Toshkent shahar hokimining 2019-yil 5-martdagi ““Toshkent shahrining 2019-yilgi mahalliy budjeti parametrlari toʻgʻrisida”gi 1865-sonli qaroriga qoʻshimcha va oʻzgartirishlar kiritish haqida”gi 357-sonli qaroriga asosan Yakkasaroy tuman hokimining 2019-yil 4-yanvardagi “Yakkasaroy tumanining 2019-yilgi mahalliy budjet parametrlari toʻgʻrisida”gi 1-sonli qaroriga qoʻshimcha va oʻzgartirishlar kiritish haqida (303-son)
13.03.2019
TOShKENT ShAHAR YAKKASAROY TUMANI HOKIMINING
Qarori
Oʻzbekiston Respublikasi Budjet kodeksining (Oʻzbekiston Respublikasi qonun hujjatlari toʻplami, 2013-yil 31-dekabr, 52-(I)-son) 28, 99, 143-moddalari, “Mahalliy davlat hokimiyati toʻgʻrisidagi”gi Oʻzbekiston Respublikasi Qonunining (Oʻzbekiston Respublikasi Oliy Kengashining Axborotnomasi, 1993-y., 9-son, 320-modda;) 25-moddasi, Oʻzbekiston Respublikasi Prezidentining 2018-yil 26-dekabrdagi “Oʻzbekiston Respublikasining 2019-yilgi asosiy makroiqtisodiy koʻrsatkichlari prognozi va Davlat budjeti parametrlari hamda 2020-2021-yillarga moʻljallari toʻgʻrisida”gi PQ-4086-sonli qarori (Oʻzbekiston Respublikasi qonun hujjatlari toʻplami, 2018-yil 31-dekabr, 52-son, 996-modda), Xalq deputatlari Toshkent shahar Kengashining 2018-yil 26-dekabrdagi “Toshkent shahrining 2019-yilgi mahalliy budjeti daromadlari va xarajatlari hajmlari toʻgʻrisida”gi 402/46-5-sonli, Toshkent shahar hokimining 2019-yil 5-martdagi “Toshkent shahrining 2019-yilgi mahalliy budjeti parametrlari toʻgʻrisida”gi 1865-sonli qaroriga qoʻshimcha va oʻzgartirishlar kiritish haqida”gi 357-sonli va xalq deputatlari Yakkasaroy tuman Kengashining 2018-yil 27-dekabrdagi “Yakkasaroy tumanining 2019-yilgi budjeti daromadlari va xarajatlari hajmlari toʻgʻrisida”gi 65/1-1-sonli, Yakkasaroy tuman hokimining 2019-yil 4-yanvardagi “Yakkasaroy tumanining 2019-yilgi mahalliy budjet parametrlari toʻgʻrisida”gi 1-sonli qarorlari hamda Toshkent shahar Moliya bosh boshqarmasining 2019-yil 6-martdagi 01-3/414-sonli xatiga asosan, qaror qilaman:
1. Mahalliy budjet daromadlari boʻyicha belgilangan prognoz koʻrsatkichlarining umumiy yillik miqdoridan kelib chiqib, soliq Konsepsiyasi boʻyicha taʼsir qiluvchi omillarni inobatga olgan holda choraklik prognoz koʻrsatkichlarini muvofiqlashtirib borish hamda yillik prognozni qayta taqsimlanishiga Xalq deputatlari Toshkent shahar Kengashi tomonidan rozilik berilganligi inobatga olinsin.
2. Yakkasaroy tuman hokimining 2019-yil 4-yanvardagi “Yakkasaroy tumanining 2019-yilgi mahalliy budjet parametrlari toʻgʻrisida”gi 1-sonli qarorining:
a) 1-ilovasi mazkur qarorning 1-ilovasiga muvofiq;
b) 3-ilovasi mazkur qarorning 2 ilovasiga muvofiq yangi tahrirda bayon qilinsin.
3. Yakkasaroy tuman Moliya boʻlimi (M. Qodirov):
Toshkent shahar Moliya bosh boshqarmasining bildirishnomasiga va nazorat raqamlariga koʻra Yakkasaroy tuman mahalliy budjetiga tegishli oʻzgartirishlar kiritilsin.
4. Yakkasaroy tuman hokim apparati rahbari R. Ishanov, Axborot texnologiyalar boʻyicha mutaxassisi, matbuot kotibi:
Ushbu qarorning rasmiy eʼlon qilinishi, “Toshkent oqshomi” va “Vecherniy Tashkent” gazetalari va www.yakkasaroy.uz veb-saytiga joylashtirilishini taʼminlasin.
5. Mazkur qaror rasmiy eʼlon qilingan kundan eʼtiboran kuchga kiradi.
6. Ushbu qarorning bajarilishini nazorat qilish tuman hokimining birinchi oʻrinbosari N. Abduraxmanov zimmasiga yuklatilsin.
Hokim B. ShAMURATOV
Toshkent sh.,
2019-yil 13-mart,
303-son
Yakkasaroy tuman hokimining 2019-yil 13-martdagi 303-sonli qaroriga 1-ILOVA
Yakkasaroy tumanining 2019-yilgi mahalliy budjeti asosiy
parametrlari
T/r Koʻrsatkichlar Miqdori (ming soʻm) Daromadlar jami 95300 870 Daromadlar 67097 378 1. Yagona soliq toʻlovidan Davlat budjetiga ajratmalar 31555 016 2. Tadbirkorlik faoliyati bilan shugʻullanuvchi yuridik va jismoniy shaxslardan olinadigan qatʼiy belgilangan daromad soligʻi 5388 026 3. Jismoniy shaxslarning mol-mulkiga solinadigan soliq 7300 216 4. Jismoniy shaxslardan olinadigan yer soligʻi 4038 217 5. Yuridik shaxslarning mol-mulkiga solinadigan soliq 8247 075 6. Suv resurslaridan foydalanganlik uchun soliq 991 562 7. Jarimalar* 6939 034 8. Bozor daromadlaridan tushum 1045 967 9. Mahalliy yigʻimlar 1592 265 Shahar budjetidan ajratiladigan maqsadli ijtimoiy transfertlar miqdori 28203 492 Xarajatlar jami 95300 870 1. Maorif xarajatlari 58957 592 Maktabgacha taʼlim 23535 044 Umumiy taʼlim 35422 548 2. Sogʻliqni saqlash xarajatlari 20533 967 3. Madaniyat 480 519 4. Jismoniy tarbiya xarajatlari 2055 892 5. Davlat boshqaruv organlarini saqlash 3456 602 6. Tuman hokimi zaxira jamgʻarmasi 943 573 7. Ijtimoiy koʻnikma markazlari 47 121 8. Fuqarolarning oʻzini oʻzi boshqarish organlarini saqlash 1818 473 9. Iqtisodiyot xarajatlari 7007 131 Aylanma kassa mablagʻlari meʼyori 259000
*Oʻzbekiston Respublikasi Prezidentining 2018-yil 26-dekabrdagi PQ-4086-sonli qarorining 26-ilovasiga muvofiq
Yakkasaroy tuman hokimining 2019-yil 13-martdagi 303-sonli qaroriga 2-ILOVA
Davlat soliqlaridan mahalliy budjetga ajratmalar
meʼyorlari
* Oʻzbekiston Respublikasi Prezidentining 2018-yil 26-dekabrdagi qarori “Oʻzbekiston Respublikasining 2019-yilgi asosiy makroiqgisodiy koʻrsatkichlari prognozi va Davlat budjeti parametrlari hamda 2020-2021-yillarga moʻljallari tugʻrisida”gi PQ-4086-sonli qarorning 26-ilovasiga muvofiq.