4-chorak 0,3 0,2 0,1 23. “Ipak qurti urugʻi” MCHJda ipak qurti urugʻi ishlab chiqarishni tashkil etish Sanoatbop ipak qurti urugʻi — 20 ming quti 2020-yil 2-chorak 0,2 0,1 0,1 Namangan viloyati (6 ta loyiha) 11,7 6,4 4,8 0,5 24. “Verigrowipagi” MCHJ QKda ipak mato ishlab chiqarishni tashkil etish Ipak mato — 82,8 ming p.m. 2020-yil 4-chorak 0,5 0,5 25. “Golden silk” SHKda ipakli mahsulotlar ishlab chiqarishni tashkil etish Xom ipak — 48 tn Ipak momigʻi — 18,4 tn 2019-yil 4-chorak 5,0 2,6 2,4 Eshilgan ipak ipi — 9,2 tn Ipak gilam — 50 kv.metr 2020-yil 2-chorak Ipak mato — 55,2 ming p.m. 2021-yil 3-chorak 26. “Fabristex” MCHJda ipakli mahsulotlar ishlab chiqarishni tashkil etish Ipakli tayyor kiyim-kechak — 1000 dona 2020-yil 1-chorak 0,3 0,3 Ipak mato — 55,2 ming p.m. 2020-yil 3-chorak 27. “Marjon tola fayz” MCHJda ipakli mahsulotlar ishlab chiqarishni tashkil etish Ipak mato — 55,2 ming p.m. 2020-yil 3-chorak 0,3 0,3 28. “Oydin koʻl savdo servis” MCHJda ipakli mahsulotlar ishlab chiqarishni tashkil etish Xom ipak — 48 tn 2020-yil 2-chorak 0,6 0,6 Ipak momigʻi — 9,2 tn tn 2020-yil 3-chorak Ipak mato — 55,2 ming p.m. 2020-yil 2-chorak Ipak eshish — 12,9 tn 2020-yil 2-chorak 29. “Sof ipak invest” MCHJda ipakli mahsulotlar ishlab chiqarishni tashkil etish Xom ipak — 48 tn Ipak momigʻi — 18,4 tn 2019-yil 4-chorak 5,0 2,6 2,4 Eshilgan ipak ipi — 9,2 tn Ipak gilam — 50 kv.metr 2020-yil 3-chorak Ipak mato — 55,2 ming p.m. 2021-yil 4-chorak Samarqand viloyati (7 ta loyiha) 8,5 5,1 2,7 0,7 30. “Singapore — Samarkand” MCHJda ipak mato ishlab chiqarishni tashkil etish Ipak mato — 55,2 ming p.m 2020-yil 2-chorak 0,3 0,3 31. “Sam global silk” MCHJda ipakli mahsulotlar ishlab chiqarishni tashkil etish Ipak mato — 55,2 ming p.m Eshilgan ipak ipi — 46 tn 2021-yil 2-chorak 0,4 0,4 32. “Kumush tola” XKda ipakli mahsulotlar ishlab chiqarishni tashkil etish Ipak mato — 150 ming p.m. 2019-yil 4-chorak 0,7 0,7 33. “Samarkand silk ao” MCHJda ipakli mahsulotlar ishlab chiqarishni tashkil etish Xom ipak — 48 tn 2019-yil 3-chorak 5,0 3,0 2,0 Eshilgan ipak ipi — 9,2 tn Ipak gilam — 35 kv.metr 2020-yil 3-chorak Ipak mato — 55,2 ming p.m. 2021-yil 3-chorak 34. “Jiloi malika” MCHJda ipakli mahsulotlar ishlab chiqarishni tashkil etish Ipak mato — 300 ming p.m. 2019-yil 4-chorak 0,9 0,4 0,5 35. “Elbek t.r.j” MCHJda ipakli mahsulotlar ishlab chiqarishni tashkil etish Ipak mato — 150 ming p.m. 2019-yil 4-chorak 0,7 0,7 Ipak momigʻi — 9,2 tn 2019-yil 4-chorak 36. “Oqdaryo ipagi” MCHJda ipakli mahsulotlar ishlab chiqarishni tashkil etish Ipak mato — 55,2 ming p.m. Eshilgan ipak ipi — 9,2 tn 2020-yil 3-chorak 0,5 0,3 0,2 Ipakli tayyor kiyim-kechak — 1 000 dona 2020-yil 4-chorak Sirdaryo viloyati (1 ta loyiha) 2,0 2,0 37. “Agro global” MCHJda ipakli mahsulotlar ishlab chiqarishni tashkil etish Xom ipak — 48 tn 2021-yil 2-chorak 2,0 2,0 Ipak mato — 345,6 ming p.m. 2020-yil 4-chorak Ipak momigʻi — 18,4 tn 2020-yil 4-chorak Surxondaryo viloyati (4 ta loyiha) 16,4 5,2 7,0 4,2 38. “Surxon ipagi” MCHJda ipakli mahsulotlar ishlab chiqarishni tashkil etish Xom ipak — 72 tn 2020-yil 2-chorak 1,0 1,0 Ipakli tayyor kiyim-kechak — 405 000 dona 2019-yil 4-chorak 39. “Inter silk pro” MCHJ QKda ipakli mahsulotlar ishlab chiqarishni tashkil etish Gʻumbak yogʻi — 9 tn 2021-yil 2-chorak 0,4 0,2 0,2 40. “Sino silk” MCHJda ipakli mahsulotlar ishlab chiqarishni tashkil etish Xom ipak — 48 tn 2020-yil 2-chorak 5,0 2,0 3,0 Eshilgan ipak ipi — 9,2 tn Ipak gilam — 35 kv.metr 2020-yil 3-chorak Ipak mato — 55,2 ming p.m. 2021-yil 3-chorak 41. “Silk Road Text” MCHJda ipakli mahsulotlarni ishlab chiqarishni tashkil etish Ipak mato — 120 ming p.m. 2019-yil 4-chorak 10,0 2,0 4,0 4,0 Ipak matoga rang berish va gul bosish — 120 ming p.m. Ipak gilam — 60 kv.metr 2020-yil 4-chorak Ipakli tayyor kiyim-kechak — 10 000 dona 2021-yil 2-chorak Toshkent viloyati (9 ta loyiha) 18,8 7,0 6,3 5,5 42. “Ravnaq-silk” MCHJ QKda ipakli mahsulotlar ishlab chiqarishni tashkil etish Ipak matoga rang berish va gul bosish — 350 ming p.m. 2019-yil 4-chorak 0,7 0,7 43. “Turan silk” MCHJda ipakli mahsulotlar ishlab chiqarishni tashkil etish Ipakdan yopingʻichlar ishlab chiqarish — 5 00 dona 2020-yil 1-chorak 0,2 0,1 0,1 44. “Bio Farm Elit” MCHJ tomonidan Yangiyoʻl tumanida ipakli mahsulotlar ishlab chiqarishni tashkil etish Xom ipak — 24 tn 2019-yil 4-chorak 2,0 1,0 1,0 Eshilgan ipak ipi — 9,2 tn Ipak gilam — 35 kv.metr Tut bargidan choy — 10 tn 2020-yil 2-chorak Ipak mato — 55,2 ming p.m. 2021-yil 3-chorak 45. “Bio Farm Elit” MCHJ tomonidan Chinoz tumanida ipakli mahsulotlar ishlab chiqarishni tashkil etish Xom ipak — 24 tn 2019-yil 4-chorak 3,0 1,5 1,5 Ipak gilam — 35 kv.metr 2020-yil 3-chorak Ipak mato — 55,2 ming p.m. 2021-yil 3-chorak 46. “Jinjuz silk co” MCHJda ipakli mahsulotlar ishlab chiqarishni tashkil etish Xom ipak — 48 tn 2019-yil 3-chorak 5,5 5,5 Eshilgan ipak ipi — 9,2 tn 2020-yil 3-chorak Ipak mato — 55,2 ming p.m. 2021-yil 3-chorak 47. “Oqqoʻrgʻon-ipagi” MCHJda ipakli mahsulotlar ishlab chiqarishni tashkil etish Xom ipak — 24 tn 2019-yil 4-chorak 2,4 1,2 1,2 Ipak gilam — 35 kv.metr 2020-yil 3-chorak Ipak mato — 55,2 ming p.m. 2021-yil 3-chorak 48. “Pure Silk Fabric” MCHJda ipakli mahsulotlar ishlab chiqarishni tashkil etish Xom ipak — 24 tn 2019-yil 4-chorak 2,0 1,0 1,0 Ipak gilam — 35 kv.metr 2020-yil 3-chorak Ipak mato — 55,2 ming p.m. 2021-yil 3-chorak 49. “Jm boston silk” MCHJda sanoatbop ipak qurti urugʻi ishlab chiqarishni tashkil etish Sanoatbop ipak qurti urugʻi — 20 ming quti 2020-yil 2-chorak 1,0 0,5 0,5 50. “Toshkent Silk Pro” MCHJda ipakli mahsulotlar ishlab chiqarishni tashkil etish Xom ipak — 24 tn 2019-yil 4-chorak 2,0 1,0 1,0 Ipak gilam — 35 kv.metr 2020-yil 3-chorak Ipak mato — 55,2 ming p.m. 2021-yil 3-chorak Fargʻona viloyati (5 ta loyiha) 12,7 6,3 5,7 0,7 51. “Nurli tong silk” MCHJda ipakli mahsulotlar ishlab chiqarishni tashkil etish Xom ipak — 24 tn 2019-yil 4-chorak 5,0 3,0 2,0 Ipak gilam — 35 kv.metr 2020-yil 3-chorak Ipak mato — 55,2 ming p.m. 2021-yil 3-chorak 52. “Vodil ipak yigiruv” SHKda ipakli mahsulotlar ishlab chiqarishni tashkil etish Ipak mato — 300 ming p.m. 2020-yil 4-chorak 1,3 0,6 0,7 53. “Margʻilon silk vats” XKda ipakli mahsulotlar ishlab chiqarishni tashkil etish Ipak mato — 82,8 ming p.m. 2020-yil 4-chorak 0,7 0,7 Ipak matoga rang berish va gul bosish — 55,2 ming p.m. 2020-yil 1-chorak 54. “Yodgorlik” MCHJda ipakli mahsulotlar ishlab chiqarishni tashkil etish Xom ipak — 48 tn 2019-yil 4-chorak 5,0 2,0 3,0 Ipak gilam — 35 kv.metr 2020-yil 3-chorak Ipak mato — 55,2 ming p.m. 2021-yil 3-chorak 55. “Vodiy marjoni” XKda ipakli mahsulotlar ishlab chiqarishni tashkil etish Xom ipak — 24 tn 2020-yil 3-chorak 0,7 0,7 Ipak momigʻi — 27,6 tn 2020-yil 4-chorak Ipak mato — 150 ming p.m. 2019-yil 4-chorak Xorazm viloyati (4 ta loyiha) 9,0 5,4 3,1 0,5 56. “Xorazm ipagi” MCHJ da ipakli mahsulotlar ishlab chiqarishni tashkil etish Ipak mato — 300 ming p.m. 2020-yil 4-chorak 1,3 0,7 0,6 57. “Khiva silk fabric” MCHJ da ipakli mahsulotlar ishlab chiqarishni tashkil etish Ipak momigʻi — 27,6tn 2021-yil 2-chorak 1,7 1,7 Ipak mato — 345,6 ming p.m. 2020-yil 4-chorak 58. “Xorazm pilla xolding” MCHJ da ipakli mahsulotlar ishlab chiqarishni tashkil etish Xom ipak — 48 tn 2019-yil 4-chorak 5,0 2,5 2,5 Ipak gilam — 40 kv.metr 2020-yil 3-chorak Ipak mato — 55,2 ming p.m. 2021-yil 3-chorak 59. “Urganch ipak qurti urugu” MCHJda sanoatbop ipak qurti urugʻi ishlab chiqarishni tashkil etish Sanoatbop ipak qurti urugʻi — 20 ming quti 2019-yil 3 -chorak 1,0 0,5 0,5

Izoh: Loyihalarning qiymati va moliyalashtirish manbalariga loyihalar boʻyicha texnik iqtisodiy asoslantirish ishlab chiqilgandan soʻng va shartnomalar imzolash natijalariga asosan oʻzgartirishlar kiritilishi mumkin.

Oʻzbekiston Respublikasi Prezidentining 2019-yil 31-iyuldagi PQ-4411-son qaroriga 5-ILOVA

Pillachilik sohasini yanada rivojlantirish boʻyicha amaliy

CHORA-TADBIRLAR REJASI

T/r Chora-tadbir Ijro muddati Ijro uchun masʼul Nazorat uchun masʼul 1. Mazkur qarorning 2-ilovasidagi roʻyxat boʻyicha hududlarga biriktirilgan korxonalarda pillachilik klasterlarini tashkil etish va ularga tegishli hududlardagi tutzorlarni biriktirib berish. 2019-yil 1-dekabr “Oʻzbekipaksanoat” uyushmasi (Sharipov), Qishloq xoʻjaligi vazirligi (Xodjayev), Qoraqalpogʻiston Respublikasi Vazirlar Kengashi, viloyatlar hokimliklari Oʻzbekiston Respublikasi Vazirlar Mahkamasi (Vahobov) 2. Har bir hududda pillachilik klasterlari uchun tutzorlar tashkil etish uchun 2019 — 2021-yillarda yer maydoni ajratish boʻyicha Qishloq xoʻjaligi vazirligi bilan birgalikda Vazirlar Mahkamasiga taklif kiritish, shu jumladan: 2019-yilda — 5549 ga; 2020-yilda — 8699 ga; 2021-yilda — 5790 ga. 2019 — 2021-yillar Qoraqalpogʻiston Respublikasi Vazirlar Kengashi, viloyatlar hokimliklari Oʻzbekiston Respublikasi Vazirlar Mahkamasi (Gʻaniyev) 3. Pillachilik klasterlarida mazkur qarorning 1-ilovasiga muvofiq iqtisodiy faoliyat turlarini tashkil qilish choralarini koʻrish. 2019 — 2021-yillar “Oʻzbekipaksanoat” uyushmasi (Sharipov), Iqtisodiyot va sanoat vazirligi (Xodjayev) Oʻzbekiston Respublikasi Vazirlar Mahkamasi (Vahobov) 4. Hududlardagi gilamchilik va sanoat hunarmandchiligi bilan band boʻlgan subyektlarni aniqlash va pillachilik klasterlariga biriktirish. 2019-yil 1-oktabr “Oʻzbekipaksanoat” uyushmasi (Sharipov), “Hunarmand” uyushmasi raisi (Abdullayev) Oʻzbekiston Respublikasi Vazirlar Mahkamasi (Qoʻchqorov, Vahobov) 5. 1. Ipakchilik ilmiy-tadqiqot instituti tasarrufida Fargʻona, Samarqand, Xorazm, Qashqadaryo va Surxondaryo viloyatlarida naslli ipak qurti urugʻi yetishtiruvchi muassasalarini tashkil etish. 2. Tashkil etilgan naslli ipak qurti urugʻi yetishtiruvchi muassasalariga davlatga tegishli boʻsh turgan binolarda ijara haqining “nol” stavkasini belgilagan holda zarur maydonlarni ajratish. 2019-yil 1-oktabr 2019-yil 1-dekabr “Oʻzbekipaksanoat” uyushmasi (Sharipov), Innovatsion rivojlanish vazirligi (Abduraxmonov) Fargʻona (Gʻaniyev), Samarqand (Turdimov), Xorazm(Ermanov), Qashqadaryo (Roʻziyev) va Surxondaryo (Bobolov) viloyatlari hokimliklari, Davlat aktivlarini boshqarish agentligi (Xaydarov) Oʻzbekiston Respublikasi Vazirlar Mahkamasi (Vahobov, Abdullayev) 6. Ozuqa bazasini mustahkamlash maqsadida 2019 — 2021-yillarda 100 mln tup tut koʻchatlarini ekish, shu jumladan: 2019-yilda — 20 mln tup; 2020-yilda — 40 mln tup; 2021-yilda — 40 mln tup. 2019 — 2021-yillar “Oʻzbekipaksanoat” uyushmasi (Sharipov), Oʻzbekiston Fermer, dehqon xoʻjaliklari va tomorqa yer egalari kengashi (Xaitov), Qoraqalpogʻiston Respublikasi Vazirlar Kengashi, viloyatlar hokimliklari Oʻzbekiston Respublikasi Vazirlar Mahkamasi (Qoʻchqorov, Vahobov) 7. Tut daraxtlarini gʻayriqonuniy ravishda kesganlik, shikastlantirganlik yoki yoʻq qilganlik uchun undirilgan jarimalarning 50 foizi huquqbuzarlik sodir etilgan hududda yangi tut koʻchatlarini ekish uchun maqsadli yoʻnaltirish tartibini ishlab chiqish va tasdiqlash uchun Vazirlar Mahkamasiga kirish. 2019-yil 1-oktabr Ekologiya va atrof muhitni muhofaza qilish davlat qoʻmitasi (Qoʻchqorov), “Oʻzbekipaksanoat” uyushmasi (Sharipov) Oʻzbekiston Respublikasi Vazirlar Mahkamasi (Vahobov) 8. Pilla yetishtirish hajmini oshirish maqsadida qoʻshni davlatlarda mahalliy ipak qurtini parvarish qilishni joriy qilish va uni qayta ishlash uchun Oʻzbekistonga olib kirish, shu jumladan: 2019-yilda — 5000 quti; 2020-yilda — 10000 quti; 2021-yilda — 15000 quti. 2019 — 2021-yillar “Oʻzbekipaksanoat” uyushmasi (Sharipov), Qishloq xoʻjaligi vazirligi (Xodjayev), Davlat bojxona qoʻmitasi (Azimov) Oʻzbekiston Respublikasi Vazirlar Mahkamasi (Qoʻchqorov, Vahobov) 9. Mazkur qarorning 4-ilovasiga muvofiq pillachilik tarmogʻi korxonalariga investitsiyalarni jalb qilish orqali qoʻshimcha quvvatlarni tashkil etish. 2019 — 2021-yillar “Oʻzbekipaksanoat” uyushmasi (Sharipov), Investitsiyalar va tashqi savdo vazirligi (Umurzoqov) Oʻzbekiston Respublikasi Vazirlar Mahkamasi (Ganiyev) 10. “Oʻzbekipaksanoat” uyushmasi tarkibiga kiruvchi korxonalarning loyihalarini moliyalashtirish maqsadida ajratiladigan bank kreditlari foiz xarajatlarini qoplash uchun kompensatsiya taqdim etib borilishini taʼminlash. Murojaatga asosan Oʻzbekiston Respublikasi Vazirlar Mahkamasi huzuridagi Tadbirkorlik faoliyatini rivojlantirishni qoʻllab-quvvatlash davlat jamgʻarmasi (Ismoilov), Tijorat banklari Oʻzbekiston Respublikasi Vazirlar Mahkamasi (Qoʻchqorov) 11. Tutzorlarga ishlov beruvchi pillachilik tarmogʻi korxonalariga lizing asosida qishloq xoʻjaligi texnikalarini xarid qilishda, mineral oʻgʻitlar, urugʻlik, oʻsimliklarni kimyoviy himoya qilish vositalari va boshqa material resurslarini olishda fermer xoʻjaliklari uchun nazarda tutilgan shartlar asosida berilishini taʼminlash. Murojaatga asosan Qishloq xoʻjaligi vazirligi (Xodjayev), “Oʻzagrotexsanoatxolding” AJ (Otajonov), “Oʻzagrokimyohimoya” AJ (Isayev), Moliya vazirligi (Ishmetov) Oʻzbekiston Respublikasi Vazirlar Mahkamasi (Qoʻchqorov, Vahobov) 12. Pillachilik tarmogʻi korxonalariga mazkur qarorning 6-ilovasidagi mahsulotlarni AQSH, Yevropa Ittifoqi davlatlari va Turkiyaga eksport qilishda havo va temir yoʻllari transportida tashish xarajatlarining 50 foizigacha miqdorini Oʻzbekiston Respublikasi Davlat budjeti mablagʻlari hisobidan kompensatsiya qilishga subsidiyalar taqdim etish. Murojaatga asosan Investitsiyalar va tashqi savdo vazirligi (Umurzoqov), Moliya vazirligi (Ishmetov) Oʻzbekiston Respublikasi Vazirlar Mahkamasi (Gʻaniyev, Qoʻchqorov) 13. Pillachilik korxonalari tomonidan eksport qilingan xom ipak va ipak momigʻi mahsulotlari hajmiga toʻgʻri keladigan foyda qismifoyda soligʻidan ozod qilinishi natijasida boʻshaydigan mablagʻlar ishlab chiqarishni modernizatsiya qilish, shu jumladan texnologik uskunalar sotib olish uchun maqsadli tarzda yoʻnaltirilganligini doimiy monitoring qilib borish. Doimiy Davlat soliq qoʻmitasi (Musayev), “Oʻzbekipaksanoat” uyushmasi (Sharipov) Oʻzbekiston Respublikasi Vazirlar Mahkamasi (Qoʻchqorov) 14. Fermer va dehqon xoʻjaliklariga, qishloq xoʻjaligi hamda paxtachilik-toʻqimachilik klasterlariga yer uchastkalarini ajratish toʻgʻrisidagi qarorlarda hamda yer uchastkalari ijarasi shartnomalarida “Oʻzbekipaksanoat” uyushmasi tarkibidagi korxonalarning mazkur yer uchastkalaridagi qishloq xoʻjaligi ekin maydonlari chetida va yoʻl boʻyida joylashgan tut daraxtlaridan pilla yetishtirish uchun ozuqa sifatida foydalanish huquqi nazarda tutilishini taʼminlash. 2020-yil 1-yanvar Qoraqalpogʻiston Respublikasi Vazirlar Kengashi, viloyatlar hokimliklari, “Oʻzbekipaksanoat” uyushmasi (Sharipov), Oʻzbekiston Fermer, dehqon xoʻjaliklari va tomorqa yer egalari kengashi (Xaitov) Oʻzbekiston Respublikasi Vazirlar Mahkamasi (Qoʻchqorov) 15. 1. “Oʻzbekipaksanoat” uyushmasi tarkibiga kiruvchi korxonalarga xorijiy davlatlarda koʻrgazma stendlarini tashkil qilish va xalqaro koʻrgazma-yarmarkalarda ishtirok etish boʻyicha xarajatlarni kompensatsiya qilish tartibini ishlab chiqish; 2. Belgilangan tartib asosida “Oʻzbekipaksanoat” uyushmasi tarkibiga kiruvchi korxonalarning xorijiy davlatlarda koʻrgazma stendlarini tashkil qilish va xalqaro koʻrgazma-yarmarkalarda ishtirok etish boʻyicha xarajatlarini kompensatsiya qilib borish. 2019-yil 1-sentabr Murojaat asosida Oʻzbekiston Respublikasi Investitsiyalar va tashqi savdo vazirligi (Umurzoqov), Moliya vazirligi (Ishmetov) Oʻzbekiston Respublikasi Investitsiyalar va tashqi savdo vazirligi (Umurzoqov), “Oʻzbekipaksanoat” uyushmasi (Sharipov) Oʻzbekiston Respublikasi Vazirlar Mahkamasi (Qoʻchqorov) 16. Mahalliy ipak mahsulotlari eksport qilinayotgan xorijiy davlatlarning bojxona tarif stavkalarini tahlil qilib, ularni kamaytirish masalalarini ushbu davlatlar bilan oʻtkaziladigan hukumatlararo komissiyalarning (qoʻmitalar, kengashlarva ishchi guruhlar) kun tartibiva yakuniy bayonnomalari loyihalariga kiritish. Hukumatlararo komissiyalarning oʻtkazilishi grafigiga asosan Tashqi ishlar vazirligi (Komilov), Davlat bojxona qoʻmitasi (Azimov), “Oʻzbekipaksanoat” uyushmasi (Sharipov) Oʻzbekiston Respublikasi Vazirlar Mahkamasi (Gʻaniyev) 17. Pillachilik tarmogʻi korxonalarining elektr energiyasi va gaz tarmoqlariga ulanganligi hamda uzluksiz taʼminlanganligi holatini oʻrganib chiqib, mavjud kamchiliklarni bartaraf etish boʻyicha Vazirlar Mahkamasiga taklif kiritish. 2019-yil 1-oktabr Energetika vazirligi (Mirzamaxmudov), “Oʻzbekneftgaz” AJ(Sidiqov), “Hududiy elektr tarmoqlari” AJ (Obidjonov)va “Oʻzbekipaksanoat” uyushmasi(Sharipov) Oʻzbekiston Respublikasi Vazirlar Mahkamasi (Sultonov) 18. 1. “Oʻzbekipaksanoat” uyushmasi tarkibiga kiruvchi korxonalar tomonidan tut koʻchatlarining ekilishi, ipak qurti urugʻi va pilla yetishtirish, pillani chuqur qayta ishlash, ipak, ipak momigʻi va ipakdan chuqur qayta ishlangan mahsulotlar eksportini amalga oshirish, investitsiyalarni jalb etish va yangi ish oʻrinlarini yaratish boʻyicha prognoz koʻrsatkichlarining toʻliq bajarilishini muntazam ravishda monitoring qilib borish; 2. Tut koʻchatlarini ekish, ipak qurtini parvarishlash inshootlarini qurish, pilla yetishtirish va uni chuqur qayta ishlashni tashkil qilish, ipak mahsulotlari eksportini amalga oshirish va yangi ish oʻrinlari yaratish boʻyicha belgilangan koʻrsatkichlarni taʼminlashda sustkashlikka yoʻl qoʻyayotgan “Oʻzbekipaksanoat” uyushmasi tarkibiga kiruvchi korxonalar boʻyicha ularga taqdim etilgan imtiyozlarni qayta koʻrib chiqish yuzasidan Vazirlar Mahkamasiga takliflar kiritib borish. Doimiy Zaruriyatga koʻra “Oʻzbekipaksanoat” uyushmasi (Sharipov) “Oʻzbekipaksanoat” uyushmasi (Sharipov), Oʻzbekiston Respublikasi Vazirlar Mahkamasi (Qoʻchqorov, Vahobov)

Oʻzbekiston Respublikasi Prezidentining 2019-yil 31 iyuldagi PQ-4411-son qaroriga 6-ILOVA

Eksport qilishda havo va temir yoʻllari transportida tashish xarajatlarining 50 foizigacha miqdorini kompensatsiya qilishga subsidiyalar taqdim etiladigan mahsulotlar

ROʻYXATI

T/r Mahsulot nomi Mahsulotning TIF TN kodi 1. Ipak gilamlari 5701101000, 5701901000 2. Ipakdan yoki ipak chiqindilaridan toʻqilgan boʻyalgan matolar 5007205900, 5007206900, 5007903000, 5007909000 3. Ipak tolasi bilan toʻliq yoki qisman aralashmali paxtali matolar 5212139000, 5212149000 4. Ipakdan qilingan trikotaj bluzkalar, bluzalar va boshqalar 6106903000 5. Ipakdan qilingan ayollar koʻylaklari 6204491000 6. Ipakdan qilingan bluzkalar, bluzalar va boshqalar 6206100000 7. Ipakdan qilingan sholroʻmollar, sharflar va hokazo 6214100000 8. Ipakdan qilingan galstuk, kapalak-galstuk va hokazo 6215100000

Oʻzbekiston Respublikasi Prezidentining 2019-yil 31-iyuldagi PQ-4411-son qaroriga 7-ILOVA

Oʻzbekiston Respublikasi Prezidentining ayrim hujjatlariga kiritilayotgan oʻzgartirishlar

1. Oʻzbekiston Respublikasi Prezidentining 2017-yil 29-martdagi “Oʻzbekipaksanoat” uyushmasi faoliyatini tashkil etish chora-tadbirlari toʻgʻrisida”gi PQ-2856-son qarorining 7-bandi uchinchi xatboshisi quyidagi tahrirda bayon etilsin:

“Oʻzbekipaksanoat” uyushmasi tarkibiga kiruvchi tashkilotlar hamda ipak qurti urugʻini ishlab chiqarish, pillani tayyorlash va qayta ishlash tashkilotlari tomonidan olib kelinadigan pilla yigirish va ipak gazlama toʻqish dastgohlarining ehtiyot qismlari, tut daraxti urugʻi va koʻchatlari, ipak qurtining superelita, elita va sanoat urugʻlari belgilangan tartibda tasdiqlanadigan roʻyxatlar boʻyicha bojxona toʻlovlaridan (bojxona rasmiylashtiruvi yigʻimlaridan tashqari) ozod etilsin;”.

2. Oʻzbekiston Respublikasi Prezidentining 2018-yil 4-dekabrdagi “Respublikada pillachilik tarmogʻini jadal rivojlantirishni qoʻllab-quvvatlashga doir qoʻshimcha chora-tadbirlar toʻgʻrisida”gi PQ-4047-son qarorining 5-bandi quyidagi tahrirda bayon etilsin:

“5. Pillachilik tarmogʻidagi loyihalarning qiymati, soni va ularni amalga oshirish uchun zarur boʻlgan valyuta turidan qatʼi nazar, “Oʻzbekipaksanoat” uyushmasi tarkibiga kiruvchi tashkilotlarning tutzorlar barpo qilish, ipak qurti urugʻini sotib olish, pilla yetishtirish, shu jumladan pilla yetishtiruvchi fermer xoʻjaliklari va kasanachilarga boʻnak berish, ular bilan yakuniy hisob-kitoblarni amalga oshirish, qurilish va rekonstruksiya ishlarini bajarish, shuningdek, ishlab chiqarish quvvatlarini modernizatsiya qilish boʻyicha loyihalarini moliyalashtirish maqsadida 2019 — 2022-yillarda ajratiladigan bank kreditlari foiz xarajatlarini qoplash uchun Oʻzbekiston Respublikasi Vazirlar Mahkamasi huzuridagi Tadbirkorlik faoliyatini rivojlantirishni qoʻllab-quvvatlash davlat jamgʻarmasi hisobidan tijorat banklari tomonidan belgilangan kredit stavkasining 50 foizi, biroq 10 foizdan ortiq boʻlmagan miqdorda kompensatsiya taqdim etish tartibi oʻrnatilsin.

Oʻzbekiston Respublikasi Moliya vazirligi 2019 — 2022-yillar davomida har yili 100 mlrd soʻm miqdoridagi mablagʻlarni tegishli yilning 1-fevraliga qadar mazkur bandda nazarda tutilgan kompensatsiyalarni taqdim etish maqsadida Oʻzbekiston Respublikasi Vazirlar Mahkamasi huzuridagi Tadbirkorlik faoliyatini rivojlantirishni qoʻllab-quvvatlash davlat jamgʻarmasiga oʻtkazib bersin.”.