“Oʻzbekinvest” Milliy sugʻurta kompaniyasining Ustav fondi miqdorini oshirish toʻgʻrisida (191-son)

24.05.1996

Oʻzbekiston Respublikasi Vazirlar Mahkamasining

qarori

“Oʻzbekinvest” Milliy sugʻurta kompaniyasining ichki va xalqaro sugʻurta bozorlaridagi faoliyatini faollashtirish, moliyaviy salohiyatini oshirish maqsadida Vazirlar Mahkamasi qaror qiladi:

1. “Oʻzbekinvest” Milliy sugʻurta kompaniyasi direktorlar kengashining uning ustav fondini oshirish hamda kompaniyaning 1995-yilgi foydasi hisobiga uni milliy valyutada 200 mln. soʻmgacha yetkazish toʻgʻrisidagi taklifi qabul qilinsin.

2. Vazirlar Mahkamasining “Oʻzbekiston Respublikasida investitsiyalarning sugʻurta himoyasini taʼminlashga oid chora-tadbirlar toʻgʻrisida” 1994-yil 13-apreldagi 206-son qaroriga quyidagi oʻzgartirishlar kiritilsin:

qarorning 3-bandi birinchi xatboshidagi va “Oʻzbekinvest” Milliy sugʻurta kompaniyasi Ustavining 12-bandidagi “50 million soʻm” soʻzlari “200 million soʻm” soʻzlari bilan almashtirilsin.

Vazirlar Mahkamasining Raisi I. KARIMOV

Toshkent sh.,

1996-yil 24-may,

191-son