Koʻchmas mulk ijara shartnomalarini davlat soliq xizmati organlarida majburiy hisobga qoʻyish tartibi toʻgʻrisidagi nizomga oʻzgartirishlar kiritish haqida (3077-1-son)
24.07.2019
Oʻzbekiston Respublikasi Davlat soliq qoʻmitasining
qarori
[Oʻzbekiston Respublikasi Adliya vazirligi tomonidan 2019-yil 24-iyulda roʻyxatdan oʻtkazildi, roʻyxat raqami 3077-1]
Oʻzbekiston Respublikasi “Davlat soliq xizmati toʻgʻrisida”gi Qonunining 7-moddasi va Oʻzbekiston Respublikasining 2018-yil 11-oktabrdagi OʻRQ-497-son “Yuridik yordam va huquqiy xizmatlar koʻrsatish tizimi takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi Qonuniga muvofiq Oʻzbekiston Respublikasi Davlat soliq qoʻmitasi qaror qiladi:
1. Oʻzbekiston Respublikasi Davlat soliq qoʻmitasining 2018-yil 15-avgustdagi 2018-65-son qarori (roʻyxat raqami 3077, 2018-yil 11-oktabr) (Oʻzbekiston Respublikasi qonun hujjatlari toʻplami, 2018-y., 41-son, 821-modda) bilan tasdiqlangan Koʻchmas mulk ijara shartnomalarini davlat soliq xizmati organlarida majburiy hisobga qoʻyish tartibi toʻgʻrisidagi nizomga ilovaga muvofiq oʻzgartirishlar kiritilsin.
2. Mazkur qaror rasmiy eʼlon qilingan kundan eʼtiboran kuchga kiradi.
Rais B. MUSAYEV
Toshkent sh.,
2019-yil 16-iyul,
2019-49-son
Oʻzbekiston Respublikasi Davlat soliq qoʻmitasining 2019-yil 16-iyuldagi 2019-49-son qaroriga ILOVA
Koʻchmas mulk ijara shartnomalarini davlat soliq xizmati organlarida majburiy hisobga qoʻyish tartibi toʻgʻrisidagi nizomga kiritilayotgan oʻzgartirishlar
1. Muqaddimagi “qaroriga muvofiq” degan soʻzlar “qaroriga muvofiq jismoniy shaxslar oʻrtasida tuzilgan” degan soʻzlar bilan almashtirilsin.
2. 5-bandda:
birinchi xatboshidan “(ishonchli boshqaruvchi)” degan soʻzlar chiqarib tashlansin.
“v” kichik band quyidagi tahrirda bayon etilsin:
“v) ijaraga beruvchining shaxsini yoki uning vakilining vakolatini tasdiqlovchi hujjat nusxasi.”.
3. 6-banddan “(ishonchli boshqaruvchi)” degan soʻzlar chiqarib tashlansin.
4. 7-band oʻz kuchini yoʻqotgan deb topilsin.
5. 9-bandning ikkinchi xatboshisidagi “ijaraga beruvchi jismoniy shaxsning yoki yuridik shaxs rahbarining” degan soʻzlar “ijaraga beruvchining” degan soʻzlar bilan almashtirilsin.
6. 10-band quyidagi tahrirda bayon etilsin:
“10. Ijaraga beruvchi yoki uning vakilining xohishiga koʻra koʻchmas mulk ijara shartnomasini hisobga qoʻyish ijaraga beruvchining doimiy yashash manzili yoki koʻchmas mulk joylashgan joydagi davlat soliq xizmati organiga shaxsan qogʻoz shaklida taqdim etilishi mumkin.”.
7. 11-bandning ikkinchi xatboshisidan va 17-bandning ikkinchi xatboshisidan “(ishonchli boshqaruvchisiga)” degan soʻzlar chiqarib tashlansin.
8. 13-band quyidagi tahrirda bayon etilsin:
“13. Koʻchmas mulk ijara shartnomasi davlat soliq xizmati organida hisobga qoʻyilgandan soʻng, oʻsha vaqtning oʻzida joriy yil uchun hisoblangan jismoniy shaxslardan olinadigan daromad soligʻini toʻlash haqidagi toʻlov xabarnomasi ijaraga beruvchining shaxsiy kabinetiga yuboriladi yoki ijaraga beruvchiga yoxud uning vakiliga taqdim etiladi.”.
9. 14-bandning toʻrtinchi xatboshisidagi “Jismoniy shaxslarning” degan soʻzlar “Taraflarning” degan soʻz bilan almashtirilsin.
10. 16-banddan “(ishonchli boshqaruvchisi)” degan soʻzlar chiqarib tashlansin.
11. 3, 4, 6 va 7-ilovalar mazkur oʻzgartirishlarning 1 — 4-ilovalariga muvofiq tahrirda bayon etilsin.
Koʻchmas mulk ijara shartnomalarini davlat soliq xizmati organlarida majburiy hisobga qoʻyish tartibi toʻgʻrisidagi nizomga kiritilayotgan oʻzgartirishlarga 1-ILOVA
“Koʻchmas mulk ijara shartnomalarini davlat soliq xizmati organlarida majburiy hisobga qoʻyish tartibi toʻgʻrisidagi nizomga 3-ILOVA
Koʻchmas mulk ijara shartnomasini majburiy hisobga qoʻyish haqida
SOʻROVNOMA
Koʻchmas mulk ijara shartnomalarini davlat soliq xizmati organlarida majburiy hisobga qoʻyish tartibi toʻgʻrisidagi nizomga kiritilayotgan oʻzgartirishlarga 2-ILOVA
“Koʻchmas mulk ijara shartnomalarini davlat soliq xizmati organlarida majburiy hisobga qoʻyish tartibi toʻgʻrisidagi nizomga 4-ILOVA
* QR-kodi tekshirilganda koʻchmas mulk ijara shartnomasini bekor qilinganligi haqidagi kelishuvning elektron shaklining XML formatiga havola shakllanadi.”.
Koʻchmas mulk ijara shartnomalarini davlat soliq xizmati organlarida majburiy hisobga qoʻyish tartibi toʻgʻrisidagi nizomga kiritilayotgan oʻzgartirishlarga 3-ILOVA
“Koʻchmas mulk ijara shartnomalarini davlat soliq xizmati organlarida majburiy hisobga qoʻyish tartibi toʻgʻrisidagi nizomga 6-ILOVA
Koʻchmas mulk ijara shartnomasini bekor qilish haqidagi kelishuvni hisobga qoʻyish toʻgʻrisida
SOʻROVNOMA
Koʻchmas mulk ijara shartnomalarini davlat soliq xizmati organlarida majburiy hisobga qoʻyish tartibi toʻgʻrisidagi nizomga kiritilayotgan oʻzgartirishlarga 4-ILOVA
“Koʻchmas mulk ijara shartnomalarini davlat soliq xizmati organlarida majburiy hisobga qoʻyish tartibi toʻgʻrisidagi nizomga 7-ILOVA
* QR-kodi tekshirilganda koʻchmas mulk ijara shartnomasini bekor qilinganligi haqidagi kelishuvning elektron shaklining XML formatiga havola shakllanadi.”.