Tuman hududidagi qishloq xoʻjaligi va meliorativ texnikalarni, shuningdek, mashina-traktor parklari, ustaxonalar va servis punktlarining asbob-uskunalarini texnik koʻrikdan oʻtkazish haqida (532-son)

11.02.2019

Namangan viloyati Chortoq tumani hokimining

qarori

Oʻzbekiston Respublikasi Adliya vazirligida 2013-yil 25-aprelda 2452-raqam bilan roʻyxatdan oʻtkazilgan “Qishloq xoʻjaligi va meliorativ texnikalarni, shuningdek mashina-traktor parklari, ustaxonalar va servis punktlarining asbob-uskunalarini texnik koʻrikdan oʻtkazish tartibi toʻgʻrisida”gi Nizom talablaridan kelib chikib, tumanda 2019-yil qishloq xoʻjaligi va meliorativ texnikalarni, mashina-traktor parklari, ustaxonalar va servis punktlarining asbob-uskunalarini yillik texnik koʻrikdan oʻtkazish maqsadida “Mahalliy davlat hokimiyati toʻgʻrisida”gi Oʻzbekiston Respublikasi Qonunining 6, 25-moddalariga asosan qaror qilaman:

1. Tumandagi mulkchilik shaklidan katʼiy nazar korxona, jismoniy shaxslarga tegishli boʻlgan va tuman Inspeksiyasidan belgilangan tartibda roʻyxatdan oʻtkazilgan qishloq xoʻjaligi va meliorativ texnikalarni, shuningdek, mashina-traktor parklari, ustaxonalar va servis punktlarining asbob-uskunalarini:

texnik koʻrikdan oʻtkazuvchi tuman komissiya tarkibi 1-ilovaga*;

tumandagi qishloq xoʻjaligi va meliorativ texnikalarni, shuningdek mashina-traktor parklari, ustaxonalar va servis punktlarining asbob-uskunalarini texnik xolatini yillik texnik koʻrikdan oʻtkazish jadvali 2-ilovaga* muvofik tasdiqlansin va koʻrsatilgan muddatlarda texnik koʻrikdan oʻtkazilsin.

* Ilovalar berilmaydi.

2. Texnik koʻrikdan oʻtkazuvchi tuman komissiyasiga:

mulkchilik shaklidan qatʼiy nazar barcha rusumdagi qishloq xoʻjaligi va meliorativ texnikalarni, mashina-traktor parklari, ustaxonalar va servis punktlarining asbob-uskunalarini xar yillik majburiy texnik koʻrikdan oʻtkazish toʻgʻrisidagi jadvalni yuridik va jismoniy shaxslarga yetkazish;

texnik koʻrik davomida qishloq xoʻjaligi va meliorativ texnikalarni, shuningdek, mashina-traktor parklari, ustaxonalar va servis punktlarining asbob-uskunalari mavsumga tayyorgarligi, xar bir traktorchi-mashinistning tegishli texnikani boshkarish uchun ruxsat etilgan toifaning mavjudligi, texnikalarning oʻrnatilgan tartibda roʻyxatdan oʻtkazilganligi va boshqa texnik talablarni amalga oshirish;

texnik koʻrikdan oʻtgan texnikalarni dalolatnomalar asosida ishlashga ruxsat berishni tashkil qilish vazifalari yuklatilsin.

3. Tumandagi barcha korxona, tashkilot, mashina traktor parki MChJlari, mukobil mashina traktor parklari, fermer xoʻjaliklari rahbarlariga hisobida mavjud boʻlgan qishloq xoʻjaligi va meliorativ, yoʻl qurilish texnikalarini, mashina-traktor parklari, ustaxonalar va servis punktlarining asbob-uskunalarni texnik koʻrikdan oʻz muddatida oʻtkazish uchun tayyorlab, belgilangan maydonchalarga yigʻish va texnik koʻrikga tegishli toʻlovlarni toʻlanishini taʼminlash topshirilsin.

4. Texnik koʻrikdan oʻtkazilgan xar bir texnika uchun undirilgan yigʻimni Oʻzbekiston Respublikasi Moliya vazirligi Gʻaznachiligi 23402000300100001010 hisob raqamiga, MB Toshkent shaxar XKKM MFO 00014, INN 201122919, Inspeksiyaning Chortoq tuman boʻlimi ShXV 4014228607142363422287010 hisob rakamiga toʻlashni taʼminlash;

5. Tuman hokimning birinchi oʻrinbosariga tumandagi korxona, tashkilot, mashina-traktor parki MChJlari, muqobil mashina-traktor parklari, fermer xoʻjaliklari va fuqarolarda mavjud boʻlgan qishloq xoʻjaligi va meliorativ texnikalarni, mashina-traktor parklari, ustaxonalar va servis punktlarining asbob-uskunalarni yillik texnik koʻrikdan oʻtkazish bilan bogʻlik boʻlgan yigʻimlarni toʻlashga amaldagi tartiblarga asosan amaliy yordam berish topshirilsin.

6. Mazkur qarorni “Chortoq haqiqati” gazetasida eʼlon qilingan kundan eʼtiboran kuchga kiradi.

7. Mazkur qarorning bajarilishini nazorat qilishni oʻz zimmamda qoldiraman.

Tuman hokimi O. HAYDAROV

Chortoq sh.,

2019-yil 11-fevral,

532-son