Qishloq xoʻjaligi va meliorativ texnika hamda mashina-traktor parklari, ustaxonalar va servis punktlarining asbob-uskunalarini texnik koʻrikdan oʻtkazish toʻgʻrisida (552-son)

04.02.2019

Sirdaryo viloyati Sardoba tuman hokimining

Qarori

“Mahalliy davlat hokimiyati toʻgʻrisida”gi Oʻzbekiston Respublikasi qonunining 6, 25-moddalariga asoslanib, Oʻzbekiston Respublikasi qishloq va suv xoʻjaligi vazirining 2013-yil 2-apreldagi 58-sonli buyrugʻi bilan tasdiqlangan “Qishloq xoʻjaligi va meliorativ texnikani, shuningdek mashina-traktor parklari, ustaxonalar va servis punktlarining asbob-uskunalarini texnik koʻrikdan oʻtkazish tartibi toʻgʻrisida”gi nizomga (roʻyxat raqami 2452, 25.04.2013-y) (Oʻzbekiston Respublikasi Qonun hujjatlari toʻplami 2013-y, 17-son 229-modda) muvofiq 2019-yilda Sardoba tumandagi qishloq xoʻjaligi va meliorativ texnikani, shuningdek mashina-traktor parklari, ustaxonalar va servis punktlarining asbob-uskunalarini texnik koʻrikdan oʻtkazish maqsadida qaror qilaman:

1. Tumanda mulkchilik shaklidan qatʼiy nazar korxona va tashkilotlar, fermer xoʻjaliklari va jismoniy shaxslarda mavjud boʻlgan qishloq xoʻjaligi va meliorativ texnikani, shuningdek servis asbob-uskunalarini texnik koʻrikdan oʻtkazish jadvali 1-ilovaga muvofiq, qishloq xoʻjaligi va meliorativ texnikani, shuningdek mashina-traktor parklari, ustaxonalar va servis asbob-uskunalarini texnik koʻrikdan oʻtkazish komissiyasi tarkibi 2-ilovaga muvofiq tasdiqlansin.

2. Texnikalarni texnik koʻrikdan oʻtkazilganlik uchun qonun hujjatlarida belgilangan tartibda va miqdorda yigʻim undiriladi.

Bunda, texnikani qayta koʻrikdan oʻtkazish uchun mulkdordan yigʻim undirilmaydi.

3. Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasining tuman boʻlimi bosh inspektori (S. Boyqulov)ga:

mulkchilik shaklidan qatʼiy nazar barcha rusumdagi qishloq xoʻjaligi va meliorativ texnikani, shuningdek servis asbob-uskunalarini texnik koʻrikdan oʻtkazish toʻgʻrisidagi jadvalni yuridik va jismoniy shaxslarga yetkazish;

mulkchilik shaklidan qatʼiy nazar barcha rusumdagi qishloq xoʻjaligi va meliorativ texnikani, shuningdek servis asbob-uskunalarini texnik koʻrikdan oʻtkazish maydonchalariga yigʻish;

texnik koʻrikdan oʻtgan texnikalarni dalolatnomalar asosida ishlashga ruxsat berishni tashkil qilish vazifasi topshirilsin.

4. Qishloq xoʻjaligi va meliorativ texnika, shuningdek servis asbob-uskunalariga ega boʻlgan korxonalar, tashkilotlar, fermer xoʻjaliklari va jismoniy shaxslar:

hisobidagi texnikalarni belgilangan muddatlarda texnik koʻrikdan oʻtkazish maydonchalariga yigʻishni;

texnik koʻrikdan oʻtkazish bilan toʻlovlarni oʻz vaqtida toʻlanishini taʼminlasin.

5. Texnikalarni texnik koʻrikdan oʻtkazish davomida komissiya tarkibida ish olib borgan xodimlarning doimiy ish joylaridagi oylik ish haqlari saqlanib qolinsin.

6. Ushbu qaror kuchga kirishi bilan tuman hokimining 2018-yil 2-fevraldagi 331-sonli qarori oʻz kuchini yoʻqotgan deb hisoblansin

7. Qaror “Sharafli yoʻl” gazetasida rasmiy eʼlon qilinsin hamda tuman hokimligining veb-saytiga joylashtirilsin.

8. Qaror rasmiy eʼlon qilingan kundan boshlab kuchga kiradi.

9. Qarorning bajarilishini nazorat qilish tumani hokimining oʻrinbosarlari A. Ergashev va I. Tojiyev zimmalariga yuklatilsin.

Hokim A. XIDIROV

Paxtaobod sh.,

2019-yil 4-fevral,

552-son

Tuman hokimining 2019-yil 4-fevraldagi 552-sonli qaroriga 1-ILOVA

Qishloq xoʻjaligi va meliorativ texnikani, shuningdek servis asbob-uskunalarini texnik koʻrikdan oʻtkazish

JADVALI

T/r Yer tekislagichlar Texnika rusumi Texnik koʻrikdan oʻtkazish muddati Texnik koʻrikdan oʻtkazish manzili Texnik koʻrikdan oʻtkazish sanasi 1. Chopiq traktorlar P-4 2018-yil 1-chorak Tuman MTP AJ Tuman MTP AJ Kultivatorlar MTZ-80x, TTZ 80-11, T-28X4, LS 100 N Chigit ekish seyalkalar KRX-4, KXU-3,6 Tishli baranalar SChX-4, Chizellar BZS-1 Mineral oʻgʻit sepgichlar ChKN-4, ChKU-4V Pushta olgichlar NRU-0,5 Yer tekislagichlar GX-4 2. Gʻalla oʻrish kombaynlari KEYS, Yangi Zellandiya, KLASS, “NIVA”, “ENISEY” 2019-yil 2-chorak Tuman MTP AJ aprel, may, iyun Zichlab bogʻlagʻichlar 3. Don ekish seyalkalari SZ-3,6, SZU-3,6, SZT-3,6 2019-yil 3-chorak Tuman MTP AJ iyul, avgust, sentyabr Oʻt oʻrgichlar KIR-0,5 Em xashak, makka oʻrish va boshqa kombaynlari KSK-100, E-281, E-282, E-301, E-302, MARAL-125, KKP-3 Gʻoʻza chilpigichlari Transport traktorlari MTZ-80, TTZ 80-10, T-28X4 MS-1, YuMZ-6L Traktor tirkamalari 2PTS4-739 Yuklagichlar LW-300, XGMG-931 Purkagichlar OVX-600 Haydov traktorlari Arion Magnum Yangi Zellandiya, T-4ADT-75M, T-150K, K-701A Omochlar PN-3-35,4-35,2-35, Lemkin PYa-3-35 Paxta terish mashinalari MX-1,8 4. Buldozyerlar DZ-606, AZ-101, TY-160, T-160 2019-yil 4-chorak Tuman MTP AJ oktyabr, noyabr, dekabr Ekskavatorlar LUGO№, NU№DAI, EO-4111, EO-304, EO-652, DOOSA№. Skrepyerlar K-700, K-701. Yoʻl qurilish mashinalari FOGEL, D-54, DZ-87, DZ-994 Organik oʻgʻit sepgichlar RUM-5, ROU-6

Tuman hokimining 2019-yil 4-fevraldagi 552-sonli qaroriga 2-ILOVA

Qishloq xoʻjaligi va meliorativ texnikani, shuningdek mashina-traktor parklari, ustaxonalar va servis asbob-uskunalarini texnik koʻrikdan oʻtkazish komissiyasi

tarkibi

Izoh: Komissiya aʼzolaridan biri boshqa ishga oʻtgan taqdirda ushbu lavozimga yangidan oʻtgan xodimlar yoxud zimmasiga tegishli funksiyalarni bajarish yuklangan xodimlar komissiya tarkibiga kiritiladi.

Tuman komissiyasi tashkilot va idoralarining tarkibiy boʻlinmalari mutaxassislarini, nodavlat notijorat tashkilotlarining vakillarini, mustaqil ekspertchilarni jalb etishlari mumkin.