Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi faoliyatini tartibga soluvchi normativ-huquqiy hujjatlarni tasdiqlash toʻgʻrisida (575-son)

12.07.2019

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi faoliyatini tashkil etish chora-tadbirlari toʻgʻrisida” 2019-yil 15-martdagi PQ-4241-son qarori ijrosini taʼminlash maqsadida Vazirlar Mahkamasi qaror qiladi:

1. Quyidagilar:

Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi toʻgʻrisidagi nizom 1-ilovaga muvofiq;

Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasini rivojlantirish jamgʻarmasi toʻgʻrisidagi nizom 2-ilovaga muvofiq;

Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi xodimlarini moddiy ragʻbatlantirish tartibi toʻgʻrisidagi nizom 3-ilovaga muvofiq;

Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi inspektorlarining formali kiyim-boshlari va farqlash belgilari namunalari va tavsifi 31-ilovaga muvofiq;

Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi markaziy apparati, Agrosanoat majmui ustidan nazorat qilish inspeksiyasining Qoraqalpogʻiston Respublikasi va viloyatlar boshqarmalari, tuman (Quvasoy shahar) boʻlimlari xodimlarining Yagona tarif setkasi boʻyicha mehnatga haq toʻlash razryadlari 4 — 6-ilovalarga muvofiq tasdiqlansin.

2. Oʻzbekiston Respublikasi Hukumatining 7-ilovaga muvofiq ayrim qarorlariga oʻzgartirish va qoʻshimchalar kiritilsin.

Belgilansinki, mazkur qarorda nazarda tutilgan Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi xodimlarini moddiy ragʻbatlantirish va ijtimoiy taʼminlashga oid normalar mazkur Inspeksiya tashkil etilgan sanadan boshlab tatbiq etiladi.

3. Vazirlar Mahkamasining “Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi xodimlarini moddiy ragʻbatlantirish tartibi toʻgʻrisidagi nizomni tasdiqlash haqida” 2018-yil 23-iyuldagi 566-son qarori oʻz kuchini yoʻqotgan deb hisoblansin.

4. Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi bir oy muddatda:

“Agrosanoat majmuida xizmatlar koʻrsatish markazi” davlat unitar korxonasi ustavini tasdiqlasin va belgilangan tartibda roʻyxatdan oʻtkazilishini taʼminlasin;

manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni ushbu qarorga muvofiqlashtirsin.

5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Xodjayev hamda Oʻzbekiston Respublikasi qishloq xoʻjaligi vaziri I.Yu. Abduraxmonov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2019-yil 12-iyul,

575-son

Vazirlar Mahkamasining 2019-yil 12-iyuldagi 575-son qaroriga 1-ILOVA

Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi toʻgʻrisida

NIZOM

1-bob. Umumiy qoidalar

1. Ushbu Nizom Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasining (keyingi oʻrinlarda Inspeksiya deb ataladi) asosiy vazifalari, funksiyalari, huquqlari va majburiyatlarini, shuningdek, faoliyatini tashkil etish tartibini belgilaydi.

2. Inspeksiya agrosanoat majmuida davlat nazorati va tekshiruvni amalga oshiruvchi mustaqil respublika ijro etuvchi hokimiyat organi hisoblanadi hamda oʻziga berilgan vakolatlar doirasida Oʻzbekiston Respublikasining agrosanoat majmui ustidan nazorat qilish vazifalarini amalga oshiradi.

3. Inspeksiya oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlari, shuningdek, ushbu Nizomga va boshqa qonunchilik hujjatlariga amal qiladi.

4. Inspeksiya tizimiga quyidagilar kiradi:

Inspeksiyaning markaziy apparati;

Inspeksiya qoshidagi “Qishloq xoʻjaligi mahsulotlari sifatini baholash markazi” davlat muassasasi;

Inspeksiyaning Qoraqalpogʻiston Respublikasi va viloyatlar boshqarmalari;

Inspeksiyaning tumanlar (Quvasoy shahar) boʻlimlari.

5. Inspeksiya oʻz faoliyatini mahalliy ijro etuvchi hokimiyati organlaridan mustaqil ravishda, quyi turuvchi rahbarlarning yuqori turuvchi rahbarlarga, shuningdek, bevosita Vazirlar Mahkamasiga boʻysunishi hamda hisobot berish asosida amalga oshiradi.

6. Inspeksiyaning oʻz vakolatlari doirasida qabul qilgan qarorlari davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlar va ularning mansabdor shaxslari, shuningdek fuqarolar tomonidan bajarilishi majburiy hisoblanadi.

7. Inspeksiya oʻz faoliyatini davlat va xoʻjalik boshqaruvi organlari, huquqni muhofaza qiluvchi organlari, mahalliy davlat hokimiyati organlari, nodavlat notijorat tashkilotlar, xorijiy va xalqaro hamda boshqa tashkilotlar bilan hamkorlikda amalga oshiradi.

8. Inspeksiya faoliyati Oʻzbekiston Respublikasi Davlat budjeti va Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasini rivojlantirish jamgʻarmasi (keyingi oʻrinlarda jamgʻarma deb ataladi) mablagʻlari, shuningdek qonun hujjatlarida taqiqlanmagan boshqa manbalar hisobiga moliyalashtiriladi.

Inspeksiya hududiy boʻlinmalari faoliyatining joriy taʼminoti va moliyalashtirish xarajatlari Qoraqalpogʻiston Respublikasi va viloyatlarning tegishli budjetlari mablagʻlari hamda qonun hujjatlarida taqiqlanmagan boshqa manbalar hisobiga amalga oshiriladi.

9. Inspeksiya, Qoraqalpogʻiston Respublikasi hamda viloyatlar boshqarmalari va Inspeksiya qoshidagi “Qishloq xoʻjaligi mahsulotlari sifatini baholash markazi” davlat muassasasi yuridik shaxs hisoblanadi, Oʻzbekiston Respublikasi Davlat gerbi tasvirlangan va oʻz nomi yozilgan muhr va blankalariga, shuningdek, qonun hujjatlariga muvofiq ochiladigan shaxsiy gʻazna hisobvaraqlariga, bank hisob raqamlariga ega boʻladi.

10. Inspeksiyaning rasmiy nomi:

a) davlat tilida:

toʻliq nomi — Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi;

qisqartirilgan nomi — “Oʻzagroinspeksiya”.

b) rus tilida:

toʻliq nomi — Inspeksiya po kontrolyu za agropromishlennim kompleksom pri Kabinete Ministrov Respubliki Uzbekistan;

qisqartirilgan nomi — “Uzagroinspeksiya”.

v) ingliz tilida:

toʻliq nomi — Inspection on the control of agro-industrial complex under the Cabinet of Ministers of the Republic of Uzbekistan;

qisqartirilgan nomi — “Uzagroinspection”.

2-bob. Inspeksiyaning asosiy vazifalari va funksiyalari

11. Quyidagilar Inspeksiyaning asosiy vazifalari hisoblanadi:

a) qishloq xoʻjaligi sohasidagi qonunchilik talablariga rioya etilishi;

b) paxta, boshoqli don va boshqa qishloq xoʻjaligi ekinlari urugʻlariga davlat tomonidan buyurtma berish, urugʻ tayyorlash va uni qayta ishlash hamda saqlash boʻyicha talablarga rioya qilinishi;

v) qishloq xoʻjaligi va oziq-ovqat mahsulotlari zaxiralarini shakllantirish boʻyicha talablarning bajarilishi;

g) paxta, boshoqli don va boshqa qishloq xoʻjaligi ekinlari hosili hamda ularning urugʻlari, shuningdek, ulardan qayta ishlangan mahsulotlarning sifati, ulardan oqilona hamda maqsadli foydalanilishi, ularning sifatli saqlanishi hamda nobudgarchiligi kamaytirilishi;

g1) bugʻdoyni qabul qilish, saqlash va xaridorlarga yuklab joʻnatish jarayonida yuzaga keladigan tabiiy kamayish miqdorini hisobdan chiqarishni nazorat qilish;

g2) qishloq xoʻjaligini davlat tomonidan qoʻllab-quvvatlash jamgʻarmasining tijorat vakili tomonidan bugʻdoy yetishtiruvchilardan xarid qilinadigan bugʻdoyni qabul qilish va sotish jarayonlarida standart talablariga koʻra sifat koʻrsatkichlari boʻyicha (muvofiqlik sertifikati) hamda bugʻdoy sinflari (sifat sertifikati) boʻyicha sertifikatlashni nazorat qilish;

d) qishloq xoʻjaligi ekinlari navlarining genetik sofligi va urugʻliklar sifati sohasidagi davlat siyosatining amalga oshirilishini, akkreditatsiya sohasiga muvofiq urugʻlarni, mevali daraxt va tok koʻchatlarini sertifikatlashtirish, urugʻlik hamda koʻchat materiallarining sifatini aniqlash va nazorat qilish boʻyicha ishlarning amalga oshirilishi;

d1) qishloq xoʻjaligiga moʻljallangan yerlarni muhofaza qilish va ulardan maqsadli foydalanilishi;

z) idoraviy boʻysunuvi va tashkiliy-huquqiy shaklidan qatʼi nazar barcha korxonalar, muassasalar hamda tashkilotlarda qishloq xoʻjaligi, melioratsiya va yoʻl-qurilish texnikalarining texnik holati, ularning ekspluatatsiya qilinishi samaradorligi, shuningdek, servis va taʼmirlash xizmatlarining sifati, qishloq xoʻjaligi texnikasi va texnologiyalarini majburiy va davriy sinovdan oʻtkazish ustidan nazoratni amalga oshirish;

i) eksport-import va respublika ichidagi tashishlarda paxta, boshoqli don va boshqa qishloq xoʻjaligi ekinlari hosili hamda ularning urugʻliklari, mevali daraxt, tok koʻchatlari hamda qayta ishlangan mahsulotlar sifatining majburiy tekshiruvini oʻtkazish;

i1) import qilinayotgan qishloq xoʻjaligi ekinlarining urugʻlik va koʻchat materiallarida geni modifikatsiyalangan organizmlarning (GMO) mavjudligini aniqlash;

i2) sohada davlat nazoratini amalga oshirish va hisobotlarni yuritish jarayonlarini toʻliq raqamlashtirish;

y) huquqbuzarliklarni aniqlash, ularning kelib chiqish sabablari va shart-sharoitlarini bartaraf etish choralarini koʻrish hamda qonunchilik hujjatlarida belgilangan tartibda maʼmuriy huquqbuzarliklar toʻgʻrisidagi ishlarni yuritish, vakolatlar doirasida toʻgʻridan-toʻgʻri maʼmuriy huquqbuzarliklar toʻgʻrisidagi bayonnomalarni rasmiylashtirish hamda aybdor shaxslarni jarimaga tortish.

12. Inspeksiya oʻziga yuklangan vazifalarni bajarish uchun quyidagi funksiyalarni amalga oshiradi:

a) qishloq xoʻjaligi sohasidagi qonunchilik talablariga rioya etilishi yuzasidan quyidagi nazoratni amalga oshiradi:

qishloq xoʻjaligida iqtisodiy islohotlarni chuqurlashtirish hamda sohani rivojlantirishga oid qonunlar, Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlarida belgilangan talablar va qoidalarning oʻz vaqtida va toʻliq bajarilishi ustidan;

qishloq xoʻjaligi ekinlarining Oʻzbekiston Respublikasi hududlarining tuproq-iqlim sharoitidan kelib chiqqan holda joylashtirilishi;

qishloq xoʻjaligi ekinlarini ekish va ekish bilan bogʻliq hamda oʻsish (vegetatsiya) davrida bajariladigan agrotexnik tadbirlarning oʻz vaqtida va sifatli amalga oshirilishi ustidan;

qishloq xoʻjaligi mahsulotlarini yetishtirishda mineral oʻgʻitlar bilan oziqlantirish hamda kasallik va zararkunandalarga qarshi kimyoviy va biologik kurashish ishlarining bajarilishi ustidan.

Inspeksiya agrosanoat majmui sohasida qonunchilik hujjatlari ijrosini tahlil qilib boradi, tahlil natijalari boʻyicha sohadagi qonunchilik hujjatlarini va normativ hujjatlarni takomillashtirish yuzasidan takliflar ishlab chiqadi.

b) paxta, boshoqli don va boshqa qishloq xoʻjaligi ekinlari urugʻlariga davlat tomonidan buyurtma berish, urugʻ tayyorlash va uni qayta ishlash hamda saqlash boʻyicha talablarga rioya qilinishi yuzasidan quyidagi nazoratni amalga oshiradi:

fermer xoʻjaliklari, agroklasterlar va boshqa qishloq xoʻjaligi korxonalari tomonidan Oʻzbekiston Respublikasi Vazirlar Mahkamasi, Qoraqalpogʻiston Respublikasi Vazirlar Kengashi, viloyatlar hamda tumanlar hokimlarining qarorlari bilan belgilangan paxta, boshoqli don va boshqa qishloq xoʻjaligi ekinlarining maydonlarda toʻliq ekilishi va yalpi hosil yetishtirilishi ustidan;

qishloq xoʻjaligi ekinlari navlarini sinash ishlarining tashkil etilishi ustidan;

Oʻzbekiston Respublikasi hududida ekishga tavsiya etilgan qishloq xoʻjaligi ekinlari Davlat reyestrining yuritilishi ustidan;

paxta, boshoqli don va boshqa qishloq xoʻjaligi ekinlari urugʻlari sifati ustidan;

urugʻchilik sohasiga jahon yutuqlarini tatbiq etish, urugʻlar sifatini xalqaro va milliy standartlar asosida aniqlash hamda sertifikatlashtirish ustidan;

Oʻzbekiston Respublikasi Qishloq xoʻjaligi vazirligi tomonidan tasdiqlanadigan miqdorda rayonlashtirilgan navlar boʻyicha joylashtirish va navli urugʻlarni tayyorlash koʻrsatkichlarining bajarilishi ustidan.

Inspeksiya:

paxta va boshoqli don ekinlari urugʻlari sifatini aniqlash usullarini ishlab chiqish, tasdiqlash va takomillashtirish hamda urugʻlik yetishtirish va uning sifatini aniqlash boʻyicha texnik reglamentlar hamda standartlar, metodikalar va yoʻriqnomalar ishlab chiqishda ishtirok etadi;

texnik jihatdan tartibga solish sohasidagi normativ hujjatlar talablariga muvofiqligi tasdiqlanishi majburiy boʻlgan mahsulotlar roʻyxatini shakllantirishda ishtirok etadi hamda agrosanoat majmui sohasidagi mahsulot turlari boʻyicha roʻyxatga kiritilishi yoki chiqarilishi yuzasidan xulosalar beradi.

v) qishloq xoʻjaligi va oziq-ovqat mahsulotlari zaxiralarini shakllantirish boʻyicha talablarning bajarilishi sohasida quyidagi nazoratni amalga oshiradi:

asosiy turdagi qishloq xoʻjaligi va oziq-ovqat mahsulotlari zaxiralarini shakllantirish va ularning maqsadli realizatsiya qilinishi ustidan;

paxta, boshoqli don va boshqa qishloq xoʻjaligi ekinlari yetishtirilishini moliyalashtirish mexanizmlari, oʻzaro hisob-kitoblarning oʻz vaqtida amalga oshirilishini hamda xizmatlar va moddiy-texnik resurslar bilan taʼminlanishi ustidan;

eksport-import operatsiyalarini amalga oshirish, shuningdek, paxta, boshoqli don va boshqa qishloq xoʻjaligi ekinlari hosili hamda ularning qayta ishlangan mahsulotlari hajmlari hamda balans koʻrsatkichlari boʻyicha takliflarning shakllantirilganligi ustidan.

g) paxta, boshoqli don va boshqa qishloq xoʻjaligi ekinlari hosili, urugʻliklari, mevali daraxt va tok koʻchatlari, shuningdek, ularning qayta ishlangan mahsulotlari sifati, ulardan oqilona hamda maqsadli foydalanilishi, ularning sifatli saqlanishi hamda nobudgarchiligi kamaytirilishi boʻyicha quyidagi nazoratni amalga oshiradi:

mulkchilik shaklidan qatʼi nazar, paxta tayyorlash maskanlari, don qabul qilish va qayta ishlash korxonalari tomonidan paxta, boshoqli don hamda boshqa qishloq xoʻjaligi ekinlari hosilining qabul qilinishi, qayta ishlanishi va saqlanishi hamda realizatsiya qilinishi ustidan;

paxta, boshoqli don va boshqa qishloq xoʻjaligi ekinlari urugʻliklari boʻyicha fermer xoʻjaliklari va boshqa qishloq xoʻjaligi korxonalari oʻrtasida oʻzaro hisob-kitoblarning amalga oshirilishi, paxta, boshoqli don va boshqa qishloq xoʻjaligi ekinlari hosili hamda ularning qayta ishlangan mahsulotlari va urugʻlik materiallari boʻyicha hisobotlarning yuritilishi hamda tabiiy kamayishi hisobiga yetkaziladigan zararlarni belgilangan tartib asosida hisobdan chiqarilishi ustidan;

paxta, boshoqli don va boshqa qishloq xoʻjaligi ekinlari hosili hamda ularning qayta ishlangan mahsulotlari, shuningdek, urugʻlik materiallarini qabul qiluvchi, saqlovchi va qayta ishlovchi korxonalarning texnik holati ustidan;

nobudgarchilik boʻyicha belgilangan normalarining toʻgʻri va asosli qoʻllanilishi, paxta tayyorlash punktlari hamda don qabul qilish hamda qayta ishlash korxonalarida texnologik jarayonlarga va mahsulotning chiqishi normalariga hamda sifatiga rioya etilishi ustidan.

Inspeksiya:

mulkchilik shaklidan qatʼi nazar, mahsulotni qabul qilish va qayta ishlash korxonalari tomonidan qabul qilingan paxta, boshoqli don va boshqa qishloq xoʻjaligi ekinlari hosili, ularning qayta ishlangan mahsulotlari, shuningdek, urugʻlik materiallari sifati yomonlashishi, nobud boʻlishi holatlari va sabablarini oʻrganadi, zarur hollarda ularni bartaraf etish boʻyicha koʻrsatmalar beradi va mahalliy davlat hokimiyati organlariga takliflar kiritadi;

boshoqli don ekinlari hosili va ularning qayta ishlangan mahsulotlarining partiyalari boʻyicha tuzilgan tozalash dalolatnomalarini koʻrib chiqadi va tasdiqlaydi;

Inspeksiyaga yuklangan vazifalar doirasida tekshirish qoidalarini va sifat sertifikatlari shakllarini ishlab chiqadi hamda tasdiqlaydi;

paxta, boshoqli don va boshqa qishloq xoʻjaligi ekinlarining qayta ishlangan mahsulotlari, shuningdek, urugʻlik materiallari sifati boʻyicha xoʻjalik yurituvchi subyektlar oʻrtasida nizoli masalalar kelib chiqqan taqdirda, nazorat sinovlarini oʻtkazadi hamda mamlakat ichida va eksport-import operatsiyalarini amalga oshirishda jismoniy va yuridik shaxslar tomonidan bajarilishi majburiy hisoblangan xulosalarni beradi;

mulkchilik shaklidan qatʼi nazar, qayta ishlovchi korxonalar tomonidan texnik chigitni toʻliq texnologik siklda (magʻizni yanchish, gidrotermik ishlov berish, presslash, ekstraksiyalash, rafinatsiyalash, dezodoratsiyalash va qadoqlash) maqsadli qayta ishlanganligi va mahsulot sifatini tasdiqlovchi gigiyenik xulosaning mavjudligi hamda texnik reglament va standartlar bilan belgilangan majburiy talablarga muvofiqligi taʼminlanganligi ustidan;

mulkchilik shaklidan qatʼi nazar, qayta ishlovchi korxonalarda 3 va undan yuqori sinflardagi bugʻdoydan un ishlab chiqarish boʻyicha quvvatlarning mavjudligi hamda ularda texnologik jarayonlarning belgilangan talablarga mos kelishi, mahsulot sifatini nazorat qiladigan laboratoriyalar faoliyatining texnologik sikli boʻyicha toʻgʻri yoʻlga qoʻyilganligi ustidan.

g1) bugʻdoyni qabul qilish, saqlash va xaridorlarga yuklab joʻnatish jarayonida yuzaga keladigan tabiiy kamayish miqdorini hisobdan chiqarishni nazorat qilish;

g2) qishloq xoʻjaligini davlat tomonidan qoʻllab-quvvatlash jamgʻarmasining tijorat vakili tomonidan bugʻdoy yetishtiruvchilardan xarid qilinadigan bugʻdoyni qabul qilish va sotish jarayonlarida standart talablariga koʻra sifat koʻrsatkichlari boʻyicha (muvofiqlik sertifikati) hamda bugʻdoy sinflari (sifat sertifikati) boʻyicha sertifikatlashni nazorat qilish;

d) qishloq xoʻjaligi ekinlari navlarining genetik sofligi va urugʻlik materiallari sifati sohasidagi davlat siyosatining amalga oshirilishini, akkreditatsiya sohasiga muvofiq urugʻliklar, mevali daraxt va tok koʻchatlarini sertifikatlashtirish, ularning sifatini aniqlash va nazorat qilish boʻyicha quyidagi nazoratni amalga oshiradi:

qishloq xoʻjaligi ekinlari navlari boʻyicha urugʻchilik xoʻjaliklarini aniqlash, yangi navlarning rayonlashtirilishi va navdor urugʻlik materiallarini tayyorlash koʻrsatkichlarining bajarilishi ustidan;

qishloq xoʻjaligi ekinlari navlarining original, elita, birinchi va keyingi avlodli urugʻlik va koʻchat materiallarining yetishtirilishi hamda texnik jihatdan tartibga solish sohasidagi normativ hujjatlar va yoʻriqnomalar talablariga rioya qilgan holda tejab sarflanishi ustidan;

urugʻlik uchun ekilgan qishloq xoʻjaligi ekinlari maydonlarida aprobatsiya oʻtkazish ustidan;

paxta va boshoqli don ekinlari urugʻlarini tayyorlash, ulardan foydalanish, jumladan, eksport va import qilishning zamonaviy tizimini shakllantirish ustidan;

qishloq xoʻjaligi ekinlarining mahalliy va xorijiy seleksiya navlari, shu jumladan biotexnologik navlarning birlamchi urugʻchiligini tashkil etish va rivojlantirish ustidan;

qishloq xoʻjaligi ekinlarining ekiladigan urugʻlarini yetishtirish, tayyorlash, qayta ishlash, saqlash va realizatsiya qilishni texnik jihatdan tartibga solish sohasidagi normativ hujjatlar talablariga muvofiq amalga oshirilishi ustidan;

qishloq xoʻjaligi ekinlari urugʻlarini yetishtirish, tayyorlash va saqlashda kimyoviy preparatlarning samarali qoʻllanilishi ustidan;

urugʻchilik boʻyicha xalqaro va milliy tashkilotlar bilan oʻzaro faol hamkorlik qilish, urugʻlarga ekishdan oldin ishlov berish va qayta ishlashga oid innovatsion texnologiyalarni, shuningdek, sohaga nou-xaularni joriy etish ustidan;

urugʻchilik sohasida ilmiy va tajriba-eksperimental tadqiqotlarni olib borish, tarmoq korxonalarining ilmiy salohiyati va moddiy-texnika bazasini mustahkamlashga yordam berilishi ustidan;

akkreditatsiya sohasiga muvofiq urugʻlarni sertifikatlashtirish hamda urugʻ va koʻchat materiallarining sifatini aniqlash va nazorat qilish ishlarini muvofiqlashtirish yuzasidan;

ekin turlari boʻyicha urugʻlar arxivining tarkibi hamda urugʻlar arxivini yuritish ustidan.

Inspeksiya urugʻliklarni qonun hujjatlarini buzgan holda yetishtirishni, saqlashni, realizatsiya qilishni toʻxtatib qoʻyadi yoki taqiqlaydi;

muvofiqlik sertifikati va fitosanitariya sertifikati yoki karantin ruxsatnomasi mavjud boʻlmagan urugʻliklar turkumlarining tashilishini taqiqlaydi;

qishloq xoʻjaligi ekinlari urugʻlarini ishlab chiqarish va sifatini aniqlashdagi davlat standartlari, metodikalari va yoʻriqnomalarini tayyorlashda qatnashadi.

qishloq xoʻjaligi ekinlarining urugʻlik va koʻchat materiallarini laboratoriya sharoitida sifat koʻrsatkichlarini aniqlash va sertifikatlash boʻyicha ishlarning amalga oshirilishi ustidan;

import qilinayotgan qishloq xoʻjaligi ekinlarining urugʻlik va koʻchat materiallarida geni modifikatsiyalangan organizmlarning (GMO) mavjudligi aniqlanishi ustidan;

paxta, boshoqli don va boshqa qishloq xoʻjaligi ekinlari hamda ularning qayta ishlangan mahsulotlari boʻyicha doimiy hamda davriy sinash va sertifikatlashtirish ishlarining oʻtkazilishi ustidan;

qishloq xoʻjaligi ekinlarining urugʻlik va koʻchat materiallarini maxsus sinash uchastkalarida ekish hamda genetik sofligi sifatini tekshirish orqali ularning muayyan turga va navga mansubligi, shuningdek, nav jihatdan sofligi boʻyicha oʻtkaziladigan baholash ishlari ustidan;

import qilinadigan qishloq xoʻjaligi ekinlarining barcha turdagi urugʻliklari va koʻchat hamda koʻchat materiallarining ekinboplik sifat koʻrsatkichlarini aniqlash va muvofiqlik sertifikati asosida realizatsiya qilinishi ustidan nazorat qilish.

d1) qishloq xoʻjaligi yerlarini muhofaza qilish boʻyicha quyidagi nazoratni amalga oshiradi:

qishloq xoʻjaligi yerlaridan belgilangan maqsadlarda foydalanilishi ustidan;

tuproqning unumdor qatlamlarining ruxsatsiz olib tashlanishi, koʻchirilishi va yoʻq qilinishini taqiqlash hamda yerlarning qishloq xoʻjaligi foydalanishidan chiqib ketishiga yoʻl qoʻymaslik ustidan;

qishloq xoʻjaligi yerlarida oʻtkaziladigan xatlov va tuproq sifatini aniqlash ishlarining belgilangan tartibda amalga oshirilishi ustidan;

sugʻoriladigan qishloq xoʻjaligi yerlariga qishloq xoʻjaligi ekinlarining ekilmasdan qolish holatlari ustidan;

qishloq xoʻjaligi yerlaridan foydalanuvchilar tomonidan yer uchastkalarini oʻzboshimchalik bilan egallashga yoʻl qoʻymaslik boʻyicha majburiyatlarining bajarilishi ustidan;

oʻzboshimchalik bilan yerlarning qishloq xoʻjaligida foydalanishdan chiqishiga sabab boʻlgan holatlar natijasida yetkazilgan zararlarning undirilishi ustidan.

z) idoraviy boʻysunuvi va tashkiliy-huquqiy shaklidan qatʼi nazar barcha korxonalar, muassasalar hamda tashkilotlarda qishloq xoʻjaligi, melioratsiya va yoʻl-qurilish texnikalarining texnik holati, ularning ekspluatatsiya qilinishi samaradorligi, shuningdek, servis va taʼmirlash xizmatlarining sifati, qishloq xoʻjaligi texnikasi va texnologiyalarini majburiy va davriy sinovdan oʻtkazish ustidan quyidagi nazoratni amalga oshiradi:

qishloq xoʻjaligi, melioratsiya va yoʻl-qurilish texnikalarini ishlab chiqaruvchi yoki maxsus savdo tashkilotlarida xaridorlarga sotilgan yangi texnikalar uchun qonunchilik hujjatlarida belgilangan hujjatlar bilan birga Inspeksiyada roʻyxatdan oʻtkazish uchun asos boʻlib xizmat qiladigan hisob-maʼlumotnoma berish;

idoraviy boʻysunuvi va mulk shakllaridan qatʼi nazar traktorlar, traktor tirkamalari, melioratsiya va yoʻl-qurilish texnikasi, oʻziyurar mashinalar hamda qishloq xoʻjaligi texnikalari sonining hisobini yuritilishi, saqlanishi va hisobdan chiqarish, davlat roʻyxatdan oʻtkazish, texnik koʻrikdan oʻtkazish, shuningdek, davlat raqami belgisi, texnik pasport va texnik guvohnoma berish;

traktorchi-mashinist guvohnomasini berish uchun imtihonlar oʻtkazish;

mashina-traktor parklarini yangilash boʻyicha davlat dasturlari ijro etilishini, ekspluatatsiya qilinayotgan qishloq xoʻjaligi, melioratsiya va yoʻl-qurilish texnikasining modernizatsiya qilinishini va yangi namunalari ishlab chiqilishini, shuningdek, qishloq xoʻjaligi ekinlari yetishtirishning resurslarini tejovchi zamonaviy texnologiyalari ishlab chiqish va joriy etish;

qishloq xoʻjaligi, melioratsiya va yoʻl-qurilish texnikasi va texnologiyalari majburiy va davriy sinovdan oʻtkazish boʻyicha normativ-huquqiy hujjatlar talablarining bajarilishi;

mashinasozlik va taʼmirlash korxonalarida qishloq xoʻjaligi, melioratsiya va yoʻl-qurilish texnikasini, uskunalarni va ehtiyot qismlarni yuklashdan oldin ularning sifat koʻrsatkichlari tekshirilishi;

traktorlar, traktor tirkamalari, melioratsiya va yoʻl-qurilish texnikasi, oʻziyurar mashinalar, shuningdek, qishloq xoʻjaligi texnikasi davlat sinovlaridan oʻtkazilganligi va ularning ekspluatatsiya qilinishi samaradorligi ustidan nazorat qiladi.

Inspeksiya tomonidan mulkchilik shaklidan qatʼi nazar, qishloq xoʻjaligi, melioratsiya va yoʻl-qurilish texnikalaridan foydalanish qoidalariga rioya etilishi ustidan amalga oshiriladigan nazorat tadbirlari, istisno tariqasida, tekshiruvlarning “Yagona davlat nazorati” axborot tizimida roʻyxatga olinmagan holda amalga oshiriladi.

Inspeksiya qishloq xoʻjaligini mexanizatsiyalash darajasini oshirish boʻyicha amalga oshirilayotgan chora-tadbirlarni oʻrganib boradi va takomillashtirish boʻyicha takliflar kiritadi.

i) eksport-import va respublika ichidagi tashishlarda paxta xom ashyosi, boshoqli don va boshqa qishloq xoʻjaligi ekinlari hosili va ularning urugʻlari hamda mevali daraxt, tok koʻchatlari ulardan qayta ishlangan mahsulotlar sifatini majburiy davlat tekshiruvidan oʻtkazish boʻyicha quyidagi nazoratni amalga oshiradi;

paxta xom ashyosi, boshoqli don va boshqa qishloq xoʻjaligi ekinlari hosili hamda ularning urugʻlari, shuningdek, ulardan qayta ishlangan mahsulotlar sifati ustidan majburiy davlat tekshiruvi;

eksport-import va respublika ichidagi tashishlarda paxta xom ashyosi, boshoqli don va boshqa qishloq xoʻjaligi ekinlari hamda mevali daraxt, tok koʻchatlari ularning urugʻlari, shuningdek ulardan qayta ishlangan mahsulotlarni sifatli saqlanishi ustidan;

y) huquqbuzarliklarni aniqlash, ularning kelib chiqish sabablari va shart-sharoitlarini bartaraf etish choralarini koʻrish yuzasidan kompleks chora-tadbirlarni amalga oshirish, shuningdek, qonun hujjatlarida belgilangan tartibda maʼmuriy huquqbuzarliklar toʻgʻrisidagi ishlarni yuritishda quyidagilarni nazoratni amalga oshiradi;

inspeksiya vakolatiga taalluqli ishlar boʻyicha tekshiruv oʻtkazish;

qishloq xoʻjaligi, melioratsiya va yoʻl-qurilish texnikalaridan xoʻjasizlarcha foydalanish holatlarini aniqlash;

normativ-huquqiy hujjatlar talablari buzilishiga yoʻl qoʻymaslik haqida mansabdor shaxslarni yozma ravishda ogohlantirish;

davlat organlari va tashkilotlariga, shuningdek idoraviy boʻysunuvidan va mulkchilik shakllaridan qatʼi nazar yuridik shaxslar va ularning mansabdor shaxslariga hamda jismoniy shaxslarga bajarilishi majburiy boʻlgan yozma koʻrsatmalar berish;

sohada qonun buzilishi holatlarini hamda ularni keltirib chiqaruvchi sabab va shart-sharoitlarni bartaraf etish yuzasidan oʻz vakolatlari doirasida idoraviy boʻysunuvidan va mulkchilik shaklidan qatʼi nazar korxona, muassasa va tashkilotlarga ijro etilishi majburiy boʻlgan taqdimnomalar kiritish;

maʼmuriy huquqbuzarliklar toʻgʻrisidagi ishlarni yuritish, Inspeksiya vakolatiga taalluqli ishlarni koʻrib chiqish toʻgʻridan-toʻgʻri maʼmuriy huquqbuzarliklar toʻgʻrisidagi bayonnomalarni rasmiylashtirish va aybdor shaxslarni jarimaga tortish.

Inspeksiya qonun hujjatlariga muvofiq boshqa funksiyalarni ham amalga oshirishi mumkin.

3-bob. Inspeksiyaning huquqlari va javobgarligi

13. Inspeksiya oʻziga yuklangan vazifalar va funksiyalarni bajarish uchun quyidagi huquqlarga ega:

Inspeksiyaga yuklangan vazifalarni bajarish uchun davlat organlari, shu jumladan, huquqni muhofaza qiluvchi va nazorat qiluvchi tuzilmalardan zarur boʻlgan axborot, hujjatlar va boshqa materiallarni bepul olish;

Inspeksiyaga yuklangan vazifalar doirasida tadbirkorlik subyektlari — yuridik shaxslar faoliyati ustidan tekshiruvlarni muvofiqlashtiruvchi vakolatli organ bilan belgilangan tartibda kelishilgan holda yoki tekshiruvlarni elektron roʻyxatga olish yagona tizimida roʻyxatdan oʻtkazish orqali vakolatli organni xabardor etish tartibida tekshirishlarni amalga oshirish;

tekshirish va tahlillar davomida aniqlangan holatlarga aniqlik kiritish yoki qonun hujjatlarining buzilishi holatlari yuzasidan idoraviy boʻysunuvidan va mulkchilik shakllaridan qatʼi nazar korxona, muassasa va tashkilotlarning mansabdor shaxslari hamda xodimlaridan ogʻzaki va yozma tushuntirishlar talab qilish;

tekshirish va tahlillar davomida aniqlangan holatlarga aniqlik kiritish maqsadida idoraviy boʻysunuvidan va mulkchilik shakllaridan qatʼi nazar korxona, muassasa va tashkilotlarning mansabdor shaxslari hamda xodimlarini jalb etish qonun hujjatlarining buzilishi holatlari yuzasidan ogʻzaki va yozma tushuntirishlar talab qilish;

Inspeksiya va uning hududiy boʻlinmalari davlatning, yuridik va jismoniy shaxslarning manfaatlarini koʻzlab berilgan daʼvolar hamda arizalar yuzasidan davlat bojisiz sudga yoki boshqa organga murojaat etish;

zarur hollarda davlat organlari va nazorat qiluvchi organlar xodimlarini hamda ularning vositalarini oʻz funksiyalarini bajarish jarayonida jalb etish;

qishloq xoʻjaligi, melioratsiya va yoʻl-qurilish texnikalaridan foydalanish qoidalarining buzilishi vizual kuzatuv yordamida aniqlanganda, qishloq xoʻjaligi melioratsiya va yoʻl-qurilish texnikalarini toʻxtatish;

Inspeksiya qonun hujjatlariga muvofiq boshqa huquqlarga ham ega boʻlishi mumkin.

14. Inspeksiya quyidagilar uchun javob beradi:

agrosanoat majmuining soha va tarmoqlariga oid qonunchilik hujjatlari va normativ hujjatlar talablari ijrosi ustidan nazoratni amalga oshirish;

qishloq xoʻjaligi ekinlari urugʻlik va koʻchat materiallarini tayyorlanishi hamda ularni qayta ishlash va saqlash boʻyicha qoʻyilgan talablarning bajarilishi ustidan qatʼiy nazoratni taʼminlash;

yuklangan boshqa vazifalarni samarali ijro etish.

4-bob. Inspeksiya faoliyatini tashkil etish

15. Inspeksiyani Oʻzbekiston Respublikasi Prezidenti tomonidan lavozimga tayinlanadigan hamda lavozimdan ozod etiladigan boshliq boshqaradi.

Inspeksiya boshligʻi mehnatga haq toʻlash, tibbiy va transport xizmati koʻrsatish shartlari boʻyicha vazirga tenglashtiriladi.

16. Inspeksiya boshligʻi oʻrinbosarlari Oʻzbekiston Respublikasi Bosh vaziri tomonidan Oʻzbekiston Respublikasi Prezidenti Administratsiyasi bilan kelishgan holda lavozimga tayinlanadi va lavozimdan ozod etiladi.

Inspeksiya boshligʻi oʻrinbosarlari mehnatga haq toʻlash, tibbiy va transport xizmati koʻrsatish shartlari boʻyicha vazir oʻrinbosariga tenglashtiriladi.

17. Zimmasiga yuklangan vazifalarni bajarish uchun Inspeksiya boshligʻi:

a) Inspeksiya faoliyatiga umumiy rahbarlik qiladi;

b) Inspeksiya xodimlarini belgilangan tartibda lavozimga tayinlaydi va lavozimdan ozod etadi;

v) Inspeksiyaning markaziy apparati, Qoraqalpogʻiston Respublikasi, viloyatlar boshqarmalari hamda tumanlar (Quvasoy shahar) boʻlimlari boshliqlarining hisobotlarini eshitadi;

g) zarur hollarda, Inspeksiya va uning hududiy boʻlinmalari tashkiliy-shtat tuzilmalariga belgilangan umumiy shtat birliklari doirasida oʻzgartirishlar kiritadi;

d) Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasini rivojlantirish jamgʻarmasi mablagʻlari hisobidan Inspeksiya va uning hududiy boʻlinmalari xodimlarining qoʻshimcha shtat birliklarini kiritadi;

e) Vazirlar Mahkamasiga quyidagilarni kiritadi (taqdim etadi):

Inspeksiya vakolati doirasiga kiradigan masalalar yuzasidan normativ-huquqiy va boshqa hujjatlar loyihalarini;

Inspeksiya xodimlarini ragʻbatlantirish va ularni Oʻzbekiston Respublikasi davlat mukofotlariga tavsiya etish toʻgʻrisidagi takliflarni;

yo) belgilangan tartibda Inspeksiyaning va uning hududiy boʻlinmalarining shtat jadvalini, Inspeksiya markaziy apparatining boshqarmalari va boʻlimlari toʻgʻrisidagi nizomlarni tasdiqlaydi, shuningdek, Jamgʻarma mablagʻlari hisobiga fuqarolik-huquqiy shartnomalar asosida qoʻshimcha jalb etiladigan mutaxassislar va boshqa shaxslar sonini belgilaydi;

j) oʻz vakolatlari doirasida Inspeksiyaning faoliyatini tashkil etish masalalariga doir Inspeksiyaning barcha xodimlari tomonidan bajarilishi majburiy boʻlgan buyruqlar chiqaradi, koʻrsatma va farmoyishlar beradi;

z) ajratilgan mablagʻlar doirasida Inspeksiya xodimlariga ustamalar, mukofotlar va boshqa taqdirlash pullari toʻlash tartibi va shartlarini qonun hujjatlariga muvofiq belgilaydi;

i) Inspeksiya zimmasiga yuklangan vazifalarning ijrosi hamda ajratilgan mablagʻlarning maqsadli va oqilona ishlatilishi uchun shaxsan javob beradi;

y) Inspeksiyaning kuch va vositalari samarali taqsimlanishini tashkil etadi, shu jumladan, muayyan funksiyalarni bajaradigan xodimlarni Inspeksiyaga yuklangan boshqa ishlarga jalb etadi;

k) Inspeksiya faoliyatiga taalluqli masalalar boʻyicha tezkor yigʻilishlar oʻtkazadi;

l) qonun hujjatlariga va ushbu Nizomga muvofiq boshqa vakolatlarni amalga oshiradi.

18. Inspeksiya boshligʻi boʻlmagan hollarda uning vakolatlarini Vazirlar Mahkamasi bilan kelishilgan holda uning oʻrinbosarlaridan biri amalga oshiradi.

19. Quyidagilar:

Inspeksiya markaziy apparati barcha xodimlarni, hududiy boshqarmalari boshliqlari va boshliq oʻrinbosarlarini, tumanlar (Quvasoy shahar) boʻlimlari boshliqlarini, Inspeksiya qoshidagi “Qishloq xoʻjaligi mahsulotlari sifatini baholash markazi” davlat muassasasi direktorini va uning oʻrinbosarlarini lavozimga tayinlash va lavozimdan ozod qilish Inspeksiya boshligʻi tomonidan amalga oshiriladi;

Inspeksiya hududiy boʻlinmalarining boshqa xodimlarini lavozimga tayinlash va lavozimdan ozod qilish Inspeksiyaning hududiy boshqarmalari boshliqlari tomonidan amalga oshiriladi.

5-bob. Inspeksiya hayʼati

20. Inspeksiyada Inspeksiya boshligʻi (hayʼat raisi), uning oʻrinbosarlari (lavozimi boʻyicha), shuningdek, Inspeksiya faoliyatining asosiy yoʻnalishlarini muvofiqlashtiradigan tarkibiy boʻlinmalar boshliqlaridan iborat tarkibda hayʼat tashkil etiladi.

Hayʼat aʼzolarining soni va shaxsiy tarkibi Inspeksiya boshligʻining taqdimnomasiga asosan Oʻzbekiston Respublikasi Vazirlar Mahkamasi tomonidan tasdiqlanadi.

21. Hayʼatga quyidagi vazifalar yuklanadi:

Inspeksiya faoliyatining asosiy yoʻnalishlarini tayyorlash va amalga oshirish;

Inspeksiya markaziy apparati va uning hududiy boʻlinmalari rahbarlarining hisobotlarini tizimli asosda eshitishni tashkil qilish, qonun hujjatlari, Oʻzbekiston Respublikasi Prezidenti hujjatlari va Oʻzbekiston Respublikasi Hukumati qarorlarida belgilangan vazifalar oʻz vaqtida va sifatli amalga oshirilishini taʼminlash boʻyicha ularning shaxsiy masʼuliyatini oshirish choralarini koʻrish;

Inspeksiya faoliyati sohasiga oid hududiy va tarmoq dasturlarini amalga oshirish samaradorligini har chorakda va tizimli ravishda koʻrib chiqish;

hayʼatning kengaytirilgan sayyor majlislari oʻtkazilishini tashkil etish, joylarda Inspeksiya faoliyati sohasiga taalluqli dolzarb masalalar muhokama etilishini taʼminlash;

Inspeksiya markaziy apparatining lavozimlar nomenklaturasi va uning tizimini koʻrib chiqish hamda tasdiqlash;

Inspeksiya nomenklaturasiga kiradigan lavozimlarga kadrlarni tanlash va joy-joyiga qoʻyish masalasini koʻrib chiqish;

Oʻzbekiston Respublikasi Prezidenti va Vazirlar Mahkamasining qarorlari hamda topshiriqlari bilan belgilangan vazifalarning oʻz vaqtida va sifatli amalga oshirilishini taʼminlash uchun Inspeksiya markaziy apparati va uning hududiy boʻlinmalari rahbarlari hamda xodimlarining ijro intizomini mustahkamlash va shaxsiy masʼuliyatini oshirish.

Hayʼat Inspeksiya vakolatiga kiritilgan boshqa masalalarni ham koʻrib chiqish huquqiga ega.

22. Hayʼat majlislarida Inspeksiya vakolatiga kiradigan masalalarni muhokama qilish uchun davlat va xoʻjalik boshqaruvi organlari, boshqa tashkilotlar rahbarlari ham taklif etilishi mumkin.

23. Hayʼat uning majlisida tarkibining yarmidan koʻpi qatnashgan taqdirda vakolatli hisoblanadi. Koʻrib chiqiladigan masalalar boʻyicha qarorlar oddiy koʻpchilik ovoz bilan qabul qilinadi.

24. Hayʼat qarorlari Inspeksiya boshligʻining buyruqlari bilan amalga oshiriladi.

25. Inspeksiya boshligʻi va hayʼat aʼzolari oʻrtasida kelishmovchiliklar yuzaga kelgan taqdirda, Inspeksiya boshligʻi yuzaga kelgan kelishmovchiliklar toʻgʻrisida Oʻzbekiston Respublikasi Vazirlar Mahkamasiga axborot bergan holda mustaqil ravishda qaror qabul qiladi. Shuningdek, hayʼat aʼzolari ham oʻz fikr-mulohazalarini Oʻzbekiston Respublikasi Vazirlar Mahkamasiga maʼlum qilishlari mumkin.

26. Hayʼat faoliyatining tartibi hayʼat tomonidan tasdiqlanadigan reglament bilan belgilanadi.

6-bob. Inspeksiya faoliyati samaradorligi va natijadorligini baholash mezonlari hamda koʻrsatkichlari

27. Inspeksiya faoliyatining samaradorligi va natijadorligi muntazam baholab boriladi.

28. Inspeksiya faoliyatining samaradorligi va natijadorligi Vazirlar Mahkamasi tomonidan belgilanadigan samaradorlik va natijadorlik mezonlari hamda koʻrsatkichlari asosida baholanadi.

29. Inspeksiya faoliyatining samaradorligi va natijadorligini baholash yakunlari boʻyicha:

Inspeksiya rahbarlari va xodimlarini ragʻbatlantirish (mukofotlash) yoki tegishli intizomiy javobgarlikka tortish;

aniqlangan kamchiliklarni bartaraf etish va Inspeksiya faoliyatini yanada takomillashtirish chora-tadbirlari koʻriladi.

30. Inspeksiya faoliyatining samaradorligi va natijadorligini baholash tartibi qonun hujjatlari bilan belgilanadi.

7-bob. Inspeksiyaning hisobdorligi

31. Inspeksiya boshligʻi oʻz faoliyati toʻgʻrisida Oʻzbekiston Respublikasi Vazirlar Mahkamasi va Oʻzbekiston Respublikasi Prezidentiga muntazam hisobot beradi.

32. Vazirlar Mahkamasi Inspeksiya boshligʻi va uning oʻrinbosarlarining ularga yuklangan vazifalar samarali bajarilishi boʻyicha faoliyatining doimiy monitoringini olib boradi, Inspeksiya faoliyatining samaradorligini baholaydi.

33. Monitoring va baholash yakunlari boʻyicha Inspeksiyaning mansabdor shaxslari va xodimlarini ragʻbatlantirish yoki yoʻl qoʻyilgan jiddiy kamchiliklar uchun egallab turgan lavozimidan ozod etishgacha boʻlgan intizomiy javobgarlik choralari koʻriladi.

8-bob. Yakunlovchi qoidalar

34. Inspeksiya koʻrsatmalari, yoʻl-yoʻriqlari, taqdimnomalari va boshqa hujjatlarini bajarmaslik, shuningdek, Inspeksiya faoliyatiga aralashish hamda yuklatilgan vazifalar va funksiyalarning qonuniy ijro etilishiga toʻsqinlik qilish maqsadida Inspeksiya xodimlariga har qanday shaklda taʼsir koʻrsatish taqiqlanadi va bu qonunda belgilangan tartibda javobgarlikka sabab boʻladi.

35. Inspeksiyani qayta tashkil etish yoki tugatish Oʻzbekiston Respublikasi Prezidentining qarori bilan amalga oshiriladi.

Vazirlar Mahkamasining 2019-yil 12-iyuldagi 575-son qaroriga 2-ILOVA

Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasini rivojlantirish jamgʻarmasi toʻgʻrisida

NIZOM

1-bob. Umumiy qoidalar

1. Ushbu Nizom Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasini rivojlantirish jamgʻarmasi (keyingi oʻrinlarda jamgʻarma deb ataladi) mablagʻlarini shakllantirish va ulardan foydalanish tartibini belgilaydi.

2. Jamgʻarma yuridik shaxs hisoblanmaydi va uning mablagʻlari Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasida ochilgan Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasining (keyingi oʻrinlarda Inspeksiya deb ataladi) budjetdan tashqari shaxsiy gʻazna hisobvaragʻida jamlanadi va ushbu Nizomda belgilangan maqsadlarga sarflanadi.

3. Jamgʻarma mablagʻlarining shakllantirilish va sarflanishi hisobi milliy valyutada amalga oshiriladi.

2-bob. Jamgʻarma mablagʻlarini shakllantirish tartibi

4. Jamgʻarma mablagʻlari quyidagi manbalar hisobidan shakllantiriladi:

“Qishloq xoʻjaligi mahsulotlari sifatini baholash markazi” davlat muassasasi tomonidan koʻrsatilgan xizmatlardan tushgan tushumlarining 30 foizi;

oʻzboshimchalik bilan yerlarning qishloq xoʻjaligida foydalanishdan chiqarishga sabab boʻlgan hollarda yetkazilgan zararni hisoblashdan undirilgan mablagʻlarning 5 foizi;

Inspeksiya xodimlari tomonidan solinadigan jarimalar miqdorlarining 50 foizi;

traktorlar, traktor tirkamalari, melioratsiya va yoʻl-qurilish texnikalari, oʻziyurar mashinalar, shuningdek, qishloq xoʻjaligi texnikalarini texnik koʻrikdan oʻtkazish, davlat raqam belgilari, texnik pasportlar va guvohnomalar berish uchun undiriladigan yigʻimlar miqdorining 80 foizi;

Jamgʻarmaning vaqtinchalik boʻsh turgan mablagʻlarini tijorat banklariga depozitga qoʻyishdan olingan foiz tarzidagi daromadlar;

homiylik xayriyalari, xalqaro tashkilotlarning grantlari va qonun hujjatlarida taqiqlanmagan boshqa manbalar.

5. Jamgʻarmaning vaqtinchalik boʻsh turgan mablagʻlari Inspeksiya tomonidan Oʻzbekiston Respublikasi tijorat banklarining depozit hisobvaraqlariga joylashtirilishi mumkin.

6. Jamgʻarmaning joriy yilda foydalanilmagan mablagʻlari keyingi yilga oʻtadi.

3-bob. Jamgʻarma mablagʻlaridan foydalanish tartibi

7. Jamgʻarma mablagʻlari quyidagi maqsadlarga yoʻnaltiriladi:

Inspeksiyaning vazifalarini samarali amalga oshirish;

Inspeksiya xodimlarini moddiy ragʻbatlantirish;

Inspeksiya xodimlarini tayyorlash, qayta tayyorlash va ularning malakasini oshirish;

maʼmuriy binolar, sport inshootlari va boshqa infratuzilma obyektlarida qurilish, rekonstruksiya qilish, mukammal va joriy taʼmirlash ishlarini (loyiha-smeta hujjatlarini ishlab chiqish xarajatlarini inobatga olgan holda) amalga oshirishga, ularning moddiy holatini yaxshilash, shu jumladan zarur zamonaviy uskunalar, mebel, inventarlar bilan jihozlash, kuzatuv, nazorat va identifikatsiya tizimlari, vositalari va qurilmalari bilan taʼminlash va boshqa tovar-moddiy qimmatliklar xarid qilishga;

axborot-kommunikatsiya, multimedia va tarmoq qurilmalari, texnikalari vositalari hamda dasturiy taʼminotlarni xarid qilish, zamonaviy texnologiyalarni joriy etish, maʼlumotlar bazasini shakllantirish;

qishloq xoʻjaligi, melioratsiya va yoʻl-qurilish texnikalariga davlat raqam belgilari, texnik pasportlar va guvohnomalar berishga;

Inspeksiya xodimlariga formali kiyim-bosh va farqlash belgilari bilan taʼminlash, ijara shartnomasi asosida ijara pullarini qoplash;

Inspeksiya rahbar va xodimlarini xorijiy boshqaruv idoralari, taʼlim muassasalari va boshqa tashkilotlarga tajriba oʻrganish va hamkorlik oʻrnatish maqsadlarida xorijiy xizmat safariga yuborish;

qonunchilikda taqiqlanmagan Inspeksiya faoliyatini rivojlantirishga yoʻnaltirilgan boshqa tadbirlar.

8. Jamgʻarmadan mablagʻ ajratishga oid murojaatlar ushbu xarajatlarni asoslovchi tegishli hujjatlar bilan birga taqdim etiladi.

Hujjatlarning asoslanganligi va sifati, keltirilgan maʼlumotlarning toʻgʻriligi yuzasidan murojaat etuvchi javobgardir.

9. Jamgʻarma mablagʻlaridan foydalanish uning tasdiqlangan daromadlar va xarajatlar smetasi asosida amalga oshiriladi.

Jamgʻarmaning daromadlari va xarajatlari smetasi budjetdan tashqari mablagʻlar boʻyicha qonun hujjatlarida belgilangan tartibda tuziladi, Inspeksiya tomonidan tasdiqlanadi va Oʻzbekiston Respublikasi Moliya vazirligida roʻyxatdan oʻtkaziladi.

10. Jamgʻarmaning daromadlar va xarajatlar smetasiga yil davomida belgilangan tartibda Inspeksiya tomonidan oʻzgartirishlar kiritilishi mumkin.

4-bob. Jamgʻarmani boshqarish

11. Jamgʻarma faoliyatini boshqarish va uning mablagʻlarini taqsimlash uchun jamgʻarmani boshqarish kengashi (keyingi oʻrinlarda Kengash deb ataladi) tashkil etiladi.

Kengash ishtirok etishning ixtiyoriyligi va kengash vakolatiga tegishli masalalarni hal etishda uning barcha aʼzolarining teng huquqliligi tamoyillari asosida shakllantiriladi.

Kengash, qoidaga koʻra, kengash raisi, raisning oʻrinbosari, kotib va aʼzolaridan iborat tarkibda shakllantiriladi.

Kengash 7 — 9 nafar Inspeksiya rahbariyati va masʼul xodimlaridan iborat tarkibda shakllantiriladi. Kengashning shaxsiy tarkibi, qoidaga koʻra, bir yilda bir marta Inspeksiya boshligʻi tomonidan tasdiqlanadi.

Inspeksiya boshligʻi lavozimiga koʻra kengash raisi hisoblanadi.

12. Kengash aʼzolarining vazifalari quyidagilardan iborat:

kengash majlislarida koʻrib chiqiladigan masalalarni muhokama qilish va hal etishda ishtirok etish;

Inspeksiya faoliyatini rivojlantirishning dolzarb masalalari boʻyicha kengashga takliflar kiritish;

kengash tomonidan koʻrib chiqiladigan masalalar boʻyicha ovoz berish;

kengash aʼzolari majlisda shaxsan qatnashadilar. Bunday qatnashishning imkoni boʻlmagan taqdirda kengash aʼzosi majlisning kun tartibi boʻyicha oʻz fikrini yozma ravishda taqdim etishga haqlidir.

13. Kengash raisi:

kengash majlisi kun tartibini belgilaydi va uni chaqiradi;

kengash qarorlarini tasdiqlaydi va ularning bajarilishini nazorat qiladi;

kengash aʼzolariga yuklangan vazifalar bajarilishi yuzasidan ularning ishini muvofiqlashtiradi;

kengashning samarali ishlashini taʼminlash uchun boshqa vakolatlarni amalga oshiradi;

Jamgʻarma Kengashi tomonidan belgilangan limitlar doirasida dasturlar boʻyicha xarajatlar smetalarini tasdiqlash va tuzatish, shuningdek Jamgʻarmaning zaxira mablagʻlaridan foydalanish Inspeksiya boshligʻi zimmasiga yuklatiladi.

14. Kengash kotibi:

kengash majlisiga barcha zarur hujjatlarning oʻz vaqtida tayyorlanishini taʼminlaydi;

majlisni oʻtkazish muddatlari va joyini Kengash raisi bilan kelishadi;

kun tartibi masalalari boʻyicha Kengash majlislari oʻtkazilishini tashkil etadi:

kengash aʼzolari va taklif etilgan shaxslarni majlisning sanasi, vaqti, joyi va kun tartibi loyihasidan xabardor qiladi;

kengash qarorlari bajarilishi monitoringini yuritadi;

kengash bayonnomalarini rasmiylashtiradi va tasdiqlangan bayonnomalarni kengash aʼzolariga va boshqa manfaatdor tashkilotlarga yuboradi.

Kengash kotibi kengash aʼzosi hisoblanadi.

15. Kengash oʻz majlislarini zaruriyatga koʻra, biroq har chorakda kamida bir marta oʻtkazadi.

16. Kengash majlisini kengash raisi, u boʻlmagan taqdirda esa — kengash raisining oʻrinbosari boshqaradi.

17. Kengash majlisi unda kengash aʼzolarining kamida uchdan ikki qismi qatnashganda oʻtkazilgan hisoblanadi.

18. Majlisni oʻtkazish uchun kvorum yoki rais va uning oʻrinbosari boʻlmaganda, kengash majlisini oʻtkazishning yangi sanasi eʼlon qilinadi.

19. Kengash qarori kengashning majlisida qatnashgan aʼzolarining oddiy koʻpchilik ovozi bilan qabul qilinadi. Ovozlar teng boʻlgan taqdirda kengash raisining ovozi hal qiluvchi hisoblanadi.

Jamgʻarmaning daromadlari va xarajatlarining yillik moliyaviy rejasini, shuningdek kengash mablagʻlaridan foydalanilishini tasdiqlash masalalari boʻyicha qaror kengashning majlisda qatnashgan aʼzolari uchdan ikki qismining ovozi bilan qabul qilinadi.

Kengash qarorlari kengash majlisining bayonnomasi bilan rasmiylashtiriladi. Kengash majlisining bayonnomasi kengash raisi tomonidan tasdiqlanadi hamda Inspeksiya boshligʻi buyrugʻi asosida amalga oshiriladi.

20. Quyidagilar kengashning asosiy vazifalari hisoblanadi:

hisobot yili yakuni boʻyicha jamgʻarma mablagʻlarining daromadlari va xarajatlari toʻgʻrisidagi hisobotlarni koʻrib chiqish va tasdiqlash;

jamgʻarma mablagʻlaridan maqsadli va samarali foydalanilishini nazorat qilish.

21. Inspeksiyaning Moliya-iqtisod boʻlimi jamgʻarmaning ishchi organi hisoblanadi.

22. Ishchi organ quyidagi funksiyalarni amalga oshiradi:

jamgʻarmaning daromadlari va xarajatlarining yillik moliyaviy rejasini ishlab chiqadi;

daromadlar va xarajatlar smetalarini tayyorlaydi, shuningdek ularga qonun hujjatlarida belgilangan tartibda oʻzgartirishlar kiritadi;

jamgʻarma tushumlarini koʻpaytirish va uning mablagʻlaridan samarali foydalanish boʻyicha takliflar tayyorlaydi;

jamgʻarmadan mablagʻ ajratishga oid murojaatlarini umumlashtiradi va kengashga koʻrib chiqish uchun materiallar tayyorlaydi;

jamgʻarmaning tushumlar manbalari boʻyicha daromadlari xamda asosiy xarajatlar yoʻnalishlari boʻyicha hisobini yuritadi;

har chorak yakuni boʻyicha jamgʻarma mablagʻlaridan foydalanilishi toʻgʻrisida hisobot tayyorlaydi hamda kengashga koʻrib chiqish va tasdiqlash uchun taqdim etadi;

23. Jamgʻarma mablagʻlarini toʻplash va sarflash operatsiyalariga texnik xizmat koʻrsatish boʻyicha amaliy ishlar Inspeksiyaning Moliya-iqtisod boʻlimi tomonidan amalga oshiriladi. Bu maqsadlarda mustaqil tashkilotlar tuzilmaydi.

5-bob. Jamgʻarma mablagʻlaridan foydalanishni hisobga olish va nazorat qilish

24. Jamgʻarma mablagʻlaridan foydalanish boʻyicha hisob va hisobotlar Inspeksiyaning budjetdan tashqari boshqa mablagʻlaridan alohida yuritiladi.

25. Jamgʻarmaning daromadlar va xarajatlar smetasining ijrosi toʻgʻrisidagi yillik hisobot kengash tomonidan koʻrib chiqiladi hamda xar yili Inspeksiya hayʼati yigʻilishida 15-martgacha tasdiqlanadi.

6-bob. Yakunlovchi qoidalar

26. Ushbu Nizomni qoʻllashda yuzaga keladigan nizolar qonun hujjatlarida belgilangan tartibda hal etiladi.

27. Ushbu Nizom talablarining buzilishida aybdor boʻlgan shaxslar qonun hujjatlarida belgilangan tartibda javob beradilar.

Vazirlar Mahkamasining 2019-yil 12-iyuldagi 575-son qaroriga 3-ILOVA

Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi xodimlarini moddiy ragʻbatlantirish tartibi toʻgʻrisida

NIZOM

1-bob. Umumiy qoidalar

1. Ushbu Nizom Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi (keyingi oʻrinlarda Inspeksiya deb ataladi) xodimlarini moddiy ragʻbatlantirish tartibini belgilaydi.

2. Inspeksiya xodimlarining mehnatiga haq toʻlash fondi quyidagilardan iborat:

a) lavozim maoshi;

b) quyidagi miqdordagi oylik ustamalar:

lavozim maoshining 40 foizi miqdorida ustama (mehnatni ragʻbatlantirish koeffitsiyenti);

Inspeksiya xodimlariga uzoq muddat uzluksiz xizmati uchun lavozim maoshiga ragʻbatlantirish koeffitsiyentini inobatga olgan holda:

markaziy apparat xodimlariga

0,2 koeffitsiyentdan 1,0 koeffitsiyentgacha;

hududiy boʻlinmalar xodimlariga

0,2 koeffitsiyentdan 0,6 koeffitsiyentgacha miqdorda ustama.

Inspeksiyaning markaziy apparati xodimlarining lavozim maoshlarini Yagona tarif setkasi boʻyicha mehnatga haq toʻlashning tasdiqlangan razryadlariga asosan belgilashda tarif koeffitsiyenti 1,4 baravarga, hududiy boʻlinmalar xodimlariga 1,4 baravarga oshirgan holda budjet mablagʻlari hisobidan qoʻllanadi;

v) quyidagilarni oʻz ichiga oladigan ragʻbatlantiruvchi va boshqa toʻlovlar:

oʻz vazifalarini vijdonan, shuningdek alohida muhim va masʼuliyatli ishlarni bajarayotgan xodimlarni yilda ikki oylik mehnatga haq toʻlash fondi miqdorida mukofotlash;

yilda bir marta oylik mehnatga haq toʻlash fondi miqdorida moddiy yordam koʻrsatish;

moddiy ragʻbatlantirish maxsus fondi mablagʻlari hisobidan shaxsiy ustama va mukofotlar;

koʻp yillik hamda bekamu koʻst xizmati (mehnati) uchun yubiley sanalari (50, 55, 60 yoshi) va pensiyaga chiqishi munosabati bilan xodim lavozim maoshining (ragʻbatlantirish koeffitsiyentini hisobga olgan holda) 3 baravari miqdorigacha mukofotlash;

bayram sanalar munosabati bilan xodim lavozim maoshining (ragʻbatlantirish koeffitsiyentini hisobga olgan holda) 1 baravari miqdorigacha mukofotlash;

ovqatlanish xarajatlarini qoplash uchun bazaviy hisoblash miqdorining ikki baravari miqdordagi oylik toʻlovlar;

yoʻlkira xarajatlarini qoplash uchun bazaviy hisoblash miqdorining bir baravari miqdordagi oylik toʻlovlar (xizmat avtotransport vositasi biriktirilgan xodimlar bundan mustasno);

qishloq xoʻjaligi mahsulotlari sotib olish uchun yilda bir marotaba bazaviy hisoblash miqdorining 10 baravarigacha miqdorida moddiy yordam;

xizmat vazifasini sidqidildan va samarali bajarib kelayotgan xodimlarga lavozim maoshining (ragʻbatlantirish koeffitsiyentini hisobga olgan holda) 200 foizi miqdorigacha har oylik ustamalar qoʻllash;

Inspeksiya boshligʻi va uning xodimlariga koʻp yillik xizmatlari va martaba darajalari uchun belgilangan miqdorlarda qoʻshimcha haqlar saqlanib qolinadi;

Inspeksiyadagi xodimlariga Inspeksiyadagi ish vaqti navbatdagi maxsus unvon berish uchun ish stajiga kiritiladi hamda ular boʻyicha, shu jumladan koʻp yillik xizmatlar uchun ustamalar va martaba darajalari uchun qoʻshimchalar miqdorlari adliya organlari xodimlari uchun belgilangan miqdorlarga tenglashtiriladi. Bunda xodimning umumiy ish staji inobatga olinadi.

Inspeksiyada ish faoliyati davrida maxsus unvonlar berish oldingi ish joyi boʻyicha nazarda tutilgan tartibda tegishli maxsus unvonlar berish uchun zarur boʻlgan muddatlar oʻtgandan soʻng Oʻzbekiston Respublikasi Vazirlar Mahkamasining tegishli tarkibiy tuzilmasi rahbarining yoki Inspeksiya boshligʻining tavsiyanomasi asosida amalga oshiriladi.

g) xodimning asoslangan arizasiga asosan yuqori turuvchi tuzilma rahbarining roziligi bilan quyidagi hollarda qoʻshimcha tarzda xodim lavozim maoshining (ragʻbatlantirish koeffitsiyentini hisobga olgan holda) 3 baravari miqdorigacha moddiy yordam koʻrsatilishi mumkin:

yaqin qarindoshlari vafot etganda — oʻlim toʻgʻrisidagi guvohnoma nusxasiga asosan;

alohida ehtiyoj tugʻilganda (baxtsiz hodisa, toʻy va boshqa marosimlar munosabati bilan, uzoq muddatli kasallik sababli maxsus davolanish va sogʻliqni qayta tiklash uchun, shuningdek, oiladagi ogʻir moddiy ahvol sababli va boshqa holatlar).

3. Inspeksiya xodimlarini moddiy ragʻbatlantirish quyidagi shakllarda amalga oshiriladi:

mukofotlash;

lavozim maoshiga shaxsiy ustamalar toʻlash;

moddiy yordam koʻrsatish.

Inspeksiya xodimlarini moddiy ragʻbatlantirish qonun hujjatlarida nazarda tutilgan boshqa shakllarda ham amalga oshirilishi mumkin.

2-bob. Lavozim maoshlariga oylik shaxsiy ustamalar toʻlash tartibi

4. Lavozim maoshlariga oylik shaxsiy ustamalar:

Inspeksiya boshligʻiga — Oʻzbekiston Respublikasi Vazirlar Mahkamasi tomonidan;

Inspeksiya boshligʻi oʻrinbosarlari, markaziy apparat xodimlari va hududiy boshqarmalar boshliqlariga — Inspeksiya boshligʻi tomonidan;

Inspeksiya hududiy tuzilmalari xodimlariga — Inspeksiyaning hududiy boshqarmalari boshliqlari tomonidan belgilanadi.

5. Ish sifati yomonlashganda, topshiriqlar oʻz vaqtida bajarilmaganda, mehnat va ijro intizomi buzilganda lavozim maoshiga belgilangan ustamalar bekor qilinishi yoki kamaytirilishi mumkin.

3-bob. Moddiy yordam koʻrsatish tartibi

6. Mehnatga haq toʻlash fondini shakllantirishda yil hisobiga oylik mehnatga haq toʻlash fondi miqdorida moddiy yordam koʻrsatish uchun mablagʻlar nazarda tutiladi.

7. Xodim vafot etganda, moddiy yordam (agar xodim vafot etgan yilda bevosita unga moddiy yordam koʻrsatilmagan boʻlsa) uning turmush oʻrtogʻiga, turmush oʻrtogʻi yoʻqligida — u bilan birga yashovchi voyaga yetgan farzandlariga yoki qonuniy vakillariga (vasiylar va homiylarga) yoxud voyaga yetmagan bolalarini (bolalikdan nogironlarni — yoshidan qatʼi nazar) farzandlikka olganlarga, shuningdek, agar xodimlar nikohda turmagan va farzandlari boʻlmagan hollarda, xodimning qaramogʻidagi shaxslarga yoki ota-onalariga teng ulushda toʻlab beriladi.

8. Xodimning asoslangan arizasiga asosan yuqori turuvchi tuzilma rahbarining roziligi bilan xodimlarga mehnatga haq toʻlash fondiga ajratilgan mablagʻlar doirasida, quyidagi hollarda qoʻshimcha tarzda moddiy yordam koʻrsatilishi mumkin:

yaqin qarindoshlari vafot etganda — oʻlim toʻgʻrisidagi guvohnoma nusxasiga asosan;

alohida ehtiyoj tugʻilganda (baxtsiz hodisa, toʻy va boshqa marosimlar munosabati bilan, uzoq muddat kasallik sababli maxsus davolanish va sogʻliqni qayta tiklash uchun, shuningdek, oiladagi ogʻir moddiy ahvol sababli va boshqa holatlar).

9. Xodimlar xarajatlarini qoplash, moddiy yordam miqdori va uning toʻlanishi xodimga nisbatan intizomiy jazo chorasi qoʻllanilganligiga bogʻliq boʻlmaydi.

4-bob. Inspeksiya xodimlarining ish haqi va ularni moddiy ragʻbatlantirish boʻyicha tadbirlarni moliyalashtirish manbalari va miqdorlari

10. Inspeksiya xodimlarini moddiy ragʻbatlantirish boʻyicha tadbirlar:

xarajatlar smetasida nazarda tutilgan budjetdan ajratiladigan mablagʻlar;

Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasini rivojlantirish jamgʻarmasining belgilangan tartibda shakllantiriladigan mablagʻlari;

qonun hujjatlarida taqiqlanmagan boshqa manbalar hisobiga amalga oshiriladi.

11. Inspeksiya xodimlariga Oʻzbekiston Respublikasi Davlat budjeti hisobiga moliyalashtiriladigan quyidagi mablagʻlar nazarda tutiladi:

yagona tarif setkasi boʻyicha tasdiqlangan razryadlarga muvofiq lavozim maoshi;

40 foiz miqdorida mehnatni ragʻbatlantirish koeffitsiyenti;

Inspeksiya xodimlariga — koʻp yillik xizmati uchun ragʻbatlantirish koeffitsiyentini hisobga olgan holda, lavozim maoshiga 0,2 dan 1,0 koeffitsiyentlarda har oylik ustama;

yilda ikki oylik mehnatga haq toʻlash fondi miqdorida mukofot;

yilda oylik mehnatga haq toʻlash fondi miqdorida moddiy yordam;

ish haqi fondining 15 foizi miqdorida xodimlarni moddiy ragʻbatlantirish maxsus fondi;

darajali unvon uchun lavozim maoshiga 20 foizdan 50 foizgacha miqdorda ustama;

oshirilgan tarif koeffitsiyentlari;

12. Inspeksiya xodimlariga ish haqi va unga tenglashtirilgan toʻlovlar hamda ularni moddiy ragʻbatlantirish Oʻzbekiston Respublikasi Davlat budjeti, Inspeksiyaning rivojlantirish jamgʻarmasi va boshqa mablagʻlar hisobiga moliyalashtiriladi.

5-bob. Inspeksiya xodimlarining uzoq muddat uzluksiz xizmati uchun ustama haq toʻlash miqdori

13. Inspeksiya markaziy apparati xodimlariga koʻp yillik xizmati uchun ragʻbatlantirish koeffitsiyentini hisobga olgan holda, lavozim maoshiga belgilangan koeffitsiyentlarda quyidagi hajmlarda har oyda ustama toʻlanadi:

1 yildan 5 yilgacha — 0,2;

5 yildan 10 yilgacha — 0,3;

10 yildan 15 yilgacha — 0,4;

15 yildan 20 yilgacha — 0,6;

20 yildan 25 yilgacha — 0,8;

25 yildan ortiq — 1,0.

Inspeksiyaning hududiy boshqarmalari, tumanlar (Quvasoy shahar) boʻlinmalari xodimlariga koʻp yillik xizmati uchun ragʻbatlantirish koeffitsiyentini hisobga olgan holda, lavozim maoshiga belgilangan koeffitsiyentlarda quyidagi hajmlarda har oyda ustama toʻlanadi:

1 yildan 5 yilgacha — 0,2;

5 yildan 10 yilgacha — 0,3;

10 yildan 20 yilgacha — 0,4;

20 yildan ortiq — 0,6.

Ushbu band 2024-yil 1-yanvardan boshlab amal qiladi.

14. Inspeksiya xodimlariga boshqa toʻlovlar Inspeksiyaning rivojlantirish jamgʻarmasi mablagʻlari hisobiga amalga oshiriladi.

Vazirlar Mahkamasining 2019-yil 12-iyuldagi 575-son qaroriga 31-ILOVA

Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi inspektorlarining formali kiyim-boshlari va farqlash belgilari

NAMUNALARI VA TAVSIFI

I. Agrosanoat majmui ustidan nazorat qilish inspektorlarining formali kiyim-boshlari namunalari

Formali kiyim-boshlar tavsifi:

Yozgi mavsumiy formali kiyim-bosh

1. Erkaklar uchun formali kiyim-bosh:

a) old qismida kokardasi boʻlgan toʻq kulrang kepka;

b) kalta yengli, koʻkrak choʻntaklari tugmali va nishonli, nashivkali (yozuvli), shevronli, yelka qismida tugma hamda tugma qadaladigan teshiklari boʻlgan och kulrang koʻylak;

v) toʻq kulrang shim;

g) shim uchun kamar;

d) qora rangli charm poyabzal.

2. Ayollar uchun formali kiyim-bosh:

a) old qismida kokardasi boʻlgan toʻq kulrang kepka;

b) kalta yengli, koʻkrak choʻntaklari tugmali va nishonli, nashivkali (yozuvli), shevronli, yelka qismida tugma hamda tugma qadaladigan teshiklari boʻlgan och kulrang bluzka;

v) toʻq kulrang yubka;

g) qora rangli charm poyabzal.

Kuzgi va bahorgi mavsumiy formali kiyim-bosh

1. Erkaklar uchun formali kiyim-bosh:

a) old qismida kokardasi boʻlgan toʻq kulrang kepka;

b) yenglari uzun, koʻkrak choʻntaklari tugmali va nishonli, nashivkali (yozuvli), shevronli, yelka qismida tugma hamda tugma qadaladigan teshiklari boʻlgan och kulrang koʻylak;

v) toʻq kulrang boʻyinbogʻ;

g) toʻq kulrang, bitta koʻkrak choʻntakli, yengil, yon tomonlari choʻntakli va nishonli, chiziqli, shevronli yengil kurtka;

d) toʻq kulrang shim;

e) shim uchun kamar;

j) qora rangli charm poyabzal.

2. Ayollar uchun formali kiyim-bosh:

a) old qismida kokardasi boʻlgan toʻq kulrang kepka;

b) yenglari uzun, koʻkrak choʻntaklari tugmali va nishonli, nashivkali (yozuvli), shevronli, yelka qismida tugma hamda tugma qadaladigan teshiklari boʻlgan och kulrang bluzka;

v) toʻq kulrang boʻyinbogʻ;

g) toʻq kulrang rangli, bitta koʻkrak choʻntakli, yengil, yon tomonlari choʻntakli va nishonli, chiziqli, shevronli yengil kurtka;

d) toʻq kulrang yubka;

e) qora rangli charm poyabzal.

Qishki mavsumiy formali kiyim-bosh

1. Erkaklar uchun formali kiyim-bosh:

a) qishki toʻq kulrang bosh kiyim;

b) yenglari uzun, koʻkrak choʻntaklari tugmali va nishonli, nashivkali (yozuvli), shevronli, yelka qismida tugma hamda tugma qadaladigan teshiklari boʻlgan och kulrang rangli bluzka;

v) toʻq kulrang boʻyinbogʻ;

g) toʻq kulrang, bitta koʻkrak choʻntakli, yengil, yon tomonlari choʻntakli va nishonli, chiziqli, shevronli yengil kurtka;

d) toʻq kulrang, yoqa qismi moʻynali, koʻkrak nashivka (yozuv) va shevronli, plashsifat issiq kurtka;

e) toʻq kulrang issiq shim;

j) qora charm shim kamari;

z) qora rangli etik.

2. Ayollar uchun formali kiyim-bosh:

a) qishki toʻq kulrang bosh kiyim;

b) yenglari uzun, koʻkrak choʻntaklari tugmali va nishonli, nashivkali (yozuvli), shevronli, yelka qismida tugma hamda tugma qadaladigan teshiklari boʻlgan och kulrang bluzka;

v) toʻq kulrang boʻyinbogʻ;

g) toʻq kulrang, bitta koʻkrak choʻntakli, yengil, yon tomonlari choʻntakli va nishonli, chiziqli, shevronli kurtka;

d) toʻq kulrang, yoqa qismi moʻynali, koʻkrak nashivka (yozuv) va shevronli, plashsifat issiq kurtka;

e) toʻq kulrang yubka;

j) qora rangli etik.

II. Agrosanoat majmui ustidan nazorat qilish inspektorlarining farqlash belgilari namunalari

Farqlash belgilari namunalari tavsifi:

1. Kokarda.

Oltin rangdagi yengil metalldan yasalgan bosh kiyimi uchun kokardada qanotlari ochiq Humo qushi tasvirlangan, yuqori qismida mamlakat ramzi boʻlgan yarim oy tasviri tushirilgan, sakkiz qirrali yulduz va undagi kichik besh qirrali yulduz aks ettirilgan. Humo qushining orqasida togʻlar, daryolar va gullab-yashnagan vodiy uzra chiqayotgan quyosh tasvirlangan.

Pastki qismida “OʻZBEKISTON” markazida lotin harflarida yozilgan Oʻzbekiston Respublikasi bayrogʻi tushirilgan.

Orqa tomonida ikkita metall qichqich oʻrnatilgan boʻlib, ular yordamida kokarda bosh kiyimining oʻrtasiga oʻrnatiladi. Kokardaning markazi burun koʻprigidan yuqorida boʻlishi kerak.

2. Shevron.

Formaning chap yengida (yeng tikilgan tikuvdan 120 mm masofada) 90x75 mm oʻlchamdagi yashil qalqon shakliga ega shevron mavjud.

Qalqon ichida va pastki qismida davlat ramzlari — Oʻzbekiston Respublikasining gerbi va bayrogʻi tasvirlangan. Qalqonning ichidagi gerb usti qismida lotin alifbosida bir qatorli “OʻZBEKISTON RESPUBLIKASI VAZIRLAR MAHKAMASI HUZURIDAGI”, pastki qismida bir qatorli lotin harflarida “OʻZAGROINSPEKSIYA” yozuvlari joylashgan.

Ramka sariq rangdan iborat.

Shevron matoga tushirilgan holda tayyorlanadi. Shevron matosi toʻq yashil rangda.

3. Nashivka (yozuv).

“AGROSANOAT MAJMUI USTIDAN NAZORAT QILISH INSPEKTORI” yozuvi 125x25 mm oʻlchamdagi toʻgʻri burchakli, chetki qismi sariq, toʻq koʻk rangli matoga tilla rangli ip bilan lotin harflarida tikiladi.

Nashivka (yozuv) formaning koʻkrak choʻntaklariga tikiladi.

Izoh. Inspektorni formali kiyim-bosh va farqlash belgilari bilan taʼminlash xarajatlari Agrosanoat majmui ustidan nazorat qilish inspeksiyasining Agrosanoat majmui ustidan nazorat qilish inspeksiyasini rivojlantirish jamgʻarmasi mablagʻlari hisobidan qoplanadi.

Agrosanoat majmui ustidan nazorat qilish inspeksiyasi inspektorlarining formali kiyim-boshlarini kiyib yurishi va farqlash belgilarini taqishi tartibi toʻgʻrisidagi nizom Agrosanoat majmui ustidan nazorat qilish inspeksiyasi boshligʻi tomonidan tasdiqlanadi.

Vazirlar Mahkamasining 2019-yil 12-iyuldagi 575-son qaroriga 4-ILOVA

Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi markaziy apparati xodimlarining Yagona tarif setkasi boʻyicha mehnatga haq toʻlash

RAZRYADLARI

Lavozimlarning nomlanishi Razryadlar Inspeksiya boshligʻi 18 Inspeksiya boshligʻining birinchi oʻrinbosari 17 Inspeksiya boshligʻining oʻrinbosari 16 Boshqarma boshligʻi* 15 Boʻlim boshligʻi* 13 Inspeksiya boshligʻi yordamchisi 12 Bosh inspektor, bosh mutaxassis 11 Katta inspektor, yetakchi mutaxassis 10 1-toifali mutaxassis 9

* Inspeksiyaning boshqarma va boʻlim boshligʻi oʻrinbosariga Inspeksiyaning boshqarma va boʻlim boshligʻi stavkasidan 5 % kam miqdorda.

Vazirlar Mahkamasining 2019-yil 12-iyuldagi 575-son qaroriga 5-ILOVA

Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasining Qoraqalpogʻiston Respublikasi va viloyatlar boshqarmalari xodimlarining Yagona tarif setkasi boʻyicha mehnatga haq toʻlash

RAZRYADLARI

Lavozimlarning nomlanishi Viloyatlar guruhlari boʻyicha razryadlar 1-guruh 2-guruh 3-guruh Boshqarma boshligʻi* 14 13 12 Boʻlim boshligʻi, bosh hisobchi 12 11 10 Bosh inspektor, bosh mutaxassis 10 9 8 Katta inspektor, yetakchi mutaxassis 9 8 7 Inspektor, 1-toifali mutaxassis 8 7 6

* Inspeksiya hududiy boshqarmasi boshligʻining oʻrinbosariga Inspeksiya hududiy boshqarmasi boshligʻi stavkasidan 5% kam miqdorda.

** Inspeksiya hududiy boshqarmasi shuʼba boshliqlariga Inspeksiya hududiy boshqarmasi boʻlim boshligʻi stavkasidan 5% kam miqdorda.

1-guruh 2-guruh 3-guruh Qoraqalpogʻiston Respublikasi, Buxoro viloyati, Navoiy viloyati, Jizzax viloyati, Sirdaryo viloyati Andijon viloyati, Namangan viloyati, Qashqadaryo viloyati, Surxondaryo viloyati, Samarqand viloyati, Xorazm viloyati Toshkent viloyati, Fargʻona viloyati

Vazirlar Mahkamasining 2019-yil 12-iyuldagi 575-son qaroriga 6-ILOVA

Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasining tuman boʻlimi xodimlarining Yagona tarif setkasi boʻyicha mehnatga haq toʻlash

RAZRYADLARI

Lavozimlar nomlanishiRazryadlar1-guruh2-guruhBoʻlim boshligʻi*1312Bosh inspektor98Katta inspektor87Inspektor, mutaxassis76

T/rHududlarTumanlar (Quvasoy shahar)1 -guruh2-guruh1.Qoraqalpogʻiston RespublikasiQoʻngʻirot tumaniXoʻjayli tumaniBeruniy tumaniToʻrtkoʻl tumaniChimboy tumaniEllikqalʼa tumaniAmudaryo tumaniShumanay tumaniQonlikoʻl tumaniKegeyli tumaniMoʻynoq tumaniQoraoʻzak tumaniTaxtakoʻpir tumaniNukus tumaniTaxiatosh tumani2.Andijon viloyatiQoʻrgʻontepa tumaniShahrixon tumaniAndijon tumaniJalaquduq tumaniIzboskan tumaniMarhamat tumaniAsaka tumaniBaliqchi tumaniBoʻston tumaniBuloqboshi tumaniPaxtaobod tumaniOltinkoʻl tumaniXoʻjaobod tumaniUlugʻnor tumani3.Buxoro viloyatiGʻijduvon tumaniRomitan tumaniQorakoʻl tumaniShofirkon tumaniJondor tumaniPeshku tumaniOlot tumaniBuxoro tumaniVobkent tumaniKogon tumaniQorovulbozor gumani4.Jizzax viloyatiZomin tumaniDoʻstlik tumaniGʻallaorol tumaniForish tumaniBaxmal tumaniSh. Rashidov tumaniPaxtakor tumaniMirzachoʻl tumaniArnasoy tumaniZarbdor tumaniZafarobod tumaniYangiobod tumani5.Qashqadaryo viloyatiShahrisabz tumaniNishon tumaniMuborak tumaniMirishkor tumaniChiroqchi tumaniGʻuzor tumaniYakkabogʻ tumaniKoson tumaniQamashi tumaniQarshi tumaniKitob tumaniDehqonobod tumaniKasbi tumani Koʻkdala tumani6.Navoiy viloyatiUchquduq tumaniQiziltepa tumaniXatirchi tumaniKarmana tumaniKonimex tumaniNavbahor tumaniNurota tumaniTomdi tumani7.Namangan viloyatiKosonsoy tumaniNorin tumaniUchqoʻrgʻon tumaniChust tumaniPop tumaniToʻraqoʻrgʻon tumaniChortoq tumaniMingbuloq tumaniNamangan tumaniUychi tumaniYangiqoʻrgʻon tumani8.Samarqand viloyatiUrgut tumaniNarpay tumaniJomboy tumaniSamarqand tumaniIshtixon tumaniPayariq tumaniPastdargʻom tumaniKattaqoʻrgʻon tumaniBulungʻur tumaniNurobod tumaniPaxtachi tumaniOqdaryo tumaniQoʻshrabot tumaniToyloq tumani9.Sirdaryo viloyatiSirdaryo tumaniBoyovut tumaniSayxunobod tumaniXovos tumaniSardoba tumaniOqoltin tumaniGuliston tumaniMirzaobod tumani10.Surxondaryo viloyatiDenov tumaniShoʻrchi tumaniSherobod tumaniJarqoʻrgʻon tumaniSariosiyo tumaniMuzrabot tumaniQumqoʻrgon tu.maniUzun tumaniAngor tumaniBoysun tumaniQiziriq tumaniOltinsoy tumaniTermiz tumaniBandixon tumani11.Toshkent viloyatiBoʻstonliq tumaniQibray tumaniZangiota tumaniOʻrtachirchiq tumaniYangiyoʻl tumaniOhangaron tumaniOqqoʻrgon tumaniBekobod tumaniBoʻka tumaniQuyichirchiq tumanParkent tumanPiskent tumaniChinoz tumaniYuqorichirchiq tumaniToshkent tumani12.Fargʻona viloyatiQuva tumaniBogʻdod tumaniBeshariq tumaniOʻzbekiston tumaniToshloq tumaniUchkoʻprik tumaniQuvasoy shahriBuvayda tumaniDangʻara tumaniOltiariq tumaniQoʻshtepa tumaniRishton tumaniFargʻona tumaniYozyovon tumaniSoʻx tumaniFurqat tumani13.Xorazm viloyatiHazorasp tumaniXiva tumaniXonqa tumaniBogʻot tumaniShovot tumaniUrganch tumaniQoʻshkoʻpir tumaniGurlan tumaniYangiariq tumaniYangibozor tumaniTuproqqalʼa tumaniJami:7486

Vazirlar Mahkamasining 2019-yil 12-iyuldagi 575-son qaroriga 7-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

2. Vazirlar Mahkamasining “Paxta chigiti resurslaridan foydalanish ustidan nazoratni kuchaytirish va ulardan foydalanish samaradorligini oshirish chora-tadbirlari toʻgʻrisida” 2005-yil 31-martdagi 93-son qarorida (Oʻzbekiston Respublikasi QT, 2005-y., 3-4-son, 17-modda):

a) 7-banddagi “Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi” soʻzlari “Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi” soʻzlari bilan almashtirilsin;

b) 8-banddagi “Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi” soʻzlari “Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi” soʻzlari bilan almashtirilsin.

4. Vazirlar Mahkamasining “Paxta chigitini yetkazib berish va undan foydalanish mexanizmini takomillashtirish boʻyicha qoʻshimcha chora-tadbirlar toʻgʻrisida” 2006-yil 18-sentabrdagi 199-son qarorida (Oʻzbekiston Respublikasi QT, 2006-y., 9-son, 69-modda):

a) 4-bandning ikkinchi xatboshisidagi “Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi” soʻzlari “Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi” soʻzlari bilan almashtirilsin;

b) ilovada:

5-bandning toʻrtinchi xatboshisidagi “Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasining” soʻzlari “Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasining” soʻzlari bilan almashtirilsin;

12-bandning birinchi xatboshisidagi “Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi huzuridagi “Agrosanoat majmuida xizmat koʻrsatish markazi” soʻzlari “Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi qoshidagi “Agrosanoat majmuida xizmatlar koʻrsatish markazi” soʻzlari bilan almashtirilsin;

22-bandning ikkinchi xatboshisidagi “Markazning hududiy laboratoriyasiga” soʻzlari “Markazning paxta mahsulotlari hududiy sinov laboratoriyasiga” soʻzlari bilan almashtirilsin;

32-bandning ikkinchi xatboshidagi “Inspeksiya vakili” soʻzlari “Markaz xodimi” soʻzlari bilan almashtirilsin;

35-bandda:

birinchi xatboshidagi “vakili” soʻzi “xodimi” soʻzi bilan almashtirilsin;

ikkinchi xatboshidagi “Markazning hududiy filial laboratoriyasi vakili” soʻzlari “Markazning paxta mahsulotlari hududiy sinov laboratoriyasi xodimi” soʻzlari bilan almashtirilsin;

39-bandning ikkinchi xatboshisidagi “Inspeksiya vakiliga” soʻzlari “Markazga” soʻzlari bilan almashtirilsin;

46-banddagi “Inspeksiya vakili” soʻzlari “Markaz xodimi” soʻzlari bilan almashtirilsin;

47-banddagi “Inspeksiya vakili” soʻzlari “Markaz xodimi” soʻzlari bilan almashtirilsin;

48-banddagi “Inspeksiya” soʻzi “Markaz” soʻzi bilan almashtirilsin;

Paxta tozalash va yogʻ-moy korxonalarida paxta chigitini ishlab chiqarish, harakati, saqlash hamda qayta ishlashda dastlabki hisobga olishni tashkil etish tartibi toʻgʻrisida Nizomga 1-shaklidagi “Inspeksiyaning vakili” soʻzlari “Markazning” soʻzi bilan, “Inspeksiya vakili” soʻzlari “Markaz” soʻzi bilan tegishlicha almashtirilsin.

5. Vazirlar Mahkamasining “Ishlab chiqarilayotgan paxta moyi sifatini oshirishni yanada ragʻbatlantirish chora-tadbirlari toʻgʻrisida” 2008-yil 4-sentabrdagi 200-son qarorida (Oʻzbekiston Respublikasi QHT, 2008-y., 35-36-son, 349-modda):

a) 4-banddagi “Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi huzuridagi “Agrosanoat majmuida xizmat koʻrsatish markazi” soʻzlari “Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi qoshidagi “Agrosanoat majmuida xizmatlar koʻrsatish markazi” soʻzlari bilan almashtirilsin;

b) 5-bandning birinchi xatboshisidagi “Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi” soʻzlari “Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi” soʻzlari bilan almashtirilsin.

6. Vazirlar Mahkamasining “Internet tarmogʻida Oʻzbekiston Respublikasining Hukumat portaliga axborotlarni taqdim etish va joylashtirish tartibi toʻgʻrisida” 2009-yil 21-apreldagi 116-son qaroriga (Oʻzbekiston Respublikasi QT, 2009-y., 4-son, 30-modda) 1-ilovaning 29-pozitsiyasining “Masʼullar” ustunidagi “Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi” soʻzlari “Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi” soʻzlari bilan almashtirilsin.

8. Vazirlar Mahkamasining 2013-yil 19-martdagi 82-son qarori (Oʻzbekiston Respublikasi QT., 2013-y., 12-son, 155-modda) bilan tasdiqlangan Oʻzbekiston Respublikasida suvdan foydalanish va suv isteʼmoli tartibi toʻgʻrisidagi nizomda:

a) 5-banddagi “Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi” soʻzlari “Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi” soʻzlari bilan almashtirilsin;

b) 48-bandning oltinchi xatboshisidagi “Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi” soʻzlari “Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi” soʻzlari bilan almashtirilsin;

v) 58-bandning uchinchi xatboshisidagi “Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi” soʻzlari “Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi” soʻzlari bilan almashtirilsin;

g) 61-bandning ikkinchi xatboshisidagi “Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi hamda uning mahalliy boʻlinmalari” soʻzlari “Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi hamda uning hududiy boʻlinmalari” soʻzlari bilan almashtirilsin;

d) 63-bandning ikkinchi xatboshisidagi “Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi” soʻzlari “Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi” soʻzlari bilan almashtirilsin;

e) 66-banddagi “Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasini rivojlantirish jamgʻarmasi” soʻzlari “Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasini rivojlantirish jamgʻarmasi” soʻzlari bilan almashtirilsin;

yo) 67-bandda:

uchinchi xatboshidagi “Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasini rivojlantirish jamgʻarmasiga” soʻzlari “Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasini rivojlantirish jamgʻarmasiga” soʻzlari bilan almashtirilsin;

beshinchi xatboshidagi “Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi” soʻzlari “Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi” soʻzlari bilan almashtirilsin.

9. Vazirlar Mahkamasining 2014-yil 3-apreldagi 80-son qarori (Oʻzbekiston Respublikasi QT, 2014-y., 4-son, 33-modda) bilan tasdiqlangan Sugʻurta urugʻlik fondini tashkil etish va undan foydalanish tartibi toʻgʻrisidagi nizomda:

a) 11 va 28-bandlardagi “Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi huzuridagi “Agrosanoat majmuida xizmat koʻrsatish markazi” soʻzlari “Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi qoshidagi “Agrosanoat majmuida xizmatlar koʻrsatish markazi” soʻzlari bilan almashtirilsin;

b) 1-ilovada:

“Masʼullar” ustuni “Gʻoʻza va boshoqli don ekinlari uchun” boʻlimi “5-bosqich” pozitsiyasidagi, “Boshqa qishloq xoʻjaligi ekinlari urugʻlari uchun” boʻlimi “4-bosqich” pozitsiyasidagi “Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi huzuridagi “Agrosanoat majmuida xizmat koʻrsatish markazi” soʻzlari “Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi qoshidagi “Agrosanoat majmuida xizmatlar koʻrsatish markazi” soʻzlari bilan almashtirilsin;

v) 2-ilovada:

“Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi huzuridagi “Agrosanoat majmuida xizmat koʻrsatish markazi” davlat unitar korxonasining hududiy laboratoriyasi mudiri” soʻzlari “Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi qoshidagi “Agrosanoat majmuida xizmatlar koʻrsatish markazi” davlat unitar korxonasining hududiy laboratoriyasi xodimi” soʻzlari bilan almashtirilsin;

g) 3-ilovada:

“Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi huzuridagi “Agrosanoat majmuida xizmat koʻrsatish markazi” davlat unitar korxonasining hududiy laboratoriyasi mudiri” soʻzlari “Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi qoshidagi “Agrosanoat majmuida xizmatlar koʻrsatish markazi” davlat unitar korxonasining hududiy laboratoriyasi xodimi” soʻzlari bilan almashtirilsin.

10. Vazirlar Mahkamasining 2014-yil 8-sentabrdagi 252-son qarori (Oʻzbekiston Respublikasi QHT, 2014-y., 37-son, 469-modda) bilan tasdiqlangan Naslli mahsulotni (materialni) eksport va import qilish tartibi toʻgʻrisidagi nizomda:

a) 8-bandning “l” kichik bandi ikkinchi xatboshisidagi “Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasiga” soʻzlari “Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasiga” soʻzlari bilan almashtirilsin;

b) 11-banddagi “Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi” soʻzlari “Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi” soʻzlari bilan almashtirilsin;

v) 1-ilovada:

“Masʼullar” ustunidagi “Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi” bloki “Oʻzbekiston Respublikasi Veterinariya va chorvachilikni rivojlantirish davlat qoʻmitasi” bloki bilan almashtirilsin.

11. Vazirlar Mahkamasining “Seleksiya yutuqlari sinovlarini oʻtkazishni tashkil etish chora-tadbirlari toʻgʻrisida” 2014-yil 29-dekabrdagi 369-son qarorida (Oʻzbekiston Respublikasi QHT, 2014-y., 52-son, 643-modda):

a) 1-bandning uchinchi xatboshisidagi “Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi” soʻzlari “Oʻzbekiston Respublikasi Veterinariya va chorvachilikni rivojlantirish davlat qoʻmitasi” soʻzlari bilan almashtirilsin;

b) 3-banddagi “Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi” soʻzlari “Oʻzbekiston Respublikasi Veterinariya va chorvachilikni rivojlantirish davlat qoʻmitasi” soʻzlari bilan almashtirilsin.

12. Vazirlar Mahkamasining “Qishloq xoʻjaligi texnikalari konstruksiyasining xavfsizligi toʻgʻrisidagi umumiy texnik reglamentni tasdiqlash haqida” 2016-yil 18-martdagi 80-son qarorining rus tilidagi matnida (Oʻzbekiston Respublikasi QHT, 2016-y., 12-son, 111-modda):

a) 4-bandidagi “Inspeksiyu po kontrolyu za agropromishlennim kompleksom i obespecheniyem prodovolstvennoy bezopasnosti pri Generalnoy prokurature Respubliki Uzbekistan” soʻzlari “Inspeksiyu po kontrolyu za agropromishlennim kompleksom pri Kabinete Ministrov Respubliki Uzbekistan” soʻzlari bilan almashtirilsin;

b) ilovada:

22-banddagi “Inspeksiya po kontrolyu za agropromishlennim kompleksom i obespecheniyem prodovolstvennoy bezopasnosti pri Generalnoy prokurature Respubliki Uzbekistan” soʻzlari “Inspeksiya po kontrolyu za agropromishlennim kompleksom pri Kabinete Ministrov Respubliki Uzbekistan” soʻzlari bilan almashtirilsin.

14. Vazirlar Mahkamasining 2016-yil 7-oktabrdagi 336-son qarori (Oʻzbekiston Respublikasi QT, 2016-y., 10-son, 89-modda) bilan tasdiqlangan Rahbarlari xodimlarni Toshkent shahri va Toshkent viloyatida doimiy propiska qilish toʻgʻrisida iltimosnoma kiritishi mumkin boʻlgan davlat hokimiyati organlari, davlat va xoʻjalik boshqaruvi organlari, respublika ahamiyatiga molik boshqa davlat tashkilotlari roʻyxatiga quyidagi mazmundagi 71-band qoʻshilsin:

“71. “Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi”.

15. Vazirlar Mahkamasining 2016-yil 24-noyabrdagi 394-son qarori (Oʻzbekiston Respublikasi QT, 2016-y., 11-son, 107-modda) bilan tasdiqlangan Oʻzbekiston Respublikasi Intellektual mulk agentligi toʻgʻrisidagi nizomning 6-bandi yettinchi xatboshisidagi “Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi” soʻzlari “Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi” soʻzlari bilan almashtirilsin.

16. Vazirlar Mahkamasining “Avtomobillarni gaz bilan toʻldirish kompressor stansiyalari tarmogʻini rivojlantirish va avtotransport vositalarini siqilgan tabiiy gazga bosqichma-bosqich oʻtkazish hamda ularda gaz balloni asbob-uskunalarini xavfsiz ishlatishni taʼminlash boʻyicha qoʻshimcha chora-tadbirlar toʻgʻrisida” 2017-yil 11-oktabrdagi 815-son qarorining rus tilidagi matnida:

a) 14-banddagi “Inspeksii po kontrolyu za agropromishlennim kompleksom i obespecheniyem prodovolstvennoy bezopasnosti pri Generalnoy prokurature” soʻzlari “Inspeksii po kontrolyu za agropromishlennim kompleksom bezopasnosti pri Kabinete Ministrov” soʻzlari bilan almashtirilsin;

b) 5-ilovadagi “Nachalnik upravleniya po kontrolyu za agropromishlennim kompleksom i obespecheniyem prodovolstvennoy bezopasnosti pri Generalnoy prokurature Respubliki Uzbekistan” soʻzlari “Zamestitel nachalnika Inspeksii po kontrolyu za agropromishlennim kompleksom pri Kabinete Ministrov pri Kabinete Ministrov” soʻzlari bilan almashtirilsin.

17. Vazirlar Mahkamasining ““Oʻzpaxtasanoat” aksiyadorlik jamiyati korxonalarida ishlab chiqarilgan paxta tolasini sotish va hisob-kitoblar mexanizmini takomillashtirish toʻgʻrisida” 2018-yil 12-fevraldagi 106-son qarorida (Oʻzbekiston Respublikasi QT, 2018-y., 2-son, 31-modda):

a) 6-banddagi “Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi” soʻzlari “Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi” soʻzlari bilan almashtirilsin;

b) 1-ilovaning 14-bandida:

“Oʻzbekiston Respublikasi Bosh prokuraturasi huzuridagi Agrosanoat majmui va oziq ovqat xavfsizligi taʼminlanishi ustidan nazorat qilish inspeksiyasi qoshidagi “Agrosanoat majmuida xizmat koʻrsatish markazi” soʻzlari “Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi qoshidagi “Agrosanoat majmuida xizmatlar koʻrsatish markazi” soʻzlari bilan almashtirilsin;

“Oʻzpaxtasanoat” AJ soʻzlaridan keyin “paxta-toʻqimachilik ishlab chiqarishlari va klasterlari tashkilotchilari” bilan toʻldirilsin;

v) 2-ilovada:

4-bandining toʻrtinchi xatboshisidagi “Oʻzbekiston Respublikasi Bosh prokuraturasi huzuridagi Agrosanoat majmui va oziq ovqat xavfsizligi taʼminlanishi ustidan nazorat qilish inspeksiyasi” soʻzlari “Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi” soʻzlari bilan almashtirilsin;

Birja savdolarida xaridorlarga sotiladigan paxta tolasi uchun hisob-kitob qilish sxemasining 2-bosqichi “Tadbirlar” ustunidagi “Agrosanoat majmuida xizmat koʻrsatish markazi” soʻzlari “Agrosanoat majmuida xizmatlar koʻrsatish markazi” soʻzlari bilan almashtirilsin.

g) 3-ilovada:

1-bandda:

“Oʻzbekiston Respublikasi Bosh prokuraturasi huzuridagi Agrosanoat majmui va oziq ovqat xavfsizligi taʼminlanishi ustidan nazorat qilish inspeksiyasi qoshidagi “Agrosanoat majmuida xizmat koʻrsatish markazi” soʻzlari “Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi qoshidagi “Agrosanoat majmuida xizmatlar koʻrsatish markazi” soʻzlari bilan almashtirilsin;

“paxta-toʻqimachilik klasterlari” soʻzlari “paxta-toʻqimachilik ishlab chiqarishlari va klasterlari tashkilotchilari” soʻzlari bilan almashtirilsin;

26-bandining beshinchi xatboshisida:

“Mintaqaviy” soʻzi “Hududiy” soʻzi bilan almashtirilsin;

“Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi qoshidagi “Agrosanoat majmuida xizmat koʻrsatish markazi” soʻzlari “Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi qoshidagi “Agrosanoat majmuida xizmatlar koʻrsatish markazi” soʻzlari bilan almashtirilsin;

1-ilovaning rus tilidagi matni quyidagi tahrirda bayon etilsin:

“PRILOJENIYE № 1 k Polojeniyu o poryadke sertifikatsii i vzveshivaniya xlopkovogo volokna

2-ilovaning rus tilidagi matni quyidagi tahrirda bayon etilsin:

“PRILOJENIYE № 2 k Polojeniyu o poryadke sertifikatsii i vzveshivaniya xlopkovogo volokna

3-ilovaning rus tilidagi matni quyidagi tahrirda bayon etilsin:

“PRILOJENIYE № 3 k Polojeniyu o poryadke sertifikatsii i vzveshivaniya xlopkovogo volokna

4-ilovaning rus tilidagi matni quyidagi tahrirda bayon etilsin:

“PRILOJENIYE № 4 k Polojeniyu o poryadke sertifikatsii i vzveshivaniya xlopkovogo volokna

6-ilovaning rus tilidagi matni quyidagi tahrirda bayon etilsin:

“PRILOJENIYE № 6 k Polojeniyu o poryadke sertifikatsii i vzveshivaniya xlopkovogo volokna

7-ilovaning rus tilidagi matni quyidagi tahrirda bayon etilsin:

“PRILOJENIYE № 7 k Polojeniyu o poryadke sertifikatsii i vzveshivaniya xlopkovogo volokna

8-ilovaning rus tilidagi matni quyidagi tahrirda bayon etilsin:

“PRILOJENIYE № 8 k Polojeniyu o poryadke sertifikatsii i vzveshivaniya xlopkovogo volokna

9-ilovaning rus tilidagi matni quyidagi tahrirda bayon etilsin:

“PRILOJENIYE № 9 k Polojeniyu o poryadke sertifikatsii i vzveshivaniya xlopkovogo volokna

18. Vazirlar Mahkamasining 2018-yil 3-maydagi 322-son qarori bilan tasdiqlangan Maʼmuriy huquqbuzarlik sodir etgan shaxslar va maʼmuriy huquqbuzarlik yoʻli bilan maʼnaviy, jismoniy yoki mulkiy zarar yetkazilgan shaxslarni markazlashtirilgan hisobga olish tartibi toʻgʻrisidagi nizomga 8-ilovaning “Maʼmuriy huquqbuzarliklar toʻgʻrisidagi ishni koʻrib chiqishga (bayonnomalarni tuzishga, ish qoʻzgʻashga) vakolatli organlar” ustuni 280-pozitsiyasi nomlanishidagi “Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi organlari” soʻzlari “Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi organlari” soʻzlari bilan almashtirilsin.

19. Vazirlar Mahkamasining 2018-yil 26-oktabrdagi 873-son qarori bilan tasdiqlangan Prokuratura organlari xodimlariga imtiyozli shartlarda kreditga uy-joy va avtotransport vositalarini sotib olish uchun dastlabki badalni kiritish maqsadida Majburiy ijro byurosini rivojlantirish jamgʻarmasi mablagʻlari hisobidan foizsiz qarz berish tartibi toʻgʻrisidagi nizomda:

a) 1-banddan “Oʻzbekiston Respublikasi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi (keyingi oʻrinlarda Inspeksiya deb ataladi)” soʻzlari chiqarib tashlansin.

b) 2-bandda:

ikkinchi xatboshi quyidagi tahrirda bayon qilinsin:

“ish beruvchi — Bosh prokuratura, Qoraqalpogʻiston Respublikasi, viloyatlar, Toshkent shahar prokuraturalari va ularga tenglashtirilgan prokuraturalar, Departament hamda Byuroning markaziy apparatlari va ularning hududiy boshqarmalari”;

uchinchi xatboshidan “Inspeksiya” soʻzi chiqarib tashlansin.

23. Vazirlar Mahkamasining “Fermer xoʻjaliklari va boshqa qishloq xoʻjaligi korxonalari yer maydonlarini maqbullashtirish hamda qishloq xoʻjaligi ekin yerlaridan samarali foydalanishga doir qoʻshimcha chora-tadbirlar toʻgʻrisida” 2019-yil 9-yanvardagi 14-son qarorida:

a) 1-ilova (II. Respublika ishchi guruhi) Sirdaryo viloyati 1-bandi “B.Vaxobov — Agrosanoat majmui va oziq-ovqat xavfsizligini taʼminlanishi ustidan nazorat qilish inspeksiyasi boshligʻi oʻrinbosari” degan soʻzlar “I.Xamrayev — Agrosanoat majmui ustidan nazorat qilish inspeksiyasi boshligʻi oʻrinbosari” soʻzlari bilan almashtirilsin.

b) 2-ilova 16-bandi “Bosh prokuratura huzuridagi Agrosanoat majmui va oziq-ovqat xavfsizligini taʼminlanishi ustidan nazorat qilish inspeksiyasi” degan soʻzlar “lavozim boʻyicha — Vazirlar Mahkamasi huzuridagi Agrosanoat majmui ustidan nazorat qilish inspeksiyasi” soʻzlari bilan almashtirilsin.

v) 3-ilova 17-bandi “Bosh prokuratura huzuridagi Agrosanoat majmui va oziq-ovqat xavfsizligini taʼminlanishi ustidan nazorat qilish inspeksiyasi” degan soʻzlar “lavozim boʻyicha — Vazirlar Mahkamasi huzuridagi Agrosanoat majmui ustidan nazorat qilish inspeksiyasi” soʻzlari bilan almashtirilsin.