2017-yilda haq toʻlanadigan jamoat ishlarini tashkil etish toʻgʻrisida (1819-son)

21.11.2017

Namangan viloyati Chust tumani hokimining

qarori

Oʻzbekiston Respublikasi Mehnat kodeksining (Oʻzbekiston Respublikasi Oliy Majlisining Axborotnomasi, 1996-y., 1-songa ilova) 65-moddasi, “Aholini ish bilan taʼminlash toʻgʻrisida”gi Oʻzbekiston Respublikasi Qonunining (Oʻzbekiston Respublikasi Oliy Majlisining Axborotnomasi, 1998-y., 5-6-son, 97-modda) 17, 22-moddalariga hamda Oʻzbekiston Respublikasi Vazirlar Mahkamasining 1999-yil 19-iyuldagi “Haq toʻlanadigan jamoat ishlarini tashkil qilish toʻgʻrisidagi Nizomni tasdiqlash haqida”gi 353-son qarori (Oʻzbekiston Respublikasi Hukumatining qarorlari toʻplami, 1999-y., 7-son, 40-modda) ijrosini taʼminlash, ish qidirayotgan shaxs sifatida tuman Bandlikka koʻmaklashish markazida roʻyxatga olingan fuqarolarga ularni vaqtincha ish haqi olish va ish qidirayotgan davrida ularni moddiy jihatdan qoʻllab-quvvatlash, markaz tomonidan ishsiz deb eʼtirof etilgan fuqarolarni vaqtincha ish bilan taʼminlash uchun shart-sharoitlar yaratish, birinchi marta ish qidirayotgan va kasbi boʻlmagan shaxslarni mehnat faoliyatiga jalb qilish maqsadida Oʻzbekiston Respublikasi “Mahalliy davlat hokimiyati toʻgʻrisida”gi Qonunining (Oʻzbekiston Respublikasi Oliy Kengashining Axborotnomasi, 1993-y, 9-son, 320-modda) 6-moddasiga asosan, qaror qilaman:

1. Chust tumanida 2017-yil uchun haq toʻlanadigan jamoat ishlarini tashkil etuvchi korxona va tashkilotlar roʻyxati ilovaga asosan tasdiqlansin.

2. Haq toʻlanadigan jamoat ishlarini tashkil etuvchi korxona, tashkilotlar rahbarlariga:

ilovada qayd etilgan haq toʻlanadigan jamoat ishlarini tashkil etish taʼminlansin;

jamoat ishlariga jalb qilingan fuqarolar mehnatiga haq toʻlash xarajatlarining mahalliy davlat hokimiyati organlariga qarashli korxona va tashkilotlar boʻyicha — ellik foizi ish beruvchilar mablagʻlari va ellik foizi mahalliy budjet va Ish bilan taʼminlashga koʻmaklashish davlat jamgʻarmasi mablagʻlari hisobidan;

boshqa korxonalar, muassasalar va tashkilotlar boʻyicha — yetmish besh foizi ish beruvchilar mablagʻlari va yigirma besh foizi Ish bilan taʼminlashga koʻmaklashish davlat jamgʻarmasi mablagʻlari hisobiga amalga oshirilsin;

tuman Bandlikka koʻmaklashish markazi yoʻllanmasi boʻyicha haq toʻlanadigan jamoat ishlariga yuborilgan fuqarolarni jamoat ishiga qabul qilinganligi toʻgʻrisidagi maʼlumot 3 kun muddatda markazga yozma ravishda xabar qilinsin.

3. Tuman Bandlikka koʻmaklashish markazi (B. Mallayev):

korxona va tashkilotlar rahbarlari tomonidan mazkur qarorning toʻliq bajarilishi yuzasidan qatʼiy nazorat oʻrnatilsin;

haq toʻlanadigan jamoat ishlariga yuborilgan va ish bilan taʼminlangan fuqarolar belgilangan tartibda hisobga olinsin.

4. Ushbu qaror rasmiy eʼlon qilingan kundan boshlab kuchga kiradi.

5. Mazkur qarorning ijrosini nazorat qilish tuman hokimining oʻrinbosari J. Baxodirov zimmasiga yuklatilsin.

Tuman hokimi B. OXUNOV

Chust sh.,

2017-yil 21-noyabr,

1819-son

Tuman hokimining 2017-yil 21-noyabrdagi 1819-sonli qaroriga ILOVA

Chust tumanida 2017-yil uchun haq toʻlanadigan jamoat ishlarini tashkil etuvchi korxona va tashkilotlar

roʻyxati

T/r Korxona va tashkilotlar nomi Haq toʻlanadigan jamoat ishlarining turlari‎‏ Jalb qilinadiganlar soni (kishi)‎‏ Mehnatga haq toʻlash foizi ish beruvchi korxona mablagʻi hisobidan Mahalliy budjet va Ish bilan taʼminlashga koʻmaklashish davlat jamgʻarmasi hisobidan 1. “Chust kumush ipagi” maʼsuliyati cheklangan jamiyati Mavsumiy ipak qurti boquvchisi‎ 40 75 25 2. “Chust paxta tozalash” aksionerlik jamiyati Yuk ortish-tushirish ishlari‎ 35 75 25 3. Tumandagi xususiy korxona, firma, maʼsuliyati cheklangan jamiyatlarda quruvchi, ishchi, elektrik, meva teruvchi 45 75 25 4. Tumandagi fermer xoʻjaliklari Ishchi, supuruvchi, elektrik, mevani saralovchi 60 75 25 jami 180 x x Tuman Bandlikka koʻmaklashish markazi direktori B. Mallayev