Bogʻot tumanining 2018-yildagi asosiy makroiqtisodiy koʻrsatkichlari va mahalliy budjetining parametrlari toʻgʻrisida (12k-son)

06.01.2018

Xorazm viloyati Bogʻot tumani hokimining

Qarori

“Mahalliy davlat hokimiyati toʻgʻrisida”gi (Oʻzbekiston Respublikasi Oliy Kengashining Axborotnomasi, 1993-y., 9-son, 320-modda) Oʻzbekiston Respublikasi Qonuniga, Oʻzbekiston Respublikasi Budjet kodeksining (Oʻzbekiston Respublikasi qonun hujjatlari toʻplami, 2013-y., 52-I-son) 99-moddasi, Oʻzbekiston Respublikasi Prezidentining 2017-yil 29-dekabrdagi “Oʻzbekiston Respublikasining 2018-yildagi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi PQ-3454-son Qarori va xalq deputatlari Xorazm viloyati Kengashining 2017-yil 30-dekabrdagi “Xorazm viloyati mahalliy budjetining 2018-yildagi asosiy parametrlari toʻgʻrisida”gi 24-102-sonli hamda Xorazm viloyat hokimining 2018-yil 5-yanvardagi “Xorazm viloyatining 2018-yilgi asosiy makroiqtisodiy koʻrsatkichlari va mahalliy budjetining parametrlari toʻgʻrisida”gi 5q-sonli va xalq deputatlari Bogʻot tuman Kengashining 2017-yil 31-dekabrdagi “Bogʻot tumani mahalliy budjetining 2018-yilgi asosiy parametrlari toʻgʻrisida”gi 36/104 sonli qarorlari ijrosini taʼminlash maqsadida qaror qilaman:

1. Oʻzbekiston Respublikasi Prezidentining 2017-yil 29-dekabrdagi “Oʻzbekiston Respublikasining 2018-yildagi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi PQ-3454-son Qarori va Xalq deputatlari Xorazm viloyati Kengashining 2017-yil 30-dekabrdagi “Xorazm viloyati mahalliy budjetining 2018-yildagi asosiy parametrlari toʻgʻrisida”gi 24-102-son hamda Xorazm viloyat hokimining 2018-yil 5-yanvardagi “Xorazm viloyatining 2018-yilgi asosiy makroiqtisodiy koʻrsatkichlari va mahalliy budjetining parametrlari toʻgʻrisida”gi 5q-sonli va xalq deputatlari Bogʻot tuman Kengashining 2017-yil 31-dekabrdagi “Bogʻot tumani mahalliy budjetining 2018-yilgi asosiy parametrlari toʻgʻrisida”gi 36/104 son qarorlari rahbarlik va ijro uchun qabul qilinsin.

2. 2018-yilga moʻljallangan tuman mahalliy budjetining:

tuman mahalliy budjetining asosiy parametrlari 1-ilovaga* muvofiq;

tuman mahalliy budjetining 2018-yilgi daromadlari va xarajatlari hajmlari, viloyat budjetidan beriladigan ijtimoiy soha uchun transfertlar miqdorlari 2-ilovaga* muvofiq;

tuman mahalliy budjetiga umumdavlat soliqlari tushumlaridan ajratmalar normativlari 3-ilovaga* muvofiq;

tuman mahalliy budjetlarining naqd pul kassa aylanmasining yoʻl qoʻyiladigan eng kam miqdorlari 4-ilovaga* muvofiq;

tuman mahalliy budjetining zaxira jamgʻarmasi miqdori 5-ilovaga* muvofiq tasdiqlansin.

* 1 — 5-ilovalar berilmaydi.

3. Tuman moliya boʻlimi (Roʻzmetov)ga (daromadlar va xarajatlar oʻrtasidagi vaqtinchalik kassa tafovutlarini qoplash uchun) tegishli mahalliy budjetga yuqori budjetdan transfertlar va ssudalar olinishida, tuman boʻyicha barcha soliqlar va toʻlovlarning toʻliq tushishidan, shuningdek ish haqi (yagona ijtimoiy toʻlov bilan birga), nafaqalar va ularga tenglashtirilgan toʻlovlar boʻyicha budjet xarajatlarini moliyalashtirish zarurligidan kelib chiqqan holda aniqlashtirish topshirilsin.

4. Tuman moliya boʻlimining 2017-yilgi tuman mahalliy budjeti daromadlarini 40,7 mlrd. soʻm va xarajatlarini 75,9 mlrd. soʻm miqdorida aniqlashtirish toʻgʻrisida taklifi qabul qilinsin.

5. Xalq deputatlari Bogʻot tuman Kengashining 2017-yil 31-dekabrdagi “Bogʻot tuman mahalliy budjetining 2018-yilgi asosiy parametrlari toʻgʻrisida”gi 36/104-sonli qarori bilan maʼqullanganligi maʼlumot uchun qabul qilinsin.

6. Mazkur qaror Bogʻot tuman hokimligining rasmiy nashri hisoblangan “Bogʻot sadosi” gazetasida eʼlon qilinsin.

7. Ushbu qarorning ijrosini nazorat qilish tuman hokimining birinchi oʻrinbosari U. Yoqubov zimmasiga yuklansin.

Hokim J. RAXIMOV

Bogʻot t.,

2018-yil 6-yanvar,

12k-son