Viloyat hududidagi chiqindilarni toʻplash va olib ketish xizmatlari uchun yangi tariflarni belgilash toʻgʻrisida (384k-son)

02.06.2018

Xorazm viloyati hokimining

qarori

“Mahalliy davlat hokimiyati toʻgʻrisida”gi va “Chiqindilar toʻgʻrisida”gi Oʻzbekiston Respublikasi qonunlariga hamda Oʻzbekiston Respublikasi Vazirlar Mahkamasining 1992-yil 14-avgustdagi “Aholiga sotiladigan yoqilgʻi, energiya va koʻrsatiladigan xizmat chakana narxlari hamda tariflarini qayta koʻrib chiqish toʻgʻrisida”gi 381-son, 2010-yil 28-oktabrdagi “Tovarlar (ishlar xizmatlar)ga tartibga solinadigan narxlar (Tariflar) ni deklaratsiya qilish (tasdiqlash) va belgilash tartibini yanada takomillashtirish chora-tadbirlari toʻgʻrisida”gi 239-son, 2013-yil 3-dekabrdagi “Respublika aholi punktlarida sanitariya jihatidan tozalash tizimini rivojlantirish va takomillashtirish chora-tadbirlari toʻgʻrisida”gi 315-son, 2014-yil 15-iyuldagi “Kommunal xizmatlar koʻrsatish qoidalarini tasdiqlash toʻgʻrisida”gi 194-son va Oʻzbekiston Respublikasi Prezidentining 2017-yil 21-apreldagi “2017 — 2021-yillarda maishiy chiqindilar bilan bogʻliq ishlarni amalga oshirish tizimini tubdan takomillashtirish va rivojlantirish chora-tadbirlari toʻgʻrisida”gi PQ-2916-sonli qarorlariga asosan viloyat hududidagi chiqindilarni fuqarolar hayoti va sogʻligʻiga, atrof-muhitga zararli taʼsirini oldini olish, chiqindilar hosil boʻlishini kamaytirish, tumanlar hududini ekologik hamda sanitariya holatini, tozalikni amalga oshirish, shuningdek, chiqindilarni toʻplash va olib chiqib ketish xizmatlari uchun yangi tariflarni belgilash maqsadida qaror qilaman:

1. Viloyat “Toza hudud” davlat unitar korxonasining tumanlar filiallari hududlaridagi qattiq va suyuq holdagi maishiy chiqindilarni olib ketish va qabul qilish boʻyicha koʻrsatiladigan xizmatlar uchun toʻlov miqdorlari ilovaga* muvofiq tasdiqlansin.

* Ilova berilmaydi.

2. Viloyat “Toza hudud” davlat unitar korxonasining tumanlar filiallari tomonidan aholidan chiqindilarni toʻplab olib ketganligi uchun toʻlovlarni vaqtida toʻlanishida mahalla fuqarolar yigʻinlari hamda koʻp xonadonli uylarda xususiy uy-joy mulkdorlari shirkatlari yaqindan amaliy yordam koʻrsatishi tavsiya qilinsin.

3. Mazkur qaror viloyat hokimligining rasmiy nashri hisoblangan “Xorazm haqiqati” va “Xorezmskaya pravda” gazetalarida eʼlon qilingan kundan kuchga kiradi.

4. Viloyat hokimligining “Kompyuterlashtirish markazi” unitar korxonasi (S. Sadiqov)ga mazkur qarorni viloyat hokimligining veb-saytida joylashtirilishini taʼminlash topshirilsin.

5. Xorazm viloyati hokimining 2016-yil 13-fevraldagi “Viloyat hududidagi chiqindilarni toʻplash va olib chiqib ketish xizmatlari uchun yangi tariflarni belgilash toʻgʻrisida”gi qarori oʻz kuchini yoʻqotgan deb hisoblansin.

6. Ushbu qarorning bajarilishini nazorat qilish viloyat hokimining oʻrinbosari vazifasini bajaruvchi Sh. Abdullayev zimmasiga yuklansin.

Hokim vazifasini bajaruvchi F. ERMANOV

Urganch sh.,

2018-yil 2-iyun,

384k-son